البيديوفيليا
اسمي هو انس ١٢ سنه، عايش مع بابا و ماما. من فترة صغيره سبنا البيت اللي عايشين فيه وعشنا ف شقة تانية..
بابا نقلني من مدرستي عشان اكون جنب بيتنا الجديد وبقلنا دلوقتي اسبوع ف عيشتنا الجديدة..
اول يوم نقلنا للشقة، بليل الباب خبط، بابا طلع يفتح الباب وفي راجل دخل مع بابا.. عرفت انه جارنا.. جه قعد معانا شوية ومشي.. تاني يوم ماما قلت لي اننا النهاردة هنروح لعمو ( هشام) معذومين عنده النهاردة بليل..
ماما لبستني ورحنا انا وهي وبابا عند عمو ( هشام) بصراحه انا حبيته جدا لانه كان عنده العاب جميلة اوي خلاني العب بيها.. وقالي وقت ما تكون عايز تلعب بالألعاب خبط على عمو ( هشام) ف اي وقت..
ف الاخر ودعنا عمو هشام ومشينا.. من وقتها بقينا أصحاب اوي.. ف مرة ماما اتصلت بيا على الموبايل وانا كنت ف المدرسة، قالت لي انها هتاخر ف الشغل ومش هتقدر تيجي تاخدني، طلبت مني اروح ف الباص واروح لعمو ( هشام) اقعد معاه لحد ما هي ترجع.. فرحت على فكرة اني هقضي اليوم مع عمو ( هشام) وهلعب بالألعاب برحتي..
خلص اليوم الدراسي، ركبت الباص، ودخلت العمارة ركبت الاسانسير.. وصلت عند شقة عمو ( هشام) خبط عليه وبعد شوية الباب انفتح.. طلع لي ولد صغير في سني!! مشفتوش قبل كدا! قلت يمكن ابن عمو ( هشام) واهو لقيت حد ف سني العب معاه..
ابتسمت له وقلت:
- انا انس، انت اسمك ايه، انت ابن عمو هشام صح، ممكن نكون اصحاب
مردش عليا، قرب عليا وحط ايده على بقي! وقال لي:
- اسكت بقى امشي وماتجيش هنا تاني!!
وقفل الباب ف وشي!!
زعلت اوي، هو ليه زعقلي كدا، اكيد مش بيحبني ومش عايزني ادخل العب بالعابوا!!..
فضلت قاعد قدام الشقة لحد ما ماما رجعت.
اول ما وصلت جريت عليها وفضلت اعيط، قلت لها ابن عمو ( هشام) زعقلي وقفل الباب ف وشي وقال لي ماجيش تاني البيت، هو مش بيحبني بس والله انا مش عملت له حاجه...
ماما سكتت خدتني من ايدي ورحنا عند شقة عمو ( هشام) خبطت على الباب وشوية والباب انفتح.. خرج عمو هشام وكان باين عليه انه لسه صاحي لانه كان بيتاوب و بيدعك ف عينه.. ماما لقتها بتزعق له وقالت:
- انت مش محترم وقليل الزوق كمان، فكرناك حد كويس لكن انك تخلي ابنك يطرد ابني ده مش هعدي!!..
عمو هشام قال لماما:
- ابني!!! انا معنديش اولاد يا استاذة!!
بصتلي ماما وقالت لعمو هشام:
- ازاي يعني معندكش اولاد، ابني بيكذب يعني، انس قول لعمو هشام ايه اللي حصل.
قلت لعمو هشام:
- ماما اتصلت بيه وقالت لي انها هتتاخر بره، فطلب مني اني لما ارجع بالباص اجي لحضرتك اقعد معاك لحد ما تيجي، انا خبطت على الباب، انفتح بعد شوية وخرج لي ولد ف سني، كان لابس تيشرت لونه ابيض و شورت ابيض وكان لابس كمان نضاره وشعروا اصفر..
عمو هشام مردش، سكت شوية وقال لماما..
- ابنك خياله واسع يا هانم، انصحك تستغلي النقطة دي وتدعميها اكتر!! انا معنديش أولاد وممكن تتفضلي فتشي البيت..
ماما فعلا دخلت الشقة، دخلت الاوض والحمام والمطبخ والولد مش موجود خالص!!.. ماما مسكتني وزعقتلي جامد اوي وقالت لعمو هشام:
- انا متاسفه جدا جدا على قلة زوقي معاك
بصت لي بعدها وقالت لي:
- وانت حسابي معاك بعدين
عمو هشام قال لماما قبل ما نخرج:
- مفيش حاجه حصلت، هو طفل وكل الاطفال اللي ف سنه بيبنو ابطال خياليين ليهم، ده حاجه كويسة جدا ياريت تستغليها كويس، خلي يكتب افضل بدل ما يحبس أبطاله ف عقله ونفسه وده هيكون خطر عليه!!
مشينا بعدها وطبعا ماما ضربتني وفضلت تزعقلي وكمان اتعاقبت من اني العب ب اللابتوب!..
اليوم عدة، دخلت انام بعد ما اكلت، صحيت على صوت ف الاوضة!! فتحت عيني لقيت نفس الولد اللي شفتو عند عمو ( هشام) واقف جنب السرير!!..
اتفزعت لما شفتوا، ازاي قدر يدخل.
قلت له بخوف:
- انت ازاي دخلت هنا، انت تطلع مين
رد عليا وقال لي:
- مش مهم انا مين ولا دخلت هنا ازاي، بعدين هتفهم كل حاجه
مسك ايدي وقال لي هوريك حاجه، حط ايده على عيني وقال لي اوعاك تفتحها غير لما اقولك.
بعد شوية قال لي تقدر تفتح عينك، فتحت عيني، لقيت نفسي واقف قصاد بيت والجو كله ضلمه! كنت خايف اوي لان مفيش غيري انا و الولد.
مسك ايدي وقال لي:
- تعالى معايا
قلت له بخوف:
- اجي فين انا خايف، انا عايز ارجع بيتنا
رد بإصرار وقال لي:
- متخفش مش هاذيك تعالى معايا وهرجعك البيت تاني
مسكت ايدوا ودخلت معاه، طلعنا على سلالم وخدني لاوضة ف الدور التاني من البيت.
كان في ست قاعده على كرسي، اول ما دخلنا الولد جري على الست وكان بيقولها:
- انا جيت يا ماما وجبتوا زي ما قلتيلي
باصة لي وابتسمت، مدتلي ايديها وقالت:
- تعالى يا حبيبي متخفش مني انا بحميك
قربت عليا وقعدت جنب الولد على الارض.
الست اتكلمت وقالت لي:
- هحكيلك حكاية موافق
رديت عليا وقلت:
- اه موافق
رجعت واتكلمت تاني الست دي بس كانت بتوجه كلمها للولد:
- حسام حبيبي خد انس و زي ما اتفقنا!
**********
حسام ده خدني معاه لبدروم تحت الارض فتح باب ونزلنا على سلالم. مجرد ما انا نزلت تحت الباب اتقفل عليا!!
صرخت بأعلى صوت لكن ماحدش كان سامعني!!
المكان كان وسعه مشيت شوية لقيت اوضه، فتحتها ودخلت.
جوه لقيت سرير كانت شايف ضهر حد كبير موطي، قربت شوية كمان لقيت نفس الولد ( حسام) نايم على السرير، مش لابس اي لبس خالص، وفي واحد فوق منه!!
لما بصيت عليه كان هو عمو ( هشام)!!!
عمو هشام مكنش شايفني، ( حسام) بس هو اللي كان بيبص لي ومبتسم لي، فجأة لقيت عمو ( هشام) قام من مكانه وشال ( حسام) سكينه جبها من الارض، غرزها ف ( حسام)!!!..
شفت المنظر ده صرخت ووقعت على الارض!!
فقت لقيت نفسي نايم على سريري، والولد جنب مني!!
بص لي لما شافني فقت وقال لي:
- متخفش انا هحميك!!
قال الجملة دي ملقتوش ف الاوضة اختفى فجأة!!!
******
مقلتش لماما على اللي حصل
الصبح رحت المدرسة، بعد ما انتهى اليوم، وقفت استنى ماما قدام المدرسة زي كل يوم.
بس المرة دي هي اخرت اوي!. اول مرة تاخر عليا وحتى لما كانت هتاخر كانت بتقولي عشان اركب الباص.
شوية لقيت عمو ( هشام) بينزل من عربية وجاي عليا!
مش عارف هو جاي لي ليه، قرب عليا وقال لي:
- انا هوصلك النهاردة للبيت بالعربية بتاعتي!
رديت عليه وقلت له:
- وانا هستنا ماما مش هروح معاك
حط ايدوا على شعري وقال لي وهو بيبتسم لي:
- ماما هتاخر النهاردة و هي اللي قلت لي اجي اخدك، كمان احنا هنروح مع بعض نشتري العاب حلوه ليك
بصراحة اول ما قال الجملة دي فرحت ونسيت اي حاجه حصلت او شفتها، ركبت معاه العربية، فضلنا مشيين كتير لحد ما وقف العربية عند بيت مش بيتنا!!
- قال لي احنا وصلنا هجيبلك الالعاب من هنا وهنروح على طول يلا عشان ماناخرش!
كنت خايف انزل من العربية، بس عمو ( هشام) مسك ايدي وشدني! دخلنا مع بعض البيت.
لما دخلنا قال لي:
- الالعاب فوق هنطلع نجيبها وهنمشي على طول!
طلعنا فوق، دخلنا اوضة وقفل الباب بالمفتاح!!
خفت اوي لما قرب عليا ولمسني، كان عايز يقلعني قميص المدرسة بالعفية!!
فَلت منه بالعفية وجريت على الباب اللي لقيتوه اتفتح!
اول ما اتفتح الباب حد سحبني بقوة لبرا الاوضة!
كان هو حسام اللي سحبني!! قال لي حسام وهو كاتم بايدوا بُقي عشان ما اصرخش:
- بس متخفش هحميك!
جري ودخلني اوضة وقفل الباب عليا وقبل ما يقفل الباب قال لي:
- متخرجش من هنا لحد ما انا اجيلك
مخرجتش من الاوضة، بس لما سمعت صوت حد بيصرخ برا فتحت الباب!
عمو ( هشام) كان نايم على الارض وفي سكينه جوه بطنوا!!
الست اللي شفتها قبل كدا مسكتوا وسحبتو!
قفلت الباب وكنت خايف من المنظر! شوية ولقيت الباب اتفتح، دخلت نفس الست، قربت عليا وابتسمت لي وقالت:
- متخفش مش هيقدر يضايقك بعد كدا، انا هروحك عند ماما بس متقولش لحد خالص على اللي حصل اتفقنا!!
قلت لها:
- اتفقنا
خدتني من ايدي ووصلتني لحد البيت ومشيت.
ماما لقيتها وقفه مع ظابط عند الشقة، اول ماشفتني جريت عليا!!
باب شقة عمو ( هشام) كان مفتوح وكنت شايفوا نايم على الارض وجسمه بينزل دم كتير!!
انا محكتش حاجه لماما خالص عن اللي حصل لي بس انا كتبت كل حاجه في ورقه واحتفظت بيها...
********
انا والدة انس، بعد حادث قتل ( هشام) واختفاء انس بشهر لقيت المدرسة بتتصل بيه لما رحت المدرسة المديرة ادتني ورقة خاصه بانس ابني، فتحتها وقريتها وكان ده اللي مكتوب!!
سألت انس عن الكلام ده وخليتوا يحكيلي كل حاجه
حكالي فعلا، كنت مصدومة من اللي سمعتوه! اكيد كلام ميتصدقش لكن ابني مستحيل ف سنه ده هيالف قصة بالشكل المخيف ده! خدته وخليتوا يوريني البيت اللي بيقول عليه.
رحنا هناك فعلا ومع سؤالي لاهل المنطقة عرفت ان البيت ده كان ف عيلة عايشة في، اب وام وطفل، الاب اسمه ( هشام) والام اسمها ( رباب) والطفل ( حسام)
اهل المنطقة بيقولوا ان فجأة الام و الطفل اختفوا. وبعد مدة بسيطة اكتشفنا رائحة وحشة جدا خارجه من البيت ده.
طبعا بلغنا عن اختفاء الاسرى للشرطة جم وفتشوا البيت.
الشرطة لقيوا جثة الام والطفل مدفونين!
الابن عرفنا انه حصل له اعتداء جنسي!!
مظهرش الاب ( هشام) نهائي!!
يعني ابني كان هيحصل له زي مع حصل ( لحسام)!!
خدت ابني وجريت، اصريت على جوزي منقعدش ف البيت ده لحظة بعد كدا.
سيبنا البيت والمنطقة كلها بعدها..
تمت
التعليقات على الموضوع