رباط الدم (الجزء الاول)

رباط_الدم1
كنت بجري وخطواتي تقيله.. حركتي بطيئه .. هو بيقرب ناحيتي اسرع ..ايده خلاص هتطولني
مش عايزه ابص ورايا عشان مشوفش شكله.. بحاول اصرخ صوتي مش طالع.. بحاول أجرى اسرع لكني مشلوله في مكاني وفجأه.....  لقيته في وشي!!!

فتحت عيني.. دي أوضتي.. سريري..مخدتي و.. بندق دبدوبي جمبي!
مش هخلص من كابوس كل يوم ده ، مبقتش عيشه دي والله !
قومت اتمشيت للمطبخ وأنا متردده رجل ورأ ورجل قداام مييية مره أقولهم سيبوا النور مفتوح ومفيش فايده
بابا طول م هو وماشي شغال يطفي في الأنوار تقولشي وزارة الكهربا مسلطاه علينا..
جبت قراره الميه من الثلاجة بمجرد م ممسكتها وحدتها جرى فوريره من المطبخ لاوضتي...  للعفريت يمسكني ولا حاجه!

قعدت ع السرير افكر ف الحلم اللي مش راضي يحل عن سمايا ده مفيش مره عقلي الباطن العره ده يدخلني في حلم رومانسي أبدا الا كله رعب رعب مفيش طراوه ابدا
فضلت اشرب من القزازه وأنا بفكر بصوت عالي..

= يعني يرضيك كده يا بندق ؟
-تؤ تؤ
-طلعت الميه من بوقي زي النافوره وشنقت قمت ناطه مترين لورا..
هو بندق اتكلم ولا انا بيتهيأالي ؟
لالالالاا انا حالتي بقت صعبه قوي لسه صغيره ع الجنان اناا قال بندق بيتكلم قاال اهاهاه...  طب اناام ازااي انا دلوقت!
مكنش ينفع انام غير لما اتاكد مش مستغنيه عن عمري عشان انام جمب دبدوب بيتكلم انا ؟
مسكت شماعه من دولابي ووجهتها ناحيته ونغزته.. متحركش!
ضحكت زي العبيطه علي افكاري بايني لسعت والله..
قبل م ارجع الشماعه واروح انام بصيت لبندق لاخر مره وضحكت باستخفاف ونغزته للمره الاخيره... وفجأه!

-هيهيهيييهييييي يا مضروبه بغير
-عاااااااا بسم الله الحفيظ
-ايييه يالدلعادي شوفتي عفريت ولا شوفتي عفريت
-يالدلعادي  !! عفريت من شارع الهرم ؟
-لا من شارع المسله اهاهاها
-تصدق عيب علي هيئتك بوظت سمعة العفاريت والله
-لا علي فكره انا جامد قوي وممكن اخوفك بس قولت اجيلك علي هيئة الدبدوب ده عشان متصوتيش وتفضحينا و اه بالمناسبه ابقي اغسليه الريحه هنا دمار هفيص منها
- لا فيك الخير والله ولما انت تيجي ع هيئة بندق وتخرعني بالشكل ده انا كده استفدت ايييييه!
- فراخ بانيه
- لا كده القعده صغرت قوووي والله اقرا عليك احرقك
- قفوشين قوي البني ادمين دول ، المهم
- ايوووووه المهم انت مييييين وجايلي علي هئة دبدوبي لييييه
- جاي علي هيئة دبدوبك وعاصر علي نفسي لمونه عشاان ملقتش حل غيره كده وخطر عليا اني اظهرلك بهيئتي او بهيئه بشريه وزي م حضرتك عارفه يا متعلمه يا بتاعة المدارس ان المجسمات والصور عامله زي بيت ضيافه لينا ممكن نتقمصها وقت م نحب وللاسف ملقتش غير الدبدوب ده عشان اتقمصه يا ريتني خاطرت وظهرتلك احسن والله بدل كمية القطن اللي داخله ف بقي دي
- اهاااا بس برضو معرفتش انت مين وجيت هنا ليه ؟
- اولا انا مجتش هنا.. انا جيت ليكي انتي وليه دي عشان مش بمزاجي اما عن اسمي فانا يا ستي ابقي من الجن النصيبيين واسمي...

-ايه ده اييه ده في ايه الاوضه بتتهز ليه كده انت عملت ايه ؟؟
-معملتش حاجه تلاقيهم هما اللي عملوا كده
-يا نهااار فحلقي هما ميين دول كمان ؟
-مفيش وقت افهمك بسرعه اقفي في ركن الاوضه متقفيش في النص
- ليييه؟؟
- بقولك اجررري ع الركن
لسه هجري ع اي ركن من اركان اوضتي وانا مش فاهمه ايه اللي بيحصل ولا عارفه احدد اعمل ايه ومعملش ايه فجأه لقيت الدبدوب اترمي في نص الاوضه بصيتله لقيته مش ناطق حسيت فجأه بهوا شديد بيحركني اتفزعت واتجمدت مكاني لحد م لقيت صوت فجأه من ورايا...

وصلوا !!

يتبع