رواية دموع الورد الحلقة 22

الحلقة22

هى هنا بصفتها حرم مراد الحناوي وكان هذا صوت عائشة اتصدمت فريدة من رد شوشو عليهم 

علاء اتجه ناحية فريدة: كمان اتجوزتى من ورانا ياهانم 

علا بضحكة تهكمية : بس واضح انك ارخص من أنه يعلن جوازكم الا فى السر وياترى بقى عرفى ولا ايه

هى اغلى عندى من الدنيا بس واضح انها رخيصة عندك انتم كان هذا صوت مراد : انتم ازاى تتجرؤ انكم تهينوها بالشكل ده ومين سمح ليكم تدخلو بيتى

علاء بغل : انا اخوها ياحضرة وانت تتجوزها ازاى من غير مانعرف وقرب من فريدة بيشدها بعنف من أيديها يلا ياهانم معانا

مراد مسك ايديه جامد : تروح معاك فين انت ايه مش بتسمع بقولك مراتى 

علا : انت اتجوزتى يافريدة

فريدة دموعها نزلت على وشها ونامت فى حضن شوشو

مراد : كلمنى انا 

علا: تتجوزى يافريدة من غير اخواتك

مراد : اخواتها وانتوا كنت فين مسألتوش عليها ليه عموما يامدام انتي والاستاذ ..فريدة رفضت أنه يحصل ايه ارتباط الا بعد ماسيادتكم تعرفوا علشان اخواتها وقال كلمته ده وهو بيضحك بسخرية

علاء: يعنى مش متجوزه صح وضحكتوا علينا

مراد : ده الا فهمتوا من كلامى صحيح انتوا الاتنين متستهلوش ان فريدة تبقا اختكم ودلوقتى اتفضلوا بره البيت ده واوعو تفكرو بس انكم تدخلوا البيت ده تانى

علاء: احنا الا ميشرفناش اننا ندخل البيت ده تانى ومن النهاردة احنا ملناش اخت اسمها فريدة اللي تقبل تعيش مع واحد من غير مايكون بينهم صفه واخد أخته ومشي

مراد بص لفريدة الا نامت فى حضن شوشو بغضب: هم دول اللي انتي كنتي مستانيهم علشان تاخدي رأيهم شوفتى انانيتك وسلبيتك معاهم وصلتهم لايه وخلص جملته وابتعد بخطوات غاضبة

فى هذه اللحظة أحست شوشو بثقل فى جسد فريدة نظرت إليها فوجدت فريدة اغمضت عينيها صرخت شوشو : بابا الحق فريدة 

جرى بسرعة مراد حاول يضرب فريدة على وجهها لكى تفوق لكن دون جدوى احس مراد بالعجز لأنه لن يقدر على حملها ووجه كلامه لشوشو اطلبى اسر خليه يكلم الدكتور يجى بسرعة

طلبت شوشو اسر وبلغته 

وبعد شوية وصل اسر وحمل فريدة الى اوضة مراد وبعد شوية وصل الدكتور وطلب منهم الخروج لم يتبق منهم سوا شوشو الا أصرت على ذلك قام الدكتور بالكشف على فريدة واعطى لها حقنة مهدئة 

خرج الدكتور جرى عليه مراد : خير يادكتور

الدكتور : طمنى مفيش حاجة هى تقريبا اتعرضت لصدمة عصبية وهى جسمها ضعيف فمستحملتش انا أديتها حقنة هتخليها تنام لصبح عن اذنكم

خرج الدكتور مع أسر 

دخل مراد شاف فريدة نائمة على السرير وجهها شاحب شوشو قاعدة جمبها ودموعها نازلة قرب مراد من شوشو : هتبقى كويسة

شوشو بدموع : صعبانة عليا اوى يابابا

مراد استغرب من كلمة بابا وبص لشوشو 

شوشو فهمت جريت على حضنه سامحنى يابابا مش هى احسن من دادى 

مراد رفع وجهها ليه : اى حاجة منك حلوة ممكن تخرجى وتسيبنى 

شوشو : أنا عايزة افضل جمبها

مراد : معلش سبينى معاها

شوشو وافقته بس قبل ماتخرج قالت يابابا وخرجت

اكتفى مراد بابتسامة

قرب مراد بالكرسى من فريدة : انتي عارفة نفسى فى ايه دلوقتى نفسى اخدك فى حضنى وطيب كل جروحك انا عارف انك سمعانى بس اوعدك انى هدفعهم تمن ظلمهم ليكى علشان انت انقى شخص انا عرفته وعايز اقولك على سر أنا مش بحبك انا بعشقك وباس ايديها

أما عند شوشو فمجرد ماخرجت من عند فريدة شافت اسر داخل من باب الفيلا حاولت تهرب منه بس اسرع بالامساك بيها : لحد امتى هتفضلى تهربى منى

شوشو اغمضت عينيها: انا مش بهرب منك ولا حاجة

اسر: اومال تفسرى بيه كل ماحاول اشوفك تهربى لا بتعندى معايا انت ماحرمتيش من العند ده وصلك لفين 

شوشو كانت خلاص بدأت تنهار : طبعا لقيت حجة علشان تزلنى بيها وتحسسنى أن شخصيتي عندية وكل الاتهامات صح

اسر: هو ده الا فهمتيه من كلامى 

شوشو انهارت خلاص: انت عارفة أن بسببك الحيوان ده كان هيعمل معايا ايه

اسر بصلها باستغراب 

شوشو : ايوه انت السبب وقال إنه شافك يوم الحفلة وانت بتبوسنى وكملت بعياط وانا انى شكلى مقضيها عرفت بقى انك السبب

اسر : انا عملت كده علشان بحبك ياغبية

شوشو : بتحبنى وكريستينا

اسر لم يتمالك نفسه من الضحك

شوشو ضربته فى صدره : بتضحك ليه

اسر سحبها وراء : تعالى نتكلم فى الجنينه بره 

خرجت شوشو معه: ادينا خرجنا ممكن تفهمنى ايه بقى 

اسر : افهمك ايه عايزانى اقولك انى يوم ماكنت ناوى اعترفلك بحبي اعرف انك بتحبى الزفت الا اسمه مارك

شوشو برقت من الصدمة : ايه الكلام ده مارك مين وجيبت الكلام ده منين

اسر : مارك صحبك الا فى لندن ومين الاقالى فكريستينا هى إلا قالت

شوشو : والست هانم قالتلك ده وهى عندك فى الشقة سهرانين ولا لم سبتنى وبابا تعبان ولا لم كانت بتجيلك الشركة

اسر ضحك على طريقة شوشو فى الكلام ونبرة الغيرة الا فى صوتها 

شوشو قامت تقف : واضح انى بقول نكته عن اذنك

اسر شدها من ايديها : اقعدى بس وانا هحكيلك الا حصل 

شوشو قعدت

اسر : اولا كريستينا جاتلى البيت وحاولت معايا بس طبعا أن طردتها من عندى ردت عليا وقالت انى لو رافضها علشان بحبك فبقا غلطان لأنك بتحبى مارك ونزلتى تشوفيه من وراء بابكى علشان تودعيه 

شوشو : طبعا صدقتها

اسر : طبعا لازم اصدقها خصوصا بعد الا قولتيه يوم ماشوفته بيهزر معاكى فى الكافية وفاكرة لم طلبتى منى انا باباكى ميعرفش عن حاجة 

شوشو : علشان بابا كان رافض أني اصاحب مارك كان مفكر انى ممكن احبه فحب يبعده عنى بس وهو لم حاولت مكلمهوش مشى يومها ورا كريستينا بس 

اسر : طب يوم ما كنتى تعبتى كنت بتنادى على حبيبك

شوشو : طبعا حضرتك فسرت أن الزفت مارك واصدرت حكمك من غير ماتسالنى صح

اسر قرب منها اوى : طب عرفينى الصح

شوشو اتوترت من قرب اسر ليها: ممكن تبعد

اسر : هبعد بس بشرط واحد وطلع من جيبه فلاشة واداها لشوشو 

شوشو : ايه ده

اسر: ده فيها كل الاجابات على الأسئلة وبعد ماتشوفها مش هتنازل عن كلمة واحدة 

وساپها ومشى 

اخدت شوشو الفلاشة وطلعت على أوضتها وجابت اللاب توب وحطت فيه الفلاشة الا كانت بتحتوى على مقاطع فيديو لكريستينا لما راحت لأسر وطرده ليها وكمان لم راحت الشركة وكانت شوشو بتتفرج هى فى قمة سعادتها ظلت تتابع الفلاشة مرات عديدة وهى سعيدة

عدى وقت وبعدها نزلت شوشو للاطمنئان على والداها خبطت ودخلت لقت والداها قاعد على الكرسى جمب فريدة : ايه الاخبار 

مراد: تعالى ادخلى

شوشو راحت ناحية بابها : ممكن حضرتك تتفضل تستريح أنا هاخد مكانك

مراد : لا انا كويس مش هقدر اسبها

شوشو : يعينى على الحب لا متقلقش اقوم وانا هخلى بالى منها 

بعد شد وجذب خرج مراد تحت اصرار شوشو 

وهو خارج فضل نظره متعلق بيها شوشو والله ماتقلق هاخد بالى منها

قعدة شوشو بجوار فريدة وأخذت تحدثها: انا مش عارفة لقيت قلبى اتعلق بيكى من اول مرة شوفتك فيها وانا حاسة انك حد قلبه طيب اوى بس خفت اتعلق بيكى اخسرك وكملت بدموع اصل انا كل ما قلبى يحب حد يسبنى زى اسر وحاجة كمان بابا لما شوفته متعلق بيكى خوفت اخسره وتاخديه مني وانا بصراحة ماليش حد غيره بس بعد صبرك على كل تصرفاتى حسيت بقلبك الابيض وبعدين بصراحة اكتر شوفت الفرحة فى عيون بابا والسعادة علشان كده استحالة اقف ما بينكم تانى بس قومى انتي

عدى الليل سريعا وجاء النهار بدأت فريدة تفتح عيونها وبدءت تفتكر الاحصل وبكت وزادات الشهقات استمعت إليها شوشو فقامت مخضوضه: فريدة انت تعبانة 

فريدة من بين الشهقات: اه كويسه بس صعبانة عليا اخواتى ازاى يفكروا فيه كده 

شوشو وهى بتطبطب عليها : أهدى وصدقينى بكره هيعرفوا الحقيقة وساعتها هيندموا 

دخل مراد شاف فريدة ' : جرى عليها فى ايه بتعيطي ليه

شوشو : مفيش هى واضح انها اول ماشافتنى اتفجعت وكملت بطريقة الاطفال هو انا شكلى منكوش ولا حاجة 

فريدة ابتسمت من بين شهقاته : لا ياحبيبتى انت زى القمر 

شوشو : عموما انا هروح اخليهم يجهزوا الفطار وشاورت بصوابعها بمعنى تحذير انا راجعة على الطول 

مراد قرب من فريدة بدء يمسح دموعها 

شوشو دخلت فجأة : اوبا هو انا مش قولت راجعة

مراد بنرفزة : نعم ياشوشو

شوشو بضحكة : كنت بسال هتفطروا هنا ولا فى الجنينه

كل ده وفريدة بتكتم ضحكاتها 

شوشو : طيب 

خرجت شوشو وقرب مراد تانى من فريدة : حبيبتى مش عايز اشوف دموعك تانى

دخلت شوشو تانى وهى بتحاول تدارى ضحكتها: بابا انا وقبل ماتكمل كلامها كان مراد حدفها بالوسادة

فريدة وهى بتحاول تقوم من مكانها : انا اروح اغير هدومى علشان نفطر احسن شوشو مش هتسكت 

شوشو فتحت الباب ودخلت رأسها: صح يادادي

خرجوا كلهم يفطروا فى الجنينه فى جو كله سعادة وضحك ومشاغبة شوشو ليهم وبعد شوية انضم ليهم اسر وحسن وحنان بعد ماعرفوا بتعب فريدة علشان يطمنوا عليها

حنان كانت ملاحظة نظرات اسر لشوشو وكانت فرحانة من جواها

وكمان نظرات فريدة ومراد ومتابعة شوشو ليهم

استأذن حسن ومراد واسر علشان يدخلوا المكتب يرجعوا اوراق خاصة بشغل 

وفريدة هى كمان استأذنت تدخل تاخد الدواء لأنها حست أن حنان محتاجة تتكلم مع شوشو 

فعلا اول ما دخلت فريدة لفت حنان لشوشو : حاسة أنك اتغيرت كتير

شوشو ابتسمت لأنها فهمت هى تقصد ايه : قصدك علشان فريدة وبابا 

حنان : اه

شوشو : ابدا بس كل لما اشوف نظرة السعادة فى عينيه ابقى سعيدة انا بحب بابا اوى واطمنى هو متغيرش معايا

حنان : لا أنا واثقة أن حبه ليكى اقوى من اى حاجة تانية

شوشو : حضرتك كنت تعرفي ماما الله يرحمها كلمينى عنها ؟ بابا كان بيحبها؟ 

حنان ابتسمت بس بسمة حزن عند ذكر شوشو لوالدتها : عارف ياشوشو انك فيكي شبه كتير اوى مش فى الملامح لا فى الروح كمان كانت زيك كده مرحه وبتحب الحياة والأهم انها كانت بتحب السعادة لكل الا حولها أما علاقتها باباكى كانت علاقة ناجحة وبس ياخسارة كانت قصيرة اوى 

شوشو : طب حضرتك كنتى فين كل السنين اللي فاتت

حنان : تقدرى تقولى إنا كنت فاهمة أمور غلط هى السبب فى بعدنا وحاولت تغير الحوار وبعدين انتي شقية اوى انتي محسسنى انى قاعدة ادام وكيل نيابة

شوشو : ضحكت ماشى براحتك اهربى 

حنان : مش بقول شقية انا بقى الا عايزة اسالك انت بتحبى اسر

شوشو برقت من السؤال واتكسفت 

حنان : الاانا واثقة فيه أن اسر بيحبك وعارفه انك انت كمان بتحبيه ياريت متضيعوش عمرك فى العند عيشوا حياتكم

شوشو اتكسفت ووشها احمر عن اذنك هدخل اطمن على فريدة

عدى يومين كانت فريدة قدرت تتعافى من صدمة اخواتها 

وفى يوم فريدة ومراد وهما سهرانين فى الجنينيه 

مراد : تعرفى يافريدة أنا بغير عليكى من خطيبك

فريدة بصتله بدهشة

مراد : ماتبصليش كده اه بغير أن فى واحد قبلى مسك ايديك او قالك كلمة حلو وكنت بتحلمى معه بحياة وأسرة

فريدة : لدرجة دي

مراد : واكتر

فريدة: هتصدقنى لو قولتلك أن أول مرة اعيش معاك الاحساس بالحب ده مراد انا بحبك انت

مراد بسعادة ورفع ايديها وباسها : انا مش بحبك انا بعشقك

فريدة اتكسفت وحطت وشها فى الارض

مراد رفع وشها: لا خالى الكسوف لبكره

فريدة: اشمعنا بكره 

مراد وهو قام واقف كلها بكره

عدى الليل سريعا وجاء النهار سريعا ملئ بالمفاچات منها السارة ومنها الا غير سارة

خبطت شوشو على اوضة فريدة : ادخل

شوشو : صباح الورد

فريدة : صباح الورد والياسمين عليكى تعالى

شوشو: تعالى ايه بس ده احنا ورانا مشاوير كتير اوى النهاردة 

فريدة : مشاوير ايه بس

شوشو وهى بتشد ايد فريدة : يلا وبابا يعرفك بره احسن اسر من بدرى مستني

خرجوا سوا مراد اول ماشافهم فرح أهم اتنين عنده خلاص بقى قريبين من بعض وفضل يبص على فريدة كتير شوشو لاحظت ده : طب عن اذنكم انا وياريت نخلص علشان نلحق 

فريدة وهى بتبص لمراد : ممكن افهم ايه الموضوع

مراد : ببساطة كده انا قررت اننا نتجوز النهاردة

فريدة بدهشة : نتجوز ازاى

مراد : ازاى دي بتعتى انا وغمز بعينيه

فريدة اتكسفت من تلميح مراد : انا بتكلم بجد 

مراد شدها من ايديها : تعالى افهمك بس ياستى انت كنت بتأجلى علشان خاطر شوشو وخلاص دلوقتى اتحلت وبعدين انا مش قادر على بعدك وكمان علشان اخواتك دول اعرف اجيب حقك منهم

شوشو : لا يامراد اخواتى معزورين ارجوك 

مراد : لسه بعد ده كله

شوشو : اخواتى 

مراد : طب خلاص يبقى توافقى على طلبي 

فريدة : بس

مراد : من غير بس وافقي انتى كل حاجة هتبقى تمام

فريدة هزت راسها بالموافقة 

مراد لسه هيقرب جات شوشو : اوبا دائما باجى فى الاوقات الغلط

مراد : فعلا شوشو مش هوصيكي

شوشو : كله تحت السيطرة 

خرجت شوشو وفريدة واتجهوا ناحية المول لمحل معين مراد مكلمه ومتفق معه على الفستان واول مادخلوا شوشو عرفتهم بنفسها 

البائعة فى المحل: اهلا اخدتهم على البروفه 

فريدة : ايه ده هى جابتنا هنا ليه

شوشو: أهدى كده كله هيبقى تمام

بعد شوية دخلت البنت ومعاها فستان فضى شيك جدا :اتفضلى 

فريدة : ايه ده

البنت : ده الفستان الا مراد بيه اختاره وأعتقد أنه هيكون مظبوط

شوشو :وهى بتمسك الفستان : واو زوقه حلو اوى مش كده يافريدة

فريدة منبهره : عندك حق 

شوشو : طب يلا قياسيه 

فريدة فعلا لبسته وكان شكله يجنن عليها اوى 

اخدوا الفستان وكمان كان حاجز لشوشو فستان روز وكان جنان عليها اخدوهم وراحوا على مركز التجميل 

فريدة : انت مظبطين كل حاجة

شوشو : طبعا مش مراد الحناوى 

كان مراد فى هذه الأثناء قام بتزبن الجنينه وأرسل سيارة للاسكندرية لاحضار زينات وماما سعاد وماما كوثر وكمال لكن توحيدة اعتذرت لعدم قدرتها على السفر

عدى الوقت وجاء موعد تجميع العشاق وقف مراد بطلته البهية ووسامته نعم فى الحب عندما يدخل قلب انسان فهو يقوم بتبديل الحال وقف مراد امام مركز التجميل في انتظار حوريته اخيرا خرجت فريدة بفستان فضى الذى كان ضيق من منطقة الصدر ومتسع من اسفل واول ماشافها مراد راح ناحيتها وابتسم ومسك ايديها باسها الف مبروك ياعمرى

فريدة اكتفت بابتسامة 

أما شوشو كان فستانها روز وبسيط للغاية بس كان عليها حاجة تانية اول ماشافها أسر قرب منها هو انا قولتلك قبل كده انك زى القمر

شوشو هزت راسها بالنفى 

اسر ضرب مقدمة رأسه: غبى بس ملحوقه

خدها ومشى وركبوا العربية كان اسر مكان السائق وشوشو بجوارها وبالخلف مراد وفريدة 

وصلوا الفيلا الا كانت مزينة بطريقة جميلة وكان فى استقابلهم حسن وحنان وزينات وماما سعاد وماما كوثر وكمال واكرام وبعض الموظفين 

فرحت فريدة بوجود الكل حواليها وتمت مراسم عقد القران وكان كمال هو الوكيل وحسن واكرام الشهود 

وكانت فريدة ومراد ينظرون للبعض وبينهم فرحة واخيرا انتهى الماذون وقال جملته الشهيرة بارك الله لهم وجمع بينهم فى الخير وتعالت الزغاريد 

ياترى الحياة مخبية ليهم ايه

هنعرف الحلقة الجاية