قصة كرسي الجن الجزء 19

#كرسى_الجن
#الجزء_التاسع_عشر والقبل الاخيييييييير

اعوذ بكلمات الله التامات

والصدمة كانت
لقوا دود كتير وصراصير ونمل وتعابين طالعين من جوة البير
ولقوا جثة طفل مش باينلها ملامح
الدود والتعابين والحشرات اكلوها

جمال:- ياساتر يا رب اى دة
عصام:- رسم الله الحافظ !

محمد:- ماتقولوش ان دة ادهم
دى مش ادهم صح
اه يا قلبى
وحط محمد ايدة ع قلبة ومكنش قادر يقف
مد ايدة جمال جوة البير وشد ادهم
جمال :- محمد اسند نفسك تعالى وندية مستشفى
يمكن لسة عايش

محمد قوووووم اسند نفسك
سندة يا عصام وتعالوا ورايا
كانت هويام واقفة بالبلكونة
لقت ابوها وعمامها طالعين يجروا وشايلين طفل ع اديهم
قعدت تصوت تصوت طلعت العيله كلها من البلكونات
وشافوا المنظر
قعدوت يصوتوا
جت مامت هويام تجرى ع البلكونة
فاطمة:- فى اى فى اى
شافت ادهم .
ابنى ....ابنى
ونزلت تجرى وكل العيلة كانت سبقاها

طبعا كانوا اتحركوا بية ع المستشفى

معتز:- يلا هجيب العربية ونحصلهم والباقى يجى ورانا بتاكسى
عرفتوا طلعوا ع مستشفى اى
طيب هتصل ع عمى
اتصل معتز ع عصام وعرف منة اسم المستشفى
وخد هويام ومامتها ومديحة ونهى وطلع ع المستشفى
وسعاد واقفة بالبلكونة فوق ووشها عليه علمات الخوف والرعب
دخلت الشقة تجرى يمين وشمال مش عارفة تتصرف ازاى
اية لقوة بسرعة
يومين 3 كمان وكان محدش لقاة
ازاى فاتتنى موضوع الريحة
لية اصلا يطلع ريحة
فى حاجة غلط حصلت

وصل محمد وعصام وجمال المستشفى
ودخلوا بسرعة ع الطوارئ
اول ماشافوة الدكاترة الصغيرين  قالوا مش هتقبه
دة ميت  اصلا
روحوا ادفنوه
فضلوا اهل ادهم يصوتوا ويتخانقوا
وفاطمة وطة ع ايد واحد من الدكاترة وقالتلهم ابوس اديكم ابوس اديكم شوفولو حل
قلبى حاسس انة عايشة
بالله عليكم
فضلت الدكاترة ترفض
واهل ادهم ويزعقوا ويصوتوا ويعيطوا ويتحايلوا
راح دكتور من الدكاترة مغطى وش ادهم ...
الدكتور :- ابنكم ميت  ارجوكم احنا بمستشفى ماتضطرونيش اطلب الامن
هجم محمد ع الدكتور وفضل يتخانق معاه
بالصدفة عدى دكتور استشارى كبير
رئيس قسم كبير بالمشتشفى ولية حصة بالمستشفى برضو
قرب منهم عشان يشوف اى القصة ويحل المشكلة
الدكتور:- خير فى اى
رد واحد م الدكاتر
الولد جاى ميت وهما مش مصدقين  وعاوزينا نكشف علية ويتحجز وبالاخر عيبقى طلعم المستشفى ميت
وسمعة وحشة ع الفاضى
غمز الدكتور الكبير للدكتور الصغير
الدكتورالكبير :- تمام ... انا هكشف علية عشان تهدوا بس ارجوكم بعد مخلص كشف فى صمت تاخدوا الجثة اقصد الطفل وتمشوا بدون صوت
انا بس هعمل كدة عشانكم
(الدكتور بنيتة يكشف كشف روتينى عشان يهدوا ويمشوا من غير شوشرة مع انة واثق انة ميت اكيد الدكاترة مش هتغلط )
دخل الكتور الطوارئ ووراه الدكاترة ومعاهم ادهم وجمال ومحمد
والباقى استنى برة
بدأ الدكتور يكشف
ومرة وحدة تنح وسط الكشف ... معقووووول
معقووووووول
دى غلطة تغلطوها
انا هغيركم كلكم
الولد لسة عايش
عاوز الاشعة دى ودى ودى وكتب اشعات كتير وتحاليل كتير
وقالهم عاوزها فى خلال 5د
وتنقلوه اوضة عمليات لسرعة
باللحظة دى محمد دموعة نزلت
وجسمة بقى بيرتعش وردت فية الروح
جمال جرى علية وحضنة
وسط الحضن
محمد حس بقرف من نفسة بسبب الى كان بيعملة مع سعاد مرات جمال اخوة
خرج جمال جرى برة
جمال :- ادهم عايش عاااااااايش عااااااااايش
ادعوووووله هيتنقل عمليات دلوقتى
ادعوله
قعدت فاطمة تعيط وتضحك بنفس اللحظة وبالرغم من انة تعبان جدااااا وحتى ملامح وشة مش باينة واكيد الوضع صعب اووووى
بس المهم فى امل
ولسة عايش
بالرغم من سوء الموقف بقوا بيضحكوا ويحمدوا ربنا والدموع بتنزل مع الضحك
وفضلوا يدعوااااا
ويقولوا يارب

طلعت الاشعة والتحاليل
الدكتور :- انت بابا الولد صح
محمد:- اه طمنى
الدكتور :- الوضع سئ لشكل بشع هو حصلة اى
بص الاشعة بتوضع ان فى حشرات دخلت على المخ واكلت ودمرت بعض الاجزاء
خصوصا اجزاء الحركة والادراك
وطبلة الاذن فى النحيتين مش موجودة متاكلة  خالص
فى برضو اجسام غريبة ضاهرة بجسمة من جوة
واكلة اجزاء من الرئة والامعاء
المناخير مش موجودة اصلا
اللسان متاكل
العنين متاكلة تمام والعصب البصرى متدمر
هبوط حاااااد بالدورة الدموية
القلب بيشتغل ويقف
التنفس متوقف
بص الوضع سئ ومحتاج عمليات كتييييييييير
هتمضيلى ع اقرار انك موافق ع العملية وهترضى باى نتيجة
انا مضمنش هيعيش ولا لا
بس لو هتتحمل المسؤلية هحاول
وال  ربنا عاوزة يكون
محمد:- يعنى هيموت
الدكتور :- حكيتلك الوضع ودة وضع مبدئى كمان
بس طالما لسة عايش فى امل اكيد

محمد:- انا موافق وهمضيلك
ارجوك رجعلى ابنى ارجوك
ومضى محمد الاقرار ودخل ادهم العمليات

بعد 6 ساعات
خرج الدكتور

الدكتور:- انا عملت الى عليا
كان محتاج عمليات كنييير
عملت الاهم ومكنش ينفع اكمل غير بعد 48 س
لو الحالة
استقرت
هنعمل عملية تانية
ادعوله تعدى الساعات الجاية على خير
ومشى الدكتور
الكل كان حزين وخايف ومش فاهمين لية حصلة كدة
بس صدمة اختفائة وظهورة بالشكل دة لهتهم اصلا عن التفكير ف انة ازاى حصلة كدة

محمد قرب من فاطمة ومسك اديها
من غير مايبصلها
محمد:- متخافيش ان شاء الله هيببقى  كويس
وسابها ونزل مسجد المستشفى اتوضى وصلى وبعد مخلص صلاة فضل يدعى
يارب انا عارف انى وحش وعملت حاجات كتير غلط واستاهل يحصلى اى حاجة
بس ابنى مالوش ذنب هو برئ من اى حاجة انا عملتها
يارب ماتاخدهوش بذنبى
يارب رجعهولى تانى وانا هتغير ومش ععمل اى حاجة تغضبك تانى
يارب ابنى لا يا رب
خدنى انا عذبنى انا موتنى انا يارب ابنى لا وانهار بالعياط

فاطمة فوق ....
انا قلبى واجعنى
شاف عذاب اد اى....
حس باية وجسمة بيتاكل وهو صاحى وحاسس
اكيد كلن بيتالم جامد
اكيد جاع لحد ما اغمى علية من الجوع
اكيد خاف
ادهم بيخاف من الضلمة
اكيد ندة عليا كتير وانا مسمعتوش
كان بينى وبينى كم متر ومسمعتوش
طيب كان سقعان
طيب كان مرعوب
ياترى يابنى شوفت اى تحت ال3 ايام دول
ابنى كان فى قبر
وجسمة بيتاكل
وانا فوق مش حاسة بية
يارب يارب ارحمنى يارب
فضلو يهدوا فيها

هويام خدت نفسها وانسحبت من غير ما حد يحس بيها
وطلعت دورت ع دور بالمشتشفى فاضى
وقعدت ع كراسى الانتظار
وفضلت تقرا قران وتعيط
حس بختفائها معتز
فضل يدور عليها لحد ملاقاها
معتز :- لية قاعدة لوحدك
مسحت دموعها وبصيتلة ورجعت كملت قراية قران
معتز:- ان شاء الله هيبقى بخير
ع الاقل هو معانا دلوقتى
وانا جمبة وهنعرف نتصرف
الوضع مش حلو بس احسن من الاول
فكرى كدة وادعيلة يا هويام
وهويام مش بترد وتقرا قران وتعيط
رن تليفون معتز  كان جمال بيتصل بية
جمال:- انت فيييين الحق
بيقولوا قلب ادهم وقف وتقريبا مات
قام معتز اتنفض وبصوت عالى
مات!
هويام مرضتش تبص نحية معتز ومش عاوزة تسمع بيتقال اى ولا عاوزة تعرف مين مات
وقفلت المصحف
وفضلت تدعى يارب احفظة يارب احمية
مغتز:- هويام لازم ننزل
هويام:- لا انا هفضل هنا ادعى لادهم لحد ما يخف
معتز  شدها من اديها ونزل يجرى بيها ع تحت
لقى فاطمة قاعدة بالارض تصوت وتلطم وتقطع بهدومها
والكل حواليها الى بيعيط والى بيصوت والى بيقومها
جة محمد من الصلاة
شاف المنظر ...
محمد:- فى اى
فاطمة :- ماااااات ماااااااااات
قلبة مستحملش حبيبى
قلبة مستحملش الى شافة
مااااااات
ادهم مااااات يا محمد ماااااااات
ابنى وحتة من روحى مات
اتعذب ومات
معرفش حتى احضنة وابوسة
مات وسابنى
محمد فضل يخبط راسة بالحيطة    ويعيط
ويقول لييييية يارب
قلتلك خدنى انا يارب
جرى علية عصام وجمال ومعتز يمسكوه
هويام اغمر عليها
جرى معتز وعصام شالوها ودخلوها الطوارئ
عدت ساعاااااات من الحزن والالم
وطلع تصريح الدفن
وادفن ادهم ......
سعاد لما عرفت الخبر  بدون ماتحس زغرطت
وبعدين خافت يكون حد سمعها
مقدرتش تسيطر ع مشاعرها
كانت خايفة ادهم يفوق ويعترف عليها
ولكن ادهم مات
مع الاسف مات

كان صعب اوى الامل الى رجع وملحقوش يفرحوا بيه وضاع تانى

لله الامر من قبل ومن بعد
 ادفن ادهم وعملوله عذاء
وقرر محمد وعصام وجمال بعد ما الوضع يعدى شوبة
ينزلوا تحت يشوفوا اى الى حصل
واى البير دة اصلا
ومين عملة
ومعمول لية
واى الى خلى ادهم ينزل
وازاى دخل واتقفل علية !
الموضوع مش مريح

عدة يومين تلاتة اسبوع
حالة من الكئابة الفظيعة بالببت

صحيت فاطمة الساعة 6 الصبح
دخلت المطبخ
حضرت سندوتشات
ودخلت اوضة ادهم
شالت الملاية من ع سريرة
يلا يا ادهم اصحى
وقعدت ع السرير
وجابت شنطتة
وحطتله فيها السندوتشات
والمصروف
وفضلت تكلم نفسها
لازم  تاكل كل اكلك لو رجع بسندوتش هزعل منك
ماتتشقاش  ع متتعورش تانى
حطيتلك قلم رصاص وبراية جداد
اياك ترجع من غيرهم
سمعت هويام صوت حد بيتكلم قامت خايفة طلعت من اوضتها
لقت نور اوضة ادهم منور
دخلت تشوف فى اى
لقت مامتها قاعدة ع السرير وجمها الشنطة بتاعة ادهم
وماسكة مخدة عمالة تسرحلها
هويام دموعها نزلت غصب عنها وجريت ع مامتها وحضنتها
وقعدوا يعيطوا سوا
وسط الدموع سمعوا صوت كورة بتتنطط برة يالصالة
جريوا يشوفوا فى اى
لقوا كورة ادهم بتتحرك
فاطمة :- روحة معانا
وحوالينا
ديما كان شقى
ماتعرفش ان دى مش روح ادهم
دى روح شريرة متسلطة عليهم

خلال الاسبوع دة هدير مقدرتش تنسى كريم ولا تشيلة من دماغها
وفضلت تتصل من ارقام غريبة مكنش بيرد عليها
وطبعا الظرف مكنش يسمح انها تروح السنتر تشوف فى اى
قلبها كان واجعها وكانت طول الليل تعيط ومش قادرة تنام
وحاسة ان روحها رايحة
اتصلت عليها واحدة صحبتها من السنتر تشوفها بطلن تيجى لية
سالى:- هدير فين يا بنتى
بطلتى تيجى السنتر لية
هدير :- ابن عمى اتوفى والوضع مكنش يسمح بنزولى
سالى :- لا اله الا الله انهى واحد عبدلله ولا معتز
ههدير :- ادهم
سالى:- ياربنا
ادهم الطفل الصغير الى كل مكنت اجى يقعد يغلس عليا
هدير :- -اه هو
سالى :- لا حول ولا قوة الا بالله
مات ازاى
هدير :- معرفش والله
سالى :- يعنى اى
هدير :- والله مانعرف ... بعدين افهمك
سالى :- ربنا يرحمة
خلاص
هدير:- حلاص اى !
سالى :- كنت بتصل ع عوزاكى بحوار بس مش وقتة خااااالص
هدير:- حوار اى قولى قولى يمكن يطلعنى من المود شوية
سالى :- طيب
بصى بظبط مع صحابنا بالسنتر نعمل سربرايز بارتى  لمستر كريم ومش اسراء
هدير :- لية !
سالى:- مبتفاحيش فيس ولا اى
هدير :- بقالة فترة مش بفتح ... لية بقى حصل اى
سالى:- كتبوا الكتاب اول امبارح
وكنا عاوزين نحتفل بيهم
هدير :- ثوانى معلش
كريم اتجوز اسراء خلاص
سالى :- لا كتب كتاب بس قدموا الفرح برضو بيقولوا اخر الشهر
مش فاهمة مع انهم قالو بشهر 7
هدير:- كريم هيتجوز اخر الشهر
انتى بتتكلمى جد احلفى انك بتتكلمى
جد
سالى :- ف اى ههزر معاكى لية فحوار وظروف زى دى
هدير :- اقفلى
وقفلت بوشها
وانهارت بالعياط
وفضلت تلف حوالين نفسها
وكان حد طعنها بقلبها
غيرت هدومها
وقالت لمامتها لازم اروح السنتر لو مروحتش هيطردونى
مامتها :- سنتر اى الساعه 8الصبح لسة بدرى
هدير :- مكثفين حصص يلا متاخرنيش
وجريت وراحت السنتر
طلعت لقت الشنتر لسة مقفول
نزلت خبطت ع شقة كريم
فتحلها كريم
كريم:- هدير ...!
اى الى جابك
مش قلتلك فكك منى
راحت زاقة ايدى ودخلت وقفلت الباب
هدير :- انت اتجوزت بجد!
 كريم:- وانتى مالك
مش قلتبك فكك منى بقى
هدير رد ع سؤالى
اتجوزت بجد
كريم :- اه كتبت كتابى
خير !
هدير :- طيب وانا ؟
كريم:- انتى اى!
هدير :- مش قلتلى بتحبنى ومتقدرش تعيش من غيرى
كريم:- فعلا بس ماتخديش الكلام جد اوى يعنى كنت بهزر
هدير :-بتهزر
انت بتتكلم بجد يا كريم
انا مش مصدقة ع فكرة
انت عامل مقلب فيا صح
كريم :- استنى هوريكى حاجة
وجاب تليفونة
وفتحلها الصور
دى صور كتب الكتاب
عقبالك بقى
هجمت هدير علية
وفضلت تضربة فى صدرة
وهو ثابت ولا بيقاوم
وبعدين بعدت عنة وانهارت عياط
هدير :- طيب وانااا
انا فين
انا مش قادرة استحمل الى بيحصل
حسة انى هموت
اقولك طيب
انا موافقة ابقى زوجة تانية عادى
اتجوزنى انا كمان وماتشبنيش
كريم:- بقولك اى بلاش لعب عيال

وبلاش رخص لقى ع ماتنزايش من نظرى اكتر
انا بحب اسراء ومش هتجوز غيرها
ياريت تمشى من هنا بقى بدل ما اطردك  وراح يفتح باب الشقة
هدير :- انت مش راجل ع فكرة
لفلها وبصلها من فوق لتحت
كريم :- لا راجل
وعشان راجل مكنش ينفع اتجوز وحدة دخلت شقتى قبل ما يبقى بينا حاجة رسمى
عشان راجل مقبلش ع نفسى كدة
انتى عارفة يعنى اى تدخلى شقتى من فترة
وترجعى تدخليها وتجيلى تانى الساعه 8 الصبح
عارفة يعنى اى وحدة تدخل شقة عازب
يعنى انتى صايعة وماشوفتيش يوم تربية
جريت هدير علية وضربتة بالقلم
وفتحت باب الشقة ونزلت
فضلت تجرى فى الشارع زى المجنونة وعمالة تعيط
قفل وراها كريم
 وفضل يخبط دماغة بباب الشقة
وقعد ع الارض وفضل يعيط وحط ايدة ع قلبه وحس انة هيموت بسبب الى حاسة والى عملة ....

 من  10 ايام تقريبا
اخر يوم اتقابلوا فية كريم هدير بالسنتر
واسراء تعبت وكريم رايح يوصلها البيت
لما وصلت البيت
على باب شقتها اغمى عليها
خدها كريم هو  اهلها وودوها المستشفى
بعد كشف واشعات وفحصات
عرفوا ان عندها ورم خبيث  سرطان فى المخ فى مرحلة متاخرة جداااا وخلال سنة هتموت
كريم اصر على اهلها مايقولولهاش
عشان متعش اخر فترة فى حياتها بحزن واكتئاب
وعشان كدة عجلوا بالفرح وكتب الكتاب
فكان لازم يجرح هدير
اسراء مش باقيلها غير ايام شهور سنة بالكتيييييير
هدير قدامها العمر كلة
كريم اختار يضحى بحياتة فى سبيل ان اسراء تعيش تفاصيل زيها زى اى بنت قبل ما تموت
تتجوز ..تلبس فستان ابيض
فى بيت سارة
سارة:- ماما ماما ماما
مامت سارة :- اى حبيبتى
سارة :- ماما انا سامعة صوت حد بيعيط فى الاوضة هنا
مامت :- سارة:- بسم الله الرحمن الرحيم
اى الى بتقولية دة
سارة :- معرفشطول الليل فى حد بيعيط والله العظيم
يتبع

لاليف هويام شعيب