عذبني حبك الحلقة 36

الفصل السادس والثلاثون

يرقد معتز بجانب جنته في فراشهم، متأملا اياها بحب، فقترب منها وقبلها قبله حانيه علي ارنبة انفها، فشعر بستيقاظها، فهمس لها وعلي وجهه ابتسامه ساحرة، فهتف يقول،،

- صباحيه مباركه يا اجمل عروسه في الدنيا

جنة تقبله علي وجنتيه، ثم تهمس له بحنان، صباح الفل والياسمين على عيونك ياميزو، انت مش هتبطل تقولي كل ما تصحيني كلمه صباحيه مباركه دي، انت ناسي احنا بقالنا متجوزين بقالنا كتير، ياميزو، اكتر من شهر، ومن وقت ما رجعنا من شهر العسل وانت دايما بتقولي كلمتك دي

معتز يقترب منها ويقول؛؛

وهفضل اقولهالك كده على طول، لان كل يوم معاكي بحس فيه اني لسه عريس جديد، وانتي عروستي حببتي اللي اتمنتهي من زمان، انا معاكي عرفت معني السعاده الزوجيه، حسيت اني عايش بجد ياجنتي

جنة بحب تنظر له وترفع يديها لتحاوط عنقه مردده؛؛؛

لا انا مقدرش علي كلامك الحلو ده ياميزو، انا كده هدوب بين ايديك، وانت حر بقي

معتز يبادلها الحب ويقول؛؛

يانهاري ياميزو دي اللي بدوبني ياناس، لا كده كتير عليا وربنا، انتي اللي جنيتي على نفسك،وهتشوف مين بقي اللي هيدوب ياجنتي، سكوت كلاكيت لتاني مرة

جنة تضحك بشده وتقول؛؛
اعقل يامجنون، سبني اقوم اغسل وشي واحضر الفطار، سبني ياميزو، مش معقول كده

معتز يجذبها بين احضانه، ويقول؛؛

- اسيبك مين ياماما، انا لما صدقت ياقلبي، انا بس لولا امبارح كنت خايف عليكي، مكنتش سبتك تنامي اصلا، انا ماصدقت صحيتي، وفوقتي ليا، فطار ايه بس اللي هتحضريه، تعالي في حضن ميزو حبيبك، وهدوقك احلي فطار في الدنيا... فطار من نوع خاص جدا... محدش يعرف يجهزه ولا يتقنه زي.... فطار بيتعمل بمزاج عالي اووي... تحبي نبدأ منين بقي ياجنتي!!

جنة ترد بهيام، وتوهان،فقد اوصلها لأعلى درجات العشق تقول،،،

- زي ما تحب ياميزو، بسرعه بس عشان انا همووت من الجوع

معتز يرد عليها ومع كل كلمه يطبع علي وجهها القبلات ويقول،،،

تؤتؤ الفطار ده مش عايز سرعه خااالص، ده عايز بطئ عشان اعرف احسن الاداء، وانا بحب اتقن عملي اوي، وكمان اعمل في صمت

ونسبهم بقي يتقنوا عملهم، عيب كده🙈

#عذبني حبگ بقلم إيمووو

يجلس هادي بجوار نسمته ويقول؛؛؛

حبيبي وحشتيني اوي، سامحيني الايام اللي فاتت، كانت صعبه، ومكنتش معاكي كفايه، كنت مشغول مع نور وايهاب، لكن من النهارده انا اخدت اجازة صغيره، وهفضل معاكي ياستو انا

نسمه تتهللت اساريرها بفرحه عامره مردده،،،

بجد يا دودي، يعني مش هتسبني وتخرج، وافضل لوحدي

هادي يحتضنها اكثر ثم يقول؛؛؛

لا ياقلبي، هفضل معاكي، وهنخرج نتابع الحمل النهاردة عند الدكتوره، وبعدين نتغدي في اي مكان تحبيه، وبعد الغداء نخرج نروح سينما، او اي مول تحبي تروحيه، حتي نشتري ملابس النونو

نسمه بسعاده تحتضنه، وتقول؛؛

حبيبي يادودي ربنا ميحرمنيش منك يارب، انا هقوم اجهز بقي

وتتركه وبعد مده ينصرفوا متوجهيين لزيارة الطبيبه، التي تقوم بالكشف عليها، وتطمئنهم علي حالتها، وحالة الجنين، فسألها هادي مردد؛؛؛؛

- ياترى نوع الجنين ايه يادكتورة

الدكتورة تنظر في جهاز السونار، ثم تقول بفرحه؛؛؛

الجنين ولد بإذن الله تعالى

نسمه بفرحه،،، بجد يادكتورة، باين في الجهاز

الدكتوره تنظر لها وتقول : ايوة طبعا، وواضح جدا كمان، الف مبرووك، اتفضلي حضرتك ظبطي ملابسك وهنتظرك بالخارج

هادي يقوم بمساعدتها، ثم تنظر له وتقول،،،

- انت مش مبسوط ياهادي انه ولد؟

هادي ينظر لها ويقول،،،

لا ابدا حبيبي، مبروك كل اللي يجيبه ربنا كويس، المهم انك تقومي بالف سلامه

نسمه بضيق تقول؛ امال ليه حاسه انك زعلت

هادي يمسك يديها ويقول،،

كان نفسي ربنا يرزقنا بنسمه تاني تنور حياتي

نسمه بتنهيده ارتياح ثم قالت،،

ياشيخ وجعت قلبي، معلش المرة دي ولد، ربنا يرزقنا المرة التانيه ببنت، بس انت ركز ههه

هادي بابتسامة قال،،،

حاضر ياقلبي هركز يالا الدكتورة مستنيه بره ميصحش كده

الدكتورة تنظر لها وبجديه تقول؛،،

انا كتبتلك علي شوية فيتامينات، ومعادنا بعد اسبوع

نسمه ببتسامه ترد؛؛

حاضر يا دكتورة، بعد إذنك

وينصرفوا ثم يتوجهوا لتناول الغداء في سعاده ومرح، وبعد مضي بعض الوقت، انتهوا وتوجهوا الي مول لشراء مستلزمات الطفل، وهما في غاية من السعادة

#عذبني حبگ بقلم إيمووو

وتمر الايام والاسابيع والحال علي ابطالنا، يسير في هدوء، فحالة نانسي في تقدم مذهل، بارادتها القوية، ووقوف زوجها بجانبها جعلتها تغلبت علي كل الامها، وبفضل العلاج الجديد تحسنت حالتها، واصبحت تسير بخطوات بطيئه، لكن أفضل كتير، فكانت في غايه من السعاده، حين وقفت لاول مرة علي قدميها بدون مساعده من احد، فقد شعرت انها ولدت من جديد علي يد بطلها، وفارسها، وحبيبها ادم، فتحملت الامها حتي تسعده وتسعد بنظره السعاده في مقلتيه

#عذبني حبگ بقلم إيمووو

انصرف معتز الي عمله، بعد تناوله وجبة الفطار خاصته، واذا بجنة تشعر بدوان ودوخه، فركزت قليلا، وقالت محدثة نفسها،،،

- معقول يكون حصل،،، ااه وليه لاء، انا لازم اتأكد الاول، انا هتصل بالصيدليه اجيب التحليل المنزلي واشوف، يارب يكون حصل،،،، وقامت بالاتصال، وبعد دقائق اتاها التحليل، لقرب الصيدليه بمنزلها، وأخذته وقامت بقراءة التعليمات، ثم انتظرت النتيجه وقلبها يضخ بدقاته سريعا، واذا بها تجد ظهور شرطتين روز، علامه انه يوجد حمل، فقزت من الفرحه تردد،،،

- ياااس ياااس، الحمدلله، انا مش مصدقه نفسي، احمدك واشكر فضلك يارب،، انا لازم اعمل مفاجأه لمعتز، ده ممكن يجراله حاجه، بس اعمل ايه،،، اعمل ايه،،

واستمرت لحظات تفكر ثم جاءت لها فكره فعزمت ان تنفذها، فقامت بالاتصال عليه وابلغته انها تريد النزول لشراء بعض الاشياء فقال لها،،،

- حاجات ايه ياجنتي، اكتبي ياقلبي اللي عايزاه علي الواتس، وانا اجيبه ومتتعبيش نفسك

جنة ترد مندفاع؛؛ لا مش هينفع انا مش هتأخر، وكمان انا عملالك مفاجأة، بس يارب تعجبك ياميزو

معتز يرفع حاجبه اليسار، ثم يقول؛؛؛

- مفاجأة ايه دي ياجنتي!!

جنة بابتسامه ترد؛

وهي هتبقي مفاجأه لو قولتلك، متعطلنيش بقي سلام

معتز يبتسم ويقول،،،

ماشي يامجنونه، بس متتأخريش، وانا هحاول اخلص بدري، سلام ياحبي

وتغلق معه ثم تنهض لارتداء ملابسها، لتنفذ ما عزمت عليه، فتوجهت الي محل ملابس اطفال حديثي الولاده، فقامت بشراء لكلوكاََ صغيرا جدا لفت انتباها، وطلبت من البائعه ان تقوم بلفه بطريقه الهدايا وبداخله وضعت علبه التحليل، وانصرفت في سعاده، ثم بعد ذلك توجهت لشراء تورته صغيرة تكفي لفردين، واخذتها وتوجهت فورا، لتحضير عشاء رومانسي لهما، وبعد مضي الوقت، جهزت كل شئ، وقارب موعد حضور معتز، فدلفت تاخذ حماما دافئا، وارتدت قميصاََ حريرا بلون الوردي وفوقه الروب خاصة، ثم وضعت مكياجاََ رقيقا يبرز جمالها، فقد كانت فرحتها اشد جمالا من وجهها، وجلست تنتظره بلهفه، واذا به يفتح باب الشقه، وينظر ليجد الشموع مضاءة والموسيقي تعزف اجمل الالحان، وبلالين الهاليوم الحمراء، متفرقه في كل مكان فيبتسم قائلا،،،

- هو احنا ليلتنا بيضا النهارده ولا ايه؟ ايه الجمال والجو الشاعري ده ياجنتي!!

جنة تقترب منه وتطبع قبله رقيقه علي وجنتيه، ثم تهمس مردده،،،

- احنا كل ايامنا مع بعض بيضا ياميزو، ادخل خد شور، انا مجهزه الحمام، وبعد كده تعالي عشان نحتفل بالمفجأة اللي وعدتك بيها

معتز ينظر لها، ويضيق عينيه، ويقول بقلق؛؛؛

-مش مرتاحلك ياجنتي مش عارف ليه

جنة تضحك وترد؛؛؛

ادخل بس واسمع الكلام، يالا الأكل هيبرد

معتز باستسلام يرد؛؛ حاضر، لما اشوف اخرتها

يتوجه الي الحمام وينتهى من اخذ حمامه، ثم يرتدي ملابسه ويتوجه اليها، ويجدها في انتظاره، علي المائدة، فتنظر له بحب وتقول،،،

- يالا ياقلبي اتفضل الاكل جاهز

معتز ينظر لها ويقترب منها ويقول؛؛؛

-في ايه يابنت الناس، انتي بتلعبي باعصابي كده، قولي علي طول، مش قادر اخمن

نسمه مبتسمه له ثم ترد هاتفه؛؛؛

- طيب حاضر ناكل وبعدين نحلي واقولك اتفقنا

معتر بحيرة يقول؛ اتفقنا

ويتناولوا عشاءهم في صمت، لا يخلو من النظرات والتساؤلات من عيون معتز لها، حتي فرغوا من طعامهم، فنهضت بتفريغ الاطباق، وهي تردد له،،،

-حبيبي هشيل الاكل في المطبخ، واجيب الحلو واجيلك هوا

اتت بعد دقائق ومعها التورته، ثم وضعتها علي الطاوله، والاطباق، وقالت ثواني وراجعه.

احضرت الهديه ووضعتها بجانبها، وقالت له بكل حب، وعشق،وفرحه ،،

- افتح الهديه دي، وانت تفهم كل حاجه

نظر معتز للعلبه الملفوف بها الهديه، بحيرة، وقال،،،

-هو النهاردة عيد ميلادي وانا معرفش

جنة بحب تقول؛؛؛ افتح بس

وفتح العلبه واذا به يتفاجأ ويقف صامتاََ في ذهول،، ثم فاق علي صوتها تقول،،

- معتز ايه مفجأتي مش عجباك ولا ايه؟

معتز ينظر لها في حاله عدم تصديق، ثم يردد لها قائلا،،،

- جنة حببتي،... اللي شايفه ده في العلبه حقيقى ولا ده حلم.... جنة بلاش هزار في الحاجات دي... براحه كده عليا وقولي بشويش خالص،... انا مش بحلم

جنة تقترب منه وتنظر في مقلتيه، التي رأت بهما السعاده الحقيقية، ثم هتفت مردده،،،

- حقيقي يا حبيبي، انت مش بتحلم، ربنا من عليا وحقق حلمك ياعمري، وانا حامل،
وشاورت علي بطنها، واكملت،، هنا في طفل حته منك ومني، هتكبر جوايا كل يوم عن اليوم اللي قبله... طفل هيربطنا ببعض اكتر واكتر... هيزيد حبنا ببعض

معتز ينظر لها في حاله ذهول وفرحه، فقد عقد لسانه غير قادرا علي وصف مابداخله، ثم بعد فترة، اخذها بين ذراعيه في عناق شديد، وهو يهتف بصوتِِ حنون،،،

- ياااااه ياجنه، لو تعرفي انا حاسس بقيه دلوقتي.... اااه لو تعرفي انا فرحان وسعيد ازاي... اخيرا سمعت اجمل كلمه اتمنتها سنين طوال، ان زوجتي حامل لكن اتاخرت كتير اوي، وربنا اراد انها تكون منك انتي ياأجمل هديه من ربنا... احمدك يارب واشكر فضلك ليا

ثم امسك بيده شريط الاختبار، واخذ ينظر فيه جيدا وردد باعلي طبقات صوته مقلداََ صوت صياح الديك، يقول وهو يهز راسه يمينا ويسارا في فرحه،،،

- ياهوو انا هبقي اب،،، انا هبقي اب

جنة تضحك عليه بشده وتقول،،، اهدي ياميزو لحسن يحصلك حاجه، تعالي بقي عشان تقطع التورته وتحتفل

معتز يقترب منها ويطبع قبله علي باطن يديها ويقول،،،

- انتي من هنا ورايح تقعدي مرتاحه وانا هعمل كل حاجه، متتعبيش نفسك خالص، اتفضلي اقعدي وانا هقطعها واكل كمان بنفسي، عشان النونو الحلو ده ياكل ويحلي،ثم يضع يده علي بطنها ويطبع قبله حانيه عليها، ويقول،،

-ربنا يجيبك ليا بمليووون سلامه يا اغلي من اتمنيت وربنا حقق مرادي

جنة تبتسم وتقول؛؛

بإذن الله حبيبي، هيوصل وكمان هيملي البيت دوشه وعياط وصريخ، بس انت متشتكيش

معتز وهو يضع بفمها قطعه من التورته،، يرد يقول،،،

-يجي هو بس ويعمل اللي عايزة، اه صحيح قولتي لماما ومصطفي

جنة ترد عليه نافيه؛ لا طبعا انت اول واحد يعرف

معتز مبتسم ابتسامه مشرقه يرد قائلا،،

- طب يالا نبلغهم الخبر السعيد ده

َويمسك هاتفه ويبلغ والدتها، التي تفرح بشده، ثم تبارك لهما،ثم يحدث اخاها الذي يسر لسماعه الخبر، وداعيا لها ان تقوم بالف سلامه

#عذبني حبگ بقلم إيمووو

- كفاية يا ادم والنبي مش قادرة، انا مشيت كتير، تعبت صدقني، تعالي نرجع بقي للغرفه

ادم ممسكِِ بيديها ويقول مرددا،،،

-حبيبي معلش كمان شويه عشان خاطري، طب كمان خطوتين كده ونرجع تاني

نانسي تنظر له متحمله الآلام وتقول؛؛

-خطوتين بس، عشان خاطرك انت

ادم بفرحه؛؛ حبيبي انت شطورة خالص، ايوة كده ياأنوس ياجامد، براحه خالص علي اقل من مهلك حببتي

وتستمر نانسي في السير بخطوات بطيئه، وبجانبها ادم مشجعا لها بكل حب، واهتمام لا ينتهي حتي وصلت الي غرفتها، وجلست ممدده علي فراشها، من شده التعب، فنظر لها نظرة اشفاق وعطف وقال،،،

- معلش يانانسي انا عارف انه متعب، عشان بس العضلات لسه بتلين، بس كلها شهر ولا شهرين كده وتبقي تمام باذن الله

نانسي تنظر له نظرة الم؛ ثم تقول؛؛؛

-الحمدالله يا ادم، انا كنت فين، وبقيت فين، لولا فضل ربنا عليا والعلاج الجديد، خلي حالتي تتحسن كتير، الحمدلله علي كل حال

ادم ينظر لها باهتمام لحديثها، ثم يرد عليها قائلا،،،

-فعلا العلاج حسن الحاله كتير بفضل الله، نفسي بقي يا انوس تتعافي خالص عشان نتمم زواجنا ياعمري

نانسي تنظرله بحب تقول؛؛؛

هانت ياحبيبي، اول ما اقدر امشي كده من غير تعب، وكورس العلاج ينتهي، هنتمم جوازنا فورا وانا اللي هقولك يا ادم بنفسي واحدد المعاد، لانه هيكون اسعد يوم في حياتي

ادم يقترب منها ويهمس لها مرددا؛؛

- تؤتؤؤ انا اسعد طبعا يا انوس قلبي من جوا، لان ساعتها مش هيكون في اسعد حد علي وجه الارض اكتر مني، يارب يقرب البعيد يارب

#عذبني حبگ بقلم إيمووو كمال ✍️

وتمر الايام وتتحسن حالة عادل، ويتوجه الي العنايه التي يرقد بها ويتحدث له عبر الهاتف وهو ينظر له بحب مرددا،،،

- حمدلله علي سلامتك ياصاحبي

ايهاب ينظر له نظرة كلها عرفان بالجميل ويقول؛؛؛

- حمدالله علي سلامتك انت ياصاحبي
انا مهما اشكرك طول عمري، مش هوفي جميلك عليا ابدا

عادل ينظر له بحب ويقول؛؛؛؛

-انا معملتش حاجه ياهوبا، انا لو كنت اطول افديك بعمري مش هتأخر عليك، يمكن اقدر وقتها اكفر غن ذنبي معاك، وتسامحني، ونرجع زي زمان

ايهاب بنظره تسامح، ورضا، يقول،،،

- اللي عملته يا دوووله يغفرلك اي غلطه عملتها زمان، انسي الماضي بكل اسوته، وخلينا نبدأ من جديد، نرجع كلنا زي زمان اصحاب واخوات، انا وانت وفارس

وفي هذه اللحظه يدخل فارس ويقول،،،

-مين بيجيب في سيرتي، ازيك ياهوبا، عامل ايه ياحبيبي

ايهاب علي وجه ابتسامه يقول؛؛

- بخير يافروس، طول ما انتوا كلكم معايا، ربنا ميحرمناش من بعض ابدا

فارس بحب؛ امين يارب، معرفتش اخر الاخبار صحيح

ايهاب بنظر تساؤل يقول؛؛؛ خير ايه اللي حصل؟

فارس بفرحه شديده قال،،،

اتحكم علي هايدي، ٢٠ سنة سجن، واللي نفذ ١٥ سنة

ايهاب بحزن وتأثر قال،،،

لا حول ولا قوة الا بالله العلي العظيم، ضيعت نفسها، غلها وحقدها ضيعوها، ياخسارة ياهايدي

نور تاخذ الهاتف من فارس لتقول في غضب؛؛

لا والله صعبانه عليك اوي، دي كان مفروض يعدموها، دي كانت عايزة تموتي، وجت فيك ياقلبي، كانت عايزة تحرق قلبي عليك، يارب تتحرق في نار جنهم

ايهاب يضحك علي غيرتها المجنونة، ثم ينظر لها نظرة عشق ويقول؛؛

-نوري اهدي حببتي، الحمدلله جت سليمه، وعمر الشقي بقي، وهي اخدت جزاءها

نور ترد بغيظ قالت،،،

اه اخدت جزاءها، يالا افتكر سيرة حلوه بقي

عادل يقول لها باهتمام،،،

بلغيه اني هخطب اميرة

نور تنظر له وتقول؛؛؛ قوله انت

عادل ينظر لايهاب ويقول؛؛؛

باركلي ياصاحبي اخيرا ربنا عوض عليا وهخطب اميرة، شد حيلك بقي وخف عشان تكون شاهد علي كتب الكتاب، مش هكتب غير لما تقوم بالسلامه ياصاحبي

ايهاب بفرحه؛؛

الف الف مبرووك ياعادل، ربنا يتمم بخير يارب

فارس يضم عادل ويقول؛؛؛

مبرووك ياعادل، وانا اكيد الشاهد التاني

عادل يحتضنه بشده يرد قائلا؛؛؛

اكيد يا ابو الفوارس، عقبالك يارب

فارس باعتراض؛؛

لا ياعم انا كده اشطا وزي الفل، ربنا يسعدكوا انتوا، ويفرحني بيكوا يارب

ويستمر الحديث بينهم الذي لا ينقطع، حتي جاء موعد الانصراف واتصرفوا جميعا، تاركين برفقته حبيبته التي اقسمت انها لا تعود منزلها ابدا، طالما حبيبها يرقد بالمشفي، واستمر حديثها معه طوال الليل، حتي اتي موعد نومه ونام في سبات، فتركته وتوجهر الي غرفتها لتستريح.


#عذبني حبگ بقلم إيمووو كمال ✍️

ومر شهران، ونانسي تعافت، واصبحت بحالة جيده، وتم زفافها اليوم علي ادم، فكانت مثل الملكه المتوجه علي عرش قلبه، فكان في حالة فرح وسعادة، لم يشعر بها من قبل، فأقترب منها وحملها بين ذراعيه بكل حب مرددا،،

-اميرتي وحببتي من النهارده، هتتشال تاج علي راسي من فوق، انا مهما اقولك فرحان اد ايه مش هقدر ابدا اوصفلك يا انوس

نانسي ملتفه يديها حول عنقه، وهمست له بجانب اذنيه مردده،،،

- حاسه وشاعره من غير ما تقول يا ادم، لانه نفس شعوري ياحبيبي، انا معني الفرحه اتجسدت في القرب منك، والنظرة في عيونك اللي كلها حنان ورقه، انا مهما عشت عمري كله، مش هوفيك حقك ابدا ياحبيبي

ادم يضعها برفق علي الفراش، كانها قطعه من الماس يخاف ان يكسرها او يصبها بشرخ، يقول،،،

- ممكن بلاش الكلام ده، مفيش بينا شكر ولا جمايل، انتي الحب... انتي نبض القلب اللي كنت عايش علي ذكراه... انتي الأمل اللي حييت طول عمري ومهما طال الزمن عمري ما فقدت الامل انك تكوني ليا،، حتي لو مكنتيش ليا في الدنيا.. هطلبك من ربنا في الاخرة انك تكوني من نصيبي، ياحب عمري

نانسي تذوب ذوباََ من سحر كلماته، اي حب هذا في الوجود، فلم تتمالك نفسها، واذا بها تقترب منه، وتاخذه في عناق شديد، كانها وجدت الامان والدفي والحضن الكبير، فيتجاوب معها بشده، ثم يقبلها في عنقها قبلات رقيقه، وناعمه، ويقترب من شفتيها المثيرتين ويلتهمهما في شغف شديد، ليذوق شهدها، وهي مبادله له القبلات، لتذوقه من حبها الحقيقي، فهي لاول مرة تعرف معني الحب الحقيقي المتبادل بين الزوجين، فتنعم بقربه وتبادله وهي راضيه وراغبه في امتلاكه لها، بكل شغف وحب، ويظل حالهم حتي اصبحوا في عالمهم الخاص، في اسمي علاقه عرفها الكون، علاقه حميميه، فذاقت لذتها لاول مرة معه هو فقط، فكانت في قمه سعادتها فبادلته العشق والحب، كأنها اول مره لها، فنست الماضي بكل ما فيه وبدات معه حياة جديده ورديه، وشخصيه جديده هي لم تعرفها من قبل فأخذت عهد علي نفسها، انه تسعده وتسعد معه، وان تكون زوجه بمعني الكلمه تعطي اكثر مما تاخذ

#عذبني حبگ بقلم إيمووو

يجلس ايهاب بفراشه وعينه متعلقه بحبيبته، فأمسك هاتفه وتحدث اليها مرددا،،،

- نوري وحشتيني اوي... مش قادر اصبر اكتر من كده... نفسي المسك.. نفسي اخدك في حضني.. كام شهر عدي وانا شايفك بتتعذبي قدامي ومش قادر اعمل حاجه، حاولي يانوري تدخلي... لمسه ايدك وحشتيني... نظرة عينك عن قرب اشتقتلها

نور تنظر له وتفر الدمعه من عيونها، ثم تقول؛؛؛

علي عيني ياضي عيني، الزياره ممنوعه جدا عنك، لو قربت ممكن اذيك وانت مش حمل اي تعب ياروحي، مفروض علينا نستحمل معلش

ايهاب بحزن، وضيق؛؛

هما اغبيه ميعرفوش انك انت دوايا... انك انتي النظرة منك تحيني، والقرب منك يداويني... انت الحب كله يانوري... انتي امل حياتي، وعمري كله اللي راح واللي جاي، حاولي مع الممرضه ولو ٥ دقايق بس، املي عيني بقربك يانور

نور تنطر له نظرة حب وضعف، ترد قائله،،،

-الممرضه شيفاها اهو هحاول معاها وربنا يستر وترضي تحن عليا

- ارجوكي ارحمني، عشان خاطري نفسي ادخل اشوفه عن قرب، المس ايده، انا بتعذب بقالي شهور في العذاب ده وهتجنن عليه، ماصدقت انه اتحسن، هما ٥ دقايق مش اكتر، ارجوكي، ابوس ايديك دخليني عنده

كان يشاهد المشهد وقلبه يعتصر عليها، ولا يتحمل ان يراها ذليله تطبع قبله علي يد الممرضة، حتي تدخل لتراه، فنادي بصوته علي الممرضة يقول،،

- لو سمحت يا انسه

الممرضة تنظر اليه وتقول،،،

افندم يا استاذ ايهاب

ايهاب بنبرة حده يأمرها ويقول؛

- دخلي نور، انا مش هستحمل اشوفها بتتذلل ليكي كده

الممرضة تنظر لها وله، ثم تقول بنبرة عطف وحب لهما؛؛

- انتوا ليه متخيلين اني مش حاسه بيكوا وبحبكوا، بس والله وجودها في خطر عليك، انت في حاله حرجة معرض يتنقلك عدوي، وجسمك مش هيتحمل ويحصل مضاعفات وممكن... ثم صمتت، ليه بقي تعرض حياتك للخطر، احنا ما صدقنا

ايهاب ينظر لنور الجالسه تبكي، فيقول،،،

حتي لو فيها موتي، اموت وانا في حضنها يكفيني، والمسه من اديها هتحيني، ارجوكي جهزيها، ومتحرمناش من اللحظة دي، انتي متعرفيش احنا اتعذبنا اد ايه، انا ملحقتش اخدها بحضني لحظه رجوعها ليا

الممرضة تنظر له بحب واعجاب، ثم ترد،،

هدخلها وعلي مسئوليتك، وربنا يستر،، بس انا بحذرك بلاش تقرب منها اوي، خاف علي نفسك

ايهاب اومأ بالموافقه، ثم حدث نفسه مرددا،،

ازاي بتطلبي مني مقربش وانا نفسي... اخبيها بين حضني واغطيها بروش عنيا، نوري هتبقي بعد ثواني بين اديا،،، ياااه اخيرا..... اهدي ياقلبي شويه مش كده، انت هتتعبني ولا ايه.؟ دي حتي لسه مدخلتش عليا، امال هتعمل ايه لما تطل علينا بطلتها البهيه،،، اااه يارب صبرني

الممرضه تنظر اليها وبلهجه محذره تقول؛؛

- انسة نور، انا تحت ضغطه وكلامك اللي اثر فيا بدخلك، اوعي تقربي منه اوي ممنوع القبلات، لانها ممكن تسبب له عدوي، وفي حالتة دي هيبقي في خطوره علي حياته، سلمي عليه وبس، انا عارفه اللي بقوله صعب لكن خافي عليه

نور تضع يداها علي ثغرها، في دهشه ثم تقول،،،

لا انا مستحيل اعرضه للخطر، حياته عندي اغلي من اني اقرب، انا هستحمل بعاده شهور تاني، طب ما انا اتعذبت كتير مجتش علي كام اسبوع كمان، روحي قوليله نور خافت عليك من نفسها

الممرضه تقترب منها وتضع يداها علي كتفها، ثم تقول؛؛؛

- انا عمري ما شوفت حب كده، انتي هتتحملي عذاب انك تشوفيه ومش قادره تلمسيه، وهو مش قادر يشوفك بتترجيني وممكن يضحي بحياته عشان يلمسك ويضمك، مستحيل يكون ده حب عادي

نور تنظر لها والدموع تلمع في مقلتيها، تقول،،،

هو فعلا حب مش عادي، ده عشق سنين طوال اوووي، عشق نور لايهاب يتكتب عنه مجلدات

الممرضة تنظر لها بحب وتقول؛؛

احنا جهزناه خلاص، هو مش هيقبل ما تدخليش، انا هقف بعيد اراقب لو دكتور جه ولا حاجه مطوليش ٥ دقايق بس

نور بفرحه لقاءها بحببها، ونظرة خوف وقلق عليه تقول،،، حاضر

الممرضه تعرفها كفيه التعقيم وتتركها تتجهز وتلبس الملابس الخاصه، وتتوجه خارج الغرفة منتظراها، نور جالسه تفكر في حديثها ثم سرحت،،،

وتوجهت اليه في نظرة حب وعشق وشوق لا ينتهي، فيحاول ان ينهض لكنه تأوه، فأسرعت اليه مردده،،

- حبيبي متتحركش، حاسس بايه؟

ايهاب يقربها اليه وينظر في عينيها نظره شوق، ليري انعكاس صورته في مقلتيها، ويهمس لها مرددا:؛

- هششش مش عايز اسمع ولا حرف، تعب الدنيا كله فداكي ياعمري، قربي مني، تعالي في حضني اللي زاد اشتياق ليكي، وانسي اي بعاد... اي الم.. انسي الدنيا كلها.. وحشتيني اوووي، اووي، ويزداد في احتضانها وتبادله الحضن، وتقول،،

- انت اللي وحشتني ياعمري كله، انا مكنتش عايشه طول ما انا بعيده عن حضنك، كلمه بحبك دي بقت قليله اوي، عشان اوصف بيها درجه حبي ليك، انا تجاوزت العشق بمراحل، انا امووت لو يجرالك حاجه

ايهاب مازالت بين احضانه، انا اللي ممكن ادفع عمري كله عشان اللحظه دي... نور

-اممم

شيلي الكمامه دي مش قادر تكوني في حضني، ملمسكيش، ارحمي قلب عاشق داب في عشقه للنخاع، عايز المسك اقرب منك، نور ارحميني... نار حبك في قلبي قايده، ولا قادر اطفيها ولا عايزها تنطفي

نور تنظر له بعشق وحنان قالت له،،،

ايهاب ارجوك بلاش تبصلي كده

ايهاب بنفس نظره عشقه يرد؛

اي بصه

نور وهي تمر يديها علي وجنتيه بلمسه ناعمه، ونظره حانيه يملئها الحب والرغبة، تقول،،،،

نظرة حبك اللي عذبتني عمري كله... نظرة عشق هموت واظهره ليك..... نظرة كلها حب وضعف انا مش قادرة اتمالك نفسي وابخل عليك بيه... ارحمني... ارحم قلب اتكوي بنار فراقك، ومش قادر يقرب اكتر من كده

وفي هذه اللحظه المتهورة التي دفع ثمنها غاليا، نزع ايهاب الكمامه من علي ثغرها، تحت تاثير لمساته ونظرته، جعلتها لا تقاوم سحره، فنظر الي شفاتها المثيرتين
الغليظتين فلتهمهما بشفتيه القاستين في قبله بعث فيها شغفه بها، وهي بادلته حبه وشوقه، فكانت اشبه بالعاصفه، بركان بداخلهم، لا احد قادرا علي اخماده، فتركها بعد فترة لحاجتها للتنفس، ثم ردت قائله،،

- انا ازاي ضعفت قدامك، ازاي ممكن اكون سبب في اذيتك، ليه كده يا ايهاب، ليه

ايهاب ينظر لها بعيون كلها حب يرد؛،،

-هو ايه يانور اللي ازاي؟، حتي لو حياتي كانت مرهونه علي قبلتك، انا راضي تكون قبلتك اخر حاجه لمستني، نور انا روحي فدى نظره من عينيكي اللي كلها حب وشوق، انا اللي دلوقتي بقولك ارحميني من نظرة عينك دي، عشان انا مش مستحمل اشوفهم ومقربش منهم، اقسم بالله انا لو قادر كنت اتجوزتك حالا، يانور، عشان ساعتها تعرفي معني العشق الحقيقي والبركان اللي في قلبي مولع فيه

نور تقترب منه وتاخذه في حضنها مردده؛؛؛

حبيبي مش لوحدك احساسك هو احساسي ويمكن اكتر بكتير، عشقنا يا ايهاب مفيش حاجه في الدنيا هتقدر تخمده ابدا، بركان، حمم قايده لا تنطفئ ابدا

ايهاب يضمها اكتر اليه؛ عندك حق ياعمري، نور انا هقول لفارس يجيب مأذون بكره ونكتب كتابنا، نفسي تكوني علي ذمتي وعلي اسمي عشان لو،،

نور قاطعته ووضعت يدها على فمه مردده؛؛؛

اوعي تقولها، اوعي تكملها ياقلبي، نور قلبها مش هيدق بعدك لحظه واحده، انا موافقه وهقول لبابا يجيبه معاه، وهكون بكره مراتك ياحب عمري كله

ايهاب بفرحه؛ بجد يانور

نور بحب؛ بجد ياقلب وعمر نور كله

وهنا تنادي عليها الممرضه حتي تخرج، فنظرت له قائله،،

- علي عيني ياقلبي هسيبك، كان نفسي مفارقش حضنك ابدا، بس لازم اخرج، وهشوفك من وراء الزجاج

ايهاب ممسكاََ بيدها، ولا يريد تركها، فسحبتها منه، فيقول،،

- متسبنيش يانور، متبعديش عني تاني، نوري بحبك اوي

نور بدموع ترد؛

علي عيني، ياضي عين نور، انت اللي شد حيلك واوعي تسبني

ايهاب بحب وعشق قال،،،

انا اسيب الدنيا، ولا اقدر اسيبك، انا اكتفيت بيكي يانوري، انتي عالمي، ودنيتي كلها، بحبك حب محدش حبه ولا هيحبه لاحد ابدا، انتي يانور كسبتي الرهان بامتياز، خلتيني اعشقك اضعاف ما بتعشقيني

نور تبتسم له وتقول،،،

اخيرا اعترفت، بس برضو مهما هتحبني حبي ليك اكتر، سلام ياعمري

وتخرج نور، لتجد الممرضه علي وجهها الغضب والضيق، فتنظر لها مردده،،

- مسمعتيش الكلام يا انسه نور برضو، وشيلتي الكمامه، وتخليته يقرب منك ويبوسك، مع اني حذرتك وقولتك في خطوره عليه، لان اللعاب ممكن ينقله عدوي او ميكروب، ربنا يستر، ويعدي المقابله دي على خير

نور ببكاء شديد قالت،،،،

حاولت والله حاولت رفض، وضعفت قدام حبه ليا وشوقه، انتي متعرفيش اللي بينا ايه

الممرضه بعطف قالت،،،

عارفه بس انا خايفه عليه وعليكي صدقيني، الدكتور محذر جدا من نقل اي عدوي ليه، انتي مش شايفه الغرفه الزجاجيه اللي فيها ومتعقمه ازاي، ادعيله ربنا يسترها ويجيب العواقب سليمه

نور برجاء؛ يارب انا مليش غيره، اعفي عنه يارب

تتوجه الممرضه اليه، لاعطاءه جرعة الدواء في مواعده، فتحاول استيقاظه، ونور ناظره اليها، وتشعر بالقلق، لانه تأخر في نومه، وإذا بالممرضه تراها تركض مسرعه خارج الغرفه، وعلي وجهها القلق، والخوف، فتنظر لها متسائله برعب،،،،

- في ايه ايهاب ماله؟ وانتي شكلك مرعوب ليه كده؟

الممرضة تنظر لها بلوم وعتاب وتقول؛؛؛

- ايهاب درجه حرارته مرتفعه، وفي تشجنات في جسمه، ده معناه انه اتعرض لميكروب او عدوي، شوفتي تهوركم وصله لاية؟ انا حذرتك يانور، قولتلك بلاش، صحته مش حمل قربك،، سبيني اروح الحق الدكتور عشان يسعفه

نور واقفه ودموعها تنهمر علي وجنتيها، كالشلالات، تنظر اليه وتلوم نفسها لضعفها امام نظرة عشقه، وخضوعها له، واذا بالطبيب يركض اليه مسرعا، محاولا اسعافه، ثم ينظر للممرضه قائلا،،،

-هاتي الحقنه دي بسرعه وادهاله، درجه الحرارة لازم تنزل، وبعد دقايق، حضرت واعطت له الحقنه المطلوبه، مع بعض الادويه، ثم نظر اليها مرددا،،،

-حصليني برة

الممرضه خرجت اليه، ثم قال لها متسائلا في حده، ،،

-انا عايز افهم ايه اللي حصل للمريض، انتي المسئوله قدامي عن الحالة، حالته كانت مستقرة لحد امبارح وفي تحسن ملحوظ لاستجابة الكبد، اية سبب التشنجات دي ورفع درجه حرارته بالطريقه دي، حتي الكبد رفض الاستجابه، انطقي وقولي، لحسن هحولك للتحقيق، مفيش سبب غير انه اتعرض لعدوي، وانا محذر منها، قولي حصل ايه

الممرضة تنظر اليه باكية؛؛ اصل اصل

الدكتور بحده،،، اخلصي قولي عشان اعرف اتصرف

الممرضة بنظرة رعب؛؛؛ نور دخلت عنده امبارح

الدكتور بصدمه، ثم ينظر الي نور مردد،،،

انتي بتقولي اليه، ده ممنوع نهائي، انتي قضيتي عليه بغباءك، حرام عليكي، ده احنا ماصدقنا انه اتحسن، الله اعلم دلوقتي هيحصل ايه

الممرضة تنظر له باسف، وبأعين باكيه تقول،،

اسفه يادكتور، انا ضعفت تحت الحاحهم، ودموعها وهو اللي قالي ادخلهم

الطبيب ينظر الي نور ويقول لها بشده،،،

- شوفتوا تهوركم وصلكوا لايه؟ ادعيله يانور يمر الساعات الجايه دي علي خير

نور تنظر اليه ولا تتمالك اعصابها، وتندم علي ضعفها امامه وتقول،،،

-انا السبب،... انا اللي قضيت عليك ياحب عمري... يارتني ما سمعت كلامك... يارتني حتي كنت موت ولا شوفتك راقد كده ياحبيبي...ثم تنظر للدكتور وتقول،، اعمل اي حاجه يادكتور ارجوك.. لو قولتلي اخرجي من المستشفي كلها ومش هتشوفيه انا موافقه، هبعد عنه، بس هو يخف، ارجوك... ارجوك.. ارحمني انا ممكن يجرالي حاجه لو جراله حاجه

ينظر الطبيب اليها نظرة شفقه، ثم يقول،،،

-صدقيني انا عملت اللي اقدر عليه، الامر دلوقتي في ايد ربنا، ادعيله يانور

ثم نظر للممرضه قائلا،،، وانتي خليكي عنده وتابعي الحالة، عينك متغفلش عنه ابدا، واديني تقرير عن مؤشرات استجابة الكبد، ودرجه الحرارة، انا في مكتبي

وتركهم وانصرف، وهي واقفه تنظر له بحب وشفقه رافعه يدها الي عنان السماء مردده،،،

- يارب اعفي عنه والنبي يارب، لو غلطت سامحني، ومتعاقبنيش في بعاده عني، الانسان ضعيف، وانا ضعفت قدام حبه، سامحني يارب، انت العالم انا مش هقدر اتحمل بعاده عني، ارفق بيه وبيا يارب

وتمر الساعات وحالته تزداد سوءا، حتي لاحظت ركوض الممرضه مسرعا الي الطبيب، وحاله هرج اصابت المكان، واذا بالطبيب ينظر له بصدمه محاولا اسعافه، ولكن بدون اي فائده فالكبد توقف عن اداء وظيفته وايضا القلب اعلن توقفه، فخرج اليها وهو منحني الراس، وعلي وجهه علامات الحزن والاسي، يقول،،،

-للاسف احنا عملنا اللي نقدر عليه، لكن قضاء ربنا نفذ، البقاء لله وحده

#عذبني حبگ بقلم إيمووو

صرخت نور صرخه مدويه، تلين قلب الحجر، وتجعله ينصهر من لوعتها، وشدتها، واسرعت الي العنايه، تقترب منه وتهزه بعنف وتردد،،،

- لا مش ممكن... مستحيل يا ايهاب تسبني، انت وعدتني مش هتسبني،... كده تتخلي عني.. اهون عليك ياعمري....فوق يا ايهاب.. فوق عشان نتجوز، ايهاب نورك مش هتقدر تعيش من غيرك،،،، فوق بقي حرام عليك... انا عشت عمري اتمناك، لما قربت منك عرفت معني الحياة، وبعدت واتعذبت كتير في بعادك، ولما رجعت ملحقتش اتهني معاك، سبتني وبعدت للابد، ااااه يا ايهاب اااه ياعمري كله، انا السبب.... انا مجرمه... انا مستحقش لحظة واحده اعشها من غيرك... كان لازم اكون اقوي من كده... انا انتهيت في بعادك ياحبيبي... ااااه... ااااه ياقلب اتكوي من فراقك حبيبي

وامسكته بشده محتضناة واخذت تردد هذه الكلمات بدموع الندم والحسرة،،،،،،

مشتاقة ليك حبيبى... يا قلبى يا حبيبى
هيكون الدمع بختى... والجرح من نصيبى
لكن صعبان عليا.. م بقاش فى حد ليا
الدنيا ضلمة بعدك... والحزن هد فيا

وداع يا ميت خسارة..... المر زاد مرارة
فى نار بتأيد فى قلبى... وتلف الدنيا بيا

الفرح راح، و الحضن راح، م بقاش فاضلى غير جراح... حكم النصيب اصبر و اغيب
واعيش فى دنيا من غير حبيب

مشتاقة ليك حبيبى.... يا قلبى يا حبيبى

قالت هذه الكلمات وهي تبكي بانهيار تام،محتضناه بشده، ودقات قلبها تتسارع، وبعد ان انتهت، شعرت بانها غير قادرة علي التنفس بطريقه طبيعيه، مع اختناق فصرخت بأخر اااه لها، كانت اه علي فقدانها لحبيبها وليس لما تشعر به من الم، ثم سقطت علي جسده لتشاركه اخرته كما شاركته، في ايامه وسعدت بقربه، فيدلف الطبيب اليها فيراها ممده فوق جسده، لا تتحرك، فيقترب منها ليكشف عليها، ظن انها فاقده للوعي، ولكنه صدم حين وجدها فارقة الحياة، فلم يقدر قلبها تحمل فقدانه، فأعلن عليها العصيان، وتوقف بمجرد ان توقف قلبه عن نبض حبها، واعلن في هذا اليوم وفاة اشهر عاشقين شهدت لهم الالفيه الثانيه، قصة عشق نور وايهاب، وعلم الجميع، فالكل اصابهم الحزن والصدمه، وعدم التصديق، هل يوجد عشق بهذه الدرجه، هل يعقل ان يحب انسان احداً لهذه الدرجه ان قلبه لا يتحمل الحزن، لدرجه بعد وفاته بدقائق يتوقف ويموت ولا يتركه، نعم انه عشق من نوع خاص عشق ايهاب لنور، وعشق نور لايهاب، وانتهت مراسم الدفن بجوار بعضهما، حتي لا يتفرقون، في بكاء وانهيار من الجميع، وكتب علي مدفنهم أسماءهم، هنا يرقد العاشقان نور وايهاب، فقد خلد أسمائهم في التاريخ، ليحكي عنهم الجميع..... فالاشخاص راحلون، ويبقي الحب مستمر علي مر العصور،،،،

والي هنا تنتهى احداثنا الى هذا الحد لنتعرف علي الحلقه القبل الاخيرة وماذا سوف يحدث فيها، انتظروني في روايتي المتواضعة

"عذبني حبگ"
إيمووو كمال ✍️