بعد منتصف الليل

"بعد منتصف الليل"

مستوحاة من الحقيقة 

بعد منتصف الليل في حاجات غريبة بتحصل وبنكون احنا ساعتها نايمين .. احيانا بنسمع خبط وصوت خطوات حد بيمشي بس قليل جدا اللي شاف ايه اللي بيحصل بعد منتصف الليل وخصوصا عند المقابر .. انا خالد عندى 26 سنة 

هحكيلك كل اللي حصل معاية بالتفصيل يا اسلام 

انا في الجيش وكنت واخد اجازة وراجع ولما وصلت البلد كانت الساعة 2 بعد منتصف الليل انا ساكن في الأرياف جمب المقابر .. 

انا راجع وقربت علي البيت وسمعت حد ناحية المقابر بينده عليا بس بصوت اكاد اسمعه بالعافية صوت تحس ان مسحوب بيقول .. خااااالد ..خالد 

انا وقفت اتصنت للصوت شوية وبعدين حسيت بجسمي بيترعش وبيتنفض ولقيت سخونة جامدة جدا في جسمي وكأني داخل فرن .. 

جريت باقصي سرعة علي البيت وبخبط كانوا نايمين انا من شدة الخوف بخبط جامد وبنده بصوت عالي 

وفجأة وانا بخبط لقيت شخص حط ايده علي كتفي من ورا ..حاسس بحرارة جسمه ورايا .. 

انا الخوف متملكني وحتي مش قادر ابص ورايا اشوف مين وبصرخ وبخبط ولا حياة لمن تنادى 

ومن شدة الرعب اللي انا فيه فقدت الوعي .. 

ولما فوقت لقيت الجماعة كلهم حواليا وبيقولولي إيه اللي حصل .. قلتلهم اني رجعت اتنين بالليل وعلي الصوت اللي سمعته ناحية المقابر وعلي الشخص اللي حط ايده علي كتفي واني فقدت الوعي بعديها قدام الباب .. لقيتم متفأجين وبيبصوا لبعض بأندهاش و قالوا قدام الباب ازاى .. قلتلهم باب البيت ده .. قالوا انت مكنتش واقع قدام الباب انت كنت وسط المقابر ... يتبع 

يا ترى ازاي خالد كان واقع وسط المقابر وهو فقدت الواعي قدام باب بيتهم !؟ ده اللي هنعرفه في الجزء الثاني لو التفاعل بتاعكم سمحلي انزلوا طبعاً 

بعد_منتصف_الليل

القصة مستوحاة من الحقيقة 

تأليف: اسلام احمد

"بعد منتصف الليل" الجزء الثاني 

مستوحاة من الحقيقة 

بعد ما فوقت والجماعة قالوا اني كنت فاقد الوعي وسط المقابر .. هنا كانت الصدمة ازاى ده حصل 

انا فاكر اني فقدت الوعي قدام الباب بتاع بيتنا يبقى ازاى .. انا بتكلم قدام اهلي وهما بيبصوا لبعض وكأنهم عارفين حاجة ومش عايزين يقولوا ..

قلتلهم مالكم انتوا فيه حاجة مخبينها عنك .. امي واخواتي البنات بصوا لبعض .. وقالوا لا لا ابدا 

انا كنت مش مصدق وكنت حاسس اني فيه حاجة مش عارفها ..

وبرصوا عايز اعرف ازاى انا رحت عند المقابر وانا فاقد الوعي ..  

فجأة لقيت جدى دخل علينا كان عارف اللي حصلي وقال للجماعة سبوني مع خالد شوية .. وبالفعل كلهم قاموا وجدى قعدت جمبيا علي السرير .. 

ولقيت جدى فضل باصصلي شوية ولقيته قالي .. شوفت ايه .. لسه هتكلم لقيته هو اللي بيحكي ويقول كل اللي حصل معاية .. قال يا بني انت كنت جاى الساعة 2 بعد منتصف الليل وده معادهم اللي بيظهروا فيه من زمان .. 

قلتلوا هما مين يا جدى اللي بيظهروا .. قالي اشباح ما بعد منتصف الليل هما اسمهم كده .. ومن زمان عارفين بالحكاية دى وهنا الناس بتنام من المغرب .. يا بني انت تحمد ربنا انك لسه موجود واسطينا ده فيه ناس كتيرا اختفت في الوقت ده ومحدش يعرف عنهم حاجة وبرضوا كانوا بيبقوا راجعين من السفر واللي راجع من الجيش .. وكانوا بيبقوا راجعين في الوقت اللي كنت راجع فيه ومن ساعتها محدش بيسافر ولا بيرجع من سفر في الوقت ده .. 

طيب مين يا جدى اللي وداني المقابر .. رد وقال هما يا ولدى وعشان كده بقولك احمد ربنا انك لسه موجود معانا .. وبكده يا اسلام اكون خلصت قصتي ولحد الان حرمت ان ارجع من مكان بعد منتصف الليل.  

كده انتهت قصة خالد هيا قصة حقيقية علي فكرة 

عايز دعم جامد عشان اقدر أكمل معاكم في القصص الحقيقية 

بعد_منتصف_الليل 

الجزء_الثاني _ والاخير

بقلم :اسلام احمد