لا تقع في حبي الجزء العاشر

#لا_تقع_في_حبي
#الجزء_العاشر
لنفترق !!!!
هل إلتقينا لنفترق ؟!
لم نلتقي أبداً منذ أحببتك وأنا ضائعة فيك ،في تفاصيلك في عينيك ، لم نلتقِ حقيقة ،لكني قابلتك في خيالي مرارا ، واحتضنتك مراراً رائحتك مازالت عالقة في ثيابي منذ أخر عناق
صوتك مازال يتردد في إذني ، قلبك مازال ينبض داخلي ، لم نلتقي !!! أنت تجري فيّ مجري الدم ، لقد أصبح كلي أنت
" بكرة بتشتي الدني ،علي القصص المجرحة "
فريدة : يا سلام فيروز والدنيا بتشتي وانتي واقفة في البلكونة كده هتتعبي ادخلي
ياسمينة : حاضر يا ماما
فريدة : قاسم زعلك ، انا شوفته خارج بالليل ومرجعش حتي مخدش عربيته
ياسمينة : لا يا ماما انا اللي زعلته
فريدة : ليه بس كده
ياسمينة: قولته انه مينفعش نكمل ،أني هشوف دانا بينا دايما وهو هيشوف اللي مروان عمله طول الوقت
فريدة : احنا مش متأكدين ان مروان عمل حاجه ، الحل الوحيد تتكلمي مع مروان ممكن يوافق يحكيلك أنتي
ياسمينة : تفتكري
فريدة : محاولة مش هنخسر حاجه
ياسمينة : حاضر
سمعوا صوت الباب ، دخل قاسم وثيابه مبللة بماء المطر يبدو علي عينيه الحزن الشديد ، الأحمر في عينيه يوحي بذلك ، يوحي بأن حدائق البن في عينيه تحترق
فريدة :  كنت فين يا قاسم
قاسم : بتمشي
فريدة : طب إرتاح يا حبيبي وغير هدومك وانا هحضر الفطار
ذهب نحو دولاب الملابس ولم يجيب ، خرجت فريدة وهي تنظر لياسمينة  نظرة ذات معني
ياسمينة : مالك وكنت فين طول الليل
قاسم بضيق : ليه قلقتي عليا
ياسمينة : أيوه طبعا قلقت
قاسم بسخرية : طيب معلش
ياسمينة : انت بتتكلم كده ازاي
أمسكها قاسم من يدها ليجذبها نحوه ، انتي مالك اصلا كنت فين مش انتي قولتي نسيب بعض ،خلاص هعملك اللي عايزاه ايه المطلوب تاني
ياسمينة : تبقي كويس ،انا مش عايزة حاجه غير اشوفك كويس ، مش عايزاك مكسور ولا مهزوم ،عايزاك واقف علي رجلك وبتحارب الدنيا كلها
قاسم : أنتي فاكرة ايه ،انك انتي اللي هتكسريني ، يبقي متعرفيش مين قاسم
ياسمينة مبتسمة : أيوه يا قاسم انا اللي ممكن اكسرك _أشارت بيدها لقلبه_ أنا الوحيدة اللي سكناه وانا الوحيدة اللي ممكن اكسره
قاسم : أنتي عايزة ايه يا ياسمينة
ياسمينة ضاحكة : عايزة حضن
قاسم بغضب : أنتي ازاي باردة كده ،انتي ناسية قولتي ايه امبارح بمنتهي القسوة
ياسمينة بحزن تحول لبكاء : طيب قولي أنت اعمل ايه ، من يوم ما عرفتك وانا بجري عليك عشان تقولي اعمل ايه ، طيب المرة دي هجري علي مين ، انا فتحت قلبي لأول مرة من زمن ، وافقت تدخله وتملكه ويبقي ليك أنت وبس
حبيت الدنيا ورجعت عيلة صغيرة بضفاير ، كنت بسمع قلبي بيدق لأول مرة اول ما عنيك تقابل عيني ،حضنك اللي حسيت فيه بالأمان لأول مرة في حياتي ، انا بحبك بس مجروحة وقلبي مكسور ، محتاجلك  ،محتاجة تتطبطب علي قلبي وتطمني ، انا محتاجة اتطمن انك جنبي ومعايا ، انا مش عايزة من كل الدنيا غيرك ، انت اللي رجعت قلبي يدق ، انا وقلبي ليك أنت وبس
احتضنها قاسم لتبكي علي كتفيه 
قاسم ضاحكا : ده كله عشان الحضن والله عيب
ليتنا إلتقينا منذ فتحت عيني علي الحياة ، لاقابل عينيك وإبتسامتك فأقع في غرامك وغرام الحياة
خذني إليك ، لا تتركني لعقلي  يتلاعب بي
ضمني إليك ودع الأحزان ترحل من قلبي ، اسكنني ضلوعك ، احبسني بين ذراعيك للأبد
عالية : معتز أنت بتحبني ؟!
معتز : بتقولي ايه أنتي حب ايه وزفت ايه
عالية : طيب كنت عايزة اقولك خبر كده يا حبيبي
معتز : اخبارك زي وشك خير
عالية : أنا حامل
ضرب معتز المنضدة في غضب : ازاي يعني ده حصل ازاي
عالية : أنا مش فاهمة المفروض أنت تكون فرحان ، مش ده اللي نفسك  فيه من زمان
مش ده اللي كان مبوظ حياتنا
جذبها معتز من شعرها ليصدم رأسها عدة مرات بالمنضدة
لا مش ده السبب ، السبب اني بكرهك معرفش ازاي اتجوزتك أصلا ، معرفش ضحكتي عليا ازاي ، خلتيني أكره ياسمينة وكنتي بتقولي عليها كلام محصلش لحد ما كرهتها وجرحتها، كنت بكسرها بالكلام وانا قاصد اسيبه معلم في قلبها للأبد ، وبعدين اتجوزتك واكتشفت كدبك ، اكتشفت السواد اللي في قلبك والحقد كرهتك وكرهت وجودك مش عايزك ولا عايز حاجه من ريحتك
عالية : مطلقتنيش ليه لما أنت عارف اني وحشة ومش طايقني
معتز : أنتي ناسية المؤخر اللي طلبتيه أنتي وأهلك وانا زي الاهبل مضيت ومتكلمتش اتنازلي عن كل حاجه وانا ارميكي في الشارع حالا
عالية : بعينك انا مش هسيبك غير لما اخد كل حاجه
معتز : يبقي حد فينا هيقتل التاني في الأخر
" صدق من قال الطيور علي أشكالها تقع "

" ماذا أفعل عندما أشتاق إليك
تنفسيني
قالت : وكيف هذا ؟
قال : كما أفعل أنا أتنفسك فلا أشتاق إليكِ
أملأ رئتي بشذاك فيمر عطرك في أوردتي حتى يصلُ لقلبي يملأ أرجاء قلبي عشقاً وهياماً
ثم يضخ قلبي شذاكِ لجميع خلاياي الآن أنتي تعيشين داخلى تتراقصين داخل أوردتي
قالت :إذا لو غبت عنك سيقف قلبك
قال:قلبي الذي نبض بحبك لن يموت وإن غبتِ بجسدك  فروحك تسكنني "
قاسم : لابسة علي الصبح ورايحة فين يا حبيبتي
ياسمينة : النهاردة سنوية بابا ،واحنا اتعودنا نروح كل سنة نقراله قرآن ونطمنه أننا عمرنا ما نسينا
احتضنها قاسم بحنان : وحشك ؟!
ياسمينة ببكاء : وحشني اوي ،انت مش متخيل ازاي ، عارف كان نفسي يبقي موجود انا معرفتش يعني ايه حياتي يبقي فيها راجل اصلا ،يعني ايه احساس البنت لما بتخاف من ابوها او تتكسف منه ، عارف كنت بسمع أصحابي طول عمرهم بيتكلموا عن ابوهم وانا نفسي أجرب إحساسهم ، عارف لو كان هو هنا مكنش هيحصل اي حاجه وحشة انا متأكدة
قاسم : بابا مش هنا بس انا هنا عشانك، هحاول اعوضك كل اللي عدي ، انا عارف الأب مبيتعوضش ، بس انا حاسس فعلا انك بنتي قبل ما تبقي حبيبتي ومراتي ، انا هنا دايما عشانك اوعي تحسي انك لوحدك أبدا ، ووسعي كده بقي عشان اغير واجي معاكي
ياسمينة :مينفعش مروان هيبقي هناك
قاسم : ما يمكن ميجيش
ياسمينة : مروان عمره ما فوت سنوية لبابا ابدا ، وانا عارفه انك هتضايق لما تشوفه بلاش احسن خليك هنا وانا هرجع آخر النهار وماما هتبقي معايا
قاسم : متقلقيش هستحمله النهاردة عشانك
ياسمينة : مش لازم تضغط علي نفسك عشاني
قاسم مبتسما : أنا قلبي كله عشانك ، وبعدين مبقتش أعرف اسيبك لوحدك ،خلاص روحي بقت متعلقة فيكي
ياسمينة : ربنا يخليك ليا
هناك لحظات تمر على الإنسان لا يرغب سوي بعناق ، عناق يعطيه أمل أن كل شئ سيكون علي ما يرام ، الكلمات لن تفعل شئ ، العناق وحده يفعل
ليلي : ياسمينة وحشتيني
ياسمينة : أنتي كمان يا ماما وحشتيني اوي
مروان : وانا ؟!
ياسمينة : مفيش كلام بينا واعمل حسابك قاسم جاي لو ضايقته بكلمة مش هيحصل كويس
مروان : بتحبيه للدرجة دي
قاسم : وانا بحبها اكتر ،متفكرش اني ممكن أذيها زيك ،انا مش من طبعي الخيانة
مروان : يعني انا اللي من طبعي الخيانة عموما مش هتكلم  انت اصلا متعرفش حاجه
قاسم : عرفني ايه اللي مش عارفه
نظرت ياسمينة نحو قاسم بحزن ولوم ، وجلست بعيدا عنهم وأمسكت مصحفها وبدأت تقرأ " يس والقرآن الحكيم ،إنك لمن المرسلين علي صراط مستقيم "
أكملت ودموعها تفيض علي مصحفها كغيمة حزينة ، اقترب قاسم وأمسك بيدها يبث إليها الطمأنينة التي فقدتها ....
"لا شئ بعد الأب ولا أحد يعوض غيابه"
مروان : ممكن أتكلم معاكي شوية يا ياسمينة
ياسمينة : خير
مروان : لا بره لوحدنا
ياسمينة : ها خير طلعنا بره
مروان : أنا آسف بس والله انا مقصدتش اذيكي ولا أذي حد ، محدش يعرف اللي حصل محدش يعرف انا مش عايز أخسرك انا ماليش غيرك انتي وماما
ياسمينة : كنت فين العمر اللي فات ده كله
مروان : كنت هربان من اليتم والمسئولية ، الخوف  معرفش كنت بهرب من كل اللي عشته هنا ، فاكرة واحنا صغيرين لما كنتي بتقوليلي دايما انت جيشي الوحيد
ياسمينة : وجيشي خذلني يا مروان ،خسرت الحرب ورجعت أشلاء
مروان : أنا لسه هنا ونحارب العالم كله سوا ،انا ماليش غيرك يا ياسمينة سامحيني
ياسمينة : أنا حاسة انك معملتش حاجه وانك برئ وده هيخليني اسامحك علي كدبك ، بس ازاي اسامحك علي عمري اللي راح وانت مش جنبي
مروان : اللي جاي كله هيبقي جنبك ،انا مش هسافر تاني خلاص
ياسمينة : بجد يعني خلاص مفيش غربة مفيش ايام وحشة من غيرك ، هتخانق براحتي وانا عارفة ان ليا سند ،مش هخاف من الناس تاني
احتضنها مروان : مفيش داعي تخافي من حاجه تاني خلاص
سمعت صوت سيارة قاسم تبتعد ، تساءلت لماذا رحل ؟!
"كان لا بد من السقوط في حبك ،حتي أسمو بك "
ياسمينة : ممكن افهم يا باشا حضرتك مشيت ليه وسبتني
قاسم : لقيت مبقاش في داعي لوجودي
ياسمينة بحزن : انت زعلت عشان اتصالحت مع مروان ، ده اخويا يا قاسم مقدرش اخيره أبداً
ابتسم قاسم : وهو انا قولتلك اخسريه ،انا قولت وجودي مالوش لازمة ،عشان كنت رايح اسندك ،بس لقيت الحمد لله بقي ليكي سند
انا عمري ما أرضي تخسري اخوكي عشاني ولا عشان اي حد في الدنيا ، انتي أصلا لو عملتي كده كنت هقلق منك إلا الأهل يا ياسمينة
اقتربت.ياسمينة في سعادة وطبعت قبله علي خده : أنا بحبك
" لا شئ يعادل حبك ، لا شئ يعادل قربك ،لا شئ يعادل ملامستك "
#Hadeer_saeed