رواية عذبني حبك الحلقة 13 و 14 و 15
الفصل الثالث عشر
يتركها هادي ليتوجه الي مكتب نسمه، ليطلب اذن اجازة عارضه لمعتز ، ويجدها تجلس علي مكتبها تتابع عملها، فتجده امامها، فتبتسم له برقة ثم تحادثه،،،
- فينك يا دكتور مش بتسأل ليه عليا، من اخر مرة، كده لحقت تنساني "قالتها وهي تمثل الزعل"
هادي ينظر لها وعلي وجه ابتسامه، ثم يقول ،،،،
- وانا اقدر استغني يانسمتي، بس والله مشغول، وتايه، ومصدع مش قادر، حتي مكملتش جلسه علاج نور، لان دماغي هتفرقع
نسمه بلهفه بقلق عليه تقول،،،
- الف سلامه عليه، ليه كده، انت شكلك منمتش كويس
هادي ممسكا راسه بيده، وينظر لها بتعب ثم يردد قائلا،،،
- فعلا معتز كان عندي في وقت متأخر وعنده مشكله كده، وسهرنا مع بعض
نسمه تنظر لها وعلي وجهها الضيق، ثم ترد عليه مردده،،،،
- ااه عشان كده متصلتش بيا، طب النهاردة معاد تسليم غرفة النوم، ولا هتتصل تاجلها
هادي يرد بهدوء شديد،،،
- لا ابدا، المعرض هيجي وهو هناك، وهياخدوا الغرفه القديمه ويفرشوا الجديده، وانتي تبقي تيجى ياقلبي وتفرشيها وتحطي كل حاجتك، وتنوريها
نسمه بخجل، وابتسامه ترد،،،
- ان شاءالله، هقول لبابا ونحدد معاد، عشان نتفق مع عربيه تشيل كل حاجتي للشقه
هادي ينظر لها بحب ويقول،،،،
- يانسمتي انا مش عايز حاجه، حتي شنطة هدومك مش عايزها، انا اجبلك كل حاجه
نسمه تنهض من جلستها وتقترب منه وتجلس امامه ثم ترد قائله،،،
- ياحبيبي ربنا يخليك ليا، بس انا مش هشتري حاجه، حاجتي كلها موجوده، ماما مجهزاني من زمان، وهتزعل لو ماخدتش حاجتي، مش كفايه اننا مش هنجيب اي عفش، وانت صممت اللي تجيب غرفة النوم كمان
هادي ينظر لها ويقول بجديه،،،
- اولا ده واجبي، والاسلام كفل العريس يجهز منزله، ما دام انا مقتدر ايه المشكله، وكمان ياقلبي احنا محتاجين تنقي حضرتك شبكتك ولا انتي نسيتي، ولسه عايزين نجيب فستان الفرح
نسمه تنظر له بحب وتقول،،،
-حاضر نخلص بس الاول من توضيب غرفه النوم وحاجاتي، وبعدين تشوف موضوع الفستان والشبكه
هادي يبتسم لها، ثم ينهض ويقدم لها،،
- اوك ياحبي، اتفضلي، ده اذن اجازة لمده يومين لمعتز، والتاني طلب اذن ليا، اقدميه لدكتور منير
نسمه تاخذ الطلب وتقول،،،
- حاضر، تبقي طمني عليك، ولما تخلص بلغني
هادي؛ تمام، اشوفك علي خير
#عذبني حبگ بقلم إيمووو كمال
وينصرف ويتوجه الي منزله، ليجد معتز جالسا حزينا، شاردا في ذكرياته فالقي عليه التحيه وسأله،،،
- ايه يابني مالك شايل طاجن ستك ليه كده؟
معتز بنبره حزينة يرد،،،،
- اهلا ياهادي، جيت امتي، محستش بيك خالص
هادي يقترب منه ويجلس بجواره علي الاريكه، ثم يقول،،،
- وهتحس بيا ازاي وانت سرحان كده، احنا مش قولنا خلاص صفحه وطويناها من حياتنا
معتز بتنهيده يقول،،
- ايوة قولنا، لكن التنفيذ صعب، ذكرياتي معاها مرت كلها امام عيني كاني عشتها تاني، لكن المرة دي للاسف شايفها اوضح، الغمامه اتشالت من علي عيني، حسيت اد ايه كنت مغفل وانا بحبها، وبلوم نفسي ازاي مكتشفتش كل ده من بدري، وفضلت لحد دلوقتي
هادي بنظرة حزن عليه يقول،،،
- لان كل حاجه ولها معاد، وربنا رايد التوقيت ده لهدف، يمكن عشان يعوضك خيرا منها مثلا، انت فوق كده، وركز هتعمل ايه دلوقتى
معتز بحده يقول،،،
- نخلص بس موضوع المعرض وهنزل اروح عند مأذون واطلقها فعليا وابعتلها ورقتها علي عنوان اهلها
هادي يربت علي كتفه ويقول بجديه،،،،
- ده الكلام الصح، وانا هكون معاك، ومش هسيبك هتروح تحضر شنطه هدومك وتيجي معايا هنا
معتز ينظر له باحراج ثم يرد،،،
- شكرا ياحبيبي، بس مش هينفع انت بتحضر عشان تتجوز ومفروض نسمه تيجي عشان تفرش، فوجودي مش هيبقي مطلوب
هادي باصرار؛ بقولك ايه انا قولت كلمه ومش هعدها مش هسيبك، يعني مش هسيبك، علي الاقل لحد ما تقرر هتعمل ايه في الشقه، هتخليها ولا تبعها ولا هتتصرف تعمل ايه؟
معتز يصمت قليلا ثم يقول،،،
- انا بصراحه هعرضها للبيع مش عايز افضل فيها، عشان مفتكرش اي ذكرى ليها فيها
هادي ينظر له ويقول،،،
- تمام وانا عارف سمسار هناخده معانا، ويشوفها ويتمنها ليك بسعر كويس
معتز بنظرة حزن يردد،،،
- احسن حاجه انا كرهت اي حاجه تربطني بيها والله، وحتي لو هخسر مش مهم، ارجع في شقه والدتي لحد ربنا ما يكرمني واجيب غيرها
هادي بنظرة رضا يقول،،،
- اللي فيه الخير يقدمه ربنا، الباب بيخبط هروح اشوف مين لحسن يكونوا المعرض
ويدلف ليفتح الباب واذا بعمال المعرض، يستاذنوا بالدخول، ليأخذون الغرفه النوم ويقومون باستبدالها بالجديده، وبعد مضي اكثر من ساعتين، ينتهي العمال، ويمضون في هدوء، فيستند هادي مسند راسه علي الاريكة، ممسكا راسه هاتفا،،
- اااه اخيرا خلصوا انا دماغي مش قادر، وحياتك ادخل شوفلي اي مسكن، لحسن مش قادر، واطلبلنا اي حاجه ناكل، انا من الصبح ماكلتش
معتز ينهض ويتوجه لينقذ طلبه، ثم يقول،،،
- حاضر، ثواني هجبلك من الصيدليه جوه، بس بعض المسكن تعالي ننزل ناكل اي حاحه تحت
هادي ينظر له وينهض من مجلسه ثم يقول،،،
- برغم اني مش قادر بس تعالي ننزل، حتي نشوف موضوعك بالمرة
ويتوجهون الي مطعم لتناول الغداء، ثم بعد ذلك توجهوا الي الماذون، وتم طلاق نانسي رسميا، ثم توجهوا الي شقته فكانت هناك مفاجأه صدمتهم
هادي بذهول ينظر حوله لكل اركان الشقه ثم يقول،،،
ايه ده؟ انت اتسرقت ولا ايه؟
معتز بحسرة ينظر اليه ويرد قائلا،،،
لا طبعا مش ممكن هو الحرامي هيسرق حتي الملايات والمفارش
هادي متعجبا،،،
- امال ايه! الشقه علي البلاط يا ابني، ايه الهدوء اللي انت فيه ده
معتز ينظر حوله ثم يقول،،،
- ولا هدوء ولا حاجه، ده حاجه متوقعه، ست نانسي اكيد اتصلت بأهلها، وطبعا جابوا عربيات واخدوا كل العفش، مش انا المغفل ماضي علي العفش اللي انا جايبه من شقايا وتعبي، حسبي الله ونعم الوكيل فيهم، بس هقول ايه منهم لله، يشبعوا بيه
هادي بحزن وآسي،،،
- معلش يامعتز، الحمدلله ان ربنا خلصك من العيله دي علي خير، والله انت اللي كسبان، مش هما
معتز بنظرة حزن، وبنبره رضا يقول،،،
- الحمد لله، انا راضي بقضاء ربنا، وحاسس ان عوضه قريب، بس انا محتاج فعلا السمسار عشان يبعهالي او استبدلها بشقه تانيه
هادي ينظر له ويضرب بيده علي جبهته ثم يقول،،،
- اااخ احنا بس نسينا نكلمه، بكره هتصل بيه ويجي يشوفها، ادخل لم هدومك عشان نروح
معتز يضحك بسخريه ثم يردد،،،
- والله كتر خيرها، جمعتهم اهم في شنطه ومطمعتش فيهم
واخذ شنطة ملابسه، وخرج من شقته بكل حزن وآسي لما وصل اليه طمع البشر، وتوجه الي منزل صديقه، ليلمم ما تبقي منه، ويحاول استعادة ثقته بنفسه مرة اخري
#عذبني حبگ بقلم إيمووو كمال
تنتهي نسمه من عملها، وتنصرف في موعد الانصراف، وتتوجه الي منزلها، وتطرق الباب، لتفتح لها والدها فتلقي عليه التحيه،،
- مساء الخير يابابا
سليم ببتسامه يرد،،،
- مساء النور ياحببتي، وشك مبسوط خير
نسمه بفرحه ترد،،،
- خير ياقلبي، النهاردة غرفه النوم هتوصل، والعمال هيفرشوها، مش هيبقي ناقص غير ان حاجتي تروح ونحدد معاد لكتب الكتاب والفرح
سليم بسعادة يقول،،،
- مبروك حببتي، هبقي اتصل بهادي ويجي نحدد معاد معاه
نسمة تجلس علي مقعدها وترتاح ثم تقول،،،
- هو عدي عليا النهاردة وكان مش عايزني اجيب حاجه خالص، بس انا رفضت
سليم بضيق يرد،،
- ايوة طبعا، امال حاجتك اللي عامله زحمه في البيت دي هتروح فين
اميرة تأتي علي صوتها من المطبخ فتحدثها،،
حمدلله على سلامتك يانسومه
نسمه ببتسامه ترد،،،
- الله يسلمك يا حبيبتي
اميرة تنظر لها وتقول،،،
- انا سامعه ابوكي بيقول حاجتك وزحمه، هو في ايه؟
نسمه تنظر الي والدتها موضحه ،،،،
- اصل هادي مكنش عايزني اجيب حاجتي، بيقول الشقه مش محتاجه حاجه
اميرة بغضب تقول،،
- لا طبعا هو ده ينفع، لازم افرش حاجتك، وافرح بيكي، ده انا مجهزاكي جهاز مفيش زيه، وانت ياسليم لازم تكلم اختك ليلي انت مقولتلهاش خالص، واكيد هتزعل منك
سليم ينظر لها ويقول،،،،
- ااه انا نسيت خالص، هادي فاجئنا ولبس الدبل وملحقتش اقولها، هكلمها بعد الغداء، ويارب متزعلش مني، بس هتحجج انها مش هنا ولسه هتيجي من اسكندريه، والعريس كان مستعجل
اميرة تصمت لحظات وتقول،،،
- فكرة برضو، حتي لو مقدرتش تيجي في الفرش، تبعت جنه اهي تقف جنب نسمه، وتساعدها في الفرش
سليم؛ ان شاء الله، عقبال ماانتي تحضري الاكل هقوم اكلمها، لحسن انسي تاني
سليم يقوم بالاتصال باخته ليلي التي تزوجت واستقلت حياتها في مدينة الاسكندريه، وانجبت ابنتها جنه، وابنها مصطفى المتزوج، ويعيش معها بنفس المنزل في الشقه المجاوره،، فتنتبه للهاتف وترد،،،
- الووو ازيك ياسليم ياخويا عامل ايه؟ وازي نسمه واميرة
سليم بنبرة رضا يقول،،،
- الحمدالله بخير يا اختي، كلنا كويسين، وبيسلموا عليكي، انا كنت بتصل عشان افرحك بخبر هيسعدك
ليلي بفرحه تقول،،،،
- خير يا خويا، ربنا يسعدك دايما يارب، ويفرحك بنسمه
سليم بنبره فرحه يقول،،،
- هو ده ياستي الخبر، في عريس ابن حلال دكتور نفسي في المستشفي اللي بتشتغل فيها، اعجب بيها وجه اتقدم، ولبس الدبل من يومين
ليلي بزعل،،،
- مبروك الف مبرووك، ولسه فاكر تقولي دلوقتي وتبلغني يا سليم، ده انا عمتها وافرحلها من قلبي
سليم بنبره اعتذار يقول،،،
- والنبي ما تزعلي مني، انا اتفاجئت بيه طلع خاتم ودبله واستأذني ولبسهم، الراجل هادي واسمه هادي ابن حلال وطيب اوي، وجاهز من كله شقته الله اكبر مفهاش عيب، بس بنتي اصرت تغير غرفه النوم متكلمش ووافق، وجت النهاردة ونصبوها، كله حصل في يومين وحياتك، حتي هو مستعجل وعايز يفرشها عشان نحدد معاد لكتب الكتاب والجواز بسرعه، فقولت اقولك عشان تلحقي تيجي، وتفرشي حاجتها وتفرحي معها
ليلي بنبره حب وفرحه تقول،،،
- ربنا يسعدها ويكرمها، ويتمم لها علي خير، انا هبعتلك جنه عشان تقف جنبها بكره، ولما تحددوا معاد كتب الكتاب هظبط الدنيا هنا واجي
سليم بحب يقول،،،
- تبقي لسه زعلانه وواخده على خاطرك، والنبي ما تزعلي مني
ليلي بحب تقول،،،
- لا ياخويا مش زعلانه، انا بس عشان المشوار، وصحتي مش قادرة اروح واجي، فخليني علي الفرح علي طول، وجنه هتبقي معاها لحد الفرح
سليم؛ خلاص يا اختي، لكن كان نفسي تكوني موجوده، بس اللي تشوفيه، وعقبال ما تفرح بجنه يارب
ليلي بنبره تمني تقول،،،
- يارب ياسليم، ادعلها لحسن دي كل ما يتقدم عريس ترفضه، لما جننتني والله
سليم؛ كل شيء قسمه ونصيب، ده نسمه اهو في يوم وليله كل حاجه تمت بسرعه، نصيبها متشال وهيجي لحد عندها
ليلي برضا تقول،،،،
- ونعم بالله، عندك حق، الف مبروك وسلملي علي نسمه واميرة، هبقي اتصل بيها مرة تانيه
سليم؛ مع الف سلامه يا اختي
ويغلق معها الهاتف ويتوجه، اليهم ويقص عليهم ما تم في حواره مع اخته فهتفت نسمه قائله،،
- بصراحه احنا غلطنا عشان مقولناش، بس عذرنا ان كل حاجه جت بسرعه، ولسه بقي لما جنة تيجي، مش هترحمني، بس كويس انها هتيجي عشان تفرش معايا، دي وحشاني اووي،، ثواني يابابا انا سامعه موبيلي بيرن هروح اشوف مين واجي
- الووو
جنة بزعل ولوم تقول،،،
- ايوة ياجبانه، يا ندله، كده يهون عليكي بنت عمتك تخبي عليا انا ياجزمه
نسمه بنبره هدوء ترد،،،
-جنة حببتي، اية الرقم ده جديد، وحشااني والله
جنه بنبره زعل، وضيق ترد،،،
- اه جديد، كده برضو تخبي عليا احلي خبر يانسمه، يابنت انا افرحك من قلبي
نسمه ترد بكسوف عليها،،
- والله الموضوع كله جه بسرعه، وهادي جاهز، فمستجعل اوي
جنه تصمت لحظات ثم تقول،،،
لا اوعي يكون هو هادي ده اللي حكتيلي عليه زمان، اخيرا ابو الهول نطق
نسمه بفرحه تقول،،،
- اه هو، وطي صوتك هتفضحيني، لما تيجي هحكيلك كل حاجة، بس متتأخريش بكرة بالكتير تيجي عشان حاجتي اوديها الشقه افرشها
جنه بسعاده ترد،،،
- من النجمه هركب واكون عندك ياقلبي، والف مبرووك ياحبي، سلام اشوفك بكره
نسمه تضحك وتقول،،،
- سلام يامجنونه، ربنا يكون في عون اللي هياخدك، ربنا هيبليه بمصيبه
جنة بزعل،،،
- اخس عليكي ده انا حتي كيوت، واسم علي مسمي جنة وبلسم كده
نسمه بضحك،،،
- طبعا انتي هتقوليلي، باي
وتتوجه الي اسرتها لتناول الغداء وتبلغهم بوصول جنه غدا، لتساعدها في فرش شقتها
#عذبني حبگ بقلم إيمووو كمال
وينتهي يوم ابطالنا، سعداء علي احدهم، وقاسي علي البعض، لكن في النهاية لابد ان تأتي الشمس لتنور الدنيا بضياءها علي الجميع،،
فينهض هادي في همه ونشاط، مقبلا علي عمله بكل حب، فتوجه الي المشفي، ليلتقي بمريضته التي جعلته اسير لحكايتها، فتوجه اليها طالبا الدخول،،
- ممكن ادخل، ولا مش مسموح وهتعاقبيني عشان امبارح
نور بضحكه مشرقه تقول،،،
- اتفضل طبعا يادكتور، ازاي تقول كده، انا مقدرش ابدا اعاقب حضرتك، انت ازيك النهاردة
هادي يتقدم منها ويجلس بجانبها علي كرسيه،،،
- انا الحمدلله تمام وبخير ومستعد اسمعك ياستي للصبح، وكل حاجه جاهزة معايا، تحبي نبدأ من فين
نور بنظره جديه، تقول،،،
- من اول ما وصلنا سهرتنا، ولسه هنقعد لمحت عادل اللي كلمتك عنه قبل كده، وكانت معاه موديل ايهاب صور معاها اغنيه، وكان في شائعات كتير اوي بتحاول ترددها عشان تقرب منه وتشتهر علي حسابه، لاقتها فجأه بتقرب مننا، وتسلم بكل جرئه وبتبوس ايهاب وتقوله،،،
" فلاش باك"
هايدي تنظر له نظرة جريئه وبدلع تقول،،،
- مش معقول ايهاب منورنا هنا في المحل، ازيك ياقلبي "وتطبع قبله علي وجنتيه" فينك بقالي كتير مش بشوفك، وحشتني اووي، سوري جيت مرة واحده، بس مقدرتش مسلمش علي هوبا، ازيك يافارس عامل إيه؟
فارس بضجر وغيظ: بخير اهلا
نور تنظر لها نظره غضب ثم تقول،،،
- اهلا انسه هايدي، اولا اسمه استاذ ايهاب مش هوبا، ثانيا مش سلمتي بعد اذنك بقي عشان ميصحش كده، تقتحمي عقدتنا بالطريقة دي
هايدي بغضب وحده؛ ايهاب يرضيك كده، انت هتسكتلها
ايهاب ينظر لها ويقول،،،
- معلش ياهايدي، نور مغلطتش، امشي دلوقتي وبعدين نتكلم
هايدي بتوعد لنور؛ ماشي يا ايهاب، براحتك، عند اذنك
ايهاب ينظر لنور نظرة لوم ثم يقول،،
- ليه كده يانور، ده مش من طبعك تكسفي اي حد كده
نور بعصبية، وبحده ترد عليه مردده،،،
- اي حد يا ايهاب، الا دي، اي حد
ايهاب يلمس يدها مقبلها بحب،،،،
- خلاص اهدي، اهي مشيت وراحت لحالها، مش هنكد علي بعض بقي، افردي وشك، عشان خاطري ابتسمي
نور تنظر له وتبتسم له بحب، ثم تقول،،،
- حاضر عشان خاطرك بس، بس عارف لو شوفتك بتكلمها انت حر
ايهاب يضحك من طريقتها،،،
- والله مجنونه وجننتيني معاكي
وفي أثناء حديثهم، يسمعون مغني السهرة يقدم ايهاب ويطلب منه ان يغني اغنيه، ليمتع بها الساهرين، فيتقدم ايهاب وينهض، ثم يهمس لها مرددا،،
- بهديلك الاغنيه دي ياعمري
ويقف علي الاستيدج ويبدع اغنيه رومانسيه بكل حب، ونظره مشبث بها، كان كلامتها كتبت لها خصوصاََ لها، ثم يدد قائلا،،
انت ومش حد تاني ف عنيك فرحه زمانى
لو غبت حبيبي بس ثوانى مابعرفش اعمل ايه
جوايا حنين باقيلك لو اطول ف عنيا اشيلك
الدنيا بتحلي لما بجيلك ودا اللي بحس بيه
انا ليه وانا ف حضنك بتخطف دا بايه يتسمي ويتوصف
روحي بتنساني وشوق يملاني واروح لبعيد
انا ليه وانا ف حضنك بتخطف دا بايه يتسمي ويتوصف
بقي للدرجادي هوانا مش عادي وكدا بيزيد
انت ومش حد تاني ف عنيك فرحه زمانى
لو غبت حبيبي بس ثوانى مابعرفش اعمل ايه
جوايا حنين باقيلك لو اطول ف عنيا اشيلك
الدنيا بتحلي لما بجيلك ودا اللي بحس بيه
بيني وبينك حكايه مالهاش ابدا نهاية
قرب عايزك تملي معايا يلي شاغلني بيك
من بين الناس بحالها لعنيك انا قلبي قالها
ولاخر عمري هفضل اقولها مابرتحش الا ليك
انا ليه وانا ف حضنك بتخطف .. دا بايه يتسمي ويتوصف ..
روحي بتنساني وشوق يملاني واروح لبعيد
انا ليه وانا ف حضنك بتخطف .. دا بايه يتسمي ويتوصف ..
بقي للدرجادي هوانا مش عادي وكدا بيزيد
انت ومش حد تاني ف عنيك فرحه زمانى
لو غبت حبيبي بس ثوانى مابعرفش اعمل ايه
جوايا حنين باقيلك لو اطول ف عنيا اشيلك
الدنيا بتحلي لما بجيلك ودا اللي بحس بيه
ثم ينتهي منها فينادي نور ويقدمها للجمهور الساهرين، ويعلن عنها انها اكتشافه، ويطلب منها ان تغني اغنيه، فتخجل جدا ويظهر عليها التوتر، فيمسك يديها ليبث داخلها الطمأنينه والثقه، ثم تمسك الميكرفون وتبدع اغنيه وعينيها متعلقه به مردده،،
- نفسي اقوله كنت ايه قبله واستنيته ليه
كنت صورة حلوة ناقصة حاجة كملها بعينيه
كنت عايشة عمري خوف تحت رحمة الظروف
كنت قصة ناقصة تكمل او كلام ناقص حروف
نفسي اقوله ايه كمان كنت قبله من زمان
وردة دبلت واما قرب فتحت قبل الآوان
وتنظر اليه بكل حب وتشاور عليه، ثم تكمل،،،
نفسي اقوله يا حلم كنت هموت واطوله
نفسي اقوله يا اسم برتاح اما اقوله
نفسي اقوله يا حب انا سنين اتعاشوله
واتعاشت عليه
نَفْسِي أَقُولهُ يا حُلْم كِنْت هَمَوتُ وَأُطَوِّلهُ
نَفْسِي أَقُولهُ يا أَسِم برتاح آما أَقُولهُ
نَفْسِي أَقُولهُ يا حَبَّ آنا سَنَّينَ اتعاشوله
واتعاشت عَلَيهِ
حالي كان وانا مش معاه زي طفل في سكة تاه
واتحرم من حضن امه واتنسى ويا الحياه
حالي كان وانا مش معاه زي حد الخوف ملاه
حد كان غرقان في همه مش لاقيله طوق نجاة
نفسي اقوله كنت ايه قبل ما يقربني ليه
كنت عنوان حلم ضايع واتلقى وانا بين ايديه
نفسي اقوله يا دنيا ليالها اتعدولي
نفسي اقوله يا فرحة وشموعها اتقادولي
نفسي اقوله يا حضن دفى وشال حمولي
لما هربت فيه
نَفْسِي أَقُولهُ يا حُلْم كِنْت هَمَوتُ وَأُطَوِّلهُ
نَفْسِي أَقُولهُ يا أَسِم برتاح آما أَقُولهُ
نَفْسِي أَقُولهُ يا حَبَّ آنا سَنَّينَ اتعاشوله
واتعاشت عَلَيهِ
نَفْسِي أَقُولهُ يا دَنِيّاً لِيَأْلها اتعدولي
نَفْسِي أَقُولهُ يا فَرْحَة وشموعها اتقادولي
نَفْسِي أَقُولهُ يا حَضَنَ دُفَّيْ وَشال حَمُولِي
لَما هَرَبَت فِيهِ
واثناء غناءها همس عادل للنادل في اذنيه بشيئا ما، فوافق الاخر في خضوع لتلبيه اوامره
وانتهت نور والجميع يصفقون لها، معجبين باداءها الرائع للأغنيه، فقد ادتها بكل حب ظاهر وواضح للجميع، ومن بين الساهرين التقطوا لهم الصور، ثم حيتهم وتوجهوا الي طاولتهم ليكملوا سهرتهم
فارس يتقدم اليهم ويقول بنظرة اعجاب،،،
- الله يانور، صوتك حلو اووي، غنيتي الاغنيه باحساس عالي
ايهاب ينظر له ويقول بحماس شديد،،،
- مش قولتلك يافارس، نور هتكسر الدنيا
والاغنيه الدويتو هتنجح بإذن الله
نور تضحك عليهم وتقول،،،
- خليكوا كده انفخوا فيا لحد ما افرقع
ايهاب ينظر لها ببتسامه، ثم يقول،،،
- اتنفخي زي ما انتي عايزة بس اوعي تفرقعي فيا ياقلبي
نور تنظر له بحب، ثم تقول،،،
- هو انا اقدر برضو، انا مش عارفه ارد جمايلك دي ازاي
ايهاب يرد بزعل مرددا،،،
- اوعي تقولي كده، مفيش بينا جمايل، واذا كان علي الجمايل فانا مديون ليكي بكتير اوي
نور بتعجب؛ مديون ليا انا!
ايهاب بتأكيد يقول،،،
- ايوة طبعا، يكفي اني محستش بطعم الدنيا غير لما دخلتي حياتي، ونورتيها يانوري
فارس ينظر له ويقول،،،
- ياعم ارحمني بقي شويه، راعي ان في سنجل قاعد معاك، وانت مقضيها حب وتسبيل من الصبح علي الاستيدج وهنا، مش كده يابني، خاف تاخد عين
ايهاب ينظر له ويضحك ثم يقول،،،
- تصدق احنا لو هناخد عين هتكون منك انت
فارس يمثل الزعل ويردد قائلا،،
- انا برضو، ماشي ياهوبا، انا بقي عايز اكل اطلبلنا ام الاكل انا جعان
ايهاب ينظر له ويتأفف منه ثم يوجه نظره لها ويقول،،،
- حاضر ياعم الجعان، تحبي تاكلي ايه يانوري؟
نور تنظر في مقلتيه ثم تقول،،
- اي حاجه، اختارلي انت المرة دي، هاكل علي ذوقك
ويطلبون الطعام وبعد مضي بعض الوقت، تسمع نور هاتفها بترد فتتفاجأ بوالدها يحدثها بغضب مرددا،،
- نور انتي فين دلوقتي
نور متعجبه من نبرته، ثم ترد عليه مردده،،،
- بابا ازيك، مالك حصل حاجه؟
زين لنبره غضب يقول،،،
- قولتلك انت فين؟
نور ويبدو علي وجهها علامات القلق والتوتر،،،
-انا سهرانه مع إيهاب وفارس، مش قولتلك قبل امشي، صديقه عازمنا
زين بضيق يرد،،،
- وهي السهرة دي فيها غني مسخرة يا بنت زين
نور بنبره ضيق وزغل ترد،،،
- انت بتقول ايه؟ مسخرة ايه يابابا، انت عارفني كويس
زين بحده وصوت مرتفع يقول،،،
- تخلصي وتجيلي فورا، متتأخريش عليا هستناكي
ويغلق في وجهها الخط بدون انتظار رد، فتتعجب جدا لتصرفه، فهذه اول مرة اباها يحدثها بهذه الطريقه،، فتمسك الفون وتنظر له متردده،،
- غريبه بابا اول مرة يزعق معايا كده، عايزني اخلص وارحله
ايهاب بنظره قلق يقول،،،
- طب مقلكيش عايزك ليه؟
نور بتوتر وارتباك،،
- بيقول كلام مفهمتهوش، اغاني ومسخرة، وكلام غريب
ايهاب وسرح وهو ينظر امامه وقد ايقن اللعبه؛ انا دلوقتي اعتقد فهمت كده ايه اللي حصل
نور مسائله،،، طب فهمني ايه اللي حصل؟
ايهاب ينظر لها ويقول بهدوء،،،
- لما نروح لوالدك هتأكد، نخلص بس الاكل ونروح علي طول
ويتناولون الطعام والصمت يسود الموقف، وبالها مشغول من هذه المكالمه، حتي انتهوا، وانصرفوا فورا الي منزل والد نور
عادل ببتسامه انتصار يردد،،،
- اوووبا الخطه ماشيه حلو اووي، اكيد ابوها كلمها لما الصور والتسجيلات وصلته
هايدي بسعاده،،،،
- اكيد، انت مش شايفهم ماشيين بسرعه ازاي، انت طلع سحرك باتع ياعادل
عادل بنظرة شر يقول،،،،
- ولسه كمان لما تنفذي اللي اتفقنا عليه بكره، هتولع اكتر واكتر
هايدي تنظر له وعلي وجهها علامات القلق تردد قائله،،،
- لما نشوف ربنا يسترها، اااه لو اتحقق اللي في بالي ياعادل هتكون خدمتني خدمه العمر
عادل يقترب منها ويهمس لها مرددا،،،
- امشي انتي بس ورايا، ونفذي كل اللي بقولك عليه وهتكسبي الشهد
#عذبني حبگ بقلم إيمووو كمال
ويصلون بعد مضي حوالي نصف ساعه الي منزلها وتطرق الباب، ليفتح لها زين وعلي وجه علامات الغضب الشديد فيردد لها بكل غضب وهياج،،
- اتفضلي ياهانم ادخلي
نور بدهشه وتعجب من اسلوب والدها، فتنظر له مردده،،،،
- فيه ايه بس يابابا حصل لمعاملتك دي، اول مرة تكلمني بالاسلوب ده، "ثم توجه نظرها لايهاب الواقف علي باب الشقه منتظر الدخول" اتفضل يا ايهاب تدخل
زين ينظر لها بضيق ثم يقول،،،،
- وكمان جيباه معاكي، خايفه مني ولا عشان يحميكي يانور
تدخل الام متحدثه لتهدئة الاجواء،،
- اهلا وسهلا يا إيهاب يابني اتفضل نورت البيت، ادخل واقف ليه كده، انت غريب
ايهاب بهدوء، ينظر الي والدها ثم يقول،،،،
- مش هدخل غير لما يأذن عمي زين بالدخول
زين محاولا ان يمتص غضبه، فينظر له مرددا،،،
- اتفضل يا ايهاب ادخل انت وضيفك، اهلا بيك
ويدخل ويجلس علي الاريكة، ثم يساله في بهدوء،،
- ممكن افهم حضرتك ليه مضايق كده، وايه اللي مزعلك بالطريقه دي؟
زين بحده يمسك الفون، ويفتح له الفيديو المرسل له وهي تغني وتتمايل معه وهو ممسك بيديها، ونظرات العشق بينهم،، ثم يهتف له قائلا،،،
- لما بنتي اللي تعبت في تربيتها تقف وتغني بالطريقه دي، ازعل ولا مزعلش، لما تلاقي بكره كل المجلات بتجيب سيرتها، ويقولوا المطربه المغموره التي وقعت في هيام ايهاب، ونظرات العشق والهيام بينهم، يبقي عايزني اعمل ايه،، لما اكون طول عمري مش عايزها تدخل الوسط الغنائي برغم اني عارف ان صوتها جميل، وفي اصوات اقل منها كتير ومشهورين، بس خايف عليها منه، ومن غدره وشائعاته، كل ده وتقولي انا غضبان ليه
ايهاب محاوله امتصاص غضبه بكل دهاء، وذكاء مردد قائلا،،،
- حضرتك معاك جدا في كل كلمه بتقولها، بس غلطان في حاجه واحدة بس
زين : ايه هي؟
ايهاب ينظر له ويقول بهدوء،،،
- ان نور شخصيتها قويه، والكل بيعمل حساب لها في التعامل، وهي بالفعل دخلت الوسط الفني، ونجحت فيه جدا وعملت اسم ناجح في ادارة اعمال المطربين، فأيه المانع انها تجرب تدخل من باب الغناء، حرام تدفن صوتها، انا اللي اصريت انها تغني النهاردة عشان الساهرين في المحل يسمعوا صوتها، ولاقت اقبال رهيب، وبالفعل بعد اذنك بكره في ديوتو هتغني معايا، كلامته جميله ورقيقه جدا، سبها تجرب، وانا معاها في ظهرها ومش هسمح لاي حد يجيب سيرتها بكلمه، وان كان علي الصحف فهي طول عمرها بتكتب وتالف وانا كنت متفق مع نور اني اجي واتقدم رسمي بس هي اللي اجلت الموضوع لحد ما نسجل الاغنيه ونصورها، ونطمن علي نزول الالبوم ونعلن رسميا ارتباطنا
يصمت زين قليلا يفكر، في حديثه فتهتف له نور،،
- والنبي يابابا وافق، عشان خاطرى، حتي اني اسجل الاغنيه دي بس مع ايهاب، ولو فشلت مش هغني تاني حتي بيني وبين نفسي، سبني اجرب وحياتي عندك
سميه تنظر الي زوجها مردده،،
- خلاص بقي يا زين، الكل بيتحايل عليك وبيراضيك، وانت عارف كويس اخلاق بنتك، سبها تجرب يمكن تنجح في الغناء اكتر من اللي بتشتغل فيه، انت عارف نور ميتخافش عليها ابدا
زين باستسلام، يقول،،،
-خلاص اللي تشوفوه، هقول ايه مادام كلكم عليا كده، مش هعرف اهرب منكم
نور تركض مسرعه اليه وتحضنه، ثم تقول،،،
- حبيبي يا زيزو ربنا يخليك ليا يارب، وميحرمنيش منك ابدا
زين يبتسم لها ويقول،،،
- ايوة يابكاشة، كولي بعقلي حلاوة، ثم يوجه حديثه لزوجته، ايه يا ام نور مش هنشرب حاجه ولا ايه؟
سميه تنظر له باحراج ثم تقول،،،
- ياخبر حالا، تحب تشرب عصير ولا قهوة يا ايهاب و حضرتك تحب ايه؟
ايهاب ينظر لها مبتسما، ثم يقول،،،
- ملوش لزوم، الوقت اتاخر ولازم نروح
زين معترضاََ،،
- لا يمكن ابدا انت بخيل ولا ايه
ايهاب ببتسامه يرد،،،
- خلاص خليها عصير، وانت يافارس
فارس؛ تمام عصير مش عايز اتعب حضرتك
سميه ترد وعلي وجهها ابتسامه،،،
- ولا تعب ولا حاجة ثواني ويكون جاهز
وتدخل سمية لتجهز العصير، ثم بعد مضي عشر دقائق، توجهت اليهم وتناولون العصير في صمت، ثم قطعه ايهاب مرددا،،
- تصبحوا علي خير، هنستأذن احنا بقي، خليكي يانور مع بابا النهاردة، وتعالي بكره عشان نروح نسجل الاغنيه في الاستديو، هنتظرك متتاخريش عليا
نور تنظر له بحب وتقول،،
- يعني مش عايزني معاك في حاجة
ايهاب يرد في حنو قائلا،،
- انا مستغناش عنك ابدا بس عشان تقعدي معاهم شويه، سلام عليكم
نور تسلم عليه وتقول،،،
- اتصل عليا لما توصل
ايهاب بحب يقول،،،،
- حاضر، سلام
وينصرف ليتوجه الي منزله ثم يتركه فارس ليتوجه الي منزله بعد رفضه لمحاولاته ان يمكث معه، ثم امسك هاتفه ليرن علي مجنونته،،
والي هنا تنتهي احداثنا الي هذا الحد ونتعرف غدا هيعملوا ايه ثنائي الشر كل هذا واكثر في روايتي المتواضعة
عذبني حبگ
إيمووو كمال ✍️
الفصل الرابع عشر
وينصرف ليتوجه الي منزله ثم يتركه فارس ليتوجه الي منزله بعد رفضه لمحاولاته ان يمكث معه، ثم امسك هاتفه ليرن علي مجنونته،،
- يامساء الحب والعشق
نور بنبره حانيه ترد قائله،،،
- حبيبي حمدلله على السلامه، لسه واصل
ايهاب يمدد بجسده علي فراشه، ثم يقول،،،،
- حالا يادوب اخدت شور وبكلمك، متتخيليش انا كان علي عيني ازاي وانا ماشي وسيبك، وجيت الفيلا لوحدي، حاسس بفراغ من غيرك، وملهاش طعم، انا اتعودت عليكي وعلي وجودك جنبي اوي يانور
نور بنبرة حزينه تقول بأشتياق،،،
- وانا كمان، زعلت لما مشيت، بس حتي وانا فى غرفتي حاسه بغربه غير طبيعيه، حاسه بحاجه نقصاني، حاسه ان روحي متاخده مني، انت روحي يا إيهاب، ولما بتغيب بتروح، مش بترجع غير في قربك
إيهاب بتنهيده عاليه وبنبره صوت منبوحه يقول،،،
- نور ارحميني من كلامك ده، انا سايبك وعلي اخري، واتحرجت اني اخدك، خوفت والدك يزعل، وشكلي كان هيبقي مش حلو
نور بضيق تقول،،،
- الموقف كله مكنش حلو، بس انا نفسي اعرف مين عرفه باللي حصل وبعتله التسجيل
ايهاب يصمت لحظات ثم يقول،،،
- مفيش غيرة اللي كان مراقبنا من اول ما دخلنا
نور بتعجب متسائله،،،
- تقصد مين، عادل؟
ايهاب بنبرة تأكيد يرد،،،
- وهو في غيرة، انا كنت شاكك واتاكدت لما باباكي وراني التسجيل
نور متسائله،،،،
- وهو ليه يعمل كده، عادل صديقك، وصديق ليا
إيهاب بغضب، يرد،،،،،
- عشان البيه بيحبك ولا ناسيه
نور بضيق،،،
-انت لسه فاكر
ايهاب بخنقه وضيق يرد،،،
- وهي دي حاجه تتنسي، انا دمي بيفور لما بشوفه بس بيبصلك، مش يسلم عليكي
نور بحب ترد،،،
- حبيبي بقي غيووور
إيهاب بنبرة حده يرد قائلا،،،
- لدرجه متتخيلهاش ابدا، خلي بالك بقي
نور بحب تقول،،،
- حبيبي ياهوبا، بحبك وبحبك اي حاجه منك ياعمري
ايهاب بصوت مرتفع يقول،،،
- يا ليلتك اللي مش هتعدي النهاردة علي خير يا ايهاب، اعمل فيكي ايه دلوقتي، وانتي بعيد عني ومش طايلك، اااه لو قدامي وبتقولي كلامك الحلو ده، كنت عملت فيكي ايه؟
نور ممده علي فراشها ، وتلاعب خصلات شعرها باطراف اصابعها، ثم ردت عليه بهيام،،،،
- هتعمل ايه؟
ايهاب بهمس بكل شوق وحب مرددا،،،
- كنت هاخدك في حضني.. وضميتك لقلبي.. ودخلتك جواه.... وخبيتك برموش عيوني من كل الناس يانور، انا مش قادر يانور خلاص، حبك امتلكني لدرجه انا مش قادر اوصفهالك، بحبك اووووي، ونفسي متفرقيش حضني تاني، نفسي الدنيا كلها تعرف بعشقي ليكي
نور تتصارع دقات قلبها بشده، فترد عليه بهمسه مردده،،،
- حبيبي يا ايهاب، مهما توصل درجه حبك، قول دايما نور بتحبني اكتر، لان حبي فاق كل الحدود ياعمري
ايهاب بهيام يقول،،،
- ربنا ميحرمنيش من حبك ابدا يارب
نور بحب ترد،،،
- ولا يحرمني من قلبك ياعمري... ممكن بقي تستعد وتنام عشان ورانا بكره يوم طويل، تسجيل الاغنيه مش سهل وهياخد وقت، ولازم تكون فايق ومرتاح
ايهاب بضحكه يرد،،،
- حاضر يامستبده، مع اني مش عايز انام واسيبك خالص
نور؛ معلش ياحبيبي، بكره ان شاء الله اول ما اصحى هتلاقيني عندك
ايهاب بنبرة تحذيريه حانيه،،،
- مش هفطر غير لما تيجي، عشان متتأخريش عليا
نور بترد بنبرة هاديه،،
- حاضر ياقلبي مش هتاخر عليك، تصبح علي الجنه
ايهاب بنبره عاشقه يقول،،،
- الجنة في قربك يانوري، تصبحي في حضني ياعمري، مع الف سلامه حببتي
ويغلق معها، ثم يستعد للنوم بعد عناء يوم طويل، لكنه يجافيه النوم، فظل يفكر في من سلبت قلبه قبل عقله، ويدور الاف الاسئله داخل عقله، ولا يجد لها اجابه، لماذا هي من دون غيرها؟ ، لماذا قلبي دق لها؟؟ ، لماذا شعرت من اول وهله انها ليست غريبه عني؟؟؟ ، بأني سمعت صوتها يتردد في اذني من قبل!! ، لماذا ولماذا؟؟؟
استمر هكذا حتي استسلم لسلطان النوم بدون وعي،،،، بينما نجد نور مازالت مستيقظة بعد ان رفض النوم ان يستجيب لها، فظلت تفكر في غدا وما سوف يحدث لها أثناء التسجيل لاول مره فكانت خائفه بشده، ولا تعرف لماذا كل هذا الخوف، فنهضت وتوضأت وصلت الفجر حين سمعته ودعت ربها ان يوفقها، ثم غفت بعدها في نوم عميق،،،،
#عذبني حبگ بقلم إيمووو كمال
تجلس نانسي في غرفتها شارده حزينة علي ما جري لها، ليس لانها فقدت زوجها الذي كان يعشقها، ولكن لكبراءها الذي كسره بكلامته الجارحه،، فلم تنتبه لدخول والدتها زهيره فهتفتها مردده،،
- لسه برضو مش عايزة تخرجي يابنتي من غرفتك، لحد امتي يانانسي هتفضلي كده، اللي يشوفك يقول عليكي كنتي دايبه في حبه، مش مطلعه عينه ومعذباه
نانسي تنظر لها وترد بضيق قائله،،،
- والنبي ياماما سبيني لوحدي، انا محدش فاهمني، انا اه مكنتش بحب معتز الحب اللي بيحبهولي، بس كنت بحب حبه ليا، اهتمامه بيا، كنت بحب تأثيري عليه، وتنفيذه لكل طلباتي
زهيره تقترب منها وتجلس بجوارها علي فراشها، ثم تقول لها،،،
- وما دام كنتي بتحبي كل ده، ليه محفظتيش عليه وريحتيه
نانسي ترد بغضب وضيق وحده،،،
- عشان غبي، مش عايز يكون عنده طموح، ويعلى بمستوانا، وكمان كان عايزني اخلف
زهيرة بهدوء ترد،،،
- يابنتي وايه المشكله انك تجيبي بيبي تفرحي بيه
نانسي بحزن تحاول تداريه،،،
- عشان مينفعش يا ماما
زهيرة متسائله بحيره، ثم تقول،،،
- وايه اللي مش هيخليه مينفعش
نانسي بتردد تقول،،،
- اصل.. اصل انا مش بخلف، رحت لدكتورة، وعملت تحاليل قالتلي اني مش هخلف
زهيرة بصدمه،،،
- انتي بتقولي ايه! ازاي تخبي عليا حاجه زي دي، انا امك متقوليش ليا، ولا تشاركيني في وجعك ازاي، ازاي تشيلي كل ده جواكي
نانسي بحزن تقول،،،
- مردتش اشيلك همي، حتي معتز خوفت اقوله عشان ميتجوزش عليا لو عرف خصوصا انه هيموت علي حته عيل، عشان كده كنت بحاول امن مستقبلي واخليه يشتري ليا دهب كتير "قالتها بكل طمع وجشع"
زهيرة بنظره زعل وحزن تقول،،،
- وهو من امتي يانانسي الدهب بيأمن مستقبل يابنتي، الامان في حضن يحتويكي، بانسان بيعشقك ويتمنالك الرضا ترضي ونفسه يعمل اي حاجه عشان تكوني سعيده، حتي لو معتز فكر يجوز ده هيكون من حقه
نانسي بحده،،،
- مستحيل طبعا كنت اوافق واقبلها علي كرامتي، معتز مش هيكون لغيري ابدا، وانا حرقت قلبه علي العفش اللي جابه بدمه يوريني بقي هيتجوز ازاي ولا يفكر حتي اما يتجوز، والله اخليه ولا ينفع ببصله، انا لو كنت اطول اشيل حيطان الشقه اخدها، كنت عملتها بس غلطتي اني مخلتهوش يكتبها باسمي
زهيرة تنظر لها وعلي وجهها الصدمه من حديثها، ثم تقول،،،
- ايه اللي بتقوليه ده، من امتي وانتي كنتي كده، انتي مش ممكن تكوني بنتي ابدا، هو انا ربيتك علي الحقد والجشع كده، انتي جبتيه منين نفسي اعرف، انا صدمتي فيكي كبيرة اوي
وتركتها وهي لا تعلق داعيه ربنا ان يهدي قلبها ويزيل منه كل هذا الحقد والغل الذي لا تعرف من اين اتي
نانسي بتوعد، تنظر لنفسها بالمرأه، ثم تقول،،،
- وديني لاوريك النجوم في عز الظهر يامعتز، انا هعرفك ازاي تسيبني وتطلقني كده، انا وانت والزمن طويل، انا هكون الشوكه اللي هتقف في زورك وتطلع روحك، بس اصبر عليا
# عذبني حبگ بقلم إيمووو كمال
يستيقظ ايهاب من نومه علي طرق سالي لغرفته لتبلغه بقدوم انسه هايدي، وتريد مقابلته لامر هام، فيتعجب لقدومها صباحا في ذلك الوقت، وما هو الامر الذي تريده فيه، ثم ينهض لياخذ حمامه لينعش جسده، ثم يرتدي ملابسه ويتوجه اليها، فكانت تجلس في حديقة الفيلا بجانب البيسين، فاول ما لمحته اسرعت عليه، وعانقته وقبلته علي وجنتيه ثم تردد،،،
- صباح الخير ياهوبا
ايهاب يبعدها عنه، ثم يقول،،،
- صباح النور ياهايدي خير، ايه اللي جابك كده من غير معاد بينا، برغم اننا كنا إمبارح لسه شايفين بعض
هايدي بتمثيل الزعل : انت مضايق انك شوفتني ولا ايه؟
ايهاب ينظر لها بضيق، ثم يقول،،
- مش فكره مضايق ولا مش مضايق، فكره اني مش بحب المفاجأت اللي من النوع ده، ياريت تقولي عايزة ايه؟
هايدي تقترب منه وتقول بتمثيل الزعل، ثم تقول،،،
- انا جايه اشتكيلك من نور واسلوبها معايا إمبارح، انا مش عارفه هي مش بطيقني ليه، ولا اما عملت فيها ايه عشان تكرهني كده
ايهاب يرد ببرود،،،
- وهتكرهك ليه، هي بينها وبينك ايه اصلا، متحطيش في دماغك انتي بس
هايدي ترد بدلع عليه،،،
- يمكن عشان عارفه اني بحبك مثلا
ايهاب بحده،،،
- هايدي اللي بينا شغل وبس، فياريت يكون تعاملك معايا يكون في النطاق ده لو سمحت
هايدي تنهض من مكانها وتمثل انها دايخه وهتفقد وعيها، وممسكه براسها، وتقع مره واحده في البيسين، فيتفاجأ ايهاب لما حدث، كل هذا في ثواني، فهايدي امامه وقعت فاقده لوعيها "كما تدعي" فأسرع قفز الي داخل البيسين محاولا انقاذها، وبالفعل حاول رفعها واخرجها، وحاول ان يفيقها، لكن دون ان استجابه منها، فقام لها بعمل تنفس صناعي، واثناء ذلك دخلت نور ورأت كل شيء ووقفت امامه بكل غضب وصاحت بكل طبقات صوتها متسائله،،،
- ايهاب ممكن افهم ايه اللي بيحصل هنا
ايهاب محاولا تهدئتها،،،
- اهدي بس يانور تفوق هي بس، وانا هتحكي لك كل حاجه
نور بعصبيه، وغضب تقول،،،
- بصلي انا، ان شالله مافاقت، كلمني ورد عليها
ايهاب مشغول بافاقة هايدي التي مازالت تمثل عليه، ولا يرد عليها
نور بحده اكثر تقول،،،
- ايهاب لو مردتش عليا دلوقتي وديني وما اعبد لامشي ومش هتشوف وشي تاني
إيهاب ينظر لها بهدوء مردد،،،
- ياحببتي اهدي بس، اهي ابتدت تفوق
هايدي، تصطنع التعب،،،
- حكه حكه، انا فين، ايه اللي حصل
ايهاب بتنهيده، ياخد زفيرا عاليا، ثم يرد،،،
- انتي كنتي بتتكلمي معايا ومره واحدة قومتي تقفي ودختي وقعتي في البيسين، ومن ساعتها بحاول افوقك، انتي بتشتكي من الضغط
نور بضجر؛ انا اللي جالي الضغط
ايهاب يبتسم من شكلها وهي غيرانه، فاحب ان يشاكسها اكتر فوجه كلامه لهايدي،،
-كده تخضيني عليكي، انتي مفطرتيش ولا ايه قبل ماتيجي
- هايدي بنظرة تسبيله له، ثم تقول،،،
- لا انا مش بفطر، شربت فنجان قهوة ونزلت علي طول
ايهاب ينظر لنور موجها حديثه لها، ثم يقول،،،
- لو سمحت يانور اطلبي من سالي تحضر الفطار، وانتي ياهايدي ياريت تطلعي تغيري هدومك، وخدي اي لبس من عند نور، عقبال ما هدومك تنشف
نور بغضب وبدات ان تبدي اعتراض، فقاطعها بحده،
ايهاب بحده يرد،،،
- لو سمحت يانور خدي هايدي عشان متبردش
نور تتحرك معها وتهمس في سرها، يارب تموت حتي انا مالي
إيهاب يضحك بشده ويقول،،،
- سمعتك علي فكرة
فتنظر له نظره حاده قاتله، ثم ترد،،،
ماشي يا إيهاب لما ارجعك، وتصعد الي غرفتها، واعطت لها بعض الملابس لتغيرها، ثم توجهت الي التوليت الخاص بالغرفه وارتدت الملابس وخرجت، فنظرت لها نور وهي ممسكه بمعصمها بقوه، والقت لها بعض الكلمات محذره اياها بلهجة شديده التوعد مردده،،،
- بقولك ايه الشويتين اللي عملتيهم تحت دول ميخيلوش عليا، انتي فهماني، انا عارفه كويس اوي انتي جيتي ليه، والتمثيليه اللي عملتيها من شويه، متخلش عليا يا ماما، ايهاب ابعد من انك تطولي ظفرة، لو مسكتي النجوم هتكون اسهلك من انك تمسكيه، ايهاب خط احمر، ممنوع الاقتراب منه، انتي فاهمه ولا لاء
هايدي بكل هدوء وبرود تقول،،
هنشوف ياحببتي مين اللي هيكسب ويفوز بيه، سلام بقي عشان الحق افطر مع هوبا
نور بنظره تحذيريه، وحده تقول،،
- قولتلك متنطقيش كلمه هوبا دي قبل كده، انتي مش بتفهمي، اتفضلي انزلي، مش عايزة اشوف وشك الجميل تاني
هايدي ببرود ترد،،،
- لما تبقي صاحبه البيت تبقي تتحكمي وتأمري، زي ما انتي عايزة، عن اذنك باي
وتدلف اليه لتناول الفطار، وتقترب منه لتعاكسه، وتطعمه في فمه، وينظر لها متعجب من تصرفها
نور بتنظر له بغضب ثم تقول،،،
- طب همشي انا بقي عشان مقطعش عليكوا الجو الرومانسي ده
ايهاب ممسكا بيدها وينظر في مقلتيها ثم يقول،،،
- نور اهدي كده ياقلبي، واستهدي بالله تعالي افطري عشان خاطري، انا مستنيكي من امبارح، وملحقتش حتي اسلم عليكي
نور تجدها فرصه لتغيظها، وتبين لها انه ملكيه خاصه لها، فتقترب منه وتحاول ان تتحدث بهدوء مردده،،
- طب ما انا جيت علي طول، وانت اللي مكنتش فاضي ياحبيبي، ده انا حتي سبت بابا وماما ومفطرتش معاهم عشان اجيلك علي طول ياقلبي، ثم تقترب منه وتهمس لانك وحشتني مووت
ايهاب ينهض ليقترب منها ويمسك يداها، ويطبع قبلته علي باطن كفيها ويردد،،
- والله وانتي وحشتيني اكتر ، طول الليل بفكر فيكي، متسبنيش تاني
نور وقد فقدت كل سيطرتها بالكامل وهي ناظره له بكل حب فهتفت،،،،،
- انت اللي وحشتني جدا والله، واول ما صحيت جتلك علي طول، ومتاخرتش، يالا ياحبي تفطر
ايهاب محتضن كتفيها مرددا ،،، تعالي ياعمري
تقف هايدي وبداخلها نار من هذا المشهد، متوعده بداخلها، انها لو استطاعت ان تتحالف مع الشيطان، لتحالفت معه لتفرقهم عن بعضهما، وتفوز به حتي تحقق احلامها، ثم رددت،،،
- انا همشي ياهوبا، عشان ورايا مشوار مهم، هبقي اعدي عليك مرة تانيه نكمل كلامنا، سلام
ايهاب ينظر لها ويرد ببرود قائلا،،،
- براحتك ياهايدي،مع السلامه
وتنصرف هايدي وقامت بالاتصال بشريكها لتقص له ما حدث
عادل يرد بحماس مررد،،،
- ايوة ياهايدي، ازيك نفذتي اللي اتفقنا عليه
هايدي بضيق وغيظ تقول،،،
- ايوة، وكنا عال العال، لحد ما ست زفته ما طبت علينا
عادل بنبره تحذيريه يقول،،،
- قولتلك الف مرة اتكلمي عليها كويس
هايدي بعنف وحده،،،
- انا مش عارفه هي عمللكوا ايه، سحرالك انت وهو، فيها ايه عشان تعشقوها كده
عادل بنبره حانيه وهادئه يقول،،،،
- فيها اللي عمرك ما هتقدري تفهميه، اخلصي وكملي اللي حصل
وتقص عليه كل شيء ثم قاطعها مردد،،
- حلو اوي كده، امشي علي نفس الخطي، تبقي تروحي مره تانيه بحجة تاخدي هدومك وترجعي هدوم نور وتنفذي الخطه ب
هايدي بتنهيده وتأفف ترد،،،
- لما نشوف بقي ساعتها هيعمل ايه، بس انت ظبط اللي اتفقنا عليه، مش عايزه اي غلط فيها عشان منتكشفش يابرنس النجوم
عادل بابتسامة شيطانيه يقول،،،
- متقلقيش كله تحت السيطره
هايدي. بضحكه خبيثه تقول،،،
- انت هتقولي، سلام ياعم المسيطر
وتنهي المكالمه وتتوجه الي منزلها.
ايهاب ينظر اليها ويقول،،
-ساكته ليه يانور
نور تنظر له وعلي وجهها علامات ضيق وزعل، ثم ترد قائله،،،
- يعني مش عارف
إيهاب يقترب ويجلس بجوارها، ثم ينظر لها بحب مرددا،،،
- حبيبي انتي لسه زعلانه من اللي حصل، والله العظيم ما عملت حاجه غلط، هي اللي وقعت في الميه و كنت بحاول انجدها
نور بعصبيه وغيرة شديده تقول،،،
- وانت طبعا خالت عليك التمثيليه دي، وصدقت انها مغي عليها، دي كانت بتمثل عليك يا ابو قلب طيب
ايهاب يرفع حاجبه الايسر ثم يقول متعجبا،،،
- ياشيخه اتقي الله، حرام عليكي،، بس سيبك انتي كان شكلك زي العسل وانتي غيرانه وبتزعقي كده وتقولي ايهاب
نور تنظر له بحده وغضب مردده ،،،
- متعصبنيش يا ايهاب، انت عارف كويس هي عايزة منك ايه
ايهاب ببرود يقول،،،
- تعوز زي ما هي عايزة، المهم انا عايز ايه
نور بتسبيله، وهمس مقتربه منه وتقول،،،
- وانت عايز ايه بقي؟
ايهاب ينظر لها بحب شديد، ورغبه شغوفه يقترب من شفتاها مرددا،،،
- عايز اخطفك، واحضنك، وادخلك جواه قلبي، واتجوزك ادام الدنيا كلها، واقول ليهم ان نور خطفت قلبي وعقلي واستحوذت عليهم، وجننتني في حبها
نور ممسكه يداه وتضبع قبله حانيه علي كفه، ثم تقول،،،
- ربنا يخليك ليا ياحبيبي، ويبعد عننا شر الناس يارب، ويقرب البعيد ياحبيبي واكون حلالك
ايهاب يرفع يده داعيا،،،
- اللهم آمين يارب العالمين، ممكن بقي نكمل فطار، عشان نستعد لتسجيل الاغنيه
نور ببتسامه ترد،،،
- حاضر يالا انت كمان افطر، خد دي مني
ايهاب يضعها في فمه، ثم يقول بنبره حانيه،،،،
- تسلميلي ياقلبي
وينتهوا من تناول فطروهم، ثم نهضوا ليستعدوا للذهاب لتسجيل الاغنيه، وبعد عده ساعات طويله، انتهى التسجيل ليخرج من غرفة التسجيل قائلا،،
- يااااه اخيرا خلصنا، الحمدلله، عقبال تصويرها
نور بنظرة تعبت تقول،،،
- اخيرا، انا كنت مرعوبه، بس الحمدلله عدت علي خير
ايهاب بنظرة اعجاب وفخر يقول،،،
- بس غنيتي جميل والله يانور
نور بقلق تقول،،،، بجد عجبتك
إيهاب باعجاب شديد يرد،،،
- انتي عجبتيني من زمان ياعمري
نور بخجل وكسوف تقول،،،
- حبيبي انت ياهوبا، فيقطع حديثهم مهندس الصوت مردد،،،
- بجد انتي صوتك ممتاز جدا يا انسه نور ماشاءالله عليكي، اتمني انك تكرريها تاني
?
التعليقات على الموضوع