عذبني حبك الحلقة 27 و 28

الفصل السابع والعشرون والثامن والعشرون

واتي يوم ينتظره الجميع، يوم اعلان الفرحه الحقيقية في قلوب معتز الذي يشعر انه سوف يتزوج لاول مرة، فقلبه غامر بالفرحه الشديده، وكذلك هادي الذي فرحته لا تقل عنه، بل تزيد، وحان وقت المساء وتوجه كل من هادي ومعتز الي منزل العروسه، فرحب بهم الجميع، مباركين لهم، وانتظر حتي وصل المأذون، فكتب كتاب هادي اولا، فتوجه الاب والام الي ابنتهم، محتضنيها ومباركين لها بكل حب، مرددا لها،،

سليم ينظر لها بفرحه شديده ثم يقول،،،

النهارده الدنيا مش سيعاني من الفرحه، اخيرا كتب كتابك ياقلبي، وبقيتي خلاص تحت وصاية راجل غيري، هيكونلك سندك، وظهرك، وكل دنيتك

نسمه تنظر له بحب وتقول،،،،

متقولش كده يابابا، ربنا يخليك ليا، انت هتفضل طول عمرك سندي، وظهري، وعزوتي كلها، طول ما حسك في الدنيا، ربنا يباركلي فيكي انت وماما يارب

الام بسعاده تردد،،،

الحمدلله ياحببتي، احنا اطمنا عليكي، ورسالتنا تمت علي اكمل وجه، ربنا يسعدك في حياتك يارب، ويهدى سرك

نسمه محتضنه يداها،،،

امين يارب يا امي

ثم نهض هادي الي عروسه وامسك يداها مقبلها وقال لها،،،

- الف مبرووووك يا اجمل من رأت عيني، ربنا يقدرني واسعدك يارب

نسمه بفرحه تغمر عيونها،،،

الله يبارك فيك ياحبيبي

يقترب منها ويطبع قبله علي جبينها، ثم يطبع قبلتين علي وجنتيها، ويهمس لها،،

هادي بفرحه وشوق،،،

النهارده اسعد يوم في حياتي، بحبك يا احلي نسمه دخلت في حياتي

نسمه بنظرة شوق له،،،

وانا كمان ياقلب نسمه من جوه، يارب يجعل كل أيامنا في سعاده وحب وهنا

يصرخ بهم معتز قائلا،،،،

- ياعم الحبيب انت مش وقته، انا عايز اكتب زيك، في ايه

يضحك عليه هادي ويرد،،،،

اتفضل ياسيدي اكتب، لما اشوف اخرتها معاك

يجلس هادي بجانبه، ويتم عقد قرانه، فكان وكيل جنة ايضا سمير، واخاها شاهدا علي العقد، وفقد كان معتز سارحا في حال القدر الذي جمعه بجنتة لتذيقه معني السعاده الحقيقية، ففاق على سماع صوت المأذون قائلا جملته الشهيرة،، فتوجه نظره لرؤية جنته الجالسه والفرحه تطير من اعينها، فنهض اليها فقترب منها ونهضت وامسكها بين يده واخذها بين احضانه، واشتد في حضنها، وبادلته الحضن، منتسيين كل الحاضرين، حتي فاق علي سماع صوت مصطفي اخيها مرددا له بنبره غيره،،

-ايه ياعم انت، راعي ان اخوها واقف مش كده، وانتي يابنت ماتلمي نفسك مفيش خشي خالص كده

معتز ينظر له نظرة غيظ،،،،

في ايه يا ابو النسب، دي مراتي على سنة الله ورسوله، يعني ممكن اخدها وانا ماشي عادي يعني

مصطفى بنفس النظرة،،،

انا مقولتش حاجه بس ميصحش والناس قاعده كده، وان كان انك تاخدها معاك دي، خلص شقتك وخدها ياسيدي مقلتش حاجه

ليلي بحده موجه كلامها لابنها،،،

خلاص يا مصطفي هي دي مباركتك لاختك، معتز فرحان بيها ياحبيبي، روح بارك لاختك، وتنظر لابنتها وتأخذها بين احضانها، وتبارك لها في حب، ثم يقترب منها أخيها ويقبل جبينها ويقول لها في حب،،،

- الف مبرووك يا جنة، النهادرة اسعد يوم ليا اني اشوفك عروسه، ربنا يسعدك يارب ويهنيكي حببتي، برغم اني مش طايق اللي عمله جوزك، بس باين عليه بيحبك اوي،

جنة بكسوف،،

اوي يامصطفى والله، انت بس قرب منه وهتحبه علي طول

مصطفى بضحكه،.

لا ياستي كفايه انتي تقربي، هبقي انا وانتي

معتز بحده، يقول،،،

ممكن اخدها منك شويه يا درش

مصطفى بنظره غيره وغيظ يقول،،،

اتفضل ياعريس، والف مبرووك

يجلس هادي بجانب عروسته في يتبادلون اطراف الحديث، ويتسامرون في حب وعشق، وفجأة يتوجه اليهم معتز ليقطع عليهم لحظات عشقهم مرددا،،

- ياعم الرومانسي، مش يالا بينا عشان نلحق نسهر شويه، انا استأذنت من حماتي، واخوها اللي مش عارف ليه مش طايقني

هادي بضيق؛ حاضر يامقطع الارزاق انت، يالا بينا

وتوجه هادي الي حماة طالبا منه اذن الخروج، ليسهر مع زوجته، فيقبل الاب، طالبا منه عدم التاخير، فنصرف العرسان، ليستمتعوا بحفلتهم خارج المنزل، فقد كان هادي ومعتز، جهزوا لهم حفله نيليه غايه في الجمال والروعه، فنبهرت بها نسمه وجنة، ثم اخذ كل عريس عروسه، وجلسوا سويا في جو ملئ بالحب والرومانسية

#عذبني حبگ بقلم إيمووو كمال

يعمل ايهاب ليلا ونهارا، لا يمل، حتي انتهي اخيرا من تلحين وحفظ الأغنيه، وتنهد ومدد في نفسه،،

-ياااه اخيرا خلصتها، يارب تحسي بيها يانور، وسامحيني يامنيه روحي،، ففاق علي صوت هاتفه يرن، فنظر به فوجده فارس، فيرد عليه مرددا،،

-ايوة يافارس ازيك

فارس متسائلا؛ انت عرفت ان نور خرجت يا ايهاب من يومين؟

ايهاب بهدوء،،

اه عرفت كلمت د هادي بطمن عليها وقالي، انها خرجت

فارس يرد بنبره ضيق قاذلا،،،

وعملت ايه ياحيلتها

إيهاب ببرود يرد،،،،

ولا حاجه، كنت مشغول بتلحين وحفظ الاغنيه ما انت عارف

فارس بضيق،،،،

يا خبتي يانا، يا راجل اتلحلح شويه

ايهاب بغيظ؛يرد،،،

يعني عايزني اعمل ايه، ما انا طالع عيني عشانها

فارس بهدوء، يقول،،،،

ياحبيبي عايزك تقرب منها، كان مفروض تبعتلها بوكيه ورد كبير وشيك علي بيتها مكتوب عليه، الف حمدلله على السلامه، معشوقك المعذب في بعدك ايهاب، كده يعني

ايهاب يخجل من نفسه،،،،

تصدق مجاش في بالي خالص، كل اللي في بالي اني اخلص الاغنيه، بس ملحوقه هبعته يافارس ويارب تقبله

فارس بنبره مؤكده يقول،،،،

هتقبله وهقولك خبر حلو كمان لسه عارفه من عادل

ايهاب متسائلا؛ خبر ايه ده، وايه علاقته بعادل؟

فارس بهدوء يرد،،،،

اهدي بس، نور هتروح مع عادل فرح د هادي يوم الخميس، وهتغني في الفرح

ايهاب بغيرة،،،

وهي ايه اللي يوديها مع عادل، مش هو ده اللي كان السبب في كل اللي حصل، تسامحه هو وانا تسبني اتعذب كده

فارس بنبره غاضبه يقول،،،

هنعيده تاني يا ايهاب، خلي عندك ثقه في نفسك، قبل ما يكون عندك ثقه فيها، عادل اكدلي ان مفيش حاجه بينهم، علاقه اخوه، وصداقه، وشغل بس

ايهاب باعتراض،،

شغل ايه ده بقي ان شاء الله، اللي ما بينهم

فارس بتوتر يقول،،،،

قالي انهم هيعملوا اعادة توزيع بعض الدوتوهات القديمه بتوزيع جديد وهما اللي هيغنوها مع بعض، وهتختار دويتو وتضيفه في البومها

إيهاب بحده وغضب،،،

علي جثتي لو عملت كده، هي ناسيه ان في عقد وشرط جزائي ماضيه عليه، انها مينفعش تشتغل مع غيري لمده ١٠ سنين، واذا حصل هتدفع ١٠ مليون جنيه

فارس بعدم تصديق،،

ايه اللي بتقوله ده، نور مضت علي كده، وعارفه بالشرطين دول

إيهاب بضيق يقول،،،

عارفه انه عقد احتكار، بس مردتش تقرأ العقد

فارس بغضب يرد،،،،

وانت طبعا استغليت حبها وضفت في العقد مبلغ الشرط الجزائي، مش كده

ايهاب بحزن،،،

انت عارف كويس اني عمري ما هقدر اضر نور ابدا، وانا مكنتش موافق المحامي بس هو اصر انه يكتبه، واعتبرته كأنه مش موجود

فارس بتحذير،

بس نور لو عرفت هتزعل اوي يا إيهاب

ايهاب بعناد يقول،،،

وهي لو اشتغلت مع عادل هعرفها، وتوريني بقى هتشتغل معاه ازاي

فارس؛ احنا بنقربكم ولا بنبعدكم، مش كده ياهوبا

ايهاب يزفر تنهيده ثم يقول،،،

خلينا بس نشوف هتعمل ايه، وربنا يسهلها

فارس؛ يارب، بس حاول تحضر فرح هادي، فرصه كده تعمل اي منظر وتغنلها اغنيه كده تلين قلبها

إيهاب؛ هشوف يافارس، استني كده في ويتينج معايا اشوف مين، وينظر يجده دهادي، فيعود محدثا فارس،، طب سلام يافارس عشان دكتور هادي بيتصل، هرد عليه سلام

ويرد عليه مرددا،،،

مساء الخير يادكتور

هادي بنبره سعيده يقول،،،

ازيك يا ايهاب، انا بتصل عليك عشان اعزمك في فرحي يوم الخميس، في قاعة...... اتمني انك تشرفني

ايهاب بفرحه،،،

الف الف مبروووك يادكتور، ربنا يتمم بخير، اكيد هجي، وهحيي الفرح كمان

هادي بشكر،،،

متشكر جدا ياحبيبي، واعمل حسابك نور هتكون موجوده، مش هوصيك بقي، حاول تقرب منها

ايهاب؛ ادعيلي يادكتور، ربنا يحنن قلبها عليا

هادي؛ ربنا يصلح ليكم الحال يارب

ايهاب؛ امين يارب

#عذبني حبگ بقلم إيمووو كمال

تجلس نور بغرفتها تستمع الي الفلاشه، لتختبار دويتو حتي تقوم بغناءه معه، فستمعت لاكثر من دويتو، وقد استقرت علي واحدا منهم، وعزمت ان تقوم بغناءه في فرح د هادي، فامسكت فونها وتحدث اليه مردده،،،

- مساء الخير ياعادل، اسفه لو كنت ازعجتك

عادل : مساء الخير يانور، مفيش ازعاج ولا حاجه امري

نور بنبره حماس تقول،،،

انا اخترت دويتو شاديه مع فريد الاطرش، وهنغنيه في البومي، وفي فرح دكتور هادي، ايه رايك

عادل بنبره اعجاب،،

هو فعلا جميل اوي يانور، بس تفتكري هيكون مناسب في الفرح

نور بحماس،،،

ايوة طبعا، انت ناسي الفيلم غنوه قبل جوازهم، والله هيبقي جميل، خصوصا اننا هنغنيه بطريقه فكاهيه، انت بس وافق

عادل بعدم اقتناع ولكنه وافقها،،،

برغم اني مش مقتنع، بس معاكي يانور، انتي حافظه الاغنيه واللحن

نور بتاكيد،،،

طبعا عن ظهر قلب، وانت

عادل؛ انا حافظ كل اللي في الفلاشه ومستعد لاي دويتو تختارينه، برغم اني كنت افضل واحد تاني

نور بتساؤل؛ تقصد اي واحد؟

عادل :شاديه وعبد الحليم، حاجه غريبه

نور تسرح في اسم الدويتو، فقد تمنت ان تغنيه مع حببها وليس هو، فصمتت قليلا، ثم هتفت بحزن ،،،

- بلاش ده بالذات ياعادل، عشان لو غنيته، لازم يكون طالعه الكلمات من قلبي، ومش هقدر اغنيها غير لشخص واحد بس

عادل بنبرة حزن لما تسببه لها،،،

انا اسف يانور، بجد اسف

نور محاوله تغيير الكلام؛ بقولك ايه، اجهز عشان الدويتو هيكون مفاجأة الفرح، اشوفك يوم الخميس، سلام

عادل؛ باذن الله، سلام يانور

وتغلق معه، لتجلس علي اريكتها، وتستند راسها وتفكر فيه، ولتسرح بخيالها، فيخطر علي بالها ان تكتب هذه الخاطره علي صفحتها في الفيس بوك،،،

كنت حلم لى اراك في احلامى... وحين تحقق الحلم واصبحت ملكا لك وعدتنى انى اكون حبيبتك ..وعشيقتك ..ان تكون سندي في الحياة.... الا تجرحني في يومِِ من الايام، وان يداك هى التى تجفف لى دموعى، وليس هى الايدى التى تسببت في الآمى وأوجاعى...فأين وعودك وحبك ؟...لماذا خالفت كل الوعود،،، هل تبخرت مع الزمان !!! لا اعيب عليك يا زمن فالانسان مننا هو الذى يتغير وليس انت فأنت برئ..فكفى لقد اكتفيت منك يا ألم

وثم تضغط علي كلمه نشر، ثم تغلق هاتفها،،

فيستمع ايهاب لرنه اشعار جديد، فيفتح هاتفه ويقرا خاطرتها بكل حزن والم، ويضغط علي اموشن حزين ويعلق لها كاتبا،،،

كنتي ومازلتي نبض قلبي، الا يكفيكي بعاد، رجعت حزين مشتاق، طالب منك في يوم السماح، ردي لي قلبي المعذب، فقد ذاب من شدة ألم الفراق،،،،، ثم ضغط شير

فوصل لها تعليقه، فقامت بفتحه، وقراته جيدا، مرة واثنان وعشرة، فقلبها يرق، ولكن عقلها ينتصر، فقامت بالغاء تعليقه، وابتسمت بانتصار

لاحظ انها حذفت التعليق، فغضب بشده، وررد في نفسه،،،

ماشي يانور لما اشوف اخرتها ايه معاكي، انا وانتي والزمن طويل، وعمري ما هيأس ابدا، ثم اغلق هاتفها، وقرر ان يتصل بمحل زهور مشهور، واملي عليه عنوانها، وبعض الكلمات الرقيقه علي الكارت، ثم اغلق، وظل يفكر في رد فعلها

#عذبني حبگ بقلم إيمووو كمال

مازالت نانسي تحاول استجماع عافيتها، بمساعده عشيقها أدم، فقد كان نعم الحبيب المتفاني في خدمة محبوبته، فكان ملازمها طول الوقت، يساعدها في كل شئ تحتاج اليه، وكانت برغم الآم جسدها، فقد كانت سعيده بقربه لها، متناسيه اي ألم جسماني، فنعمه الحب تجعلنا نتحمل كل شئ، مادام بجوارنا من يشفق علينا، ويهون الآمنا،، فنظر اليها ادم متسائلا،،

- ممكن اعرف حبيبي سرحان في ايه؟

نانسي تنظر له نظرة حب وهي ممسكه بيده؛ تصدقني لو قولتلك اني سرحانه فيك انت!

أدم ببتسامه ساحرة تخطف قلبها،،،

فيا انا، وانا هنا جنبك، طب ازاي بقي

نانسي علي وضعها،،

سرحت في حبك ليا، واهتمامك اللي مغرقني بيه، معاك نسيت، او تناسيت الامي، ووجع جسمي، مش فاكره غير انك جنبي وبتخفف عني، مش شايفه قدامي غير حبك وحنانك، انت كتير عليا اوووي والله يا ادم كل اللي بتعمله عشاني ده، انت حتي مش بتخلي ماما وبابا يساعدوك في اي حاجه، ومشتهم وبيجوا شويه ويمشوا، انت بجد ازاي كده

أدم يضع يده علي وجنتيها وينظر لها بكل الحب والشوق الذي بداخله، ويقول،،

- عشان قلبي بيحبك، يانور عيوني، عشان عمري لا شوفت ولا هشوف غير عيونك الحلوه دي، انتي كنتي حلم حياتي، وضاع مني سنين طويله، وماصدقت انه رجعلي من تاني، ومش هسمح انه يضيع مني ياناسي ابدا، همسك بيه بإيدي وسناني ياحب عمري، اللي عايش بس عشان اعوضك واسعدك

نانسي تنظر له وتدمع مقلتيها، وتقول له بكل احساس صادق،،،،،

انا بحبك اوي يا دوومي، عمري لا قولتها ليك ولا لغيرك، بس كنت بكابر بيني وبين نفسي، بس خلاص، مش قادره اكتمها لحد دلوقتي

انا فعلا مش بحبك وبس، انا تخطيت مرحله حبك دي بمراحل اوي، وصلت للعشق يا ادم،، انا بعشقك اووي يا ابن عمي

وفي هذه اللحظه يضمها ادم بكل حب وشوقه لها منذ سنين، ويدس وجه بين خصيلات شعرها، ليستنشق عبيرها، فتشتد باحتضانه ممسكه اياه بيديها السليمه، اكثر منه لتذوب بين احضانه، فيهمس لها في اذنيها مرددا،،،

- ربنا يصبرني عليكي، وشهور العده تخلص يا انوس، مش هستني يوم واحد تاني، هاخدك وعلي المأذون علي طول

نانسي بخجل من تلميحاته،،،،

ربنا يعدي الايام يا ادم، انت صبرت كتير هانت ياحبيبي

وادم ويبعد عنها ليغمز لها بعينه،،،

هانت ياجميل، وساعتها محدش هيحوشك عني ابدا، بحبك اووي يا نانسي

نانسي بابتسامه ساحرة،،

وانا بمووت فيك حبيبي

#عذبني حبگ بقلم إيمووو كمال

في منزل نور تجلس في غرفتها، واضعه سماعات في اذنيها تستمع لبعض اغانيها المحببه، واذا يدخل والدتها عليها وهي ممسكه ببوكيه ورد لونه احمر كبير الحجم، فتقدمه لها، فتتعجب نور وتسألها،،

- ايه البوكيه الحلو ده، مين اللي بعته ياماما؟

سميه تنظر لما بين يديها ببتسامه، ثم تردد قائله،،،

شوفي انتي وفكري مين المتيم اللي هيبعته، شوفي الكارت

تمسك نور الورد ودقات قلبها تزايد، حتي وجدت الكارت، وقرأت الكلمات،،،،

"الف حمدلله علي سلامه اجمل نور نورت دنيتي، اللي كانت ظلمه طول ماهي غايبه عني،، معشوقك المعذب في بعادك إيهاب"

تقرأها نور اكثر من مرة، ثم تنظر الي والدتها، وتعطيها اياه، لتقوم بوضعه في الفاز، وهي تحتفظ بالكارت، بعد ان قامت بتصوير البوكيه لتحتفظ به في هاتفها، فقد جعلته صورة لبروفايلها في الواتس والفيس، فنظرت لها والدتها قائله،،،

- يانور يابنتي، سامحيه بقي، الراجل تعب من كتر ما بيحاول معاكي، ربنا بيسامح انتي ليه مش عايزة تسامحي

نور بحزن، تقول،،،،

عشان لسه مجروحه اوي منه يا امي، لازم اداوي جرحي الاول، وبعدين اتأكد من حبه، وانه مهما يحصل لازم يثق فيا اكتر من كده

سميه بتنهيده تقول،،،

خلاص ياحببتي، اعملي اللي يريحك، وربنا يعينك يا ايهاب وتصبر

نور بضحك،.

انتي بتدعيله هو ياماما، ده انا اللي بنتك مش هو

سميه بزعل،،،

عشان بنتي قلبها قاسي اوي، ومش عايزة تريح قلبه، وقلبها

نور محاوله ترتضيها،،،

معلش يا ماما، لسه ربنا مأذنش، وكل شئ بأوانه

ويمر يومان ليأتي يوم فرح هادي ونسمته، فدلف الي عروسه في مركز التجميل ممسكا بيده بوكيه ورد جميل، فيدخل ويجدها منتظراه، وناظره للخلف، فيتوجه امامها واذا به يتفاجا انه يقف امام بدر البدور تقف امامه باروع فستان في اجمل ليله في عمرهم، فتتفاجأ نسمة بانه يتقدم منها وبوكيه الورد سقط منه وقام بأحتضانها بشده بكل حب ويطبع قبلته الاولي ويتوه في شهدها، فتخجل في بدايه الامر ثم تتجاوب معه، فبتعد عنها،بعد فتره ثم هتف في اذنها،،،

- الف مبروك ياعمري، الله اكبر، قمر يانسمتي، اسف مقدرتش اتمالك نفسي، وعدت نفسي اني ملمسكيش غير وانتي علي ذمتي، وماصدقت ياعمري، انا مش قادر اصدق ان القمر ده بقي ملكي انا

نسمة بكسوف تنظر له،،،

الله يبارك فيك حبيبي، اخيرا ياقلبي ربنا حقق مرادي، وتم حلاله وبركاته علينا

ينحني لياخذ بوكيه الورد، ويقدمه لها، ثم ينصرف وسط تصفيق وزغاريد الاحباب، ويقوم بفتح سيارته المزينه بالورود، ويجلسها بالخلف، وهو يجلس بجاورها، ومعتز يقود السيارة، وجنته بجواره، ويتوجهون الي قاعة الفرح، فيبدأ مراسم الزفاف بالزفه،، ثم بعد مضي الوقت يتوجهون الي الكوشه، وبعد فترة تتقدم نور بصحبة عادل، فيتعجب هادي وينظر لها نظرة تعجب، فتهمس له، قائلا،،

- هتفهم بعدين، ثم تتوجه الي العروسه وتبارك لها، ثم تبارك للعريس، وتتوجه الي الاستيدج ممسكه بالمايك وتقدم التهنئه للعروسين، تطلب منهم ان يتقدموا اليها، لتغني اول اغانيها،، وهي في قمه الفرح والسرور لهم مردده،،،

غَنَّوْا وَبَلُوا الشُرَبات وَأَفْرَحُوا دا العُمْر ساعات

زَغْرَطُوا وَأَرْقَصُوا يلا عقبال عندكو يا بَنات

عَيَّشنا بنتمنى الفَرْحَة وَحَلَمنا سَنَّينَ وَسِنِيْنَ

ياما بِفُسْتان وَبِطَرْحَة وَدَعِينا وَقَوْلنا آمِين

……………………….

واهو ربنا عوض صبرنا خير والدور جه علينا يا بنات

بعد ما كنا هنتجنن م الوقفة قدام المرايات

ويارب يعدلهالكو تفرحوا فرحتي يا بنات

……………………….

مبروك عليا كدا مية مية

عريسي خلاص جمبي في عش الزوجية

عيلتة بقت عيلتي مامته بقت مامتي

سمعونى زغروطة رقصوني شوية

……………………….

مَبْرُوك عَلِيّا كَدّاً مية مية

عَرِيسَيْ خَلاص جمبي ڤِي عُشّ الزَوْجِيَّة

عَيَّلتُهُ بِقَتّ عيلتي مامتة بِقَتّ مامتي

سَمِعُونِي سَمَّعُونِي زغروطة يلا انتي وهية

ظلوا يرقصون في بهجة وسعاده، فقد جعلت الجميع يرقص ويتفاعل معها، وظل العرسان يرقصون حتى انتهت من اغنياتها، ثم ذهب العرسان الي الكوشه وتقدم عادل اليها ممسكا بمايك وقدم المباركه للعرسان، ثم بدأ مع نور في مفاجأتهم لهم، كل هذا واكثر تحت انظار ايهاب، الذي يتحامل علي نفسه حتي لا يفقد اعصابه، فيلاحظ صديقه، ويحسه علي التماسك، حتي بدات نور بكل براعه وخفة دم غناء هذا الدويتو بينها وبين عادل، بدلع وصوت عذب مردده

نور :ياسلام على حبي وحبك وعد ومكتوب لي أحبك

ولا نامش الليل من حبك يا سلام على حبي وحبك

عادل : يا سلام على حبي وحبك ده ماكان على بالي أحبك

ولا نامش الليل من حبك ياسلام على حبي وحبك

نور : يا حبيبي هواك جنني والشوق ملاني جراح

وحياتك تبعد عني وتسيبني عشان ارتاح

عادل : وأنا يعني ماسك فيكي ؟ ماهو قلبي المشغول بيكي

نور : حبك سهرنيييي

عادل : أنا زيك برضه

نور : ربي يصبرني

عادل : ايوه أنا فى عرضه

نور : اعذرني لاني بحبك مابنامش الليل من حبك

ياسلام على حبي وحبك وعد ومكتوب لي احبك

عادل : مش ممكن اعيش من بعدك ده خيالك جنبي ليلاتي

و بقول لو ربنا ياخدك كنت اعمل ايه ياحياتي

نور : انشالله انت يا حبيبي ياهنايا وكل نصيبي

حاولّع فى روحي ياقلبي وعنيي

عادل : لا اوعى ياروحي ده واجب علي (يخرج من جيبه ولاعه ويقوم بأشعالها)
فيضحك جميع الحضور

نور : من ساعة قلبي ما حبك

ما بنامش الليل من حبك

يا سلام على حبي وحبك

حبيتني صحيح

عادل: اومال

نور : أتاريني بقيت فرحانة

عادل : عقبال كل العزال يتهنوا زي هنانا

نور : شوف وشّـي اصفـرّ ازاي من حبك
(تشاور علي وجهها بكل دلع)

عادل: شوفي جفني احمـرّ ازاي من حبك
( يشاور علي جفونه)
نور : حتعيش ياروحي معايا دانت حياتي ودنيتي

كفاية حب كفاية أحسن يضر بصحتي

وتنتهي من ادائها، ثم يتوجهون الي العرسان مباركين لهم، فينظر لها هادي مرددا،،

- بجد مش قادر اوصفلك سعادتي، شكرا ليكي اووي يانور، علي احياءك للفرح

نور ببتسامه رقيقه، تقول،،،،

متشكرنيش يادكتور، انا اللي مفروض اشكرك علي تعبك ووقوفك معايا، ومهما عملت مش هيوفي ابدا تعبك، الف مبروك

هادي؛ الله يبارك فيكي، اوعي تمشي، خليكي عاقده شويه كمان

نور؛ حاضر، عن اذنك

ثم يوجه هادي كل الشكر والتقدير لعادل علي مشاركته الغناء مع نور

يتقدم ايهاب الي الاستيدج، ليقدم اولي اغانيه في الفرح وهي موجهه خصيصا لها تقول كلامتها،،،

وبحبك وحشتي .بحبك وانتي نور عيني

"وهنا يشاور عليها باصبعه السبابة"

دا وانتي مطلعه عيني . بحبك موت

لفيت قد ايه لفيت . مالقيت غير فحضنك بيت
وبقول لك انا حنيت . بعلو الصوت...

وكان الوقت فبعدك واقف مابيمشيش
وكانك كنتي معاي بعدتي ومابعدتيش...
فى دمى حبيبتى وامى وزى ماكون . ببتدى اعيش

بعدت وكنت هاعمل ايه . مين يختار غربته بايديه

لاكن حبك دا مانسيتهوش وعاش فيا
ليه حاتاسف على الغيبه . ماغبتيش لحظه وقريبه

محدش عنده كده طيبه . وحنيه
وكان الوقت فبعدك واقف مابيمشيش
وكانك كنتي معاي بعدتي ومابعدتيش
فى دمى حبيبتى وامى وزى ماكون . ببتدى اعيش

وبحبك وحشتي .بحبك يانور عيني
دا وانتي مطلعه عيني . بحبك موت

كانت تسمع له وتسرح في كل حرف ينطق به، ولا تشعر بانفاسها المتصاعده، ودموع الحنين تجرفها اليه، فنهضت وركضت مسرعه بدون ان تنتظر عادل الذي لم يلحق بها، فستقلت سيارتها، وهربت من مواجهته، حتي لا تسمع باقي اغانيه، فسرعت بسيارتها غير مدركه الي اين تذهب حتي اوصلتها سيارتها الي.....

والي هنا تنتهى احداثنا الى هذا الحد لنتعرف غدا اين وصلت نور، وما المكان الذي قادتها اليه سيارتها؟ كل هذا وأكثر في روايتي المتواضعة

"عذبني حبگ"
إيمووو كمال ✍️

ملحوظة الخواطر من تأليفي ، وموجوده في صفحتي في الواتباد والفيس باسم
#خواطر إيمووو

عارفه ان الحلقه بها جزء كبير من الاغاني لكن الحلقات الجايه هتكون اطول، ورجاء وليس امر قراءة الاغاني لاني تعبت في اختيارها جدا للتتماشي مع الموقف والحدث الدرامي مش حطاها لمجرد املي احداث انما لهدف اعايش القارئ اكتر في احداث روايتي، والفتره الجايه إيهاب هيستغل انه مطرب ويغنلها كتير ويتواصل معاها في السوشال ميديا

الفصل الثامن والعشرون

وبحبك وحشتي .بحبك يانور عيني
دا وانتي مطلعه عيني . بحبك موت

كانت تسمع له وتسرح في كل حرف ينطق به، ولا تشعر بانفاسها المتصاعده، ودموع الحنين تجرفها اليه، فنهضت وركضت مسرعه بدون ان تنتظر عادل الذي لم يلحق بها، واستقلت سيارتها، وهربت من مواجهته، حتي لا تسمع باقي اغانيه، فسرعت بسيارتها غير مدركه الي اين تذهب حتي اوصلتها الي مكانه المفضل الذي شهد اسعد اوقاتهم سويا، فتوجهت الي مكانهم عند نفس الحائط الذي شهد اثبات حبها له، حين كتبت بدمها حروف اسمه، واعترافها له بعشقها له، فأخذت تتلمسه بأيديها، وهي تبكي بحرقه علي الحب الذي ضاع مرددة،،،

- اااه ياحب عمري اللي اتمنيته واستخسرته الايام عليا، ليه تعمل فينا كده، ليه توصلنا لطريق مسدود يا اغلي من رأت عيني،،، الف ليه وليه،،،، وظلت تبكي، ولم تنتبه الي الذي واقف خلفها وقلبه يتمزق علي حالها، فقترب منها، وامسكها بيده، فاخذها بين احضانه، فأخذت تنهار في البكاء، ونظرت له نظرات بالف معني ومعني، فوصلت اليه، فردد لها قائلا،،،

- اسف ياعمري كله، كنت غبي لما ضيعت اجمل هديه ربنا بعتالي، ارجوكي سامحيني، قلبي كان حاسس انك هتيجي هنا، سبت الفرح وجتلك بكل شوق وحب الدنيا كله،،، ففاقت علي كلماتة، فنظرت له باعين باكيه، فهتفت اليه مردده له بنبره حزينه كلمات هذه الاغنيه بكل ما اوتت من احساس ،،،

أعتذار هى أبسط حاجة عندك أعتذار

بااختصار لسة جوة القلب من جرحك مرار

كل احساسى اختلف... قلبى مش قابل أسف

قلبى رافض رافض لاعتذار

الى لازم يعتذر هو انا... أعتذر عن لحظات الهنا

اعتذر عن حبى ليك اى لحظة خوف عليك

لو هااعيش وياك فى جنة... قلبى راضى يعيش فى نار

مستحيل أفضل اسامح طول حياتى

النهاردة لازم أعلن عن سكاتى

اه بقولك ألف لأ... الحياة دى مش حياتى

لو هااعيش وياك فى جنة.. قلبي راضي يعيش في نار

وتنتهي كلامتها، وتنظر له نظر شديده اللوم والعتاب ثم قالت له بحده،،،،

-خلاص يا ايهاب، اللي بينا خلاص، راح وانتهي، بلاش تحاول ترجع الماضي بكل اساه، انا قلبي قفلته عليك، وعمره ما هيفتح تاني لا ليك ولا لغيرك،،، الفراق اكتب علينا ومش هنقدر نهرب منه

ايهاب يقترب منها وفي عينيه كل الحب والاعتذار، رد عليها بنبرة صوت مخنوقه،،،

- لا يانور انتي اللي حكمتي بالفراق ده، انا رجعت ندمان وببكي بدل الدموع دم، اعمل ايه تاني عشان تغفري وتسامحي وترحمي، حرام عليكي ياشيخه، ده ربنا بيسامح، ليه مش راضيه تسامحيني

نور بحده وبكاء،،

عشان مش بالبساطة دي امحي شهور عذاب وألم اتعذبتهم، مجرد ما تجي اقولك خلاص نسيت وارجع عادي معاك، لا يا ايهاب اللي شوفته منك محدش شافه، لو كنت انا اللي عملت فيك كده كنت هتسامح بسهوله، "يصمت ولا يجد رد" رد كنت هتسامح بعد كل رحله العلاج والادويه والمعاناه،، ارد انا،،، لا مكنتش هتغفر يا ايهاب، عارف ليه؟
عشان علي اد حبك ليا هيكون اد الالم والعذاب، وانت كان حبك كبير اوي، عشان كده الالم كبير اووووي يا ايهاب

ايهاب ينظر لها ويزفر تنهيده تحرق الكون بأكمله، ثم يقول،،،

- وانا هصبر يانوري، لحد ما تشفي كل الالمك، هصبر لحد اخر نفس فيا، لانك انتي الهوا اللي بتنفسه، وعمر قلبي ما هيبطل يحبك، ويستناكي ياعمري

نور تنظر له بشوق وتتمني ان تركض اليه وتعانقه وتبدأ معه من جديد، لكن هناك شيئا سدا منيعا بينهم لا تستطيع العبور له، وتودعه بدموع وتنصرف عنه، وتتوجه إلى منزلها

#عذبني حبگ بقلم إيمووو كمال

نعود الي هادي ونسمته، الذين يقضون اسعد اوقاتهم، ويرقصون سويا، فقد كانت السعادة واضحه للجميع، وكان من يراقبهم بحب، فردد معتز لجنته قائلا،،

- هو انا قولتلك انك النهاردة انتي زي القمر في تمامه ، عقبالنا يا اجمل جنة دخلتها على الارض

جنة تنظر له بحب وخجل،،،،

لا مقولتش

معتز بضحك،،،

ابقي حمار ومش بفهم

جنة بضحكه سحرته، وبدلع قالت،،،

لو سمحت متشتمش جوزي حبيبي تاني

معتز بترجي،،،

وحياة امك الغاليه طنط ليلي قوليها تاتي

جنة مازالت تضحك عليه،،،

هي اية دي اللي اقولها تاتي؟

معتز بهيام،،،

جوزي حبيبي، احلي كلمه سمعتها منك

جنة بحب وبنبرة عشق،،،،

جوزي وحبيبي وروح قلبي كمان

معتز بصوت عالي بشد الانتباه،،،،

يادين النبي ياوعدي عليكي، بحبك ياجنتي

جنة مش قادرة تتمالك نفسها من جنونه،،،

اهدي يامجنون الناس بتتفرج علينا

معتز بعدم صبر،،

اعمل ايه ياجنتي، حبك جنني يابنت الايه، تعالي نقوم ترقص مع هادي

ويأخذها من يديها ويرقصون بحب وعشق على أنغام الموسيقي الهاديه، مردد

- عقبال فرحنا ياجنتي

جنة مستنده براسها علي كتفه، ثم ترد عليه بحب مردده،،،

يارب ياقلبي، بس انا مش هكلف فرح كده، احنا نسهر في اي مكان مع اقرب الناس لينا، وبعدين المصاريف اللي هنصرفها في الفرح، نسافر في اي مكان نقضي اسبوع عسل، انا نفسي اروح شرم اوي، واعمل ديفينج واشوف الشعب المرجانيه

معتز باعتراض،،،

طب نعمل فرح ونسافر برضو، ايه المشكله

جنة تنظر له وهي واضعه يديها حول عنقه وتتمايل معه راقصه تقول،،،

- انا مش عايزة اكلف عليك ياحبيبي، انت واضح انك مصرف اوي، وانا مش بحب كده

احنا اولي باي قرش يكون زياده، انا عندنا مصاريف كتير، وباذن الله هيكون عندنا اولاد، انا نفسي اجيب عيال كتير ويارب يكونوا كلهم شبهك كده، وواخدين حنيتك ياعمري

معتز بنظرة فخر لها،،،

انا اللي نفسي يكونوا بنات، وشبهك انتي ياحبي اللي ربنا قسمه ليا بعد طول حرمان

جنة بحب مقتربه منه وهي في حضنه هامسه له؛؛

انسي الماضي ياحبيبي، وابدأ معايا انا، وبلاش تفكر ولا تقارن بينا

معتز بحزن،،،

للاسف اللي عشته صعب يتنسي، ومفيش اي مقارنه ياجنتي، لانك بكل بساطه انتي الكسبانه في كل حاجه ياقلبي، ارقصي ارقصي وانتي زي القمر بالفستان ده، انا لو اعرف انك هتكوني قمر كده مكنتش خليتك تلبسيه غير ليا وبس

جنة تشد في احضانه اكثر وتقول بحبك اوي ياميزو

معتز يضمها ويردد،،

انا اكتر ياروح وقلب ميزو

وتنتهي الرقصة ويعود الجميع الي اماكنهم، وينظر معتز لوالدة جنه فيردد لها قائلا،،،

-بكرة باذن الله ياطنط كنت عايز اعدي علي حضرتك عشان تشوفي الشقه اللي اخترتها جنة وياريت مصطفي يستني عشان يشوفها، انا خلصت فيها وكتبت العقد امبارح

جنة بلوم،،

كده تكتبها من غير ما تقولي يامعتز، احنا مش اتفقنا تكتبه سوا

معتز ينظر لها بعشق ثم يردد،،

كنت عايز اعملها مفاجأة، وعندي ليكي مفاجأة يارب تعجبك بكره هتشوفيها

مصطفى بفرحه يقول،،،

ربنا يسعدكم ومبروك يامعتز، وهتفرشها امتي

معتز بجديه،،،

انا بصراحه بعد ما حمايا السابق اداني حق الفرش بتاع شقتي القديمه، يفرش الحمد لله جزء كبير من الشقه، ويعمل ديكورات جبس بورد حلوة

مصطفى بتفهم ويرد بثقه،،

احنا مش هنكلفك فوق طاقتك يامعتز يا اخويا، افرش اللي تقدر عليه، والباقي نجيبه احنا، انا هجبلها غرفه المعيشة، والاطفال، بالاضافه الي حاجات المطبخ، وربنا يعين

معتز بنظرة شكر يرد،،

معلش يامصطفي مع احترامي وتقديري لك، انا حابب اجيب كل حاجه بنفسي، افرش بيتي من عرق جبيني، واللي هقدر عليه هجيبه، واللي مش هقدر عليه استني واشتريه

جنة بنظرة تقدير له تقول،،،

خلاص يا معتز احنا لازم نشارك بعض، مفيهاش حاجه

معتز بنظرة حده بعد الشئ،،،

لو سمحت ياجنة، ده مبدأ عندي، دي شقتك وانا لو عليا افرشهالك كلها دهب، فسبيني استمتع وانا بفرشهالك زي ما انتي عايزه

ليلي تنظر له اثناء حديثه وتحمد ربنا انه رزق ابنتها الوحيده بزوج مثالي محترم مثله، ثم تحدثت مردده،،،

- خلاص يامصطفي يا ابني، سيبه يعمل اللي هو عايزة، واحنا يابني، تاكد اننا شارينك لابعد حد ممكن تتخيله، ومش هنكلفك فوق طاقتك، وبكره مصطفى مش هيسافر غير لما يجي معانا، ولا ايه يامصطفي

مصطفى ينظر لها ويقول،،،

طبعا يا امي، وربنا يسترها ومراتي متعملهاش وتولد

هادي ينظر لنسمته وهو محتضن يداها،،

هو الفرح طول ليه كده، مش البوفيه اتفتح والناس اكلت وحلت ما يالا بينا بقي يانسمه

نسمه بكسوف،،،

استني شويه كمان والنبي ياهادي

هادي بنفاذ صبر،،،

طب هستني نص ساعه كمان وبعدين هشطبه، انا عايز اروح بقي

نسمه بحب، تقول،،،

اللي تشوفه ياحبي

هادي بنظرة عشق،،

انا بقول يالا بينا وهما يكملوا الفرح زي ما هما عايزين

وينتهي الفرح علي خير، ويذهب العروسان الي عشهم ليبدأوا اول لحظات حبهم، فيدلف الي غرفه نومهم، ويغلق الباب بقدميه، وينظر الي نسمته فيجدها تجلس علي الفراش وتفرك بايديها من التوتر والخوف، فاقترب منها ممسك يديها لتنهض وتقف امامه فهمس لها مرددا،،،

- الف مبرووك عليا يا اجمل نسمه في حياتي، نورتي بيتك يا اجمل عروسه،
فتنظر اليه نظرة خجل وكسوف، وهي ترتجف منه، فتقول،،

-الله يبارك فيك حبيبي

هادي يتعجب منها،،

انتى ليه بترتجفي كده، انتي خايفه مني، انا عمري ما هأذيكي ياقلبي ابدا، ويقترب منها ليخذها في حضنه ليشعرها بالأمان والطمأنينة، فتذوب بين احضانه، وتبادله الحب والعشق، فما اجمل عشق الحلال حين يكون في رضاء الله، فيهمس لها مرددا،،

- ادخلي غيري الفستان في التوليت، وانا هخرج اغير في التوليت الكبير، واتوضي عشان نصلي ركعتين لله

نسمه اومأت بالموافقه، وتوجهت بالداخل واخذت معها اسدالها وملابس النوم، وتناولت حماما دافئ لعله ينعش جسدها، ويزيل توترها، وبعد مضي فترة، خرجت له وقام بها ليصلي، ثم قال حديثه، واقترب منها ليغمرها بقبلاته العديده في كل أنحاء وجهها، ويده تعبث بمنحنيات جسدها، فهي تعرف طريقها، ثم قام بازالة اسدالها فتفجأ بأجمل من رات عينه انت ترتدي قميصا بلون الروز يبرز رشاقة وجمال جسدها، فلاحظت نظرته فاحمرت وجنتيها ونظرت لاسفل، فقام برفع راسها بيده وقبل شفتاها والتهمها في اول قبله له، ولم يتركها حتي استشعر بحاجتها للتنفس، ثم رفعها بين يده، ووضعها علي الفراش، ليبث لها شوقه وحبه الشديد لها،لتكون زوجتة امام الله،، وسكت شهرزاد عن الحديث الغير مباح

#عذبني حبگ بقلم إيمووو

تجلس نور بغرفتها تفكر فيما حدث، وبداخلها صراع نفسي كبير، فقلبها يحن ويرق له وعقلها رافض بشده، فأمسكت حاسبها الالكتروني وكتبت خاطرتها،،

القلب: امازلتى تريدين رؤياه يا ايتها العين الحزينة

العين:لا اريد رؤية من ابكانى وجع قلبك، ايها القلب الجريح ،فقد سقط القناع وسقط ايضا من نظرى..وأنت امازلت يدق قلبك بأسمه

القلب:لا اعلم اوقاتا اتذكر له اياما ولحظات سريعة مر سويا ،وايضا اتذكر كم وجعنى وابكاك يا صديقتى

العقل:هل مازالت ابلاه يا ايها القلب الحزين ..هل نسيت كلامه لك ..هل نسيت قسوة معك الى متى سوف تكون بهذه الطريقة

القلب:انا لست ابلاه ولكن انا قلب عشق، من زمن وباقى على السنين

العقل:ولماذا هو لم يبقى ؟لماذا هو استحال وجعك واباكى ياعين

العين:لقد تعودت على ظلمه يا صديقى

القلب:وانا ايضا تعودت على مسامحته ...ولكن الى متى سأظل اسامح

العقل:لا دخل لى بكما انتما لا تمسلانى بشئ فأنا واقعى ولا اسامح ولا اغفر، لمن هدر كرامتى من هونت عليه هان عليا

القلب والعين:نحن نغار منك يا ايها العقل فأنت اتخذت قرارك سريعا وعارف طريقك ...اما نحن فمازلنا في حيرتنا ياليت كنا في عقلك ورجاحة تفكيرك.

ثم تغلق حاسبها وتردد،،

-فعلا انت مرتاح ياعقلي، ياريتك ياقلبي تتعلم منه

يدق هاتفه بوصول رساله فيس، فيفتحه فورا ويتمني ان تكون منها فيجد خاطرتها الجديده، فيقرأها اكتر من مرة، فيرد عليها كاتبا،،

اسمعي كلام نبض قلبك، فالقلب لا يخطأ، واذا اخطأ في يوم، فلا يكررها مرة اخري، سامحي يانوري، قلبي يناديكي فرأفي بحاله

رن الاشعار فقرأته، وهي تردد بداخلها،، صعب اصدق قلبي واطاوعه تاني، فكتفت باموشن حزين😥

وحاولت ان تنام، ولكن لا ينام الا من خالي البال، وبعد فترة استسلمت للنوم

#عذبني حبگ بقلم إيمووو

استيقظ هادي، واخذ حمامه، وقام بتحضير الفطار لعروسه، وجلس بجوارها يتأملها بحب، ويده تمر علي وجنتيها، فتململت نسمه، وفتحت عيونها علي ابتسامته فبتسمت له مردده،،،

-صباح الخير ياقلبي

هادي يضبع قبله على شفتاها،، صباحيه مباركه ياعروسه، صباح الفل علي عيونك، ومن هنا ورايح مفيش صباح الخير حاف كده من غير بوسة ابدا بيها يومي، مفهوم، "قالها بغمزة من عيونه"

نسمه بكسوف،،، مفهوم

هادي؛ طب ايه، فين بوسة اول صباح بقي

نسمه تقترب منه وتضبع قبله علي وجنتيه، فيلف وجه لتصبح علي شفتيه فيغوص في حبها مره اخري منتسيين العالم باكمله

#عذبني حبگ بقلم إيمووو كمال

يدلف معتز الي منزل خال جنة، فتستقبله جنه بالترحيب، ويقول لها مرددا،،،

-جاهزين ولا لسه؟

تتوجه والدتها وترد عليه،،

- يابني انت علي طول كده مستعجل، ادخل الاول اشرب حاجه وبعدين ننزل

معتز معتذر،،،

معلش ياطنط عشان بس نلحق، عشان ورايا شغل بعد الظهر

سمير؛ ازيك يابني عامل ايه؟ انت مش هتيجي معانا نزور هادي ونسمه

معتز؛ الوقت لسه بدري، ممكن نخلص مشوارنا ونعدي عليهم ولا ايه رايك ياطنط

ليلي بتفكير ؛ كده افضل برضو، استني شويه ياسمير وبعدين روحلها، زمانها نايمه

اميرة تنظر لزوجها وتقول،،،

اه ياسمير، بلاش نزعجهم، دول لسه عرايس، بصي ياليلي انتوا لما تخلصوا مشواركوا تعالوا علي هنا نتغدي وننزل كلنا، ده احسن حل

ليلي تنظر بموافقه،، خلاص اتفقنا ياحببتي

مصطفى بنظرة اعتذار يقول،،،،

- بس سامحيني يا طنط انا يادوب هخلص مشوار جنه وهسافر لحسن الهام كانت تعبانه اوي امبارح ومحتجاني جنبها، شكلها قربت اوي

اميرة بنظرة قلق،،،،،

ربنا يطمنك عليها يابني، ويفرحك يارب بسلامتها

مصطفى بنظرة قلق وخوف قال،،،

يارب ياطنط، وينظر لمعتز ويقول،، يالا بينا عشان نلحق نخلص مشورنا واسافر

معتز ممسك بيد زوجتة ويقول،،،

يالا هاتي شنطتك عشان متاخرش ياجنتي

ويتوجهوا ويستقلوا السياره، متوجهين الي شقتهم وبعد مضي بعض الوقت وصلوا، وصعدوا بالمصعد اليها،،

- وفتح معتز الباب فتتفاجأ الام والاخ بجمال الشقه، ثم اقترب معتز من اخيها وأخرج من جيبه عقد الشقه واعطاه اياه قائلا،،،

- اتفضل يامصطفى عقد شقه نسمه، ويتوجه بنظره اليها،ثم يكمل، انا كتبت الشقه باسمها، دليلا علي حبي وتمسكي بيها، فيقرأه مصطفي ثم يرد،،،

- ليه كده يامعتز، احنا مطلبناش منك يا ابن الناس حاجه زي دي، انا سلمتلك اختي حته مني هبص لشقه باسمها، احنا اشترينا راجل يامعتز، وانا واثق انك هتشلها في عينك، انا اه كنت رافض في الاول تسرعك بس شوفت بعيني حبك وخوفك عليها، وده كفايه

جنة تنظر له بغضب وزعل مردده،،،

ليه يامعتز عملت كده، هي دي المفاجأه اللي قولتلي عليها، عشان كده مردتش تاخدني وانت بتكتب العقد، عشان عارف وواثق اني هرفض، مش كده

معتز اومأ راسه بالموافقه،،،

- اه يا جنتي، انا كنت متأكد انك مش هترضي، لو سمحت وافقي ومتكسريش فرحتي انا لو عليا اقدملَك روحي بين ايديك ياجنتي

جنة بلوم وعتاب تقول،،،،

انت ليه مش عايز تفهمني يامعتز، ليه فاكرني زيها، انا عمري ما هطمع فيك ولا هطالبك بحاجه فوق طاقتك ياحبيبي، ليه مش عاير تعرف كده، مش عشان عشت تجربه قاسيه تبقي كل البنات تفكرهم كده

يظل معتز صامتاََ

ليلي تنظر لجنة مردده بنبره غضب،،،،

كفايه لحد كده ياجنة، انتي بتلوميه علي حبه وتقديره ليكي يابنتي، بدل ما تفرحي وتقوليله كلمه حلوه، واقفه بتلومي عليه وتديله محاضره، اخس عليكي ياجنة، الراجل بيحبك وحب يفرحك يكون ده جزاءه، ثم تنظر اليه وتكمل حديثها، شكرا يابني هديتك مقبوله، وحبك لبنتي علي راسي انا، ومتزعلش من جنة، هي بس حساسه شويه، والله يابني طول عمرها كده، حتي كانت مش بترضي تكلفنا باي طلبات، طول عمرها بترضي بالقليل


معتز ينظر لها ويقترب منها ممسكا بيديها ويطبع قبله عليهم مرددا،،،

- انا عمري ما ازعل من جنتي ابدا، وانا صدقيني ياحببتي مش بقارن بينكم ابدا، انا كتبتها من حبي ليكي والله، واتمني انك تكوني فرحانه بيها زي

جنة بشكر وامتنان،،

اكيد فرحانه، مش عشان كتبتها بأسمي،، لا انما عشان هتجمعنا ببعض ياحبيبي

معتز بحب،،،

ربنا يباركلي فيكي يارب، ويجعلك الزوجه الصالحه ويرزقني خبرك يارب

الام والاخ مرددين،، امين يارب

ويستمروا في مشاهده الشقه التي تنال رضاهم، ثم ينصرفوا الي منزل الخال لتناول الغداء، ويستقل الاخ مودعهم ليسافر لزوجته إلهام، ويمضي الوقت ثم ينهضوا ليتوجهوا الي العرائس ليطمئنوا عليهم، وبعد مضي نص ساعه وصلوا اليهم، وصعدوا ثم طرقوا الباب ففتح لهم هادي، ورحب بهم جميعاََ، فتهاتفه معتز مرددا،.،،،

- حبيبي يادكتره، وشك منور يا احلي عريس، ثم يهمس له، رفعت راسنا ولا ايه؟ ههههه

هادي ينظر له بغيظ ويضربه بكتفه،،

اتلم يامعتز احسلك، لك يوم ماشي

تسأل الام عن ابنتها، واذا بها تأتي وهي بكامل زينتها مرتديه عباءة استقبال غاية في الجمال والروعة، محتضنها بكل حب، فهمست الام في اذنيها بصوتاََ هامسا يكاد لا يسمع،،،

- طمنيني

نسمه تنظر في الارض مبتسمه في خجل، ثم نظرت لها نظرة بمعني هي تفهمها جيدا، ففرحت الام وباركت لها، ثم سلمت علي والدها مقبله يداه، وثم باقي الاسرة،
ثم ذهبت لتقدم لهم عصيرا، وتوجهت لها جنة متسائله لها،

- طمنيني والنبي ياجنة، ايه الاخبار، الجواز حلو ولا؟

نسمه بخجل تقول،،،

هو انا لحقت ياجنة

جنة تضربها ضربه خفيفة علي وجنتيها، بنت خالي انتي فهماني كويس، طمنيني بقي لحسن انا مرعوبه

نسمه تقترب منها وترد بكسوف،،

بصي كل اللي اقدر اقوله ان مادام انتوا الاثنين بتحبوا بعض، اي حاجه تانيه هتهون وهتعيشي احلي لحظات حياتك، وهيكون رقيق معاكي لانه خايف عليكي، وخايف ليجرحك او يسبب ليكي اي الم، انتي فهماني

جنة تسرح في حديثها وتردد،،،

اااه فهماكي حببتي، ربنا يسعدك يارب

نسمه تضحك عليها،،،

طب يالا شيلي معايا العصير ياهيمانه انتي

وتتقدم اليهم ويستمر الحديث بينهم فترة، ثم ينصرفوا ويتركوا العرائس سويا

#عذبني حبگ بقلم إيمووو

وتمر الايام والاسابيع، وجاء يوم ازاله الجبس من قدم نانسي، وبعد ازالته تم عمل اشعه فتبين ان الكسر قد التحم، فردد أدم قائلا،،،،

- كده الحمدلله يانانسي، انا ابدأ اجهز تذاكر السفر عشان نسافر، ولو لاقيت حجز النهارده هحجز فورا، انا مخلص كل الاجراءات عشان اول ما نروح لندن هدخل فورا المستشفي ونعمل اشعات وتحاليل واحدد العمليه، وربنا يوفقنا يارب

نانسي تنظر له بنظره خوف،،،،

انا خايفه اوي يامعتز، انت قولتيلي العمليه مش سهله وصعبه، خايفه متنجحش وأفضل كده باقي عمري

أدم ينظر لها بحب ونظرة امل وتشجيع،،،

بصي مش هكدب عليكي العمليه صعبه ومعقده وبتاخد اكتر من ١٢ ساعه، وبعد كده بنفضل شهور منتظرين استجابه المخ، لكن كله معتمد عليكي انتي وعلي ايرادتك وقوه عزيمتك،انتي اللي بأديكي يانانسي تقصري الشهور الطويله الي شهور قصيرة وتستجيبي بسرعه، عشان تبدا في العلاج الطبيعي، حاله المريض النفسيه اقوي من العمليه صدقيني، لو الروح المعنويه مرتفعه هنحقق نتايج عاليه جدا، اوعديني انك تكوني قويه، وتتحملي كل الالام بصبر، وجلد، وتحمل، وإراده من حديد

نانسي تنظر له نظره قوة وامل وتشتد بيده،مردده،،،،

اوعدك طول ما ايدك في ايدي، هكون قويه واتحمل اي صعب همر بيه، لانك انت مصدر قوتي وعزمتي يا ادم

أدم ينظر لها بحنان، ثم يقول،،،،

وانا ما صدقت رجعتيلي، وهتفضل ايدي في ايدك لحد اخر لحظة فعمري


سمير ينظر اليهم بفرحه ويقول،،،،

ربنا يهدي سركم يا ولاد ويقومك بالف سلامه ياحببتي

زهيرة؛ امين يارب، ويفرحنا بيكوا يارب

ادم ينظر لها ويقول،،،

انا مش هصبر يوم ياطنط بعد ما العدة تخلص، هكتب عليها فورا، عشان مسبهاش لحظه واحده، مكتش معاها

نانسي بنظرة حب صادقه،،،

بإذن الله تعالى يا ادم هانت

ادم يتأفف، ثم يرد قائلا،،،

ربنا يصبرني عليكي، هروح انا اشوف حجز وارجعلك ياقلبي، سلام

نانسي تنظر له مودعاه بحب مردده،،،

سلام ياحبيبي خلي بالك من نفسك، ومتتأخرش عليا

ادم يهدي لها قبله في الهوا مرددا،،

-انا مقدرش ياحبي، لا الله الا الله

نانسي؛ سيدنا محمد رسول الله

ويدلف ادم لشركة الطيران لحجز تذاكر السفر، ومن حسن الحظ يجد حجز في نفس اليوم، فيقوم بحجز ٤ تذاكر، ثم يتوجه ليبلغهم بموعد السفر، فتتوجه زهيرة وزوجها الي منزلها لتحضير الشنط لهما، ويمضي الوقت وادم لا يفارق محبوبته ومعشوقته، ويعطي لها دائما الامل والعزيمه، وتحمل الآلام ، الي ان اتي موعد السفر في المساء ، فكانت اصعب لحظه مرت علي نانسي فقد حملها ادم ووضعها علي كرسي متحرك،، ياله من احساس لا يوصف، احساس بالعجز، فبكت كثيرا، فأشفق عليها ادم وهتف لها،،،

-حبيبي احنا قولنا ايه، لو مش عايزة الكرسي مش مهم، انا اشيلك ياقلبي علي راسي، ولا تنزلي دمعه واحده من عيونك دي

نانسي تجفف دموعها وتردد،،.،

لا يا ادم مفيش داعي، انا بس صعبت عليا نفسي اوووي، وحسيت اد ايه بنعم ربنا علينا، واحنا مش مقدرينها، ولا بنشكره عليها، ياااه يا ادم احساس صعب اوووي، انك تحس بالعجز امام قدرة ربنا، وانك تشعر بنعمه عليك وقصاد ده كله تكون مقصر تجاه المولى، يارب ساعدني واشفيني عشان اعوض واصلح كل اللي فاتني، واعبدك صح واقترب منك، سامحني يارب علي كل غلط عملته في حياتي، علي كل ذنب اذنبته بقصد او من غير قصد، علي كل حد ظلمته، يارب انا راضيه بحالي وحمداك وشاكره فضلك، فرضي عني يارب

ادم يجفف دموعها ويحتضنها ويربت علي كتفيها قائلا،،

- اهدي حببتي، متعذبيش نفسك كده وتلوميها، ربنا كريم وعفور رحيم، وكفايه انك حسيتي بغلطك، وانا واثق في ربنا انه هيتم شفاكي علي خير، وهتتولدي من اول وجديد نانسي جديده برؤية جديده لكل الامور

نانسي بنظرة امل وقوة،،.

بإذن الله، الدرس اللي مريت بيه صعب يا ادم، وغيرني اوي وخلاني اشوف الدنيا بشكل تاني، الغشاوه اتشالت من علي عيني، حسيت ان الدنيا متسويش حاجه اننا نجري وراها، الحمدلله على كل حال


ادم يتحرك بها ويحاول ان يخفف عنها احساسها، فيحرك الكرسي مداعبها يمينا ويسارا حتي يضحكها فتقول له،،،

براحه يا ادم انا كده هقع، انت اظاهر مش عارف تسوق كويس وهتوقعني

ادم متسائلا؛؛؛

هو انتي لسه موقعتيش يا بنت عمي؟ ثم يغمز لها بطرف عينه اليسري

نانسى بضحكه رقيقه،،

انا وقعت من زمان ومحدش سمي عليا

ادم بضحكه بكل طبقات صوته،،

اسم لله عليكي، والنبي حارسك، ياقلبي

ويتوجهون الي المطار ويتم الإنتهاء من كل الإجراءات، ويحمل ادم نانسي بكل حب ويصعد بها على سلم الطائره، وضعها على مقعدها ويربط لها حزام الأمان، ثم يجلس بجانبها وينظر لها بحب قائلا،،

- حبيبي محتاج لاي حاجه اجبهالك، امري انتي بس وانا انفذ، كان كل ذلك تحت أنظار والديها الذين شعروا بالطمأنية لوجود ادم برفقتها، حامدين الله انه بجانبها،،،،

نانسي بنظرة شكر،،،،

شكرا حبيبي، طول ما انت جنبي مش محتاجه لاي حاجه، ربنا يخليك ليا يارب

ادم محتضنها بين يده،،،

ويباركلي فيكي ياحب عمري كله

وتصعد الطائره في الهواء، وتمر الساعات، ونانسي نائمه بين يدي ادم، متناسيه كل الالامها وهو برفقتها، حتي وصلت بالسلامه،، وتم الإنتهاء من الاجراءات، وحملها ادم واستقل سياره اجره ليتوجه الي المشفى فورا، فقد تم حجز لها لتبدأ مرحله العلاج،،،

#عذبني حبگ بقلم إيمووو كمال

كان يجلس علي فراشه شاردا في معشوقته يفكر فيما سلبت قلبه وعقله،كاتباً لها رسالة غرام علي الخاص بكل حب مردد،،،

طال غيابك حبيبتي... فاصبح قلبي ممزقاً تمزيقأََ.. فقد طال غيابك عني، فكيف الوصول اليكِ، واقتحام اسوارك المنيعه... فأنني اصرخ واناجيكي حبيبتي.. فهل تسمعي مناجاتي؟.. الي متي سأصبح اسير عيونك الكحيله.؟... لقد طال الاشتياق... لقد طال فترة البعاد... عودي الي... عودي لتضيئ ليلاي الظالمه، فتضئ الدنيا بنورك،،، عودي الي احضاني الدفيئة، فقد اشتعلت النيران بداخلها بسبب فراقك... الم يحين الأوان ان يحن قلبك على... الم تشتاقي لي في يوم، الم تشعري بالحنين... حتي اذا لم تشعري فيكفي انني اشتاق واذوب عشقاً بك حبيبتي.

ثم غفي متألماً دون انتظار ردها،،،

واذا به واقفاً حزينا ينظر بعيدا، فيجدها تتمايل بقوامها الرشيق بكل جاذبيه، نعم هي معشوقته آتت اليه بنظرتها الساحره، وشوقها الجارف ممده يدها اليه بكل حب وحنين تنادي عليه مردده اعذب الكلمات قائله،،

افتقدتك حبيبي، اشتقت اليك، كما يشتاق المهاجر لوطنه...فأتيت لك يا وطني... وهنا ركض اليها مسرعا اخذها بين احضانه ويهمس لها في اذنيها، حبيبتي احقاً انتي معشوقتي؟ ام انتي حلم راودني كثيرا في منامي.... فنظرت اليه نظرة عشق مردده،، نعم انا حقاً حقيقه بين يديك... فأجابها مبتسماً لها بحب محتضنها بشده قائلا،،،

اااه لقد اشتقت اليك كثيرا، كم أحبك، ولا استطيع العيش بدونك يا آسيرتي، يا حبيبتي..... واذا به يفوق من يقظته علي صوت اله التنبيه، ليكتشف انه غفى وهو يفكر بها، لعيش اجمل لحظات حياته في غفوته، فيتنهد بألم ثم ردد،،،،

ااه يانوري امتي حلمي يصبح حقيقه وترجعي تنوري حياتي من تاني، يارب صبرني

والي هنا تنتهى احداثنا الى هذا الحد لنتعرف ماذا منتظر نانسي، وماذا سيحدث لها في رحله عذابها مع المرض؟
وماذا مخبأه الايام لنور وايهاب، وهل سيتمر عنادها الي متي؟ كل هذا واكثر في روايتي المتواضعة

"عذبني حبگ "
إيمووو كمال ✍️