اسهل طريقه لكريم كراميل

 الكريم كراميل البيتي 😍😍😍 

🍮🍮🍮الكريم كراميل ⁦🍮🍮🍮

المقادير :- Tota Morad

كيلو لبن او كيلو الا ربع لبن وكوب كريمه خفق بيكون روووعه...يعني ٣ كوب لبن وكوب كريمه يبقي الاجمالي لتر او كيلو سوائل.. والكريمه اختياري تقدري تعملي كيلو لبن فقط

٢ معلقه ك لبن بودره..اختياري بس بتعلى الدسم 

٦ بيضات كبيره

كوب سكر لخليط الكريمه

نص معلقه ص فانيلا

كوب سكر للكراميل + ربع كوب ميه

نص كوب ميه 

الطريقه:-  Tota Morad

نجيب حله ونحط فيها كوب سكر مع ربع كوب الميه ومنقلبش نهز بس الحله والنار تكون وسط ونستنى لحد ماياخد لون دهبي غامق نشيله من النار وننزل بنص كوب الميه التانى تدريجيا نصب شويه ونقلب وهكذا لحد ماكميه الميه تخلص نرجعه على النار تانى غلوه واحده ونقفل ونصفيه ونصبه فى القوالب بتاعتنا نجهز بقي الكريمه الحلوه بتاعتنا

 نغلى اللبن السايل ومعاه اللبن البودر والكريمه على النار.... وفى بوله العجان نضرب بيض مع سكر  لمده ٣ دقايق... ننزل بشويه من اللبن المغلى على البيض تدريجيا مش مره واحده مش عايزين البيض يستوى ويقلب اومليت 😂😂 ونقلب واخر حاجه نزود الفانيلا واهم خطوه بقي اى رغاوي على وش الخليط لازم لازم تشيلو اى رغاوى وتصفو الخليط بمصفي ضيقه.....  ونصب بقي الكريم على الكراميل اللى فى القوالب بتاعتنا.. ونحط القوالب فى صينيه فيها ميه سخنه وتكون واصله لنص القالب وندخلهم فرن سخن على درجه  160 وبياخد ٤٥ دقيقه لساعه حسب حجم البيض ولما تطلع سيبوها تهدا وتدخل الثلاجه ٥ ساعات وبالف هنااا،😍😍