رواية صراع بين الحب و الثأر الحلقة38

😃انا بقول كفاية احزان خدو شوية تفاؤل 😀



💘   الحلقة ٣٨    💘

.
💘💘💘💘💘💘💘💘💘💘💘💘💘💘💘💘

.             

 الصعيد

 حسن رجع البيت و مي قاعدة فى الاوضة كالعادة و حسن بيطلع

حسن / مساء الخير

مي / مساء النور

حسن / متخفيش هغير وهخرج على طول مش هزعجك

مي / كفاية بقي كفاية تلميحات ونظرات محسسنى انى ولا حاجة فى حياتك محسسنى انى كرسى فى الاوضة

حسن بيبصلها ومتعصب

حسن / اولا وطى صوتك

مي بتعيط و حسن بيتعصب وبيضرب المراية بايدو وايدو بيتتجرح و مي بتروح علية

حسن / خليكى عندك اوعى فى يوم تتخيلى انك هتكونى نقطة فى حياتى انتى مجرد وهم ماشى

مي / طب خلينى اشوف الجرح

حسن / هششش كفاية تمثيل انك خايفة عليا

مي / انت ازاى قلبك قاسى اوى كدة

مي بتبص لايدو

مي / ايدك بتنزف خلينى اشفها

حسن خرج و سبها وبيقف عند الباب وبيبصلها

حسن / اوعى تكونى فكرة انى مغفل ومش عارف الى بيحصل بينك وبين حبيب القلب بتاعك متخفيش كلها يومين وهرميكى برة وتقدرى تروحيلو

حسن خرج وقفل الباب جامد و مي اتصدمت وبتجرى تشوف الموبيل وبتمسح كل الرسايل الى جاية من امجد

.
      **********************************

.           

اسكندريه

فى الصبح  قمر فى الجنينة وبتسمع اغنية بتونس بيك وانت معايا و بتعجبها الاغنية اوى وبتغمض عنيها وبتسرح فى كلمات الاغنية وبتسمع صوت ضحكة عمار وبينادى عليها
و بتبص حوليها زى المجنونة وبتجرى وري الصوت الى بينادى عليها

قمر / ميين مين هنا فى حد سمعنى

قمر بتعيط

قمر / انا مش مجنونة انا سمعت حد بينادى عليا انا متاكدة

و بتجرى فى الجنينة وهى بتجرى بتخبط فى اياد و اياد بيمسكها

اياد / قمر فى اية مالك

قمر / فى حد هنا انا متاكدة انا بسمع حد بينادى عليا والصوت دة مش اول مرة اسمعو

اياد بيبص لقمر

قمر /انت بتبصلى كدة لية انا مش مجنونة

اياد / اهدى تعالى نشوف طب انتى سمعتية فين

قمر / من هنا ومن هنا ومن هنا صوت حد مشتاق

اياد / طب تعالى نرجع خليكى ارتاحى شوية

قمر بتبص لاياد وبتسيبو وبتروح على الفيلا

.
      **********************************

.             

 الصعيد

مي مستنية حسن وعوزة تقولو الى حصل بنها وبين امجد وانها مخدعتهوش  وقاعدة الجنينة والجو برد اوى وقلقانة

سندس / مي الجو برد عليكى ادخلى

مي / لا انا مستنية حسن

سندس/ تحبى اتصل بية انتى كويسة

مي / لا مفيش بس يعنى

سندس / خلاص انا مش عوزة اديقك

سندس دخلت الفيلا و مي وقفت مستنية طول الليل
و حسن بيوصل وبيدخل بالعربية و مي بتروح علية وبتوقفو

حسن / انتى اية الى موقفك هنا دلوقتى

مي / انا عوزة اشرحلك الى حصل

حسن / لو واحد غيرى وشاف الرسايل دى كان قتلك فى مكانك

مي / حسن استنى والله انا مليش زمب هو الى

حسن بيضرب مي بالقلم وبيمسكها من درعها اوى

حسن / انا كنت فاكر ان ممكن تكونى محترمة بس للاسف انتى مش فرقة معايا

حسن بيسيب مي وبيمشى

مي / انت مفكر ان لما تضربنى يبقي انا مش فرقة معاك لا بالعكس انا لو مش فرقة معاك مكنتش ضربتنى بس انت ضربتنى لانك بتحبنى وبتحاول تخبى الحب دة

حسن بيلف وبيبصلها والغضب باين علية وبيروح عندها وبيرفع ايدو وبيبص فى عنيها ومبيقدرش يضربها

مي / اضربنى اضربنى

حسن مبيقدرش يتحرك وبيبصلها اوى

مي / انا وانت طرقنا واحد

حسن / لا انا ولا انتى يمكن نمشى فى طريق واحد ابدا

مي بتحس بدوخة والم فى بطنها و حسن بيمسكها جامد

حسن / انتى بكرة الصبح هبعتك لاهلك انتى

وقبل ما حسن يكمل كلامو مي بيغما عليها و حسن بيمسكها قبل ما تقع على الارض وبيشلها

حسن / مي مي

وبيخدها بسرعة على العربية

حسن / مي ردى عليا مي مي فوقى

حسن بيسوق العربية بسرعة وبيخدها على المستشفى


.
      **********************************

.             

بعد ساعة و حسن واقف قدم اوضة الدكتور بيخرج

حسن / هى

الدكتور / الحمد لله انك جبتها هنا على طول

حسن / هى كويسة دلوقتى

الدكتور / اة الحمد لله والجنين بخير وصحتو كويسة ممكن تدخل تطمن عليها

حسن بيتردد انو يدخل وبيفتح الباب براحة وبيبص عليها وبتكون نايمة على السرير ولسة حسن هيرجع تانى

مي / حسن

حسن بيبصلها و مي لسة هتتحرك حسن بيجرى عليها وبيمسكها

حسن / خليكى مرتاحة انا

مي / بحبك

حسن مش مصدق نفسو وبيحضنها اوى

.
      **********************************

.             

القاهرة

 يوم فرح عمار و عمار قاعد فى اوضته و عادل بيدخل علية

عادل / هتفضل كدة لسة انت فى ايدك

عمار / عادل سبنى لوحدى

عادل / بس انت كدة

عمار / قولتلك اخرج برة

واسيل بتسمع عمار صوتو عالى وبتقف وبتروح تخبط على الاوضة وبتسمع عمار بيكلم عادل

عادل / انت كده بتتعذب اكتر روح قولها انك مش هتقدر

عمار / لا انا هتجوز اسيل النهاردة

عادل / يعنى عاوز تفهمنى انك نسيت قمر

عمار / انا مش عاوز اسمع الاسم دة تانى انت فاهم خلاص قمر هى الى قررت انها تروح وتشوف حياتها بعيد عنى

عادل / انا متاكد ان قمر بتتعذب طول ما هى بعيد عنك الحب الى بنكو عمرو ميتنسى

عمار / هى قررت تنسى وانا لازم انسي لازم اطلعها من حياتى انا تعبت بقي تعبت والله العظيم تعبت انت قولى اعمل اية مش قادر انساها ولا لحظة انا بشفها فى كل حاجة هنا شوف كانت بتقف هنا وبتضحك هنا وبتعيط هنا انا الى كنت السبب في عياطها ده

عادل / انت لازم تقرر وتروح لاسيل وتقولها

عمار / لا انا وعدتها

واسيل بتدخل عليهم الاوضة و عمار بيخبى دموعو

اسيل / عادل لو سمحت ممكن تسبنى انا و عمار شوية

عادل خرج من الاوضة وسبهم لوحدهم

عمار / انتى لسة مجهزتيش كدة هنتاخر

اسيل / لا يا عمار

عمار بيبصلها

اسيل / خلينى احتفظ بشوية من كرمتى انا الى بقولك لا

عمار / جاية تقولى كدة دلوقتى

اسيل / انا فعلا حبيتك و لسه بحبك بس انت عمرك محبتنى انا لازم انسحب من حياتك بدل ما اخسر حياتى وانا جمبك مستنية تقولى بحبك

عمار واقف مبيردش وبيروح يقاعد على الكرسى بياس

اسيل / روح دور على روحك انت بتحبها

عمار / هى الى اختارت انها تبعد

 اسيل بتروح تحط اديها على كتف عمار

اسيل / لا قمر اختارت تبعد علشان بتحبك

عمار / بس كفاية مش عاوز حد يجيب سيرتها تانى ماشى انا معرفش حد بالاسم دة كفاية بقي كفاية

عمار لسة هيخرج من الاوضة

اسيل / قمر مريضة الحقها قبل ما الوقت يفووت

عمار واقف وكان سكينة اتغرزت فى قلبو واسيل بتحكيلو على الى حصل لما قبلت قمر

عمار / ورم

عمار بيفتكر اوقات لما قمر كانت بتشتكى بصداع وكانت بتتالم وهو ولا حاسس فيها

اسيل / وقالتلى انها هترجع اسكندرية تانى وراحت ودة الى اعرفو عنها

عمار مبيستنش دقيقة كمان وجرى على تحت وفاتن بتمسك ايدو

فاتن /عمار انت رايح فين المازون زمانو جاى

عمار / كفاية بقي كفاية ابعدى عنى خلينى اروح الم الى باقى منى

عمار جرى على برة و عادل جرى ورة و و بيركب العربية مع عمار

عمار / عادل انزل

عادل / لا قمر تهمنى زى متهمك انا سمعت كل حاجة

عمار بيسوق بسرعة

.
      **********************************

.             

 الصعيد

حسن قاعد جمب مي فى المستشفى و نادية واحمد بيدخلو عليهم

نادية / مي

احمد / اية الى حصل

حسن / اصل

مي / انا دوخت شوية و حسن قلق عليا وجبنى على المستشفى

وبيدخل الدكتور

الدكتور /حمدالله على السلامة وممكن تخرجى النهاردة

نادية / يعنى هى كويسة

حسن / خلاص يا امى انتو روحو وانا هجيب مي وهاجى

احمد / يلا يا نادية مدام هى كويسة وجوزها معاها

الدكتور / اهم حاجة انها تتغذى كويس علشان الجنين ودى صورة الجنين

نادية / يعنى مي حامل مبرووك يابنى مبروووك

احمد / الف مبرووك

الدكتور / هى فى الشهر التالت وانتو متعرفوش على العموم الف مبروووك

والدكتور بيخرج وبيسبهم والصدمة مخلياهم مش عرفين يتكلمو

حسن /بابا هو

احمد / انا متاكد ان جوزكو السريع دة لية سبب

مي / عمى انا اسفة بس

حسن / دة ابنى

نادية بتعيط

نادية / انا ربيتك وعلمتك الصح والغلط بس انت

حسن / فى اية انتو مكبرين الحكاية لية انا و مي غلطنا بس دلوقتى احنا متجوزين ودة ابننا

مي مسكة ايد حسن ومش مصدقة الى حسن بيقولو

احمد / ملووش لازمة الكلام دلوقتى يلا خلونا نروح

حسن بيساعد مي علشان تقف

احمد / نادية سندس خدو مي على البيت وانا و حسن فى مشوار مهم

مي بتبص لحسن وخايفة و حسن بيبصلها وبيبتسم علشان تطمن وبيخدو مي وبيروحو على العربية و مي قلقانة على حسن

.
      **********************************

.             


احمد بياخد حسن على مكان بعيد وبيقفلو بالعربية

حسن / بابا

واحمد بيضربو بالقلم

احمد / انا كدة فهمت لية البنت وفقت بالسرعة دى انت حبيت تحط رسهم فى الطين بس للاسف انت حطيت راسى انا فى الطين

حسن / لا يابابا مش كدة دى كانت غلطة

احمد / ولما الناس تشفها بتولد بعد مدة قصيرة من جوزهم هتقولهم اية هتقلهم انك كنت معاها فى الحرام

حسن / انا هخدها بعيد انا بحبها اول مرة اعرف يعنى اية حب

احمد / البنت دى لو حصلها حاجة انت اول واحد هتتحاسب
             

بيروحو على الفيلا و مي كانت قلقانة على حسن اوى واول ما شافت العربية بتدخل من باب الجنينة جريت على برة من غير تفكير وعنيها على العربية لحد ما حسن نزل من العربية وهى بتعيط

مي / حسن

حسن جرى عليها وهى بتعيط وبيخدها بالحضن

مي / انت كويس

حسن / هششش اهدى مفيش حاجة

احمد / ادخلو جوة هتفضحونا

مي / عمى انا

احمد / خلاص يابنتى متخفيش يلا ادخلو جوة يلا

حسن اخد مي ودخلو و احمد ماشى قدمهم

.

      **********************************

.             

اسكندرية

عمار وصل على الاسكندرية

عادل / هنبدا من فين

عمار / هندور فى كل المستشفيات عليها

عادل / بس اسكندرية كبيرة

عمار/ لو حكمت انى هدور فى كل الرمل الى فى البلد ددى قمر لازم ترجع وتسمحنى

عادل / ان شاء الله

عمار و عادل بيدورو فى كل المستشفيات بس للاسف قمر ملهاش اى ملفات فى المستشفى....

وردة ✍️