رواية دموع الورد 21

الحلقة21

وصلت شوشو عند بيت خالد وفضلت منتظرة فى العربية تفكر هل تذهب مكان ماجاءت ام تنزل فضلت فترة فى هذا الصراع اللي حسمت أمره ونزلت ودخلت العمارة بخطوات مرتبكة فكان جوها احساس أن المفروض متعملش كده بس قالت إنهم أصحاب وده عادى وركبت المصعد وخرجت منه رنت رنة صغيرة واستنت شوية وجاءت تمشى وجدت خالد يفتح الباب اول ماشافها: ايه ده ياشوشو انت كنت ماشيه

شوشو بارتباك: ابدا أنا جيت بس علشان متزعلش وأقولك كل سنة وانت طيب وهمشي على طول

خالد وهو يرسم الزعل : طب ادخلى اشربى حاجة وبعدين الشلة كلمونى وقالوا جاين فى الطريق

شوشو كانت مترددة لكن خالد لم يسمح لها بالنزول وشدها على جوه 

خالد : ادخلى 

دخلت شوشو وهى متردده وخالد خلفها بيبتسم بشر : تحبى نعقد فين

شوشو بخوف بتحاول تداريه : اى مكان 

شارو ليها على صالون : هنا كويس 

شوشو اكتفت بهز رأسها دليل على الموافقة ولحظت أن مفيش ايه مظاهر للاحتفال فاستغربت : ايه ده هو مفيش حفلة ولا انا جيت بدرى

خالد : لا فيه ولو قصدك علشان مفيش زينة انا كبرت على الكلام ده والجاتوه فالاستاذ عمر المفروض يستلموا من بدرى بس هو اتاخر 

شوشو اكتفت بابتسامة 

خالد : ادخل اعملك عصير

شوشو : مفيش داعى نستنى لما الشلة توصل 

خالد : عادى نشرب دلوقتى ونشرب تانى لم يجوه

دخل خالد المطبخ يحضر العصير وطلع حبة من جيبة وضعها فى كوب عائشه وضحك بشر : علشان تعرفى ترفضي حبى ليكى

خرج ومعاه اتنين كوب عصير وقدم واحد لشوشو اخدته منه وضعته امامها على الترابيزة 

خالد : اشربى ياشوشو

مدت أيديها وأخذت الكوب وتناولت منه رشفة ومع كل رشفة كان خالد يبتسم بشر وتركت نصف العصير في الكوب

شوشو احست بتشوش الرؤية حولها فأخذت تفرك بعينيها : ايه ده مالى 

خالد ابتسم وقرب منها : مالك فى ايه 

شوشو وهى بتحاول تقوم: معرفش حصل ايه

خالد وهو يقوم باسنادها : حصل انك رفضتى خالد وده الا مقدرتش واحدة تعمله 

شوشو وهى بتحاول تبعده : انت أكيد مجنون

خالد : مجنون بيكى وانت سبتينى علشان حتة الواد الا كان معاكى فى الحفلة وكمان شكلك مقضيها معه ولا حلال ليه وحرام عليه

شوشو كل ده بتحاول تستجمع قدرتها لكن فجأة سقطت فهجم عليها صدقينى انا مكنتش ناوى اعمل كده علشان كنت هتجوزك وهحميكى من الا كانوا عايزنى يضروكى لكن بعد رفضك ليه قولت استفيد منك واطلع بمصلحة 

لكن فجأة جرس الباب بيرن جامد خالد وهو بيبص عليها : ثوانى واشوف مين ورجعلك ياجميل 

اول مافتح الباب كانت فريدة لسه بيسالها مين كانت هى الاسرع وضربته بالكتريك الكهربائى. 

ودخلت جرى تدور بعينيها على شوشو لحد مالقتها وقعة على الكنبة وهدومها متبهدلة جريت عليها حاولت تفوقها لكن من غير فايدة وحاولت تسندها بس مقدرتش وبدأت ترفع فيها كل ماتقوم تقع لحد ماوصلت لباب الشقة وهنا كانت صدمتها لم شافت اسر ادامها وعينيه مبرقة من الصدمة 

فريدة بصدمة: بشمهندس اسر انت جيت ازاى

اسر بلهفة : مش وقته هى مالها شوشو

فريدة وهى بتبص على خالد الا مرمى على الأرض: شكله الحيوان ده مخدرها متقلقش هنروح على مستشفى وهناك هتفوق 

اسر شال شوشو ونزل بيها تحت على عربيته وحطها فى الكنبة الا ورا وسندتها فريدة 

اسر قفل الباب راح تانى ناحية العمارة وطلع فوق لقى لسه خالد مرمى على الأرض ضربه بالرجل ودخل يدور فى الشقة كلها لحد ماوصل أن الحيوان ده كان حاطط كاميرا فى اوضة النوم اخدها ونزل بيها على تحت

فريدة شافت منظرة وعنينه الابتطق شرار : بشمهندس اسر حضرتك عملت ايه 

اسر : متخافيش انا كنت بجيب ده

فريدة باستغراب : ايه ده

اسر : ده كاميرا كان حاططها الحيوان فى اوضة النوم علشان يصورها لم كان مقدرش يكمل

فريدة واسر فى نفس الوقت عرفت منين

فريدة : مش وقته المهم نلحق شوشو 

سائق اسر بسرعة جنونية وفى دماغه تخيلات كتير لو فريدة مكنتش لحقتها كانت حصل اول ماوصل لده ضرب بيده على الدريسكون جامد

وصل المستشفى شالها اسر وجرى بيها وجريت وراه فريدة

دخلها على الاوضة ونادى على الدكتور وصل وطلب من الكل يخرج بس فريدة أصرت تفضل معها وبعد ماعرفته على أنها ممرضة 

خرج اسر واخذ الطرقة ذهابا وايابا لحد ماخرج الدكتور جرى عليه اسر : خير يادكتور

الدكتور : حمد لله هى بس تحت تأثير مخدر مش هتفوق منه غير على الصبح عن اذنكم

اسر بص ناحية فريدة حست من نظرة عنينه أنه قلقان فطمنته : على فكرة هى مفيهاش حاجة خلاص هى بس تحت تأثير المخدر وانا كنت عارفة بكده بس حبيبت اطمنك مش اكتر 

اسر اخيرا أطلق تنهيدة بمعنى الراحة وبعدها وجه كلامه الى فريدة انت ازاى عرفتى 

فريدة : انا الا كنت عايزة اسالك نفس السؤال

اسر : ابدا انا كنت جاي الفيلا وبعدين شوفتها خارجة وكانت كانهامترددة وفتحت العربية وقعدت مدة لحد ما اخدت قرار وتحركت وبعدها شوفتك انت كمان بتاخدى تاكسى وراها حسيت أن فيه حاجة والا حسبتوا لقيته وانت بقى خرجت وراها ليه

فريدة : ابدا انا كنت طالعة ليها اوضتها علشان كنت عايزة اتكلم معها وقبل ماخبط سمعت كلامها مع الا اسمه خالد وبعدها نزلت قالت بابها انها رايحة عيد ميلاد فى نادى فحسيت أن فيه حاجة غلط فقررت اروح وراها وبس 

اسر: الحمد لله انك عملتى كده بس فيه مشكلة هى هتبات هنا ومراد بيه

فريدة : متقلقش مراد بياخد الدواء وبينام لان الدواء يعتبر مخدر فانا هستنى معاها لحد ماتفوق وبعد كده نرجع المهم انت امشى 

اسر بنفى : مستحيل امشى قبل مااطمن عليها

فريدة استغربت : بشمهندس اسر حضرتك بتحبها

اسر استغرب من جرأة السؤال 

فريدة : انا اسفة انى أدخلت فى حاجة زى كده بس اصل الهفة الا فى عينيك ملهاش تفسير غير كده

اسر : لا ابدا انا هرد عليك انا مش بحبها بس انا بعشقها بس للاسف

فريدة : للاسف ايه

اسر بحزن : قلبها مشغول بغيرى

فريدة،: مين قالك كده شوشو بتحبك

اسر نظر ليها نظرة طويلة بيستفهم منها عرفت ازاى

فريدة : الا بيحب بيبان عليه اوى وخصوصا لو داخل عند مع شخص الا بيحبه انا مش عارفة ملاحظتش ازاى يابشمهندس قالت تلك الكلمات وهى تبتسم

اسر : كنت مفكر كده بس فى واحدة صحبتها قالت انها بتحب شخص تانى

فريدة : متأكد من الشخص ده 

اسر سرح بتفكيره فى محاولات كريستينا فى البيت

فريدة بصت ناحيته لاحظت شروده: طالما سرحت يبقى مش متأكد خدها نصيحة منى اتكلموا مع بعض انا هدخل اطمن على شوشو وسابتوا ودخلت

بدء ضوء الشمس يتسلسل الى الغرفة وبدءت شوشو بفتح عيونها في محاولة منها لاكتشاف اين هي وحاولت تقوم بس حست بصداع رهيب وشافت فريدة نائمة على الكرسى 

صدرت تأوهات بسيطه من شوشو قامت على اثره‍ا شوشو بلهفه : مالك انت كويسة

شوشو بتعب : انا فين وايه الا حصل ثم بدئت تتذكر الاحصل معاها صرخت صرخة قوية 

دخل على إثرها اسر : مالها في ايه 

استغربت شوشو من وجود اسر 

فريدة اخدتها فى حضنها : اهدى ياحبيتى محصل حاجة الحمد لله لحقناكى فى الوقت المناسب وجهت كلامها لأسر من فضلك يابشمهندس نادى الدكتور 

خرج اسر وهو حزين على شوشو

شوشو اخذت تبكى فى حضن فريدة 

اخذت فريدة تربت على ضهرها بحنان : والله ماحصل حاجة انت كويسة والدكتور طمني

شوشو : طب احنا جاين هنا ليه ودادى

فريدة : احنا هنا ياستى علشان الكلب ده كان مديكى مخدر وكنا لازم نطمن عليكى وباباكى ياستى معرفش حاجة لسه ممكن تهدي

شوشو بصت ليها كتير وكانت فى عينيها أسئلة كتير 

فريدة شافت ده : ممكن نطمن بس عليكى وبعد كده هجوبك على كل الأسئلة الا فى دماغك وقطع كلامها خبط الدكتور

دخل الدكتور وبعد الكشف طمنهم عليها 

فريدة طلبت منه أن يسمح ليهم بالخروج وافق الدكتور على شرط أنهم ياخد بالهم منها

خرجت فريدة بلغت اسر انهم اطمنوا على حالة شوشو وسمح ليهم الدكتور بالخروج وطلبت منه أن يخلص إجراءات الخروج 

ودخلت تساعد شوشو فى اللبس

وبعد شوية استأذن اسر ودخل وبلغهم أن كل الإجراءات خلصت ولو خلصوا يقدروا يتحركوا 

فريدة :احنا جاهزين 

خرجت فريدة وهى سانده شوشو واول ماجاءت عينيها فى عين اسر نزلت عينيها فى الارض قرب منها وبصوت لا يسمعه غيرهم : طول ما انافى ضهرك عمرك ماتنزلى راسك فى الارض مفهوم بصوت عالى نسبيا قدرة تتحركى ولا اشيلك

شوشو بصوت ضعيف : لا قادرة 

لعن نفسه الف مرة أنه سبها ومفكرش يروح يسألها عن كلام كريستينا بس اخد قرار بينه وبين نفسه أن أول ماتقدر لازم يتكلم معها

ساعدتها فريدة فى دخول فى العربية وقعدتها فى الكنبة اللي ورا وقعدت جمبها أما اسر اخد مكان السائق وتحرك اسر 

فريدة لكسر حالة الصمت اتكلمت بخفة فى الكلام : معلش يابشمهندس شغلناك سواق النهاردة 

اسر وهو ينظر فى المرأة : اكيد كل الا هيشوفكم معايا هيحسدونى أني مركب اتنين زى القمر معايا

اكتفت شوشو بابتسامة خفيفة فهى مازالت غير مستوعبة مامرت بيها ساد الصمت مرة أخرى لحد وصولهم للفيلا 

نزلت فريدة وشوشو ودخلوا الفيلا بس اتفاجؤ بمراد الا بصوت غاضب: ممكن أعرف كنتو فين

شوشو احسنت انها روحها بتنسحب منها كان الدم هرب منها

فريدة لحظت ده فدخلت على طول : ابدا يامراد بصراحة أنا وشوشو صحينا بدرى وقولت يابت يافريدة ماتاخدى البنت الانجليزية ده وخليها تضرب فول من عربية بس طلعت بنتك معدتها خفيفة اوى مع اول تلات لقمات مسكت بطنها وقعدت ترجع وبصراحة مكنتش عارفة اتصرف وقولت اعمل اعمل 

جاء صوت من خلفها مالقتش غيري تصحيه من الصبح كان هذا صوت اسر وكلمونى خدتهم وراحنا المستشفى بس عملوا للانسة غسيل معده 

فريدة احست أن ممكن مراد ميكنش مصدق فقربت منه وهى عينيها فى الارض انا اسفة يامراد بيه

مراد سابها وراح ناحية شوشو الا وجها باهت : انت كويسه ياحبيبتى

شوشو بصوت ضعيف : ايوه يادادى بس محتاجة ارتاح 

مراد نادى بصوت عالى : سميحة 

خرجت سميحة من المطبخ : نعم يامراد بيه لكن واقفت اول ماشافت شوشو بمنظرها ده جريت عليها: مالك يابنتى فيكى ايه

مراد : خديها دلوقتى ياداده خليها تستريح

اتحركت شوشو مع سميحة واول مااختفوا 

مراد نظرة لفريدة نظره : من غير كدب ممكن افهم فيه ايه ومن غير كدب 

فريدة : ماانا قولتلك

مراد قرب من فريدة اوى بوجه غاضبب: موضوع الفطار ده مش مصدقه علشان ببساطة هى بهدوم امبارح

فريدة انصدمت من رده

مراد : اتكلمى 

اسر : ممكن نتكلم فى المكتب 

دخلوا التلاته مع بعض وحكوا لمراد كل حاجة الا كل ما كان بيسمع حاجة يضغط على ايديه اكتر لحد ماخلصوا قام وقف بمنتهى الغضب ازاى كل ده يحصل من غير ما اعرف انا لازم اموت الكلب ده 

اسر : الكلب ده حسابوا معايا انا

فريدةمسكت أيديه : ارجوك يامراد تهدى شوية وشوشو مش لازم تعرف حاجة ارجوك

مراد اداها ضهره: من فضلكم عايز اقعد لوحدى 

اسر شاور لفريدة اخدها وخرجوا

________________________________

أما عند خالد 

فاق بعد مدة وبص حواليه وافتكر الا حصل خاف وقام غير هدومه ولم حاجته

ونزل اخد عربيته ومشى وهو سايق اتكلم فى التليفون 

الشخص بضحكة : صباحية مباركة

خالد : ولا مباركة ولا زفت كل حاجة باظت

الشخص : ازاى 

خالد حكى ليه كل حاجة 

الشخص : يانهار اسود المهم تختفى دلوقتى

خالد : انا عملت كده فعلا سلام 

قفل الشخص مع خالد وهو بيبلع ريقه بصعوبة دى انا الباشا هيموتنا انا مش هقولوا قبل ماظبط الحوار التانى 

----------------------------------------------------------

أما فى الفيلا عند مراد 

طلعت فريدة علشان تطمن على شوشو وجدتها نائمة فنزلت 

عدى يومين والوضع كما هو عليه مراد متجنب كلامه مع فريدة 

شوشو مبتنزلش من اوضتها بحجة التعب 

أما اسر راح يدور على الكلب خالد بس للاسف كان اختفى ومعرفش يوصله نهائيا 

وفى يوم كانت فريدة موجودة فى الجنينه دخلت عليها نعمة الخدامة تبلغ أن فى حد بيسال عليها استغربت مين

راحت معها تشوف مين اتفاجات أنهم اخواتها علا وعلاء

جريت عليهم فريدة : اهلا وحشتونى اوى بس عرفتوا مكانى منين كان علا وعلاء بيسلموا على فريدة بفتور جدا 

فريدة استغربت طريقتهم : اتفضلوا ومجوبتوش على سؤالى عرفتو مكانى منين

علاء: رمى الجريدة فى وش فريدة اتفرجي وانتي تعرفى 

فريدة مسكت الجريدة وبصت فيها شافت صورة ليها هى ومراد فى الحفلة

علا : تقدرى تفهمينى ايه ده

فريدة غير مستوعبة اسلوب اخواتها فى الكلام: بقى هو ده الاجابكم ليه دلوقتى انا هنا بحكم شغلى 

علا : شغل ايه

فريدة : شكلك ناسية انى ممرضة ياهانم 

علاء: ممرضة ايه اللي تتصور كده

فريدة : ايه فى صورة دى حفلة وفيها ناس كتير وانا مش لبسه لبس خارج ولا حاجة

علا' : بفرض أن كلامك سليم تقدرى تقول بتعمل ايه هنا بعد ما المريض الا مسئولة عنه خف

فريدة ساكتت مش قادرة تتكلم

علاء : ماتنطقى انت هنا لحد دلوقتى بصفة ايه ومسك فريدة من دراعها جامد أنطقي 

هى هنا بصفتها مرات مراد الحناوى وكان هذا صوت 

هنعرف الحلقة الجاية؟