عذبني حبك الحلقة 23

الفصل الثالث والعشرون

ويقوم بالاتصال علي رقم شخص ما يطلب منه ان يأتي اليه الي المشفي لمقابله نور، وفرحب الاخير. ووعده الا يتأخر عنه، ثم انهي معه المكالمه، ونهض حتى يستعد للذهاب إلى عمله مستيقظا معتز،،، وبعد فترة وصلوا الي عملهم وتوجه الي نور، فوجدها تتنزه في حديقه المشفي، شارده تفكر فيما سوف تفعله حين تخرج من المشفي، وكيف تبدأ حياتها من جديد، فنتبهت على صوت هادي محدثها،،،

- ياصباح الورد والياسمين يانور

نور؛ صباح الفل يادكتور

هادي ببتسامه يقول،،،

- انا حاسس ان معنوياتك ماشاء الله مرتفعه اووي، بعد مقابله والدك ووالدتك امبارح

نور بنظرة رضا تردد،،

- الحمدلله يادكتور، فعلا كتير جدا حاسه اني زي ما اكون اتولدت من جديد، وعايزة احقق كل اللي فاتني، وابدا من جديد، وارمي الماضي ورا ظهري، ومفكرش فيه

هادي بابتسامه رقيقه،،،

- كل اللي بتقوليه ده كويس جدا، لكن قبل ما تفتحي صفحه جديدة يانور لازم تقفلي وتواجهي الصفحه القديمه

نور مستفهمه، وعلي وجهها الدهشه، نظرت له قائله،،،

تقصد ايه بأني اواجه؟ اوعي تقولي اني اقابله!! لا مستحيل طبعا

هادي بنظره تحدي واصرار،،

- لازم يانور، تخطي خوفك وواجهي كل مشاكلك بكل تحدي واصرار، ومتخليش حاجه تهزك ولا تكسرك تاني، لازم تواجهي كل اللي كان سبب في اذيتك وتقفي قويه، اقوي من الاول، سمعاني يانور، يوم ما تحددي مقابلة ايهاب لازم يعرف انك بقيتي نور تانيه غير اللي عرفها، نور القويه اللي اتعلمت من خطأها ومش هتكرره تاني، انتي عارفه غلطك ايه مع إيهاب يانور؟

نور بنظرة حزن حين سماع اسمه،،

- ايه يادكتور؟

هادي بنظره لوم لها، يقول،،

- مشكلتك انك اديتي كل الحب، والمشاعر مره واحده، ومنتظرتيش انك تاخدي اي حاجه، طول الوقت بتدي.. بتدي اهتمام بادق التفاصيل، بتدي مشاعر جياشه، بتدي حنان الام، والصديقه، والعشيقه،،، كل ده تقدري تقوليلي اخدتي ايه مقابل كل ده؟

نور بألم والدموع تتلألأ في مقلتيها،،،

- اخدت غدر وجرح في قلبي، اخدت شك وعدم ثقه، اخت سكينة تلمه في قلبي، لسه بتنذف لحد دلوقتي، هو ده اللي اخدته يادكتور

هادي بهدوء جدا،،،

- لا يانور، خلي حكمك عادل، اخدتي شهره، ايهاب حقق حلم من احلامك كان نفسك تحققيه بس عشان رغبه والدك احترمتيها ومردتيش تغني، انتي عارفه ان اغنيتك الدويتو مكسره الدنيا، ومحققه نجاح عالي جدا، وكمان التصوير نزل ونسبه المشاهده مرتفعه جدا جدا، انا حبيت اقولك عشان بس تعرفي انه كان صادق في حبه، هو اه غلط وغلطه كبير اوووي ومش سهل انك تنسيه لكن برضو مينفعش يابنتي، اننا نحكم علي حد بالاعدام علي غلطه، في احكام تانيه بتكون مناسبه لغلطه، انا دلوقتي بتكلم معاكي مش بصفتي دكتور لا بصفتي اب بينصح بنته، لاني بعتبرك زي انجي بنتي الله يرحمها

نور بنظرة تفهم لما ردده،،،

- الله يرحمها ويغفر لها ويسكنها فسيح جناته، وده شرف ليا يادكتور انك تعتبرني بنتك، بس انا همشي امتي من هنا؟

هادي؛ هتمشي لما اطمن عليكي من مواجهتة اثنين واول واحد علي وشك انه يجي دلوقتي،،،، "وهنا ينظر بعيد فيجد عادل يتقدم اليهم في وهدوء، ويلقي اليهم التحيه ثم يوجه نظره لنور مرددا،،

#عذبني حبگ بقلم إيمووو كمال

- ازيك يانور

نور بابتسامة سمجه،،، الحمدلله

عادل بنظره ترجي يقول،،،

- ممكن تسمحيلي اتكلم معاكي، واشرحلك كل حاجه

هادي ينظر لنور نظره معناها ان توافق،،

انا هستأذن يانور، لو احتجتيني، انا في مكتبي، اقعد ياعادل

ويجلس عادل بالمقعد المقابل لها، ويحاول ان يجمع شجاعته لا يستطيع، ويزال الصمت سائدا بينهم، فينما هي قاطعته قائله بنبره يكسوها الحده بعد الشئ،،،،

-جاي ليه ياعادل، بأي وش قادر توريني بيه نفسك، انت بذمتك ضميرك مرتاح، بتعرف نام كده عادي، زي بقيت البشر، طب لو بتنام عادي زينها، مش بتفكر في ضحياك عاملين ايه، ايه ذنبي عشان تنتقم مني، وانت عمرك ما شوفت مني حاجه وحشه، ليه تعمل فيا كده وتهد كل احلامي اللي عشت سنين ابني فيها، بس عارف ياعادل العيب مش عليك، العيب علي اللي صدقك، وصدق كل اللاعيبك، انت والحربايه التانيه

عادل ينظر اليها وهو مطأطأ رأسه لاسفل، محدثا نفسه،،،،

- نعم هي محقه في كل حديثها، للاسف هو المجرم الذي يستحق ان يجرم حتي الموت، لانه ظلم اعز اصحابه فقط بل خانه وخطف من قبل خطيبته، ثم تركها، اعتقادا منه انه خانه، ولكن ماذا يفيد الندم، لو بقي عمره الباقي يبكي ويندم لا احد يسامحه، حتي ابتلع ريقه واستجمع شجاعته فرد عليها،،،

- مش هقدر الومك في ولا حرف قولتيه يانور، انتي فعلا الضحيه في الموضوع، ولو عشت عمري كله اعتزر ليكي، مش هوفيكي حقك، بس انا كنت معذور، قلبي كان قايد نار علي فراق الانسانه الوحيده اللي حبتها وكنت فاكر انه السبب في موتها، لكن عرفت متاخر اوي، بعد ما خنته وجرحته مرتين، وجرحتك معاه، ارجوكي سامحيني... سامحي قلب عاشق داق من العذاب الفراق الوان، ارجوكي وحتي لو مقدرتيش انا مش هزعل منك، وهعيش عمري الباقي علي امل انك تقبلي أسفي، انا جي النهاردة عشان ابرئ إيهاب، انا حبكت الكدبه عليه اووي، هو معزور يانور، ايهاب جرب خيانه خطيبته السابقه وحس بطعم الخيانه قبل كده، برغم انه كان مش بيحبها اوي، كان مجرد اعجاب بس، واتألم فتره كتير، ومن يومها مفكرش ابدا انه يقرب من اي بنت تاني، لحد ما انتي ظهرتي وحبك، مش بس كده ايهاب عشقك بجنون والراجل وقت العشق يانور بيكون غير الست، مش بيحكم عقله خالص، وصدق واتعذب زيك واكتر، كفايه احساسه بفقدانك، ارقفي بحاله، انتي عارفه انه من يوم اللي حصل وهو
قاعد في البيت حابس نفسه والشغل سابه، وفي ناس مقربه عرفت انه بيفكر في الاعتزال، وهيعلنها قريب، كل ده من احساسه ببعدك، مستقبله اللي بناه طول السنين دي هيتهد ويبقي ذكرى، شوفي بعدك عنه عامل فيه إيه، فكري يانور وانا منتظر ردك

#عذبني حبگ بقلم إيمووو كمال

تستمع نور وعلي وجها علامات الحزن والاسي وسرحت بخيالها وتخيلت حاله، ولكن عقلها دق ونبها انه السبب فيما وصلت اليه،، واستمرت الحرب بين العقل والقلب، وياتري ايهما سوف ينتصر، ثم تحدثت له،،،

-بص ياعادل انا مقدره كل اللي قولتله، وانا عارفه كل حاجه، ومش محتاج توضح اكتر من كده، ولو حقيقي عايز تكفر عن ذنبك، تساعدني في اللي عايزاه

عادل بفرحه، يرد عليها مرددا،،،

- اكيد يانور انتي تأمري اي حاجه عايزاها مستعد انفذها بس انتي شاوري

نور تصمت قليلا ثم تقول،،،

- هقولك، انا محتاجه منك تعلن اني قريبا جدا هرجع للاضواء، وحضرلي اغنيات جديده عشان اسجل اول البوم ليا

عادل بحماس،،،

- علم وينفذ، دي بسيطه جدا، الاعلام كله حبايبنا والف من يخدم وينفذ، والشعراء كتير قولي بس علي نوعيه الأغاني وانا اجهزلك المطلوب، بس انتي حددي امتي

نور بنبره حزينه،،،

- نوعيه الاغاني الحزينه شويه، بس تكون قويه تمس القلب اوي، اما بقي امتي بلاش تحدد قول قريبا، هنتظر منك تيجي المرة الجاية تزورني ومعاك كل الأغاني

عادل؛ تمام في اقرب وقت هجهزهم، بس كنت حابب اني اعمل معاكي دويتو، ايه رايك؟

نور بتفكير، ثم ترد،،،،

- موافقه ياعادل، وهيكون فكرتة مختلفه كمان

عادل بتعجب ؛ ازاي يعني؟

نور ترد بحماس مردده،،،

- بص احنا هناخد الديوتوهات القديمه، زي مثلا شاديه وعبدالحليم، شاديه وفريد وغيرهم، هنعمل توزيع جديد للاغاني بتقنيه حديثه ونغنيهم، عشان الجيل الجديد يسمع الروائع الفن الجميل، ها ليه رايك؟

عادل يسعاده،،،

- هي عايزة راي، ممتازة جدا، طبعاََ موافق ومعاكي في اللي تختارينه، وانا هجهزلك كام دويتو مشهرين كده عشان نسجله

نور بابتسامه تقول،،،

- اوك وانا هختار واحد، او اثنين واضفهم في البومي، هستناك ياعادل

عادل بنظرة ترجي،،،

- يعني افهم من كده انك سامحتيني يانور

نور تنظر له ببتسامه ثم تقول،،،

- لو مكنتش سامحتك، مكنتش هشتغل معاك ياعادل، ربنا يسامحنا جميعا،
صدقني لو كنت انت غلطت، فالغلط الاكبر علي اللي صدق، خلاص بلاش نتكلم عن اللي فات، حاول تنسي، زي ما انا بحاول

عادل ينظر لها نظرة اعجاب وائمتنان؛؛؛

انتي قلبك كبير اوي يانور، وصدقيني هكون ليكي الاخ والصديق اللي تعتمدي عليه، وعمري ما هخون ثقتك ابدا اوعدك

نور تنظر له وتشعر بصدق حديثه،،،

- انا مصدقاك ياعادل، وحاسه انك عايز تكفر عن ذنبك، وانا هديك الفرصه

عادل بنظره جديه حانيه يقول،،،

- وانا عمري ما هضيعها ابدا، بس حابب قبل ما امشي اطلب منك، زي ما كان قلبك كبير وسامحتيني، حاولي تسمعي ايهاب وتديله فرصه تانيه

نور بحزن ترد،،،

- صعب ياعادل في الوقت الحالي، الله اعلم امتي قلبي يقدر ينسي، وهل هيقدر يسامح ولا لاء، سيب الايام هي اللي تدواي جروحنا

عادل؛ باذن الله علي خير، وانا واثق في قلبك الطيب يانور

وينصرف عادل وتجلس بمفردها شارده في حديثه عن معذبها، وما وصل اليه، وهل حقيقى خبر اعتزاله صحيح ام اشاعه،،،،

#عذبني حبگ بقلم إيمووو كمال

تفوق نانسي متألمه بشده من شده الالم الذي تشعر به، فقد كان الم لا يحتمل، ثم احست انها لا تشعر بقدميها الثانيه، فسألت والدتها،،

-ماما ايه اللي حصلي، انا مش فاكره حاجه خالص، انا مش حاسه برجلي هو في ايه، انا حصلي ايه؟

زهيره بدموع وحزن تقول،،،

- حببتي احمدي ربنا انك قومتي بالسلامه، الوقعه كانت جامده اووي، وكلها جت علي ظهري ف.. ف..

نانسي وقد ادركت ما اصابها، فبكت بشده ثم ردت عليها،،،

- كملي يا امي، سكتي ليه،، اقولك انا فرجلي اتشلت صح... انا اتشليت... ااااه انا اتشليت "كانت ترددها ببكاء شديد وانهيار، واتي علي سماعها والدها والطبيب،، وامر اعطاءها حقنة مهدئة"

زهيرة بحزن : ياعيني عليكي يابنتي، كان مستخبي ليكي فين كل ده

سمير بحزن ورضا يقول،،،

-اللهم نسألك العفو والعافية، فعفو عنها والطف بها يا لطيف، يا ارحم الراحمين يارب العالمين

ثم يخرج والدها ويجري اتصالا بابن اخيه أدم،و بعد ثواني،تم الرد عليه،،،

ادم؛ اهلا عمي، ازيك حبيبي

سمير بنبرة صوت مخنوقه،،،

- انا بخير، انت ازيك، مش ناوي تيجي قريت

أدم بقلق يقول،،،

- عمي مال صوتك، زي ما يكون حزين او بتبكي

سمير ببكاء يقول،،،

- نانسي يا أدم،،، ناسي

أدم وقد شعر ان قلبه كاد ان يتوقف حين سمع اسمعها، فردد بلهفه،،،،

- مالها نانسي ياعمي، حصلها اية؟

سمير وقد احس بلهفته، فانه يعلم بما يكنه لها من عشق : نانسي وقعت من الشباك، وللاسف حالتها خطيره، جالها شلل، غير الكسور، والكدمات، والخلع اللي في كتفها

أدم وشعر شعر ان الدنيا تدور من حوله وكاد ان يفقد الوعي،،،،

سمير ؛ انت سامعني يا أدم

أدم بهمس :ايوة ياعمي سامعك، ياريت تبعتلي كل الاشعه والتقارير بسرعه، وانا هعمل اتصلاتي لازم يكون في حل، واول ما اوصل لشئ هحجزلك تجيبها وتيجي

سمير بامل؛ حاضر يا حبيبي هو ده عشمي فيك يابني، انا مش عارف اشكرك ازاي

ادم بحزن،،،

- مفيش شكر بينا، انت عارف غلاوتك عندي في مقام غلاوة والدي

سمير بحب يقول،،،

- عارف يابني، وربنا يعلم غلاوتك في قلبي ازاي

أدم بنبره بها مراره يقول،،

- جوزها هيجي مع حضرتك ياعمي

سمير بخزن رد،،،

- نانسي اتطلقت من مده يا أدم

أدم بنظرة أمل تجددت بداخله،،،

- ربنا يعوض عليها ياعمي و يشفيها يارب

سمير : اللهم امين

أدم؛ هستني منك تبعتلي اللي طلبته، مع السلامه

ويغلق معه ويسند رأسه علي الاريكه ويحدث نفسه،،، عن حال الدنيا، فقد فرقتهم في الماضي.،والآن هي في اشد الحاجه اليه، فهل يتخلي عنها ام يبقي بجوارها ويمد يده اليها، ويساعدها علي تخطي محنتها الصعبه، نعم اني مازلت احبها، برغم كل هذه السنوات فلم افكر في احد غيرها، كم تمنيت انها تكون زوجتي، فانا اعشقها، اعشق كل تفاصيلها، منذ الصغر، وهي فتاة احلامي، وحين كبرنا وتخرجت من كليه الطب، رفضت حبي، لتقبل من هو جاهز عني، وها انا الآن اجتهدت واصبحت في اشهر الأطباء في لندن، وزوجها طلقها،، لماذا لم تصبري معي حبيبتي؟ لماذا تخليتي عني وانتي تعلمي اني احبك اكثر من نفسي؟ اااه لماذا الالم يتجدد وتظهري في طريقي مره اخري يانانسي؟ فانا صدقت ان الملم جروحي ليه رجعتي تاني بس،،،، ثم فاق ونهض حين سمع اشعار اتي له وفتح جهازه الحاسب فوجد عمه قد ارسل له كل الإشاعات والتقارير والتحاليل الخاصه، فاخذ ينظر بهم جيدا، وطلب عمل كونسلتوا من جميع التخصصات ليعرض عليهم الامر

#عذبني حبگ بقلم إيمووو كمال

تجلس جنة بغرفتها وتقوم بالاتصال علي نسمه لتقص عليها ما حدث،، وبعد ثواني اتاها الرد،،،

- ايوه يا اختي لسه فاكره تكلميني، ولا حتي تعبريني، علي راي المثل "في الحزن مدعويين، وفي الفرح منسيين" مش كده

جنة تضحك وتقول،،،

- والله يانسومه كل حاجه جت بسرعه، ومعتز فجأ ماما ومصطفي، بانه طلع الدبله والخاتم والمحبس

نسمه بضحك،،،

- زي ما عمل هادي بالظبط، اظاهر غش منه ههههههه

جنة مبادلها الضحك؛ اه اظاهر كده، كانوا متفقين، بس المهم اني فرحانه اوي يانسمه، وسعيده جدااا

نسمه بحب،،،

- ربنا يسعدك ياحببتي يارب ويتملك علي خير، بس المهم هتيجي امتي، عايزة اختار الفستان وانتي معايا ياجوجو

جنة بفرحه تقول،،،

- بصي بكرة بالكتير هكون عندك ياقلبي، وان شاء الله تجيبي احلى فستان موجود

نسمه؛ يارب ياقلبي، بس اوعي تتأخري عليا

جنه؛ لا متقلقيش، سلام ياحبي

نسمه؛ سلام ياحببتي، وسلمي علي عمتي كتير، وخليها تيجي عشان هنحدد معاد كتب الكتاب، وفرصه تعقد معانا لحد الفرح

جنة؛ حاضر هقولها حببتي، سلام

#عذبني حبگ بقلم إيمووو كمال

يجلس ايهاب بغرفه مكتبه، وشارد في محبوبته، ويتذكر ايامها معه، وذكراياتهم الجميله في لبنان، والمنزل، والعمل، كل مكان، ولم ينتبه لدخول صديقه فارس، الذي صدم حين رآه، فكان شارد حزين، وتاركا لحيته طويله، وشاربه ايضاََ، فتحدث له مرددا،،،

- ولحد امتي يا ايهاب هتفضل علي الحال ده ياصاحبي؟

ايهاب ينظر له بوجه عبوس مرددا،،،

- انت جيت امتي، محستش بيك

فارس ينظر له ويتحدث بضيق مردد،،

وتحس بيا ازاي، وانت قاعد كده علي طول شارد حزين

ايهاب بضيق يقول،،،

- وانت عايزني اعمل ايه يا فارس، بالله عليك سبني في حالي

فارس بغضب وحده،،،

- كده مش هينفع ياصاحبي، فوق لشغلك وحالك، اللي بنيته في سنين بتضيعه كده، انت فاكر انها هترجع لك لما تحبس نفسك كده

ايهاب بنبره حزينه يغمرها الالم يقول،،،

- يافارس انا مش قادر اشغل، انا حاسس ان دنيتي كلها وقفت لما سابتني، لا عارف اكل ولا اشرب، ولا حتي اشتغل، ولا حاسس بطعم الدنيا، انا حاسس اني ميت، جسد من غير روح، نور كانت روحي يافارس، وضاعت مني

فارس وينظر اليه، نظرة اسي عليه، ويصعب عليه حاله؛؛؛

- طب واخرتها، بدل ما انت حابس نفسك حاول تروحلها، او حاول تعملها اغنيه جديده، تعتذر ليها عن اللي حصل، اي حاجه بس متفضلش كده، انت فاهمني

ايهاب ينظر اليه وقد اعجب بفكرته، وقرر تنفيذها سريعاََ، وقرر ان يذهب اليها ويحاول معها، يمكن ان تسمح له بمقابلته، فرد عليه قائلا،،،

- انت عندك حق ياصاحبي، انا لازم اروح بس يارب ترضي تقابليني، وحتي لو مرضتش يكفي اني اشوفها من بعيد، وكمان كلملي كل الشعراء عايز اغنيه كده معناها اني بطلب مسامحه حببتي علي غلطة ارتكبتها في حقها ضروري يافارس ارجوك

فارس محاوله ان يخرجه من موده فيهتف مرددا،،

- ايوة كده ياهوبا ياجاامد ، هو ده ايهاب اللي اعرفه، بكره هتكون عندك الكلمات اللي عايزها

ايهاب : وفي طلب تاني، هتعبك معايا فيه

فارس بتعجب :انت تأمرني ياحبيبي

ايهاب بحده وغضب يقول،،،

- استغل كل معارفنا، مش عايز حد يشغل هايدي في اي عمل، تتابع كل تحركاتها، واي حد يتصل بيها عشان شغل تلغيه، انا عايزها تقعد في بينها تغني ظلموه

فارس؛ يا إيهاب سيبك منها، ربنا ينتقم منها، ركز انت مع نور، وهي ليها رب كريم

ايهاب بغضب وحده،،،

- انا لازم اخد حقي منها، ومش هرتاح غير لما تبكي بدل الدموع دم، وتعرف هي لعبت مع مين، هتساعدني ولا لاء

فارس ينظر له ويحاول تهدئته؛؛؛

- حاضر اهدي انت بس، وكل اللي عايزه هيتم ياسيدي

إيهاب ينظر له بنظره شكر،،

- متشكر يافارس انت اخويا، وعارف اني بتقل عليك سامحني

فارس بزعل،،

- اخس عليك انت لسه قايل اخويا، واللي بينا اكتر من الاخوة يا ايهاب، اسيبك انا عشان انفذ اللي طلبته مني

إيهاب ينهض ليسلم عليه ويحتضنه ويهمس له،،،، ربنا ميحرمنيش منك ياصاحبي

فارس : ويباركلي فيك يارب، ويهديك الحال

ويتركه ويقوم باتصلاته مع اشهر الشعراء، ليختار له كلمات الاغنيه التي يرديها، وبعد عده اتصالات ومحاولات وجد مراده، فأعجب بها جدا، وشعر انها سوف تنال اعجابه، فقرر ان يتصل به غدا ليملي عليه الكلمات، لان الوقت قد تأخر

#عذبني حبگ بقلم إيمووو كمال

يجلس هادي متكئا علي فراشه، ويمسك جواله ليحادث نسمته، قائلا،،،

- حببتي نامت ولا إيه؟

نسمه بحب تقول،،،

- وانا ازاي يجيلي نوم من غير ما اسمع صوت حبيبي، مش ممكن طبعاً

هادي بنبره حانيه يقول،،،

- حبيبي ياناس، عرفتي اللي حصل معاهم؟

نسمه؛ جنه كلمتي وحاكتلي، وقالتلي هتيجي احتمال بكره، عشان نختار الفستان

هادي بفرحه،،،

- بجد اخيرا هنشتريه

نسمه؛ اخيرا انا بصراحه اتشاءمت من آخر مره

هادي؛ هو في حاجه اسمها كده برضو، سيبي كل حاجه علي ربنا ومتفكريش بالشكل ده حببتي

نسمه؛ ونعم بالله، طب معتز هيعمل ايه في موضوع الشقه

هادي : هو مكلم سمسار وكان مفروض يشوف شقه تانيه عشان هيبيع شقته مش راضى يعيش فيها خالص، اقنعته كتير بصراحه بس هو عايز يبدأ مع جنه حياة جديدة من غير وجود ذكريات تفكره بطلقته

نسمه؛ بصراحه هو صعبان عليا اوووي، ربنا يهدي سرهم يارب

هادي بتمثيل الزعل،،

طب وانا مش صعبان عليكي بقي، وتحني عليا وتحددي معاد لكتب الكتاب والفرح

نسمه بضحكه رقيقه،،،

ياقلبي هانت، اليوم اللي هنشتري فيه الفستان، ترجع معايا وتحدد المعاد مع بابا، ارتحت ياسيدي كده

هادي يرد بسعاده،،،

ايوه كده، هو ده الكلام، اخيرا يانسمتي هتبقي مراتي، وتكتبي علي اسمي، انا مش مصدق نفسي

نسمه بنبره عاشقه تقول،،

اخيرا ياحلم حياتي، ربنا استجاب ليا، يا اخره صبري، انا اللي مفروض اقولك اخيرا ياهادي مش انت،،، انا اللي صبرت سنين بشوفك، وانت مش واخد بالك مني، وعايش في احزانك، واصبر نفسي واقول مسيره يحس بيكي يابنت، مسيره ينطق ويشوف الحب اللي في عيونك، والحمدلله ربنا نور بصيرتك وحسيت بيا، وقلبك دق ليا يا احلي وأجمل هديه من ربنا ليا

هادي يسمع حديثها ولا تصدق اذناه، ايعقل ان يجد كل هذا الحب متجسد في ملاكه الرقيق، فرد عليها بكل حب هاتفا؛؛؛

- نسمه انتي حقيقه، ولا حلم عايش انا فيه، معقول يكون ربنا عوضني بملاك زيك يملي حياتي، انا خايف اكون بحلم، واصحي علي كابوس

نسمه تهمس له بحب مردده،،،

لأ ياقلبي، انا حقيقه بين ايديك ياهادي، انت اللي كتير عليا والله، طيبتك وحنيتك عندي بالدنيا كلها

هادي بهيام يقوم،،،،

يعني بعد كل الكلام الحلو ده أعمل فيكي إيه انا دلوقتي، ارحميني لحد بس ما نكتب كتابنا ونتلم يانسمتي، نفسي اعرف اعبرلك عن حبي ليكي ياقلبي

نسمه صامته من خجلها غير قادره علي الرد ولا مجاراته في الحديث،، فرد وقال لها،،،

- ادفع نص عمري واشوف وشك وهو مكسوف كده، وشبه الطماطمايه

نسمة بهمس،،،

عيب كده ياهادي، انا هقفل سلام، اشوفك بكره

هادي بضحكة عاليه،،،

بتهربي مني ماشي يانسمتي، بس بكرة مش هتعرفي تهربي ياقلبي، تصبحي على خير وسعادة ياحبي

وتغلق معه وهي محتضنه هاتفها وتقبله وتردد،، بحبه.. بحبه.. بحبه اوي اوي اوي

يحاول هادي ان ينام، لكنه باله انشغل وفكر في نور، وكيف ستواجه ايهاب، وما رد فعلها حين مقابلته، ولكن شئ لابد منه، لابد من المواجهة لتحسم امرها، لذلك قرر ان يهاتفه، ولكن اثناء ذلك رن هاتفه فنظر اليه ووجده إيهاب، فرد عليه هاتفا،،،

- ابن حلال لسه كنت حالا هتصل عليك، عشان اطلب منك تيجي بكره بدري، عشان تقابل نور

ايهاب بفرحه وسعاده،،،

بجد يا دكتور اخيرا آن الاوان اني اشوفها، انا كنت بتصل عشان كده

هادي بهدوء يقول،،

خلاص مبقاش ينفع اجل اكتر من كده، نور واجهت النهارده عادل، والحمدلله رد فعلها كان كويس، والمقابله عدت على خير، مش فاضل غيرك، ربنا يستر من المقابله، خليك مستعد لاي رد فعل، انت مهمتك اصعب كتير من عادل علي فكره

إيهاب بحزن،،،

عارف يادكتور، بس اوعدك اني هصبر وهتحمل اي حاجه عشان تسامحني، ومش هيأس ابدا

هادي براحه وطمأنينة،،،

ربنا معاك، ويهدي نور، حاول متتأخرش، انا اول ما بوصل المشفى بروح اطمن عليها، ولو مقابلتكم عدت على خير ممكن اكتبلها علي خروج

ايهاب بنبره شكر يقول،،،

ان شاء الله خير يادكتور، انا مش عارف اشكرك والله

هادي بحب يرد،،،

متشكرنيش نور دي زي بنتي، قبل ما تكون مريضه بعالجها، ربنا يصلحك الحال يارب

ايهاب؛ امين يارب، اشوفك علي خير يادكتور، مع الف سلامة

هادي؛ مع السلامه

ويغلق معه المكالمه، وظل يفكر ويفكر في رد فعلها حتي استسلم لسلطان النوم

والي هنا تنتهي احداثنا عند هذا الحد لنتعرف في الحلقات القادمه ماذا سوف يحدث في لقاء الجبابرة والتحدي بين نور مع إيهاب، وايه اللى هيحصل بينهم في احداث مليئة بالاثارة والتشويق من روايتي المتواضعة

"عذبني حبگ"
إيمووو كمال ✍️