الطلسم الحلقة13
الطلسم
13-
نقش بارز كبير خط باللون الأحمر القانى على بلاطة عريضة فى نهاية الممر لمفتاح الحياه عند المصريين القدماء..
بمجرد ان وضعت حنان قدمها عليه..
حتى شعرت و كأن روحها تخرج من جسدها
من كل خليه منه..
نار تسرى فى جسدها بدون لهب..
و صرخت حنان..
فى ألم وخوف
امسكها يحيي من يدها قبل ان تسقط فوق النقش
و قال:
-مالك يا حنان؟
لم تجبه..
بل جاءته الإجابة فى مشهد عجيب
**************************************
شعر خميس بالارهاق..مسح العرق عن جبينه و عيناه تتحسسان ظهر فاروق و سميه و ناصر
استند بوهن الى جدار الممر و صاح:
-اوقف يا ناصر مش قادر
توقفت المجموعه الصغيرة..
و استدارت الى حيث الريس خميس..
الذى لم تحتمل قدماه حمله.. فجلس الى الارض و امسك صدرة ..
و وجهه يحمل اقسى انواع الالم
انحنى فاروق الى جواره:
-مالك يا خميس
تحشرج صوت خميس
و حاول التقاط انفاسة وقال:
-بموت يا فاروق بيه.. بموت..!
*************************************
ترك يحيي يد حنان التى استلقت فوق البلاطة الرخامية حيث نقش مفتاح الحياه..
و هى تنتفض
و ترتعد..
و تغمم فى الم بصرخات مكتومه..
و يخرج من مسام جسدها..
سائل اسود..
ينشع منها الى الارضيه..
و يتبخر فى جزء من الثانيه
و فحيح مرعب تردد صداه الجدران..
تراجع يحيي فى خوف ممزوج بأطمئنان داخلي لا يدرى سببه
فهو يشعر كأن حنان تتخلص من تلك اللعنه التى ألمت بها
فهل هو الخلاص..؟
و فجأه..
ارتجت الجدران
صاح يحيي:
-زلزال..
و اسرع الى حنان التى خارت قواها
و ارتمت على الارض بعد ان لفظ جسدها الظلام بداخلها
شعرت بيديه عليها..
فتحت عيناها فى وهن ..
و همست:
-يحيي خلاص الموت المظلم سابنى و مشى
-عارف يا حبيبتى..لكن لازم نقوم و نمشى من هنا
هزة اخرى قويه
قالت حنان:
-فى ايه؟
-باينه زلزال
و وصل اليهما صوت هدير..قوى ..يصم الأذان
التفت يحيي الى الممر خلفهما
و صرخ:
-ميه كتير جاية من الممر ورانا
غمغمت حنان فى خوف:
-هنغرق زى الفيران
********************************************
التهم شربينى قطعه كبيرة من اللحم..
و مضغها فى استمتاع..و عيناه تراقب مدخل الممرات الصخرية و الى جواره على الارض رقدت بندقيته مستسلمه..
و من خلف الخيمة تجمع الرجال يدخنون و يتحدثون..
و هناك بجوار ضفة الشلال..وقف حجاب ينظر الى بركات و فوزى يغتسلان فى المياه المتدفقه..
قال حجاب:
-ريقين اوى ..؟
صاح فوزى:
-و مش عوزنا نروق كمان
قال بركات:
-سيبك منه ..حجاب دا بيدور على النكد بملقاط
جلس حجاب القرفصاء ..
و قال:
-انتم رجاله مخها تخين..يعنى قطعنا المسافه دى كلها و نجرى و را ناصر و اللى معاه علشان فى الاخر نقعد نستحم فى النيل و نستنى رجعتهم و فى الاخر ايه اللى هيحصل؟
توقف فوزى عن الاستحمام و خرج الى حيث جلسة حجاب وقال:
-ها كمل كلامك
-اللى هيحصل اننا هنتعب و نشتغل للريس شربينى و فى الاخر كل الذهب و الكنز هيروح ليه و هيرمى لينا الفتات
يخرج بركات و يقول:
-عاوز تقول ايه يا حجاب؟
-عاوز اقول ايه اللى يضمنى بعد ما شربينى يقتل ناصر و هو كان شريكة انه ما يدورش علينا و يقتلنا؟؟
نظر بركات الى فوزى فى دهشه
و ظل السؤال معلق بلا اجابه..
*************************************
-بموت يا عالم
قالها خميس فى رعب
اسرع اليه ناصر و دعك صدرة بيده ..
و هو يقول:
-بس يا راجل يا خرفان تلاقيها ازمة ربو
قالت سميه:
-هو عنده ضيق نفس؟
-ايوه
-اكيد التراب و الرمل اثروا على صدره
غمغم خميس:
-ااااه..نفسى مكتوم
دور فاروق فى جيب جلباب خميس.. و اخرج علبه نشوق فتحها و وضع القليل من محتواها فى انفه..
عطس بقوة..
و انتفض جسده للعطسه
غمغم فاروق:
-كدا احسن مش كدا يا خميس؟
شعر خميس بتحسن..
اردف فاروق:
-النشوق بيوسع الرئه
فى تلك اللحظة سمعوا صوت هدير قوى..
اسرع ناصر الى مصدر الصوت..تبعته سميه
توقف ناصر مشدوها..
و غمغم:
-يا وقعه سودا..
قالت سمية فى قلق:
-حصل ايه؟
كان فى تلك اللحظة فاروق قد وصل الى جوارهما فقال:
-مش دى ميه اللى جاية نحيتنا هناك؟؟؟
صاح ناصر:
-ايوه ميه و ميه كتير..دا سيل
استطاع خميس الوقوف و اقترب منهم و قال:
-لازم نلحق نرجع و نشوف مكان عالى نحتمى فية
التفت اليه سميه و قالت:
-هى ايه الميه دى يا عم خميس؟
قال خميس و قد ادرك ان حدسه كان صحيح انهم فى خطر كبير:
-دا فيضان ..فيضان النيل
((((((((((((((((((((((((((تتبع)))))))))))))))))))))))))
13-
نقش بارز كبير خط باللون الأحمر القانى على بلاطة عريضة فى نهاية الممر لمفتاح الحياه عند المصريين القدماء..
بمجرد ان وضعت حنان قدمها عليه..
حتى شعرت و كأن روحها تخرج من جسدها
من كل خليه منه..
نار تسرى فى جسدها بدون لهب..
و صرخت حنان..
فى ألم وخوف
امسكها يحيي من يدها قبل ان تسقط فوق النقش
و قال:
-مالك يا حنان؟
لم تجبه..
بل جاءته الإجابة فى مشهد عجيب
**************************************
شعر خميس بالارهاق..مسح العرق عن جبينه و عيناه تتحسسان ظهر فاروق و سميه و ناصر
استند بوهن الى جدار الممر و صاح:
-اوقف يا ناصر مش قادر
توقفت المجموعه الصغيرة..
و استدارت الى حيث الريس خميس..
الذى لم تحتمل قدماه حمله.. فجلس الى الارض و امسك صدرة ..
و وجهه يحمل اقسى انواع الالم
انحنى فاروق الى جواره:
-مالك يا خميس
تحشرج صوت خميس
و حاول التقاط انفاسة وقال:
-بموت يا فاروق بيه.. بموت..!
*************************************
ترك يحيي يد حنان التى استلقت فوق البلاطة الرخامية حيث نقش مفتاح الحياه..
و هى تنتفض
و ترتعد..
و تغمم فى الم بصرخات مكتومه..
و يخرج من مسام جسدها..
سائل اسود..
ينشع منها الى الارضيه..
و يتبخر فى جزء من الثانيه
و فحيح مرعب تردد صداه الجدران..
تراجع يحيي فى خوف ممزوج بأطمئنان داخلي لا يدرى سببه
فهو يشعر كأن حنان تتخلص من تلك اللعنه التى ألمت بها
فهل هو الخلاص..؟
و فجأه..
ارتجت الجدران
صاح يحيي:
-زلزال..
و اسرع الى حنان التى خارت قواها
و ارتمت على الارض بعد ان لفظ جسدها الظلام بداخلها
شعرت بيديه عليها..
فتحت عيناها فى وهن ..
و همست:
-يحيي خلاص الموت المظلم سابنى و مشى
-عارف يا حبيبتى..لكن لازم نقوم و نمشى من هنا
هزة اخرى قويه
قالت حنان:
-فى ايه؟
-باينه زلزال
و وصل اليهما صوت هدير..قوى ..يصم الأذان
التفت يحيي الى الممر خلفهما
و صرخ:
-ميه كتير جاية من الممر ورانا
غمغمت حنان فى خوف:
-هنغرق زى الفيران
********************************************
التهم شربينى قطعه كبيرة من اللحم..
و مضغها فى استمتاع..و عيناه تراقب مدخل الممرات الصخرية و الى جواره على الارض رقدت بندقيته مستسلمه..
و من خلف الخيمة تجمع الرجال يدخنون و يتحدثون..
و هناك بجوار ضفة الشلال..وقف حجاب ينظر الى بركات و فوزى يغتسلان فى المياه المتدفقه..
قال حجاب:
-ريقين اوى ..؟
صاح فوزى:
-و مش عوزنا نروق كمان
قال بركات:
-سيبك منه ..حجاب دا بيدور على النكد بملقاط
جلس حجاب القرفصاء ..
و قال:
-انتم رجاله مخها تخين..يعنى قطعنا المسافه دى كلها و نجرى و را ناصر و اللى معاه علشان فى الاخر نقعد نستحم فى النيل و نستنى رجعتهم و فى الاخر ايه اللى هيحصل؟
توقف فوزى عن الاستحمام و خرج الى حيث جلسة حجاب وقال:
-ها كمل كلامك
-اللى هيحصل اننا هنتعب و نشتغل للريس شربينى و فى الاخر كل الذهب و الكنز هيروح ليه و هيرمى لينا الفتات
يخرج بركات و يقول:
-عاوز تقول ايه يا حجاب؟
-عاوز اقول ايه اللى يضمنى بعد ما شربينى يقتل ناصر و هو كان شريكة انه ما يدورش علينا و يقتلنا؟؟
نظر بركات الى فوزى فى دهشه
و ظل السؤال معلق بلا اجابه..
*************************************
-بموت يا عالم
قالها خميس فى رعب
اسرع اليه ناصر و دعك صدرة بيده ..
و هو يقول:
-بس يا راجل يا خرفان تلاقيها ازمة ربو
قالت سميه:
-هو عنده ضيق نفس؟
-ايوه
-اكيد التراب و الرمل اثروا على صدره
غمغم خميس:
-ااااه..نفسى مكتوم
دور فاروق فى جيب جلباب خميس.. و اخرج علبه نشوق فتحها و وضع القليل من محتواها فى انفه..
عطس بقوة..
و انتفض جسده للعطسه
غمغم فاروق:
-كدا احسن مش كدا يا خميس؟
شعر خميس بتحسن..
اردف فاروق:
-النشوق بيوسع الرئه
فى تلك اللحظة سمعوا صوت هدير قوى..
اسرع ناصر الى مصدر الصوت..تبعته سميه
توقف ناصر مشدوها..
و غمغم:
-يا وقعه سودا..
قالت سمية فى قلق:
-حصل ايه؟
كان فى تلك اللحظة فاروق قد وصل الى جوارهما فقال:
-مش دى ميه اللى جاية نحيتنا هناك؟؟؟
صاح ناصر:
-ايوه ميه و ميه كتير..دا سيل
استطاع خميس الوقوف و اقترب منهم و قال:
-لازم نلحق نرجع و نشوف مكان عالى نحتمى فية
التفت اليه سميه و قالت:
-هى ايه الميه دى يا عم خميس؟
قال خميس و قد ادرك ان حدسه كان صحيح انهم فى خطر كبير:
-دا فيضان ..فيضان النيل
((((((((((((((((((((((((((تتبع)))))))))))))))))))))))))
التعليقات على الموضوع