عذبني حبك الحلقة 29

وتشرق الشمس بضياءها معلنه يوم جديد مملوء بالامل والتفاؤل، فنجد والد نانسي، ووالدتها جالسين امام غرفه العمليات، منتظرين انتهاء العمليه، التي استغرقت اكثر من ١٢ ساعه كامله، والوقت يمر ببطئ شديد، والام جالسه تبكي وتدعي ربنا، ممسكه بيدها مصحفاََ تقرأ منه ايات قرانية، والاب يجلس يصلي ويدعو ربه في خشوع داعيا ربه ان يوفق وحيدته في نجاح العمليه، واذا به يخرج ادم، وعلي وجه علامات الارهاق والتعب، فيركضوا اليه مسرعين متسائلين عن حالة ابنتهم فيقول الاب مرددا،،،،

-طمني يابني بنتي عامله ايه الله لا يسيقك، انا ركبي من مش شيلاني والله

أدم وعلي وجه التعب والارهاق جدا يرد؛

الحمدلله ياعمي، احنا عاملنا اللي نقدر عليه، ادعلها يمروا ٢٤ساعه الجايبن علي خير، لو عدت من غير مضاعفات ولا تشنجات او نزيف يبقي ربنا بيحبنا، هي هتتتقل دلوقتي لغرفه العناية المركزة لقسم الجراحه لمده ٢٤ساعه وبعدين لغرفة عنايه عادية لمده ٣ او ٤ ايام ،ولو الحاله أستقرت هتتنقل غرفه عادية، طبعا انتوا منمتوش من امبارح، لو سمحت خد طنط وروح ارتاح وبكره تعالي اطمن عليها، انا مش هسبها صدقني، لحد ما يمر اول ٢٤ساعه

الاب يعترض في بادئ الامر، لكنه تحت اصرار وتصميم أدم وافق ودلف الي منزله ليحاول ان يرتاح وتغمض له عين، ولكنهما فشلوا، ونهض هو وزوجته وتوجهوا الي الله داعين لابنتهم الشفاء العاجل

توجه ادم لغرفه العناية ووقف ينظر لها،محتضن يديها بيده، ثم جلس بجانبها علي معقد وهمس لها مرددا،،،

- حببتي انا عارف انك سمعاني، شدي حيلك وخليكي قوية، واتغلبي علي اي تعب، انا محتاجلك ياحب عمري اكتر ما انتي محتجاني بكتير، انا روحي رجعتلي لما رجعتي ليا، انا كنت عايش جسد من غير روح، انا عايش ليكي وبيكي يا انوس، حبيبي فوقي ونوري حياتي، ارجوكي اديني اي اشارة تدل انك حاسه بيا

وعند هذه الكلمه تساقطت دمعه من مقلتيه علي يديها فشعرت بها، فاشتدت بيده محركه اصابعها بين بيده، ففرح بشده وقال،،
حببتي انتي حسيتي بيا، احمدك يارب واشكر فضلك، واستمر في حديثه حتي غفي بجانبها وهو جالس علي مقعده

#عذبني حبگ بقلم إيمووو كمال

يجلس زين بجانب زوجته في فراشه يحدثها قائلا،،

- الحمدلله الحفله كانت جميله اوي امبارح، بس بنتك عكتها كالعاده مع الراجل اللي مشحتفاه وراها

سميه بشماته فيه تنظر له مردده،،،،،

احسن انا فرحانه فيه بصراحه، بس في نفس الوقت صعبان عليا

زين ينظر لها بضيق،،،

انتوا كده اللي يتلهف عليكوا تدوله فوق دماغه، نسوان عايزة.... ولا بلاش الطيب احسن

سمية تنظر له بزعل، ثم تقول،،،

كمل كمل يا زين قول نسوان عايزة ايه هاااه

زين يقترب منها ويحاول تلطيف الاجواء،،،

نسوان عايزة تتاكل اكل ياسوسو، وميشبعش منها، بس مش اي نسوان، هي سوسو واحده بس اللي عايز اكلها، ماتيجي ياسوسو اكلك

سمية بضحكة تثيره برغم كل هذه السنوات لكنه ما زال يعشقها كأنه مراهق في مقتبل العمر،،،، يازيزو اعقل، احنا كبرنا ياحبي

زين ينظر لها بحب ويغمز لها بطرف عينه مردد،،،

الورد مهما دبل ريحته بتكون فيه اجمل واحلي، وانتي مهما كبرتي هتفضلي في عينيا زي اول مرة شوفتك فيها ياقلبي

سمية تبادله نظرته فهي ايضا تحبه منذ الصغر فتهتف قائله بنبره بها حنين ،،،

ياااه يازيزو انت لسه فاكر احنا كنا صغيرين اوي ياحبيبي

زين يجذبها اليه فتصبح في احضانه، ويستنشق عبيرها ثم يقول،،،،

انا عمري ابدا ما اقدر انسي البنت البطوطة اللي كانت لما تمشي تروح مدرستها وهي حاضنه شنطتها في حضنها، بتهز كل ذرة في قلبى، وتقول للارض اتهدي ما عليكي ادي، وفضلت وراكي كل يوم الف وامشي انك تعبريني، وانتي ولا هنا، ياما مشيت اتمنى بس نظره منك، ولا كلمه حتي، لحد ما لاقيت نفسي رايح لابوكي الله يرحمه طالب ايدك

سمية تعبث بيديها بين خصلات شعره؛ ثم تضع يديها علي وجنتيه بكل حب تقول،،،

هو ده يوم يتنسي، يومها بابا جه وقالي في واحد طالب ايدك مني، وقالي انه شافك وعجبتيه، ودخل البيت من بابه، يومها اول ما عرفت انه انت وافقت علي طول

زين يضحك بشده متذكرا ايام الماضي،،

اتاريكي كنتي واقعه ومش مبينه يا سوسو

سمية ببتسامه تنظر له،،،

بصراحه من اول مرة عاكستني فيها ومشيت ورايا وانا بحبك يازين حياتي، ولسه بحبك برغم كل السنين اللي عدت بينا

زين يشتد في احتضانها جدا؛؛

وانا كمان ياسوسو عمري ما لحظه قلبي وقف عن حبك، ربنا يباركلي فيكي ياعمري، ويهدي نور بنتنا ونطمن عليها

سمية داعيه ربنا مردده،،،

امين يارب، لو خير ليها تقرب منه ربنا يقربها، ولو شر يبعده عنها

زين يشفق عليه ويقول،،،

والله صعبان عليا ياسميه، حاله يقطع في قلب الواحد، بس اقول ايه، ربنا يهدي الحال بينهم

سمية تربت علي كتفته مردده،،،

قلبي بيقولي هتسامحه صدقتي، بس هي بتعاند مع نفسها مش اكتر

زين اومأ بالموافقه،،

عندك حق، هي عنيده فعلا ومش من السهل هتخضع

وهنا ينتبه لطرق الباب فيرد قائلا،،،

- ادخلي يانور، صباح الخير ياقلبي

نور تقترب منه وتضع قبله علي جبينه مردده؛ صباح الفل يازيزو، انا خارجه عايز حاحه مني

سمية بزعل،،

مفيش صباح الخير ياماما

نور محتضنه يدها ومقبلاها،،،

احلي صباح علي عيونك يا امي

زين ناظرا لها ومتسائلا،،،،

رايحه فين كده يابنتي علي الصبح

نور تنظر اليه باهتمام،،،

رايحه اسجل دويتو جديد بيني وبين عادل

زين يتأفف بضيق،،،

تاني عادل، انتي مش قولتيلي قبل كده في عقد بينك وبين ايهاب، مينفعش يابنتي تشتغلي مع حد غيره

نور بتحدي وعند تقول،،،،

لا هشتغل، ويوريني هيعمل ايه بقي؟

زين بحده يقول،،،،،

نور دي مش اصول شغل، احترمي العقد، يا اما تفسخيه، لو العقد فيه شرط جزاءي ممكن يحبسك

نور ببرود تقول،،،،

اعلي ما في خيله يركبه، سلام يازيزو

وتتركه وتنصرف تحت أنظار غضبه، فهمست الام له قائله،،،

- هتعمل ايه يازين، هو ايهاب تفتكر ممكن يأذيها فعلا لو في شرط جزاء

زين يفرك بذقنه، ثم يقول،،،

معتقدش ايهاب مهما يحصل بيحبها مفتكرش انه يتخذ ضدها اجراء قانوني، هو بس ممكن يغضب شويه، وعشان كده انا بفكر اني انا اللي ابلغه، عشان لما يعرف من بره اكون انا سبقت وقولتله

سميه بقلق،،،

طب كلمه كده وشوف

زين يمسك هاتفه ويحاول الاتصال عليه، وينتظر الرد، وبعد ثواني يرد عليه ايهاب مرددا،،

- صباح الخير ياعمي

زين؛ صباح الخير ياايهاب، اسف لو صحيتك من النوم، بس كنت عايز ابلغك بحاجه كده، وعايزك تعرفها مني انا، احسن ما تعرفها من حد تاني

ايهاب بنظره قلق،،

لا ابدا ولا يهمك انا كنت صاحي اصلا، خير قلقتني نور كويسه؟

زين بأرتباك، يقول،،،

الحمدلله بخير متقلقش، الحكاية بس ان نور راحت تسجل مع عادل دويتو جديد، انا حبيت ابلغك بنفسي، عشان لو في اي شرط جزائي في العقد ادفعه من غير شوشره

ايهاب بزفر انفاسه بضيق،،

انت عارف ياعمي الشرط الجزائي بكام

زين مسائلا،،،،

كام يعني؟

ايهاب بحده واندفاع،،،

١٠ ملايين

زين بصدمه وذهول،،،،

انت قولت كام! ١٠ مليون جنيه ليه يا ايهاب تكتب المبلغ ده؟

ايهاب بهدوء يرد،،،

اولا مش انا اللي كتبته المحامي هو اللي عمل العقود، وهو مكنش يعرف علاقتي بنور فكتبه عادي ضمان انها متسبنيش وتشتغل مع حد تاني، ده عادي في العقود وانت سيد العارفين

زين بضيق يقول،،،،

ونور عارفه بالشرط ده، ووافقت عليه

ايهاب بحزن قال،،،

انا قولتلها يومها تقرأ العقد، وبلغتها انه عقد احتكار، وهي رفضت تقرا ومضت، وقالت انها بتثق فيا، وسلمت حياتها ليا

زين بنبرة حزينه يقول،،،

وانت بعد كل ده، موثقتش فيها سلمت امرها كله بين ايديك يا ايهاب، وانت صدقت شوية كلام فارغين، ياخساره

ايهاب بحزن وندم قال،،،

عارف ونادم ومش قادر ولا عارف اصلح غلطتي

زين بهدوء بعض الشئ،،

وانت ناوي تعمل ايه دلوقتي؟

ايهاب بتنهيده،،،

انا عمري ما هفكر اذي نور، مهما يحصل ابدا

زين برتياح يرد عليه مرددا،،،

طب بص هقولك تعمل ايه؟

انت هتصل بالمحامي وتخليه يبلغ انك معاك عقد وفي شرط لازم يدفع، وانها مينفعش تغني مع حد غيرك طول مده العقد

ايهاب متساءل،،،

طب ليه عايزني اعمل كده وانا مستحيل اتخذ قرار ضدها

زين يوضح اكتر،،،

يا ابني دي فرصه، تبان قدمها انك شهم، وتحيرها في امرك، وتحسسها انك عمرك ما تأذيها، وترفض الشرط الجزائي، وتروح تقولها انك متنازل عنه، وانك تتمنى ليها النجاح سواء معاك او مع غيرك، فهمتني

ايهاب بنبره سعاده قال مردد،،

فهمتك ياعمي، انا هبلغ المحامي، يتصل عليها دلوقتي، واشوف رد فعلها ايه؟

زين موضحا،،،،،

نور عنيده وهترفض اكيد، انت بقي روح وبلغها ردك بنفسك في مكان التسجيل، اتفقنا

ايهاب؛ اتفقنا ياعمى، سلام

ويغلق معه ويقوم بالاتصال بالمحامي، ويبلغه بكل شيء، ثم ينهي معه منتظر ردها عليه،،،

نور تنظر الي هاتفها وتجد رقم بدون ذكر اسم، فترد عليه مردده،،

- الوو مين معايا

المحامي بنبرة رسميه يقول،،،،

انا محامي استاذ ايهاب يا استاذه نور

نور بتعجب ردت،،،

اهلا يافندم، خير اي خدمه ممكن اقدمهالك

المحامي بجدية قال،،،

استاذ ايهاب بلغني ان حضرتك خالفتي العقد اللي بينك وبينه، وهتغني مع مطرب تاني، صح الكلام ده

نور بحده وضيق قالت،،،،

ايوة صح

المحامي بجديه : طيب احب ابلغك ان في شرط جزائي حضرتك مضيتي عليه ب ١٠مليون جنيه، يا ايما تدفعي او تتراجعي عن الغناء مع حد غيره

نور بصدمه، تقول،،،،

١٠ مليون ايه اللي بتتكلم عنهم، انا ممضتش علي كده

المحامى بهدوء،،،،

لا حضرتك مضيتي يافندم، واستاذ ايهاب قالك اقراي العقد وانتي رفضتي

نور تذكرت ما حدث ثم رددت قائله،،،،

طيب بلغ استاذ ايهاب وقوله، نور مش بتتهدد، ومش هدفع اي شرط جزاء واعلي ما في خيله يركبه، سلام يافندم

واغلقت الهاتف بغضب بدون انتظار رد منه، فسمع عادل المكالمه فتحدث اليها مرددا،،

- مش مهم يانور اي مبلغ ادفعه ولا يهمك، ولا تضايقي نفسك وارمي ورا ظهرك، اي حاجه تيجي علي الفلوس فداكي اي مبلغ

نور تنظر له ومازال علي وجهها علامات الضيق قالت،،،

وانت ذنبك ايه بس، فلوس مش هدفع ويوريني هيعمل ايه بقي، مهما يحصل بينا ايهاب عمره ما هيتصرف تصرف يأذيني ابدا، انا واثقه من كده، سيبك انت وتعالي نكمل باقي التسجيل

ويتوجهوا الي غرفه التسجيل، وتحاول ان تركز وتنسي ما حدث، ويمضي الوقت بهم، حتي انتهوا من التسجيل، واذا بهم ينظروا امامهم ليجدوا ايهاب امامهم ينظر لهم بغضب، ثم اقترب منها مرددا،،،

- ازيك يانور، المحامي بلغني ردك، فحبيت اجي بنفسي وابلغك ردي

نور تنظر له بنظرة عناد وتحدي مردده،،،،

كان ممكن تبلغه وهو يقولي، ومفيش داعي تتعب نفسك لحد هنا

عادل ينظر له ويقول بهدوء،،،

انا مستعد يا ايهاب ادفع اي شرط جزائي علي نور، ومفيش داعي ندخل في مشاكل

نور قاطعه حديثه،،،

قولتلك لا ياعادل، انت ملكش ذنب تدفع اي حاجه، ويوريني هيعمل ايه، والدويتو هينزل في الالبوم

ايهاب يتقدم اليها وبكل حنان قال،،،،

انا جاي مش عشان اعمل شوشرة ولا منتظر حد يدفع ليا الشرط الجزائي يانور، مش ايهاب اللي ياخد من حب عمره فلوس، ولا يفكر يأذيها ابدا، انا بس جاي اقولك مبروك التسجيل، واتمنالك النجاح في كل وقت سواء تغني معايا، او مع غيري، ويارب الدويتو ينجح ويكسر الدنيا زي اللي غنناه سوا مع بعض، انا قولت اللي عندي، عن اذنك

وتركها وانصرف وسط دهشتها، فقد تخيلت انه سوف يثور ويغضب اكثر من ذلك، او يهدد ويتوعد، لكنه خيب ظنها، فجلست علي اقرب معقد ووضعت يدها علي رأسها وظلت تفكر وتفكر، حتي انتبهت لصوت عادل يقول،،،

- بصراحه كده الراجل عداه العيب يانور، وبين انه شاريكي لابعد حد، ارحميه بقي، وليني شوية ياشيخه، يعمل ايه تاني اكتر من كده، كل يوم بيثبتلك انه بيحبك وندمان علي اللي حصل، انتي قلبك كبير يانور وسامحتيني برغم اني انا المجرم، ما بالك هو كمان اتعذب، ارجوكي ارحمني وسامحيه.. انا مش بعرف انام من كتر تأنيب الضمير، فكري يانور

نور ترفع رأسها وتنظر له نظرة مليئه بالحيره ثم تهتف وتقول،،،

- والله ما عارفه يا عادل، موقفه ده اثار دهشتي وحيرني جدا، وصدقني مش عارفه اخد قرار، انا همشي دلوقتي وخلينا علي اتصال، سلام

# عذبني حبگ بقلم إيمووو كمال

وتركته وتوجهت الي منزلها، ثم دلفت الي غرفتها، واخذت حمامها، وتوضأت وصلت ما فاتها من صلاتها، ثم جلست علي فراشها، وامسكت بحاسوبها وكتبت هذه الكلمات، خطرت علي بالها مقطع من اغنيه تحبها جدا تقول،،،،

حيرت قلبي معاك.. وأنا بداري وأخبي

قل لي أعمل إيه وياك.. ولا أعمل إيه
ويا قلبي

بدي أشكي لك من نار حبي.. بدي احكي لك ع اللي في قلبي

وأقولك ع اللي سهرني.. وأقولك ع اللي بكاني

وأصور لك ضنى روحي.. وعزة نفسي منعاني.... وعزة نفسي منعاني

ثم اغلقته وسندت راسها علي وسادتها، وظلت تفكر فيما حدث، حتي استسلمت
ونامت من التعب

#عذبني حبگ بقلم إيمووو كمال

تجلس هايدي تجوب غرفتها ذهابا وايابا، تتأفف بضيق وتزفر انفاسا عاليه، ثم تتحدث قائله بتوعد،،،

-ماشي يا ايهاب نفذت اللي هددت بيه، ومفيش اعلان والفيلم اللي بحلم بيه طار، ماشي ورحمه ابويا لحسرك علي حبيبة القلب، وادفعك الثمن غالي اوي، وهنشوف مين اللي قلبه هيتكسر يا ايهاب،،،،

ثم تجلس وتحاول ان تفكر ماذا هي فاعله،،،

#عذبني حبگ بقلم إيمووو كمال

تململت نسمه في فراشها علي قبلة لمسه هادي لها علي شفايفها، فتفتح عيونها العسليه وتنظر له بكل حب هاتفه؛؛؛

-احلي صباح ده والا ايه، صباح الخير يادودو

هادي مبتسما لها،،،

صباح الخير علي اجمل عيون، ياروح وقلب دودو، ايه الكسل ده كله، انا صحيت ولبست وانتي لسه نايمه ياقلبي

نسمه بكسل ترد،،،

ولا مش عارفه مالي ياهادي، كسلانه وجسمي مكسر اوي، وكل شويه اقلق ونام تاني زي الطوبة، زي ما
اكون واخده منوم

هادي بقلق،،،

طب وريني كده اقيس نبضك، والحرارة، الحمدلله النبض كويس ومفيش حرارة

نسمه تحاول ان تنهض ولكنها جلست سريعا علي الفراش، فركض اليها مسرعا،، ايه يانسمه انا كده قلقان عليكي ياحببتي، مفيش داعي تروحي الشغل اصلا

نسمه ممسكه برأسها ترد،،

انا فعلا مش قادرة اروح، ياريت تعملي طلب اجازة عارضه، وهريح شويه، وان شاء الله هكون احسن

هادي بقلق ونظرة خوف،،،

انا قولتلك مفيش داعي اصلا للشغل يانسمه، وانتي صممتي عليه، طيب اغير واقعد معاكي حبيبي

نسمه بهدوء، ترد،،،،

حبيبي مفيش داعي، تلاقي بس الضغط واطي شويه، انا هنام ولما ترجع هكون احسن ان شاء الله

هادي يمسك هاتفه ومفاتحيه الخاصه، ويضع قبله على جبينها ثم يقول؛؛؛

- بصي ريحي انتي خالص، وانا هجيب اكل وانا جي، عشان متتعبيش نفسك، ومش هتاخر عليكي ياحبيبي

نسمه تنظر له بحب ثم تقول،،،

ربنا يخليك ليا حبيبي

ويتركها وهو قلق عليها ثم دلف الي المشفي، وطلب لها اجازة يومين، ثم أكمل عمله،،، وتمر ساعات العمل، فيحاول ان يتصل عليها، ولكنها لا ترد عليه، فيزداد قلقه عليها، فقرر ان يستأذن ويذهب ليطمئن عليها،، وبعد مضي ساعه وصل الي منزله ووضع الطعام الذي قام بشراءه علي المنضده، ونادي عليها، فلم تجيبه، فبحث عنها في الغرف، فاذا به وجدها في المطبخ فاقده للوعي، فركض إليها مسرعاََ وحملها بين يده ووضعها علي الفراش، محاولا ان يفيقها بعطر نفاذ، وبعد مضي دقائق فاقت فنظرت له متسائله،،

-هادي انت جيت امتي ياحبيبي؟ وانا ايه اللي حصلي، انا مش فاكره حاجه خالص

هادي بتنهيده،،،،

انا بتصل عليكي من بدري مش بتردي، قلقت استأذنت عشان اطمن عليكي لاقيتك مغمي عليكي في المطبخ، انت ايه بس اللي قومك من السرير، مش قولتلك انا هجيب معايا الاكل، ليه تعبتي نفسك وانت تعبانه

نسمه بتعب،، تقول مردده،،،

انا قومت عشان اعمل كوباية نسكافه، محستش بنفسي غير وانت هنا

هادي يلمس وجهها بكل حنان ثم يقول،،،

احنا لازم نروح نكشف بالليل، انا مش عارف نسيت جهاز الضغط اجيبه معايا، يمكن فعلا الضغط يكون مش مظبوط، هتقدري تقومي معايا عشان ناكل، ولا اجيبه هنا

نسمه بارهاق،،،

مليش نفس صدقني

هادي بزعل مصطنع،،،

انتي ماكلتيش من الصبح لازم تاكلي عشان تقدري تقومي حبيبي وكمان انا جعان يرضيكي افضل جعان كده، وكمان انا جايبلك المشويات اللي بتحبيها ياقلبي

نسمه باستسلام،،،

حاضر هقوم، متحرمش منك يارب

وتنهض معه، وهو ممسك بيديها، واذا بمجرد فتح الشنطه تقفز مسرعه الى التوليت، لتفرغ ما بمعدتها، فتستند اليه، وتعتذر له مرددا،،

-انا اسفه ياحبيبي، مش قادرة اشم ريحه الاكل ولا متقبله اي حاجه، كل انت، وانا هدخل ارتاح

هادي محتضنها بين يده، ويسندها الي غرفه النوم ويدثرها بالغطاء مردد،،

-ولا يهمك حببتي، الف سلامه عليكي، انا هقوم احجزلك عند الدكتوره عشان نطمن، ارتاحي انتي دلوقتي

ويخرج ليجلس علي الاريكه ويفكر، هل حقا مايدور في باله حقيقي، والذي يشك فيه ممكن ان يتحقق، هل يريد له رب العالمين ان يعوضه عن فقدان ابنته انجي، وتكون نسمه حامل، ام هذه اعراض برد وضغط، لابد ان يتاكد اولا، ولكن هل مازال في العمر باقيه ليربي طفل اخر ويفرح به، ام يتركه وحيدا في هذه الدنيا، ولكنه ترك هذه الافكار، وفكر في امر واحد وتمني ان يكون ربنا اعطاه العوض والهبه من عنده، امسك هاتفه وقام بالاتصال علي دكتوره نساء وولاده زميله له وحجز موعدا ليتاكد، ثم توجه ليأخذ حماماََ لينعش جسده، ثم توضأ وصلي فرضه وداعيا لربه ان يكمل كرمه عليه ويرزقه بالزريه الصالحه،، ومضي الوقت وتوجه الي غرفة زوجته ليوقظها، فاذا به وجدها مستيقظه،فقال لها،،

- حببتى صحيتي امتي، انا كنت جاي اساعدك تاخدي شور كده عشان ننزل نكشف

نسمه تنظر له وعلي وجهها الارهاق والتعب، ثم تهتف قائله،،،

مفيش داعي ياهادي انا بقيت احسن والله، الحمدلله

هادي بحده، يقول،،،،

لا ممنوع الاعتراض، يالا انا مش هفضل قلقان كده عليكي، ممكن تقومي يالا

نسمه تنظر له وتمسك يداه، ثم تقول،،،

حاضر ياحبيبي، هقوم اهو

وتاخذ حمامها، وترتدي ملابسها، ويتوجهون الي الطبيه، وبعد الكشف، وعمل التحاليل اللازمه، تنظر اليهم الطبيبه مبتسمه قائله،،،

-الف مبروك يامدام، حضرتك حامل في شهر ونص، مبروك يا دكتور هادي

هادي بفرحه وسعاده،،،

الله يبارك فيكي يادكتورة أمل، ده احلى خبر سمعته في حياتي

نسمه بسعاده،،،

الله يبارك في حضرتك يادكتوره

أمل بابتسامه تقول،،،،

بصي انا هكتبلك علي شويه فيتامينات مهمه، ودي شويه تحاليل تعمليها، ولما تظهر النتيجه ياريت تجبهالي، وبعد كده المتابعه كل اسبوعين، ومش هوصيكي تاكلي كويس جدا، وتشربي اللبن وكل المنتجات الالبان

هادي ينظر لها بحب وسعاده يقول،،

سامعه حببتي، مفيش دلع في الاكل، لازم تاكلي كويس

نسمه اومأت بالموافقه،،،

ثم استأذنت وانصرفوا، وتوجهوا الي منزلهم

هادي ممسكا بيدها ويقول بفرحه،،،،،

الف مبرووك يانسمتي، متتخيليش سعادتي النهارده اد ايه

نسمه تنظر اليه بسعاده، ثم تقول،،،،

عارفه حبيبي لاني نفس احساسك هو احساسي بالظبط، ربنا يكملها علي خير يارب

هادي؛ يارب ياحببتي، ممكن بقي تدخلي تغيري هدومك، عشان تحاولي تاكلي اي حاجه لو سمحت

نسمه باعتراض؛ والله مش قادرة ياهادي

هادي بنطرة ترجي، يقول،،،،

وحياتي عندك، عشان خاطر طيب البيبي

نسمه بابتسامه عند سماعها اسم البيبي، فتضع يدها علي بطنها محتضناه بحنان، ثم تقول؛؛؛

ماشي عشان خاطره هغصب على نفسي واكل

هادي يمثل الزعل؛

يعني عشان خاطرة هو وانا لا، خلاص راحت عليا

نسمه تقترب منه وتضع يدها علي وجنتيه ثم تطبع قبله عليهما، ثم تقول؛؛

انت الحب الاول وابني البكري ياهادي، وهو الطفل التاني، انت الاصل ياحبي

هادي بحنان ينظر اليها ويقول،،،

وانتي كل حياتي يا اغلي واحلي نسمه في عمري، ربنا ميحرمنيش منك ابدا يارب

نسمه ببتسامه؛ وحب تقول،،،،

ولا منك يا ابو عيالي، انا ناويه اجبلك باذن الله ربع دسته عيال

هادي يضحك بشده،،،

ربع دسته بحالهم، قولي يارب اعيش واربي اللي جاي ده بس

نسمه بزعل، تقول،،،،

متقولش كده تاني، ان شاء الله هتعيش وتربيهم، وتجوزهم كمان، وتفرح بيهم ياحبيبي

هادي بنظره امل؛

يارب ياقلبي، يالا عقبال ما تدخلي تغيري هكون سخنت الاكل

وتتركه وتوجه الي غرفتها، وقلبها يزداد دقاته من حديثه الاخير، فستغفرت ربها، ودعت له بطول العمر والصحه والعافيه له

#عذبني حبگ بقلم إيمووو كمال

تجلس جنة بجوار معتز في شقتهم بعد انتهاء الديكورات بها، واذا انتبهت لرنه فونها فوجدت المتصل والدتها، فردت عليها مردده،،

- حببتي ازيك وحشاني كتير ياماما

ليلي بزعل،،،

لو كنت وحشتك فعلا، كنتي جيتي شوفيتي ياجنه، انتي من يوم كتب كتابك مجتيش ولا مره، حتي قولتي هتيجي تباركي لخوكي مجتيش، وهو زعلان جدا منك

جنة بأسف قالت،،،

والله ياماما انا مشغوله اخر حاجه، واتصلت اعتذرت لمصطفي والهام، بتابع كل حاجه بنفسي، اخيرا الصناعيه خلصوا ويادوب هنفرش الشقه ونخلص

ليلي برضا،، تقول،،،

طيب الحمدلله حببتي، ربنا يسعدك يارب، ويهنيكي حببتي، هتيجي امتي

جنة بعد تفكير لحظات تقول،،،،

يومين كده هسافر ولو ظروف معتز تسمح هيجي معايا

ليلي بنبره حب ترد،،،

ينور حببتي في اي وقت متتاخريش انتي بس

جنة بحب،،،

من عيوني يامامتي حاضر، اشوفك علي خير يارب

ليلي بحب قالت،،،

مع السلامه حببتي، في رعايه الله، وسلمي على معتز كتير، وعلي خالك

جنة؛ حاضر يوصل حببتي

وتغلق معها، ثم تنظر الي معتز قائله،،،

- ماما بتسلم عليك ياقلبي

معتز :الله يسلمك. ويسلمها يارب

جنة بنظرة ترجي، تقول،،،

هتقدر يا ميزو تسافر معايا، عشان نبارك لابن مصطفى

معتز ينظر لها ويصمت ثواني ثم يقول؛؛؛

- بصى انتي اكتر واحده شايفه انا مشغول ازاي ياجنتي، الصبح في المستشفى وبليل في عياده د شريف، بس عشان خاطر عيون النونو هحاول نروح الصبح ونرجع في نفس اليوم ولا انتي عايزة تباتي؟

جنة تقترب منه ثم تقول بنبره حنونه،،،

لا ابدا هرجع معاك طبعا حبيبي، هو انا اقدر ابعد عنك، وكمان احنا لسه ورانا حاجات كتير هنعملها في الشقه ونختار العفش

معتز ينظر لها ويقترب منها اكثر، ثم يهمس لها ويقول،،،

نفسي بقي ياجنتي اغمض عيني وافتحها الاقيها اتفرشت، وانتي تفضلي كده في حضني متفارقهوش ابدا

جنة بخجل وكسوف، تقول،،،

يارب ياميزو، هانت ياحبيبي، وبكره تزهق مني انا وعيالك، وتسيب البيت من دوشتهم، وتقول انا كان مالي ومال الجواز وسنينه، ما كنت مرتاح واعذب، وسلطان زماني

معتز يضحك باعلي طبقات صوته علي طريقتها في القاءها للكلمات،،،

يانهاري عليكي ياجنة ليه محسساني انك هتخلفي مدرسه ياحببتي

جنة تنظر له، وترفع اصبعها السبابه مشيره له؛ ثم ترد عليه قائله؛؛؛؛

- اعمل حسابك اقل من نص دسته مش موافقه، انا بحب الاطفال جدا، وكمان انا مؤمنه بالمثل بتاع جدتي، اربطيه بالعيال، نفسي اخلف منك عيال كتير يامعتز، الست كل ما بتحب جوزها بيبقي نفسها كل اولادها شبه، من حبها فيه، وانا مش بس بحبك، انا بموووت فيك

معتز ينظر لها بعشق لم يشعر به من قبل ثم يقول،،.،

لا انا بعد الكلمتين دول، مش هقدر امسك نفسي، ايه رايك ندخل نستعد عشان نجيب رقم ١ في اول النص دسته، ارحمي امي الميته يابنت الناس، انا ماسك نفسي بالعافيه عليكي

جنة تنظر له بنفس نظرته ثم تضحك عليه، وتقول،،،

اختشي ياميزو عيب كده، متكسفنيش بقي، يالا نقوم عشان نشوف الموبيليا عند المحلات اللي قولتلك عليها، لحسن انت بقيت خطر

معتز يقبل يداها في حب،،،

ثم يضمها لصدره مرددا؛؛؛

-ربنا وحده اللي يعلم انا بحبك اد ايه، وماسك نفسي ازاي عشان احافظ عليكي مني، انا حتي مش عارف ازاي وامتي حبك ملكني اوي كده ياجنتي، حاسس اني بحب لاول مرة، وهتجوز لاول مرة، صدقيني لو اقولك انتي اول حب حقيقي احس بيه، وقلبي يرفرف لما بشوفك قدام عيني، وببقي مش قادر امسك نفسي، وعايز اخبيكي في حضني من عيون البشر

جنة تشتد في احتضانه؛ ثم همست له مردده؛؛؛؛

مصدقاك ياحبيبي، وحاسه بكل كلمه بتقولها، ومش محتاج تبرر ليا اي حاجه، لاني عمري ما هقارن نفسي بحد تاني، حبك باين في عينيك من غير ماتتكلم ولا كلمه، لانه نفس احساسي بيك ياعمري

معتز يبتعد عنها بصعوبه، ثم يقول؛؛؛؛

- انا بقول ناخد بعضنا وننزل لحسن بعد كلامك ده انا مش ضامن نفسي بصراحه، يالا ياقلبي لحسن احنا ممكن نجيب اول عيلين مش عيل واحد من نص الدسته بتاعتك

جنة تضحك ضحكتها الرنانه عليه، وتقول؛؛

انا بقول كده برضو انت بقيت حالتك خطيرة متطمنش ياميزو، يالا بينا احسن، وخلي العيال يجوا بعدين، هههههه

وانصرفوا وتوجهوا الي المعرض المنشود، واختاروا منه المطلوب، وفقد كانت اراءهم متقاربه جدا، وقد لاحظ ان جنه كانت تختار كل ما هو بسيط وغير متكلف، وسعره معقول، عكس تماما زوجتة السابقه، ولذلك زاد حبها في قلبه اكثر واكثر، وقد تم الاتفاق ان الموبيليا تأتي بعد يومان، لكي يرصها العمال، وتم محاسبتها، وانصرفوا في فرحه عامرة بانتهاءهم من كل شيئا، وبقي تحديد موعد الزفاف، الذي قرر ان يحدده حين يسافر غدا الي الاسكندريه برفقتها

#عذبني حبگ بقلم إيمووو كمال

تمسك هايدي هاتفها، وتتحدث مع شخص ما لينفذ ما نويت علي تنفيذه مردده،،

-بس اللي انت طالبه ده كتير اوي

الشخص المجهول،،،،،،

مش كتير ياقطه، انتي برضو اللي طالباه مش شويه

هايدي بحقد وغل يحترق قلبها،،،،

وانا موافقه، بس استني مني المعاد المناسب اللي هتنفذ فيه المطلوب

الشخص المجهول،،،،

وانا تحت امرك، وقت ما تقرري اديني بس وقت قبلها كافي عشان الحق انفذ

هايدي؛ اوك، اتفاقنا، هحدد المعاد واقولك

وتغلق معه وعينيها تطلق شراراََ من الغضب والكره

والي هنا تنتهى احداثنا سنعرف ما هو هذا الامر الذي تخطط له هايدي؟ وماذا حدث لنانسي وهل مازالت في مرحله الخطوره ام تجاوزتها، كل هذا واكثر في احداث لسه باقيه معنا من روايتي المتواضعة

"عذبني حبگ"
إيمووو كمال ✍️