عذبني حبك الحلقة 25 و 26

الفصل الخامس والعشرون

وينصرفوا داعيين الله ان يتم شفاءة عليها، ثم ينظر اليها والديها نظرة فخر وإعجاب لها،، وفجأه ينتبهون لطرق الباب، وتتوجه الام فتتفاجأ به وفوقفت صامته، لحظات، ثم تحدثت له قائله،،،

- اهلا يا دكتور ادم يابني، اتفضل وصلت امتي؟ 

أدم ينظر لها مصافحا لها بحب يرد،،،،

اولا مفيش داعي ابدا لكلمه دكتور دي، انا زي ابنك ياطنط، ثانيا لسه واصل حالا من المطار علي هنا علي طول، وحشتوني اوووي "قالها وهو ينظر لمحبوبته" وياخذ زوجة عمه بالاحضان، ثم يتوجه الي عمه ويسلم عليه، ويقبل يداه، ويقول له،،

- ازيك ياعمي، اخبار صحتك ايه؟

سمير محتضنه بشده ويقول،،،

انا بخير ياحبيبي، طمني عليك، واخبارك ايه في لندن

أدم كان يتحدث وعينه متشبسه بها،،،

الحمدلله بخير،، ثم نظر لها بحب وشوق وأقترب منها وقال بصوت هامس،، ازيك يابنت عمي، وحشتيني اوووي، بقالنا سنين كتير مشفناش بعض، الف سلامه عليكي

نانسي بنفس النظرة، وبنفس الهمس،،

وانت كمان يا أدم لك وحشه، وانا الحمدلله زي ما انتي شايف، متكسره ومدشدشه

أدم ينظر لها نظرة حنين للماضي، وبكل حب يقول،،،،

انا شايفك زي ما انتي من اخر مرة شوفتك فيها، نفس الجاذبية والحلاوة

نانسي مبتسمه له، ثم تقول،،،،

عشان بس عيونك حلوه يا أدم

سمير بتساؤل،،،

عملت ايه في الاشعه والتقارير اللي بعتهالك يا أدم؟

أدم ينظر له ويرد بجديه،،

هو ده اللي جابني ياعمي، انا عملت اجتماع موسع علي اعلي مستوي من امهر الأطباء، والحمدلله بعد دراسة التقارير وعرضها علي المتخصصين، لاقينا في امل كبير اوي، لو عملنا عمليه صغيرة، ونسبه النجاح قوية بس محتاجين ننتظر لما الكسر يخف باذن الله، ومع العلاج الطبيعي، هتتعافي بمشيئة الله، وتبقي زي الفل

نانسي بنظرة امل، وفرحه تقول،،،

بجد يا أدم ولا بتقول كده عشان معنوياتي تتحسن، انا راضيه بقضاء ربنا وهصبر، بس متدنيش امل وبعدين يطلع سراب

أدم وقد شعر انه يري انسانه اخري غير بنت عمه، انسانه مختلفه في كل شيء، فزاد حبه لها اكثر من ذي قبل، فقترب منها اكثر وامسك يداها ثم قال،،،

- طول ما ايدك في ايديا بإذن الله هنعدي اي صعب، واي مرحله صعبه هتهون، مادام احنا متمسكين ببعض

نانسي بقلق وخوف،،،،

ولحد امتي يا ادم هتمسك بايدي، اخاف تزهق وتمل من واحده عا

يضع بسرعه يده علي فمها لكي يقطع باقي حديثها ويهتف مرددا،،

- اوعي تكمليها يانانسي، انتي زي الفل، وازمه وهتعدي وهتخرجي منها احسن من الاول كمان، بس انتي خليكي قويه، واصمدي بعزيمه، وتحدي، وانا جنبك، ثم يتذكر وجود عمه وزوجته، فيكمل،،، اقصد طول ما كلنا جنبك هتستمدي قوتك مننا كلنا

زهيرة تنظر له وترد بحماس وحب،،،

الله ينور عليك يابني، هو ده الكلام الموزون، ربنا يكرمك يارب، انت جيت في وقتك والله

سمير يقترب منه ويربت علي كتفه بحنو مردد،،،،

ربنا يبارك فيك يابني

ادم ببتسامه يقول،،،

ويخليك لينا ياعمي يارب

#عذبني حبگ بقلم إيمووو كمال

وصلت جنة الي منزل خالها، واستقبلتها زوجة خالها وخالها بالترحيب الشديد، وباركوا لها علي خطوبتها من معتز، داعين الله لها بالسعاده،، ثم سألت علي نسمه مردده،،

- هي نسومه لسه ماجتش ياخالو؟

سليم؛ لسه حببتي علي وشك انها تيجي، اتصلي كده شوفيها اتاخرت ليه

جنة؛ حاضر ياخالو

وتمسك هاتفها وتحاول ان تتصل بها، فتجد الخط مغلق، فتقرر مهاتفه معتز، فتنتظر ثواني حتي رد عليها مرددا،،

- الفون بيرقص في أيدي لما شوفت اسمك ياجنتي، وصلتي ولا لسه؟

جنة بنبره سعاده تقول،،،

يابكاش، وصلت حالا بكلمك من عند خالو، هو انتوا لسه مخلصتوش ولا ايه؟

معتز ياخذ حقيبته ويقول،،،

لا خلاص اهو انا كنت بستعد عشان اعدي علي هادي

جنة بنبره ضيق تقول،،،
تمام اصلي بتصل علي نسمه فونها مغلق، متتأخروش بقي عليا، انا هستناكوا

معتز بحب يرد،،،

هو انا اقدر ياقلبي فريره وهكون عندك ياقمر، بقولك عايزك تختاري فستان رقيق زيك ياجنتي، بلاش يكون عريان لو سمحت ممكن

جنة بنبره تردد تقول،،،

انت مصمم برضو يامعتز، انك تشتري فستان، انا مش عايزة اكلف عليك

معتز بنبره جديه حاده يقول،،،

ولا تكلفه ولا حاجه، لو سمحت اسمعي الكلام، انتي من يوم ما لبستي دبلتي وانتي على ذمتي ومسئوله مني، اتفقنا

جنة : حاضر يامعتز اللي تشوفه، ويارب ميحرمنيش منك ابدا

وينتهي من محادثتها، ويأتي اتصال اخر له، فينظر فيجده من حماه سابقا، فيتعجب لما يتصل عليه، فيرد عليه قائلا،،

- ايوة ياعمي خير، نانسي حصل لها حاجه

سمير يرد بنبره هادئة يقول،،،،

خير يابني، ونانسي بخير الحمدلله، انا بس كنت عايزك في موضوع كده سريع

معتز بارتياح يقول،،،

امر ياعمي تحت امرك

سمير بنبره نادمه يقول،،،،،

الامر لله يابني، بص نانسي حست بغلطتها انها اخدت العفش كله، وندمانة وعايزة تصلح الغلط ده وبتقولك يا اما ترجعه وتاخده، او تتمنه وتاخد ثمنه، ومش عايزك تعترض لو سمحت ارجوك، انا ماصدقت بنتي فاقت واعترفت بغلطها، عشان ربنا يتقبل منها ويسامحها اقبل يابني ارجوك

معتز يسمع وغير مصدق نفسه أيعقل ان تكون هي من يتحدث عنها زوجته سابقا، فنتبه على صوته، فرد عليه،،،

-اللي تشوفه ياعمي، المناسب لحضرتك، العفش للاسف انا هشتري غيره علي ذوق خطبتي فمش محتاجه، برغم انه كان قيم جدا، لكن هي من حقها تعيش في فرش جديد

سمير؛ خلاص يابني، انا هجيب واحد يتمنه وهديك حقه، او هشوف نانسي لو حابه تبيعه هبعهلها، مع انكم هتخسروا فيه والله

معتز بحزن يقول،،،،

الخسارة الماديه تتعوض ياعمي، لكن المهم الانسان هو ده اللي ميتعوضتش ابدا

سمير بحزن يقول،،،

صدقت يابني، عندك حق، يالا اشوفك علي خير، وهبلغك عملت ايه

معتز : مع الف سلامه ياعمي، في انتظارك

ويغلق معه ثم يحدث نفسه مرددا،،،

يا ما انت كريم يارب، والله باين وشك حلو عليا ياجنه، وهترزق من وسع، المبلغ اللي هيجي اجيب بيه عفش، او اوضب بيه الشقه الجديده،،، ااخ ده انا نسيت مفروض اروح اشوف الشقه اللي كلمني عنها السمسار النهارده، ياربي انا كنت ناسي، اخلص من موضوع الخروجه دي، وبعدين اعدي عليه،،،

واثناء حديثه مع نفسه، يدخل هادي عليه، فيحدثه مرددا،،

- معتز انت بتكلم نفسك، اتجننت يادكتور

معتز ينظر له مبتسما ثم يقول،،،

شكلي كده هحجز سرير قريب، تصدق نانسي عايزة ترجعلي العفش، او ترجعلي ثمنه، قال عشان ضميرها يستريح واسامحها

هادي ينظرله باهتمام ثم يقول،،،

وانت مستغرب ليه، يمكن الحادثه اللي حصلتها خلتها تراجع نفسها، وتفوق قبل ما يفوت الأوان

معتز يرفع احدي حاجبه بتعجب ثم قال،،،

يمكن، علي العموم ربنا يشفيها ويهديها

هادي؛ يارب، المهم انت هتيجي معانا

معتز بابتسامه قال،،،

طبعا راشق يادكتره، جنة لسه قافله معايا وفي انتظاري، واعمل حسابك نخلص مشوارك وتيجي تشوف معايا الشقه اللي السمسار بيقول عليها

هادي : اوك ، يالا بينا نروح ناخد نسمه

#عذبني حبگ بقلم إيمووو كمال

ويتوجهون الي نسمه، ثم يدلفون الي منزلها، فتصعد نسمة لتاخذ جنة، ثم يتوجهوا الي اشهر محلات متخصصه لبيع فساتين الزفاف والسهرة، لكي تختار نسمه ما يروق لها، وايضا جنة، فهتفت نسمه قائله لها،،

- جنة ايه رايك في الفستان ده

جنة تنظر اليه بعدم اعجاب، ثم تقول،،،

طب شوفي انتي الفستان ده، هيبقي عليكي تحفه، خصوصا انه مجسم من الصدر، ايه رايك؟

نسمه بانبهار تنظر له ثم تقول،،،،

واااو تحفه ياجنة، ذوقك عالي اووي، هدخل اقيسه

تدخل نسمه لارتداءه، واثناء قياسها، تنظر جنة الي فستان اسود قصير، تحت الركبه منفوش، رقيق جدا، ولم تلاحظ من اخذ باله وراقبها، فخرجت نسمه مرتديه فستانها، فاطلقت جنة تصفيرة عاليه من شده جمالها مردده،،،

- الله اكبر يانسمه شكله تحفه عليكي حببتي، كانه متفصل عليكي والله

نسمه تنظر لنفسها مردده،،،

بجد ياجنة، حلو عليا، ولا نشوف غيرة

جنة بنظره اعجاب شديده تقول،،،،

بقولك تحفه، انا هنادي علي هادي يشوفه

نسمه بتسرع تقول،،،

لا ياجنه، بيقولوا فال وحش، ان العريس بشوف عروسته بالفستان بلاش والنبي، انا هغير ويشوفه من غير ما اكون لبساه

جنة بنظرة تعجب؛

يابنتي انتي بتصدقي الكلام ده، دي خروفات ياماما

نسمه تنظر لها متسائله،،،،

لا ياستي انا بصدق، انتي كنتي ماسكه فستان شيك اوي، سبتيه ليه؟

جنة بتردد،،،

اصلي لاقيت سعره غالي اوووي، فقولت اشوف غيره

نسمه تنظر لها محاوله اقناعها، ثم تقول،،،

ياحببتي الغالي يرخصلك، انتي هشتري كل يوم، دي مناسبه مش هتتعوض

جنة بنبره غير مقتنعه ترد عليها مردده،،،

انتي بتقولي اهو مناسبه، يعني مش مفروض اكلف عليه، اي حاجة تقضي الغرض، مش لازم يعني فستان غالي، اشوف غيرة، والفلوس اللي ادفعها في فستان، ممكن نستفاد بيها في حاجه اهم، يعني انا مفكرش اشتري فستان فرحي غالي كده، ماله التأجير اهو ساعتين بيتلبسوا وخلاص، ومش هيتلبس تاني ابدا، يبقي اكون عمليه واصرف ثمنه في حاجة ضروريه في شقتي، صح ولا انا غلطانه

نسمه تبتسم لها مردده ،،

صح جدا وانا بقيدك في ده، بس هادي بقي عايز يفرحني اعمل ايه؟

جنة بحب تقول،،،

ربنا يفرحك كمان وكمان ياقلبي، وحافظي عليه عشان هاخده منك، ما انا مش ناويه اتجنن واشتري واحد غالي كده ههههه

نسمه بضحكه رقيقه تقول،،،

بس كده من عيوني حببتي

جنة تنظر بعيونها يمياناََ ويساراََ ثم تقول،،،،

انا هشوف هادي ومعتز فين عشان يشوفه الفستان، ونكمل باقي الطلبات

وتبحث عنهم ولم تنتبه الي من سمع حديثها بالكامل، وقد زاد اعجابه بها، وحمد الله انه عوضه بها، فقد شعر بالفرق الكبير بينها وبين طليقته التي كانت تتعمد في اختيار سعر اي شئ الاغلي وترهقه، بالمصاريف، لكن هي نعمه رزقه الله اياها، ولذلك قرر ان يتحدث الي نسمه قبل مجيئها علي ان تتم شراء الفستان الذي اعجبها وتضعه في مشتراتها علي اساس قد قامت بشراءه، وقد كان ودفع حسابه، فالاتفاق معها،،،

اتت جنه ومعها هادي، بعد ان وجدته في قسم الرجالي، وسالته نسمه،،

- فينك ياهادي سايبني كده اختار لوحدي، بص ايه رايك في الفستان ده؟

هادي بنظر له باعجاب، ثم قال

واااو جميل اوي يانسمه، طب عايز اشوفه عليكي

نسمه برفض،،

مش ينفع خالص، هو مظبوط عليا، حلو يعني

هادي باعجاب يقول،،،

جدا حببتي، ورقيق جدا والشغل اللي فيه بسيط جدا

نسمه؛ خلاص على بركة الله

هادي؛ طب تعالي نكمل باقي مستلزماته، الشوز، وبعدين تختاري البدله معايا

جنة : معتز معاك يختارلك هو، احنا مش فاضيين

معتز؛ ماشي ياجنتي، اخترتي حاجه

جنة بتردد، تقول،،،

لا مفيش حاجه عجبتني، انا هبقي اشتري براحتي نخلص بس من نسمه الاول، متشلش همي

معتز ينظر اليها ويمثل الزعل،،،

ماشي براحتك ياجنتي

جنة تقترب منه وتقول،،،

متزعلش بقي، هشتري حاجه مناسبه ليا صدقني

معتز؛ براحتك حبيبي، يالا روحي اختاري الشوز مع نسمه

وتختار نسمه كل شيء، ولا تنسي ان تختار شور لجنة يتماشي مع الفستان، فقد كان يتميز بوجود شريط من الوسط باللون الذهبي، فاختارت له شوزا دهبي، فتعجبت جنة، ولكنها لم تعلق، ومر الوقت سريعا حتى انتهوا جميعا من شراء كل شئ، فهادي ومعتز اختاروا البدل بنفس اللون الكحلي، فكانت في قمه الشياكة، فاعجبت بهم الفتيات، ثم مضوا، لتناول الغداء في مطعم وهم في منتهي السعاده،، حتي انتهوا من تناول طعامهم، فهتف معتز قائلا،،،،،،

- ايه رايك ياجنتي، تيجي معايا نشوف الشقه اللي السمسار كلمني عليها، وهادي ونسمه معانا طبعا

جنة تنظر نظره راجيه ثم تقول،،،،

طب بعد اذنك هكلم ماما اقولها، عشان مقدرش اروح من غير ما اديها خبر

معتز نظر لها نظرة اعجاب،

فإنها في كل لحظة تثبت له انها جديره به، وانه احسن اختياره، فرد عليها مرددا،،

- طبعا حببتي اتفضلي، واتمني انها توافق

امسكت فونها وقامت بالاتصال بوالدتها، وقصت لها موضوع ذهابها برفقه نسمه وهادي مع معتز، فطمأنت الام وابدت موافقتها،بحيث لا تتأخر معه،،

جنة بفرحه تقول،،،،

ماما وافقت بس طلبت اننا متأخرش، يعني يادوب نلحق

معتز بفرحه ممسك يداها، ثم يردد،،،

فعلا يالا ياهادي عشان منتأخرش

وينصرفوا ثم يتوجهوا الي عنوان الشقه المراد بيعها، وياتي السمسار، ويشاهدونها، وتعجب بها جدا جنة، برغم صغرها لكن، تشعر بالراحه بها فتقول له،

- جميله اوي يامعتز، صغيوره كده ، وريحها حلوه

معتز بتعجب، ويقول،،،

يانسمه دي صغيرة، غرفتين بس ياحببتي ورسبشن

جنة تنظر للشقه باعجاب، وتقول،،،،

طب احنا هحتاج غرف اكتر من كده في إيه يا معتز

معتز ينظر لها بضيق ثم يقول،،،

انتي عارفه شقتي التانيه كانت كام غرفه، ٤ غرف غير الريسبشن، ازاي اسكنك اقل منها

جنة بزعل،،،

انسي شقتك دي يامعتز، وكل ذكرياتك فيها، انا دي عجباني ومش عايزة اكلف عليك، الفرق ممكن يساعدك في فرشها

معتز؛ طب نشوف مساحه اكبر منها

يتدخل السمسار في الحديث مرددا؛

انا عندي يا دكتور معتز، شقه بنفس الدور، لكن ٣ غرف مع الريسبشن، تحب تشوفها

معتز ينظر لها بنظره انها تتوافق؛ ممكن نشوفها

جنة تنظر له بموافقة،،،

ثم يتوجهوا للشقه المقابله، فيجدونها افضل، واوسع، فيوافق عليها معتز، تأيده في الرأي كل من نسمه وهادي، فيضحك مرددا لجنه

- كده اغلبيه ياجنة، كلنا موافقين علي دي، وبكده قسمنا البلد نصين، ايه رايك عجبتك؟

جنة تنظر له وتقول،،،،

كويسه يامعتز، هقول ايه كلكوا اتفقتوا عليا، علي البركه، مبروك حبيبي

معتز بحب : الله يباركلي فيكي ياقلبي

وينظر للسمسار فيقول له،،

تمام هنخلص في دي، شوف انت هتخلصني من شقتي امتي، عشان نكتب العقد في دي

السمسار :بص يا دكتور معتز، بكره واحد هيجي يمضي معاك، وساعتها نطلع نكتب العقد هنا على طول

معتز بنظرة رضا يقول،،،،

علي خيرة الله، وعمولتك محفوظة ياعم انا مش ناسي

السمسار؛ ربنا يخليك يا دكتور، ومبروك عليكم

معتز ؛ الله يبارك فيك

#عذبني حبگ بقلم إيمووو كمال

وينصرفون وهم في غايه السعاده، وبعد مضي الوقت وصلوا الي منزل نسمه وصعدوا جميعا. وقص عليهم معتز موضوع الشقه، وطلب من والد نسمه ان يفاتح اخته في موضوع كتب كتابه مع هادي، ليجعل الفرحه فرحتين فرد عليه،،،

- والله يابني فكرة حلوه ويارب يزود افراحنا، انا اوعدك اني اكلم اختي واقنعها، وربنا يفعل اللي فيه الخير

هادي؛ آمين يارب العالمين، والمعاد امتي ياعمي

سليم؛ النهارده الاحد، ايه رايك علي يوم الخميس

هادي ينظر لنسمه والفرحه تطير من عيونه فقال له مردد،،،،

حلو اوي ياعمي، طب خليه الثلاثاء والفرح الخميس

سليم؛ هتلحق يابني تجهز للفرح وتحجز القاعه

هادي بحماس،،،،

هلحق بإذن الله، ولو ملحقتش ناجله يومين، ايه رايك قول اه والنبي

سليم باستسلام وفرحه،،

هقول ايه غير مبروك ياولاد، وربنا يتمم على خير

تنهض الفتيات ويعانقوا بعضهما في فرحه شديده، وتزغرد الام من شده فرحتها مردده،،،

- الف مبروووك يابنات، الف مبروك يانسمه، ربنا يتملكوا فرحتكوا علي خير، مبروك ياهادي مبروك يامعتز

- هادي ومعتز يردون بسعاده،،،

الله يبارك في حضرتك

وينهض سليم بالاتصال باخته ليلي، ليبلغها، بموعد كتب الكتاب، فترد عليه،،،

- الف مبروووك ياخويا، عقبال ما تفرح بولادها يارب

سليم بنبرة حنونه راجيه يقول،،،

بقولك يا ليلي، معتز اترجاني انه يكتب كتابه مع هادي، وانا بصراحه حسيت ان جنة موافقه، فقولت اخد رأيك، انا بصراحه موافق، الواد ابن حلال اوي، ميتخيرش عن هادي في اخلاقه، قولتي ايه؟

ليلي تصمت قليلا لتفكر ثم تقول،،،

هقول ايه يا خويا، كلمتك سيف علي رقبتي، مكسرهاش ابدا، انا واثقه في انك يهمك مصلحه جنة، وانها عندك زي نسمه

سليم بنبره حب يقول،،،

يعلم ربنا غلاوتها من غلاوة نسمه بالظبط

ليلي ببفرحه وسعاده تقول،،،،

عارفه يا خويا، مش الخال والد زي ما بيقولوا، انا بكره كده هيجي انا واخوها، وربنا يتمم بخير

سليم بفرحه : تنوري ياحببتي

وتغلق معه ثم تتوجه الى شقة ابنها لتخبرة بموعد كتب كتاب البنات، فتتفاجأ به ان يعترض بشده قائلا،،،

- ايه اللي بتقوليه ده يا امي، يعني ايه يقرا فتحتها من يومين ويكتب الكتاب بسرعه كده، ده انا لسه حتي ملحقتش اسأل عليه، ولولا حضرتك صممتي تقراي الفاتحه انا كنت خليته كده ولا بعد شهر اسال لحد ما اتاكد منه، هو انا هرمي اختي اللي طلعت بيها من الدنيا لاي حد

ليلي بهدوء تقول،،،

يابني انا عارفه عنه كل حاجه، وخالك طمني عنه، يعني لو مش كويس مكنش رضي انه يدخل بيته، انت فاهمني، انا بس عايزاك تبارك لاختك وتقف جنبها، وتحسيها انك فرحان من قلبك ياحبيبي

مصطفي نظره قلق وخوف يقول،،،

والله يا امي انا فرحان ليها بس خايف اوي عليها، انه يطلع مش كويس

ليلي تنظر له وتمسك يده بحنان وتربت عليها ثم قال،،،

انت عندك شك في نظره امك يامصطفي وحكمها علي الناس

مصطفي؛ طبعا لأ ياست الكل

ليلي قالت بنبره جدية مردده،،،،،

خلاص انا بقولك معتز ده ابن حلال، وسعاده اختك معاه، مش عايزة اكلم تاني في الموضوع ده، اعمل حسابك هنسافر بكرة، الهام هتيجي معانا ولا هتخليها عند هنا

مصطفي؛ لا طبعا هي هناك بقالها يومين، عشان علي وش ولادة وخايف لتعملها في اي وقت، عشان كده بقول سافري حضرتك، وانا هجي يوم كتب الكتاب

ليلي؛ خلاص يابني اللي يريحك، وربنا يطمنا عليها، ويقومها بالف سلامه

مصطفي؛ يارب يا امي

#عذبني حبگ بقلم إيمووو كمال

تنتهي نور في تجهيز حقيبتها، ولم كل متعلقاتها، وتنتهى من إجراءات خروجها، مودعه كل ذكرايتها القاسيه التي مرت بها، داعيه ربنا انها لا تعود مرة اخري، ثم تستقل سيارة اجره لتقوم بتوصيلها الي منزلها، وبعد مضي اكثر من ساعه، تصل امام منزلها، فتقوم بمحاسبه السائق، وتصعد الي شقتها وهي ممسكه بحقيبتها، وتطرق الباب، فتفتح الام فتتفاجأ من رؤية ابنتها فتصرخ محتضناها بشده وهي تردد،،

- نور بنتي حببتي، انتي بجد ولا بحلم،انا مش قادرة اصدق نفسي، حمدلله على السلامه ياحببتي، وتنادي علي زين باعلي طبقات صوتها، فياتي فيركض مسرعا اليها، فيأخذها بين احضانه ويلف بها بفرحه، مردد،،،

- الف حمد وشكر لرب العالمين، انتي متتخيليش فرحتي ازاي يانور برجوعك، ليه مقولتليش عشان اجي اخدك

نور تنظر اليه نظرة حب وشوق له؛،،

عشان اجي واشوف فرحتكوا دي يابابا

سميه تنظر لزوجها بضيق،،

وسع كده يازين، انا معرفتش احضن بنتي حببتي، انت علي طول كده بتحب تكوش عليها لوحدك، تعالي ياقلب امك في حضني

#عذبني حبگ بقلم إيمووو كمال

نور تركض اليها مسرعه وترتمي بين احضانها، فتشدد الاخري وتضمها اكثر وتهتف،،، وحشتيني اوووي يانور، ووحشني حضنك ياقلبي

نور بدموع،،

انتي اكتر والله، سامحيني يا امي، علي العذاب اللي سببتهولك ببعادي عنكوا

سميه بحب وحنو تقول،،،

مسمحاكي يانور، ويارب يريح بالك حببتي

نور برجاء؛ يارب ياماما

زين بسعاده مردد،،،

انا لازم اعمل حفله كبيرة برجوعك يانور، وهعزم فيها كل الفنانين والشعراء، وتعلني فيها رجوعك بكل قوه الساحه الغنائية

نور : مفيش داعي يابابا

زين بفرحه يقول،،،

لا طبعا لازم، والصحافة و وسائل الاعلام، التواصل الاجتماعي كلهم لازم بتكلموا ان نور رجعت بالف سلامه

نور تنظر لوالدها نظره شكر وامتنان،،،،

ربنا ميحرمنيش منك يابابا ابدا

زين بحب،،،

ويباركلي فيكي ياقلبي ويسعدك يارب، ممكن بقي تدخلي تريحي في غرفتك، عقبال ما احدد اسماء المدعويين، عشان الحق اعملها علي يوم الخميس ان شاء الله

نور بستغراب وتعجب من سرعة والدها: ليه بسرعه كده يابابا

زين بفرحه يقول ،،،،

خير البر عاجله

سميه تنظر لها وتقول بسعاده،،،

خلينا نفرح بيكي يانور، من زمان مفرحناش، والنهاردة فرحتنا مش تتعوض برجوعك تنوري بيتك من تاني

نور تقترب منهم وتحضنهم، فقد كانت جالسه تتوسطهم علي الاريكه فقالت،،،

ربنا ميحرمنيش منكوا يارب، انتوا سندني وكل عزوتي في الدنيا، انا هدخل استريح شويه، بعد اذنكم

سميه : ماشي حببتي، ولما الغداء يجهز هنادي عليكي

وتدخل نور غرفتها، التي قد اشتاقت لها منذ شهور، فسندت جسدها علي فراشها، وغفت في لحظه، ومر الوقت، حتي فاقت علي لمسه والدتها، حين كانت تداعب وجنتيها برقه، ثم قالت،،

- حببتي انتي نمتي بهدومك

نور تنظر الي نفسها فوجدت انها حقا لم تغير ملابسها فتعجبت انها غفت بدون ما تنتبه لذلك فرد لها مردده،،

- تصدقي محستش بنفسي غير اني نمت مرة واحده بمجرد ما فردت جسمي على السرير، زي ما اكون بقالي سنة منمتش

سمية بحب تقترب منها وتقول،،،

ياحببتي، انتي فعلا شكلك كان جعان نوم، يالا ناكل وبعدين نقعد شويه مع بعض، وبعد كده ادخلي نامي زي ما انتي عايزة

ثم يتوجهوا الي السفره، التي قد اعدت الام وليمه لها، من كل الاصناف التي تحبها ابنتها، فهتفت نور قائله،،،

- ايه كل ده ياماما، ليه تعبتي نفسك ياحببتي، انا مش هقدر اكل كل ده

سميه بنظره لوم لها،،،

تعب ايه بس، انا النهارده الدنيا مش سيعاني ياحببتي برجوعك ليا، عايزاكي كده تاكلي حلو وتتغذي

زين ينظر لزوجته، ويناغشها كعادته،،،

ياريتك رجعتي من زمان يانور، لو اعرف ان امك هتحتفل بيكي، وتجهز كل ده كنت خرجتك بنفسي، دي كانت منشفه معدتي

سمية تنظر له نظرة لها غضب وشراسه؛،،

بقي كده يازين، انا منشفه معدتك اخس عليك، ده انا ياما كنت بتحايل عليك تاكل، وانت تقولي مليش نفس مكنش العشم

زين يضحك لها ويردد،،،

انا بهزر معاكي يا سوسو، مهزرش يعني

سميه تبتسم له؛ لأ ما دام هزار، هزر براحتك يازيزو، ده هزارك وضحكتك وحشوني اوي

زين بحب،،،،

ان شاء الله الهزار والضحك مش هيتقطع من البيت ابدا، والفضل يرجع لنور اللي نورت البيت والدنيا كلها

نور تنظر لهم بحب وشوق مردده،،،

البيت منور بيكوا، انتوا سبب بهجتي وسعادتي والله

ويتناولون الغداء في جو اسري ملئ بالضحك ومناغشة زين لزوجتة تارة ولابنته تاره أخرى، حتي انتهوا، وحال المساء وجلسوا يتسامرون سويا، حتي جاء موعد نومهم، وكل منهم توجه الي غرفته ليلبي نداء سلطان النوم

والي هنا تنتهى احداثنا الى هذا الحد لنتعرف ماذا سيحدث من احداث وما سيحدث في حفله احتفال نور برجوعها كل هذا واكثر في روايتي المتواضعة

"عذبني حبگ"
إيمووو كمال ✍️