اسهل طريقه لعمل المبكبكه

 المبكبكه😋😋 بالسجق طعم وريحه بقي مقولكوووش😋 اهم حاجه الصوووص❤️😍😋😋 يلا بينا نشوف عملناها ازاي 💪

مبكبكة السجق

ربع كيلو سجق 

بصل مفروم

فلفل حامي مفروم

قرن فلفل حامى

ثوم مفروم

٢ طماطم مبشورة

ملح وفلفل

كاري

شطة

كزبرة

٧ بهارات

زيت

صلصة طماطم

نصف كيلو مكرونه

٢ كوب شوربة مغلية

زيت

هاتي حله فيها شويه زيت حلوين ونزلي السجق يتشوح خمس دقايق بعد كده نزلي بصل فلفل توم وشوحيهم وبعدها نزلي كل التوابل تقلبتين وننزل بالطماطم المبشوره ونقلب وبعدها نزلي صلصه الطماطم وهدي النار خمس دقايق عشان تتسبك بعدها زودي الشوربه المغليه ونزلي المكرونه ولازم تغطي الوش يعني متكونش المكرونه باينه خالص👌❤️ وبعد خمس دقايق افتحي غطا الحله وقلبيها وهدي النار وعشر دقايق وهتبقي استوت ...واديها تقليبه ف النص برضو عشان تفلفل😋😋 اهم حاجه لما تقفلي النار يبقي في شويه صوص متبقاش ناشفه😋❤️ وبس كده بالهناااا❤️❤️