رواية صراع بين الحب و الثأر الحلقة39

💘   الحلقة   ٣٩  💘

 

 

.           
💘💘💘💘💘💘💘💘💘💘💘💘💘💘💘💘

.

عمار / هندور فى كل المستشفيات عليها

عادل / بس اسكندرية كبيرة

عمار/ لو حكمت انى هدور فى كل الرمل الى فى البلد ددى قمر لازم ترجع وتسمحنى

عادل / ان شاء الله

عمار و عادل بيدورو فى كل المستشفيات بس للاسف قمر ملهاش اى ملفات فى المستشفى

بعد تلات ايام

عمار قاعد هو و عادل فى العربية و عمار سرحان

عادل / عمار هنعمل اية دلوقتى

عمار مبيردش

عادل / عمار عمار

عمار / اية بتقول حاجة

عادل / انت منمتش بقالك تلات ايام خلينا نروح الفندق ونام ساعتين ونفكر هنعمل اية

عمار / لو عاوز تروح تنام انت روح انا مش هنام الا لما قمر ترجعلى

.
      **********************************

.

فى فيلا اياد قمر فى المطبخ بتعمل حلويات

ريم / الله فى ريحة حلوة اوى

قمر / انا بعملك كيك بالشوكولاتة

ريم / هيييية هيييية

قمر / يلا تعالى ساعدينى

قمر وريم بيهزرو مع بعض وبيضحكو اوى

.

      **********************************

.
             

عمار و عادل فى العربية وبيلفو فى الشوارع و عمار بيتعب اوى وبيدوخ

عادل/ عمار انت كويس

عمار / مش عارف

عادل بياخد عمار على المستشفى بسرعة وبيدخل بية الاستقبال

عادل / دكتور دكتور

عمار بيكون مغما علية والدكتور بيخدو على الاوضة
و عمار بيهلوس

عمار / انا الى عملت فيكى كدة سمحينى انا بحبك ارجعيلى

عادل واقف برة الاوضة وقلقان على عمار اوى وبيخرج الدكتور

عادل / دكتور اخويا

الدكتور / هو كويس متقلقش بس قلة تغذية وارهاق انا اديتو ابرة هينام للصبح

عادل بيدخل لعمار

.
      **********************************

.             

فى الليل

قمر  فى الرسبشن تحت وبيدخل اياد

اياد / قمر  صاحية لحد دلوقتى لية

قمر / انا لا مفيش بس اتاخرت وانا مش جيلى نوم فقولت استنك علشان اسخنلك الاكل

اياد / يعنى انتى مستنيانى

قمر اتكسفت

اياد / بس هتاكلى معايا يلا وانا هطلع اغير هدومي

قمر راحت على المطبخ و اياد طلع على اوضته وبيشوف ولدتو وقفة على السلم

فاطمة / السعادة الى انا شيفاها فى عيونك دى بالدنيا والى فيها متضيعش وقت يا ابنى الزمن بيجرى

اياد بيروح يحضن ولدتو اوى وبيطلع بيغير هدومه و قمر بتحضر السفرة و اياد بينزل وبيتعشو مع بعض و قمر بتشيل الاكل وبتروح على المطبخ و اياد بيروح وراها

قمر / دقيقة و القهوة هتكون عندك

اياد / قمر انا عاوز اتكلم معاكى فى موضوع

قمر / فى حاجة

اياد بيروح يمسك اديها وبيخدها وبيقاعدو على تربيظة المطبخ

اياد / انا كان فى حاجة جوايا من اليوم الى شفتك فية بس مش قادر اقولها ولا اصدقها

قمر  متوترة

اياد / قمر انا بحبك وعاوز اتجوزك ونكون اسعد اسرة انتى قبل ما تظهرى فى حياتى كانت حياتى عبارة عن كابووس وانتى الى عيشتينا فى حلم جميل

قمر/ بس

اياد / لا انا مش عاوز اى جواب دلوقتى فكرى وهستني منك الرد فى اى وقت

اياد بيبوس ايد قمر وبيسبها وبيخرج و قمر حيرانة ومش عارفة تقول اية ودموعها بتنزل وبتطلع على اوضتها  وبتفضل سهرانة طول الليل

.
      **********************************

.


 الصعيد

 مي فى الاوضة مستنية  حسن وبعد شوية حسن بيدخل الاوضة و مي باين عليها الكسوف

حسن / انتى لسة صاحية

مي / مستنياك

حسن بيروح يمسكها من اديها وبيبوس اديها

حسن / انتى لسة تعبانة لازم ترتاحى وتنفذى كل الى قالو الدكتور لازم تتغذى كويس

مي / طول ما انت جمبى انا مش خايفة ابدا

حسن لسة هيقرب منها

حسن / انا انا هروح اغير هدومي

حسن راح على الحمام بيغير هدومه وبيلبس هدوم النوم وبيروح على الكنبة الى كان بيروح ينام عليها

حسن / تصبحى على خير

مي اديقت اوى كانت مفكرة انهم خلاص هيعيشو حيتهم عادى و مي بتنام وهى مديقة

.

      **********************************

.
           

اسكندريه

فى الصباح قمر كانت سهرانة وبتفكر وباب اوضتها بيخبط
وبتدخل فاطمة

فاطمة/ صباح الخير يا بنتى

قمر / صباح النور يا طنط

فاطمة / مالك فى اية

قمر / انا لا بس كنت بفكر فى موضوع

فاطمة / اياد يعنى

قمر اتكسفت

فاطمة  / بصى يابنتى انا الكلام الى هقولهولك دة مش علشان ياثر عليكى فى اى حاجة انا ابنى اطيب من ما يكون وتعب فى حياتو اوى الاول تعب لحد ما وصل للى هو فية

 دلوقتى انا ابنى ابتدى من الصفر حتى لما اتجوز حب مراتو اوى وسبتو وسابت بنتها وحبت واحد تانى وراحتلو وابنى تعب اوى كان منهار مكنش بياكل ولا بيشرب وبعد سنة

 كان ابنى خلاص اتعود على بعدها فجاة دخلت فى حياتو تانى وقالتو انو يسامحها قبل ما تموت ودى كانت الصدمة التانية وكان عندها ورم فى المخ وحاول يساعدها بكل الطرق

 بس للاسف كانت حالتها صعبة اوى وماتت وهو بيعملها العملية ورجع الحزن يدخل على قلبو شوية شوية لحد ما انتى دخلتى فى حياتو انا اول مرة من خمس سنين اشوفو

 مبسوط كدة فيابنتى لو فى قلبك حاجة من نحيتو ياريت تفضلى مسكة ايدو ومتسبهوش ابدا. ولو انتى مش موفقة ربنا يوفقك انا حبيتك زى بنتى واكتر

فاطمة بتعيط و قمر دموعها بتنزل والحيرة اترسمت على عيونها و فاطمة سابت قمر وخرجت وبتدخل ريم على قمر

ريم / انتى هتكونى ماما

قمر بتروح تحضنها

قمر / انتى حبة اكون ماما

ريم / اة انا بحبك اوى

قمر بتحضنها اوى وبتروح تغير هدومها

قمر / يلا هنروح عند بابا يلا بينا

.

      **********************************

.
قمر اخدت ريم وراحو على المستشفى و قمر دخلت لاياد

اياد /قمر انتو هنا

قمر / اية جنالك فى وقت غير مناسب ولا حاجة

اياد مبسوط اوى علشان شايف البسمة على وش قمر

اياد / اتفضلى تشربى اية

قمر / احنا مفطرناش ولا انا ولا ريم

اياد / طب يلا بينا

.
      **********************************

.             

عادل بيلبس عمار فى المستشفى و بياخد عمار وبيخرجو من المستشفى و قمر و اياد ومعاهم ريم خرجين من المستشفى وبيركبو العربية و عمار بيبص قدمه بيشوف قمر بتركب جمب اياد و عمار مش مصدق نفسو

عمار / قمر  قمر......
             

عادل / عمار فى اية

عمار / قمر قمر ركبت العربية دى انا متاكد

الممرضة / لو سمحتو بهدوء فى مرضى هنا

عمار زى المجنون

عمار / مين ميين الى خرج من دققتين بس انتى شفتيهم وركبو العربية

عادل / عمار اهدى مينفعش كدة

الممرضة / احنا بيدخل ويخرج مرضى كتير مستحيل هعرفهم

والممرضة كانت هتمشي  وبتبص لعمار

الممرضة /  الى ركبو العربية البيضة الكبيرة

عمار / اة اة هما

الممرضة / دة الدكتور اياد مدير وصاحب المستشفى

والممرضة مشيت و عمار اترسمت بسمة على وشه وبدا الاحساس بالسعادة يدخل على قلبو

وردة. ✍️