طريقة كب كيك البيتزا
مش قادره اوصفلكم طعم كب كيك البيتزا 😍
كب كيك حادق ( كب كيك البيتزا)
٤ كوب دقيق
٤ بيضات
كوب الا ربع زيت
٣ علب زبادي حجم العلبه ١٠٥ جرام
معلقه ص ملح
معلقه ص خل ابيض
معلقه ص سكر
٢ معلقه ك بيكنج بودر
معلقه ص مليانه توم بودره
معلقه ص زعتر مجفف
معلقه ك مليانه بودره جبنه
نص كوب جبنه رومي مبشوره
نص كوب جبنه موتزاريلا
زيتون اسود واخضر
فلفل احمر مفروم ناعم
وممكن تحطي اى لحوم أو خضار
فى بوله حلوه كده بنحط بيض وخل و زيت زبادي وكل البهارات ونقلب دقيقه وبعد كده نزود دقيق وبيكنج وملح وسكر ونقلب كويس هنلاقي الخليط تقيل عااادي هو بيكون كده ...بعد كدخ نزود الجبن واى لحوم نحبها ...بسطرمه لانشون لحمه مفرومه ...او اى نوع خضار مبشور ومعصور من اي سوايل ونقلب كله سوا ونجيب صنيه الكب كيك ونملا الكب كيك للاخر عشان الخليط مش بيرفع زي الكب كيك العادي ...هندخله فرن سخن على ١٨٠ لمده ٢٥ دقيقه وممكن بعد اول عشر دقائق ننزل درجه الحراره ل ١٧٠ او ١٦٠ وطلعيه يبرد شويه وبالف هنا❤️😍
التعليقات على الموضوع