اومينيس 🙄الجزء الرابع🙄

#اومينيس   4
فجأه سمعت اخيرا صوت الشيخ ربيع..
"حقيال!!... طارش!!.. والملك كهيال!! "
ك ايه يا عنيا ؟ هو انا الوحيد اللي لسه بعقله هنا؟
=اسلاااام اخيرا نطق انت لسه هنا يا اسلااام
-من حظي الاسود للاسف  لسه متنيل هنا
الشيخ ربيع بيقول ايه وملك مين انا مش فاهمه حاجــ....
"لا يفلح الفانون إلا بجلب ما يفنيهم! "
الصوت كان حازم وشديد نبرته حاده بس مش شريره ولا طيبه برضو لسه مش فاهمه حاجه عشان احكم
تلت سحابات من نور هيئات شبه البشر بس مش هما النور مانع التفاصيل او قاصد يحجبها مش شايفه كويس قد م سامعه الشيخ ربيع في ذهول شديد كأن اللي عدي حاجه مش مهمه قوي قد اللي حصلان دلوقت
=لا معلش حد يفهمني بس فانون ايه وبتاع ايه جو فيلم صلاح الدين ده!!
سمعنا تتلت دقات ع الارض وكأن عصايه كبيره بتدب في الارض او صولجان الصوووت عاالي سكتنا كلنا
"ما كان منكم سوي السوء اهل فضول وما انتم بأهل لما خلفه! "
وده صوت تاني مختلف تماما عن الاول عايزه اتكلم في ايه ومين اللي بيتكلم وايه بيحصل بس معنديش الجرأه الكافيه الشيخ ربيع في صمت تام بيسمع وكأنه في حضرة اشخاص مهمين ممنوع الكلام مفيش غير التافه اسلاام ناطط كل شويه بجمل شكل
مين دول يا شيخ ربيع ؟
ششششششششششه
اتكلم الشيخ ربيع ..." هي عملت ايه ؟"
" تخطت فضول الجوارح واستبقت الاحداث علي غير فهم , فتحت عين الفضول واغلقت عين البصيره فاحضرت بجهل كبير سواد عظيم لولا أن هدانا الله فسمعنا واطعنا ولبينا النداء فإننا في هذا الامر سواء! "
حد ينزل بالترجمه معلش ؟
اخرس يا اسلام الله يحرقك هتودينا في داهيه
=م احنا كنا من شويه هنتحرق فعلا انتي بتقولي فيها
يا رب انا كان كل املي اجيب مره النهائيه في امتحان العضويه ورقم البت منار من حصه العربي ايه دخلني في الحوارات دي كلها!!
رجع الشيخ ربيع يتكلم تاني " لبيتم اي نداء! "

راندا!  هو الشيخ ربيع بيبصلك ليه ؟
بيبصلي انــ.. ثانيه واحده هما هناك بيبصولي عشان كده انت باصصلي صح ؟ طب يغمي عليا دلوقت ولا ايه هو انا ليه مش بيغمي عليا زي البنات الطبيعيه في الاوقات اللي زي دي معلش ؟
"سلام عليكم قوم مؤمنين لم ينتهي الامر بعد! "
كأن النور جه فجأه ايوه دي الصاله وده التلفزيون بتاعنا والمطبخ هناك اهو ودي... ريتاج مرميه ع الارض.. الشيخ ربيع بيسند في ابويا وامي ماسكه في اسلام بيسندها عشان تقعد علي اقرب كرسي..
يدوب اللي هناخد انفاسنا كأننا كنا بنحارب كل واحد وشه جايب الوان مرهق تعبان كأنها سنين عجاف مرت علينا في كام دقيقه اما ريتاج فكانت في دنيا غير الدنيا
اسلام ساعد بابا ودخلوها في اوضتنا امي دخلت تغطيها وتقرالها بلت قماشه وفضلت تمسح وشها وايديها من كل الدم اللي عليهم  روحت اجيب ميه للشيخ بمجرد م طلعت لقيته باصصلي!
هو انتي ليكي ورد يا راندا في اليوم ؟
استغربت من سؤاله مش انا خالص القضيه دلوقت  بس جاوبت علي اي حال
مليش ورد ثابت ولا معين بصلي وبقرأ اخر الليل قرءان قد تكون سوره او اقل اضعف الايمان صفحه عشان مسيبهوش يهجر
ايه اللي حصل من شويه ده مين دول وملوك ايه مين الفاني ده انا كنت حاسس انه بيشتم علي فكره وكنت هفنيه خالص في مكانه بس قولت شكله اكبر مني وعيب ميصحش انا متربي 
-لولا اللي بتتكلم عنهم دول يا اسلام كان زمانك في خبر كان
=مين دول يا شيخ وايه علاقه ريتاج باللي حصلان ده كله
بابا سأل السؤال اللي المفروض يتسأل من بدري سكت الشيخ وفضل يستغفر في سره فجأه رفع راسه...
ملك العمار وخادم اسم " الله" وخادم اسم "اللطيف "
التعويذه اللي اتكتبت علي حيطان المطبخ دي ما هي الا تأشيره لحجات كتير جايه زي بوابه بينا وبينهم واللي ظهر ده يدووب الخادم اللي بيمهد الطريق او خلينا نقول  بيمهد لشر كبير خامل ليه زمان ومستني اي فرصه عشان يرجع تاني ازاي وليه لسه معرفش بس اللي اعرفه ان اختك كانت عروسه لعبه الهدف منها كان اكبر من انها تشوفه غير علي هيئه فضول يتشبع بشويه كتب وكتاب يجر كتاب لحد م وصلتله!
وصلت لايه مش فاهمه ؟
=نيكرونوميكون ...
ايه مكركروم ده لا ثواني متلخبطنيش كده مش هتبقي انت والكيميا عليا الاول فهمني مين الحجات الملوك اللي بتتكلم عليهم دي وخدام وعبيد وايه الليله دي
= بص يا اسلام الناس دي مبتظهرش لاي سبب مهما كان بس راندا كانت بتدعي باسم الله  اللطيف ومن حسن حظها ان عمار المكان كانوا في خطر زيكم عشان كده واحد منهم جري وبلغ عن الخطر والكارثه اللي كانت هتحصل في المكان هنا فكان من ملك العمار الا انه يضم قوته ويقف جمبا لجمب مع الخدام عشان يعزز قوتهم لان المارد اللي كان بيظهر وعلي وشك انه يتم تعويذته مش هين ولو اتمها كان باب جحيم العالم السفلي كله هيتفتح علينا والكوارث اللي كانت هتحصل في عالمنا كانت هتبقي اضعافها في عالمهم
اللي عايزك تعرفه ان الدعاء من اقوي واشد الاسلحه اللي ممكن يتحصن بيها العبد ويلجأ بيها لربه ربنا عمره م يخذل عبد مد ايده له في وقت شده واضطرار ومتنساش "الله ولي الذين آمنوا يخرجهم من الظلمات إلي النور "
ادعيه وانت ميقن بالاجابه!
-الحمدلله  , طيب هما ليه قالوا إن الأمر  منتهاش لسه ؟
انا مش فاهمه مش خلاص كده
=لأن الامر فعلا منتهاش ،
مش فاهم /   مش فاهمه
هتفهموا كل حاجه بس دلوقت محتاج اروح مشوار كلها ساعه والامور هتتضح مش هتأخر بس علي بال م اجي امسحوا الكتابات اللي جوه دي لانها بتأذي العمار هنا ومش من مصلحة اي طرف فيكم انهم يتأذوا او اي حد فيكم يضعف دلوقت
طول م الشيخ بيتكلم بابا كان ساكت بابا كان ساكت سكوت غريب لا عارفه هو مصدوم ولا عارفه هو بيسمع ولا فاهمه سبب سكوته ده مشي الشيخ وانا بحاول استوعب كميه الكلام والحجات اللي قالها الغريبه هو عرف ده كله ازاي ومين وايه نوكرونوميكون ده اللي ريتاج وصلته ؟ الف سؤال وسؤال هيفرتكوا دماغي هو ازاي من حياه روتينيه عاديه تتقلب لجو رهبه وانفاس متاخده واحداث بتجري وكأن الوقت واقف احيانا الحياه الطبيعيه والعاديه بتكون نعمه محدش حاسس بيها!
امي بتقرا قرءان جمب اختي وهي نايمه واسلام دخل جمع كل مصاحف البيت وحطهم في اوضته
اما عن بابا فلقيته واقف في البلكونه مستني الشيخ بكل هدوء باصص ع الناس والشارع من فوق
خلصت تنضيف علي قد م اقدر وروحت اشوفه طلعت وقفت جمبه وسكت بصيت قدامي اشاركه المنظر واقسم معاه ساعات الانتظار فجأه طلع من شروده..
" كنتي بتشوفيهم انتي كمان مش كده ؟!"
يتبع