احلي طريقة لعمل القرص الفلاحي

 احلى قرص فلاحي😋😋😍😍 بالقشطه واللبن

القرص الفلاحي بالقشطه والرايب:- Tota Morad

2 كوب دقيق منخول

2 معلقه ك قشطه بلدي

3/1 كوب سمنه بلدي دافيه مش سخنه

1 معلقه ك سكر 

2 معلقه ص خميره مدوبه فى اقل من ربع كوب ميه دافيه

2 معلقه ك لبن بودره

 نص كوب لبن رايب او زبادى او ميه

رشه ملح

الطريقه:- Tota Morad

اول حاجه هنجيب كوبايه ونحط معلقه السكر والخميره والميه الدافيه ونقلبهم كويس ونغطى الكوبايه ونسيبها 10 دقايق عشان تشتغل تمام كده....

هنجيب بوله العجن ونضيف الدقيق المنخول مع رشه الملح ونزود السمنه ونقلبهم كويس عشان الدقيق يشرب السمنه بعد كده نزود معلقتين القشطه ونقلب ب ايدينا كويس بعد كده ننزل الميه بالخميره وبعدها اللبن الرايب الرايب تدريجيا ونعجنها اقل حاجه 10 دقايق لحد مانلاقي عجينه ناعمه وطريه وفيها لمعه هندهن طبق بالزيت ونحط العجينه وندهن وشها زيت ونغطيها بأسترتش روول او كيس بلاستيك وهنسيبها ساعه فى مكان دافي  مش اكتر بعد كده نطلعها من البوله ونفردها على هيئه روول وناخد قطعه ونبتدى نكورها  ونبططهت كويس وبعد كده نحطها فى صاج خبز مدهون زيت  ونغطيها تانى ترتاح نص ساعه بعد كده ندخلها فرن سخن على 200 لمده من 20 دقيقه متطولش اكتر من كده عشان متنشفش واول ماتطلع من الفرن نغطيها بفوطه وتاكلوها بألف هنااااا