رواية احببت قاسي💔الحلقة 69💔
🍁 الحلقة ٦٩ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
وفهد بيبصلها وبيخرج وبيتعصب اوى وبيكسر الفاظة الى
بين الاوض بعنف وديمة بتسمع الصوت وكانت هتخرج بس بترجع تانى وبتنام جمب رودى وبتبكى ورودى بتسمع صوتها
رودى / ديمة انتى
ديمة / يلا نامى انتى عندك مدرسة الصبح يلا نامى
و بتروح تقف فى البلكونة وبتشوف فهد واقف فى الجنينة
و بيبص على البلكونة بتاعت اوضة رودى بيشوف ديمة وقفة
وبيبصلها اوى وديمة وبتقفل البلكونة
.
************************************
.
فى الصباح
جودى وديمة ورودى بيفطرو وبيدخل اسامة من الجنينة كان بيلعب رياضة و بيروح على السفرة وبياكل وهو واقف
اسامة / ديمة بالنسبة الى حصل امبارح انا
ديمة/ انا الى لازم اعتزرلك انا اتصرفت معاك بعنف شوية
وفهد بينزل وبيبص لديمة وهى بتتكلم وديمة بتحس بيه
ديمة / اسامة ياريت تفكر الاول قبل ما تعمل اى تصرف يجرح اقرب الناس ليك ممكن الجرح دة متقدرش تداوية بعد كدة
والكل بيبص لديمة علشان دموعها نزلت واسامة بيبص لفهد الى واقف بيسمع ديمة من بعيد واسامة بيروح يبوس ايد ديمة وبياخد بالو من علامات فى دراع ديمة
اسامة / من اية دة
فهد بيبصلها اوى وبيشوف اديها فيها علامات زرقة من شدة قبضة ايدو
ديمة / رودى هنتاخر على المدرسة جودى تعالى معانا تغيرى جو شوية
جودى / ياريت انا حاسة انى مخنوقة اوى
اسامة / هغير هدومى وهوصلكو
ديمة / لا السواق مستنى برة علشان هنروح السوق انا وجودى
وديمة متجاهلة فهد جدا و جودى وهى مشية بتحس بدوخة وديمة بتجرى عليها هى وفهد و بدل ما يمسك جودى ايدو بتيجى على ايد ديمة و بتبصلو اوى وبتبعد اديها عنو بسرعة
فهد / جودى
جودى / مفيش حاجة انا كويسة بس حسيت بدوخة بسيطة
اسامة / خلينا نروح للدكتور
جودى / انا كويسة مفيش حاجة
ورودى بتجيب الشنطة بتاعتها وبيخرجو التلاتة وفهد بيبص
لديمة وهى خارجة
.
************************************
.
سراج فى مكتبه و ريم بتتصل بية وبتعيط
ريم / سراج الحقنى اااااة سراج انا بولد ااااااة
سراج / طب اهدى ثوانى واكون عندك متخفيش اهدى
وسراج بيجرى بسرعة على عربيتو وبيسوق باسرع ما يمكن
.
************************************
.
فهد فى الشركة وقلقان ومنتظر زيارة طاهر لعمر واغرائو بصفقة كبيرة بملاييين واحمد والد ديمة بيدخل
احمد / ها اية الاخبار
فهد / دقيقتان ويكون هنا
احمد / دراعك انت كويس
فهد / لا مفيش اتخبط خبطة بسيطة طاهر مش اتاخر كدة
واسلام بيدخل عليهم
اسلام / الاستاذ طاهر وصل وطلب يقابل عمر
وفهد قلقان اوى وبيلف فى المكتب
بعد نص ساعة
فهد / المفروض ان طاهر كان اتصل بيا بس اتاخر احسن يكون عمر كشفو وممكن
و لسة هيخرج من المكتب وبيشوف طاهر قدم المكتب ومعاة ملف فى ايدو ومبتسم
فهد / انت كويس
احمد / نتكلم جوة خلونا ندخل
وطاهر بيدى الملف ل احمد وبيطلع الاوراق الى مضى عليها عمر بيع كل حقو فى الشركة لفهد
احمد / كل حاجة تمام حتى ورقة الطلاق مظبوطة
.
************************************
.
ديمة بتروح توصل رودى على المدرسة وبتاخد جودى على موول كبير
ديمة / اية مالك مش حبة تجيبى حاجة للنونو
جودى / انا عوزاكى تحكيلى انا ازاى اتجوزت انسان زى دة
ديمة / هو خدعنا كلنا ومكنش مبين علية ابدا انو حقير كدة متفكريش فى الى فات فكرى فى الى جاى يا جودى لازم تعيشى حياتك زى ما انتى عوزة
وديمة فى واحد بيخبطها فى درعها و بيوجعها
جودى / انتى كويسة
ديمة / اة يلا تحبى نبدا من فيين
جودى / فهد هو الى عمل كدة
وديمة بتبص لجودى
جودى / يعنى فهد زى عمر
ديمة / لا يا جودى فهد حنين اوى بس بيغضب بسرعة
جودى / عينك بتلمع انتى بتحبية اوى كدة
ديمة / فهد كل حياتى بخاف علية من الهوى بحسو ابنى
وجودى / بس هو ازاكى شايفة دراعك
ديمة / لا هو ميقصدش لو شفتى عيونو النهاردة الصبح
فهد / اسف
وجودى بتضحك وبتبص وره ديمة وديمة وقفة مش بتتحرك و مش عوزة تبص ورها ولسة هتمشى وفهد
بيمسك اديها وديمة بتضرب ايدو من غير حتى متبصلو
وفهد بيتالم
فهد / اااة ااااة
وديمة بتسمع صوته بتقف بسرعة وبتجرى علية وبتشوف دراعو مربووط
ديمة / انت
فهد / كان لازم الايد الى تازيكى تتعاقب حتى ولو كانت ايدى
وديمة مسكة ايدو بحنية ودموعها بتنزل
ديمة / انت مجنون انت مش عارف ان بكدة بتازينى انا اكتر
فهد / اسف
و بيمسح دموعها و بتترمى فى حضنو وبتعيط اوى
و جودى بتحس بدوخة
جودى /فهد
وفهد بيبص لجودى وبيجرى عليها بسرعة وبيلحقها قبل ما تقع
فهد / جودى جودى
وجودى مفتحة عنيها وشريط حياتها بيلف قدمها زى الفيلم
وبتعيط
جودى / عمر عمر عاوز يقتلنى عمر هو حقيير كان حبسنى وبيعزبنى
وفهد بيحضنها اوى ودموعو بتنزل
ديمة /فهد خلينا نروح من هنا
و بياخد جودى على العربية وبيركبها العربية هو وديمة
وموبيلو ديمة بيرن وبيكون سراج
ديمة /. الو سراج انت فين جودى افتكرت كل حاجه
سراج/ديمة انا رايح لريم هى تعبانه وبتصرخ هى كلمتنى انا فى الطريق وفى حادثة والطريق مقفول
ديمة \طب انا قريبة منها دقيقتان واكون عندها
و بتقف التليفون بسرعة
ديمة / فهد لازم نروح لريم بسرعة
وفهد بيسوق بسرعة العربية وبيروح لريم وريم بتصرخ ومش قادرة تتحرك ويديمة و فهد بيخبطو على الباب
وريم مش قدرة بتصرخ
ريم \سراااااج
وديمة بتسمعها بتصرخ وفهد بيكسر الباب وبيجرو على جوة بسرعة وبتشوفو ريم على الارض بتعيط
ريم \ديمة الحقينى اااااة سرااااج فيين سرااااج
فهد \ مينفعش نستنى اكتر من كدة لازم نخدها على المستشفى بسرعة
و بيشيل ريم وبيروح بيها على العربية وديمة وجودى بيحولو يهديه وريم بتصرخ باسم سراج وديمة بتكلم سراج وبتقلو انهم فى طرقهم لى المستشفى
.
************************************
.
اسامة مع بسمة فى كافية
بسمة \ انت مش موافق لية لى انى اشتغل انا مش متعودة افضل كدة
اسامة \ لو حبة تشتغلى ممكن تشتغلى فى اى شرگة من الشركات بتاعتنا
بسمة \ انا مبحبش الاسلوب دة يا اسامة
اسامة \ انتى مبيعجبكيش اى حاجة اقولهأ خالص يبقي متسالنيش على اى حاجة خدى قرراتك لنفسك
بسمة \دة مش اسلوب فى الكلام ابدا يا اسامة
وموبيلو بسمة بيرن وبيبلغوها ان ريم فى المستشفى
.
************************************
.
ديمة و فهد فى المستشفى وقفيين قدم اوضة العمليات وسراج بيجرى عليهم
سراج \ريم فيين هى فييين
ديمة \ من وقت ما اخدوها مفيش حد خرج
وسراج قلقان اوى لمدة ساعة مفيش حد بيخرج وبيوصل احمد وفايزة وبعدهم بسمة ومعاها اسامة وديمة قلقانة اوى وبتروح تقف جمب سراج
سراج / لا مستحيل كدة اية الوقت دة كلو
وسراج بيحاول يفتح الباب وفهد بيمسكو هو و اسامة
فهد / اهدى شوية بلاش تربكهم جوة احنا لسة منعرفش فى اية
وديمة بتخاف بتروح تمسك ايد فهد
ديمة / فهد مش كدة يكونو اتاخرو
فهد / مش عارف انتى شفتينى كنت حامل قبل كدة
وديمة بتبصلو بغضب وبتضربو فى ايدو
فهد / اااة ايدى
ديمة / احسن
والباب بيتفتح والكل بيجرى على الدكتور
الدكتور / اهدو شوية
سراج / ريم يا دكتور مراتى هى
الدكتور / بصراحة مش هخبى عليك الولادة كانت صعبة جدا
بس اطمن الام بخير وهينقلوها اووضة
سراج / وابنى
الدكتور / الطفل فى الحضانة ان شاء الله هيكون بخير بس هو ضعيف شوية
والكل مبسوط اوى وبيباركو لسراج وبيشوفو ريم خارجة من الاوضة وبيخدوها على اوضة تانية والكل معاها وهى لسة فى البنج ونايمة
.
************************************
.
ديمة بتشاور لبسمة و بيخرجو برة
ديمة / معلش يا بسمة بس محتاجة حد يروح يجيب رودى
واسامة بيخرج يشفهم
ديمة / اسامة انا نسيت رودى المفروض انها تكون خرجت من خمس دقايق
اسامة / خلاص ولا يهمك انا هاخد بسمة ونروح نجبها وهوصلها على البيت
وديمة بتدخل لريم تانى وبتقاعد جمب فهد وبتمسك فى دراعو
احمد / انا هروح اشوف النونو
ريم / ابنى
سراج بيجرى عليها
سراج / ريم متخفيش ياحببتى ابننا بخيير
ريم / انا بكرهك ابعد عنى مش عوزة اشوفك عاااا
سراج / حببتى بلاش جنان
ريم / سبتنى اتوجع لوحدى وكنت مستنياك وانت اهم حاجة شغلك وبس عااا
وديمة بتضحك على سراج
سراج / والله كان فى حادثة فى الطريق وانا معرفتش اوصل
ريم / انا بكرهك اوى
احمد / انتو مش هتبطلو جنان بقي المهم انك بخير انتى والنونو
فايزة / حمدالله على السلامة يا بنتى
ديمة / انا هموت واشوف النونو
فهد / بعد الشر عنك يا حببتى
والكل بيبصلهم هم الاتنين
ريم / لا انا هروح اشوف ابنى
سراج / هتروحى فيين انتى تعبانة لسة خليكى ارتاحى شوية
وبتحاول تقف وبتتالم
ديمة / ريم انتى مش لازم تتحركى
ريم / لازم اشوف ابنى بعينى لازم اشوفو
وسراج بيتعصب واحمد بيمسك ايدو علشان يهدى وسراج بيقرب منها وبيشلها
ريم / بتعمل اية
سراج / مش عوزة تشوفى ابنك يلا هوديكى عندو
ريم / الناس برة انت مجنون
سراج / يلا جنان بجناان بقي مهى عيلة مجنونة كلها
احمد / والد
والكل بيضحك
وردة ✍️
التعليقات على الموضوع