اومينيس 🙄الجزء الخامس🙄

#اومينيس5

"كنتي بتشوفيهم انتي كمان مش كده ؟ "
سمعت سؤاله واطرافي تلجت اخر سؤال ممكن اتخيل انه يسألهولي بابا..
بشوف مين وايه السؤال ده يا بابا ؟
بابا ابتسم بص في الارض واتنهد وفجأه بصلي كأنه بيديلي المساحه اني اتكلم بس اقول ايه مش عارفه..
=بصي يا راندا زمااان كان جدك الكبير الله يرحمه معروف عنه انه تقي في حاله كافي غيره شره  بيصلي ويصوم وفي رمضان كان يسيب جدتك ويعتكف يقيم الليل ويقرا قرءان ليه ورد من الاذكار معين يقوله يوميا حتي لو تعبان ومش قادر ياخد نفسه لازم يقوله كان يحكيلي عليه والدي وانه دايما كان يقول" تعب الطاعه دلوقت راحة روحك بعدين "
وفي يوم وهو بيقيم الليل سمع صوت غريب لكنه ابعد ما يكون من انه مخيف بس غصب عنه خاف الناس بطبعا بتخاف من اي حاجه مش شايفاها
الصوت اتحول لخبط تلت دقات بالظبط علي الباب
مين ؟! مفيش رد ،فتح الباب مفيش حد ، اول م قفل الباب .."السلام عليكم يا عبد الله ،جئنا غير ضالين ولا مضلين "
جدي ارتبك لكنه كان مؤمن ميخافش غير خالقه
رد السلام بهدوء وسألهم مين هما وايه بيحصل طلعوا خدام جن مسلمين كانوا بيحبوا صوته وبيحضروا كل م يقرا ويتلو القرءان بالليل او حتي في ورد اذكاره بيحضروا ويسمعوا ويرددوا معاه عرضوا عليه يلازموه يعينوه ع الطاعه وفي نفس الوقت يساعدوه علي الخير سواء بطرد اي مارد غير مسلم او فك سحر بشرط ميرفضش مساعده حد طول م هو قادر يساعد جدي وافق واتطور الامر انه بدل م كان يسمعهم بس بقي يشوفهم احيانا وفعلا بدأ بمجرد م يسمع عن اي حاله مس او اذي من الجن للانس بيعرض المساعده بدون اجر وكان يقول "من الله ولله " توفي جدي والامر انتقل لولده ثم ولده بس الفرق بقينا نشوفهم ونتجنب نكلمهم لاننا مش قد العهد اللي اخده جدي بقي كل واحد وعنده مسئولياته محدش حابب يتعرض لاذي او حتي يخاطر لانه بطبيعة الحال اي منحه كبيره بيبقي قدامها مسؤليه وتضحيه كبيره واحنا مش زي جدنا الله يرحمه حتي وان كنا لسه بنشوف
-معني كده انك بتشوفهم ؟
=كنت بشوفهم زمان وانا صغير بس مش كل واحد فينا بيشوفهم لان اعمامك ولا واحد فيهم شاف حاجه مفيش غيري لان والدي اخواته مشافوش حاجه برضو وهو الوحيد اللي كان بيشوفهم في اخواته ،مكنتش فاهم حاجه وقتها لحد م جدتك الله يرحمها فهمتني ووقتها بقيت اشوفهم واتجاهل تماما وجودهم خوفا من المسؤليه
-عشان كده بتسألني اذا كنت بشوفهم ولا لا طب اشمعنا انا م اخواتي التلاته وارد جدا ان واحد منهم يكون بيشوفهم مش انا
=اسلام لو شاف واحد منهم كنتي هتلاقيه قالب الشقه كلها صويت وزعاق ومكنش بات اصلا معانا من وقتها وعامر لو شاف كان هيقول لمامتك علي طول لانه صغير واختك لو كانت بتشوف حد منهم مكنش هيجرالها ده كله اصلا اما انتي فلما قولتي يا الله يا لطيف حضروا حقيال وكهيال خدام الاسماء دي ودول مش بيظهروا بالساهل لاي حد
-بس انا مبشوفهمش ولما حضروا برضو مشوفتش غير ضوء فمش بالضروره يمكن حضروا مع ملك العمار كمساعده وتعزيز لقوته زي م قال الشيخ ربيع
بابا لسه هيكمل كلامه جرس الباب رن فدخلنا جوه لقينا اسلام فتح طلع الشيخ ربيع اخيرا جه
-كنت فين يا شيخ ربيع ده كله سايبنا مع اللهم احفظنا عادي كده افرض ظهروا تاني يرضيك اتلبس وانا لسه صغير ومدخلتش دنيا ولا جبت رقم البت منار لسه
=معلش يا اسلام والله مشوار كان لا بد منه ،روحت لواحد صاحبي اتأكدت منه وسألته علي شويه حجات كده بخصوص نيكرونوميكون
كلنا مش فاهمين ايه الكلمه دي وشويه وهيطلعلنا قرنين من الغباء عدا بابا اللي فجأه قال
"معتقدش انها وصلتله لوحدها م في الف نسخه متحرفه وحتي لو وصلتله هتجيب منين التعويذه الصحيحه لتحضير المارد ده ؟"
-الله م انت حلو يا بابا اهو وليك في العفاريت اومال سايبنا نتخضخض من الصبح ونتلبس ليه م كنت قولتلك كام تعويذه لموا الشبح ابو عنين حمرا ده وخلصنا لازم تتقمص دور الغامض لحد م يجي لحد فينا سكته قلبيه
-م انت محدش شاف وشك يا اسلام افندي ولا سمعلك صوت لما ده كله حصل ياخي طب حتي اثبت وجودك بقل هو الله احد حتي انما ايه مش حافظ حاجه خالص ايييه جايبينك من علي باب معبد يهودي
=اتركني انتي علي جمب انا كنت مستني للاخر وكنت هدخل عليه احرقه دخول رايق بيسبب حرايق
ضحك الشيخ ربيع وللامانه اول مره اشوفه بيضحك بس اسلام كائن بوهيمي يفطس م الضحك فعلا وبدأ يشرحلنا الحقيقه المره..
=نيكرونوميكون  ده مش جمله ده كتاب اسمه كتاب الموتي لو تسمعوا عن شمس المعارف اهو ده العن واضل لان اللي كاتبه كاتبه بعد عشرة سنين معاهم فبالتالي كأن واحد عايش مع المخابرات وامن الدوله سنين وفجأه قرر يكتب عن اسرارهم ومكانهم فتخيل نهايته كانت عامله ازاي
المهم الكتاب ده في تعاويذ وطلاسم بتهدد عالم الجن وبالتالي بتهددنا الراجل ده اتقتل علي يد مخلوق منهم اتقطع حتت في وضوح الشمس  علي حين غره منهم والكتاب ضاع بعدها لكن الغريبه ان المارد اللي حضر من اعتي والعن الشياطين واستحاله يحضر الا عن طريق السحر وسفلي كمان ف ايه اللي يخلي مارد زي ده يحضر غير لما يكون حد واللي هي اختك حضرته بطلسم من كتاب الموتي
-واختي ايه يخليها تحضر حاجه بالبشاعه دي هي مش غبيه عشان تكون عارفه ده مله ومع ذلك تستدعيه
بابا ضحك وبصلنا وقال انتو فاكرين الجن اغبيا مجرد مخلوقات وخلاص بتطلع تخوفنا وخلاص دول قوانينهم صارمه جدا عننا واستحاله يتعاملوا او يظهروا غير بدافع قوي والسحره احيانا بيستمدوا افكارهم الخبيثه من الجن الخبيث اللي بيتعاملوا معاه واللي عاده بيكونوا غير مسلمين وطبعا من اخبث الافكار انهم يكتبوا طلسم او تعويذه تحضير او حرق او لعنه ويكتبوا تحتها حاجه تانيه خالص
-مكنتش فاهم الفيزيا بس دلوقت مش فاهم الفيزيا وكلام الراجل اللي اسمه والدي ده
=يعني يا اسلام يكتبوا طلسم مثلا تحضير مارد ويكتبوا تحتها طلسم لرد الحبيبه والمطلقه او للنفوذ والمال والناس من غبائهم يعملوا التعويذه ولا فاهمين اي حاجه
-اهااا وطبعا من الناس دي ريتاج الذكيه
والعمل؟
=لما كلمت صاحبي ده قالي ان ملك العمار والخدام مبيظهروش غير لخطب شديد وان اللي حضر ده اكيد مارد شره كبير واستحاله مارد زي كده يحضر غير لهدف العن منه وعشان كده محتاجين اا.. ؟؟
-ايه يا شيخ لو عايز فلوس قول بابا رقبته سداده
انا معييش متبصلييش ده بيديني فلوس الحصص بالعافية
=هو الحقيقه مش فلوس خالص
-اومال ايه ؟
=محتاجين نحضره عشان نعرف هدف ظهوره وعشان منضمنش خطره وخبثه لازم نستعين بواحد من ملوك الجن او الخدام يكون حاضر معانا عشان يأمن عدم هروبه ويساعدنا اننا نطلع المعلومات منه
-نطلع ايه منه ده هو اللي هيطلع عين اللي خلفونا لو طلع مالك يا شيخ نحضر ميييين عفريييت ليييه اسمالله عليك مش كفايا اللي من شويه كانوا حاضرين هنفتح بيتنا فندق للجن بعد كده ونأجر الاوضه بالساعه عشان يتفرجوا علي خيبتنا التقيله يا عم رجعوني للحصص تاني مالها الديناميا والفيزيا اشتكوووو
=م خلاص يا زفت هتفضل تنوح علي كل حاجه بتتقال كده م تجمد يلا
-انبي انتي تخرسي خالص خطيبك عارف انتي ان خطيبته هتحضر ارواح هياخد واحده ملبوسه في الاخر ذنبه ايه هو
=مفيش حاجه هتحص يا اسلام متقلقش كله يابني خير ربنا مبيسبش عبيده
بابا كان شارد بيفكر لوحده قي عالم تاني بس فجأه قال للشيخ... " خدام الصمديه مش هيتأخروا ! "
الشيخ ربيع........ !!!!
اسلام............!!!!
انا : ...........!!!
=هو عارف اننا هنا ولا بيستهتر بقوانا مش قد المقام احنا ولا ايه م تتكلمي يا راندا افندي فيها لنخفيها يا عم!
-انتوا هنا من امتي ؟
صحيح انا قولت لبابا اني مبشوفهمش بس انا مكدبتش انا فعلا مبشوفهمش.....  انا بسمعهم!!!!!!
يتبع