رواية دموع الورد الحلقة 23
الحلقة ٢٢
فتح مراد عيونه على فريدة اخذ يتأمل ملامحها ويحرك انامل أصابعه على وجهها وجواه احساس بفرحة وخوف فى نفس الوقت وهو غير مستوعب انها خلاص بقيت ملكه وتحمل اسمه بدءت فريدة فى فتح عيونها ووجدت مراد بجوارها يتأملها وافتكرت ماحصل أمس فحمر وجهها
مراد : صباحية مباركة يااحلى عروسة
فريدة بكسوف : الله يبارك فيك مراد انا عايزة افهمك حاجة
مراد وضع أصابعه على شفيفها : مش عايز كلام انا بس عايز أتأمل فيكى وأملي عينى منك
فريدة : انت صاحى من بدرى
مراد :اه
فريدة وهى بتحاول تتعدل وبتشد الغطاء عليها : طب مصحتنيش ليه
مراد وهو بيقرب منها بحب : بتشدي ايه وكله انكشف وبان
فريدة : وبعدين معاك يامراد
مراد : وبعدين فى ايه
فريدة : ممكن تقوم بقى
مراد : تؤتؤ
فريدة وهى بتعض على شفتيها السفليه
مراد : لو عملتى الحركة ده تانى انا مش مسئول عن رد فعلى
فريدة اتكسفت بعد مافهمت ما يرمى إليه مراد : ممكن يلا نقوم انت مش قولت انك عمل مفاجأة
مراد : اه
فريدة : طب يلا نقوم
مراد قرب منها ليلتهم شفاتيها فى قبلة طويلة لم يبتعد عنها إلا لحاجتهم للتنفس ممكن يلا ننزل اصل لو فضلت لحظة كمان اوعدك اننا مش هنخرج من الاوضة دلوقتى
جريت فريدة من ادامه على الحمام
مراد وهو بيضحك : بس على فكرة ممكن تاخد برد كده
فريدة وهى بتنظر لنفسه فى الحمام اتكسفت من نفسها اوى
بعد شوية خلصت الحمام افتكرت انها نسيت تاخد هدومها فتحت الباب نص فتحه ونادت على مراد لم يسمعها فكرت أن تخرج فلفت نفسها بفوطة
أما مراد مجرد مادخلت فريدة سرح فى امبارح ولما وصل لنقطة معينة استبعادها من تفكيره حتى لا يعكر صفو اللحظات الجميلة فاق من شردوه على صوت فريدة وافتكر انها دخلت من غير ماتاخد هدومها ففكر يستخبى منها يشوف هتعمل ايه
خرجت فريدة وهى لفة نفسها بالفوطة بحثت عن مراد لم تعثر له على إثر اخذت تلف وهى حضنة نفسها وفجاة لقت نفسها فى حضن مراد
فريدة اتخضت : انت هنا
مراد : انت شايفه ايه
فريدة : طب انت هنا من امتى !؟ولما انت هنا مردتش عليا ليه كانت بتقول كلماتها وهى بتحاول تفك من قبضة مراد
مراد بضحك على منظرها وهى بتحاول الهروب من قبضة يديه
فريدة : ممكن افهم بتضحك على ايه
مراد : على الطفلة الا ادامي دي ومنظرها
فريدة وهى بتبص على نفسها : ماله منظرى واتصدمت لم شافت الفوطة وقعة منها ومراد هيفترسها بنظراته جريت من ادامه ودخلت الحمام ووشها احمر من الخجل
مراد : تعالى اخرجى يلا
فريدة وهى مكسوفة : مش هخرج الا لما تخرج من الاوضة بجد يامراد
مراد بيحاول يستفزها : حبيتى انت مكسوفة منى ده انا زى جوزك
فريدة : مراد يلا
مراد : طب خلاص افتحى الباب وواعدك أن هعقد مؤدب
فريدة : لا
مراد : خلاص خليكى جوه
فريدة بتذمر : مراد
مراد : انا قولت الا عندى
وفى الاخر خرجت فريدة من الحمام وهى لفة نفسها بفوطة ورفعت صوابعها فى وش مراد : انت وعدتنى ويلا ادخل انت كمان علشان ننزل نفطر ونشوف المفاجأة
لم يرد يستفزها اكتر من ذلك ودخل على الحمام
أما فريدة أخرجت فستان ابيض فى روز سمبل ووضعت مكياج خفيف واطلقت لشعرها العنان
سمعت صوت صفير من وراءها مراد: مقدرش على الجمال ده
فريدة وهى بتلف لمصدر الصوت اتفاجات بمراد وهو خارج من الحمام وعلى وسطه منشفة
فريدة : مراد لو سمحت ممگن تلبس
مراد احس بكسوفها: طب هو انا لقيت هدوم وملبستش
فريدة جريت من ادامه وخرجت له لبس
بعد شوية خرجوا من اوضتهم واول ماشافتهم سميحة قامت بژغريط الف مبروك يامراد بيه ويامدام فريدة
فريدة ومراد فى نفس واحد: الله يبارك فيكى
مراد : ممكن بقى تحضري لينا الفطار
سميحة بأپتسامة: من عيونى أحلى فطار لاحلى عرايس
فريدة :: وهو انت هتفضل حضني كده كتير
مراد وهو بيقربها منه اكتر: لا ولسه هيحاول يبوسها سمع صوت من ورا عيب كده وبتضع ايديها على عينيها كانت شوشو
مراد بضحكة : انا عايز اعرف انتي بتطلعى منين
شوشو: من كل حته عادى انا بنتشر
مراد : عارفة انت بتفكرينى بمنين
شوشو : بمين
مراد : بإعلان كان بيجى زمان عن مبيد حشرى بينتشر ويتوغل
شوشو وهى بتضم شفايفها زى الاطفال: بقى انا يابابا مبيد حشرى عجبك كده ياديداه
فريدة : كده يامراد شوشو دي قمرايه
شوشو وهى بتحضن فريدة : انا من الاول قولت انت حبيبتى
مراد : بقى كده اتفقتوا عليا انتو خلاص عموما انا هعرف افرق بينكم
شوشو : مش هتقدر ممكن تكون تقصد انك هتاخد فريدة شهر العسل فتبعدنا عن بعض طب غلطان
مراد : مش شهر العسل بس انت ياجميل هطير من هنا
فريدة باستغراب : هطير من هنا على فين
مراد وهو بيبص على شوشو : على بيت تانى
فريدة وقد فهمت : مش تقول كده
شوشو وهى مكسوفة : انا هدخل اشرف على الاكل بنفسي
مراد بمجرد دخول شوشو خطف بوسه من على خد فريدة
فريدة : ايه مراد ده حد يشوفها
مراد : وماله
فريدة : هو اسر فتحك فى حاجة
مراد : انت كمان عارفة موضوع اسر
فريدة : بكل فخر من اول يوم شوفتهم بس امتى فتحك فى الموضوع
مراد : بعدين المهم دلوقتى عايز اعمل تليفون مهم
فريدة : تليفون ايه ده
مراد شاور بايده بمعنى استنى
___________________________________
أما فى الشركة عند اكرام
عند اكرام فى الشركة كان تليفونه بيرن شاف المتصل وفتح : في عريس فى الدنيا يكلم حد الصبح
مراد بضحكة : وفيها ايه
اكرام : شكلك مرفعتش راسنا
مراد بص ناحية فريدة وابتسم : لا متقلقش المهم عملت ايه في اللي طلبته منك
اكرام : كل تمام ساعة بالظبط وعلى هيكون ادام الفيلا والحاجات التانية كله خلاص تمام اسر هناك من بعد الحفلة امبارح
مراد : تمام سلام
اكرام : سلام
اكرام ضغط على الزرار الاجمبه وطلب السكرتارية
دخلت السكرتارية : اوامرك يااكرام بيه
اكرام : اطلبلى على فورا
السكرتارية : حاضر
وبعد شوية الباب خبط وكان على
على وهو يرفع ايده بتحية السلام : صباخ الخير ياباشا
اكرام : صباح النور ياعلى تعالى عايزك دلوقتى تاخد العربية وتروح على الفيلا تاخد مراد بيه والمدام على الساحل
على : هو مراد بيه اتجوز
اكرام: اه امبارح يعنى عريس جديد ياسيدى المهم دلوقتى انك تروح هناك ومش هوصيك مراد بيه مش بيحب حد يتجاوز
حدوده معاه وخصوصا أن هيكون معاه حد من بيته مفهوم
على : مفهوم طبعا
اكرام : تمام يلا
خرج على من عند اكرام وهو متجه الى الفيلا
______________________________________
أما عند مراد فى الفيلا
قفل مراد مع اكرام بص ناحية فريدة لقها سرحانة وقبل مايسالها مالك وترد وهو كان عارف هى سرحانة فى ايه مسك ايديها وباسها : ممكن حبيبتى متفكرش فى حاجة وهى معايا
فريدة : انا بس
مراد : احنا قولنا ايه مش عايز كلام فى الموضوع ده تانى
فريدة ابتسمت
وخرجت شوشو وفطروا مع بعض فى جو كله سعادة
مراد : فريدة ممكن تجهزى نفسك علشان مفيش وقت
فريدة : حاضر
مراد بص ناحية شوشو : تعالى معايا فى المكتب
داخل المكتب
شوشو : خير يابابا
مراد : اقعدى ياحبيبتى عايزك فى موضوعين
شوشو : اتفضل
مراد: اول حاجة الكلية انتب عارفة أن الدراسة بدأت وانتى كنتى بتروحي مع صحابك بتوع النادى وطبعا بعد الا حصل مش هينفع تعرفيهم وانا عايزك تبدئي حياة جديدة لو حابة متروحيش السنة دي وانقلك كلية تانية معنديش مانع
شوشو : بعد اذن حضرتك لا اناعايزة اكمل وهما حاولوا كتير يكلمونى وانا مكنتش برد عليهم
مراد : تمام فى حاجة تانية اسر طلب ايديك امبارح ايه رأيك
شوشو حطت وشها فى الارض اتكسفت
مراد : افهم من كده انك مش موافقة
شوشو بلهفة: لا لا اتكسفت بعد ماعملت كده
مراد ابتسم: عموما لم ارجع لينا كلام تانى
الباب خبط وكانت نعمة بتبلغهم ان السواق وصل
مراد : تمام بلغى المدام ونزلى الشنط
نعمة : حاضر
خرجت نعمة وفضل مراد مع شوشو : طب ايه رايك لو تجى معانا انا وفريدة
شوشو : لاياعم انا مبحبش ابقى عزول وبعدين انت مش واثق فيا
مراد وهو بيلف دراعه حواليها وبيشدها من مناخيرها: ماشى ياعم الحسيس وبعدين انا واثق فيكى بس كل الحكاية حبيت تجى معانا تغيرى جو
شوشو : عارفة والمرة الجاية اروح معاكم لكن المرة دي بتعتكم انتم
خرج مراد وهو مازال حاضن شوشو
فريدة جاءت عليهم : انا جاهزة
مراد : تمام
فريدة : ايه رايك ياشوشو تيجى معانا
وهنا نظر مراد لشوشو وانفجروا فى الضحك
شوشو وزعت نظراتهم بينهم : انا قولت ايه خالكم تضحكم كده
مراد: اصل انا لسه قايل لشوشو كده بس هى رافضت
فريدة : ليه ياشوشو
شوشو : علشان مش بحب ابقى عزول
فريدة : متقوليش كده
شوشو : ماشى المرة دي لوحدكم بس وعد بعد كده على قلبكم يلا بقى امشو
خرجوا بعد ما سلموا على شوشو الا أصرت انها توصلهم لحد العربية
مراد : ازيك ياعلى
على وهو بيفتح باب العربية الخلفى : كويس ياباشا الف مبروك
مراد : الله يبارك فيه
راح على يفتح الباب لمراته : الف مبروك ياهانم
فريدة رفعت عينيها صدمت من الشخص الذى يفتح ليها الباب
وهو كمان انصدم
مراد لحظ أن فريدة وقفت مكانها مش بتتحرك: فريدة حبيبتى
فريدة : هه
مراد : مالك سرحانة فى ايه
فريدة ركبت ومازالت مصدمة : ابدا مفيش
مراد : يلا ياعلى
على : احم احم حاضر
ركب على مكان السائق وهو مازال مصدوم معقول فريدة هى الا اتجوزت مراد يعنى انا لما شوفتها يوم الحفلة كانت مراته بس ازاى واكرام بيقول أنه اتجوز امبارح ازاى
أما فريدة فهى فى دنيا تانية معقول على هنا بعد السينين ده كلها طب ازاى وايه الا وصله لمراد ياترى ناوى على ايه ياعلى
فاقت من شرودها على صوت مراد : فريدة مالك انتي سرحانة ليه
فريدة : احم مفيش
مراد رفع ايديها وباسها: ايه رايك لو تغمضى وتحاولى تنامى
فريدة فكرت لقت أن انسب حل ده علشان تهرب من نظرات على الا من ساعة ماركبت وهو بيختلس النظرات ليها : عندك حق
وبعد مرور حوالى تلات ساعات كانت العربية وصلت امام شاليه فى إحدى قرى الساحل الشمالى
مراد وهو بيحاول يصحى فريدة : اصحى يا حبيبتى وصلنا يلا
فريدة وهى بتحاول تفتح عيونها كأنها كانت فى حلم لكن اول مافتحت عيونها عارفة انه واقع
مراد : وهو بيضع يديه على وشها بحنان: كل ده نوم
فريدة بتبسم علشان تدراى خوفها: عادى
مراد: طب يلا
نزلت فريدة مع مراد تحت نظرات على ليها
مراد : ممكن ترجع ياعلى قبل مانرجع هنكلمك
على : تحت امرك ياافندم
مشى على بعد ما دخل الشنط الشاليه
مراد دخل مع فريدة الجنينه الشاليه وطلع من جيبه شريط ستان ولفه على عيون فريدة ومسك ايديها ودخل بيها الباب الرئيسى
فريدة : مراد ممكن افهم فى ايه
مراد : ثوانى وفك الرباط من على عينيها
شافت الشاليه كله مزين بالورود والشموع وفى منتصف الشاليه مرسوم قلب بالورد وجواه قلب صغير من الشموع وعلى السلالم الرئيسى الا توصلك لاوضة النوم شموع
فريدة وضعت يديها على فمها من المفاجأة ودموع نزلت من عينيها
مراد : مالك ياحبيبتي
فريدة : مش مصدقة انك عملت كل ده علشانى
مراد : انت روحى يافريدة ولسه هيقرب منها تليفونه رن : اوف مين الغلس ده
فريدة : رد يامراد
رد مراد وكان اسر بيساله ايه رايك وان وصى ليه على أكلة سمك وظبط التلاجة قفل معه ولف لفريدة احنا كنا بنقول ايه
فريدة عضت على شفايفها: وقبل ما تتكلم كان مراد التهم شفايفها فى قبلة طويلة لم يبعد عنها إلا لحاجتهم للتنفس : انا مش مسئول لو عملتي الحركة دي تانى
فريدة اتكسفت وطلعت على فوق
مراد طلع وراءها ووجدت الاوضة مزينة مثل باقى الشاليه اخدها مراد فى حضنه وذهبوا لعالم خاص بيهم
____________________________________
أما فى القصر
كانت شوشو تجلس فى الجنينه عندما رن هاتفها وجدت اسم المتصل اسر
شوشو : الو
اسر : احلى الو دي
شوشو وهى بتضحك: وبعدين بقى
اسر : بحبك
شوشو اتكسفت ومردتش
اسر : ساكتة ليه
شوشو : اسر
اسر : عيون وقلب اسر على فكرة اول اونكل مايرجع انا هكلمه اننا نتجوز على طول
شوشو : لا طبعا لما كمل دراستى
اسر : هتكمليها وانتى مراتى وبعدين هساعدك
شوشو : إن كان كده ماشى
اسر: الله الله
شوشو : وبعدين ممكن تقفل علشان احضر حاجات الكلية
اسر: اعملى حسابك انى هوصلك بكره سلام
شوشو : سلام
________________________________
أما فى عربية مراد
كان على سايق وهو باله مشغول بفريدة معقول اشوفك بعد السنين دي كلها انت تتجوزى الراجل ده ياه بس ياترى هو عارف علاقتى بفريدة لا مااعتقدش المهم انا لازم اتكلم معاها
______________________
أما فى الشاليه
صحيت فريدة من النوم شافت مراد نائم لبست روبها وأتسحبت من جمبه ونزلت تحت تفكر فى حياتها معقول اشوف على بعد السنين دي كلها وهنا وانا مع مراد ده قدر بس ياترى على بيعمل ايه هنا وايه الا رجعوا من بره ولسه مراته على ذمته ولا ايه
وياترى رد فعل مراد هيكون ايه ؟ بس انا لازم أقوله ايوه لازم احسن مايعرف من حد تانى فاقت من سرحانها على صوت مراد : حبيبتى بتعملي ايه
فريدة : ابدا صحيت ومحبتش اقلقك بس
مراد وهو يجلس بجوارها : ممنوع تقومى من جمبى لازم اول حاجة افتح عيونى عليها هى عيونك الحلوين دول
فريدة ابتسمت
مراد : تعرفى يافريدة انا بحبك اوى لدرجة انى بغير عليكى من اى حاجة مش متخيل انك ممكن تكونى لراجل تانى مقدرش اتخيل ده
فريدة سرحت فى كلام مراد : صعبتها عليا اوى يامراد
مراد : رجعتى لسرحانك تانى
فريدة : ابدا المهم يلا ادخل خد شاور وانا هحضر الفطار
مراد باسها فى خدها ومشى
قامت فريدة تحضر الفطار وخرج مراد وفطروا بس فريدة سرحانة اوى
مراد لاحظ ده وحس انها ممكن تكون مضايقة من حاجة ومحبش يضغط عليها
وبعد الفطار طلعت فريدة غيرت وخرجت هى ومراد يعقدو بره على البحر
مراد وهو جالس بجوار فريدة : انتي عارفة يافريدة انى مجتش الشالية ده من يوم حادثه مازن كنت بخاف اجاى هنا بس لم اتجوزنا فضلت انى اجاى هنا علشان اتغلب على خوفى وانتي معايا علشان بستمد قوتى منك انت بالنسبالى مصدر قوتى اوعى فى يوم تبعدى عنى أو اتجرحينى لان ساعتها معناها موتى بعدك عنى وجرحك ليه يعنى بتكتبى شهادة وفاتى
فريدة حطت ايديها على شفايفه: اوعى تقول كلمة الموت دي تانى انت حياتى انا بحبك اوى يامراد
مراد شد ايديها وطبع قبلة رقيقة عليها : انا بعشقك
____________________________________
أما فى الكليه عند شوشو قام بتوصليها اسر ونزلت على اتفاق انها قبل ماتخلص بوقت كافى حتى ياتى لاخدها ويعزمها على الغداء
دخلت شوشو الكلية اول ماشافتها رنا جريت عليها : شوشو ازيك فينك
شوشو : موجودة
رنا : على فكرة احنا كلنا بعدنا عن خالد بعد الا حصل
شوشو استغربت أنهم على علم باللي حصل
رنا : متستغربيش احنا عارفنه من عمر لم اختفيت فجأة وهو كمان عمر حاول يوصله وبعد ماوصله ضغط عليه اعترف بالعملة الا عملها ومعندكيش فكرة رد فعل عمر ايه واحنا كمان بس صدقينى احنا مكناش نعرف نواياه احنا بجد حبناكى
شوشو : خلصتى
رنا : اه
شوشو : عن اذنك وعلى العموم انا مش زعلانة منكم بس خلاص مينفعش نرجع صحاب تانى ونخرج مع بعض انا مش هقدر اثق فيكم تانى احنا زمايل بس عن اذنك
مشيت شوشو وهى حاسة انها كده بقت مرتاحة اكتر واخدت محاضراتها وقبل محاضرتها الأخيرة طلبت اسر الا اول ماخلصت وخرجت شافته واقف وساند على العربية قربت منه وابتسمت وهو فتح باب العربية وركبوا وصلوا مطعم علشان الغداء
شوشو حكت لمراد كل كلامها مع رنا
اسر كان من جوه سعيد أن شوشو بدءت تحكيله كل حاجة اتغدوا فى جو من السعادة والبهجة واتكررت طول فترة سفر مراد بس بعلمه واذنه
__________________________________
مر اسبوع على ابطالنا فى سعادة وهنا وجاء اليوم إلا فريدة ومراد راجعين فيه وصل على ليهم واخدهم ورجعوا على الفيلا وكان الكل فى استقابلهم وعملوا حفلة صغيرة ليهم وكانت شوشو صاحبة الفكرة وأعلن مراد فيها موافقة على خطوبة اسر وشوشو
وأصر اسر أن يتمم الزواج فى اسرع وقت
مراد الاول ماكنش موافق بس وافق فى الاخر لما شاف نظرة السعادة فى عين شوشو
عدى كمان اسبوع وكان كله دلع وسعادة وحب
اليوم مراد نازل راح الشركة فريدة طلبت منه أنه يبعت حد معاها علشان عايزة تشترى حاجات
وافق مراد واتفق انه هيبعت على ليها
وبعد شوية وصل على لفريدة خرجت ليه بعد مانعمة بلغتها أن على بره
فريدة خرجت لعلى
على اول ماشاف فريدة : ازيك يافريدة
فريدة: انت عايز ايه ياعلى وتقصد ايه بشغلك مع مراد
على : انا مكنتش اعرف انه جوزك
فريدة : وعرفت يبقى اتفضل
على : انت عمرك مكنتى قاسية كده
فريدة : قاسية تعرف ايه انت عن القسوة لم سبتنى وروحت اتجوزت زميلتي علشان الفلوس وكسرت قلبى
على : كان غصب عنى
فريدة : انتهيت خلاص انت تسيب الشغل مع مراد فورا
على : ليه خايفة يعرف اني كنت خطيبك وحبيبك
فريدة : اخرس واسمى فريدة هانم مفهوم
ولم يكونو يعرفو بأن أحد قد سمع حديثهم
ياترى ايه اللي هيحصل؟
ومين اللي سمع الكلام ؟
هنعرف الحلقة الجاية
التعليقات على الموضوع