عذبني حبك الحلقة 37

الفصل السابع والثلاثون

وفجأة تدخل الممرضه اليها فتجدها جالسه وواضعه راسها علي المنضده،مستغرقه في النوم، فوكزتها بيديها، مناديه عليها وهي تقول،،،

-انسه نور... نور انتي نمتي ولا ايه؟ استاذ ايهاب منتظرك

نور افاقت من نومها عند سماع اسمه، وهتفت بصراخ وبكاء شديد،،،

-لا لا مستحيل، مستحيل،، يكون حقيقي، انا عايشه،، ايهاب عايش... ايهاب بخير.. قولي انه كويس بالله عليكي.. قولي اني كنت في كابوس مرعب مش حقيقي

الممرضه متعجبه من حديثها، فرد قائله،،،

- ايوة كويس وزي الفل، وكان بيستعجلك عشان اتاخرتي عليه

نور تزفر انفاسها ثم تتنهيد تنهيده عاليه ، وتجلس علي أقرب مقعد، ثم تهتف وتقول،،،

- الحمدلله... الحمدالله.. انه كان كابوس بشبع، بشع بمعني الكلمه،، انا اتسببت في موته، وموت بعده، روحي قوليله نور هتتحمل اي بعاد في الدنيا المهم انك تكون بخير، انا ربنا وراني اللي هيحصل لو دخلت، مش ممكن هدخل ابدا عنده، مش ممكن اكرر اللي شوفته، قلبي هحط عليه الف حجر وحجر، واسي ولا اني اقرب وأذيه ابدا، قوليله نور بتقولك مش هتقدر تقرب من النار، عشان النار متحرقكش، وتضيع منها،،، ارجوكي روحي، قوليله نور تعبانه وهتروح ترتاح

الممرضه تنظر لها وفي عيونها الف سؤال علي حالتها، ولكنها قررت ان تتوجه اليه، وتقص عليه ما قالته،،

ايهاب ينظر اليها وعلي وجه علامات استفهام، ثم قال لها،،،،

- انا مش فاهم حاجه من اللي بتقوليها، يعني نور مش هتيجي، وتعبانه فيها ايه؟ طمنيني بالله عليكي

الممرضة تنظر له وتحدثه بهدوء، ثم تقول،،،،

- بص يا استاذ ايهاب، اللي فهمته منها كده، انا سبتها عشان تجهز، ولما اتاخرت وحضرتك استعجلتني، روحت شفتها، اظاهر عليها كانت نايمه غصب عنها، وحلمت بكابوس، وانها اتسببت في اذيتك، لانها كانت بتصرخ وتنادى علي اسمك، ومكنتش مصدقه انها لسه عايشه، عشان كده قررت انها متدخلش، وراحت لغرفتها، تريح لان حالتها كانت صعبه اوي

ايهاب ينظر لها بحزن، ويرد؛؛؛

ياحببتي يانور، حتي في احلامك بتفكري فيا، وخايفه تاذيني، "ثم ينظر للممرضة ويقول بنظرة ترجي" ارجوكي روحي طمنيني عليها لو سمحت

الممرضه تنظر له وتقول؛؛

حاضر يا استاذ ايهاب

وتتركه وتتوجه اليها، فتجدها ترقد علي فراشها وتبكي بحرقه، فتقترب منها بعطف وتقول،،،

- اهدي يا انسه نور، بطلي عياط ياحببتي، الحمد لله كابوس وراح، وهو والله العظيم كويس وزي الفل، بس قلقان عليكي اوي، حاولي تمسكي نفسك كده عشان تطمنيه عليكي

نور تنظر لها نظرة حزينه، ثم تقول؛؛؛؛

- ده مكنش كابوس وبس، ده كان مرعب، فظيع، مهما اوصفلك بشاعته واللي حسيت بيه عمرك ما هتتخيليه، انا قلبي اتكسر... قلبي مات لحظه ما حبيبي سابني، متحملش بعده موت بعده، كان الدنيا اتوقفت عندي بلحظه فقدانه، اااه من ده احساس، يارب يارب ما تكتبه عليا تاني

الممرضه في حاله انبهار بها، فلا تصدق نفسها، انها تري كل هذا الحب متجسد في شخصها، فترد تقول،،،

- بجد انا مش لاقيه كلام اوصف بيه كميه الحب اللي شايفاه ده، مش عارفه احسد استاذ ايهاب علي حبك له، ولا احسدك علي عشقه ليكي، بجد انتوا حاله نادرة لازم تؤرخ في قصص الغرام

نور تبتسم بحزن، ثم تقول؛؛؛

انتي بتقولي فيها، احنا فعلا قصتنا اتأرخت في التاريخ

الممرضه تعقد حاجبها، ثم ترد،،،،

- ازاي دي بقي مش فهماها

نور ببتسامه ترد؛؛

متشغليش بالك، روحي بس طمني هوبا عليا، وقوليله هرتاح شويه وبعدين اجي اشوفه خلف الزجاج

الممرضه، حاضر

#عذبني حبگ بقلم إيمووو كمال ✍️

ويمر شهر اخر علي ابطالنا، واذا بنانسي تجلس بجوار ادم علي الاريكه، وتهمس له طالبه،،،

- دوومي حبيبي، عايز اطلب منك طلب، بس ياريت توافق عليه

ادم ينظر لها، ويأخذها بين ذراعيه، ثم يرد يقول،،،

-حببتي تأمر، وانا انفذ، طلباتك ايه؟ شاوري بس ياحببتي وانا لو بأيدي اجبلك اللي تامري بيه

نانسى تنظر له بحب، وتقول؛؛؛

-حبيبي متحرمش منك يارب، انا عايزة اروح عند دكتورة نسا وتوليد، اشوف علاج لحالتي هنا يمكن ربنا يتم علينا سعاده ورضاه، ويرزقنا بطفل، انا نفسي اخلف منك اووي يا دوومي متتخيلش اد ايه.! نفسي اشيل في بطني حته منك انت وبس.. انت اللي غيرتني وخلتني اتصالح مع نفسي والكون كله، ارجوك واقفني ومتتعارضش

ادم ينظر لها نظرة كلها عطف، وحنان، ثم يقول،،،

- حببتى انا اكتفيت بيكي عن الدنيا كلها، وماصدقت انك تعديتي مرحله العلاج الصعبه الفترة اللي فاتت، ليه عايزة تدخلي في مرحله علاج تانيه، احنا مش هنقضي عمرنا في علاج يا انوس، انا صدقيني مش عايز عيال، انا عايزك انتي... انتي كفايه عليا... انتي عندي بالدنيا كلها، ممكن تشيلي الموضوع ده خالص من دماغك، وخلينا نتمتع بحياتنا مع بعض في هدوء ياعمري

نانسي تنظر له نظرة ترجي وتقول،،،

- عشان خاطري نروح ونجرب، ولو مفيش علاج مش هحاول تاني، والنبي دوومي، وحياتي عندك

ادم يبتسم لها ثم يقول؛؛

حلفتيني بالغاليه، مقدرش اتكلم، حاضر يا انوس، بكره ياقلبي تعالي معايا نعمل شويه تحاليل كده، وبعدين ندخلها للدكتوره إلين تشوفها، وان شاء الله كله خير

نانسي بفرحه تحتضنه، وتقبله في حب، ثم تقول،،

حبيبي يا دوومي، ربنا يخليك ليا يارب، يالا بقي ندخل ننام عشان نصحي بدري نروح

ادم ينظر لها بلوم ويقول،،،

اية ده انتي هتضربي اليوم ولا ايه؟، لا لسه بدري اوي وانا عايز اسهر مع حبيبي كتير اوي، لان في كلام كتير اوي عايز اقوله، ولسه مقولتهوش

نانسي بنبرة حب، وهيام، ودلع، ترد تقول،،،

كلام ايه تاني، مش انت قولت كل حاجه امبارح يادوومي

ادم يغمز بطرف عينه اليسري، ويقول،،،

- لا انا نسيت كلمتين كده وبصراحه واقفين في زوري ولازم اقولهم، يرضيكي يقفوا في زوري واموت من غير ما تعرفيهم

نانسي تضع يدها على ثغره، ثم هتفت مردده،،،

- اوعي تجيب سيرة الموت دي تاني، ارجوك، انا مقدرش اتخيل حياتي من غيرك.. انت مليت كل دنيتي حبيبي،.. والدنيا من غيرك متسويش يا ادم،،، والله ما تسوي... انت ابويا وامي واخويا وكل حاجه... محسستنيش بغياب بابا وماما خالص، كنت انت العوض عنهم، برغم زعلي انهم سافروا بس حبك ليا هون عليا غيابهم.. انا بحبك اوووي يا ادم... اوعي تسبني تحت اي ظرف كان... لاني وقتها هحس اني ضعت وانتهيت من غيرك

ادم يضمها اليه بشده في حنو وحنان، ثم يقول،،

انا مقدرش عقلي يفكر بس مجرد تفكير انه يسيبك... انتي ازاي تقولي كده... ازاي عقلك يصورك اني بعد ما لاقيتك وقلبي سعد بقربك اسيبك كده ونطقتيها عادي... انتي يانانسي لحد دلوقتي متعرفيش انا بعشقك اد إيه... متعرفيش انا اتعذبت في بعدك عني اد ايه.؟...احساسي كان ايه وانتي متجوزة حد غيري؟ انا اتعذبت ياما في بعدك... ياما ليالي قلبي كان بيتعصر من الألم وانا بتفكرك... ياما كنت بصبر روحي بصورك اللي مكنتش بتسبني لحظه... ياما.. وياما.. وبعد كل ده تقولي كلمه اسيبك، حرام عليكي

نانسي كانت تستمع لكلماته، والدموع تنذف من مقلتيها، لست مدركه اهي دموع حزن علي ما اقترفته في حقه منذ زمن، ام دموع الفرحه لما يكنه لها من عشق، نعم هي محظوظة بوجود هذا الرجل العاشق في حياتها، فنظرت له نظره ساحره، ثم هتفت مردده،،،

-ياااه يا ادم كل ده جواك ياعمري، انا لو عشت عمري كله اعتذرلك علي كل الالم ده مش هيكفي عمري، انت احن وأجمل انسان عرفته علي وجه الارض، يارب اقدر اسعدك ياحبيبي

ادم يحملها بين ذراعيه، ويقول بحب ؛،،

- وجودك في حياتي، كفايه حاسس اني ملكت الدنيا كلها، وبلاش بقي كلام كتير، لان ده وقت التنفيذ مش الكلام

وتوجه الي غرفتهم، ليقضون اسعد اوقات حياتهم سويا،،

#عذبني حبگ بقلم إيمووو كمال ✍️

استيقظت نور من نومها، وصلت فرضها ودعت المولي ان يتم شفاءه علي خير، وحمدته ان ما رأت امس كان كابوسا، ودعته ان لا تري فيه اي مكروهاََ، ثم نهضت وركضت اليه، فوجدته مازال نائما، في هدوء، فجلست تنظر عليه من خلال الزجاج الزجاجي، وتردد في نفسها،،

-امور حتي وانت نايم ياعمري،، يارب متحرمنيش منه يارب

تململ في فراشه، وحرك راسه يمينا ويسارا، كأنه يبحث عن شيئا ما، حتي وقعت عيناه عليها، فرسمت علي وجهه ابتسامه ملئت ثغره، ثم طبع لها قبله في الهواء وقال لها وهو ممسكاََ سماعة الهاتف الداخلي مردد،،،

-يا صباح الحب علي عيونك يانوري، وحشتيني اوي، كده تسبيني إمبارح كنت هتجنن عليكي

نور تنظر له نظرة حزن، وتقول،،

والله غصب عني، اللي شوفته وعيشته في كابوسي صدقني صعب ان حد يستوعبه، احساس بشع ياهوبا اني افقدك، قلبي متحملش بعادك وتوقف بعدك علي طول، مقدرش يعيش من غيرك ياعمري

ايهاب ينظر لها بتأثر شديد علي وجهه، وعلامات الاسي تبدو عليه، ثم يرد عليها قائلا،،،

-يااااه يانوري، للدرجه دي قلبك بيعشقني... للدرجه دي متحملش فراقي.. انتي مش ممكن يانور... كل ما بحبك اكتر.. تيجي انتي وتثبتيلي بالفعل ان حبك اكبر بكتير... احبك ايه اكتر من كده.. انا ناقص اغني وامسك ربابه واقول فيكي اشعار... والناس تقول مجنون نور اهو

نور تضحك ضحكتها التي تجعله يذوب عشقا بها، ثم تقول،،،،

- ياريت والله ياهوبا، مش معني انا بقيت مجنونة بهواك، وبحبك ليل ونهار، عيوني قفلت عليك انت.. انت وبس حبيبي.. انت وبس نور عيوني... انت الامل.. وانت الحب اللي مالي عليا دنيتي.... أنت حبيبي ياهوبا... اللي اكتفيت بيه عن الدنيا كلها

ايهاب هايم سحرا في عذب كلامتها، فنظر لها مردد،،،

يعني بعد كل كلامك ده اقول ايه انا دلوقتى، خلصتي كل كلام الحب واخدتيه توصفي مشاعرك، حرام عليكي بجد، سبيلي اي حاجه كده اعبر بيها عن عشقي

نور تنظر بحب له وتقول،،،

يكفيني اشوف نظرة الحب دي في عيونك ياعمري، مش مهم تقول اي كلام، كفايه انك نفذت، وحاربت عشان ارجعلك، وضحيت بحياتك عشاني، كل ده مش كفايه عندك

إيهاب بحب وهيام قال،،،

وكنت مستعد اموت بدل المرة الف، ولا انك تتأذي ياعمري، حياتي فداكي يانور،... انا نفسي اخرج من الصومعه دي بقي، عشان اقرب منك، ونكتب كتابنا، ونقرب البعاد نفسي

نور بنظرة رضا تقول؛؛؛

كل شئ بأوانه ياحبيبي، الصبر مقدمناش غير اننا نصبر، واحنا صبرنا كتير اوي، مجتش علي كام شهر دول، ربنا يهونها علينا يارب، يتم شفاءك علي خير ياحبيبي

ايهاب بترجي؛؛

يارب، كنت عايز فارس تطلبيه، لو سمحت يانوري

نور بتعجب،؛؛

ليه في حاجه عايزة، قولي اعملهالك

ايهاب بحيرة يقول؛؛

ولا وني كنت عايز افاجأك بيها، بس هقولك،... كنت عايزة يغير ديكورات الفيلا عندي، عقبال ما اطلع تكون جهزت، عشان نتجوز علي طول

نور بهدوء تحاول اقناعه؛؛؛

حبيبي مفيش داعي خالص، انا حبيت الفيلا كده، وعشت فيها معاك اسعد ٣ شهور في حياتي، وكل مكان له ذكري حلوة بينا، حتي غرفه النوم مش عايزة اغيرها، انا بحبك وهتجوزك، حتي لو في عشه انا راضيه ياعمري، وكمان انا نفسي نتجوز في فيلتي الجديده، بابا جبهالي مخصوص عشان اتجوز فيها ايه رايك، نقعد مع بابا وماما شويه، وفي الفيلا عندك شويه

ايهاب يفكر ثواني ثم يقول،،،

انتي لسه قايله اي مكان يانور مش هتفرق، المهم تكوني في حضني، ومتفارقهوش ابدااا

نور صامته، وناظرة في عيونه التي تشع من العشق يجعل الحديد ينصحر له، ثم تقول،،،

انا عمري ما هسمحلك ابدا انك تبعد عن حضني، ياحب عمري، كلمه بحبك دي شويه عليك، نفسي الاقي كلمه في قاموس العشاق تعبر عن اللي جوايا ياهوبا

ايهاب بنفس نظرته اليها، يرد،،،

اااه ياقلبي واللي بتعمليه فيه، سمعت كلمه هوبا من الاف الناس، لكن لما بتقوليها من شفايفك، بتسحرني يانوري، بتخليني طاير في السما وماسك النجوم بأيدينا، ربنا ميحرمنيش من حبك ابدا ياعمري

نور بهيام، ولا منك ياحبي

#عذبني حبگ بقلم إيمووو كمال ✍️

تنهض نانسي مبكرا، في همه ونشاط، فتقوم بإعداد الحمام لزوجها، ثم تقوم بتجهيز وجبة الفطار، وتركض لاستيقاظه حتي تتوجه معه الي المشفى، ليتم الكشف عليها،، وبعد مضي فترة من الوقت استعدوا، ثم توجهوا، وقامت بعمل كل التحاليل، وانتظرت بمكتبه حتي ظهرت النتيجة لبعضِِ منها، وتوجهوا الي الدكتورة إلين.. فنظرت الي التحاليل ثم قالت،،،

- التحاليل اللي امامي بتقول انك عندك شوية مشاكل في التبويض، حضرتك كنتي بتاخدني حبوب منع الحمل قبل كده فترة؟

نانسي تنظر لها قائله بخجل،،

انا كنت باخد فعلا حبوب منع الحمل فترة، وبعدين وقفتها وروحت لدكتورة عشان اكشف عملتلي شويه تحاليل وقالتلي اني مش هخلف وانا انهارت وسبتها ومشيت مقدرتش اكمل اي حديث معاها

إلين بتفهم قالت ،،،

حضرتك عشان مشيتي، مسمعتيش باقي كلامها، اكيد كانت تقصد انك مش هتقدري في الوقت الحالي انك تخلفي، غير لما تتعالجي الاول، وتاخدي شويه ادويه وحقن تنشط التبويض عندك وتتظبط معاد البيرود عندك لان واضح ان عندك مشكله فيها

نانسي تسمع باهتمام غير مصدقه ما تقوله لها، ثم ترد عليها قائله،،

ايوة فعلا هي بقالها فترة طويله مواعيدها مش مظبوطه خالص

إلين تمسك قلماََ وتكتب لها بعض الأدوية الهامه والحقن، ثم تنظر لها مردده ،،،

-ياريت تستمري علي العلاج ده وتحافظي علي المواعيد، وتقراي انتي ودكتور ادم التعليمات دي كويس وتنفذيها، وباذن الله ربنا يكرم حضرتك في اقرب وقت

ادم ينظر لها ويقول؛؛

شكرا دكتورة إلين

ويتصرف وهو ممسكها بحب وحنان؛ ثم يقول لها،،،

-شوفتي بقي حببتي، كرم ربنا علينا ازاي، طول الوقت كنتي فاكره نفسك ومتوهمه انك مش بتخلفي، لكن ربنا حب يكافأك ويكافئني، ان اول مولود يكرمنا بيه يكون مني انا، حكمتك يارب

نانسي تحمد ربها وتقول،،،

الحمدلله، والشكر لله، اكيد ربنا له حكمه في كده، يمكن لو كنت خلفت من معتز، كان الطفل ده هيربطني بيه، او يكون سبب رئيسي انه يكون في حياتي، ومعرفش ارجعلك تاني،، برغم حزني وقتها، بس دلوقتي انا سعيده اوي يا ادم، ان ربنا بإذن الله هيكرمني، انا حاسه انه هيكرمني بفضله، وينعم عليا بطفل ويكون من اعظم راجل علي وجه الأرض، حبيبي وسيدي انا دوومي

ادم يشعر بسعادة الدنيا، ورضا بقضاء الله وقدره سبحانه وتعالى، فيحمد الله كثيرا علي نعمته عليه

وتمر الايام والاسابيع، حتي مر شهران اخران علي ابطالنا، واذا في يوم، تشعر فيه نانسي بالم شديد جدا بمعدتها، فأسرعت بتفزيع ما يوجد بها من طعام، فتنهدت بتعب وجلست علي مقعدتها ممسكه ببطنها التي تعتصر الما، فستيقظ ادم من نومه، علي صوت انينها، فنهض اليها يقول بفزع، وقلق،،،

- مالك ياقلبي، تعبانه ليه كده، حاسه بأية ياروحي؟

نانسي بتعب شديد قالت مردده،،،

بطني بتتقطع مش عارفه ليه، وجعاني اوي يا ادم،، مش قادرة

ادم ينظر لها ويحملها ويتوجه الي غرفتهم، ويضعها برفق علي الفراش،ويقول،،،

-استريحي خالص، وانا حضرلك اللبس واخدك نكشف في المستشفي، وهتصل بدكتورة إلين تسبقنا علي هناك

ويمضي الوقت سريعا وفي اقل من نصف ساعه كان قد دلف الي المشفي، وتم الكشف عليها، فتنظر لها دكتوره إلين في فرحه تقول،،،

-الف مبروك يا مدام نانسي، مبروك دكتور ادم، المدام حامل

نانسي تنظر لها في ذهول غير مستوعبه لما قالت، ثم توجه بنظرها الي ادم، وتمسك يده وتقول،،،

-ادم اللي سمعته ده حقيقى، وبجد، بجد يا ادم انا هبقي ام.. انا حامل بطفل منك ياحبيبي.. انا مش قادرة اصدق نفسي... حاسه اني بحلم، حلم جميل مش عايزة افوق منه، انا مهما شكرتك يارب، مش هيكفي اللي باقي في عمري عشان اشكرك، ياااه يا ادم انا بحبك اوي،، وفرحانه اووي

ادم ينظر لها ويري في عيونها الحب بل العشق الذي طالما حلم به وتمناه، فاخذها بين احضانه وردد،،،

- حاسس ياقلبي بفرحتك، اللي متقلش عن فرحتي، انك انتي اللي عشقتها وتمنتها طوال حياتي، هتبقي ام عيالي، الحمدلله يارب علي كرمك علينا

تنظر اليهم الطبيبه في نظرة حب وسعادة لزميلها وصديقها في العمل، ثم تقول،،

-ممكن تهدوا شويه عشان انا عندي مفاجأة ومش عارفه تأثرها هيكون ايه عليكوا

ادم بقلق؛ خير يا إلين!

إلين تبتسم وتقول؛؛ المدام حامل في توأم

نانسي تنهض من علي مقعدها، وتضع يديها علي بطنها بفرحه وسعاده، ثم تردد،،،

- لا مش معقول، انتي بتتكلمي جد، انا حاسه انه هيغمي عليا، الحقني يا ادم، انا هجيب يا ادم توأم اثنين، ثم تضع يديها علي بطنها في حنو وتقول،، ولادي هنا هتكبروا جوايا وهحس بكل نبضه وحركه، انا مش قادرة اصدق يا ادم

ادم يقترب منها ويحتضنها بحب وفرحه، يقول،،،

- اهدي يا نانسي ياحببتي، واقعدي براحه خالص، انتي دلوقتي ٣ في واحد، حافظي على صحتك ياقلبي، حافظي علي هبه ربنا لينا، واهتمي اوي ياقلبي بغذاكي، وانا من النهاردة مليش شغلانه غيرك، وهجيب واحده تساعدك في البيت، وانا هخلي بالي منك ياعمري، مش مهم اي حاجه في الدنيا، اهم حاجه انتي تقوميلي بالف سلامه ياعمري

إلين تعطي لها بعض الفيتامينات وتطلب منها زيارتها بعد أسبوعين، ثم تنصرف وهي في قمة سعادتها

طلب ادم اجازة من عمله، وتوجه الي منزله، ثم اجلسها برفق، وقال،،

-هتصل علي عمي وطنط عشان ابلغهم بالخبر السعيد ده،،، وقام بالإتصال بهم وسعدوا جدااا بالخبر، وطلبت الام من المولي ان يتم لها على خير

# عذبني حبگ بقلم إيمووو كمال ✍️

خرج ايهاب من العنايه، بعد طول الفترة السابقه، الي منزله بعد تحسن حالته، وقامت نور بأقامة حفله كبيرة بهذه المناسبه، وكان ايهاب ايضا قام بتحضير لها مفاجأة في نفس اليوم، وفي المساء بعد حضور الساده الحضور، تفاجئت نور
المأذون متوجها اليهم، وعلي وجه السعادة، فنظرت نور له في فرحه، فقترب منها، وفي عيونه فرحه وسعادة لا يستطيع ان يداريها، ردد قائلا،،،

- ايه رايك في مفاجئتي، النهارده يانور قلبي وروحي، اسمك هيتكتب على اسمي، هتبقي مدام ايهاب عمر

نور هيمانه عند سماع اسمها بأسمه، فتنظر له محتضنه وجهه بحب وتقول،،،

- النهاردة اسعد يوم في حياتي، انا مش مصدقه نفسي، اخيرا حلم حياتي هيتحقق،،،،اخيرا يا ايهاب اسمي هيتكتب بأسمك من حروف من نور،،، اااه اد ايه قلبي اتمني اللحظه دي من زمان،،، كام مرة حلمت بيها.. وجه الوقت اللي ربنا حقق مرادي

ايهاب يضمها اليه بشده ويقول،،، مش مرادك لوحدك ياعمري،،، ده مرادي انا كمان، اخيرا يانوري.. عذبتيني اووي عقبال ما رضيتي عليا

نور بحزن علي ذكري مؤلمه ثم قالت،،،

مش لوحدك ياحبيبي اللي اتعذب، انا كمان اتعذبت اكتر منك بكتير، انت حبك عذبني ياما،،، بس خلاص تعالي نفرح وننسي اي حزن فات،، الدنيا اخيرا ابتسمت لينا، ومدلنا اديها بحب، تعالي نعيش وننسي اللي فات ونمسحه من ذاكرتنا كأنه ماكان

ايهاب بحب عندك حق تعالي نكتب كتابنا، لحسن انا على أخرى، ومش قادر يانور اتمالك اعصابي

تضحك نور بشده، ثم تجلس بجوارة، والماذون بالمنتصف ووالدها امامه، ويكتب لهم في وسط سعاده الجميع، لتسجل الكاميرات لحظات نادره من عشق لا يتكرر علي مدار السنوات، وينتهي الماذون داعيا لهم بالرفاء والبنين
وحين انتهاءه ينهض ايهاب ممسكاً بيديها، ثم جز علي ركبتيه في سعاده،امام كل الحضور، مقدما لها خاتما من الالماظ، فيقوم بارتداءه اليها مقبلا يديها، في سعاده، ثم ينهض واخذها بين احضانه في عناق شديد، قوي بث فيه مدي شوقه، وعشقه لها، فكان يريد الا يخرجها من بين يديه ابدا،، وفاق علي صوت صديقه عادل يقول،،،

- انت ياعم العاشق، ارحمني انا كمان عايز اتجوز، مش كفايه مأجل جوازي عشان خاطرك ارحمني بقي، عشان تشهد علي العقد، يالا ياعم المأذون انا مستعجل، اقعدي يا امرتي، لحسن انا ما صدقت

تنظر له اميرة نظرة عاشقه لا تقل فرحتها عن فرحته، بل اكثر فهو بالنسبه لها كان فارسا لها، حلمت به كثيرا . وهاهي الان سوف تكون زوجته علي سنة الله ورسوله، ومضي الوقت وعادل يده بيد عمها فهو وكيلها، لتوفي والدها، فهي وحيده بلا اب او ام، فعمها هو المسئول عنها، ومن الان هو اصبح كل دنياها بأكملها، فبرغم معرفتهم لفترة قصيرة، الا انها نالت اعجابة بشده، فروحها المرحه وحبها الصادق له، جعلته يحبها بشده، بل يعشقها مثلها، بل اكثر، انه العشق الذي يولد بدون اي سابق انذار للجميع، فالحب بابه مفتوحاً يرفرف علي قلوبنا بدون طلب استئذان، فيدق قلوبنا ويسعد من يريد ويشقي من يريد.

انتهى المأذون من كتب الكتاب، فقد كان ايهاب وفارس شاهدان علي عقد الزواج، فقترب عادل منها، وقبل جبهتها بحب مرددا،،.

- الف مبرووك عليا يا اميرتي

اميرة بحب ترد؛؛ الله يباركلي فيك يادوووله، ويجعلني ربنا الزوجه الصالحه ليك ياحبيبي يارب

عادل عيونه تقول كلمات كثيرة باحساس عالي، فتقرأ ما بهما في لحظات صمت، ثم يقول،،،

-ويجعلني ربنا ليكي نعم الزوج المحب، المخلص ليكي، ياحببتي يارب

فارس بفرحه لاعز اصدقائه يقول؛؛ الف مبروك ياحبايبي، عقبال يارب يتمم زفافكوا علي خير يارب

ويستمر الحفل وكل عريس ممسكاً بعروسه، في سعاده وهنا، كم مر عليهم ايام وشهور عدت في حزن والم، لكن مهما طال الليل بظلامه العتيم، فلابد من اشراقة الشمس بنورها لتضئ العالم بأكمله بنورها الساطع المشع، ما اجمل تلاقي الاحباب بعد الفراق!!.... ما أجمل كلمات العشق والغزل من فاه المحبين!!... ما إجمل العشق الحلال الذي ينتهي بكتاب الله وسنة ورسوله،!!

انتهي الحفل وكل منهم توجه الي منزله، ولكن نور رفضت ان تتركه، فظلت بجواره تعتني به، وتشرف علي متابعه حالته، حتي ياتي موعد زفافهم واتمام الزواج رسميا، فكان لابد ان ينتظروا عام من شفاءه حتى يستطيع الزواج واتمامه، وقد مر الكثير وتبقي الاقل،، فتقرب اليها مرددا بضيق،،،

- يعني مكناش تممنا يانور جوازنا الليله، وكنتي دلوقتي نايمه بين احضاني ياعمري

نور واضعه يديها حول عنقه وتهمس؛؛؛

-متبقاش طماع ياهوبا، احنا كنا فين، وبقينا فين، اللي احنا فيه النهاردة ده حلم، كان بعيد اوي واخيرا ربنا حققه، وكمان انت عارف انا نفسي في إيه، ومشتاقه ليك ازاي، لكن الدكتور قال بعد سنه، هانت ياحبيبي، وكمان انا اهو مش سيباك خالص، هقعد معاك ياعمري، ومش هسيبك دقيقه غير علي النوم بس

إيهاب بتنهيده عاليه يقول؛؛؛

ما هو اهم حاجه النوم ده يانوري

تضحك نور عليه، لفهمها مقصده، ولما لا وهي تحبه وتشتاق اليه اكثر منه، فتبتسم ثم تقول،،،

-لما يجي الليل، مش هسيبك برضو ياحبيبي، هفضل معاك لحد عيونك ما تروح في النوم خالص مبسوط بقي

ايهاب يقترب منها ليسرق قبله تمناها منذ فترة، ليتذوق مذاق شفتاها المثيرتين التي تجعلاه في حاله هياج لا يستطيع السيطره علي نفسه، فيذوووب عشقا، يالها من تأثير عجيب عليه، فيبتعد ليقول لها بهمس عاشق محب مردد،،،،

-مهما اقولك بحبك وبتمناكي في اللحظه دي اد ايه مش هتصدقي يانور، حبك ملكني لدرجه فوق الخيال، بحبك اوي، اوي.... وهنا ارتمت نور بحضانه ناسيه الدنيا بما فيها لتبادله عشقه الغير منتهي، فتملكها بين احضانه، يريد ان يدسها بداخل اعماقه، لتصبح جزءا منه لا بتجزء،،، وبعد فتره من عناقهم، اخرجها بصعوبه مردد،،،

-انا خلاص استويت من نار حبك، ارحميني يانور،،، كده مش هينفع بجد

نور مقتربه منه وانفاسها تشعل الشوق بصدره متسائله،،،

-هو ايه اللي مش هينفع يا هوبا؟

ايهاب تتسارع انفاسه بشده، مع سرعات في دقات قلبه يرد عليها قائلا،،،

- مش هينفع اتكوي بنار قربك ولا قربش،،، ادوق شهدك ولا يتكررش، نفسي اشبع منك.. ولكني متأكد اني عمري ما هشبع، حبك قتلني يانوري،، ومشتاق اوووي ليكي

نور تنظر له وتركز علي عيونه، وتقول بحب،،،

انت ليه متصور انك انت بس ياحبيبي اللي مشتاق، وانا مش مشتاقه ليك، انا صدقني اكتر منك، لكن ماباليد حيله،، جمع كل حبك وشوقك ليوم زفافنا، عشان يومها هنطفي لهيب حبنا، ولكني اعتقد انه مستحيل ينطفئ

ايهاب بحب يقول؛؛

اكيد اللي احنا فيه ده، ربنا يسترها علينا، ممكن بقي زوجتي حببتي تطلع معايا عشان تنيمني في حضنها، وبعدين تسبني، بس مؤقتا، لاني مش هسمح بيه ابدا بعد كده

نور تبتسم وتقول بلهجه محذره؛؛؛

بس تنام مؤدب، فاهم ولا لأ

ايهاب يبتسم ويقول،،

فاهم ياحبي، بس موعدكيش هههه

نور بضحكه تخطف الانفاس تقول،،

- اااه منك ياهوبا جننتني معاك ياروحي

ايهاب بضحكة؛؛؛

يعني اتجنن لوحدي، لازم تتجنني معايا ياحبي

#عذبني حبگ بقلم إيمووو كمال ✍️

تجلس جنة علي اريكتها واضعه على بطنها المنتفخه طبق كبير مملوء بجميع انواع الفاكهة وتتناوله وهي تشاهد التلفاز، واذا بمعتز يدلف وينظر لها بدهشة ضاحكا من هذا المشهد مردد،،،،

ايه اللي انتي عملاه في نفسك ده ياجنتي

جنة تنظر له وفمها مملوء بحبات العنب مردده،،،،

باكل ياميزو، عايز حاجه

ضحك بشده وقال مقلدها،،،

باكل ياميزو، عايز حاجه.... ما انا عارف وشايف انك بتاكلي ياحبي، بس عمري ما شوفت حد بياكل بالطريقه دي ياعمري

وضعت الطبق علي المنضده التي امامها، ونظرت له بضيق ثم قالت،،،

سديت نفسي مش هاكل اهو، عجبك كده، انت ناسي اني حامل في توينز ولازم اغذيهم كويس، انا غلطانه اني بهتم بعيالك، وانت جاي تتريق عليا، وعلي شكلي، بقيت مش عجباك دلوقتي يا معتز، شكرا ليك اووي

ادرك معتز انه اخطأ في حقها، وتفهم حالتها المزاجية المتغيره بسبب الحمل، فقترب منها وامسك الطبق ووضعه بجانبها واخذ منه عنقودا من العنب، وقربه الي شفتاها وقال،،

اسف ياحبي والله مقصدش خالص ازعلك، حقك عليا، وايه حكاية اني مش عجباك دي، انتي تعجبي الباشا يابغاشة انتي، هو في حد زيك في جماله وانتي مبطرخه ومنفوخه كده، عسل ياناس، خدي بقي العنقود ده اكليني معاكي

تنظر له وتاخذ منه العنقود وتبتسم ثم تقول،،،،

لا هاكله انا وعيالي، عقاباً ليك انك اتريقت عليا مش هديك ولا حبايه واحده

يقترب معتز منها ويقرب شفتاه وياخد حبه في مقدمة فمه ثم ينظر الي شفتاها ويضعها داخل فمها، ثم يضبع قبله هادئه لمصالحتها واعتذارا لها، لما بدر منه، فلاحظ سكونها وتجاوبها معه، فحاوطت يدها حول رقبته واشتدت في عناقه، متناسيه كل شئ حتى وقع الطبق علي الارض فانتبهت على صوت وقوعه، فدفعته بشده وهي تصرخ وتقول بحده،،،،

ياربي عجبك كده اهو الطبق وقع، اعمل فيك ايه انا دلوقتي يامعتز، مين هيلم الفاكهة اللي بهدلت الدنيا دي، اااه ياربي مش قادره انضف ولا الم حاجه، انا ماصدقت ارتحت من التنضيف

نظر لها في ذهول غير مصدق انها جنة التي كانت منذ لحظات هائمه معه تبادله لهفته وحبه، لقد تغيرت في لحظات، اااه من لعنة هرومونات الحمل المتغيره المزاج، فزفر انفاسه بتنهيده، ومسح بيده علي وجه حتي يهدي من ثورته عليها ثم قال بهدوء عكس ما يكنه بداخله مردد،،،

حببتي الموضوع ميستهلش خالص الانفعال اللي انفعلتيه ده، في داهيه الطبق وكل حاجه، المهم صحتك ومتنرفريش نفسك، ان كان علي الفاكهة انا ياحببتي هلمها كلها، مش انا السبب هصلح غلطتي والمهم ولا تضايقي نفسك

نظرت له جنة في خجل شديد ثم قالت له،،،

انا اسفه ياميزو، والله مش عارفه ايه اللي جرالي، كل شويه في حالة مزاجيه متغيره، مره جعانه اوي، ومره عصبيه ، ومره مكتئبه ومليش نفس لأي حاجه، انا بقيت مش فاهمه نفسي

اخذها بين احضانه واشتد في عناقها وهمس لها في حنو مردد،،،

اهدي خالص حببتي اللي حاسه بيه ده شئ طبيعي جدا تغير مزاجك، دي حالة بتمر بيها كل حامل وياما حوامل بتصاب بحاله اكتئاب الحمل، وكل ده هيروح لما تولدي بإذن الله، وانا عمري ابدا ما ازهق منك ياقلبي

نظرت له بحب ثم قالت،،،

ربنا يخليك ليا ياميزو وميحرمنيش من عطفك ياحبيبي، ويعدي الفترة دي على خير يارب

رد عليها في حنان مردد،،،

يارب ياقلبي، اقوم بقي انا الم الفاكهة دي من علي الارض حرام

ضحكت له ثم قالت،،،

وانا هساعدك ياحبيبي

وجلست علي ركبتها تلم معه الطعام وتلتقط العنب وتضعه في فمها وهو ينظر لها بحب علي تصرفاتها المجنونه التي تزاد مع مرور شهور الحمل

والي هنا تنتهى احداثنا الى هذا الحد ليتبقي جزء خاص للفرح انتظروني في اجمل جزء لانهي به روايتي المتواضعة

"عذبني حبگ"
إيمووو كمال ✍️