عذبني حبك الحلقة 30

الفصل االثلاثون

تفوق نانسي من التخدير فتجد ادم يجلس بجانبها علي معقده، وغارقا في نومه وعلي وجهه الاجهاد، فتنظر له مشفقه عليه، فتحاول ان تسحب يدها المتشبثه بيده، فتجده يفوق وعلي وجه علامات القلق والخوف فيناديها متسائلا،،،

- حببتي حمدلله علي سلامتك، حاسه بايه طمنيني عليكي؟

نانسي بصوت ضعيف تهمس له مردده،،،

الحمدلله بخير، انت ايه اللي منيمك كده علي الكرسي؟ ليه مروحتش ترتاح

ادم ينظر لها بعطف وحنان مرددا ،،،

راحتي في قربك يا انوس عيني، ازاي عايزاني ارتاح وقلبي يفضل قلقان عليكي ومتشحتف كده

نانسي وتشعر بدوران من تاثير المخدر والادويه والمسكنات، فترد بنفس الهمس،،،،

بس ممكن تروح ترتاح شويه وتغير هدومك، وتأخذ شور كده، وتيجي تاني، حرام عليك صحتك انت مطبق من قبل العمليه لازم ترتاح

ادم ينظر لها ويربت علي يديها ثم يقول؛؛

- ممكن متشغليش نفسك بيا، انا متعود علي كده، وعشان اطمنك انا عندي هنا غرفه بحمام خاصة بيا، برتاح فيها، لاني تقريبا مقيم هنا في المستشفي، ففكري في نفسك حببتي ممكن

نانسي بحب ترد،،

طب ما انا بفكر في نفسي اهو يا ادم، مش انت نفسي

ادم يقترب منها ويطبع قبله على جبينها ويقول؛؛؛

- ربنا يخليكي ليا وميحرمنيش منك يارب، ممكن بقي تطمنيني، حاسه رجلك

نانسي بتفكير للحظات، ثم ترد مردده،،،

حاسه بيها الحمدلله بس مش قادرة احركها

ادم بطمئنان، وارتياح يقول،،،،

الحمدلله والفضل لله، ده شئ طبيعي عشان العضلات محتاجة تتلين وتقوي شوية، ولما نبدا في العلاج الطبيعي هتكون افضل واحسن

نانسي بنظرة امل، تردد،،،

يعني في امل يا ادم

ادم بنظره حب وإيمان يقول،،،،

كل حاجه بمشيئة ربنا، ما دام عندك العزيمه والقوة كل حاجه هتعدي يا حببتي

نانسي بتحدي، وقوة وعزيمه تردد،،،

باذن الله كله هيهون، هو بابا وماما فين؟

ادم متشبسا بيديها، وناظرا لمقلتيها، ثم يقول،،،،

طلبت منهم يروحوا يرتاحوا بقالهم يومين مطبقين، هتصل بيهم واطمنهم، وعلي بكره كده هتتنقلي عنايه عاديه، وبعدها هتروحي غرفه عاديه، هسيبك انا دلوقتي عشان ترتاحي حبيبي، وهعدي عليكي كمان شويه ياقلبي

#عذبني حبگ بقلم إيمووو كمال

يستيقظ ايهاب من نومه، فقبل ان ينهض من نومه، يمسك بهاتفه ويقوم بالاتصال بصديقه فارس، وينتظر ثواني حتي تم الرد، فقال له،،

- انت فين يا فارس

فارس بتعجب، يرد،،،

انا موجود اهو مالك انت في ايه، متنرفز ليه كده؟ مفيش صباح الخير حتي

ايهاب بعصبيه يرد،،،

بلا صباح ولا ورده، ركز معايا، انت مش قولتلي هتعمل اتصالاتك وتجمعنا انا ونور في برنامج تلفزيوني يافارس، فين بقي لحد دلوقتي؟

فارس بهدوء يقول،،،

والله بحاول ومش ناسي يا هوبا هي اللي بترفض عشان مشغوله اليومين دول، صدقني التأخير من عندها هي، مش من عندي، كل شويه تأجل

ايهاب بضيق؛وحده يقول،،،

خلاص عدت ونسيتني، ولا انا بقيت فارق معاها خالص، ولا في دماغها، خلاص يافارس متحاولش

فارس بحزن علي صديقه،،،

ايه يا ايهاب نبره اليأس دي، اجمد كده ياصاحبي، وان شاء الله هتتحل بس انت اصبر

ايهاب بيأس؛ وحزن يقول،،،

وهو انا عندي غير الصبر، اديني صابر لما اشوف اخرتها

فارس بتفاءل يرد يقول،،،

ان شاء الله خير ياهوبا، انا كلمت امبارح برنامج ومنتظر موافقها، لو وافقت هيكون بكره، قول يارب تفضي، بس هي مش هتبقي عارفه انك موجود علي فكره

ايهاب يزفر تنهيده ثم يقول،،،

تمام هنتظر ردك بليل، سلام ياصاحبي

وينهي معه المكالمه وينظر الي هاتفه بصوره تجمعه بينه وبينها ويحدث نفسه مرددا،،،

-وحشتيني اوي اوي يا نوري، لحد امتي قلبك هيفضل اسي كده عليا، انا قربت ايأس من كتر بعادك عني، حاولت كتير ولسه بحاول، وانتي مش راضيه تحني عليا، خايف عمرنا يضيع في البعاد والعناد يانوري... ثم انتبه علي صوت طرق الباب ليجدها سالي تخبره بموعد الفطور، فيجبها مرددا،،،،

- مليش نفس ياسالي، من فضلك اعملي كوبايه قهوة دوبل

سالي بترجي تقول،،،،

يافندم، طب اي لقمه صغيرة مينفعش كده، صحتك

ايهاب بحده وغضب يردد،،

اسمعي اللي قولته ياسالي، اتفضلي

سالي باستسلام، تقول،،،

اوامرك يافندم

وانصرفت وعزمت بداخلها ان تتحدث مع نور، لتبلغها لعلها تحن علي حاله، فامسكت هاتفها وقامت بالاتصال بها، وانتظرت الرد،،

تستيقظ نور علي صوت هاتفها، فترد،،،

الو مين معايا؟

سالي باحراج، تقول،،،

اسفه يا انسه نور، صحيتك من النوم، انا سالي

نور بنتباه وقلق عليه، تقول،،

ايوة ياسالي ازيك، خير في حاجه، ايهاب حصله حاجه

سالي بفرحه لانها استشعرت قلقها وحبها له، ردت عليها قائله،، والله هو كويس، ومش كويس

نور بقلق اكثر،،

سالي اتكلمي علي طول لو سمحت، ماله ايهاب

سالي موضحه بحزن عليه،،،

والله ياحببتي من يوم ما فارقتيه وهو مهمل في صحته جدا، وخس النص، وعايش بس علي شرب القهوة، ومش بياكل خالص غير اللي يعيشه بس، وكتير اقوله صحتك يا استاذ ايهاب، يقولي مش مهم انا مبقاش حاجه تهمني بعد ما نور حياتي ضاعت من بين اديا، الدنيا كلها بقي ملهاش طعم، شوفتي حالته وصلت لحد فين، انا اترددت كتير اني اكلمك بس بصراحة الموضوع معاه زاد اوي، وكل يوم حالته بتسوء اكتر، فسمحت لنفسي اني ابلغك واديكي خبر

نور بحزن والم علي ما وصلوا اليه سويا، صمتت لحظات ثم ردت عليها مردده،،،

- انا عارفه كل اللي بتقوليه ده ياسالي، وصدقيني علي عيني فراقنا بس هو السبب في ده، ولازم يحس بالفرق في وجودي ايام زمان ودلوقتي، انا اللي بعمله ده بقوي بيه حبنا، ببنيه علي اساس قوي، عشان ميحصلش حاجه تانيه وتهده بسهوله، ايهاب لازم يقوي حبنا، ويعرف قيمتي، ويثق في نفسه، قبل ما يثق في حبي له، ويوم ما اتأكد فعلا ان مستحيل حاجه تأثر علي حبنا، ممكن ساعتها اسامح وارجع وابدأ معاه من اول وجديد

سالي بنبرة ترجي،،،،

يارب يصلح ليكم الحال ياحببتي، وترجعي تنوري الدنيا كلها هنا

نور بنبرة حزن،وصوت مخنوق بالدموع تقول،،،

ربنا يصلح الحال ياسالي، بس انتي حاولي معاه، خليه يفطر ولو حاجه بسيطه ارجوكي، معلش اهتمي باكله علي اد ما تقدري، اعمليله كل حاجه كنت بعملهاله، حاولي معاه، متخلهوش يفضل كده علي القهوة وبس، عشان خاطري ياسالي، حلفيه باغلي حاجه عنده، اعملي اي حاجه بس ياكل ارجوكي ياسالي

سالي بزعل وحزن تقول،،،

حاضر هحاول، ولكنه لسه مزعقلي عشان القهوة، سلام دلوقتي ياحببتي لحسن بينادي عليا، عشان اتاخرت عليه

نور تستمع لصوته الذي تشتاق اليه، ثم تغلق معها، وتقوم بتشغيل الكاست لتستمع الي احدي اغانيه ولتنسي الامها لعل صوته يهدئ من اشتياقها له،ثم فتحت حاسبها وكتبت عليه،،،،

اشتاق اليك حبيبي... نعم اشتاق لكل شيء .. اشتاق لبريق عينيك.. لصوتك العذب الحنون... اشتاق لهمساتك، ولمساتك.. لحنانك... اشتاق اليك كما يشتاق العصفور لضمة عشه... اشتاق اليك كما يشتاق الطفل لاحضان امه بعد طول غياب... اشتاق اليك كما يشتاق العاشق لمعشوقه.... اشتاق لمجلسي بجوارك، وانا بين احضانك.. لحديثنا ليلا تحت ضوء شعاع القمر، كم سهرنا، ورقصنا سويا، كم تغنيت بأعذب الكلمات ورددتها من اجلي....اشتاق اليك كما يشتاق الظمأن لقطرة المياه لتروي ظمأه،،، فهل يأتي اليوم لأرتوي من حبك، وشهد غرامك....كما اشتاق لمعرفة اخبارك برغم كل شئ نعم احن لكل ذكرياتي معك واشتاق بشده لها... ولكني اشعر بألف سور بيننا ولا استطيع تجاوزه، فهل تستطع هدمها؟ ... فهل تستطيع تخطي كل الحواجز التي شيدتها انت من قبل؟

هل تستطيع ان تستردني ياحبيبي؟ فانا لا اريد منك الاعتذار،،، لا اريد اسفاً علي الماضي... ولكني اريد فقط اثبات حبك لي، ثقتك بي، اريد امانك الذي افتقدته بشده، اريدك انت ياحبيبي فهل تستطيع؟

#عذبني حبگ بقلم إيمووو كمال

ايهاب مازال ينادي بصوت مرتفع علي سالي، فجاءت له حامله طبق به بعض الطعام ومعه فنجان القهوة، فسالها مرددا،،،

- انا مش قولتلك مش عايز اكل حاجه، انتي ليه بقيتي مش بتسمعي الكلام ياسالي كده

سالي تنظر له بهدوء وتقول،،،

ده مش انا اللي عملته من نفسي، هي اللي طلبت مني اني اعمله

ايهاب ينظر لها بتعجب متسائلا،،

امال مين اللي قالك اعمليه؟

سالي ببتسامه؛ تقول،،،

هتكون مين غيرها

ايهاب بفرحه،، يقول،،،

نور،، صح نور، بس ازاي

سالي؛ طب كل وانا هحكيلك كل حاجه

وقصت عليه المكالمه ما عدا ماقالته نور في نهايتها، حتي تعطيه فرصه ان يثبت لها مدي حبه وتمسكه بها، ولكنها اوضحت له مدي خوفها وقلقها عليه، وكان هذا يكفي،، فكان يستمع لها وعلي وجهه ابتسامه وفرحه غابت من شهور، حتي انتهت من حديثها فرد عليها قائلا بلهفة شديده مردد،،

- بجد ياسالي هي اللي قاتلك تعملي الاكل عشان انا افطر، يعني لسه مهتمه بيا، لسه بتقلق عليا، طب ليه معذباني ومعذبه نفسها بس

سالي بتساؤل،،،

شوف انت هي عايزة منك ايه، واعمله، يمكن عايزاك تثبت لها حبك وتثق فيها اكتر من اللي فات

ايهاب بنبره اسي وحزن يقول،،،

اكتر من كده ياسالي، انا خلاص استويت من بعادها، الدنيا بقي ملهاش طعم من غيرها، طعم الدنيا كان جميل في قربها، احلي ٣شهور عشتهم في حياتي لما كانت معايا، عشت وعرفت معني البيت والحبيبه اللي بتفني نفسها عشانك، بتقدملك كل حاجه من غير ما تطلب، حلمت بالاولاد منها واتمنيت حياتي تستمر في حضنها، لكن كله راح راح

سالي بحزن،،،

مفيش حاجه راحت، بايدك ترجع وتصلح كل ده، حاول معاها تاني، وربنا يصلح الحال بينكوا يارب

ايهاب ينظر لها نظره اسفه،،،

يارب، معلش ياسالي لو كنت اتنرفزت عليكي النهاردة، وشكرا لمساعدتك ليا

سالي بنظرة تعاطف،تقول،،،

متشكرنيش علي حاجه، ربنا وحده يعلم معزتكوا عندي ازاي، دي عشرة سنين بينا

ايهاب بنظرة بامتنان لها،،،

عارف والله، ربنا يعلم انا كمان بقدرك ازاي ياسالي، ممكن بقي تعمليلي قهوة غير دي عشان بردت

سالي ببتسامه،،،

مادام اكلت اعملك غيرها، براكتك يا ست نور

يضحك ايهاب علي جملتها، وتنصرف لتجهز له فنجان اخر، وهو يظل يفكر في مجنونته التي فقدت عقله، وينتظر موافقتها ليقابلها،،،

#عذبني حبگ بقلم إيمووو كمال

يصل معتز وجنة الي منزل اسرتها بعد مضي ٣ساعات ونصف، ثم يصعد الي منزلها ويطرق الباب، فتتوجه الام فتجد ابنتها واقفه امامها فتأخذها بين احضانها، ثم ترحب بمعتز، ويدلفون بالداخل فتتوجه جنه فورا الي غرفه الهام لتري ابن اخيها وتاخذه بين احضانها مردده،،،

- حببتي يا الهام حمدلله على السلامه ياقلبي، هاتي الواد العسل ده حبيب قلب عمتو

الهام تمسك ابنها بحنان وتسلمه اليها ثم تقول بزعل مصطنع؛؛

- لو حبيبك صح مكنتيش تتاخري عليه كل ده ياعمتو

جنة بأحراج تاخذه وتضمه الي حضنها، ثم تحدثه قائله؛؛؛

- والله غصب عني ياحبيب قلب عمتو، كنت مشغوله اوي وعمك معتز اللي برة ده، كان رامي عليا كل حاجه مكنتش بنام، عشان اخلص توضيب واتجوز، عشان انت بس كده لما تكبر تلاقيني جيبالك عروسة قمر زيك كده تتجوزها، امال ايه يا سيووفه مش لازم تتجوز بنت عمتك، يعني البنت تبور يرضيك كده برضو، احنا معندناش بنات تتجوز بره العيله، انا بقولك اهو من دلوقتي،، ثم تضحك بشده

الهام لا تتمالك نفسها من الضحك، ثم تردد قائله،،

حرام عليكي يا مجنونه هتجوزي الواد من بنتك المجهوله اللي لسه في عمل الغيب، والله انتي عقلك طاقق

جنة بابتسامه،،

طبعا ياماما انا عمته هو يقدر يخالف تعليماتي، انا بنتي زي القمر، هو يطول

الهام تنظر لها وتضرب كفيها ببعضها وتنادي علي والدتها قائله؛؛؛

- ياماما انتي فين، تعالي خدي بنتك المجنونه دي من عندي

تأتي ليلي متعجبه من صراخ الهام متسائله؛؛؛؛

-عملتي ايه يامجنونه؟

جنة ترد ببراءة، تقول،،،

والله يامامتي ما عملت حاجه، ده انا بقول لسيوفه كنت مشغوله عنك في ترضيب شقتي عشان اتجوز واجبلك بنوته تتجوزها، غلطت انا

ليلي تضربها علي راسها ضربه خفيفه وتضحك عليها ثم تقول؛،،،

-بنتك مين دي يا بنت الهبله، يمكن تجيبي واد ايش دراكي

جنة تنظر لها بلامبالاه وترد؛،،،

عادي جه واد، اللي بعده نركز شويه في صفحه البنات واجبله بنوته زي القمر كده زيه، عادي يعني

ليلي بصراخ، تقول،،،

يانهاري عليكي، ايه البنت البجاحه اللي بقيتي فيها دي، ده انتي كنتي قطة مغمضه

جنة بمزاح لها، تقول،،،،

واديني فتحت ياحببتي، وبخربش اهو،،، وترفع يدها علي وجه والدتها وتصيح بصوت مواء الهرة، ثم تضحك وتخرج لمعتز حتي يري الطفل سيف، فياخذه من بين يدها، ثم تتوجه الي حقيبة يديها لتاخذ منها هديته وتعطيها له في لفته، تقول،،

- اتفضل يا سي سيف باشا، اول حاجه من الشبكه اهو جبتهالك، الباقي بقي لما تكبر ياعم انت تجيبه، فسمعها الهام فتضحك عليها بشده، ثم ترد عليها،،،

يدوم يا ام العروسه، وانا هحتفظ بيها ياقلبي عشان احطها في علبة الشبكه، بس انتي اتجدعني وهاتي عروسة عسل كده زي العسل زيه

معتز يشعر بسعاده بالغه حين امسك الطفل وتمتم بداخله ببعض الكلمات مردد بصوتاََ هامسا وصل اليها،،،

بسم الله ماشاء الله، ربنا يحميك ويحرسك يارب، عقبال يارب ما اشيل بنتي ولا ابني يارب

نظرت له جنة مردده بحب،،

باذن الله ياقلبي، نص دستة ان شاءالله، بس انت شد حيلك معايا، ههه

معتز يضحك عليها،،،

ماشي ياجنتي، بس متجيش تشتكي من رابع عيل

جنة تنظر له بحب،،،

انت بس اللي متجيش في النص وتهرب مننا يا ابو العيال

ليلي تنظر لهم وقلبها يفرح لها، ثم ترد،،،

انتي ناويه علي حضانه ياجنة، هي الخلفه بالساهل يابنتي، ده العيل بيجي تقله مصاريف، ربنا يعينكوا انتوا بس علي عيلين ولا حتي ٣عيال مش نص دستة

جنة باعتراض،،،

لا ياستي، انا بحب العيال اوي، وكل واحد بيجي برزقه

ليلي تحاول اقناعها،،،

ياحببتي ايوة كل واحد بيجي برزقه، بس لما تقسمي الرزق علي ٣ اولاد غير علي ٦ فهماني

جنة بعدم اقناع، تقول،،،،

فهماكي، بس برضو انا نفسي اخلف كتير، ويجروا كده حواليا، وافضل طول النهار اصرخ وأجرى وراهم، ومعتز يصوت من دوشتهم

معتز يسرح بخياله في حديثها ولا يرد، كم سوف تكون الحياة اجمل بوجود اطفال تملئ منزله بصراخهم، وضحكاتهم، فهم نعمه من عند رب العالمين تمني ان ينالها،، ثم فاق علي صوت حماته تقول،،،

- ايه يامعتز انت سرحت في ايه ياحبيبي؟

معتز ينظر لها ويقول،،،

ابدا يا ست الكل، انا بس سرحت في كلام جنتي وتخيلت العيال كده مليين البيت بدوشتهم وجنة بتصرخ وتجري وراهم، وهي رابطة كده الاشارب علي دماغها من الصداع، وانا اشوف منظرها كده وافضل اضحك علي شكلها، والله هتبقي مسخرة

ليلي تنظر له بذهول ثم تقول؛؛؛

- والله ما جمع الا لما وفق، اثنين مجانيين ياربي واتجوزوا، انتوا حالتكوا صعبه، انا قايمه اشوف الاكل اللي علي النار لحسن يطيش زي، وتركتهم وتوجهت الي المطبخ

اقتربت منه جنة لتاخذ سيف، وهي تنظر له نظرة عتاب، ثم قالت،،،

- هات الواد اوديه لأمه، بقي كده يامعتز انا هبقي مسخرة، وايه رابطة راسي دي كمان، ماشي ياسي معتز

معتز يعطي الطفل لها ثم يمسك يدها ويطبع قبله عليهما ثم يقول؛؛؛

- والله هتكون احلي واجمل ام شوفتها، كفايه حنيتك وقلبك اللي مليان حب للكل ياحبي

جنة تنظر له وتحتضن سيف بحب فترد عليه؛؛؛

- من كتر حبي فيك يامعتز، نفسي كل ولادنا يكونوا شبهك ياعمري

معتز يحاوطها بين اذرعه وبهمس لها؛؛؛

وانا بعشقك ياجنة ربنا ليا على الارض

وفي هذه اللحظة يفتح مصطفي الباب، فيجدهم، فيسلم عليهما قائلا،،،

- اهلا اهلا جنة وابو النسب كمان هنا، حبيبي حمدلله على السلامه جيتوا امتي؟

جنة تنظر له وتقرب منه لتصافحه مردده،،،

مش شويه كده

مصطفى ينظر لابنه فياخذه منها مردد؛؛

حبيب بابا ازيك ياقلبي عامل ايه النهاردة، سلمت على عمتو ورحبت بيها ولا لأ ياولد

جنة تضحك وترد،،،

ولا عبرني يا خويا، من ساعة ما جيت وهو نايم، ولا حتي سمعت صوته

مصطفى يطبع قبله علي يد الطفل،،،

تعالي انتي بس بالليل واسمعي الغارة بتاعت كل يوم

جنة تنظر لسيف وتداعبه ثم تقول،،،

كده برضو يا سيووفه وانا اللي بقول عليك كيوت وحلو ومؤدب، طلعت شقي ونوتي، شكلي كده هرجع في كلامي ومش هجوزك بنتي المستقبليه

مصطفى يحاول استيقاظه، يقول،،،

اصحي ياعم الكيوت العروسة هتروح من ايدك، وانت نايم كده في العسل، هروح اوديه لامه وارجع اشوف ايه حكايه العروسة دي، امال ماما فين مش سامع صوتها بعني؟

تخرج الام من المطبخ وتقول،،،

انا هنا ياحبيبي، حمدلله على السلامه، ثواني والاكل يكون جاهز

#عذبني حبگ بقلم إيمووو كمال

مصطفي يقترب منها ويقبل يداها في حب واحترام؛،،،،

الله يسلمك يا امي، هدخل اغير واخذ شور عقبال ما الاكل يجهز

ويتوجه إلى غرفة زوجتة،،

ويضع طفله في مهده، ثم يحتضن زوجتة ويقول،،

- حببتي ازيك عامله ايه النهارده؟

الهام تنظر له وتقول،،،،

الحمدلله حبيبي، نمت شويه حلوين قبل ما جنة تيجي

مصطفى برضا،،،

طب كويس انتي من امبارح مش عارفه تنامي خالص من الواد العكروت ده

الهام تفرك في عيونها من الالم وتردد،،،

اه والله مين سمعك ياحبيبي ابنك واخد وردية الليل الاسبوع ده ومش بعرف انام غير الصبح، شوفت صحيح هديه جنة

مصطفى :فين دي؟

الهام؛ في لفته، هاتها عشان اشوفها

مصطفى يتقدم نحو ابنه ثم يجدها وينظر ما بداخلها ويقول؛؛

-ماشاء الله جميله اوووي، تعيش وتجيب، عقبال ما نردها

الهام باعجاب،،،

فعلا جميله وذوقها حلو اوي المشألله، ربنا يفرحنا بيها يارب

مصطفى بتمني ورجاء،،،

يارب يا الهام افرح بيها واطمن عليها، جنة دي مش اختي وبس، دي بنتي اللي كبرت قدام عينيه سنة بسنه، وانا حاسس ان معتز بيحبها لولا كده مكنتش وافقت ابدا عليه

الهام بنظر تاكيد،،،

فعلا شكله بيحبها، وماما كمان بتحبه اوي، ربنا يهنيهم يارب

مصطفى ينهض من جانبها ويقول؛؛

طب هروح اخد شور، عقبال ما الاكل يجهز، هتقدري تطلعي تتغدي معانا، ولا هتتكسفي

الهام تنهض من فراشها وتقول،،،

لا ياحبيبي هطلع عشان جنة، انا خلاص بقيت كويسه، ولازم اساعد ماما، كتر خيرها شيلاني بقالها كتير من وقت ما ولدت وهي حببتي تعبت معايا

مصطفى يساعدها علي النهوض،،،

ياحببتي ماما بتعتبرك زي بنتها، لو تعبانه خليكي وانا هساعدها مكانك

الهام معترضه،،،

لا انا كويسه، روح انت بس خد شور، ولو سمحت هاتلي الاسدال البسه، عشان احضر الاكل مع ماما

ويبحث مصطفى عن الاسدال، ثم يعطيه إليها ويساعدها ويدلفون سويا الي الخارج، ثم ترحب بمعتز، وتتوجه الي المطبخ لمساعده الام، التي حين راتها قالت بغضب،،،

- ليه كده يا الهام يابنتي قومتي من علي السرير، انتي لسه نفسه ولازم ترتاحي

الهام بحب،تقول،،،

ياماما انا بقيت كويسه، وكفايه دلع بقي فيا، لازم اساعدك شويه، حضرتك شيلاني من وقت ما ولدت كفايه بقي، ان كان حبيبك عسل، متلحسهوش كله

ليلي بضحك،،

ياحببتي الحسي وكليه كله زي ما انتي عايزه مش هقولك حاجه، انا المهم عندي راحتك يابنتي

الهام تحتضنها بحب ثم تقول،،،

ربنا يباركلي فيكي يارب يا امي، وميحرمنيش من حنيتك عليا ابدا، ممكن بقي ترتاحي وانا هغرف الاكل، يالا برة من غير مطرود

ليلي باستسلام، تقول،،،،،، حاضر يا الهام، هخرج احضر السفرة وابعتلك جنة

جنة تدخل عليهم مردده؛؛

انا جيت اهو مين بيجيب في سرتي

ليلي،،، تعالي خدي الاكل من بنت خالتك وانا هحضر السفرة

جنة؛ حاضر يامامتي

ويجهز الاكل ويتناولون طعامهم في حب، حتي انتهوا بعد فترة وسط مزاح ومناغشة جنة للجميع، ثم تحدث معتز موجها حديثه لمصطفي قائلا،،

- كنت عايزك في موضوع كده يا مصطفى لو سمحت

مصطفي ينظر له باهتمام مردد،،،

خير يامعتز، اوعي تكون جنة مزعلاك في حاجه قولي وانا اجبلك حقك من حباب عنيها

معتز بحب،،،

جنة دي جنتي علي الارض، عمري ما ازعل منها ابدا، انا كنت عايز احدد معاد لجوازنا

مصطفى برتياح،،،

طمنتني حبيبي، انت خلاص جهزت الشقه

معتز برضا، يقول،،،

الحمدلله كل الديكورات خلصت، والعفش اللي اختارته جنة، بكره هيترص، مش فاضل غير حجاتها

مصطفى بنبره فرحه يقول،،،

تمام الف مبروك، انا كده بكرة هتفق مع عربية ولا اثنين تشيل حجاتها، علي فكره متجبش اي حاجه من الادوات الكهربائية انا جايبلها كل الأجهزة الكهربائية، حتي التكيفات، كل حاجه، والمطبخ حاجاته كلها عندها

ليلي تنظر لابنها بحب وتقول،،،

بصراحه يامعتز مصطفى كان هو اللي بيجهزها مش انا، كل ما كان يجيب جهاز لنفسه يشتري زيه لجنة، وكنت كل ما اقوله لسه بدري، يقولي الايام بتجري ياست الكل

معتز بنظر له بفخر ثم يقول،،،

ربنا يخليك لينا يامصطفي، انا هنتظر منك وقت وصول السيارة عشان اكون في استقبالك

مصطفي بهدوء،،،

خلاص اتفقنا، يومين كده، واديك خبر يكون العمال فرشوا العفش عشان منلخمش الدنيا، وبعدها نحدد بإذن الله تعالى معاد جوازكوا

معتز ينظر لجنة ثم يردد،،،

ساعتها مش هيبقي فاضل غير الفستان وحجز القاعه

جنة تنظر له معترضه،،،

انا قولتلك مش هشتري فستان قبل كده ادفع فيه الالف وميتلبس غير كام ساعه، انا هاخد فستان نسمه، او حتي هأجر فستان، وكمان انا مش عايزة فرح احنا نسهر في مكان هادى كده وبعيد نسافر تقضي اسبوع عسل في شرم الشيخ ولا الغردقه، الفلوس اللي هندفها احنا اولي بيها

معتز بضيق،،،

انا كنت عايز افرحك ياجنة

جنة ترد عليه بحب،،،

انا فرحتي انك جنبي واتجوزتك يامعتز مش بالقاعه، وكمان احنا هنتبسط في شرم ارجوك وافق

معتز ينظر لمصطفي والام ويقول،،،

والله انامش ممانع لو اخوكي وماما وافقوا خلاص هوافق

ليلي ومصطفي، يؤيدون وجهة نظر جنة، ويحاولون اقناع معتز مرددين،،،

- خلاص يابني انت عداك العيب، ومبخلتش عليها، هي اللي وش فقر، ريحها

معتز يرد باستسلام قال،،،،

اللي تشوفوه، انا تحت امركم، بس انا اللي هختار المكان اللي هنسهر فيه ممكن بقي ملقيش اعتراض منك

جنة بابتسامة،،،،

ماشي ياسيدي بس يكون في المعقول، بلاش بهرجه كده، ومكان اوفر

معتز يصرخ منها ويصيح،،،

يعني اطلع من هدومي يابنت الناس، انتي ايه يابنتي، بقولك نفسي اسعدك وافرحك وانتي مقضياها توفير

مصطفي يضحك عليه وينظر له ويقول،،،

معلش هتعاني يا معتز، انا ياما عنيت معاها، اختي موفره شويه ومش بتحب تكلف علي حد، وطلباتها طول عمرها معقوله

معتز ينظر له وهو عابس الوجه ثم يقول،،،،

انا عارف بس مش كده، كل حاجه تدخل الماده وتختار اقل سعر، دي جننتني وهي بتنقي العفش والله يا درش، بقيت ماسك نفسي بالعافيه، وكل شويه اقولها متبصيش علي السعر ياجنة لو حاجه عجبتك، تقولي حاضر، وتختار اقل سعر، وبعد مناهده تختار اللي عايزة

مصطفى بتفهم قال،،،

عارف والله كل ده ومتوقع منها اكتر، دي اختي وعارفها، مدبره زياده عن اللزوم

جنة بضيق، تقول،،،

خلصتوا تريقه عليا ولا لسه، ايه المشكله اني بحافظ علي تعبك وفلوسك وشقاك، صدقيني ده مش بخل، لكن حفاظ علي شقي العمر ووضعه في المكان المظبوط، وده طبعي يا ابن الناس، وانا صريحه ولا بزيف وارسم صورة مش صورتي

معتز شعر انها غضبت، فحاول ان يصالحها، فقترب منها وبنظره حب قال لها،،،،،

- وانا اطول ربنا بعتلي هديه من السماء علي الارض، واعترض، بس ممكن بس ياحببتي لما اكون عايز اسعدك متفسديش عليا سعادتي دي، ممكن، وتسبيني اعمل اللي عايزه

جنة بحب ؛ حاضر، بس انت مسرف اوي ياميزو وانا لازم اعملك فرامل كده عشان تقف

معتز ينهض ويتقدم نحو باب الشقه ويصرخ ويقول : انا خلاص هتجنن منك، انا هقوم اسافر لحسن اتهور عليكي ياجنة، بعد اذنكم ياجماعة، انا هسافر نازل القاهرة، اشوفكم علي خير

مصطفى يقترب منه ويمسك بذراعه ويقول،،،

استهدي بس بالله وتعالي اقعد يامعتز، الوقت لسه بدري، تعالي بس كمل الشاي ياراجل، انت هتعمل عقلك بعقلها، ثم وجه نظره لها وقال،، وانتي يابنت اتهدي بقي واحمدي ربنا انه رزقك براجل نفسه يسعدك، مش احسن ما كان يطلع بخيل جلده يجوعك، الراجل كتر خيرة عايز يسعدك ويعملك كل حاجه تبسطك، مفروض تسمعه كلمه حلوه، مش تكسري مجاديفه كده، اعقلي ياجنة

جنة تنظر له بحزن ثم تنحني راسها لاسفل قائله،،،

حاضر يامصطفى، انا اسفه يامعتز، اعمل اللي انت عايزه واللي يريحك، وانا غلطانه عشان خايفه علي فلوسك

معتز يقترب منها ويضع يده حول ذقنها، ويرفع راسها ويقول لها في حنو،،،

- قولتلك قبل كده راسك متنحنيش ابدا، غير لربنا بس، وانتي مغلطيش حبيبي عشان بتحافظي علي فلوسي، بس انتي مكبره الموضوع ده اوي، لما تلاقيني عايز اجيب حاجه متعارضنيش، والله انا مقدر خوفك وحبك عليا بس سبيني براحتي، عشان حياتنا تكون ماشيه هاديه من غير اي عواصف، ممكن

جنة بهدوء ترد؛ ممكن

ويستمرون في مناغشتهم سويا، ثم يستاذنون ليسافروا سويا، ومنتظرين اتصالا من اخاها ليخبرهم بوصول اغراضها، ثم انصرفوا عائدين الي القاهرة، ولا يخلو من هزار ومناغشة جنة لحبيبها الذي ملك كل جوارحها

#عذبني حبگ بقلم إيمووو كمال

يجلس ايهاب ممسكا بيده ريموت التلفاز يقلب به غير منتبه لما يعرض، واذا به تفاجأ بأغنية جديده مصورة لنور تعرض في احدي القنوات، فترك الريموت وتابعها بكل اهتمام وانصت لكل حرف تنطق به فكانت تردد وتقول بكل احساس وتأثر،،،

شكرا .. مش حبك هو اللي اتمناه
ولاعايزه اعيش العمر معاه
على قد ماكنت بدوب في هواك
دلوقتي مانيش عايزاك
ابدا ... شكرا

لالالا ... وحياة الليالي وحياة جرحك خلاص

مقدرش امشي في طريقك لو كنت اخر الناس

مش حبك هو اللي اتمنها
ولا عايزه اعيش العمر معاه
على قد ماكنت بدوب في هواك
دلوقتي مانيش عايزاك
ابدا .. شكرا

قرار البعد عنك هو قراري الاخير
بعد اللي شوفته منك بعدك ارحم كتير
بعدك ارحم كتير

مش حبك هو اللي اتمنها
ولاعايزه اعيش العمر معاه
ع قد ماكنت بدوب في هواك
دلوقتي مانيش عايزاك
ابدا ... شكرا

والي هنا ينهض ايهاب من مقعده فيجوب الغرفه ذهاباََو اياباََ، وهو يزفر أنفاساََ عاليه بضيق، ويردد بصياح وصوت مرتفع،،،

- خلاص يانور اكتفيتي مني، وبتقولي شكرا،،، خلاص راح حبك وتخليتي عنه كده... دلوقتي بقيتي قادرة علي البعد، مش حبي ده اللي كنتي بتتمنيه، مش حبي اللي كان نفسك بس تقابليه دلوقتي خلاص مش عايزاه،،، خلاص يانور انتي اللي اخترتي... وقرار البعد اتحمليه بقي

قال كلامته، ثم جلس بتعب على الاريكه ممسكا قلبه، وغير قادرا علي التنفس، او مناديا علي احد يسعفه ولا يستطيع ان ينهض من مجلسه، واذا يدخل عليه صديقه فارس، فركض عليه مسرعا منادي عليه،،،

- ايهاب مالك ياصاحبي، فيك ايه بس؟
-ويدلك بيده علي صدره بخفه، ثم ناوله كوبا من المياة، وقال،،،

اشرب حاول تشرب شويه ميه، اهدي كده بس وقولي ايه اللي حصل ووصلك لكده، وانا اللي جي افرحك الاقيك كده

ايهاب بصوت ضعيف حزين يقول،،،

خلاص يافارس، مبقاش في حاجه تفرحني، بعد اللي شوفته، سمعت اغنيه نور

فارس بحزن يرد؛؛

اه سمعتها، وكنت خايف انك تسمعها، بس دي اغنيه يا ايهاب ليه اخدت كلامتها علي نفسك ياصاحبي

ايهاب بنظرة الم، يقول،،

عشان نور عمرها ما هتغني حاجه غير لما تكون حساها، انت مشفتش بتغنيها باحساس ازاي، حاسه بكل حرف بتنطقه، هي قاصده يافارس صدقني

فارس مهوناََ عليه؛؛؛؛

طب ايه رايك انها اخيرا حددت اللقاء بكره الساعه ٨ وعلي الهوا كمان يا سيدي، اغني بقي الاغنيه اللي محضرها بقالي كتير ليها

ايهاب بنظرة يأس، مردد

خلاص يافارس معدش يفرق اغنيها ولا مغنهاش، ده هيكون اخر محاوله ليا معاها، وبعدين هقفل صفحتها للابد

فارس بحده وضيق، يقول،،،

ايه اللي بتقوله ده، مش عايز اسمعك تقول كده تاني، نور تستاهل منك اكتر من كده بكتير، انت غلطت وغلطك كان كبير اوووي، عشان كده لازم تحارب عقبال ما تثبت انك قدير بحبها، حتي لو تقلت عليك شويتين اجمد كده وحارب عشان حبك، خصوصاََ انك متأكد من حبها، جهز نفسك وبكره تكون محضر نفسك والاغاني اللي هتغنيها ليها، انت فهمني ولا لاء، وهعدي عليك بكره بعد العصر عشان اكون معاك

ايهاب ينظر لصديقه نظرة شكر وعرفان، ثم يقول له؛؛؛؛

- والله يافارس انت اجدع صاحب واخ، مش عارف اودي جمايلك دي فين بس، كل ما اليأس يمتلكني، انت بتهون عليا ياصاحبي

فارس يقترب منه ويضمه لحضنه ويقول؛؛

-مفيش بينا شكر انت اكتر من اخويا ياهوبا، ده انت اللي طلعت بيه من الدنيا، ومعنديش اصحاب غيرة، ربنا يهدي سرك يارب

ايهاب؛ يارب يافارس يسمع منك ربنا

فارس بنظرة امل يقول،،

ان شاء الله خير، انا متفائل والله، وحاسس انها قربت، بس انت طول بالك شويه

ايهاب بضيق،،،،، اكتر من كده، انا خلاص هطق من جنابي، وفي الاخر تقولي شكرا، العفو ياحببتي

فارس بضحك،،،

والله انت مجنون وهتجنني معاك ياهوبا، سلام انا بقي عشان الحق سهرتي ياكزانوفا

ايهاب ببتسامه،،،

سلام يافارس، والله انت رايق وضارب الدنيا صرمه ولا فارق معاك حاجه، ياعيني عليا وعلي اللي نور عملاه فيا، صبرني يارب

والي هنا تنتهي احداثنا الى هذا الحد لنتعرف  ماذا سوف يحدث لابطالنا، وماذا سوف يحدث في لقاء العشاق وماذا سوف يغني لها من كلمات لترق قلبها؟ في احدث لقاء تلفزيوني بينهم

كل هذا واكثر في روايتي المتواضعة

"عذبني حبگ"
إيمووو كمال ✍️