رباط الدم (الجزء الثاني)

رباط_الدم2

وصلوا!!!
أول م سمعت الكلمه دي وبدأت ازحف علي ركن الاوضه ورأ وساحبه معايا بندق مسكاه ف ايدي وكأني بحتمي بيه من اللي حصلان ده..  بحتمي بدبدوب من العفاريت  الأمر مش منطقي بس ف المواقف دي الواحد بيدور ع لي بصيص نور يطمنه حتي وان كان..  دبدوب بيتكلم!

-ان اان ااااااا
-دخول رايق بيسبب حرايق
-شوفت دخلتي !! كنت هتكعبل ف الستاير بس عملت كده مجتش فيا
-ولاااا ارروووع ياا ذوق.. بس انا حاسس أننا ناسيين حاجه
-وانا كمان حاسس ان إحنا نسينا حاجه كبيره
-المهمممممه !!
-المهمممممه!!

-احم مش حابه أقاطعكم والله بس لو ملهاش إساءة أدب أنتو مين أنتو الاثنين وبتعملوا ايه ف اوضتي ف الوقت ده ؟!
-ثانيه واحده انتي ازاي بتكلميني كده ومش خايفه يا بنت ؟!
- ربما لأني مش شايفه غير غيمتين سود طالع منهم صوت
- اه صحيح عذرا عذرا عطل فني ثانيه واحده هنظهرلك وانتي اترعبي ماشي !
- م..
- لو حد فيكم فكر يظهر بشكله الحقيقي ليها مش هتعرف يرجع تاني.. لأن نهايته هتكون على أيدي!
- كنا عارفين انك هتكون هنا
- وانا كنت مستنيكم
- مفيييش فايده م اللي انت بتعمله ده وانت عاارف كده كويس
- وعارف برضو انكم لو فكرتو تاخدو خطوه واحده دلوقت هيبقي بتاخدوها ناحية موتكم
- هو مش هيسيبك في حالك ولا...  هيسيبها!
- يبقي البادي اظلم
- كده انت اللي اخترت واعتبر اللي هيحصل دلوقت دفعه تحت الحساب....

كنت مركزه في الحوار وانا مش فاهمه اي حاجه وبحاول استوعب فجأه ومن غير اي مقدمات حسيت ان الاوضه بتتهز كلها بعنف وكأنها هتتهد عليا وكل حاجه بتقع وتتكسر ، دخان اسود كثيف بدأ ينتشر ف كل الاوضه مبقتش شايفه حاجه ، بدأت احسس علي الحيطان عشان اسند نفسي لاقع لكن فجأه اختل توازني تماما حسيت اني مش بقع علي ارضية اوضتي حسيت اني بقع من جبل عالي...  وغبت عن الوعي!

-ياا فرحاااااااااه قووومي الضهر خلاص ع اذان
-قمت مفزوعه وانا بعدي بعنيا ع كل حاجه حوليا
-ايوه دي اوضتي يااااه حلم غريب دنا خياالي وااسس...
احييييه بندق بيضحكلي ؟
- ظالمينا والله بيقولوا علينا نخوف مشافوش بنات الانس وهما صاحيين من النوم ابدا ، يااا حفيييظ
- اااايي.. ايييه د د دده !! ، انن اننت مكنتش كابوس يعني ؟
- كابوووس ؟ اخصصص عليكي اخص ده بدل م تشكريني وتديني شوية بخور ناشف هديه ع الواجب اللي عملتهولك امبارح
- عملللك وزهمللك يا منييل عفارييت اخر زمن بصحيح ، انت ميبن ومين اللي كانوا معاك امبارح دول واييه...
- باااس واحد واحد هو امتحان الله ، اسمي آصف ومش جاي عشان اذي لاني لو حابب اذيكي كنت اذيتك من زمان اقل حاجه كان ممكن اظهرلك اخرعك تطبي ساكته
- واللي كانوا امبارح دول اكيد مكنوش جايين يمسوا عليكي
- ايوه برضوو ميين دول يعني ؟وليه جايين طالما نيتهم شر كده
- دول دنهش وطلمش يمكن من اقوي المرده عندنا وجايين هنا تنفيذا للاوامر
- اوامر مين؟ عندكم فين ؟ ... انت مين ؟
- مش ناقصه غباااء مش فيزيا هي
- اه صح مش فيزيا فعلا سوري يا أستاذ آصف اصل مش وااااخددده ع ان عفاااارييت من الجننن يطلعووولي فجأه وانا ف أمان الله دي مش فيزياء دي فانتازيااا
- م تخليكي رويحه اومال خلي في عندك مرونه كده عشان الأمور تبقي سهله معاكي
- رويحه ؟ وتبقى سهله!  ليييه خيير ناويين تطولوا عندي ولا حاجه
- على حسب
- على حسب ايييه انت هتجنني م توهنيش ف الكلام وقولي اييه اللي بيحصل هنا واصلا انت جيت تعمل ليه هنا ؟
- انتي بتكلمي مين يا فرحه ؟!
- متبحلقليش كده قوليلها انك بتكلمي بندق دبدوبك كالعاده هي عارفاكي هبله ومش هتستغرب ، هي لا شايفاني ولا سامعني..  ردي عليها بقولك!
- هبله!  يابن ال...  ، ها لا لا ي ماما انا اناا بس كنت بكلم بندق انتي عارفاكي بقي هه ولا ايه
- اه يا بنتي عارفاني ربنا يشفيكيي يا أخرة صبري 
تعالى يلا عشان تفطري مع أختك وتلحقي تروحي كليتك
-ح حااضر هوا هتلاقيني عندك
-طبعا مش اكل لازم تروحيلها هوا
-اخررس انت خاالص
-لا بقولك اييه مش عشان جايلك ع هيئة دبدوب يبقي تاخدي عليا كده لا خافي مني بقولك انا بارانومال اكتيفيتي هاه خافي احسنلك
- لسه سكتنا طويله فعايزين نكون حلوين كده مع بعضينا من اولها ماشي يا فرحوووشتيي
- فررر ايبيه يا عنيا ، طب والله العظيم عليه العوض ومنه العوض علي هيبة العفاريت
- يا فرحااااه الاكل هيبررد
- حااااضررر ي ماماااا
- -----------
انتهي الطعام لتذهب فرحه إلي جامعتها لتباشر محاضراتها  محاولة التظاهر بأن كل شيء طبيعيا وهو ابعد ما يكون عن ذلك...
- اغلب الاساطير بتاعتنا هناخدها باللاتينيه بس قبل م نكمل بقية المنهج هناخد فاصل بسيط عن اي اسطوره سمعت بيها او قريتها وعجبتك تشارك بيها هنا ف المحاضره وتقولهالنا وانا هبدأ اول واحد..
- زمان سمعت باسطوره قديمه بتقول إن اي اتنين مصيرهم بيكون مرتبط ببعض بيكون معقود باطراف صابعهم خيط مش مرئي محدش يقدر يشوفه وانه مهما الاتنين بعدوا ولا قربوا بيتمدد وينكمش معتهم بس همره م يتقطع ، بيكون مصاحب ليهم مدي العمر زي الهاله اللي بتكون حوالين البني ادمين اما عن لونه فهو ف الغالب احمر لان اللون الاحمر رمز للحب او العشق الخالص..

ودلوقتي نشوف اساطيركم واول اسطوره نشوفها مععع انسه.. فرحه!
-انسه فرحه ؟؟
-هاه نعم انا هنا ايوه يا دكتور معاكم معاكم
-لا مش معانا خاالص يا انسه فرحه وتخلص المحاضره دي ويا ريت تكوني عندي ف المكتب عشان نشوف الموضوع ده
---------
انتهت المحاضره وكانت تمشي فرحه باستحياء وتردد في الطرقه المؤديه الي مكتب دكتور حازم وهي تتخيل انه سيوبخها علي شرودها ف المحاضره حتي انتفضت من شرودها هلي صوت مفاجيء لا تعلم مصدره....
-متروحييش!!!
-بسم الله الحفيظ انت اييه جابك هنا كمان وصوتك ده جاي منين انا مش شايفاك
- انتي بتسألي اسئله تافهه ليه وسايبه آلمهم  بقولك متروحيش وارجعي المدرج
- ارجع ليه الدكتور طلب انه يشوفني لازم اروحله عشان..
- لا مش لازم الدكتور ده مش تمام وارجعي احسنلك
- ايش عرفك انت خلييك ف حاالك احسنلك
-فرحه!  انا كنت سامع صوتك من وانا وجوه المكتب بس لقيتك متدخلتيش ، انتي كنتي بتكلمي حد ولا ايه ؟
-هاه لا لا ابدا مكنتش بكلم حد ي دكتور
-طب اتفضلي ادخلي واقفه ليه عندك ؟
-"متدخلليييش بقولك "
-ح حاضر يا دكتور
-هاه بقي تشربي ايه ؟
-لا متشكره ولا حاجه ، انا عارفه ان حضرتك متدايق عشان سرحت ف المحاضره بس والله انا...
-وميين قالك اني متدايق منك ؟ اطلاقا انا مدايق عليكي انا بخاف جدا علي طلابي وبعتبرهم من عيلتي عشان كده جبتك هنا عشان اطمن عليكي
-"اه يا محن الكلاب مش اطمنت يلا يا هانم قومي من هنا"
-احم اه اه حضرتك ده من ذوقك ش شكرا جدا والله انا بس..
-مالك بتهتهي ف الكلام ليه انتي متوتره  ولا ايه عشان انتي معايا هنا ههه متخافيش احنا مش وحدنا الشيطان تالتنا اهعه
-" لا اصف تالتكم يا روح امك "
-ما ان اقترب حازم من فرحه وهو يلقي نكاته السخيفه وفرحه في دهشه تامه من اسلوبه حتي ظهر خلف فرحه آصف وعيناه تلمعان لا سواد فيها وما ان رآه حازم حتي انتفض للوراء مفزوعا ليختل توازنه ويسقط ارضا ليصيح آصف في فرحه..
-" بقووولك امشييييي من هنااا "
-اضطربت فرحه لسقوط حازم ومن نبرة صوت آصف التي ارعبتها فهي لا تعلم ما الذي حدث وما الذي رآه حازم ليسقط ارضا وتعلو وجهه علامات الفزع أهذا الحد لكنها قررت أن تنسحب لتخرج من المكتب وتعود إلى بيتها فهي لن تستطيع أن تكمل يومها الدراسي على أي حال بعد كل ما حدث....
-هو انتي مبتسمعيش الكلام ليه من اول مره!
-بندق!
-لا آصف
-اقصد آصف ايوه ايوه
-ممم مكنش قصدي اخوفك بس عملت كده لمصلحتك
-انا..  انا مكنتش اعرف انه  انه كده
-العالم مش بريء زيك يا فرحه والدنيا مش وردي قوي زي م الأفلام أحيانا بتورينا  أقصى حل سليم ممكن نتبعه عشان منتأذيش نفسيا أننا نتقبل ان زي م في الخير زي م في الشر وزي م في ناس كويسه زي م في ناس خبيثه
-وانت بقي من أنهي نوع!
- هتعرفي لوحدك مش محتاج اقولك حاجه دلوقت
- طيب بس عرفت ازاي انه دكتور حازم يعني..
- اومال ايش حال م متقمص دبدوبك وبكلمك وبظهر واختفى وشغل عفاريت عالي وجايه تقوليلي عرفت ازاي تصدقي عيب  عليكي والله!
- هههههههه اه والله فعلا سوري نسيت انك جن وكده
- طيب ايه مش هتكافئيني ع الواجب اللي عملته معاكي دنا جمايلي كترت وانتي جبله مبتحسيش
- ايه عايز بخور ؟
- لا بخور ايه دلوقت! هو مفيش مانع يعني بس عايز حاجه اعلي من كده
- خيررررر كمان الجن بيساوموا العالم فعلا مش بريء يا امي
- اه يا روح امك مش بريء
- جن ولسانه طويل كمان ما شاء الله
- مش أطول منك يا فرحوشتي
- بس متقولش فرحوشتي دي بس
- بت توهنيش ف الكلام وانجزي
- انجز ايه
- غنيلي!
- نعععععم واننت انننت ايش عرفك اني بغ..
- عيب عليكي!!
- يا صلاة العيد تحب اغنيلك ايه م احنا فتحناها راديو أف أم هنا
- الأغنية اللي دايما بتغنيها وانتي لوحدك
- لاااا والله وانت ايش عرر..
- وبعدين بقااا
- احم طيب طيب بس ده اخررر طلب وكده خالصين!
- "خالصين! على اللي جاي ده يبقى جمالي لسه بتقول يا هادي انتي لسه شوفتي حاجه"
- اه خالصين يلا
- بدأت فرحه تترنم وتشدو فقد كانت تملك صوتا هادئا عزبا تطرب له الآذان إذا شدا ولكن إلى الآن لم يشدو الا في خلواتها مع نفسها ولكن علي ما يبدو انه كان هناك من يسترق السمع في تلك الاحيان...
- " وقابلتك انت لقيتك بتغير كل حيااتي
معرفش ازاي حبيتك معرفش ازاي
يا حياتي..
من همسه حب لقيتني بحب
لقيتني بحب وادوب ف الحب
ادوب ف الحب وصبح ولييييل
علي بابه!  "
----------------
علي احد مرتفعات الصحراء الغربيه يقف اصف علي الحافه وخلفه الحكيم برقان يتبادلان الحديث...
- انت عارف يا ابني انه مش هيسيبك في حالك
- عارف بس عارف كمان ان كله ده بسببي ومينفعش اسيبها وحدها ف الوقت ده
- لا مش ذنبك وحدك يا ابني مكنش بايدك اي حاجه احمد ربنا من عليك بالبصيره في الوقت المناسب
- الحمد لله يا حكيم بس دلوقت انا متأكد ان دنهش وطلمش مش هيسكتوا وهيرجعوا يظهرولها تاني وينفذوا اوامره
- متقلقش يابني التميمه اللي حطيناها ف اوضتها كفيله انها تعرفنا لو اي مارد او شيطان منهم اخترق البعد المحصنينه عندها...
كان الحكيم برقان يطمئن آصف ويرفع عن كاهله ثقل أفكاره حتي جاءهم صوت احد حراس القبيله خلفهم صائحا..
- آصصف الحكيم برقاان..  التميمه!
- انت بتقول ايه... 
فرررررحه!!!!!!

يتبع