رواية عشقت ذكراها الحلقة الرابعه

فى أحد النوادى الرياضيه جلست نيفين ذات الخمسين خريفا مع صديقاتها من الطبقه المخمليه،

اقتربت احداهما من أذنيها قائلة :

إحنا على معادنا النهارده يانيفين، 

وأشارت برأسها إلى إبنتها الجالسة على مقربة منهم وأردفت قائلة:

مايا بيجيلها عرسان كتير أوى وبرفضهم عشان خاطرك. 

تذكرت نيفين حديث مالك لها بالهاتف فتوترت وتلعثمت بالرد قليلا وقالت :

هو مالك هيلاقى احسن منها فين؟

ان شاء الله تكون من نصيبه . 

توجهت إلى سيارتها وقادتها الى شقة مالك بمحاولو بائسة لاقناعه بالزواج مره اخرى ؛ تنهدت بأسى قائلة :

أما أشوف يامالك هترفض تيجى معايا الفيلا إزاى مش هسمحلك تحرجنى قدام صاحبتى ابدا .

بمكان آخر داخل أحد القصور الفارهه ،

وقف رجل فى العقد السادس من عمره ويبدو على وجهه ملامح الشر ، نظر بغضب لرجاله وتحرك بثبات صوب مقعد بمنتصف ردهه قصره . جلس بكبر على مقعده واحكم قبضته على عصاه ذو الرأس الذهبى .

وتطلع صوبهم مرة اخرى قائلا بنبرة دبت الرعب فى قلوبهم :

مش مكسوفين من مناظركم حتة عيلة صغيرة مش عارفين توصلوا لمكانها .

نظروا جميعا للارض منكسين الرأس وتحدث رئيسهم قائلا:

ياباشا احنا قلبنا عليها الدنيا وهى فص ملح وداب .

دب بعصاه بالأرض وقال بصوت عالى ينم عن ثورة مشتعلة بداخله :

هاتولى سالم هنا حالا .

فإنصرفوا ملبين أمره بطاعة عمياء .

 بشقة مالك 

إنتفض قلبه من صوت تحطم الزجاج فترك الكوب من يده وذهب إليها مسرعا 

وزع  نظراته بينها وبين البرواز الصغير المحطم بالأرض وأقترب منها ببطئ ؛ فتراجعت للخلف برعب وشحب وجهها وتبدد أملها فى النجاة . وتسارعت عبراتها وقالت بصوت مختنق من الدموع :

أنت اللى قتلت سمر .وازداد إنهيارها بالبكاءوأكملت قائلة:

وجايبنى هنا عشان تضحك عليا زى مضحكت عليها وبعد كده تقتلنى .

نظر لها بصدمة بالغة تبعها نظرات غضب شديد وقال بصوت يملأه الحزن الممزوج بالغضب : 

إيه الجنان اللى بتقوليه دا انا هقتل سمر مراتى !

انعقد حاجباها ونظرت له بتساؤل قائله :

مراتك إزاى؟ انت كداب انت ضحكت عليها وبعد كده قتلتها عشان تدارى عملتك .

سحبت قطعه زجاج متحطمه من على الأرض بسرعه وباغتته محاوله طعنه للثأر منه .

أمسك بيديها مسرعا وأحكم قبضته عليها واقترب منها قائلا :

اللى بتقوليه دا غباء سمر ماتت وهى مراتى على سنة الله ورسوله ، وماتت فى حادثة .

أرخى قبضته قليلا وأضاف : 

إنتى هنا عشان أنا لحد دلوقتى بحبها أنا بغامر بسمعتى عشان خاطرها .

نظرت داخل عيناه وتسلل لقلبها القليل من الأمان وإستشعرت الصدق فى حديثه وقالت :

_ بس عمى مقالش كده ، 

قاطع حديثهم دقا على جرس الباب مصاحبه طرقا قويا يدل على إصرار صاحبه على الدخول .

أشار لها بإلتزام الصمت وتقدم صوب الباب ليرى من الطارق .

 تفاجىء بوالدته امام الباب فعاد إلى سفر مسرعا وسحبها من يدها وأدخلها غرفتها وقال بصوت منخفض :

ماما عالباب لحد متمشى مسمعش صوتك وبعد متمشى هنكمل كلامنا .

لم ينتظر منها رد وأغلق الباب وأسرع إلى باب الشقة يفتحه .

دخلت نيفين بوجه لا يخلو من علامات الحنق والغيظ .

وقالت بغضب : 

كل دا على متفتح !

إبتسم بلطف واقترب منها وقبل رأسها معتذرا وقال : 

آسف ياست الكل كنت فى الاوضه ومش سامع 

ربتت على كتفه بحنان وقالت بحب :

خلاص ياحبيبى حصل خير ، ايه مش هندخل نقعد هنفضل واقفين كده .

توتر قليلا وأشار بيديه فاردا ذراعه وقال :

لا طبعا اتفضلى دا بيتك قبل ميكون بيتى .

تحركت بخطوات رشيقه حتى وصلت الى الزجاج المحطم على الأرض فشهقت برعب وتلفتت له وقالت : 

ايه دا يامالك اوعا تكون انجرحت من الازاز .

هز برأسه نفيا وقال لا مفيش حاجه البرواز وقع واتكسر .

ومد يديه ورفع صورة زوجته من بين الحطام ووضعها على المنضده .

وتنهد بحزن لمس قلب نيفين فقالت بإمتعاض :

انا مش عارفه هتفضل عامل فى نفسك كده لحد إمتى ؟

5 سنين وحزنك عليها مبيقلش ، مش عارفه عاملالك إيه؛ ولا لو مكنتش جايبها من الشارع ومتعرفلهاش أصل ولا فصل كنت عملت فى نفسك إيه .

تنهد بضيق وقال بغضب : 

_ ماما بعد إذنك متتكلميش عنها بالطريقه دى سمر مش من الشارع ، سمر كانت حبيبتى ومراتى ومحبش حد يتكلم عنها غير بإحترام

 

نظرت له بغضب وقالت مصطنعه الدموع : 

ياحبيبى انا عاوزاك تتخطاها وتعيش حياتك ، انا من حقى افرح بولادك .

مسح وجهه محدا من ضيقه وقال :

ماما قلت لحضرتك مليون مرة الموضوع دا منتهى ؛ وأنا إديتها وعد مش هخلفه ولا هكون لغيرها .

ثارت ثورتها وانفجرت به كبركان ثائر قائلة :

_ وعد غبى وميرضيش ربنا ولو مسمعتش كلامى واتجوزت ولا انت ابنى ولا اعرفك .

نظرت له بتحدى وقالت : 

النهارده هتيجى تتغدا معايا وعازمه مايا ومامتها هتقعد معاها تتعرف عليها 

قاطعها بحزم قائلا : 

آسف ، أطلبى اى طلب الا كده .

ضيقت عيناها بغضب وقالت : 

كده يامالك مش همك زعلى ؟ براحتك يامالك إحرجنى مع صاحبتى .

زفر بضيق وقال : 

أنا مديتش حد وعد بحاجة ومايا دى مش بتنزلى من زور مقدرش أفكر أرتبط بيها .

إنتفضت نيفين غاضبة وخرجت من شقته تجر أذيال الخيبة .

فتح الغرفة ببطىء بعد أن طرق على بابها بخفة فصدم من مظهرها وتسارعت دقات قلبه .

حين لمح فيض الدموع من عيناها .

نظرت له بحزن وقالت :

أنا سمعت كلامك مع مامتك .

تقطع صوتها وازداد نحيبها وقالت بصعوبه :

آسفه كنت مصدقه كلام عمى .

نظر لها بأسى وقال : 

خلاص اهدى وفهمينى اللى أعرفه إن سمر ملهاش إخوات إنتى مين ؟

تنهدت بحزن وهمت بالكلام فقاطعها رنين جرس هاتفه .

رفع الهاتف امام عيناه واتسعت حدقتاه وفرك فكيه بتوتر قبل ان يجيب قائلا:

_كنت متوقع إتصالك بس مش بالسرعه دى