الطلسم الحلقة12
الطلسم..
12-
غاصت الصخرة الدائرية بداخل الجدار الصخرى..
الذى انشق بالطول و أفترق جانبيه عن ممر صخرى اخر ضيق..
يؤدى الى باطنة المظلم..!
ابتسم يحيي و اشار الى الممر الجديد و قال:
-زى ماهو مكتوب فى الكتاب
كانت حنان تقاوم رغبة الظلام فى داخلها حتى انها من شدة الالم لم تجيب يحيي
امسكها و هو يشعر بالقلق:
-مالك يا حنان؟
اغمضت عيناها و قالت:
-زى ما تكون روحى هتهرب منى
-معلش اتحملى اكيد لقربنا من مصدر الطلسم..يالا بينا ندخل
كان الممر مظلم فى بعض الاماكن و مضىء فى اماكن اخرى..اضائه غير معروف مصدرها..
قال يحيي:
-استنى نولع المشعل اللى جهزه الريس خميس..
انتظرت حنان..
تشعر ان قلبها منقبض و قوة رهيبة تهمس بكلمات غامضة غير مفهومة و الم شديد فى جسدها..
اشتعل المشعل بضوء اصفر وهاج..
تقدم يحيي تتبعه حنان
و فجأة...
صرخت حنان
*****************************************
صاح فوزى:
-العربيات هناك واقفه عند راس الوادى
ابتسم شربينى و قال:
-كدا كويس اوى حصلناهم..هم لسه هنا
التفت و صاح:
-يا بركات
اسرع اليه بركات و هو يلهث و يقول:
-اامرنى يا ريس شربينى؟
قال شربينى و هو يعد بندقيته:
-جهز الرجاله..
*****************************************
سار ناصر امام المجموعه بين الممر الصخرى..و خلفة يتبعه الريس خميس بجلبابة الابيض..
كان يبدو على وجه خميس التوتر و انشغال البال..
اقترب منه فاروق الفنجرى و قال:
-مالك؟
-ماليش يا بيه؟
-الكدب خيبة و انت راجل كبير عيب عليك تكدب
ابتسم خميس و قال:
-دا مش كدب انا مش عاوزك تشغل بالك
-مالك؟ قول..
غمغم خميس و صوتة يحمل نبرة قلق:
-اظن اننا....
قال فاروق بنفاذ صبر:
-اننا ايه انطق؟
اقتربت سميه منهما و سألت:
-فى اية يا بابا؟ ماله الريس خميس
توقف ناصر على أصواتهم التى تجادل و التفت اليهم
و قال:
-مالكم حصل ايه؟
قال فاروق:
-خميس مخبى حاجة و مش عاوز يقول
اقترب ناصر من خميس و قال:
-انت مخبى حاجة؟
ابتلع خميس ريقة..و تغير لون وجهه و قال:
- اظن اننا..تهنا
صاحت سميه خائفة:
-بتقول ايه؟؟؟؟؟
***********************************
صرخت حنان و هى تقول:
-حاااااااااااااسب يا يحيي تحت رجليك
توقف يحيي فزعا..
نظر اسفل قدمة..
كانت هوة عميقة سوداء..
غمغم:
-ربنا ستر..كنت هقع فيها
قالت حنان:
-بص على حبل الليف دا اللى مربوط فى الصخرة
تحسس يحيي الحبل و قال:
-زى ما يكون لسة مربوط..اكيد دا الحبل اللى ربطة ابويا وقت ما كان هنا مع عمى
التفت الى حنان وقال:
-تعالى ننزل عليه هيوصلنا للطريق..لكن استنى
-ايه؟
-هنزل انا الاول علشان اطمن من متانة الحبل
هزت حنان رأسها علامة الفهم..
و بدأ يحيي فى النزول الى الاعماق المظلمة للهوة
*********************************
-محدش هنا يا ريس شربينى
قالها حجاب و هو يفحص الخيام
قال شربينى:
-يبقى اكيد دخلوا الممرات الصخرية اللى حكالى عنها ناصر
فوزى:
-و العمل ياريس؟
صمت شربينى قليلا و قال:
-احنا هنستنى هنا..ناكل و نشرب من الحاجات الموجودة فى الخيمة..و نرتاح و نستناهم لغاية ما يرجعوا
ضحك بركات و قال:
-عفارم عليك يا سيد الناس
غمغم شربينى:
-هم يتعبوا و يطلعوا الكنز و احنا هنا مستنينهم يرجعوا بيه
سأل حجاب:
-و لما يرجعوا؟؟؟
قال شربينى بصوت كالفحيح:
-نقتلهم طبعا
************************************
كانت الكلمه التى نطقها خميس كرصاصة قاتله
" اظن اننا تهنا.."
قال ناصر:
-و مين قال اننا تهنا؟
قال خميس:
-احنا دخلنا وراهم بعد ساعه من دخولهم
قال فاروق:
-ايوا صح كان المفروض من نص ساعه نكون حصلنا حنان و يحيي
قال ناصر:
-لا مش شرط ..ممكن نكون دخلنا ممر تانى اطول
قالت سميه فى ضيق:
-ممر تانى ليه؟..احنا المفروض وراهم على نفس الممر
قال خميس فى قلق:
-يحيي بيه معاه كتاب ماشى على العلامات اللى فيه
قال ناصر:
-لو خيفين نرجع..
هتف فاروق:
-نرجع فين بعد كل المشى دا لا احنا نكمل
قالت سميه:
-ايوا احنا نكمل ساعه كمان و لو مفيش فايدة نرجع
فجأة ..
قال ناصر:
-الا بقيت المجموعه فين؟
التفت الجميع خلفهم..
لا احد فى الممر
قال خميس:
-السواقين و باقى الرجالة رجعوا و احنا مشغولين فى الكلام
فاروق:
-و لاد الك.........
سميه و هى تكاد تبكى:
-و العمل؟
قال ناصر:
-هنكمل طبعا
و اكد فاروق على كلامة
بينما خميس اكمل الطريق خلفهم و هو لا يشعر بان الأمر سوف ينتهى على خير
**************************************
بهو متسع ذو أعمدة على شكل زهرة اللوتس.. ورديه..و تمثال لحمامه تحمل فى قدميها غصن..
وقفت حنان مشدوهه بالمشهد و قالت:
-بهو فرعونى بالتاكيد
غمغم يحيي و هو يشير الى درجات سلم:
-فى باب هناك لازم ندخلة
و تحركا بحذر
و صعدا درجات السلم..المؤدى الى باب مفتوح..
دخلا..
و يحيي يمسك بالشعله..
قالت حنان:
-ممر ضيق تانى
-ايوا
سارا بحذر
حتى نهاية الممر
و هنا شعرت حنان و كأن روحها تخرج من جسدها
من كل خليه منه..
نار تسرى فى جسدها بدون لهب..
و صرخت حنان..
صرخت احتضار.......!
((((((((((((((((((((((((((تتبع))))))))))))))))))))))))))
12-
غاصت الصخرة الدائرية بداخل الجدار الصخرى..
الذى انشق بالطول و أفترق جانبيه عن ممر صخرى اخر ضيق..
يؤدى الى باطنة المظلم..!
ابتسم يحيي و اشار الى الممر الجديد و قال:
-زى ماهو مكتوب فى الكتاب
كانت حنان تقاوم رغبة الظلام فى داخلها حتى انها من شدة الالم لم تجيب يحيي
امسكها و هو يشعر بالقلق:
-مالك يا حنان؟
اغمضت عيناها و قالت:
-زى ما تكون روحى هتهرب منى
-معلش اتحملى اكيد لقربنا من مصدر الطلسم..يالا بينا ندخل
كان الممر مظلم فى بعض الاماكن و مضىء فى اماكن اخرى..اضائه غير معروف مصدرها..
قال يحيي:
-استنى نولع المشعل اللى جهزه الريس خميس..
انتظرت حنان..
تشعر ان قلبها منقبض و قوة رهيبة تهمس بكلمات غامضة غير مفهومة و الم شديد فى جسدها..
اشتعل المشعل بضوء اصفر وهاج..
تقدم يحيي تتبعه حنان
و فجأة...
صرخت حنان
*****************************************
صاح فوزى:
-العربيات هناك واقفه عند راس الوادى
ابتسم شربينى و قال:
-كدا كويس اوى حصلناهم..هم لسه هنا
التفت و صاح:
-يا بركات
اسرع اليه بركات و هو يلهث و يقول:
-اامرنى يا ريس شربينى؟
قال شربينى و هو يعد بندقيته:
-جهز الرجاله..
*****************************************
سار ناصر امام المجموعه بين الممر الصخرى..و خلفة يتبعه الريس خميس بجلبابة الابيض..
كان يبدو على وجه خميس التوتر و انشغال البال..
اقترب منه فاروق الفنجرى و قال:
-مالك؟
-ماليش يا بيه؟
-الكدب خيبة و انت راجل كبير عيب عليك تكدب
ابتسم خميس و قال:
-دا مش كدب انا مش عاوزك تشغل بالك
-مالك؟ قول..
غمغم خميس و صوتة يحمل نبرة قلق:
-اظن اننا....
قال فاروق بنفاذ صبر:
-اننا ايه انطق؟
اقتربت سميه منهما و سألت:
-فى اية يا بابا؟ ماله الريس خميس
توقف ناصر على أصواتهم التى تجادل و التفت اليهم
و قال:
-مالكم حصل ايه؟
قال فاروق:
-خميس مخبى حاجة و مش عاوز يقول
اقترب ناصر من خميس و قال:
-انت مخبى حاجة؟
ابتلع خميس ريقة..و تغير لون وجهه و قال:
- اظن اننا..تهنا
صاحت سميه خائفة:
-بتقول ايه؟؟؟؟؟
***********************************
صرخت حنان و هى تقول:
-حاااااااااااااسب يا يحيي تحت رجليك
توقف يحيي فزعا..
نظر اسفل قدمة..
كانت هوة عميقة سوداء..
غمغم:
-ربنا ستر..كنت هقع فيها
قالت حنان:
-بص على حبل الليف دا اللى مربوط فى الصخرة
تحسس يحيي الحبل و قال:
-زى ما يكون لسة مربوط..اكيد دا الحبل اللى ربطة ابويا وقت ما كان هنا مع عمى
التفت الى حنان وقال:
-تعالى ننزل عليه هيوصلنا للطريق..لكن استنى
-ايه؟
-هنزل انا الاول علشان اطمن من متانة الحبل
هزت حنان رأسها علامة الفهم..
و بدأ يحيي فى النزول الى الاعماق المظلمة للهوة
*********************************
-محدش هنا يا ريس شربينى
قالها حجاب و هو يفحص الخيام
قال شربينى:
-يبقى اكيد دخلوا الممرات الصخرية اللى حكالى عنها ناصر
فوزى:
-و العمل ياريس؟
صمت شربينى قليلا و قال:
-احنا هنستنى هنا..ناكل و نشرب من الحاجات الموجودة فى الخيمة..و نرتاح و نستناهم لغاية ما يرجعوا
ضحك بركات و قال:
-عفارم عليك يا سيد الناس
غمغم شربينى:
-هم يتعبوا و يطلعوا الكنز و احنا هنا مستنينهم يرجعوا بيه
سأل حجاب:
-و لما يرجعوا؟؟؟
قال شربينى بصوت كالفحيح:
-نقتلهم طبعا
************************************
كانت الكلمه التى نطقها خميس كرصاصة قاتله
" اظن اننا تهنا.."
قال ناصر:
-و مين قال اننا تهنا؟
قال خميس:
-احنا دخلنا وراهم بعد ساعه من دخولهم
قال فاروق:
-ايوا صح كان المفروض من نص ساعه نكون حصلنا حنان و يحيي
قال ناصر:
-لا مش شرط ..ممكن نكون دخلنا ممر تانى اطول
قالت سميه فى ضيق:
-ممر تانى ليه؟..احنا المفروض وراهم على نفس الممر
قال خميس فى قلق:
-يحيي بيه معاه كتاب ماشى على العلامات اللى فيه
قال ناصر:
-لو خيفين نرجع..
هتف فاروق:
-نرجع فين بعد كل المشى دا لا احنا نكمل
قالت سميه:
-ايوا احنا نكمل ساعه كمان و لو مفيش فايدة نرجع
فجأة ..
قال ناصر:
-الا بقيت المجموعه فين؟
التفت الجميع خلفهم..
لا احد فى الممر
قال خميس:
-السواقين و باقى الرجالة رجعوا و احنا مشغولين فى الكلام
فاروق:
-و لاد الك.........
سميه و هى تكاد تبكى:
-و العمل؟
قال ناصر:
-هنكمل طبعا
و اكد فاروق على كلامة
بينما خميس اكمل الطريق خلفهم و هو لا يشعر بان الأمر سوف ينتهى على خير
**************************************
بهو متسع ذو أعمدة على شكل زهرة اللوتس.. ورديه..و تمثال لحمامه تحمل فى قدميها غصن..
وقفت حنان مشدوهه بالمشهد و قالت:
-بهو فرعونى بالتاكيد
غمغم يحيي و هو يشير الى درجات سلم:
-فى باب هناك لازم ندخلة
و تحركا بحذر
و صعدا درجات السلم..المؤدى الى باب مفتوح..
دخلا..
و يحيي يمسك بالشعله..
قالت حنان:
-ممر ضيق تانى
-ايوا
سارا بحذر
حتى نهاية الممر
و هنا شعرت حنان و كأن روحها تخرج من جسدها
من كل خليه منه..
نار تسرى فى جسدها بدون لهب..
و صرخت حنان..
صرخت احتضار.......!
((((((((((((((((((((((((((تتبع))))))))))))))))))))))))))
التعليقات على الموضوع