عذبني حبك الحلقة 24

الفصل الرابع والعشرون

ظل يفكر ويفكر في رد فعلها معه حتي استسلم لسلطان النوم، واستيقظ مبكرا علي صوت اله التنبيه، فنهض وركض مسرعا اخذ حمامه، وارتدي ملابسه، وتوجه الي سالي، طالبا منها فنجان قهوة، وبعد دقائق تم تجهيزة، وتناوله بهدوء، ثم انصرف متوجها الي المشفي، وبعد مضي ساعه، وصل الي غايته، فتوجه الي مكتب دكتور هادي، فوجده في انتظاره، فهتف اليه مرددا،،،

- صباح الخير يادكتور

هادي بابتسامه : صباح النور بمطربنا الغالي، ازيك، اجمد كده، انت بتفكرني باللي داخل اول يوم امتحان ثانوية عامة ومرعوب

إيهاب بنظره قلق وتوتر يقول،،،

واكتر والله يادكتور، ده مش امتحان لأ ده انا منتظر النتيجه اللي متوقف عليها حياتي كلها

هادي ويشعر بمدي حبه وصدق مشاعره فيشفق عليه ويرد عليه قائلا،،

- احنا متوقعين اسوء الاحتمالات، مش هنيأس من اول محاوله، صح ولا إيه!

ايهاب أومأ برأسه بنعم؛ عندك حق، ربنا يسترها

هادي بابتسامه يقول،،،

طب يا بطل روح انت الاول وانا جي وراك علي طول، عايز اشوف رد فعلها لما تشوفك هيكون إيه!!

ايهاب بنظرة توتر وارتباك يردد،،،،

انا خايف اووي يادكتور، طب ادخل معايا احسن

هادي باعتراض،،،،

لا لازم تواجها الاول لوحدك، المواجهه دي لازم تتم بينك وبينها بدون تدخل مني، نور لازم تطلع وتصرخ بكل حاجه جواها، وانت تسمعها بكل هدوء وتحاول تمتص غضبها وتكون مستعد لاي تصرف منها، يالا اتفضل روحلها وربنا معاك

ايهاب ينهض من مجلسه وينظر له بارتباك وتوتر ثم قال،،،

ربنا يسترها يادكتور، انا رايح اهو، بعد اذنك

ويتوجه اليها الي غرفتها، داعيا الله ان تسامحه وتتقبل آسفه، ثم وصل وطرق بابها، فعتقدت انه دكتور هادي، فأذنت له بالدخول مردده،

- اتفضل يادكتور هادي

ايهاب بابتسامة علي وجه ونظرة حب وشوق لها، فقد كان يشتاق اليها بشده، فنظر لها نظرة طويله ليملي عينيه منها حتي يتشبع من ملامحها التي يعشقها،ثم هتف يمازحها مرددا،،،،

ينفع ايهاب النهاردة

نور تفاجأت حين سمعت صوته الذي تشتاق لسماعه، فنهضت واقفه كأن عقرباََ قام بلدغها، فنظرت له في بادئ الامر بأشتياق شديد وحب، ولكنها فاقت، وهاتفته بحديه وغضب قائله،،،

- انت... انت ايه اللي جابك هنا؟ جاي تشوف ضحيتك؟ اتفضل اطلع برة، اخرج من حياتي اتفضل واقف ليه؟

في هذه اللحظه يدخل هادي، ويقترب منها ويهمس لها مرددا،،

فيغار ايهاب بشده ويظهر علامات الغيرة علي وجه، فبرغم عمره السني واعتباره طبيبها المعالج، فقربه منها، يجعله يغار جدا، فحاول ان يتماسك حتي لا يخسر معركته معها،،

هادي بنبرة حديه، وحماس يردد،،،

نور هو ده اللي اتفقنا عليه، اجمدي، واصمدي، اوعي تضعفي، خليكي قويه، وواجهيه بكل شجاعه، وانا جنبك لو احتجتيني هتلاقيني قدامك، مع اني واثق انك مش هحتاجيني تاني، انا في مكتبي، اسمعيه من فضلك

نور باعتراض،،،

يادكتور بس

هادي بحده يقول،،،،

نور انا قولت ايه؟ انا في مكتبي، ثم يتوجه اليه، وينظر له ويهمس في اذناه وهو خارج من الغرفه، اجمد ياوحش، فيبتسم له ابتسامه رقيقه، ثم ينظر لها نظرة شوق وحب، وحنين، فقاطعت هذا الصمت هاتفه،،

نور تنظر له بسخريه تقول،،،،

والنبي بلاش النظرات دي لاني مش هصدقها منك تاني،فبلاش منها و ياريت تجاوب على سؤالي،،، ايه اللي جابك؟

ايهاب بنظرة حزن وترجي لها يقول،،،،

عشان وحشتيني يانور... عشان مش قادر اعيش من غيرك.... عشان مش حاسس بطعم الدنيا اللي كنت عايش فيها معاكي... عشان مش عارف لا اكل ولا اشرب ولا حتي اشتغل شغلي اللي بعشقه، طول ما انتي بعيده عندي، دنيتي كلها واقفه من غيرك يانور... عرفتي جيت ليه... عشان طمعان في قلبك الابيض يسامحني ويغفرلي خطأي اللي عارف انه مستحيل يتنسي،،، عشان اثبتلك اني ندمان على عدم ثقتي فيكي

#عذبني حبگ بقلم إيمووو كمال

نور تسمعه وتري هيئته وتتذكر حديث عادل عنه، فتتأكد انه حقيقى، ولكنها قررت انها لا تضعف ، فنظرت له، ثم رفعت يداها و صفقت له تصفيقتاََ عاليا وقالت،،،

- برافووو وايه كمان، اشجيني كمان، كويس انك مش عارف تعيش من غيري، تمام وكويس برضو انك ياحرام مرة واحده حسيت انك فقدت حاجه كانت مهمه في حياتك، اااه المفروض انا بقي لما اسمع الكلمتين دول، اجري عليك واترمي في حضنك واقولك، انا مسمحاك ياحبيبي، خلاص سيب الماضي بآساه وتعالي نبدا من جديد، اصل انت معملتش حاجه كبيره ابدا، انت بس كل اللي عملته، انك موثقتش في حبي، عادي خالص، بتحصل في احسن العائلات، انت بس شكيت في عشقي ليك"قالتها والدموع تنذف من مقلتيها"، شكيت في اخلاصي وصدق مشاعري ليك، انت عارف انت عملت فيا ايه؟ عارف

ايهاب يستمع لها والدموع سجينه في عيونه، رد عليها بصعوبه،،، عارف

نور بصراخ وانهيار تضرب علي المنضده التي امامها بعنف شديد مردده،،،

لا مش عارف، ولا هتعرف ابدا، انت عمرك ما عقلك يستوعب انت عملت فيا ايه، انت خلتني اكره حياتي، خلتني في لحظة ضعف اموت نفسي، عشان بس حسيت اني بعدك عني معناه انتحاري، مقدرتش اعيش من بعدك، مقدرتش اشوفك وانت في حضن واحده غيري، مقدرتش اتحمل انها تلمس شفايفك، وحضنك، اللي كانت ملكي انا، مقدرتش مقدرتش كل ده انت مستوعبه، مستوعب حجم الضغوط النفسيه اللي اتحملتها وانا مظلومه ومليش اي ذنب، وانا بحضرلك حفلتك.، وانا بجهزلك بدلتك، مهما اقولك عمرك ما هتحس باللي حسيت بيه، انت اناني مبتفكرش الا في نفسك، مفكرتش بس غير انك تكسرني وتحطم قلبي "وهنا تشاور على قلبها وتضربه بكفيها بكل ما اوتيت من قوه"

قلبي ده اللي حبك، قلبي اللي عشقك وانت متستهلش عشقه، وحكيتلك وقولتلك اد ايه انت كنت حلم حياتي من وانا طفله مراهقه، كل أمانيها في الحياة تكتب جوابات كتيره تبعتها لمطربها المفضل، تطلب صورة، واااه علي مدي سعادتي لما بعتلها الصورة كنت فاكره انك انت اللي بعتها، بس عرفت ان مدير اعمالك هو اللي بيبعت وقررت يومها اني لازم اشتغل واعمل اسمي عشان اوصلك واشتغل معاك، كانت اكتر متعه ليا لما كنت كل يوم اكلمك واسيب رسالتي علي الانسر ماشين، مهما اقولك سعادتي وانا بسمع بس صوتك في التليفون لا توصف، وبعد كل العشق ده شكيت في حبي، ده انا كتبت حروف اسمك بدمي، في اثبات اكتر من كده، كتبت بدمي بعشقك، في ممثله تعمل كل ده، انت ايه،، قلبك ده للدرجه دي اعمي مش بيشوف ولا بيحس، اعمي لدرجه انه ميحسش بكل الحب اللي قلبي ادهولك،،، خلاص الوقت راح وانتهي يا ايهاب، انت اللي حطيت نهايه لحبنا وحكمت عليه بالموت

ايهاب يستمع لها بصدمه حين علم لاول مره انها هي الفتاة التى كان يطلق عليها هو وصديقه فارس اسم المجنونه، فنظر لها واقترب منها وهتف بحده،،

- نور انتي اول مرة تقوليلي انك انتي البنت اللي كانت بتتكلم علي الفون، معقول انتي البنت المجنونه، اللي كانت كل يوم تتكلم وتبعت جوابات

نور بضحكه سخريه : أيوة انا، انا المجنونه المغفله اللي عشقت حد ميستهلش ولا قدر حبها

ايهاب بنظرة لوم وعتات وحزن يقول،،،،

ليه مقولتليش قبل كده، ليه خبيتي عليا، وانا اللي كنت بقول لنفسي ولفارس، اول مرة شوفتك كنت حاسس اني سمعت صوتك قبل كده، كنت حاسس اني اعرفك، عشان كده قربت منك علي طول بدون وعي، والمسافات قربت بينا بسرعه، وحبيتك وعشقتك يانور، بس كنت دايما بسأل نفسي ليه بطلت المجنونه تبعت رسالة صوتيه ياتري خلاص بطلت تحبني؟ ايه اللي شغلها عني

نور بألم وحزن جلست علي اريكتها وقالت بنبره مخنوقه،،،،

عمري ما بطلت احبك في لحظه، كنت مشغوله عنك بيك، عشان اكون جديره بحبك وقربك، لكن يارتني ما عملت كده، ولا قربت منك

ايهاب بترجي وبنبره حزينه ينظر لها ويقول،،،،

ليه يانور، ليه بتقولي كده، عشان خاطري، وحياة حبك ليا، وحياة كل لحظة حب كانت بينا، سامحيني، اغفري غباء عاشق، جرب طعم الخيانه مرة، وخاف يعيشها تاني، ارجوكي يانور، انا بحبك وانتي بتحبيني صح ولا قلبك بطل يحبني؟ ساكته ليه انطقي يانور، بتحبيني ولا لأ

نور صامته غير قادره علي نطقها، فصرخ اكثر قالها بصوت اعلي،، انطقي،، بتحبيني ولا قلبك بطل ينبض دقاته بحبي؟

#عذبني حبگ بقلم إيمووو كمال

- قالتها بقوة ودموع وتحدي وكبرياء مردده ببكاء شديد،،،،

ايوة يا ايهاب، بحبك، ومش بس بحبك... انا بعشق التراب اللي بتمشي عليه، بس مش هقدر اكمل ولا هقدر استمر في عشقك ده، "كانت تبكي بشده"،، سبني ارجوك،،، سبني الملم جروحي، عشان اقدر اكمل حياتي من غيرك،، اخرج بره حياتي يا ايهاب،، انا اكتفيت منك،، انا خلاص جبت اخري معاك، مش باقي مني غير شويه جروح والآلام،، مش هقدر لا اسامح، ولا اغفرلك،، ولا اكمل حياتي معاك، انا لا قادرة علي بعدك ولا قادرة استحمل قربك،،،، انا اديتك احلي ما في الدنيا، اديتك عشقي، وحبي، واهتمامي، كنت ليك الصديقه، والام الحنونه وقت ما تحتاجها، والعشيقه اللي بتدي وعمرها ما انتظرت انها تاخد ابدا،، وما اخدتش منك غير الجرح، الألم، الشك، والغيرة، الشك اللي لما تحب تقتل حب بجد اقتله بالشك يا ايهاب، وانت قتلت الحب الكبير اللي ما بينا، اللي الزمن نفسه مقدرش يقتله في قلبي، وحافظت عليه سنين طوال، جيت انت بكل بساطه، وقتلته ودست عليه، وياريت كده وبس، لكن دفنته كمان، شوفت انت عملت فيا ايه؟ شوفت موت حبي ليك ازاي

وهنا لا يتحمل اكثر من ذلك، فأقترب منها اكثر وامسك بمعصمها وقربها اليه وقال،،

- مستحيل يانوري، حبك عمره ما يموت ابدا، حبك هيفضل عايش في قلبك بينبض دقاته بأسمي، اسمي اللي اتحفر جواه، عمرك ما هتقدري تنسيني ولا انا هقدر انساكي، لان نسيانك صعب اكيد، انتي عشقك بيجري في دمي، انتي فاهمه، انتي ملكي انا، حبك وقلبك اتكتبوا ليا انا، مش لحد تاني،"وينظر في عيونها الحزينه، ويود ان يخبئها بين جفونه ثم ردد"

نور بصيلي كويس في عنيا، بصيلي وحسي بحبي وندمي، انتي واثقه ومتأكده اني ندمان ومحتاجك، ومش قادر علي بعادك،، نور ارجعيلي وردي الروح فيا، ارجوكي،،، انا بحبك بحبك اوووي،.،،، وهنا يقترب منها بشده، وهو ينظر الي شفتاها يريد التهامها ليشبع من شهدها فيجدها تحت تأثير نظرته، فيسعد انه قادراََ علي اثارتها، ويلامسها بيده محتضن وجنتيها بكل حب وشوق، ويقترب من شفتاها لكنها فاجأته بانها تصفعه علي وجه بشده مردده في ذهوله لما فعلت ،،،

- انسي يا ايهاب نور بتاعت زمان، خلاص ماتت، لما قبلت ان غيري تلمسك، وتاخد حق من حقوقي، انسي انك تلمسني تاني، ولا تحس بمشاعري، انا مش هضعف تاني قدامك، خلاص كل الكلام اتقال بينا،"قالتها بجده وغضب" سبني لو سمحت احاول انسي اللي عملته فيا، واقدر اعيش واكمل حياتي من غيرك، انا عايزة ارجع نور تانيه غير الضعيفه اللي عشقتك،،،،

وهنا نور دارت واعطته ظهرها للخلف ، ونظرت الي شرفتها، واغلقت كل الابواب بينهم، وهو ظل فترة غير مستوعب لما فعلته به، وغير قادر علي ان يعنفها، فتركها ولكنه قال لها آخر كلامته،،،

- نور انا مش هعاتبك علي تصرفك اللي عملتيه، بس كل اللي هقوله، اني مش هيأس وهحاول معاكي مرة، وانثين، ومليون لحد ما تسامحيني وترضي عني، مع السلامه يا اجمل نور دخلت حياتي ونورتها،،، فترد نور في نفسها سعيده بتمسكه لها فترد بهمس يكاد لا يسمع،،
مع السلامه ياعمري كله

ثم تجلس علي فراشها، بعد خروجه من غرفتها، فتمسك حاسبها الالكتروني، وتكتب كلمات هذه الاغنيه بدموعها،لتعبر عن احساسها في تلك اللحظه

انسى انساني... متقولش نرجع تاني
انسى انساني.. متقولش نرجع تاني
وبلاش بلااااااش

تترجى فيا تبكي عليا
مش ممكن يوم اقدر اسامح
تترجى فيا تبكي عليا
مش هنسى يوم ان انت جارح

وازاااااااي ازاي قلبك يسيبك تقسى على قلب حبيبك
وتزود ناره وناري ازاي

البعد انا اتحملته سيبتني في طريق كملته كان صعب وكله مرار
وجاي دلوقتي تقولي خلاص ما خلاص قلبي
انجرح خلاص قلبي انجرح خلاص خلااااااااص

بعت. بعت ليه ، خونت. خونت ليه جاي بعد ايه بتحس بيا
حب. حب مين، حلم. هو فين ، شوق. شوق لمين ما تقولش ليا

ازاااااااي ازاي قلبك يسيبك تقسى على قلب حبيبك
وتزود ناره وناري ازاي
البعد انا اتحملته سيبتني في طريق كملته كان صعب وكله مرار
وجاي دلوقتي تقولي خلاص ما خلاص قلبي انجرح
خلاص قلبي انجرح خلاص خلااااااااص
تترجى فيا تبكي عليا مش ممكن يوم اقدر اسامح
تترجي فيا تبكي عليا مش هنسى يوم ان انت جارح

توجه الي مكتب دكتور هادي حتي يقص عليه ما حدث معها، فقال له،،

- انا سعيد جدا جدا برد فعلها ده

ايهاب بضيق وغضب يقول،،،

يادكتور بقولك دي رفضاني، برغم اعترافها بعشقها ليا

هادي مبتسم ثم يقول،،،

ده متوقع يا ايهاب، نور طلعت كل اللي جواها، كل اللي كانت ضغطت بيه في نفسها طلعته، انهيارها في البكاء، طبيعي جدا، بس وقفت وصمت ومردتش تضعف لما حاولت تأثر عليها، وده شئ كويس جدا، كده بقت نور اقوي من الاول وسيطرت علي نور الضعيفه المهزومه اللي كرهت الحياة عشان انت مش هتبقي فيها معاه كل ده انجاز، الحمدلله انها عدت على خير، كده انا اطمنت عليها، واقدر اكتبلها علي خروج وانا مرتاح

ايهاب بفرحه برغم حزنه،،،،،

بجد يادكتور، نور هتخرج

هادي برتياح يقول،،،،

اه كده نور تعديت مرحله التعب، وقادرة انها تتعايش بشخصيه اقوي، خصوصا قدامك انت

ايهاب بنبره فرحه ورضا يقول،،،،

الحمدلله، الف حمد وشكر لرب العالمين، انا مش عارف اشكرك ازاي يادكتور علي تعبك

هادي بنظره حب يقول،،،،

متشكرنيش يا ايهاب، ده شغلي، ونور زي بنتي بالظبط، انا على اخر النهار، هكتبلها علي اذن خروج وهروح امضيه من مدير المشفي د منير

ايهاب بستفهام،،،

- وانا يادكتور، تنصحني بايه اعمله مع نور

هادي؛ نصحتي انك، تسبها شويه يا إيهاب ، بلاش تضغط عليها، خليها تشتاق ليك، قرب وبعد، أسأل واختفي، ابعت رسايل معينه محدش يفهمها غيرها، استغل ياسيدي التواصل الاجتماعي كهمزة وصل بينكوا، قول اللي انت عايزة علي صفحتك، بحيث لما تشوفه تعرف انه موجه ليها هي، اكيد هتدخل صفحتك وهدور علي اي اخبار ليك من بعيد، استغل انت ده بقي فهمتني

ايهاب ينظر له نظره اعجاب،،،

فهمتك يادكتور، انت استاذ والله

هادي يضحك،،،

طيب وريني هتعمل ايه يا تلميذ بقي

ايهاب يضحك بشده،،،

لا تقلق، ده انا هبهرك، يادكتور

هادي يضحك بشده، ثم يقول،،،

ربنا يسترها، ياخوفي منك، يالا روح بقي واجهز عشان اشوف الانبهار وانا اروح ابلغ نور انها هتخرج النهاردة

ايهاب ينهض من مكانه ويسلم عليه ويشتد في سلامه، معبرا عن زياده شكرة

#عذبني حبگ بقلم إيمووو كمال

ثم ينصرف الي سيارته يستقلها، ويقوم بالاتصال بصديقه فارس لسؤاله عن ما طلبه منه فرد عليه مرددا،،،

ايوه ياهوبا ازيك ياحبيبي

ايهاب يضيق يرد،،،،

عملت ايه في طلبي يافارس اتاخرت عليا اوي، كل ده مش لاقي الكلمات المناسبه

فارس بهدوء يرد،،،

والله ياحبيبي انا من يوم ما طلبت مش ساكت وبحثت كتير، بس انت عايز حاجه مخصوصه اوي، وانا حاسس باللي انت عايزه عشان كده انا بدقق اوي وفي كلمات كتير سمعتها بس معجبتنيش، اصبر بس عليا يومين بالكتير وطلبك هيبقى جاهز ياعم

ايهاب يزفر انفاسا عاليا، ويقول،،،

ماشي يافارس هصبر، انا دلوقتي محلتيش غير الصبر، معلش ياصاحبي تاعبك معايا

فارس بنبره حانيه يقول،،،

متقولش كده ياحبيبي، تعبك راحة، انت عملت ايه مع نور؟

ايهاب يقص عليه ما حدث بكل الم وحزن، ثم يرد عليه مردد،،،

معلش يا ايهاب احنا متوقعين اسوء من كده، نور مجروحه منك واكيد هي طلعت جزء صغير من اللي جواها، احنا اتفقنا اننا هنحاول ومش هنيأس ابدا، وربنا يصلح الخير بينكوا يارب

ايهاب بتنهيده عاليه يقول،،،

يارب ياصاحبي، اسيبك انا بقي عشان وصلت الفيلا وهنتظر تلفونك ياحبيبي

واغلق معه وتوجه بالداخل، ودلف الي غرفته يفكر فيما حدث بينه وبين نور، واستند الي فراشه وقال بحزن والم،،،

يارب يصبرني علي بعادك يانوري، واقدر اخليكي تسامحيني ياعمري

# عذبني حبگ بقلم إيمووو كمال

* يذهب دكتور هادي الي غرفه نور، فيجدها جالسه علي طرف فراشها، تبكي حزينه، علي مافعلته معه، ولكنها كانت ترد بعض ما اصابها منه، فنتبهت له فهاتفها مردد،،،

- نور انتي كويسه، حاسه بحاجه باي تعب

نور تجفف دموعها ثم تقول،،،،

انا كويسة يادكتور، الحمدلله عدت على خير، لولا كلامك وتشجيعك ليا مكنتش هقدر اقاوم ابدا وممكن كنت انهار، بس الحمدلله صمت لاخر لحظه

هادي بنظرة حماس يقول،،،،

برافو عليكي، هي دي نور، اللي كنت واثق فيها، المهم انا جاي ابشرك انك هتخرجي النهاردة، وهروح امضي علي ورق خروجك

#عذبني حبگ بقلم إيمووو كمال


نور بفرحه غير مصدقه ما سمعته،،،

بجد بادكتور، انا هخرج وهتولد من جديد، وارجع اعيش حياتي من تاني، ده احلي خبر سمعته

هادي بنبره ضيق يقول،،،

مع اني زعلان عشان هتمشي وهتسبيني، وانا اتعودت عليكي ولا جلساتي معاكي كل يوم، بس سعادك تهمني طبعا

نور بنظرة حب وشكر تقول،،،

انا عمري ما اقدر انساك ولا انسي جمايلك عليا، وطول الوقت هكلمك واخد بمشاورتك اللي مقدرش استغني عنها ابدا

هادي ببتسامه وفرحه،،،،

ربنا يوفقك يارب في حياتك، وبرضو هقولك ادي نفسك وقت تفكري كويس، اه عذبيه واديله درس عشان يتعلم يثق فيكي بس اوعي تخسريه يانور، صدقيني بيحبك وندمان على غلطته، بلاش تنفذي حكم الاعدام فيه وفيكي، اتفقنا

نور تهز راسها وتقول؛؛

اتفقنا، سبني اخد وقتي وربنا يصلح الحال ان شاء الله

هادي :ان شاء الله، هسيبك انا عشان امضي الاوراق، وانتي حضري نفسك، تحبي ابلغ والدك

نور؛ لا خالص انا عايزة اعملها مفاجاة

هادي ينهض مصافحها ثم يقول،،،

اوك يانور، اشوف وشك بخير، ولما احدد معاد الجواز هبلغك علي طول، اوعي متجيش

نور ببتسامه وحب تردد،،،

ازاي طبعا هاجي، واكون اول واحده هتجي الفرح كمان، الف مبروووك يادكتور
هادي؛ الله يبارك فيكي يارب

ويتركها ليدلف الي مكتب مدير المشفى،فيدخل و يشرح له الحاله، ويطلب منه الامضاء على ورق خروجها، فيرحب جدا، ويسعد بنجاح شفاءها بفضل الله تعالى ثم فضل هادي، ويشكره، ثم ينصرف، ليتقابل مع نسمه فيقول لها،،

- وحشتيني من امبارح للنهارده

نسمه تهمس له مردده،،، وطي صوتك

دكتور منير يسمعك

هادي؛ بقولك وحشتينى

نسمه؛ انت اكتر

هادي؛ جنة هتيجي امتي؟

نسمه؛ علي اخر النهار كده، لما اروح

هادي؛ تمام هوصلك ونروح نستأذن من والدك، ونخرج كلنا، ايه رايك؟

نسمه بسعادة،،،،

طبعا موافقه، يالا بقي علي شغلك وبعدين نتقابل

هادي يطبع لها قبله في الهواء ثم ينصرف، فتضحك علي حبيبها الذي جن من كتر عشقه لها

#عذبني حبگ بقلم إيمووو كمال

جلس وامسك هاتفه وتذكر حديث دكتور هادي له، فكتب هذه الكلمات يبث فيها شكواه لها لعلها تراها فيحن الفؤاد له

انتظرك حبيبتي بكل شوق الدنيا... سأظل انتظرك ولا أُمل من طول بعادك، وكيف أُمل وانتي نبض الفؤاد، الا يكفيكي عذابي حبيبتي، وندمي وشوقي اليكِ، سأظل احيا بحبك مهما عاندتي سنتظرك حتي اخر العمر

كانت تجلس نور في غرفتها، وسمعت اشعار فقامت بفتح حاسبها لتجد اشعار كاتبه علي صفحته الشخصية، فقرأتها بفؤادها قبل عيونها،عشرات المرات، كم سعدت حين قراتها، ولكن بقي قلبها حزين مجروح منه، مسحت دموعها بألم وكتبت هذه الخاطره،،،،

لا تلومني يافؤادي علي قسوتي، فأنا انتفض لك حتي ارد لك حقك المظلوم، لا تحن له، اياك ياقلب ان تضعف وتشتاق، ساعدني حتي ننسي ونداوي جروحنا معاً، لا تبكي... لا تناجيني وتتوسل إلى ان نسامح ونغفر، كلا لا فأنت مجروح معذب تحتاج لمن يداويك، لا لمن يزيد من الامك وانا معك، اما هو فلا وجود له بيننا

ثم انهت كتابه ورددت بدموعها قائله،،،

ياريت تجبلي قلب لا داب ولا حب وانجرح ولا شاف حرمان، عشان اعرف ابدأ معاك من تاني ياحب عمري، لكن دلوقتي مستحيل صعب اوي عليا صعب، يا ما كان نفسي اقابلك ببتسامه وحب واخدك بين احضاني، وانسي بين ايديك كل الامي لكن اللي عملته فيا مستحيل يتنسي بالسهوله دي ابدا مستحيل مهما كنت بعشقك مش هستسلم تاني واسلملك قلبي اللي كسرته، ودبحته

#عذبني حبگ بقلم إيمووو كمال

تفوق نانسي مرة اخري، وتستوعب ماحدث لها وتعرف الحقيقة كامله، فتبكي بشده وانهيار، فتأخذها والدتها في احضانها، وتربت علي كتفيها بحنان مردده،،،

- احمدي ربنا ياحببتي، واصبري علي ابتلاءه ليكي، يمكن يكون في خير ليكي من اللي حصل، اوقات لعل الخير يكمن في الشر ياحببتي

نانسي بدموع متسائله،،،

ازاي مش فاهمه ياماما؟ ازاي الخير هيكون في شر حصلنا

زهيرة امسكت منديلا وجففت دموعها وردت قائله لها بنبره حانيه،،،

- بصي ياحببتي اوقات ممكن يصبنا مكروه شديد، وربنا يكون شايل بداله مكروه اكبر، ولطف بحالنا، ويشوف عبده ده هيصبر ويتحمل بكل ايمان وصبر علي ابتلاءه ولا هيغضب ويزعل ويقول اشمعني انا يارب يحصلي كده، وينسي ان العبد اذا احبه الله افتكره وابتلاه، اصبري حببتي وحاولي ترجعي وتتقربي من ربنا، لانه سبحانه وتعالى اداكي الفرصه انك تعودي اليه وتشيلي كل اللي في قلبك من زعل وحقد لاي حد، ومتفكريش غير انك بس، تشكري ربنا وتحمديه، علي كل النعم،وتشكريه انك لسه عايشه، اه في اصابه وهنتعب شويه، بس دي مش نهايه العالم، الطب اتقدم، وبابا كلم أدم وبعتله كل تقاريرك وباذن الله تتحسني بس والكسر يلم، والخلع اللي في كتفك يخف، ونسافر علي طول، فهمتيني ياقلبي

نانسي بنظرة امل وتفاءل،،،،

فهمتك يا أمي، انتي كلامك صح، بس الاختبار صعب اوي وخايفه افشل فيه، ومتحملش

زهيرة بنبره قويه،،،،

لا يانانسي، هتقدري وهتتحدي كل الصعوبات، نانسي اللي اعرفها مش ضعيفه ابدا، بنتي طول عمرها قويه، وبتتحدي الصعاب، ولما بحتاج توصل لحاجه بتوصلها مهما كانت بعيده، ولا نسيتي معتز وتصميمك عليه، برغم رفض ابوكي وقتها، عشان كان نفسه تجوزي أدم، مش كده ولا ايه

نانسي سرحت في الماضي، وندمت للحظه انها ضيعت حب ادم الكبير ليها ثم ردت؛؛؛

- فاكره ياماما، ادم محدش يقدر ينساه، بس انا اللي ضيعته من ايدي زمان، وخذلته ومردتش اقف جنبه وابدأ معاه من الاول، اخترت معتز الجاهز وفرحت بحبه ليا، بس للاسف حاولت كتير احبه، ومعرفتش، كنت فاكره اني لما اتجوز اللي بيحبني هعيش سعيده، ونسيت اني مفروض انا كمان احبه عشان نبني بيتنا علي ارض صلبه، عشان كده قصتها فشلت، معتز كان بيدي وانا بس اللي باخد، عمري ما اديته الحب اللي يستهله، كنت زي اللي بتمن عليه مشاعر مزيفه، عشان ترضي ضميرها، انا ظلمته اوي معايا، ويارب يسامحني

زهيرة بنظرة فرح ارتياح انها فاقت وعرفت خطأها ردت عليها:؛؛

-ياحببتي معتز ابن حلال ومسبناش لحظه، وهو مسامحك ونسي الماضي، انتي كمان انسي ياحببتي ومتفكريش غير في صحتك وبس

نانسي بنظره حزينه تقول،،،

وعشان انسي لازم احاول اصلح الماضي يا امي، ياريت لو سمحت تنادي علي بابا عايزاه

زهيرة بعدم فهم لابنتها،،، حاضر
تخرج لتنادي علي زوجها، فيدخل مرددا،،،

سمير ينظر لابنته مرددا بسعاده،،،،

الف حمدلله علي سلامتك ياحببتي، ازيك ياحبيبة بابا

نانسي بنظره حب،،،،

الحمدلله بخير يابابا، انا كنت عايزة اطلب منك طلب يابابا وعايزاك تساعدني فيه

سمير ينظر لها بعدم فهم متعجباَ؛؛ خير ياحببتي امري

نانسي تقول بنبره جديه،،،

كنت عايزاك ترجع العفش وكل حاجه اخدتها من معتز، انا عايزة اريح ضميري من ناحيته، انا ظلمته كتير اوي، بس مش عارفه ازاي ارجعه

سمير بسعاده ان ابنته رجعت له وزاحت الغمه من امام عينيها فرد بفرحه،،،

احمدك يارب واشكر فضلك، ايوة كده يابنتي، اخيرا فوقتي ورجعتي بنتي اللي ربتها علي الخير، كله الا دعوة مظلوم يابنتي مفيش بينها وبين السما حجاب بتترفع علي طول للمولي، انا هتصل بمعتز واشوف ايه اللي مناسب معاه، عايز العفش ياخده، عايز اتمنه واديله الفلوس مفيش مشكله

نانسي برضا،،،

الحمدلله كده ضميري ارتاح من ناحيته، ربنا يقدرني واقدر اصلح كل الماضي.

سمير؛ هتقدري ياحببتي، ربنا ادالك الفرصه، وانتي الحمدلله فوقتي قبل فوات الاوان، وكل حاجه هتتصلح بامر الله.

واثناء حديثهم طرق باب الغرفه، ففتحت الام فوجدت صديقتها مني وغاده يدلفون اليها بحب مرددين

- الف سلامه عليكي يا حببتي، الف بعد الشر عليكي، احنا اول عرفنا من طنط زهيرة جينا على طول، سلامتك حببتي

نانسي ببتسامه تقول،،،،

الله يسلمكوا، الحمدلله على كل حال

غادة بحزن واسف،،

نانسي سامحيني على كلامي معاكي اخر مرة، واني السبب في اللي حصلك، عشان انا اللي قولت لمعتز علي كل حاجه، ارجوكي سامحيني حببتي

نانسي تبتسم لها برضا،،،،

انا مش زعلانه منك ياغادة بالعكس، انتي لولا اللي عملتيه كنت هفضل علي عمايا والطمع والحقد مالي قلبي، انا راضيه بحالي وواثقه ان ربنا شايلي الخير، لعل الخير يكمن في الشر

مني تنظر لها بتعجب،،،

انتي اتغيرتي اوي يا نانسي كانك واحده تانيه

نانسي تنظر لها وتقول بنبره هادئه بها رضا،،،،،

المحنه اللي انا فيها، فتحت عيني على حاجات كتير كنت غافله عنها، انا ظلمت ناس كتير يامني، واولهم ابن عمي اللي كسرت قلبه، عشان اتجوز واحد جاهز، ونسيت ان الحياة لازم نبداها خطوة خطوة بحب مع شريك حياتك، وظلمت معتز عشان محبتهوش، ومش كده بس اخدت منه كل حاجه، وكمان كنت ناويه اذيه، يمكن اللي حصلي دعوته عليا، بس انا هصلح كل ده وبابا وعدني انه هيرجع الحق لاصحابه

غادة تنظرلها بسعاده وفخر، ثم تقول،،،،

انا سعيده بيكي اوي يانانسي، ربنا يشفيكي حببتي، ويقدرك تصلحي كل اللي فاتك

مني بحزن،،،،

يارب ياغادة، انتي متتخيليش كلامك يانانسي، فوقني ازاي، فعلا كله الا دعوة مظلوم، ربنا يقدرنا ونصلح كل أخطأنا يارب، وطبعا انا هكنسل الاتفاق اياه

نانسي بحده، وبنبرة تحذيريه،،،

طبعا يامني، اووعي تعمليه، اوعي

مني؛ اكيد ياقلبي، وتنظر الي غادة وتقول،، يالا بينا بقي عشان ترتاحي حببتي، والف حمدلله على السلامه

نانسي؛ الله يسلمك حببتي

وينصرفوا داعيين الله ان يتم شفاءة عليها، ثم ينظر اليها والديها نظرة فخر وإعجاب لها،، وفجأه ينتبهون لطرق الباب، وتتوجه الام فتتفاجأ به وفوقفت صامته في ذهول.......

والي هنا تنتهى احداثنا الى هذا الحد لنتعرف في الحلقات القادمه من هو الزائر الذي اتي، وماذا سوف تخباه الايام لنور وايهاب؟
وهل هيستمر هوبا في محاولات للصلح معها

كل هذا واكثر في روايتي المتواضعة

"عذبني حبگ "
إيمووو كمال ✍️