رواية عشق الطفوله الحلقه السابعه❤

الفصل السابع. استيقظت آيه في الساعه التاسعه... لتنهض من على فراشها.. وتتوجه إلى المرحاض لتجد ان حوض الاستحمام قد أعد لها مسبقا.. امتلأ بأنواع الشامبوهات التي تعشقها والزهور الجوري الحمراء.. لتنزل في حوض الاستحمام لترخي عضلاتها.. ثم نهضت بعد مايقرب من ثلث ساعه.. ودلفت إلى غرفه ثيابها.. لترتدي ستره شتويه من اللون الأحمر.. وبنطال اسود.. وحذاء شتوي برقبه يصل ماقبل الركبه من اللون الأسود.. وجمعت شعرها على هيئه كعكه فوضاويه..

لتدخل عليها والدتها قائله بابتسامه حنونه: 

صباح الخير يا يوكا.. عامله ايه النهارده؟؟ 

 :احسن الحمد لله يامامي.. وميرسي اوي ان حضرتك حضرتي الحمام ليا.. كنت محتاجه كده اوي.. 

:العفو ياحبيبتي.. ربنا يخليكي ليا.. 

 :ويخليكي ليا يا مامي.. مامي!! انا هاروح اصحى ملك من النوم عشان رايحين مشوار.. عن اذنك.. 

تركتها.. ثم توجهت إلى غرفه الضيوف لإيقاظ صديقتها..

 لتقول والدتها : استني يابنتي.. ملك مش في اوضه الضيوف.. 

ولكن آيه كانت قد ذهبت.. 

****************************

 أما بطلنا فهو لم ينم طوال الليل.. وهو يفكر كيف حالها؟؟ واضطر الى المبيت في منزلها حتى يطمئن عليها.. فمكث في غرفه الضيوف.. فهي تضم بعض من الملابس له.. لأنه يضطر احيانا ان يبيت عندهم بخصوص العمل.. 

 لينهض من الفراش في الساعه التاسعه.. ويذهب ليستحم ويقوم بروتينه اليومي.. 

وعندما دلف إلى المرحاض ليرتدي ملابسه.. هبت العاصفه!!

 دخلت آيه إلى الغرفه على أطراف اصابعها.. ولم تجد أحد على الفراش.. لتستنتج ان صديقتها في المرحاض لتقف تنتظرها خلف الباب.. 

 ليفتح الباب لتستعد للوقوف أمام الباب. ولكن تأتي الرياح بما لا تشتهي السفن.. لتتعثر لتقع في احضانه.. 

 و هي كانت مستعده حتى تستقبلها الأرض الصلبه.. ولكن ماهذه اليد الحديديه الذي تمسك بها؟! لتفتح عينيها الزرقاء ببطئ.. لتواجه عينيه الرمادتين.. هي مأخوذه برائحه عطره المميز التي أصبحت تعرفها.. وهو مأخوذ من تلك الرائحه التي يعشقها وهي رائحه الورود المنبعثه منها.. استفاقت آيه اخيرا من شرودها في سحر عينيه قائله بارتباك:

لو سمحت يابشمنهدس.. بعد اذنك.. 

 ليتركها لتقف مره أخرى... ليحمحم هو بارتباك أيضا قائلا: ايه الطريقه اللي إنتِ دخلتي بيها دي؟! 

 :اصل.. اصل.. اه كنت جايه لملك.. كنت فاكره انها هنا.. سوري يابشمنهدس.. 

 :لا.. الاوضه دي بتاعتي..انا ساعات بانام هنا لما بيبقى فيه شغل.. فساعات بانام هنا.. 

 :اه.. وانت عشان بتنام هنا ساعات.. الاوضه يعني كلها لبسك وبدلك وبرفانات رجالي.. 

 :عادي.. اصل انا مبحبش انام بلبس الشغل.. فبيبقى في لبس ليا احتياطي.. 

 وكمان عدي وعاصم ساعات بييجوا عندي وبيبقى نفس النظام.. على العموم صاحبتك ممكن تلاقيها نايمه عند سيرين.. 

:بس يعني على مااعتقد امبارح مكانش فيه شغل..

:اه.. ماانا فضلت هنا عشان اطمن عليكي..

عقدت حاجبيها بتعجب قائله:ليه؟؟ 

 اما هو بدأ يقترب منها ببطئ إلى ان أصبح امامها تماما.. لا يفصله عنها سوى إنش واحد فقط!! لتلفح أنفاسه الساخنه وجهها الأبيض.. ليهمس عند أذنها قائلا ببحه رجوليه جذابه:

 انتِ مش فاكره حاجه.. يبقى مش هتعرفي ليه انا هنا.. طالما انك مش فاكره يبقى مفيش داعي اني اشرح حاجه.. 

 ليبتعد عنها وهو يهندم ملابسه قائلا: اتفضلي.. روحي شوفي صاحبتك.. 

 وماهي إلا دقيقه وكانت تهرول خارج الغرفه.... ليضحك هو عليها قائلا: لسه برده طفله زي ماانتي.. 

 ليخرج هاتفه ليتصل بحارسه الشخصي (فايز) وماهي إلا ثواني وأتاه الرد 

:ايوه يامحمد ببه.. 

 :ايوه يافايز.. من النهارده مش هتشتغل معايا وهتبقى شغال مع واحده قريبتي .. وتبعتلي كمان عربيه حرس من بتوعي.. وكمان عايز سواق بس يكون داخل على ال٦٠ سنه.. 

:كل ده تمام ياباشا.. بس اجيب منين سواق عنده ٦٠ سنه.. 

:اتصرف يافايز.. وساعه والاقي كل ده جاهز.. 

قالها بلهجه آمره.. 

ليرد عليه الآخر بطاعه قائلا:

أوامرك ياباشا.. سلام.. 

:سلام.. 

ليخرج هو من الغرفه متوجها إلى الأسفل.. 

****************************

 ماان خرجت من غرفته حتى اصدطمت بأختها الصغيره تيا.. لتبتسم في وجهها قائله:صباح الخير يا تيا.. لسه مروحتيش المدرسه لحد دلوقتي ليه؟؟ 

:صباح النور.. النهارده ياآيه عندنا P. E فبروح الساعه ١٠٠.. انا كنت جايه اسلم على محمد وامشي.. 

 لتحملها آيه قائله بعتاب مصطنع: جايه تسلمي على محمد وانا لا.. انا كده زعلانه.. 

 لتطبع الصغيره قبله على احدى وجنتيها قائله:لا متزعليش ياآيه... 

ليخرج هو من الغرفه بهيبته الطاغيه قائلا:ازيك ياتيا.. 

:انا الحمد لله ياميدو.. 

 لتذهب اليه ليحملها وتترك اختها وجهها محمر من الغيره!! ليقبل هو وجنتي الصغيره.. ويقول :يلا ياتيا.. عشان متتأخريش.. 

 لتبعد آيه تيا عن محمد قائله: اه!! يلا ياختي عشان متتأخريش.. 

:حاضر.. حاضر بس متزقيش.. 

قالتها تيا بزهق طفولي.. 

لترد عليها الأخرى بزهق اكبر.:افففف..انا رايحه اشوف ملك..

لترد عليها تيا :ملك وسيري تحت مع مامي.. 

:اوكي.. انا رايحه لهم.. باي.. 

لتنزل من على الدرج ويتبعها محمد وهو يمسك تيا في يده.. 

 لتقابل عدي في الأسفل.. ليردف ممازحا:ايه ده؟؟ خيانه.. كنتوا بتعملوا ايه فوق لوحدكوا ياوحشين.. 

 ليرد عليه محمد قائلا ببرود : كنا بنحشي محشي ياروح خالتك.. 

 :هو يابني.. عشان معنديش خاله.. تقعد كده تجيبلي سيره اي خاله.. 

 لتزفر آيه بضيق.. لتتركهم وتتجه بناحيه ملك وسيرين... قائله:GOOD Morning.. 

ليرد عليها الاثنتان : صباح النور على البنور.. احنا في مصر.. 

:بنور!! يعني ايه دي بقى.. 

لترد عليها ملك قائله: مش عارفه بس I thinkk انه حاجه حلوه.. 

: okay.. What ever.. مش يلا ياملك ولا ايه؟

:اه.. يلا.. 

:يلا على فين؟؟

قالتها ياسمين بتساؤل أثناء خروجها من المطبخ.. 

 لترد ملك بتعلثم قائله:اصل.. يعني ياطنط.. آيه هتيجي معايا عند دكتوره التجميل.. عشان هي يعني عايزه تشوف آيه... اصلها كانت معانا في الثانوي.. وانا رايحه عندها فقولت آيه تيجي معايا.. 

:ليه ياملك.. إنتِ ناويه تنفخي حاجه ولا ايه؟؟

قالها عدي بتلاعب.. 

 :اه ناويه!! انفخ مرارتي عشان استحملك.. وبعدين لما تبقى بنت هابقى اقولك يابابا.. 

 ليردف هو قائلا:يلا ياتيا.. عشان تلحقي الباص بتاع المدرسه.. 

:اوكي.. 

:وانا مش هاجي معاكوا ياآيه ولا ايه؟؟ قالتها سيرين.. 

 لتقاطعها ياسمين بعد ان خرج عدي وتيا قائله: وانتِ ياآيه تعبانه هتروحي معاها ازاي؟؟ 

 :عادي يامامي.. انا كده كده عندي مقابله في الجامعه الأمريكيه.. عشان الرساله بتاعتي.. 

:برده ياآيه... مصممه على اللي في دماغك؟؟ 

:اه يامامي.. وده المفروض شيء يفرح حضرتك.. 

 :ماشي ياآيه.. براحتك..يلا عشان تفطروا.. قالتها وهي تزفر باستسلام ثم أكملت بصوت منخفض: انا هاتصرف.. 

 ليذهبوا جميعا باتجاه سفره الطعام..بعدما عاد عدي من ااةلخارج.. وانضم اليهم عاصم وأيمن.. 

 ليجلس أيمن على رأس الطاوله.. على يساره عاصم ثم عدي.. ثم محمد.. وعلى يمينه زوجته ياسمين وبجانبها مازن الصغير تطعمه.. تليه آيه.. ثم ملك.. ثم سيرين.... 

 ليقطع صمتهم أيمن موجها حديثه لمحمد قائلا:عملت ايه يامحمد في موضوع الحراسه بتاعه آيه؟؟ 

 :والله ياعمي.. انا الحارس الشخصي بتاعي هيبقى معاها على طول.. خليته كمان يحضرلي عربيه حرس من بتوعي.. وهيبعت سواق ليها كمان.. 

 لتقاطعهم آيه قائله:ايه كل ده؟؟ انا داخله حرب ولا ايه؟؟ لا انا مش عايزه كل ده.. هو انا وزيره ولا سفيره.. في ايه لده كله؟؟ 

 ليردف محمد ببرود وهو لا يعيرها أي اهتمام:عايز حاجه كمان ياعمي.. 

 لتردف هي بعصبيه وقد بدأ وجهها يحتقن باللون الأحمر: يابشمهندس!!انا بتكلم مش كرسي انا يعني!! 

:آيه!! عيب.. اتكلمي كويس.. 

قالتها والدتها بحزم.. 

 :خلاص ياطنط... محصلش حاجه.. نعم يادكتوره.. في حاجه!! 

قال الكمله الآخيره وهو ينظر لآيه ببرود.. 

:اه فيه.. ايه جو رئيس الوزراء اللي انتوا عاملينوا ده!! 

قالتها بغضب.. 

 ليرد عليها ببرود:مش إنتِ عايزه تخرجي وتروحي وتيجي.. يبقى خلاص لازم يبقى معاكي حراسه.. والا مفيش خروج نهائي.. 

 جاءت لترد عليه لتقاطعها ملك قائله:خلاص ياآيه.. هو بس البشمهندس واونكل ايمن خايفين عليكي.. متكبريش الموضوع.. ثم أكملت بصوت منخفض.. 

اهدي عشان نعرف نخرج.. وخلي اليوم ده يعدي على خير.. 

 لتزفر الأخرى باستسلام قائله:ماشي.. خلاص موافقه.. ثم وجهت حديثها لملك قائله:يلا.. انا هاطلع أجيب شنطتي وجايه.. :اوك.. 

:عن اذنكم.. 

 قالتها آيه وهي تنهض للذهاب إلى غرفتها.. ثم تبعتها ملك لأخذ أغراضها هي الأخرى من غرفه سيرين.. 

 ليردف بعدها عاصم قائلا:بالراحه شويه ياجماعه.. وانت يامحمد بلاش والنبي برود مع آيه.. آيه اتغيرت دلوقتي بلاش الاسلوب ده معاها عشان هتعاند اكتر.. 

 ليرد عليه محمد بغضب بعد ان تخلى عن قناع بروده:على فكره ياخويا.. انا اللي مربيها يعني عارف تفكيرها كويس اوي كمان..آيه عنيده!! لا مش عنيده.. عنيده جدا كمان وانا عارف.. يبقى خلاص بقى عناد بعناد.. 

ليزفر الجميع باستسلام.. 

***************************

 بعد ان دلفت آيه إلى غرفتها أخذت ترتب حقيبتها.. ووضعت بعض مساحيق التجميل لتخفي شحوب وجهها.. ثم خرجت من الغرفه لتقابل ملك.. لينزلا سويا إلى الأسفل... 

 بعد ان نزلتا إلى الأسفل وجدتا والدها يتحدث مع شخص قوي البنيه... بعد أن دققت آيه في ملامحه.. وجدت انه نفس الحارس الذي قابلته في المطار.. لتتوجه إليهم قائله بعصبيه: البتاع ده بيعمل ايه هنا؟؟ 

 :البتاع ده يادكتوره هو اللي هيبقى الحارس بتاعك.. ومااسموش بتاع اسمه فايز.. 

قال الجمله الأخيره بحده.. 

 وجاءت لترد عليه لتوكزها ملك في كتفها قائله:خلاص ياآيه.. يلا هنتأخر... 

 لترمقها آيه بغضب ثم توجهت إلى الخارج.. لتلحقها ملك بعد ان اعتذرت منهم.. ثم تبعهما فايز.. 

 خرجت آيه من القصر لتجد سياره من الحرس... وسياره أخرى يوجد بها سائق تقسم انه اكبر من والدها.. لتركب السياره في المقعد الخلفي وبجانبها ملك.. وعندما جاء فايز ليركب في المقعد الأمامي بجانب السائق.. صاحت فيه بحده قائله:اتفضل اقعد في عربيه الحرس.. 

ليقول الآخر :بس ياهانم.. 

لتقاطعه هي:اتفضل.. وانا مسميش هانم.. اسمي دكتوره.. 

:حاضر يادكتوره.. 

قالها بطاعه قبل ان يتوجه لسياره الحرس.. 

لتلتفت إلى ذلك السائق تقول له:

اطلع لو سمحت.. 

 لينطلق إلى العنوان الذي املته عليه ملك.. وتتبعهم سياره الحرس.. 

 وكان هو واقف يراقبها عند باب القصر.. وعندما اختفت السيارتان عن الأنظار..وضع نظارته الشمسيه.. ليتجه بخطوات واسعه نحو سيارته.. ليركب في المقعد الخلفي... ويأمر السائق بالانطلاق الي شركته.. وتتبعه سياره حرسه.. 

****************************

 بعد مده من الصمت في سياره آيه قاطعتها هي قائله بابتسامه لطيفه: حضرتك اسمك ايه ياعمو؟؟ 

:اسمي سالم ياهانم.. 

قالها بابتسامه لطيفه.. 

 لتعبس هي بطفوليه قائله:انا مش اسمي هانم ياعمو.. اذا كان فايز بخليه يقولي يادكتوره.. وحضرتك في سن والدي.. يبقى تقولي ياآيه وبس.. 

:العفو ياهانم ميصحش.. 

:بتقولي هانم برده.. لو آيه تقيله عليك قولي يابنتي.. 

:حاضر يا بنتي.. 

قالها بابتسامه هادئه.. 

لتردف هي قائله:حضرتك ياعمو سالم عندك أولاد؟؟ 

:اه يابنتي.. كان عندي بنت واحده.. 

قالها بحزن.. 

:كان!! ليه ياعمو هي راحت فين؟!

:معرفش والله يابنتي.. من ٥٥ سنين وانا معرفش عنها حاجه.. انخطفت قدام عنيا وانا معرفتش اعمل حاجه... وحتى مش عارف اذا كانت عايشه ولا ميته.. 

 لترد عليه آيه بابتسامه هادئه:عايشه.. ان شاء الله عايشه وهتلاقيها.. وترجع تاني لحضنك ياعمو.. 

:يارب يابنتي.. يلا اهو احنا وصلنا.. 

 قالها وهو يصف السياره جانب إحدى الأبراج السكنيه.. التي تخصص للعيادات.. 

 لتترجل آيه وملك من السياره وعندما دلفتا إلى البناية.. التفت اليها آيه قائله:هي الدكتوره في الدور الكام.. 

لتردف ملك بمشاكسه:الدور ال١٠.. 

:ايه.. يلا نمشي.. 

 لتنفجر الأخرى عليها في الضحك قائله:بهزر معاكِ.. الدور التاني.. لسه برده عندك فوبيا من الاسانسير؟؟ 

:اه عندي.. واسكتي بقى يارخمه.. 

قالتها وهما تصعدان السلم.. 

 ليصلا أمام العياده.. والتي كانت عباره عن مركز كبير.. لتذهب ملك باتجاه الممرضه قائله:لو سمحتي انا عندي ميعاد مع الدكتوره باسم ملك السيوفي.. فاضل قد ايه؟؟ 

 لتردف الممرضه بعمليه :حالا يافندم... هابلغ الدكتوره واجي..

 لتذهب باتجاه غرفه الكشف وماهي إلا ثواني وكانوا يدلفون إلى الطبيبه.. 

 ماان دلفت آيه وملك الي الطبيبه حتى نهضت الطبيبه مسرعه ترحب بملك قائله:ملك!! عاش من شافك.. كل ده مبتسأليش عليا... ولا كأننا كنا مع بعض في الثانوي والاعدادي.. 

 :معاكي حق يامريم .. بس خلي العتاب ده بعدين.. شوفي انا جايبالك مين!!

 قالتها وهي تشير ناحيه آيه قائله:آيه الشافعي.. دحيحه الدفعه..

لتحضنها مريم مسرعه قائله:يوكا.. وحشاني اوي.. بقالي  ٦ سنين.. ماشوفتكيش.. إنتِ مش فكراني ولا ايه..

:لا.. للأسف مش فكراكي..

لتردف ملك قائله:آيه عملت حادثه من ٦٦ سنين فجالها فقدان في الذاكره.. فهي مش فاكره زمان.. وبعدين احنا جايلنك عشان آيه عايزه تكشف..

:بس الكشف باسمك ياملك..

 لترد آيه قائله:لا انا اللي هاكشف.. معلش مكانش ينفع نكتبه باسمي..

:مفيش مشكله.. بتشتكي من ايه ياآيه؟؟

 :حرق!! فيه حرق في دراعي بقاله اسبوع.. وسايب اثر وانا عايزه اثره يروح..

:طيب تعالي معايا عشان اشوف..

 بعد مده قصيره عادوا إلى مقاعدهم مره أخرى لتردف مريم بعمليه:بصي ياآيه.. ده حرق درجه تالته.. يعني احتمال كبير يحتاج عمليه.. بس احنا الاول هنبدأ بمراهم ونشوف هنوصل لحد فين.. بس قوليلي الحرق ده من ايه؟؟

:مياه نار..

قالتها آيه بشرود..

 :تمام يبقى خلاص.. انا هاكتبلك علي المراهم دي ادهنيها.. وتعالي بعد اسبوعين..

 لتنهض آيه وملك.. لتمد إليها آيه يدها لتصافحها قائله:فرصه سعيده يا مريم..

:انا اسعد ياآيه... وان شاء الله تبقى تمام..

لتصافحها ملك أيضا قائله:عطلناكي يامريم.. عن اذنك..

:ولا عطله ولا حاجه.. شرفتوني..

 لتخرج الاثنتان من البنايه.. وتتوجه آيه إلى السياره بمفردها بعد ان ودعت ملك..

لتركب فيها وتتذكر حادثه هذا الحرق..

Flash Back

في أمريكا...

 كانت متوجهه الي شقتها بعد ان اشتريت أغراض من السوبر ماركت..

لتباغتها تلك الضربه القويه على رأسها..

لتسقط فاقده وعيها...

 بعد مده قصيره سقط عليها دلو من الماء لتشهق بقوه قائله:?? Where am I

 ليأتي صوت من الخلف:اهلا بيكى في الجحيم.. ليفرغ على ذراعها زجاجه من ماء النار قائلا:جحيم عمرو الشافعي..

 لتصرخ هي بألم قائله : انت مجنون.. انا معرفكش.. انت عايز مني ايه؟؟ 

 ليضحك هو عليها بقوه قائله:ماانتِ مش فكراني.. انا ابن عمك ياحلوه..

:عمي مين.. وكلام فارغ ايه.. انت اهبل ولا ايه..

 ليمسك هو ذراعها بقوه مكان الحرق قائلا:إنتِ روحك في ايدي.. يامرات محمد البغدادي!!! 

****************************

انتهى

بقلمي: آيه عبد الرحمن