رواية حبيبي كن صديقي الحلقة٢٢
🦋 الحلقة ٢٢ 🦋
.
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
.
عمرو / همسة انا بحبك
همسة / عمرو الى كان بينا خلاص انتهي ومعنى اصح مكنش فى اى حاجة بينا وانت كنت عارف كدة انا مقدرتش احبك وابدا ومش معنى كدة انى بكرهك لا ابدا انا بعزك جدا بس كصديق
عمرو بيمسك ايد همسة بقوة
عمرو / هو هو الى فرق بينا انتى مش عارفة عمل اية
سليم / ابعد عنها
والامن بيروح عليهم وبيمسكو عمرو وبيبعدوة
مؤيد / همسة لازم تعرفى كل حاجة عنو هو خدعك وخدعنى علشان يوصلك
سليم بيتعصب علية وبيخاف احسن يقول لهمسة على الكلام
الى قالو عنها وبيهجم على عمرو وبيضربو بالبكس
همسة / سليم سليم كفاية خلينا نروح من هنا يلا
سليم بيمسك ايد همسة و عمرو بيشفهم و سليم بيركب همسة العربية وبيركب العربية وبيمشو و عمرو متعصب اوى
عمرو / لازم تعرفى حقيقة الحيوان دة لازم
همسة / سليم انت كويس
سليم / اة مفيش حاجة
همسة / انا اسفة على الى حصل عمرو ماكان عدوانى كدة ابدا وكمان انفصلنا كان فى هدوء جدا اية الى خلاة يعمل كدة
سليم / ممكن منتكلمش فى الموضوع دة تانى ونلغية من حياتنا بس انتى لازم توعدينى انك مش هتشوفى عمرو تانى او تقبلية
همسة / يعنى يهمك انى مشفهوش تانى
سليم / طبعا
همسة / لية
سليم / علشان انا بح اقصد احسن يازيكى يعنى
همسة / اولا انا اقدر ادافع عن نفسى كويس اوى تانيا انا مش صغيرة
سليم / فعلا مش صغيرة كبيرة وحلوة كمان
همسة بتتكسف اوى و سليم مبسوط و همسة كمان وبيروحو على الحفلة همسة سليم بيدخلو الحفلة والامن على الباب اول ما شافو التذاكر اخدو همسة و سليم وخلوهم يقاعدو فوق فى المقدمة فى مكان هايل جدا
وبتبدا الحفلة و هاشم بيطلع على المسرح والكل مبسوط اوى
وبيبص لهمسة و سليم وبيبتسملهم اوى
.
************************************
.
رحمة و اشرف وبنتهم فى محل حلويات كبير وبيكلو مع بعض ومبسوطيين اوى وبتيجى واحدة من وره اشرف
نرمين / اشرف
رحمة بتبص عليها اوى و اشرف بيبص وره وبتترسم على وشو الصدمة
نرمين / دى صدفة جميلة
اشرف / نرمين اة اهلا انا هنا مع عيلتى
نرمين / اة وخدة بالى فعلا بتقصد انى مليش مكان هنا اوكى سلام
نرمين بتمشى و رحمة بتبص لاشرف بغضب
اشرف / دى دى مجرد موظفة عندى
رحمة / فعلا موظفة
رحمة بتقف بسرعة وبتمسك بنته ولسة هتمشى
اشرف / رحمة اهدى خلينى اشرحلك
رحمة / ابعد عنى مش عوزة اشوفك انا بكرهك بكرهك
رحمة متعصبة اوى ولسة هتتحرك وبيجلها وجع شديد اوى وبتصرخ و اشرف بيمسكها بسرعة بخوف
اشرف / رحمة انتى انتى
رحمة بتصرخ جامد وبيخدها على المستشفى بسرعة وبيحاول يتصل بسليم و مش سامع الموبيل من الدوشة الى حمبو و اشرف واقف قدم العمليات وهمسة الصغيرة قاعدة بتعيط و اشرف بيروح عليها بسرعة
اشرف / حببتى متخفيش مامى هتمون بخيير ها بلاش عياط اوكى
اشرف قلقان اوى وبيحاول يكلم سليم تانى
.
************************************
.
همسة بتحس بموبيل سليم بيرن
همسة / سليم الموبيل بتاعك بيرن
سليم بيشوف رنات كتيير من اشرف وبيخرج برة الحفلة علشان يرد و بيتصل باشرف
اشرف / سليم رحمة بتولد تعالة بسرعة انا مش عارف اعمل اية
همسة بتخرج لسليم
همسة / سليم فى حاجة
سليم / لازم اروح بسرعة رحمة فى المستشفى بتولد
سليم بيروح على العربية بسرعة و همسة معاة
همسة / بس رحمة لسة فى السابع
سليم / مش عارف هى كانت كويسة
وبيروحو على المستشفى بسرعة وبيروحو على اشرف
.
************************************
.
يوسف فى المزرعة قاعد مدايق اوى من الحبسة دى
و يوسف بياخد الموبيل ولسة هيخرج
الامن / اسفيين ممنوع تخرج
يوسف / اية وميين الى منعنى انى اخرج
يوسف بيبصلهم اوى
يوسف / اكيد هاشم صح ماشى
ويوسف متعصب اوى وبيحاول يكلم هاشم بس مبيردش علية وبيتعصب اكتر وبيروح على الشباك وبينزل من على الموسير الغاز للجنينة وبيتسحب من وره الامن وبينط
من سور الجنينة وبيخرج
.
************************************
.
سليم مع اشرف قدم العمليات و همسة وخدة بنت رحمة فى حضنها ونايمة و سليم بيروح على همسة
سليم / همسة انتى تعبتى اوى وكمان البنت
همسة / مش عوزاك تفكر فيا انا انا كويسة بس رحمة تطلع بخيير بس
وبيخرج الدكتور
اشرف / دكتور رحمة
الدكتور / رحمة بخيير الحمد لله بس الاطفال نقلناهم الحضانة لان جسمهم لسة مكملش طبعا
سليم / يعنى فى خطر عليهم
الدكتور / اكيد للاسف بس هنعمل الى نقدر علية
رحمة بتخرج وهى فى البنج
اشرف / رحمة رحمة
وبيخدو رحمة على اوضة وكلهم معاها و همسة بتنيم البنت فى الاوضة وبتخرج الجنينة بتاعت المستشفى و سليم بيروح عليها وبيقلع الجاكيد بتاعو وبيلبسو لهمسة
و همسة بتبتسم لسليم
سليم / خلينا نقاعد هناك
وبيروحو يقاعدو مع بعض و سليم بيبص لهمسة اوى
همسة / انت كويس ان شاء الله رحمة هتكون بخير وكمان الاولاد
سليم بيمسك ايد همسة
سليم / مش عارف لو مكنتيش فى حياتى كنت عملت اية
همسة / انا على طول جمبك
سليم بيبص لهمسة اوى وبيحط ايدو على خدها بحنية
و همسة بتبص فى عيونو
سليم/ همسة انا بحبك
همسة بتشرق ومش عارفة تاخد نفسها و سليم بيخبط على ضهرها وبيرفع رسها لفوق و همسة بتهدى وبتبص لسليم اوى
سليم / انا اسف انا عارف انك بتعتبرينى صديق وبس بس انا مش هغصب عليكى لاى حاجة وياريت نفضل اصدقاء لو دة مش هيديقك
همسة مش عارفة تتكلم من الصدمة
سليم / خلينا نروح نطمن على رحمة زمنها فاقت
وبيروحو على اوضة رحمة و همسة مش شيفها قدمها وعنيها على سليم و بتوقف سليم قدم اوضة رحمة
همسة / سليم استنى انا كمان عوزة
ولسة همسة هتكمل كلمها وبتسمع صوت اشرف و رحمة بيصرخو و سليم و همسة بيجرو بسرعة على الاوضة وبيشوفو رحمة بتعيط وبتصرخ على اشرف جامد
سليم / رحمة اختى انتى كويسة
رحمة / خلى الخاين دة يخرج برة مش عوزة اشوفو تانى
اشرف / شوف بتقول اية يا سليم مفيش فايدة فيها ابدا لازم تسمعينى الاول وبعديين قررى انا فعلا كان فى علاقة بينا انا نرمين
رحمة / سامع سامع يا سليم انا بكرهو بكرهو
همسة / اشرف انت
اشرف / اسمعونى الاول فعلا كان فى علاقة بينى وبين نرمين لما كنت انا و رحمة منفصليين كنت بمر بوقت صعب وهى كانت بتهون عليا ولما حسيت انى ماشى فى طريق غلط اتراجعت عنو ومفيش اى حاجة حصلت بينا مجرد اننا اتقابلنا مرتيين او تلاتة فى اماكن عامة
رحمة / كداب انا بكرهك لو حصل لاولادى حاجة مش هسمحك ابدا
سليم / اشرف كفاية بقي لو سمحت اخرج برة
اشرف مدايق اوى وبيخرج برة
سليم / خلاص يا روحى اهدى انتى بخير
رحمة / ولادى هم فيين قولى انهم بخير
سليم / هما بخيير متخفيش همسة خليكى مع رحمة وانا خارج ثوانى
همسة بتروح على رحمة وبتخدها فى حضنها
.
************************************
.
سليم بيخرج لاشرف و اشرف قاعد مدايق اوى
اشرف / سليم صدقنى محصلش اى حاجة بينى وبينها ابدا
سليم / انا مصدقك بس المهم رحمة تصدقك
اشرف / اختك دى لو تثق فيا شوية بس مفيش فايدة فيها ابدا
سليم / بس انت مش شريف اوى يعنى
اشرف بيبص لسليم اوى
اشرف / يعنى مش اوى بس عمرى ما خنتها ابدا
سليم / خلينا نروح نشوف الولاد الاول ونتكلم بعديين
.
************************************
.
الامن بتاع هاشم بيتصلو بية و هاشم فى الحفلة وطبعا الموبيل مقفول وبعد شوية هاشم بيخلص الحفلة بيدخل على اوضته والصحافة وره وبيدخل على اوضته بيرتاح وبيشوف الموبيل وبيشوف كمية رسائل من همسة والامن كتيير اوى و بيكلم همسة
هاشم / همسة انتى فيين قلقتينى عنك
همسة / اسفة انى مشيت من غير ما اقولك رحمة حصلت معاها مشكلة واتطرينا ننقلها المستشفى للولادة
هاشم / وهى عاملة اية دلوقتى
همسة / الدكتور بيقول انها كويسة بس الولاد حالتهم صعبة شوية
هاشم/ تحبى اجى
همسة / لالااا متقلقش انت
هاشم / لو فى اى حاجة كلميينى
همسة / اوكى انا اتصلت بالممرضة وطمنتنى على ماما
هاشم / متقلقيش انا دلوقتى هروح على البيت
.
************************************
.
يوسف سهران فى نادى ليلى كبير وبيشرب ومعاة بنات كمان وبيرقصو ومبسوطيين اوى و هاشم بيتصل بالامن
الامن / الاستاذ يوسف هرب من شباك الاوضة واحنا دورنا علية فى المزرعة كلها بس ملوش اى اثر خالص ومنتظريين اوامر حضرتك
هاشم / انتو مبتقدروش تعملو حاجة صح ابدا انا جاى متعملوش اى حاجة لحد ما اوصل
هاشم بيغير هدومه بسرعة وبيفتكر الصحافة وقفة قدم الباب
هاشم / اة يا يوسف ااااة ماشى حسابك معايا
هاشم بيبص من الشباك بتاع الاوضة وبيكون فى الدور التانى بس مش عالى اوى وبيقرر انو ينط من الشباك بتاع الاوضة بتعتو وفعلا بينط من شباك الاوضة وبيروح يوقف تاكسى وبيمشى بسرعة
.
************************************
.
سليم بيروح على اوضة رحمة وبيشوف رحمة نايمة و همسة نايمة على الكرسى جمب رحمة و سليم بيتفرج عليها وهى نايمة وبيعدلها رقبتها و همسة وهي نايمة بتمسك ايد سليم بتحطها تحت رسها وبتنام تانى و سليم بيضحك عليها اوى قد اية باين انها تعبانة
همسة بعد شوية بتفتح عنيها بتشوف سليم واقف جمبها وهى ماسكة ايدو وحطاها تحت رسمها ونايمة عليها
و بتبعد ايدو بسرعة وبتتكسف اوى
همسة / اسفة انا
سليم / انتى تعبتى خلينى اوصلك ارتاحى
همسة / لا انا كويسة لازم اتطمن على رحمة
سليم / انتى ماكلتيش حاجة تعالى خلينا ناكل حاجة فى الكفترية الى تحت
همسة بتروح مع سليم وهى ماشية بتتكعبل فى الفستان وكانت هتقع و سليم بيلحقها بسرعة وبيشدها علية وبيبصو لبعض اوى و همسة بترتبك اوى
سليم/ انتى كويسة
همسة بتهز رسها بنعم من الكسوف ولسة همسة هتمشى
همسة / اااة اااة
سليم بيسندها بسرعة وبيخليها تقاعد على اقرب كرسى
و سليم بيركع قدمها وهى قاعدة
همسة / انت هتعمل اية
سليم / هشوف رجلك
همسة/ لاااا انا انا
سليم / هشششششش
همسة بتبصلو اوى ومش عارفة تتكلم لما بتحس بلمسة ايد سليم على رجليها و سليم بيقلعها الجزمة وبيشوف رجليها
و همسة بتقف بسرعة وبتبعد سليم عنها بسرعة وبتتوتر اوى
همسة / انا كويسة مفيهاش حاجة
ولسة هتتحرك همسة بتتالم تانى و سليم من غير ما يتكلم بيروح عليها وبيشلها
همسة / سليم
سليم / لا مش هخليكى تمشى على رجلك لحد ما دكتور يطمنا
وبيخدها وبيروحو على اوضة الطواري علشان كان الليل ومفيش دكاترة غير فى الطوارئ
.
**********************************
.
هاشم بيدخل النادى الليلى الى فية يوسف و بيشوف يوسف بيرقص مع بنات وبيشرب و هاشم بيتعصب
هاشم / هتوة بالقوة
هاشم بيخرج فى العربية بتعتو ومتعصب اوى وبعد دقايق البودى جارد بتوع هاشم جيبيين يوسف بالقوة ويوسف اول ما بيشوف هاشم بيهدى وبيبطل مقاومة فى الرجالة
يوسف / خلاص سبونى انا همشى لوحدى
ويوسف بيروح يقاعد جمب هاشم و هاشم بيشاور انهم يتحركو بالعربية
يوسف / كان لة لازمة الى انت عملتو دة احرجتنى قدم الناس
هاشم مبيردش علية و يوسف متعصب اوى وبيظبط فى هدومه
يوسف / احنا ريحيين فيين انا مش هرجع المزرعة تانى انا مش مسجوون علشان تحبسنى هناك
هاشم مبيردش علية وبعد دقايق العربية بتقف
هاشم / انزل
هاشم بينزل هو ويوسف
هاشم بيشاورلو على قصر كبير و قدمه رجالة باسلحة ومعاهم كلاب حراسة
هاشم / انت عارف شريف حمدى دلوقتى اية مش مجرد رجل اعمل لا دة كمان وزير سابقا و دبلوماسي حاليا وانت والى كانو معاك قتلتو ابنو الوحيد يعنى لو شم خبر انك هنا متتخيلش الكلاب دى ممكن تعمل اية
يوسف بيرجع على العربية ومبيتكلمش و هاشم بيروح على العربية و هاشم بيشاور للسواق انو يطلع
يوسف / احنا ريحيين فين
هاشم / المزرعة
يوسف / انا مقدرش افضل محبوس كدة انا عاوز اعيش حياتى خرجنى برة مصر باى طريقة
همسة / خلال كام يوم هتكون برة مصر بس انت هتوعدنى انك مش هتخرج برة المزرعة من غير ما يكون عندى خبر
يوسف مدايق اوى
هاشم / اوعدنى عاوز اسمعها منك
يوسف / خلاص خلاص بوعدك
وردة ✍️
التعليقات على الموضوع