رواية عذبني حبك الحلقة 11 و 12
الفصل الحادي عشر
هادي متسائلا بفضول قائلا،،
- وكانت من مين المكامله دي؟وايه محتواها؟
نور تنظر له موضحه،،،
-سألته بعد ما خلص، مين يا ايهاب؟
" فلاش باك "
ايهاب بتردد اجاب، ،،،
- ده فارس يانور
نور وعلي وجهها التعجب،،،،
- وليه بعت كده وانت بتكلمه غريبه يعني، هو في اسرار عليا برضو، وطولت اوي معاه
إيهاب يرد بتوتر،،،
- طبعا مفيش اسرار، بس انا عاملك مفاجأة وهو جهزها، وقالي لما تجهز هكلمك اديك التمام
نور بتعجب تقول،،،،
- وايه هي بقي المفاجأة؟
ايهاب مبتسما لها ثم يقول،،،
- وهي هتبقي مفاجأة لو قولتلك عليها برضو، لازم تشوفيها بنفسك، ويارب تعجبك
نور بنظرة حب ممسكه بيده بكل حنان، وهتفته بنبره دافئه،،،،،
- انا مش عايزة اي حاجه من الدنيا، انت كفايه عليا، انت هدية ربنا ليا، ليه مش عايز تفهم كده
ايهاب مقبلا باطن كفيها بكل حب، وحنان،،
- وانا نفسي اجبلك الدنيا كلها تحت رجليكي ولو اطول امد ايدي اخطف نجمه من السما واقدمهالك مش هتاخر
نور تقترب منه بحب وتردد،،،
- ياحبيبي ياهوبا، ربنا ميحرمنيش منك يا قلبي، احنا مش هتمشيني شويه في البلد، الجو ساحر النهاردة
ايهاب ممسكا بيديها يقول،،،
-عيوني يالا بينا،،،
ويتوجهون الي السيارة وتجلس بجانبه وهو يقودها بسرعه شديده، فتهتف مردده،،،
- سوق براحه ياايهاب، انت مزود السرعه اوي
ايهاب ينظر لها ويزود اكثر ثم يقول،،،
- انتي بتخافي ولا ايه؟
نور بنظرة جنون تقول،،،
- لا مش بخاف، تحب تشوف،،،، وهنا وقفت نور واخرجت راسها من سقف السياره ومددت يداها كانها تتمني ان تطير في السما
ايهاب ينظر لها ويقول،،،
- اقعدي يامجنونة
نور تضحك بشده، ثم تقول له،،،
- مجنونه بحبك
إيهاب ينظر لها ويصيح قائلا،،
-مش سامع بتقولي ايه؟
نور تعلي صوتها اكتر،،، مجنونه بحبك
ايهاب بصوت اعلي يقول،،،
-مش سامعك عالي اكتر
وهنا فهمت نور مقصده، فصاحت باعلي طبقات صوتها قائله،،،،
بحبك.... بحبك... بحبك....بحبك.... بحبك
إيهاب يضحك باعلي طبقات صوته، ثم يصيح مرددا،،،
- خلاص سمعت، انتي مجنونه فعلا
نور تنظر له بحب شديد، ثم تقول،،،
- وايه الجديد في اللي بتقوله، انا فعلا مجنونه إيهاب، مش من دلوقتي، لا من زماااان اوووي، ياروح وقلب، وعقل نور من جوه
إيهاب يمد يده لنور، لياخذها بين ذراعيه، ليشعر بمدي قربها الذي يسحره، ويشعر بحبها، ويغمرها بحبه، فتقترب منه، ويطبع قبله علي جبينها، ويخفض من سرعته، رويدا، رويدا، ثم يهمس بجانب اذنيها مردد،،،
# عذبني حبگ بقلم إيمووو كمال
- ان كنتي انتي مجنونة إيهاب من زمااان، انا بقي بقيت دلوقتي أسير حبك وغرامك يانوري، انا مش عارف انتي عملتي ايه فيا، ازاي يانور خلتيني اعشقك كده... بقيت اتنفس هواكي.. بعشق تفاصيلك.... مش قادر ابعد ولا عايزك تبعدي عن حضني "ويشدد في ضمه لها، وهي في حالة استرخاء تمام له، مستمتعه بكلامته العذبه، التي تجعلها في عنان السماء " نفسي تفضلي كده، لحد اخر نفس في...
تقاطعه نور وتضع يدها علي شفتيه.،،،
- اوعي تقولها، انا معيش لحظه من بعدك، حياتي تهون عليا لو انت مش فيها، عشان خاطري، حافظ علي نفسك عشاني انا وبس
ايهاب بنظرة عاشقه يقول،،،
- ربنا يكمل فرحتها يانور يارب
نور بتمني تقول،،،
- يارب ياهوبا، نطمن بس علي الالبوم بتاعك وينزل الاسواق وبعدين نشوف موضوعنا
ايهاب بضيق يقول،،،
- لسه هنستني كل ده يانور
نور بجديه تقول،،،
- انت ناسي انك هتكون مشغول ودماغك مش رايقه، لان مفروض تبدا تختار الاغنيه اللي هتصورها. وتختار الموديل اللي هتبقي معاك، ترتيبات كتير لازم تعملها
ايهاب بتعجب يقول،،،
- يانهاري انتي مفيش حاجة بتنسيها ابدا، بتهتمي بكل التفاصيل
نور بابتسامه؛ لان ده شغلي اللي بعشقه، مابالك بقي لما يكون الشغل ده يخص حبيبي، وروح قلبي، وعمري كله، لازم اكون دقيقه جدا، ومسبش الهفوه، عشان يطلع مظبوط، وتصمت ثواني وتاخذ نفس عميق، ثم تكمل،،،،
انا يا ايهاب موصلتش لاسمي ده من فراغ، تعبت جدا عقبال ما اسم نور زين الدين، اتعرف والمطربين بيتسابقوا اني اشتغل معاهم، وكل ده عشان اوصل لاني اشغل معاك، وتعرفني وتحس بيا
إيهاب وعلي وجه علامات التأثر يقول،،،،
- ياااه يانور كل ده عشاني انا،، انا مستهلش كل ده، كتير عليا اوووي حبگ يانور، انتي كتير عليا اوووي
نور تضع يداها على شفتيه ثم تهمس مردده،،،
- اوعي تقول كده، انت تستاهل اكتر من كده، انا لو قالولي دلوقتي عايزه ايه تاني في دنيتك قبل ما تموتي، هطلب طلب واحد بس
ايهاب بزعل،،
- بعد الشر عليكي ياروحي، بس طلب ايه اللي هتطلبيه
نور وهي متشبثه به كالطفله،،،
اني اموت وانا بين اديك وفي حضنك، وتكون انت اخر حاجه تشوفها عيوني
يقف ايهاب بالسيارة بعد سماعه لكلماتها الاخيرة، ليحضنها بشده، خوفا من افتقادها، وينثرها بقبلاته بجنون بجميع وجها، وبين عنقها ثم علي شفتاها بكل ما يشعر به من عشق تجاها، وايضا خوف من فقدانها، وهو يهمس لها بكل حب،، اوعي تقولي كده تاني.. انا ماصدقت دوقت طعم الحب علي اديك،، اوعي تسبيني تاني بعد ما لاقيتك يانور.... انا بعشقك "ومع كل كلمه بهمس بها بغمرها بقبلاته الحانيه التي تعرف طريقها... فترد عليه هامسه
نور بنظرة عشق تلمع دمعه في مقلتيها، ثم تقول،،
- صدقني يا ايهاب، مفيش حاجه هتبعدني عنك غير الموت، غير كده انا مكاني هنا، وتشاور بيدها علي قلبه"
ايهاب يضم يديها ويقول،،،
- هتفضلي هنا لاخر نفس، لان ده مكانك ياروحي،،، ثم يسير بالسياره، وبعد فترة ردد قائلا،،،
- ياااه احنا خلاص وصلنا اهو للفندق
نور بزعل تقول،،،
- بسرعه كده الأوقات الحلوه عمرها صغير
ايهاب يرد في حنو،،،،
-ربنا يجعل كل اوقاتنا كلها فرح، وحب، وسعاده دايماً يارب
نور؛ يارب ياحبيبي
ويتجهون داخل الفندق ثم يصعدون الي غرفتهم مودعين بعضهما، لينتهي يومهم الملئ بالاحداث الطويله.
وتمر الايام وينتهي ايهاب من حفلاته، ويستعد للسفر الي ارض الوطن، مودع فيها غازي
ايهاب مودعا ايهاه فيقول له،،،
- اشوف وشك علي خير يا اخ غازي
غازي بنظرة حزينه يقول،،،
- هاك خلاص ناوي تتركنا يا خي، هنتوحشك اكتير، يسلملي عيوناتك، ماتغيب عنا يا زلمه
ايهاب بنظرة شكر يقول،،
- ان شاء الله، اشوفك علي خير
وينصرف ايهاب ونور، متجهيين الي المطار، لانهاء إجراءات، ثم يصعدوا الي الطائرة، ويمضي الوقت المحدد، وهما كل منهما في حاله صمت، ليقطع هذا الصمت موجها كلامه لها
- ساكته ليه من ساعة ما ركبنا الطيارة يانور، سرحانه في ايه؟
نور يتنهيده، ثم تنظر له وتقول،،،
بفكر في كل اللي حصل، وفي كميه السعاده اللي انا حساها معاك، وخايفه فرحتي ما تدومش
ايهاب بقلق، وحيره يقول،،،
وليه ما دومش، ليه بتقولي كده
نور بخوف وقلق، ثم تنظر له مردده،،،
- مش عارفه بس احساسي، بيقول كده، يمكن عشان بحبك اوووي خايفة تضيع مني، ويمكن خايفه من الزمن يستكترك عليا، ويحرمني منك، ساعتها مش هتحمل صدقني
ايهاب يحتويها بين ذراعيه ليشعرها بالأمان الذي تفتقده، ويهمس لها،،،
- متقلقيش انا جنبك وامانك، وسندك، وبإذن الله مفيش حاجه تفرقنا عن بعض ابدا
نور؛ يارب ياحبيبي
وبعد فترة قصيره وصلت الطائرة ارض الوطن، وانهي كل شيء، وتوجهوا الي خارج المطار، فوجدوا فارس، يرحب بيهم بشده،،،
- اهلا اهلا حمدلله على السلامه يا حبيبي، نورت وحشتني ياهوبا
ايهاب يقترب منه ويعانقه بحب مرددا،،،
- الله يسلمك ياحبيبي، وانت كمان وحشتني جدا، اخبارك ايه؟
فارس بنظرة حب يقول،،،
- الحمدالله بخير، كله تمام وتحت السيطرة، واللي امرت بيه جاهز، ومش ناقص غير علي الامضاء ياكبير
ايهاب ببتسامه: تسلمي ياابو الفوارس، متحرمش منك ياغالي
فارس ينظر له بحب،،ثم يقول،،،
ولا منك ياحبيبي، النهاردة مش هسيبك، هتسهر معايا وش، انا قولتلك اهو، انا موصي علي طاوله لينا مخصوص، مش هقبل باي اعذار
ايهاب ينظر لنور، نظره وصلت لها وفهمتها، من غير ما تنطق شفاه باي حرف، فقالت،،،
- مفيش مشكله يا إيهاب، نسهر بس، ياريت لو سمحت توصلني اسلم علي بابا وماما، وبعدين هجي علي معاد السهره
ايهاب بنظرة ترجي يقول لها،،،
متتاخريش عليا، هستناكي، تطمني عليهم وترجعيلي بسرعه، نور مش هاكل غير لما ترجعي
نور بحنان الأم،،،
حاضر ياقلبي مش هاكل معاهم، وهرجعلك علي طول
فارس ينظر لهم من مرآة السيارة، وفي حاله ذهول تام، اراد ان يتحدث، لكنه تراجع وانتظر لحين نزول نور، وبعد مضي بعض الوقت، وصلت نور لمنزلها، وقامت بتوديعه، فقبل يداها وتركها، وشعر بغصه في قلبه لفقدانه لها، ولو لفتره قصيره، ثم صعدت وطرقت باب شقتها، ففتحت لها امها
سميه بفرحه شديده،،
- نور حببتي يابنتي، حمدلله على السلامه ياقلبي، وحشتيني اوي اوي
نور محتضنه امها بحب، ثم تقول،،،
- وانتي اكتر ياماما ازيك، واخبار صحتك ايه، طمنيني عليكي
سميه تنظر لها وتقبلها بشده وتردد،،،
- انا بقيت زي الفل لما شوفتك قدامي ياحببتي، احكيلي عملتي ايه في الرحله
نور بخجل؛ كويسه والحفلات كانت مكسره الدنيا
سميه تنظر في مقلتيها وتقول،،،
- انا مش بسأل علي الحفلات يانور، انتي عارفة انا اقصد ايه
نور بتهرب من الاجابه،،
هو بابا فين مش سامعه صوته ليه، هو مش هنا
سميه تهز راسها بالنفي، ثم تنظر لها مردده،،،
- لا مش موجود، نزل يشتري طلبات، وقال مش هيتاخر
نور بضيق تقول،،،
- وايه بس اللي يخليه ينزل، مايتصل بالفون، واللي عايزة يجي لحد عندك، هو غاوي يتعب نفسه
سميه تنظر لها وتقول بضيق،،،
- انتي عارفه ابوكي بيحب هو اللي يشتري طلبات البيت بنفسه، حتي انا مش بيحب يخليني اشتريها، فتعودت علي كده
نور؛ ربنا يخليه ويبارك فيه يارب، بس خايفه يتاخر وملحقش اشوفه
سميه تضيق حاجبها وترد بزعل،،،
- ليه انتي ناوية تمشي، انا ملحقتش اشبع منك، وكمان انتي هتتغدي معانا
نور؛ معلش ياماما سامحيني، ايهاب عازم صديق عمره علي الغداء، وقالي مش هياكل غير لما اجي، وعيب اسبهم واكل
سميه بزعل، تنظر لها وتقول،،
يعني عيب تسبيهم، لكن مش عيب تسيبي امك وابوكي، صح يانور
نور محاوله مراضيتها،،
لا مش كده بس انا مش هقدر ازعله مني، لكن انتي حببتي وهتحسي بيا، انا ماصدقت ياماما انه يحبني ويحس بيا، وبعشقي له
سميه بحزن ترد،،،
- هقولك ايه يانور، ربنا يسعدك يابنتي، بس المده قربت تخلص يانور، وجلوسك معاك مش هيبقي له مبرر بعد كده
نور تنظر لها نظرة حيرة وقلق، ثم تقول،،،
- عندك حق يا ماما، وهو عايز والله يتقدم، بس عندنا مرحله شغل جامده، نروق منها ونعلن خطوبنتا بإذن الله
سمية تنظر لها وتدعي لها مردده،،
- ربنا يقدم اللي فيه الخير يابنتي ويريح قلبك يارب
نور؛ يارب، سلميلي علي بابا كتير اوي، وهبقي اعدي عليه مرة تانيه
وفي هذه اللحظات تجد نور والدها يفتح باب الشقه، ليجدها، تجري عليه تاخذ، ما في يده لتحتضنه بكل شوق،،،
- حبيبي يابابا ازيك وحشتني اووووي
زين؛ انتي اكتر يابكاشه، كنتي ناويه تمشي من غير ما اسلم عليكي، ينفع كده
نور؛ سامحني، بس كنت مستعجله والله، انا جايه من المطار علي هنا، وملحقتش ارتاح، ولا حتي اخد شور واغير، خصوصا ان ايهاب عازم صديقه علي الغداء، ومنتظريني، وبليل هنسهر، يعني انا يومي كومبليت علي الاخر، معلش انا عارفه اني مقصره في حقكم، بس سامحوني، وادعيلي ربنا يحقق احلامي
زين محتضنها بحب، ثم يقول،،،
- انا مقدر ياحببتي، وربنا يسترها معاكي، ويحفظك من شر البشر
نور؛ امين يارب
وتنصرف وتستقل تاكسي، ليقوم بتوصيلها الي مبتغاها
*عند ايهاب وفارس
يجلس ايهاب وبجانبه صديقه، يتحاورون سويا، واذا يساله سؤال،،،
- ممكن بقي تحكيلي ايه حكايتك مع نور، انا شايف وملاحظ النظرات اللي بينكم، خصوصا هي اللي العشق مش عارفه تداريه، وباين في عيونها ليك
ايهاب بتنهيده حاره،،،
اااه يافارس يا اخويا، اقولك ليه بس، اقولك اني كنت ميت، ومحستش اني عايش غير لما دخلت حياتي، ولا اني معرفتش طعم الحب غير علي اديها، نور نورت حياتي وقلبي اللي اتقفل من زمان، ومنورش غير لما دخلت وشالت كل ظلام الليل، ونورته بحبها وعشقها، انا لو لفيت الدنيا مش هلاقي زيها ابدا، انا بحبها اووي، ونفسي اسعدها زي ما بتسعدني، ومستغرب نفسي ازاي حبتها بالسرعه دي، بس مش عارف حاسس انها قريبه مني اوي،.. مش غريبه عني... زي ما اكون سمعتها قبل كده... اتعاملت معاها، مش عارف يافارس احاسيس جوايا متلخبطه
فارس ينظر له نظرة تعجب ثم يقول،،،
- يااااه يا هوبا للدرجة دي، انت طبيت ولا ايه، والله شكلك بقيت مجنون نور، زي مجنون ليلي كده
ايهاب يزفر انفاسا عاليه ثم يقول،،،
واكتر كمان، يارب تجرب عشان تعرف وتحس
فارس باعتراض يرد،،،
- لا ياعم انا كده فل الفل، اجرب وادهول كده زيك، لا متشكر اووووي
ايهاب يقوم بضربه علي كتفه بخفه ثم يقول،،،
- يخربيت الفاظك، بتحدف طوب، ايه ادهول دي؟
وفي أثناء حديث ايهاب عن حبه، وعشقه، لم ينتبه ان نور كانت وصلت وسمعت ما دار بينهما، فسعدت كثيرا لما هاتفه، وحمدت ربها في سرها انه حقق ما تمنت منذ زمن، فستأذنت بالدخول هاتفه،،،
- انا جيت، أتاخرت عليك
ايهاب محتضن يداها؛ اتاخرتي اوي يانوري، انا هموت من الجوع
نور تنظر له بحب ثم تقول،،،
- ابدا والله، دول حتي زعلانين مني عشان ماكلتش معاهم، ونزلت بسرعه عشان اجي اكل معاك، اقصد معاكوا
ايهاب محتضن يدها ويقول،،
- انا مش هسيبك تروحي تاني لوحدك، يجوا هما ويشفوكي في اي وقت، عشان متبعديش عني ابدا، ويالا بقي قولي لسالي تحضر الاكل، لحسن بطني خلاص بتصرخ
نور بحب تقول،، من عيوني يا قلبي
وتتوجه نور الي المطبخ، لتحضر الطعام مع سالي التي تطلب منها،،
- يابنتي ارتاحي وانا هحضره كله، بلاش تتعبي نفسك انتي لسه راجعه من السفر
نور باعتراض تقول،،،
- يعني انا جايه وراكبه جمل، دي طيارة ياسالي، يالا بس ايد علي ايد تساعد، ايهاب جعان اوي، مش عايزة نتاخر عليه
سالي تنظر لها بتعجب، ثم تسألها قائله،،،
- ياااه بتحبيه اوي كده؟
نور بعشق ترد ،،،
- اووي اوووي لدرجه متتخيلهاش، مش انا حكتلك قبل كده
سالي؛ بس المرة دي، باين عليه الحب، وشه منور وسعيد، انا ملاحظه عليه السعاده، ربنا يدمها عليكوا يارب
نور؛ يارب
وينتهوا من وضع كل الطعام، لتناديه هاتفته مردده،،،
- إيهاب، هوبا، يالا الاكل جاهز
ايهاب يرد عليها قائلا،،،
- حاضر يانوري، انا جي اهو، يالا يافارس
بقولك يانور بعد الاكل كنت عايزك في موضوع ضروري
نور ويبدو عليها القلق؛ خير في حاجه حصلت
ايهاب ينظر لها ويقول قلقتي ليه كده، عشان اقولك المفاجأة اللي محضرهالك، انتي نسيتي ولا ايه؟
نور؛ اااه افتكرت، حاضر، ياتري ايه اللي مخبيه ياهوبا
ايهاب : هتعرفي بعد الاكل
# عذبني حبگ بقلم إيمووو كمال
" باك"
هادي يقطع حديثها؛ مالك يانور سكتي ليه، وايه ياتري المفاجأة اللي كان محضرها ليكي
نور بتنهيده عاليه ترد،،،
- ابدا حسيت اني تعبت مرة واحدة، علي اد ما حرجني وكسرني، بس مش قادره انسي ان المفاجاه اللي حضرهالي غيرت طريقي خالص، وعمري ما كنت ممكن اقبل عليها في يوم من الايام، ولا افكر اني اخطو الخطوة دي
هادي بنظره شوق يقول،،،
- شوقتيني اني اعرفها
نور ببتسامه مصطنعه ترد،،،
-هقولك في جلسه بكره، لاني مش قادره اكمل
هادي ينظر لها ويغلق الكاست، ويلمم اوراقه ثم يقول لها،،،
-اللي تشوفيه يانور، مع انك كده، قفلتي عند جزءيه صعبه اوي، ومشوقه للغايه، بس مش عايز اتعبك اكتر، اشوفك بكره
نور؛ معلش يادكتور
هادي؛ ولا يهمك، هبعتلك مع الممرضه عصير فريش
نور؛ اشكرك، ربنا يخليك ليا
ويتركها ليتوجه الي مكتبه، ويامر عامل البوفيه، بتحضير عصير ويرسله لغرفة نور، ثم يكمل عمله، في همه ونشاط، واذا ينتبه لسماع صوت هاتفه يرن، وينظر ليجد المتصل ايهاب فيرد عليه،،
- السلام عليكم
إيهاب؛ وعليكم السلام ورحمة الله وبركاته، ازيك يادكتور هادي
هادي بهدوء؛ ازيك يا استاذ ايهاب، خير
ايهاب : كنت بسأل علي اخبار نور ازيها... عامله ايه؟
هادي بجديه يرد: الحمدالله احسن من الاول كتير، بس لسه موجوعه اوووي
ايهاب بحزن يقول،،
يعني لسه مش مسموح اشوفها واكلمها، واشرحلها، اسبابي
هادي بنفي،، لا طبعا مش دلوقتي خالص، انا لسه لحد دلوقتي معرفش سبب اللي حصلها، اه انت قولتلي، بس لسه مسمعتش منها هي
إيهاب بنبرة حزن وحسرة يقول،،
- هي ممكن يجي اليوم اللي تسامحني فيه
هادي بهدوء يرد،،،
- بصي يا ايهاب، كل اللي اقدر اقوله... ان نور لسه مجروحه ومكسوره منك، ويوم ما تقف علي رجليها وتسترجع ثقتها بنفسها، هتبقي عايزة ترد ليك نفس الالم، مجرد رد فعل طبيعي، فانت تقبل اي رد فعل منها
ايهاب بنبرة متألمه ووجع يقول،،،
انا مستعد اعمل اي حاجه عشان تسامحني، وترجعلي، انت متتخيلش حالتي بقت ازاي، لا عارف اعيش، ولا اشتغل، ولا اكل ولا حاسس ان الدنيا ليها طعم من غيرها
هادي معاتباََ له يقول،،،
-ومفكرتش في كل ده ليه قبل ما تجرحها وتكسرها، ازاي قدرت تعمل في القلب الطيب ده كله
ايهاب بحسرة وندم يقول،،،
غصب عني والله، الغيرة عامتني، مكنتش شايف حاجه ادامي، انا جرحت قلبي قبل ما اجرحها، طعنت قلبي بنفس الخنجر يادكتور
هادي شعر بمدي صدقه والامه ، فقرر بداخله ان يساعده، ولكن بعد ان يتعلم درس يجعله كيف يحافظ عليها، ثم اكمل حديثه معه،،
- بص يا ايهاب انا هعمل اللي عليا، وهقف جنبك، ولما اشوف الوقت مناسب انك تكلمها او تواجها هبلغك، لانها لازم تحصل مواجهة بينكوا، لازم نور تطلع كل اللي شيلاه جواها تجاهك، ربنا يهدي الحال، واللي فيه خير ربنا يعمله
ايهاب؛ يارب يادكتور، انا مش عارف اشكرك ازاي علي وقفتك معايا
هادي بنبره هادئة وصادقه يقول،،،
انا لو مش متأكد من حبك لنور، وصدق مشاعرك وندمك عمري، ما كنت هساعدك ولا اكلمك يا ايهاب
ايهاب بنبرة صدق وحب حقيقي يقول،،
وربنا وحده اللي يعلم انا بتعذب من ساعة اللي حصل ازاي، وخصوصا بعد ما عرفت كل حاجه
هادي بنبرة حزينه يقول،،،
معلش كل شيء مكتوب وربنا يصلح حالكم
ايهاب؛ امين يارب، مع السلامه يا دكتور وفي انتظار مكالمتك بفارغ الصبر
هادي : مع السلامه
وينهي معه المكالمه، ويفكر في حال البشر، ويحدث نفسه....
- غريبه الناس دي مش بيحسوا ولا بيقدروا قيمه الانسان غير لما يفقده، طب ليه منقدرش بعض، ونخاف علي بعض، ونلتمس الاعزار لبعض، ونسأل قبل ما الغضب يعمي عنينا عن الحقيقية، ضيعت من ايدك يا ايهاب احن، واطيب قلب عرفته، وجاي دلوقتي ندمان، وبتتمني بس انها تسمعك، ربنا يهديكي يانور وتسامحيه
تجلس نور تقلب في حسابها من خلال صفحتها في الفيس بوك، وتتابع منشوراتها وتعليقات أصدقاءها ثم اخذت تكتب هذه الكلمات تذكرتها من اغنيه قديمه اعجبت بها، لانها تعبر عن حالتها ،،،،
"اصعب بكاء هو البكاء من غير دموع مش راح تشوف في عنيا يوم لحظة خضوع
ماقدرش اخضع عمري ماهعرف احسن لي ابكي اصعب بكي من غير دموع
كان سهل ابكي بين اديك كان سهل اتحايل عليك لكني هابقي مش انا هابقي ببيع كياني ليك
قلبي اتهمتو وكان بريء.. قلبي اللي كان اقرب صديق
وكنت فاكر ان انا هاندة عليك زي الغريق"
انتهت من كتابة كلاماتها ثم اغلقت حاسبها ورددت قائله،،،
اوعدك ياحب عمري، ما هخليك تشوف ابدا دمعه عيني اللي بتنذف دم علي جرحك ليا،، وحيات كل نظرة حب شوفتها في عيوني... وحيات كل كلمه حب نطقها قلبي قبل لساني... وحيات عشقي اللي داب، وقلبي اللي كسرته لخليك تبكي علي فراقي،، وحياتك عندي لدوقك من نفس كاس العذاب اللي شربته يا ايهاب... وحيات رقدتي دي لخليك تلف وتتمني اسامحك ومش هتلاقي مني غير القسوة، مهما كنت بحبك،، انت كسرت الحب ده وهدمته، هدمت حب كبير اوي للاسف معرفش قيمته كويس، انا وانت والزمن طويل
والي هنا تتنهي احداثتا لنتعرف غدا ايه المفاجأة اللي حضرها ايهاب لنور، وياتري الايام مخبيه ايه ليهم ولباقي ابطال روايتي المتواضعة
" عذبني حبگ"
ايموووو كمال ✍️
الفصل الثاني عشر
يعود معتز الي منزله وبداخله بركان من الغضب، فيفتح باب شقته، يجد زوجته في انتظاره، وبدلا من امتصاص غضبه، اشعلت النيران اكثر واكثر حين سمعها تهتف بحده،،
- اهلا يا دكتور، حمدلله على السلامه، اخيرا شرفت، تخرج من غير ما تقولي، وكمان بنادي عليك مش بترد عليا، وترزع باب الشقه بعنف وتسبني احرق في دمي
معتز بغضب، وحده، وصوت مرتفع، يرد قائلا،،،
- هو ده اللي فرق معاكي ياهانم، اني رزعت الباب ومردتش علي البرنسيسة نانسي، لما نادت عليا، مهمكيش انا وصلت للحاله دي ليه، ايه اللي زعلني وخلاني اتصرف كده، فعلا هو هيهمك في ايه، ولت انا اصلا اهمك ليه، انا بالنسبة ليكي بنك فلوس مش اكتر
نانسي بغضب وحده ترد،،،،
- حوش حوش الفلوس اللي مغرقني فيها، انت بتسمي الفلوس اللي بتتدهاني دي فلوس، دي ملاليم ياحبيبي، انت متعرفش الفلوس اد ايه، انت اخرك شويه الملاليم اللي بتقبضها اخر كل شهر، والاسم دكتور
معتز بضيق وغضب، ينعض ويشاور بيده علي الشقه ويقول،،،،
- الملالييم اللي مش عجباكي دي، هي اللي فاتحه البيت ده، هي اللي عملت الدكتور معتز، هي اللي جهزت الشقه، والعفش، وجابت الفساتين اللي كل شويه، عايزة يامعتز، هاتلي الفستان ده ياميزو "مقلدا اياها"، هي اللي اشترت المجوهرات اللي جواه ، عمرك فكرتي انا بتعب اد ايه عشان احققلك كل طلباتك، انتي عمرك ما فكرتي فيا ابدا، عمرك ما حسيتي بيا، ولا بحبي ليكي، استغليتي حبي، ونقطه ضعفي حبك اسوء استغلال، انا بعد المشهد اللي شوفته النهاردة، حسيت فعلا اني في وهم كبير اوي اسمه حبك، انا طول الوقت بتدي حب واهتمام، وعطف وعشق، وماخدتش منك اي حاجة (كان يتحدث وهو في قمة الوجع والالم)
نانسي ببرود ترد،،،
- ومشهد ايه بقي ان شاء الله، اللي خلاك تكتشف الاكتشاف الفظيع ده
ينظر لها نظرة احتقار،
- ويقص عليها ما رآه، لتقاطعه بسخرية مردده،،،
- وانت بقي عايزني، انزل اشغل وادف معاه مركب حبنا
معتز ينظر لهابقرف، ثم يقول،،،،
- هو ده اللي فهمتيه من كل اللي قولتله، انتي اية، جنس ملتك ايه، انا عايز اعرف انتي مخلوقه زينا كده لها قلب، ومشاعر واحاسيس، ولا مخلوقه من ايه نفسي افهم
نانسي تنظر له بغضب وحده ثم تقول،،،
- ليه كل ده اما معرفش انا اجرمت في ايه، كل ده عشان عايزة مستوانا يكون افضل، عشان عايزة لما نخلف نجيب اولاد نسعدهم ومنبهدلهمش معانا، ايه الغلط في ده
معتز بصوت اعلي وحده اشد،،،
- لو كان ده قصدك ونيتك، كنت احترمتها يانانسي، لكن مش ده اللي في دماغك، واوعي تكدبي عليا، انا دكتور نفسي واعتقد متمكن منها "قالها بسخرية"
انتي أنسانه انانيه بطبعك، حاده الطباع، العاطفه اخر اهتمامتها، تعشق حب المال، زوجها اخر اهتمامتها، كل اهتمامك بالموضه، والفساتين، والخروجات، والمظاهر الكدابه، انتي عمرك ما حسستيني انك بتحبيني ونفسك تجيبي مني طفل يحمل تسمي، عارفه ليه.... هقولك ليه، عشان عمرك ما حبتيني، انتي حبيتي فيا حبي ليكي، واهتمامي وعشقي، حبيتي ان اصحابك يحسدوكي ان جوزك بيحب، وانك تتفاخري اني زي الخاتم في صوباعك، صح ولا مش صح، تحبي اقولك كمان... انتي وافقتي عليا برغم الفارق الاجتماعي، اتجوزتيني عشان بس يتقال انك متجوزة دكتور ويحبني ويتمنالي الرضا ارضا،واني هفرشلك شقتك واحقق كل طلباتك، انا بعت ورثي وكل ما املك عشان انول رضاكي، انا اتغاضيت عن كل ده، واستحملت كتير، واقول لنفسي بكره تحبك زي ما بتحبها، لكن للاسف انتي كسرتي كل ده يانانسي برفضك للخلفه، بحجة انك خايفه تبوظي جسمك بالحمل والولاده، انا كنت زعلان ومقهور في الاول، لكن دلوقتي بحمد ربنا اننا مخلفناش، اكيد انتي مستغربه انا عرفت ازاي
نانسي تنظر له وعلي وجهها التوتر والارتباك، ثم ترد،،،،
- مين اللي قالك كده، وفهمك كده؟
معتز ينظر لها نظرة ثقه، ثم يقول،،،
- مادام اتوترتي وارتبكتي كده، يبقي تحليلي صح، دايما بتنسي اني دكتور نفسي، مفيش ست بترفض تخلف من جوزها للاسباب بتاعتك دي، احنا الحمدلله نقدر نجيب طفل واثنين ونربيهم كويس، بس انتي مش حابه تتحملي مسئوليتهم، وبتعملي حجتك تامين مستقبلهم، المستقبل بيد ربنا ياهانم، وهو الرزاق بيرزقنا عشانهم، تحبي افكرك كمان واثبتلك عدم حبك واستغلالك لحبي
نانسى بنظرة غيظ وغضب ترد،،،
- ياااه ده انت معبي بقي مني من زمان يامعتز، قول كمان وسمعني
معتز بنبرة حزينه يقول،،،
- هقولك واسمعك عشان انا خلاص اكتفيت منك، فاكره لما طلبتي مني انك تشتري فستان عشان تحضري فرح قربتك وانا رفضت عشان عندك فساتين كتير،وانتي يومها فاكره انتي ضغطي عليا ازاي يومها، فاكره ولا ناسيه
نانسي بخجل، ترد،،،، فاكره
معتز بالم وحزن يقول،،،
- كنتي بتستخدمي اسمي العلاقة الانسانية بين اي زوجين "العلاقه الحميميه" لمصلحتك، برغم انك كنتي ساعتها مانعه نفسك عني بقالك فتره، وكل ما اقرب منك، بتتحججي بحجج فارغه، واول ما يكون ليكي طلب، هي دي الوسيله اللي بتستخدميها، وانا عشان مغفل وبحبك، وبعشق قربك وانتي في حضني، بعمل نفسي مش واخد بالي، وبفرح وبنعم بقربك، بس خلاص مش هضعف ولا استسلم ليكي تاني، لو كنت حسيت بحبك يمكن كنت واقفت وعديت، بس خلاص انا اكتفيت منك يانانسي بجد ومش قادر استمر، علي الحال ده
نانسي تشعر بالخطر وان طبول الخطر تدق، وعقلها لا يسعفها بأنها تمتص غضبه، فتحاول ان تقرب منه قليلا، وبمجرد ان لامست يده، ثار كالثور الهائج بها، ودفعها لتقع ارضا من اثر الدفعه وصاح بها،،،
- خلاص متحوليش، كان زمان ينفع اللي هتعمليه، لكن دلوقتي للاسف مبقاش ينفع، انا فوقت بس مع الاعتزار متأخر اوووي، نانسي انا اخد قرار ومش هرجع فيه ابدا،،،
انتي....انتي.. طالق طالق طالق،، يقولها وهو في قمة غضبه وانهيارة، بصوت حاد وبنبره مرتفعه، ثم يهاتفها لاخر مره،،
- حقوقك كلها هتوصلك، اتصلي علي اهلك يجيوا، وورقتك هبعتهالك علي عنوان اهلك، عايز لما ارجع ملقيش اي حاجه ليكي هنا
# عذبني حبگ بقلم إيمووو كمال
نانسي واقفه وعلي وجهها علامات الصدمه، كانها مغيبه عن الدنيا، ولا تجد رد فقد هرب منها الكلام، حتي فاقت، وتشجعت ووقفت له بكل قوة وكبرياء محاوله ان تظهر له انها مازالت قويه، عكس ما بداخلها، فهي هشه وضعيفه جدا فهتفت بحده،،،
- والله كويس انها جت منك، انت فاكر اني زعلانه، انت ميتزعلش عليك يابابا، انت انسان رومانسي وخيالي، وميتبكيش عليه، انسان معندكش طموح، لسه عايش في زمن مقولة ان فاتك الميري اتمرمخ في ترابه، يا، شيخ يابركه ياجامع اني خلصت منك ومن عيشتك اللي تغم، فاكر الدنيا كلها حب، وكلام فارغ، واحضان، الدنيا دي اللي انت عايش فيها، خليك عايش في احلامك، لكن انا واحده عمليه، واحد زائد واحد اثنين، اديني ماده اعيش مرتاحه ومفكرش في بكره، اسافر واعيش دنيتي، مش ادفن نفسي معاك بالحيا، وخلفه ايه يا ابو خلفه اللي عايزني اربط نفسي بيها، حد قالك اني ارنبه، اه مش عايزة اخلف منك ولا من غيرك، عايزي ابوظ رشاقتي واحمل وارضع، وجسمي يبوظ، وعيل مينيمنيش الليل من عياطه، اوووف، عايز تعرف كمان، اد ايه كنت بعصر علي نفسي شوال ليمون، وانا في حضنك، اه منكرش اني كنت معجبه بيك، بس مش هيمانه اوووي في حبك، انت فعلا وجه حلوه ومشرفه منكرش، وكل اصحابي حسدني عليك، بس عادي يعني يخدوك يشبعوا بيك، لانك انسان اووفر، وانا اللي زهقت منك
وعند هذا الحد، لم يسطيع ان يتحمل ما سمعه، وما نطقت به فاقترب منها، وصفعها اكثر من قلم علي وجهها ردا منه، علي اهانتها له ومع كل قلم، كان يشعر انه يضرب نفسه قبلها، نادما علي كل ما شعر به من حب تجاها، نادم علي كل كلمه حب، علي كل لمسه منها لها كانت بشوق، نااادم علي كل شئ وصاح بها،،،
- انا عمري ماشوفت ولا هشوف احقر منك، بجد انا اسف علي كل سنين حبي ليكي، اسف اني كنت اعمي في حبك، اسف اني غمرتك بحب انتي متستهلهوش، ولا قدرتيه، روحي منك لله،، منك لله،، الشقه عندك خدي اللي عايزاه مش همنعك بس ياريت تمحي اي اثر ليكي هنا،،،
وتركها وانصرف وهو يحمل خيبة الامل، ولا يدري اين يذهب، فالوقت اوشك علي الثانيه صباحا، واذا يجد نفسه واقفا عند شقة صديقه الوحيد هادي، فيقوم بطرق الباب، وهو مسند عليه منخفض الراس، حالل رابطه عنقه، عيونه حمراء من شده الغضب،،، فيفتح له هادي بعد مده فقد كان غافلا في نومه، فينقبض قلبه علي حالته، فسأله في لهفه،،،
- معتز، مالك فيك ايه؟ وشكلك عامل كده ليه؟ انطق ايه اللي حصلك، يابني
معتز وهو مازال متكأً علي باب الشقه؛ دخلني بس وانا هحكيلك علي كل حاجه
هادي ممسكا بيده في حنو،،،
- ادخل ياحبيبي، البيت بيتك اتفضل
معتز يدخل بخطي بطيئة وهو منكسر، مخفض الراس
هادي ينهض ويقول،،
اقعد يامعتز، ثواني هجبلك ليمون يروقك
يتركه ليحضر له كاسا من الليمون، ثم توجه له وقدمه له وردد،،،
- اتفضل اشرب الليمون، وهدي نفسك، وخد الحبايه دي هتهديك، واحكيلي ايه اللي عمل فيك كده
معتز اخذ الحبه وارتشف بعض من الماء،،،
وقص له ما حدث مع زوجته بكل التفاصييل، ورد فعلها وكلامها الجارح، فكان يروي له وهو في حالة انهيار، وضعف، ودموع، فقد تذكر امام عينه شريط ذكرياته معها منذ زمن، كل شيء قدمه لها من حب، وعطف، وموده، وحنان، وللاسف لم يناله منها الا الغدر، والجرح، فكان هادي يستمع له، وهو حزين علي حالة صديقه الذي يعتبرة بمثابة اخية الصغير، فأشفق علي حالته، فهاتفه مردد،،،
- اهدي يامعتز، واشرب الليمون، واسمعني كويس، انت اللي عملت كده في نفسك، فبلاش تلوم نانسي
معتز بتعجب؛ انا ازاي مش فاهم
هادي بهدوء هفهمك،،،
- انت من البدايه اللي اخترت غلط، اخترت الشكل والمظهر، وتناسيت الجوهر اللي هيعيش معاك، كنت عارف الفرق الاجتماعي بينكوا، وان والدتك رحمه الله عليها، ياما قالتلك بلاش هتتعبك، وانت كنت اعمي، حبتها وكنت فاكر انك هتغيرها، شوفت فيها الست الشيك، المتعلمه، الواجه لاي حفله، وحاربت عقبال ما وافقوا عليك، ونفذت كل طلباتها قبل الجواز وبعده، من غير ما توقفها وتقولها لا، وهمتها انك معاك خاتم سليمان اللي بيحقق اي طلب، وده غلط، مكنتش صريح من البدايه وعرفتها ان دي امكانياتك وحدودك، عشان متطمعش، كنت بتتصرف وبتجنن لو مش معاك فلوس عشان تنفذ لها اي طلب، عارف ان ده من حبك فيها، لكن عمرك سألت نفسك هي بتحبك ولا لاء، عمرك فكرت هي بتقدملك ايه، قصاد كل الحب اللي بتقدمه، للاسف ولاحاجه، الكفه هنا مش متساويه، واحد بيدي، والتاني بياخد وبس، فين التكافئ، ياما رجاله بتشتغل وبتتعب في شغلها وزوجتهم مش بيشتغلوا لكن بيساعدوا في البيت، بيذاكروا للاولاد، بتشيل مسئوليه جوزها، بتحافظ وتقدر العلاقه الزوجيه، بتخاف علي فلوسه، مش بتصرفها في كلام فارغ، بتعرف يعني ايه جوزي شقيان عشان يجيب القرش، فلازم احافظ عليه، هي دي اللي بتعمر وتعيش، انت فوقت متاخر، بس الحمدلله انك فوقت، يمكن ربنا شايلك وهيعوضك بانسانه، تقدرك، وتعرف قمتك، متزعلش مني، انت عارف انا بحبك اد ايه، ويصعب عليا اشوفك كده
معتز ينظر له نظره حزينه وعيون منكسره، ثم يقول،،،،
- عارف وكلامك كله صح مع الاسف، بس اعمل ايه ده فعلا نتيجه اختياري الغلط، ولازم ادفع ثمنه، لكن الثمن غالي اووي، انا كنت حاسس وانا بضربها، ان كل قلم نازل علي خدي انا مش هي، كنت بفوق نفسي من وهم كبير عيشته معاها، بس بحمد ربنا انه شال من عينيه غشاوة حبها، وكلامها علي اد ما كان قاسي، بس كان بيشيل اي نقطه حب من نحيتها في قلبي، اللي الواضح مكنش حب، كان وهم كبير
هادي ينظر له ويربت علي كتفه ثم يقول،،،
- هو ده عين العقل، اطوي الصفحه دي من حياتك، وافتح صفحه جديده، وانسي فيها الماضي، بس حطه في اعتبارك واتعلم منه، عشان بعد كده تختار صح، ويارب يعوضك خير
معتز بالم يرد،،
- يارب ياحبيبي، انا بجد اسف اني طبيت كده فجأة ومن غير معاد في وقت متأخر كدة، بس ملقتش حد غيرك اروحله، والجأ له غيرك
هادي ينظر له نظره زعل ثم يرد،،،
- عيب تقول كده، احنا اخوات، قوم يالا ادخل معايا، انت هتبات معايا النهاردة، هروح اجبلك تيرنج، وتنام وترتاح، مينفعش تروح بيتك دلوقتي، والصبح هخدلك اجازة من المستشفى، واخلص جلستي مع نور وارجعلك بدري
معتز ينظر له باحراج ثم يقول،،
- مش عايز اقلبك نظامك
هادي ببتسامه يقول،،،
- ولا هتقلب ولا حاجه، انا اساسا كنت عايزك النهاردة تكون معايا، عشان المعرض هيجي ياخد غرفه النوم القديمه، ويجيب الجديده، ولازم حد يكون موجود، يعني هستغلك يامعلم،، "قالها بضحك ليخرجه من موده الحزين"
معتز بنظره حب يقول،،،
- بس كده، انا عيني ليك ياحبيبي، الف مبروك وربنا يتملك علي خير
هادي؛ الله يبارك فيك. وعقبالك
معتز بألم : معتقدش ياهادي، اني هعرف افتح قلبي تاني، هخاف انجرح تاني
هادي بحب يقول،،،
- متقولش كده، صوابع ايدك مش زي بعضها، زي ما في نانسي، في نسمه بطيبتها، ورقتها، وحنانها، وحبها، خليك متفائل
معتز ببتسامه،،،
- خلاص ياعم الحبيب، راعي اني سنجل دلوقتي، وحالتي صعبه ههه
هادي يضحك بشده، ثم يقول،،
- ايوة بقي، هو ده معتز حبيبي، اللي ضاربها صرمه قديمه، روق ياميزو مش دي اللي يتبكي عليها ياراجل
معتز بسخرية؛ ولا علي غيرها، وبلاش وحياتك ميزو دي انا اتعقدت منها، انا عايز اغير اسمي كله، كرهتني في اسمي، منك لله يا ياناسي، عقدتيني في اسمي، وفي صنف الحريم كله
هادي بجديه يقرل،،،
- معلش مرحله وتعدي، وكويس انك عارف علاج نفسك، وانا واثق انك هداويه في اسرع وقت ممكن
معتز؛ ادعيلي يا اخوي
هادي بحب،،،
- ان شاء الله ربنا هيعوضك خير، وبكره تقول هادي قال، اتفضل بقي ادخل غير هدومك، وانا هحضرلك لقمه خفيفة تاكلها قبل ما تنام
معتز ينظر له نظرة شكر وامتنان، ثم يقرل،،،
- شكرا صدقني مش هقدر احط حاجه في معدتي خالص، انا محتاج فعلا انام، وانسي كل حاجه، يمكن اصحى انسان جديد، اتولد من اول وجديد، تصبح علي خير
هادي؛ وانت من اهل الخير
ويتركه ليدلف الي غرفته ليحاول ان ينام بضع ساعات، ففشلت كل محاولاته، فقد جفاه النوم، فظل يفكر في مشكله صديقه، حتي وجد نفسه انتبه عند سماع منبه، فنهض ودخل ياخذ حمامه لينعش جسده ويفوق، فيومه طويل، وعليه ان يستعد، وبعد فترة انتهي، وصلي فرضه ثم توجه الي مريضته، وطرق باب غرفتها فاذنت له بالدخول،،
# عذبني حبگ بقلم إيمووو كمال
- اتفضل يادكتور هادي
هادي ببتسامه يقول،،،
- وايه عرفك اني انا اللي بخبط
نور ببتسامه تقول،،
- مين غيرك اللي هيجي الصبح كده، ويصبح عليا، الممرضه لسه مدياني العلاج ومشيت
هادي يضيق حاجبه ثم يقول،،،
- اه صح تصدقي، انا مش مركز النهادرة سامحيني، منتمتش كويس، ومكنتش هاجي اصلا، بس متشوق اني اعرف المفاجأة بصراحه، حتي هخلص معاكي وهستأذن وامشي
نور؛ طيب نخليها بكره نكمل، عشان حضرتك تستريح
هادي باعتراض يقول،،،
- ملكيش دعوة بحضرتي، انا راحتي في سماعك ياستي، قولي بقي ايه هي، انا جاهز اهو
نور تنظر له وتقول،،،
- بعد ما خلصنا الغداء، قالي تعالي علي المكتب، وانا وفارس، واستغربت جدا، وامر سالي تعمل لينا الشاي، ولاقيته بيديني ورق وبيقولي....
" فلاش باك "
ايهاب يجلس علي مقعده وامامه بعض الاوراق ثم يقول،،،
- اتفضلي ياستي، اقراي الاغنيه دي، وامضي علي العقد
نور ويبدو عليها علامات التعجب والدهشه، فتسالت
- اغنية ايه؟ وورق ايه اللي امضيه
ايهاب ينظر لها ويقول،،،
- اقراي بس الاغنيه وانتي هتفهمي بس بصوت عالي، عشان تحسي الكلمات
نور تقرا كلمات الاغنيه وترددها بصوتها العذب،،
ولا عارف
ولا عارف قلبي مين حبيبه .. ولا عارف قلبي فين نصيبه
وبياخده شوق وشوق يجيبه .. وعيوني وراه
بتقول مش عارف وانا جنمبك الناس عارفين اني بحبك
منك للشوق ااااه م قلبك .. قلبك .. قلبك
مش عارف انا خايف اقرب اتجرح او اتوه واتغرب انا قلبي م قبلك جرب ورجعلي بأأأأه
انا حاسه بجرحك كان فيا وماحدش كان حاسس بيا صدقني وسيب قلبك ليا .. ليا .. ليا
ومعايا دوااااااه
مالك ومالنا ياهوي .. ماكفايه وسيبنا ياهوي ف الي جرالنا
مالك ومالنا ياهوي .. ماكفايه وسيبنا ياهوي ف الي جرالنا
هات حبيبي عيونك هات .. جوا قلبي عذاب واهاااااات
حب تاني .. حلم تاني
حزن تاني .. فرح تاني
هو مين مرتاح .. كفيانا جراح
ولا عارف قلبي مين حبيبه .. ولا عارف قلبي فين نصيبه
وبياخده شوق وشوق يجيبه .. وعيوني وراه
بتقول مش عارف وانا جنمبك الناس عارفين اني بحبك
منك للشوق ااااه م قلبك .. قلبك .. قلبك
لسه ف حب واخلاص .. كان زمان دلوقتي خلاص
سهل ننسي .. والي فاكرك ؟؟
بكرا ينسي .. بكرا ينسي
كل دول عشااااااااق .. بيقولو فراق
مالك ومالنا ياهوي .. ماكفايه وسيبنا ياهوي ف الي جرالنا
مالك ومالنا ياهوي .. ماكفايه وسيبنا ياهوي ف الي جرالنا
تنتهى نور من قراتها، ثم تنظر له وعلي وجهها علامات الاعجاب والفرحه ثم تردد قائله،،،،
- رووعه ياهوبا جميله اوووي، بس دي دويتو مش كده
ايهاب ببتسامة، وحب يقول،،،
- اه ياقلبي، وهتغنيها مع بعض، احنا الاثنين كمان
نور تقف مره واحده وتقول بندفاع،،،،
- انت بتقول ايه مستحيل طبعا، لا يمكن الكلام ده، انا اغني، ومع مين،، معاك انت، لا لا لا
إيهاب ينهض من مجلسه ويقترب منها ويمسك يديها، وناظرا في اعينها، حتي يبعث لها الطمأنينه،، ويهمس،،،
- ممكن بس تيجي وتقعدي جنبي كده،علي الكنبه وانا هفهمك بهدوء
نور تجلس بجواره وتنظر له بقلق،،
- تفهمني ايه بس، انا مقدرش اغني، لو عايزة ادخل المجال ده، كنت دخلته من زمان، بس انا هدفي حققته خلاص ياحبيبي بقربك، ده يكفيني، مش عايزة حاجه تاني من الدنيا
إيهاب يرد عليها في حنو مرددا،،،
- ياقلبي متحرمش منك، بس انتي بجد صوتك حلو اوي، وكلمات الاغنيه تحسيها علينا، زي ما تكون مكتوبه عشانا بالظبط، واحد قلبه حزين، جرب الحب وفشل فيه، وجت حبيبته بتقدمله كل الحب، وبتتمني انه يفتح قلبه ليها، لكن هو كان متعقد، من الحب وعذابه، وكمان انتي برغم انك لسه مسمعتيش اللحن، لكنك لحنتيها وغنتيها بطريقه جميله جدا
نور بتردد تقول،،، بس بس انا خايفه
ايهاب بحب يقول،،،
- ما دام خايفه، يبقي هتنجحي، والدويتو ده هيكسر الدنيا، وحطته في الالبوم، انا وصيت فارس حبيبي انه يبحث عن كلمات اغنيه دويتو، عشان نغنيها مع بعض، واول ما جهزت كلمني لما كنا في لبنان وسمعني كلمتها ، عجبتني جدا، وطلبت منه انه يحضر العقود عشان يبقي في عقد رسمي، يثبت حقك، من فضلك بقي امضي العقود
نور تنظر له نظره حب وثقه ثم تردد هاتفه،،،
- امضي علي ايه بس ياحبيبي، انا سلمتك اغلي حاجه عندي، قلبي بين ايديك، هبص بقي علي حق في اغنيه، ولا اي حقوق وكلام فارغ
ايهاب بنبره جديه يقول،،،،
- الشغل شغل يانور، امضي الحق ميزعلش
نور تمسك القلم مردده ،،،
- حاضر ياسيدي، وادي امضتي نور زين الدين زيدان، ارتحت كده
ايهاب بفرحه : طب مش كنتي تقراي العقد يمكن يكون في بند ميعجبكيش، وتحبي تغيريه
نور تقترب منه وتهمس له مردده،،
- انا امضي على عمري كله فداك، وانا مغمضه العينين، انا بثق فيك ياحبيبي
ايهاب بجديه، يقول،،،
- بس ده في بند احتكار يانور، يعني مش هينفع تغني مع حد غيري
نور بتعجب تقول،،،
-وهو انا ينفع اغني مع غيرك ياعمري ولا عيني تشوف غيرك انت
ايهاب بحب يقول،،،
ولا انا ياحببتي، بكره بأذن الله هنروح عشان نسجلها عشان تلحق تنزل في الالبوم، قبل ما ينزل في الاسواق، وبعدين نتفق مع مخرج ونصورها
نور بقلق وخوف تقول،،،
- ان شاء الله، وربنا يسترها
ايهاب بثقه يقول،،،
- متقلقيش انا حاسس انها هتكسر الدنيا، وهي اللي هتنجح الالبوم كمان، ايه رايك
نور ببتسامه تقول،،،
- والله انت شكلك هتغرقنا ياهوبا ههههه
فارس ينظر لهم باعجاب ثم يقول،،،
- ايهاب عنده حق يانور، انا من وقت ما خلصتي وانا ساكت خالص وبسمعكوا، لكن يانور انتي فعلا صوتك حلو اوي، انا ذهلت لما سمعتك بترددي الاغنيه ببراعه، والاغرب ليه مغنتيش قبل كده، بصراحه ولكنك تزعل مني يا ايهاب لما قولتلي انك هتغني مع نور، وبتشكر في جمال صوتها قولت انك بتبالغ، عشان بتحبها وكده، لكن لما سمعتها بجد عندك حق، انتي فعلا موهوبه جدا، وصوتك فيه نبره حساسه ومرهفه، بتقدري ببساطه توصلي احساسك للمستمع بكل سهوله
ايهاب ينظر لها باعجاب ثم يقول،،،
- شوفتي بقي، عشان تصدقي، وتقتنعي اني مش بجاملك، وانك فعلا صوتك جميل
نور تنظر لهم ثم تقول،،،
- خلاص ياسيدي اقتنعت ويارب تحقق النجاح اللي متوقعه
فارس بنبره حماس وثقه مرددا،،،
- باذن الله، ممكن بقي تطلعوا تجهزوا عشان، نروح سهرتنا
# عذبني حبگ بقلم إيمووو كمال
ويصعدوا، ويجهزوا ويتوجهون الي احدي المحلات المشهورة ليسهروا، واذا يجدوا من يجلس علي طاوله بعيد" مطرب عادل فهمي" وبصحبته فتاة تدعي" هايدي فهي موديل، تتمتع بجسد ممشوق، ذات عيون خضراء، بشرتها بيضاء، تجذب الجميع، فيتهافتون عليها لتصور معهم اغانيهم، لكنها تحب ان تعمل مع ايهاب، فقد صورت معه من قبل اغنيه وكانت سبب في شهرتها، وتمنت وحاولت اكثر من مره ان تكررها معه، لكنها فشلت، فحلم حياتها ان توصل اليه، فهو بالنسبه لها اشارة مرور لعبورها الوسط الفني، خصوصا لو اقترن اسمها باسمه، ولو عن طريق الاشاعات،، فظلت شارده تفكر كيف تقترب منه، وتجعله يوافق علي مشاركتها له فيديو الاغنيه الجديده، فهي علمت انه مازال يبحث عن موديل ولم يستقر من قبل،،، ففاقت علي صوت عادل يحدثها...
- ايه يابنتي مالك سرحانه فيه من ساعه ما شوفتي ايهاب داخل علينا
هايدي شارده وتنظر اليه، ثم تقول،،،
- ابدا ياعادل، نفسي اوصله عشان اصور معاه اغنيته الجديده، بس مش عارفه، ازاي اوصل ونور دي لازقه له في كل حته، اه لو اعرف ازحها من طريقه
عادل وقد لمعت امامه فكره شيطانيه، تجعله ينتقم من ايهاب، ويفوز بنور، التي رفضت العمل معه، كما رفضت حبه سابقا،، فردد لها،،،
- واللي يساعدك في انك تزحيها من طريقه، هتعملي له ايه؟
هايدي بفرحه كانها وجدت طوق نجاة،،،
- اللي تامر بيه هنفذه، بس ازاي،
عادل بلمعه شر يقول،،،
- انا هقولك، بس تنفذي كل اللي هقولك عليه، وانتي وشطارتك بقي
هايدي بفرحه تقول،،،
- انا من ايدك دي، لايدك دي.... وتشاور بايديها اليمني واليسري
ونتركهم يخططوا ويرسموا المؤامرة بكل دقه بطريقة شيطانيه، ليفرقوا قلبين كل ذنبهم في الحياة انهم يعشقوا بعض، في زمن يملئ بالحقد، والحسد، والغل
# عذبني حبگ بقلم إيمووو كمال
" باك"
نور تنظر له ثم تردد قائله،،،
- دكتور انت معايا ولا سرحت مني
هادي ممسكا راسه من شده الصداع، بسبب قلة نومه؛ لا ابدا معاكي بس الصداع جامد اوي، معلش هتقف لحد هنا ونعرف بكره ايه اللي حصل في السهرة، وايه حكايه هايدي دي، وايه اللي لمها علي عادل
نور بحزن لما جري لها، ثم تنظر له مردده،،،
- هي من ناحيه عملت، فعملت كتير اووي، بكره اقولك واحكيلك
والي هنا تنتهي احداثنا عند هذا الحد، انتظروني غدا في احداث مليئة بالاثارة والتشويق في
"عذبني حبگ"
إيمووو كمال ✍️
هادي متسائلا بفضول قائلا،،
- وكانت من مين المكامله دي؟وايه محتواها؟
نور تنظر له موضحه،،،
-سألته بعد ما خلص، مين يا ايهاب؟
" فلاش باك "
ايهاب بتردد اجاب، ،،،
- ده فارس يانور
نور وعلي وجهها التعجب،،،،
- وليه بعت كده وانت بتكلمه غريبه يعني، هو في اسرار عليا برضو، وطولت اوي معاه
إيهاب يرد بتوتر،،،
- طبعا مفيش اسرار، بس انا عاملك مفاجأة وهو جهزها، وقالي لما تجهز هكلمك اديك التمام
نور بتعجب تقول،،،،
- وايه هي بقي المفاجأة؟
ايهاب مبتسما لها ثم يقول،،،
- وهي هتبقي مفاجأة لو قولتلك عليها برضو، لازم تشوفيها بنفسك، ويارب تعجبك
نور بنظرة حب ممسكه بيده بكل حنان، وهتفته بنبره دافئه،،،،،
- انا مش عايزة اي حاجه من الدنيا، انت كفايه عليا، انت هدية ربنا ليا، ليه مش عايز تفهم كده
ايهاب مقبلا باطن كفيها بكل حب، وحنان،،
- وانا نفسي اجبلك الدنيا كلها تحت رجليكي ولو اطول امد ايدي اخطف نجمه من السما واقدمهالك مش هتاخر
نور تقترب منه بحب وتردد،،،
- ياحبيبي ياهوبا، ربنا ميحرمنيش منك يا قلبي، احنا مش هتمشيني شويه في البلد، الجو ساحر النهاردة
ايهاب ممسكا بيديها يقول،،،
-عيوني يالا بينا،،،
ويتوجهون الي السيارة وتجلس بجانبه وهو يقودها بسرعه شديده، فتهتف مردده،،،
- سوق براحه ياايهاب، انت مزود السرعه اوي
ايهاب ينظر لها ويزود اكثر ثم يقول،،،
- انتي بتخافي ولا ايه؟
نور بنظرة جنون تقول،،،
- لا مش بخاف، تحب تشوف،،،، وهنا وقفت نور واخرجت راسها من سقف السياره ومددت يداها كانها تتمني ان تطير في السما
ايهاب ينظر لها ويقول،،،
- اقعدي يامجنونة
نور تضحك بشده، ثم تقول له،،،
- مجنونه بحبك
إيهاب ينظر لها ويصيح قائلا،،
-مش سامع بتقولي ايه؟
نور تعلي صوتها اكتر،،، مجنونه بحبك
ايهاب بصوت اعلي يقول،،،
-مش سامعك عالي اكتر
وهنا فهمت نور مقصده، فصاحت باعلي طبقات صوتها قائله،،،،
بحبك.... بحبك... بحبك....بحبك.... بحبك
إيهاب يضحك باعلي طبقات صوته، ثم يصيح مرددا،،،
- خلاص سمعت، انتي مجنونه فعلا
نور تنظر له بحب شديد، ثم تقول،،،
- وايه الجديد في اللي بتقوله، انا فعلا مجنونه إيهاب، مش من دلوقتي، لا من زماااان اوووي، ياروح وقلب، وعقل نور من جوه
إيهاب يمد يده لنور، لياخذها بين ذراعيه، ليشعر بمدي قربها الذي يسحره، ويشعر بحبها، ويغمرها بحبه، فتقترب منه، ويطبع قبله علي جبينها، ويخفض من سرعته، رويدا، رويدا، ثم يهمس بجانب اذنيها مردد،،،
# عذبني حبگ بقلم إيمووو كمال
- ان كنتي انتي مجنونة إيهاب من زمااان، انا بقي بقيت دلوقتي أسير حبك وغرامك يانوري، انا مش عارف انتي عملتي ايه فيا، ازاي يانور خلتيني اعشقك كده... بقيت اتنفس هواكي.. بعشق تفاصيلك.... مش قادر ابعد ولا عايزك تبعدي عن حضني "ويشدد في ضمه لها، وهي في حالة استرخاء تمام له، مستمتعه بكلامته العذبه، التي تجعلها في عنان السماء " نفسي تفضلي كده، لحد اخر نفس في...
تقاطعه نور وتضع يدها علي شفتيه.،،،
- اوعي تقولها، انا معيش لحظه من بعدك، حياتي تهون عليا لو انت مش فيها، عشان خاطري، حافظ علي نفسك عشاني انا وبس
ايهاب بنظرة عاشقه يقول،،،
- ربنا يكمل فرحتها يانور يارب
نور بتمني تقول،،،
- يارب ياهوبا، نطمن بس علي الالبوم بتاعك وينزل الاسواق وبعدين نشوف موضوعنا
ايهاب بضيق يقول،،،
- لسه هنستني كل ده يانور
نور بجديه تقول،،،
- انت ناسي انك هتكون مشغول ودماغك مش رايقه، لان مفروض تبدا تختار الاغنيه اللي هتصورها. وتختار الموديل اللي هتبقي معاك، ترتيبات كتير لازم تعملها
ايهاب بتعجب يقول،،،
- يانهاري انتي مفيش حاجة بتنسيها ابدا، بتهتمي بكل التفاصيل
نور بابتسامه؛ لان ده شغلي اللي بعشقه، مابالك بقي لما يكون الشغل ده يخص حبيبي، وروح قلبي، وعمري كله، لازم اكون دقيقه جدا، ومسبش الهفوه، عشان يطلع مظبوط، وتصمت ثواني وتاخذ نفس عميق، ثم تكمل،،،،
انا يا ايهاب موصلتش لاسمي ده من فراغ، تعبت جدا عقبال ما اسم نور زين الدين، اتعرف والمطربين بيتسابقوا اني اشتغل معاهم، وكل ده عشان اوصل لاني اشغل معاك، وتعرفني وتحس بيا
إيهاب وعلي وجه علامات التأثر يقول،،،،
- ياااه يانور كل ده عشاني انا،، انا مستهلش كل ده، كتير عليا اوووي حبگ يانور، انتي كتير عليا اوووي
نور تضع يداها على شفتيه ثم تهمس مردده،،،
- اوعي تقول كده، انت تستاهل اكتر من كده، انا لو قالولي دلوقتي عايزه ايه تاني في دنيتك قبل ما تموتي، هطلب طلب واحد بس
ايهاب بزعل،،
- بعد الشر عليكي ياروحي، بس طلب ايه اللي هتطلبيه
نور وهي متشبثه به كالطفله،،،
اني اموت وانا بين اديك وفي حضنك، وتكون انت اخر حاجه تشوفها عيوني
يقف ايهاب بالسيارة بعد سماعه لكلماتها الاخيرة، ليحضنها بشده، خوفا من افتقادها، وينثرها بقبلاته بجنون بجميع وجها، وبين عنقها ثم علي شفتاها بكل ما يشعر به من عشق تجاها، وايضا خوف من فقدانها، وهو يهمس لها بكل حب،، اوعي تقولي كده تاني.. انا ماصدقت دوقت طعم الحب علي اديك،، اوعي تسبيني تاني بعد ما لاقيتك يانور.... انا بعشقك "ومع كل كلمه بهمس بها بغمرها بقبلاته الحانيه التي تعرف طريقها... فترد عليه هامسه
نور بنظرة عشق تلمع دمعه في مقلتيها، ثم تقول،،
- صدقني يا ايهاب، مفيش حاجه هتبعدني عنك غير الموت، غير كده انا مكاني هنا، وتشاور بيدها علي قلبه"
ايهاب يضم يديها ويقول،،،
- هتفضلي هنا لاخر نفس، لان ده مكانك ياروحي،،، ثم يسير بالسياره، وبعد فترة ردد قائلا،،،
- ياااه احنا خلاص وصلنا اهو للفندق
نور بزعل تقول،،،
- بسرعه كده الأوقات الحلوه عمرها صغير
ايهاب يرد في حنو،،،،
-ربنا يجعل كل اوقاتنا كلها فرح، وحب، وسعاده دايماً يارب
نور؛ يارب ياحبيبي
ويتجهون داخل الفندق ثم يصعدون الي غرفتهم مودعين بعضهما، لينتهي يومهم الملئ بالاحداث الطويله.
وتمر الايام وينتهي ايهاب من حفلاته، ويستعد للسفر الي ارض الوطن، مودع فيها غازي
ايهاب مودعا ايهاه فيقول له،،،
- اشوف وشك علي خير يا اخ غازي
غازي بنظرة حزينه يقول،،،
- هاك خلاص ناوي تتركنا يا خي، هنتوحشك اكتير، يسلملي عيوناتك، ماتغيب عنا يا زلمه
ايهاب بنظرة شكر يقول،،
- ان شاء الله، اشوفك علي خير
وينصرف ايهاب ونور، متجهيين الي المطار، لانهاء إجراءات، ثم يصعدوا الي الطائرة، ويمضي الوقت المحدد، وهما كل منهما في حاله صمت، ليقطع هذا الصمت موجها كلامه لها
- ساكته ليه من ساعة ما ركبنا الطيارة يانور، سرحانه في ايه؟
نور يتنهيده، ثم تنظر له وتقول،،،
بفكر في كل اللي حصل، وفي كميه السعاده اللي انا حساها معاك، وخايفه فرحتي ما تدومش
ايهاب بقلق، وحيره يقول،،،
وليه ما دومش، ليه بتقولي كده
نور بخوف وقلق، ثم تنظر له مردده،،،
- مش عارفه بس احساسي، بيقول كده، يمكن عشان بحبك اوووي خايفة تضيع مني، ويمكن خايفه من الزمن يستكترك عليا، ويحرمني منك، ساعتها مش هتحمل صدقني
ايهاب يحتويها بين ذراعيه ليشعرها بالأمان الذي تفتقده، ويهمس لها،،،
- متقلقيش انا جنبك وامانك، وسندك، وبإذن الله مفيش حاجه تفرقنا عن بعض ابدا
نور؛ يارب ياحبيبي
وبعد فترة قصيره وصلت الطائرة ارض الوطن، وانهي كل شيء، وتوجهوا الي خارج المطار، فوجدوا فارس، يرحب بيهم بشده،،،
- اهلا اهلا حمدلله على السلامه يا حبيبي، نورت وحشتني ياهوبا
ايهاب يقترب منه ويعانقه بحب مرددا،،،
- الله يسلمك ياحبيبي، وانت كمان وحشتني جدا، اخبارك ايه؟
فارس بنظرة حب يقول،،،
- الحمدالله بخير، كله تمام وتحت السيطرة، واللي امرت بيه جاهز، ومش ناقص غير علي الامضاء ياكبير
ايهاب ببتسامه: تسلمي ياابو الفوارس، متحرمش منك ياغالي
فارس ينظر له بحب،،ثم يقول،،،
ولا منك ياحبيبي، النهاردة مش هسيبك، هتسهر معايا وش، انا قولتلك اهو، انا موصي علي طاوله لينا مخصوص، مش هقبل باي اعذار
ايهاب ينظر لنور، نظره وصلت لها وفهمتها، من غير ما تنطق شفاه باي حرف، فقالت،،،
- مفيش مشكله يا إيهاب، نسهر بس، ياريت لو سمحت توصلني اسلم علي بابا وماما، وبعدين هجي علي معاد السهره
ايهاب بنظرة ترجي يقول لها،،،
متتاخريش عليا، هستناكي، تطمني عليهم وترجعيلي بسرعه، نور مش هاكل غير لما ترجعي
نور بحنان الأم،،،
حاضر ياقلبي مش هاكل معاهم، وهرجعلك علي طول
فارس ينظر لهم من مرآة السيارة، وفي حاله ذهول تام، اراد ان يتحدث، لكنه تراجع وانتظر لحين نزول نور، وبعد مضي بعض الوقت، وصلت نور لمنزلها، وقامت بتوديعه، فقبل يداها وتركها، وشعر بغصه في قلبه لفقدانه لها، ولو لفتره قصيره، ثم صعدت وطرقت باب شقتها، ففتحت لها امها
سميه بفرحه شديده،،
- نور حببتي يابنتي، حمدلله على السلامه ياقلبي، وحشتيني اوي اوي
نور محتضنه امها بحب، ثم تقول،،،
- وانتي اكتر ياماما ازيك، واخبار صحتك ايه، طمنيني عليكي
سميه تنظر لها وتقبلها بشده وتردد،،،
- انا بقيت زي الفل لما شوفتك قدامي ياحببتي، احكيلي عملتي ايه في الرحله
نور بخجل؛ كويسه والحفلات كانت مكسره الدنيا
سميه تنظر في مقلتيها وتقول،،،
- انا مش بسأل علي الحفلات يانور، انتي عارفة انا اقصد ايه
نور بتهرب من الاجابه،،
هو بابا فين مش سامعه صوته ليه، هو مش هنا
سميه تهز راسها بالنفي، ثم تنظر لها مردده،،،
- لا مش موجود، نزل يشتري طلبات، وقال مش هيتاخر
نور بضيق تقول،،،
- وايه بس اللي يخليه ينزل، مايتصل بالفون، واللي عايزة يجي لحد عندك، هو غاوي يتعب نفسه
سميه تنظر لها وتقول بضيق،،،
- انتي عارفه ابوكي بيحب هو اللي يشتري طلبات البيت بنفسه، حتي انا مش بيحب يخليني اشتريها، فتعودت علي كده
نور؛ ربنا يخليه ويبارك فيه يارب، بس خايفه يتاخر وملحقش اشوفه
سميه تضيق حاجبها وترد بزعل،،،
- ليه انتي ناوية تمشي، انا ملحقتش اشبع منك، وكمان انتي هتتغدي معانا
نور؛ معلش ياماما سامحيني، ايهاب عازم صديق عمره علي الغداء، وقالي مش هياكل غير لما اجي، وعيب اسبهم واكل
سميه بزعل، تنظر لها وتقول،،
يعني عيب تسبيهم، لكن مش عيب تسيبي امك وابوكي، صح يانور
نور محاوله مراضيتها،،
لا مش كده بس انا مش هقدر ازعله مني، لكن انتي حببتي وهتحسي بيا، انا ماصدقت ياماما انه يحبني ويحس بيا، وبعشقي له
سميه بحزن ترد،،،
- هقولك ايه يانور، ربنا يسعدك يابنتي، بس المده قربت تخلص يانور، وجلوسك معاك مش هيبقي له مبرر بعد كده
نور تنظر لها نظرة حيرة وقلق، ثم تقول،،،
- عندك حق يا ماما، وهو عايز والله يتقدم، بس عندنا مرحله شغل جامده، نروق منها ونعلن خطوبنتا بإذن الله
سمية تنظر لها وتدعي لها مردده،،
- ربنا يقدم اللي فيه الخير يابنتي ويريح قلبك يارب
نور؛ يارب، سلميلي علي بابا كتير اوي، وهبقي اعدي عليه مرة تانيه
وفي هذه اللحظات تجد نور والدها يفتح باب الشقه، ليجدها، تجري عليه تاخذ، ما في يده لتحتضنه بكل شوق،،،
- حبيبي يابابا ازيك وحشتني اووووي
زين؛ انتي اكتر يابكاشه، كنتي ناويه تمشي من غير ما اسلم عليكي، ينفع كده
نور؛ سامحني، بس كنت مستعجله والله، انا جايه من المطار علي هنا، وملحقتش ارتاح، ولا حتي اخد شور واغير، خصوصا ان ايهاب عازم صديقه علي الغداء، ومنتظريني، وبليل هنسهر، يعني انا يومي كومبليت علي الاخر، معلش انا عارفه اني مقصره في حقكم، بس سامحوني، وادعيلي ربنا يحقق احلامي
زين محتضنها بحب، ثم يقول،،،
- انا مقدر ياحببتي، وربنا يسترها معاكي، ويحفظك من شر البشر
نور؛ امين يارب
وتنصرف وتستقل تاكسي، ليقوم بتوصيلها الي مبتغاها
*عند ايهاب وفارس
يجلس ايهاب وبجانبه صديقه، يتحاورون سويا، واذا يساله سؤال،،،
- ممكن بقي تحكيلي ايه حكايتك مع نور، انا شايف وملاحظ النظرات اللي بينكم، خصوصا هي اللي العشق مش عارفه تداريه، وباين في عيونها ليك
ايهاب بتنهيده حاره،،،
اااه يافارس يا اخويا، اقولك ليه بس، اقولك اني كنت ميت، ومحستش اني عايش غير لما دخلت حياتي، ولا اني معرفتش طعم الحب غير علي اديها، نور نورت حياتي وقلبي اللي اتقفل من زمان، ومنورش غير لما دخلت وشالت كل ظلام الليل، ونورته بحبها وعشقها، انا لو لفيت الدنيا مش هلاقي زيها ابدا، انا بحبها اووي، ونفسي اسعدها زي ما بتسعدني، ومستغرب نفسي ازاي حبتها بالسرعه دي، بس مش عارف حاسس انها قريبه مني اوي،.. مش غريبه عني... زي ما اكون سمعتها قبل كده... اتعاملت معاها، مش عارف يافارس احاسيس جوايا متلخبطه
فارس ينظر له نظرة تعجب ثم يقول،،،
- يااااه يا هوبا للدرجة دي، انت طبيت ولا ايه، والله شكلك بقيت مجنون نور، زي مجنون ليلي كده
ايهاب يزفر انفاسا عاليه ثم يقول،،،
واكتر كمان، يارب تجرب عشان تعرف وتحس
فارس باعتراض يرد،،،
- لا ياعم انا كده فل الفل، اجرب وادهول كده زيك، لا متشكر اووووي
ايهاب يقوم بضربه علي كتفه بخفه ثم يقول،،،
- يخربيت الفاظك، بتحدف طوب، ايه ادهول دي؟
وفي أثناء حديث ايهاب عن حبه، وعشقه، لم ينتبه ان نور كانت وصلت وسمعت ما دار بينهما، فسعدت كثيرا لما هاتفه، وحمدت ربها في سرها انه حقق ما تمنت منذ زمن، فستأذنت بالدخول هاتفه،،،
- انا جيت، أتاخرت عليك
ايهاب محتضن يداها؛ اتاخرتي اوي يانوري، انا هموت من الجوع
نور تنظر له بحب ثم تقول،،،
- ابدا والله، دول حتي زعلانين مني عشان ماكلتش معاهم، ونزلت بسرعه عشان اجي اكل معاك، اقصد معاكوا
ايهاب محتضن يدها ويقول،،
- انا مش هسيبك تروحي تاني لوحدك، يجوا هما ويشفوكي في اي وقت، عشان متبعديش عني ابدا، ويالا بقي قولي لسالي تحضر الاكل، لحسن بطني خلاص بتصرخ
نور بحب تقول،، من عيوني يا قلبي
وتتوجه نور الي المطبخ، لتحضر الطعام مع سالي التي تطلب منها،،
- يابنتي ارتاحي وانا هحضره كله، بلاش تتعبي نفسك انتي لسه راجعه من السفر
نور باعتراض تقول،،،
- يعني انا جايه وراكبه جمل، دي طيارة ياسالي، يالا بس ايد علي ايد تساعد، ايهاب جعان اوي، مش عايزة نتاخر عليه
سالي تنظر لها بتعجب، ثم تسألها قائله،،،
- ياااه بتحبيه اوي كده؟
نور بعشق ترد ،،،
- اووي اوووي لدرجه متتخيلهاش، مش انا حكتلك قبل كده
سالي؛ بس المرة دي، باين عليه الحب، وشه منور وسعيد، انا ملاحظه عليه السعاده، ربنا يدمها عليكوا يارب
نور؛ يارب
وينتهوا من وضع كل الطعام، لتناديه هاتفته مردده،،،
- إيهاب، هوبا، يالا الاكل جاهز
ايهاب يرد عليها قائلا،،،
- حاضر يانوري، انا جي اهو، يالا يافارس
بقولك يانور بعد الاكل كنت عايزك في موضوع ضروري
نور ويبدو عليها القلق؛ خير في حاجه حصلت
ايهاب ينظر لها ويقول قلقتي ليه كده، عشان اقولك المفاجأة اللي محضرهالك، انتي نسيتي ولا ايه؟
نور؛ اااه افتكرت، حاضر، ياتري ايه اللي مخبيه ياهوبا
ايهاب : هتعرفي بعد الاكل
# عذبني حبگ بقلم إيمووو كمال
" باك"
هادي يقطع حديثها؛ مالك يانور سكتي ليه، وايه ياتري المفاجأة اللي كان محضرها ليكي
نور بتنهيده عاليه ترد،،،
- ابدا حسيت اني تعبت مرة واحدة، علي اد ما حرجني وكسرني، بس مش قادره انسي ان المفاجاه اللي حضرهالي غيرت طريقي خالص، وعمري ما كنت ممكن اقبل عليها في يوم من الايام، ولا افكر اني اخطو الخطوة دي
هادي بنظره شوق يقول،،،
- شوقتيني اني اعرفها
نور ببتسامه مصطنعه ترد،،،
-هقولك في جلسه بكره، لاني مش قادره اكمل
هادي ينظر لها ويغلق الكاست، ويلمم اوراقه ثم يقول لها،،،
-اللي تشوفيه يانور، مع انك كده، قفلتي عند جزءيه صعبه اوي، ومشوقه للغايه، بس مش عايز اتعبك اكتر، اشوفك بكره
نور؛ معلش يادكتور
هادي؛ ولا يهمك، هبعتلك مع الممرضه عصير فريش
نور؛ اشكرك، ربنا يخليك ليا
ويتركها ليتوجه الي مكتبه، ويامر عامل البوفيه، بتحضير عصير ويرسله لغرفة نور، ثم يكمل عمله، في همه ونشاط، واذا ينتبه لسماع صوت هاتفه يرن، وينظر ليجد المتصل ايهاب فيرد عليه،،
- السلام عليكم
إيهاب؛ وعليكم السلام ورحمة الله وبركاته، ازيك يادكتور هادي
هادي بهدوء؛ ازيك يا استاذ ايهاب، خير
ايهاب : كنت بسأل علي اخبار نور ازيها... عامله ايه؟
هادي بجديه يرد: الحمدالله احسن من الاول كتير، بس لسه موجوعه اوووي
ايهاب بحزن يقول،،
يعني لسه مش مسموح اشوفها واكلمها، واشرحلها، اسبابي
هادي بنفي،، لا طبعا مش دلوقتي خالص، انا لسه لحد دلوقتي معرفش سبب اللي حصلها، اه انت قولتلي، بس لسه مسمعتش منها هي
إيهاب بنبرة حزن وحسرة يقول،،
- هي ممكن يجي اليوم اللي تسامحني فيه
هادي بهدوء يرد،،،
- بصي يا ايهاب، كل اللي اقدر اقوله... ان نور لسه مجروحه ومكسوره منك، ويوم ما تقف علي رجليها وتسترجع ثقتها بنفسها، هتبقي عايزة ترد ليك نفس الالم، مجرد رد فعل طبيعي، فانت تقبل اي رد فعل منها
ايهاب بنبرة متألمه ووجع يقول،،،
انا مستعد اعمل اي حاجه عشان تسامحني، وترجعلي، انت متتخيلش حالتي بقت ازاي، لا عارف اعيش، ولا اشتغل، ولا اكل ولا حاسس ان الدنيا ليها طعم من غيرها
هادي معاتباََ له يقول،،،
-ومفكرتش في كل ده ليه قبل ما تجرحها وتكسرها، ازاي قدرت تعمل في القلب الطيب ده كله
ايهاب بحسرة وندم يقول،،،
غصب عني والله، الغيرة عامتني، مكنتش شايف حاجه ادامي، انا جرحت قلبي قبل ما اجرحها، طعنت قلبي بنفس الخنجر يادكتور
هادي شعر بمدي صدقه والامه ، فقرر بداخله ان يساعده، ولكن بعد ان يتعلم درس يجعله كيف يحافظ عليها، ثم اكمل حديثه معه،،
- بص يا ايهاب انا هعمل اللي عليا، وهقف جنبك، ولما اشوف الوقت مناسب انك تكلمها او تواجها هبلغك، لانها لازم تحصل مواجهة بينكوا، لازم نور تطلع كل اللي شيلاه جواها تجاهك، ربنا يهدي الحال، واللي فيه خير ربنا يعمله
ايهاب؛ يارب يادكتور، انا مش عارف اشكرك ازاي علي وقفتك معايا
هادي بنبره هادئة وصادقه يقول،،،
انا لو مش متأكد من حبك لنور، وصدق مشاعرك وندمك عمري، ما كنت هساعدك ولا اكلمك يا ايهاب
ايهاب بنبرة صدق وحب حقيقي يقول،،
وربنا وحده اللي يعلم انا بتعذب من ساعة اللي حصل ازاي، وخصوصا بعد ما عرفت كل حاجه
هادي بنبرة حزينه يقول،،،
معلش كل شيء مكتوب وربنا يصلح حالكم
ايهاب؛ امين يارب، مع السلامه يا دكتور وفي انتظار مكالمتك بفارغ الصبر
هادي : مع السلامه
وينهي معه المكالمه، ويفكر في حال البشر، ويحدث نفسه....
- غريبه الناس دي مش بيحسوا ولا بيقدروا قيمه الانسان غير لما يفقده، طب ليه منقدرش بعض، ونخاف علي بعض، ونلتمس الاعزار لبعض، ونسأل قبل ما الغضب يعمي عنينا عن الحقيقية، ضيعت من ايدك يا ايهاب احن، واطيب قلب عرفته، وجاي دلوقتي ندمان، وبتتمني بس انها تسمعك، ربنا يهديكي يانور وتسامحيه
تجلس نور تقلب في حسابها من خلال صفحتها في الفيس بوك، وتتابع منشوراتها وتعليقات أصدقاءها ثم اخذت تكتب هذه الكلمات تذكرتها من اغنيه قديمه اعجبت بها، لانها تعبر عن حالتها ،،،،
"اصعب بكاء هو البكاء من غير دموع مش راح تشوف في عنيا يوم لحظة خضوع
ماقدرش اخضع عمري ماهعرف احسن لي ابكي اصعب بكي من غير دموع
كان سهل ابكي بين اديك كان سهل اتحايل عليك لكني هابقي مش انا هابقي ببيع كياني ليك
قلبي اتهمتو وكان بريء.. قلبي اللي كان اقرب صديق
وكنت فاكر ان انا هاندة عليك زي الغريق"
انتهت من كتابة كلاماتها ثم اغلقت حاسبها ورددت قائله،،،
اوعدك ياحب عمري، ما هخليك تشوف ابدا دمعه عيني اللي بتنذف دم علي جرحك ليا،، وحيات كل نظرة حب شوفتها في عيوني... وحيات كل كلمه حب نطقها قلبي قبل لساني... وحيات عشقي اللي داب، وقلبي اللي كسرته لخليك تبكي علي فراقي،، وحياتك عندي لدوقك من نفس كاس العذاب اللي شربته يا ايهاب... وحيات رقدتي دي لخليك تلف وتتمني اسامحك ومش هتلاقي مني غير القسوة، مهما كنت بحبك،، انت كسرت الحب ده وهدمته، هدمت حب كبير اوي للاسف معرفش قيمته كويس، انا وانت والزمن طويل
والي هنا تتنهي احداثتا لنتعرف غدا ايه المفاجأة اللي حضرها ايهاب لنور، وياتري الايام مخبيه ايه ليهم ولباقي ابطال روايتي المتواضعة
" عذبني حبگ"
ايموووو كمال ✍️
الفصل الثاني عشر
يعود معتز الي منزله وبداخله بركان من الغضب، فيفتح باب شقته، يجد زوجته في انتظاره، وبدلا من امتصاص غضبه، اشعلت النيران اكثر واكثر حين سمعها تهتف بحده،،
- اهلا يا دكتور، حمدلله على السلامه، اخيرا شرفت، تخرج من غير ما تقولي، وكمان بنادي عليك مش بترد عليا، وترزع باب الشقه بعنف وتسبني احرق في دمي
معتز بغضب، وحده، وصوت مرتفع، يرد قائلا،،،
- هو ده اللي فرق معاكي ياهانم، اني رزعت الباب ومردتش علي البرنسيسة نانسي، لما نادت عليا، مهمكيش انا وصلت للحاله دي ليه، ايه اللي زعلني وخلاني اتصرف كده، فعلا هو هيهمك في ايه، ولت انا اصلا اهمك ليه، انا بالنسبة ليكي بنك فلوس مش اكتر
نانسي بغضب وحده ترد،،،،
- حوش حوش الفلوس اللي مغرقني فيها، انت بتسمي الفلوس اللي بتتدهاني دي فلوس، دي ملاليم ياحبيبي، انت متعرفش الفلوس اد ايه، انت اخرك شويه الملاليم اللي بتقبضها اخر كل شهر، والاسم دكتور
معتز بضيق وغضب، ينعض ويشاور بيده علي الشقه ويقول،،،،
- الملالييم اللي مش عجباكي دي، هي اللي فاتحه البيت ده، هي اللي عملت الدكتور معتز، هي اللي جهزت الشقه، والعفش، وجابت الفساتين اللي كل شويه، عايزة يامعتز، هاتلي الفستان ده ياميزو "مقلدا اياها"، هي اللي اشترت المجوهرات اللي جواه ، عمرك فكرتي انا بتعب اد ايه عشان احققلك كل طلباتك، انتي عمرك ما فكرتي فيا ابدا، عمرك ما حسيتي بيا، ولا بحبي ليكي، استغليتي حبي، ونقطه ضعفي حبك اسوء استغلال، انا بعد المشهد اللي شوفته النهاردة، حسيت فعلا اني في وهم كبير اوي اسمه حبك، انا طول الوقت بتدي حب واهتمام، وعطف وعشق، وماخدتش منك اي حاجة (كان يتحدث وهو في قمة الوجع والالم)
نانسي ببرود ترد،،،
- ومشهد ايه بقي ان شاء الله، اللي خلاك تكتشف الاكتشاف الفظيع ده
ينظر لها نظرة احتقار،
- ويقص عليها ما رآه، لتقاطعه بسخرية مردده،،،
- وانت بقي عايزني، انزل اشغل وادف معاه مركب حبنا
معتز ينظر لهابقرف، ثم يقول،،،،
- هو ده اللي فهمتيه من كل اللي قولتله، انتي اية، جنس ملتك ايه، انا عايز اعرف انتي مخلوقه زينا كده لها قلب، ومشاعر واحاسيس، ولا مخلوقه من ايه نفسي افهم
نانسي تنظر له بغضب وحده ثم تقول،،،
- ليه كل ده اما معرفش انا اجرمت في ايه، كل ده عشان عايزة مستوانا يكون افضل، عشان عايزة لما نخلف نجيب اولاد نسعدهم ومنبهدلهمش معانا، ايه الغلط في ده
معتز بصوت اعلي وحده اشد،،،
- لو كان ده قصدك ونيتك، كنت احترمتها يانانسي، لكن مش ده اللي في دماغك، واوعي تكدبي عليا، انا دكتور نفسي واعتقد متمكن منها "قالها بسخرية"
انتي أنسانه انانيه بطبعك، حاده الطباع، العاطفه اخر اهتمامتها، تعشق حب المال، زوجها اخر اهتمامتها، كل اهتمامك بالموضه، والفساتين، والخروجات، والمظاهر الكدابه، انتي عمرك ما حسستيني انك بتحبيني ونفسك تجيبي مني طفل يحمل تسمي، عارفه ليه.... هقولك ليه، عشان عمرك ما حبتيني، انتي حبيتي فيا حبي ليكي، واهتمامي وعشقي، حبيتي ان اصحابك يحسدوكي ان جوزك بيحب، وانك تتفاخري اني زي الخاتم في صوباعك، صح ولا مش صح، تحبي اقولك كمان... انتي وافقتي عليا برغم الفارق الاجتماعي، اتجوزتيني عشان بس يتقال انك متجوزة دكتور ويحبني ويتمنالي الرضا ارضا،واني هفرشلك شقتك واحقق كل طلباتك، انا بعت ورثي وكل ما املك عشان انول رضاكي، انا اتغاضيت عن كل ده، واستحملت كتير، واقول لنفسي بكره تحبك زي ما بتحبها، لكن للاسف انتي كسرتي كل ده يانانسي برفضك للخلفه، بحجة انك خايفه تبوظي جسمك بالحمل والولاده، انا كنت زعلان ومقهور في الاول، لكن دلوقتي بحمد ربنا اننا مخلفناش، اكيد انتي مستغربه انا عرفت ازاي
نانسي تنظر له وعلي وجهها التوتر والارتباك، ثم ترد،،،،
- مين اللي قالك كده، وفهمك كده؟
معتز ينظر لها نظرة ثقه، ثم يقول،،،
- مادام اتوترتي وارتبكتي كده، يبقي تحليلي صح، دايما بتنسي اني دكتور نفسي، مفيش ست بترفض تخلف من جوزها للاسباب بتاعتك دي، احنا الحمدلله نقدر نجيب طفل واثنين ونربيهم كويس، بس انتي مش حابه تتحملي مسئوليتهم، وبتعملي حجتك تامين مستقبلهم، المستقبل بيد ربنا ياهانم، وهو الرزاق بيرزقنا عشانهم، تحبي افكرك كمان واثبتلك عدم حبك واستغلالك لحبي
نانسى بنظرة غيظ وغضب ترد،،،
- ياااه ده انت معبي بقي مني من زمان يامعتز، قول كمان وسمعني
معتز بنبرة حزينه يقول،،،
- هقولك واسمعك عشان انا خلاص اكتفيت منك، فاكره لما طلبتي مني انك تشتري فستان عشان تحضري فرح قربتك وانا رفضت عشان عندك فساتين كتير،وانتي يومها فاكره انتي ضغطي عليا ازاي يومها، فاكره ولا ناسيه
نانسي بخجل، ترد،،،، فاكره
معتز بالم وحزن يقول،،،
- كنتي بتستخدمي اسمي العلاقة الانسانية بين اي زوجين "العلاقه الحميميه" لمصلحتك، برغم انك كنتي ساعتها مانعه نفسك عني بقالك فتره، وكل ما اقرب منك، بتتحججي بحجج فارغه، واول ما يكون ليكي طلب، هي دي الوسيله اللي بتستخدميها، وانا عشان مغفل وبحبك، وبعشق قربك وانتي في حضني، بعمل نفسي مش واخد بالي، وبفرح وبنعم بقربك، بس خلاص مش هضعف ولا استسلم ليكي تاني، لو كنت حسيت بحبك يمكن كنت واقفت وعديت، بس خلاص انا اكتفيت منك يانانسي بجد ومش قادر استمر، علي الحال ده
نانسي تشعر بالخطر وان طبول الخطر تدق، وعقلها لا يسعفها بأنها تمتص غضبه، فتحاول ان تقرب منه قليلا، وبمجرد ان لامست يده، ثار كالثور الهائج بها، ودفعها لتقع ارضا من اثر الدفعه وصاح بها،،،
- خلاص متحوليش، كان زمان ينفع اللي هتعمليه، لكن دلوقتي للاسف مبقاش ينفع، انا فوقت بس مع الاعتزار متأخر اوووي، نانسي انا اخد قرار ومش هرجع فيه ابدا،،،
انتي....انتي.. طالق طالق طالق،، يقولها وهو في قمة غضبه وانهيارة، بصوت حاد وبنبره مرتفعه، ثم يهاتفها لاخر مره،،
- حقوقك كلها هتوصلك، اتصلي علي اهلك يجيوا، وورقتك هبعتهالك علي عنوان اهلك، عايز لما ارجع ملقيش اي حاجه ليكي هنا
# عذبني حبگ بقلم إيمووو كمال
نانسي واقفه وعلي وجهها علامات الصدمه، كانها مغيبه عن الدنيا، ولا تجد رد فقد هرب منها الكلام، حتي فاقت، وتشجعت ووقفت له بكل قوة وكبرياء محاوله ان تظهر له انها مازالت قويه، عكس ما بداخلها، فهي هشه وضعيفه جدا فهتفت بحده،،،
- والله كويس انها جت منك، انت فاكر اني زعلانه، انت ميتزعلش عليك يابابا، انت انسان رومانسي وخيالي، وميتبكيش عليه، انسان معندكش طموح، لسه عايش في زمن مقولة ان فاتك الميري اتمرمخ في ترابه، يا، شيخ يابركه ياجامع اني خلصت منك ومن عيشتك اللي تغم، فاكر الدنيا كلها حب، وكلام فارغ، واحضان، الدنيا دي اللي انت عايش فيها، خليك عايش في احلامك، لكن انا واحده عمليه، واحد زائد واحد اثنين، اديني ماده اعيش مرتاحه ومفكرش في بكره، اسافر واعيش دنيتي، مش ادفن نفسي معاك بالحيا، وخلفه ايه يا ابو خلفه اللي عايزني اربط نفسي بيها، حد قالك اني ارنبه، اه مش عايزة اخلف منك ولا من غيرك، عايزي ابوظ رشاقتي واحمل وارضع، وجسمي يبوظ، وعيل مينيمنيش الليل من عياطه، اوووف، عايز تعرف كمان، اد ايه كنت بعصر علي نفسي شوال ليمون، وانا في حضنك، اه منكرش اني كنت معجبه بيك، بس مش هيمانه اوووي في حبك، انت فعلا وجه حلوه ومشرفه منكرش، وكل اصحابي حسدني عليك، بس عادي يعني يخدوك يشبعوا بيك، لانك انسان اووفر، وانا اللي زهقت منك
وعند هذا الحد، لم يسطيع ان يتحمل ما سمعه، وما نطقت به فاقترب منها، وصفعها اكثر من قلم علي وجهها ردا منه، علي اهانتها له ومع كل قلم، كان يشعر انه يضرب نفسه قبلها، نادما علي كل ما شعر به من حب تجاها، نادم علي كل كلمه حب، علي كل لمسه منها لها كانت بشوق، نااادم علي كل شئ وصاح بها،،،
- انا عمري ماشوفت ولا هشوف احقر منك، بجد انا اسف علي كل سنين حبي ليكي، اسف اني كنت اعمي في حبك، اسف اني غمرتك بحب انتي متستهلهوش، ولا قدرتيه، روحي منك لله،، منك لله،، الشقه عندك خدي اللي عايزاه مش همنعك بس ياريت تمحي اي اثر ليكي هنا،،،
وتركها وانصرف وهو يحمل خيبة الامل، ولا يدري اين يذهب، فالوقت اوشك علي الثانيه صباحا، واذا يجد نفسه واقفا عند شقة صديقه الوحيد هادي، فيقوم بطرق الباب، وهو مسند عليه منخفض الراس، حالل رابطه عنقه، عيونه حمراء من شده الغضب،،، فيفتح له هادي بعد مده فقد كان غافلا في نومه، فينقبض قلبه علي حالته، فسأله في لهفه،،،
- معتز، مالك فيك ايه؟ وشكلك عامل كده ليه؟ انطق ايه اللي حصلك، يابني
معتز وهو مازال متكأً علي باب الشقه؛ دخلني بس وانا هحكيلك علي كل حاجه
هادي ممسكا بيده في حنو،،،
- ادخل ياحبيبي، البيت بيتك اتفضل
معتز يدخل بخطي بطيئة وهو منكسر، مخفض الراس
هادي ينهض ويقول،،
اقعد يامعتز، ثواني هجبلك ليمون يروقك
يتركه ليحضر له كاسا من الليمون، ثم توجه له وقدمه له وردد،،،
- اتفضل اشرب الليمون، وهدي نفسك، وخد الحبايه دي هتهديك، واحكيلي ايه اللي عمل فيك كده
معتز اخذ الحبه وارتشف بعض من الماء،،،
وقص له ما حدث مع زوجته بكل التفاصييل، ورد فعلها وكلامها الجارح، فكان يروي له وهو في حالة انهيار، وضعف، ودموع، فقد تذكر امام عينه شريط ذكرياته معها منذ زمن، كل شيء قدمه لها من حب، وعطف، وموده، وحنان، وللاسف لم يناله منها الا الغدر، والجرح، فكان هادي يستمع له، وهو حزين علي حالة صديقه الذي يعتبرة بمثابة اخية الصغير، فأشفق علي حالته، فهاتفه مردد،،،
- اهدي يامعتز، واشرب الليمون، واسمعني كويس، انت اللي عملت كده في نفسك، فبلاش تلوم نانسي
معتز بتعجب؛ انا ازاي مش فاهم
هادي بهدوء هفهمك،،،
- انت من البدايه اللي اخترت غلط، اخترت الشكل والمظهر، وتناسيت الجوهر اللي هيعيش معاك، كنت عارف الفرق الاجتماعي بينكوا، وان والدتك رحمه الله عليها، ياما قالتلك بلاش هتتعبك، وانت كنت اعمي، حبتها وكنت فاكر انك هتغيرها، شوفت فيها الست الشيك، المتعلمه، الواجه لاي حفله، وحاربت عقبال ما وافقوا عليك، ونفذت كل طلباتها قبل الجواز وبعده، من غير ما توقفها وتقولها لا، وهمتها انك معاك خاتم سليمان اللي بيحقق اي طلب، وده غلط، مكنتش صريح من البدايه وعرفتها ان دي امكانياتك وحدودك، عشان متطمعش، كنت بتتصرف وبتجنن لو مش معاك فلوس عشان تنفذ لها اي طلب، عارف ان ده من حبك فيها، لكن عمرك سألت نفسك هي بتحبك ولا لاء، عمرك فكرت هي بتقدملك ايه، قصاد كل الحب اللي بتقدمه، للاسف ولاحاجه، الكفه هنا مش متساويه، واحد بيدي، والتاني بياخد وبس، فين التكافئ، ياما رجاله بتشتغل وبتتعب في شغلها وزوجتهم مش بيشتغلوا لكن بيساعدوا في البيت، بيذاكروا للاولاد، بتشيل مسئوليه جوزها، بتحافظ وتقدر العلاقه الزوجيه، بتخاف علي فلوسه، مش بتصرفها في كلام فارغ، بتعرف يعني ايه جوزي شقيان عشان يجيب القرش، فلازم احافظ عليه، هي دي اللي بتعمر وتعيش، انت فوقت متاخر، بس الحمدلله انك فوقت، يمكن ربنا شايلك وهيعوضك بانسانه، تقدرك، وتعرف قمتك، متزعلش مني، انت عارف انا بحبك اد ايه، ويصعب عليا اشوفك كده
معتز ينظر له نظره حزينه وعيون منكسره، ثم يقول،،،،
- عارف وكلامك كله صح مع الاسف، بس اعمل ايه ده فعلا نتيجه اختياري الغلط، ولازم ادفع ثمنه، لكن الثمن غالي اووي، انا كنت حاسس وانا بضربها، ان كل قلم نازل علي خدي انا مش هي، كنت بفوق نفسي من وهم كبير عيشته معاها، بس بحمد ربنا انه شال من عينيه غشاوة حبها، وكلامها علي اد ما كان قاسي، بس كان بيشيل اي نقطه حب من نحيتها في قلبي، اللي الواضح مكنش حب، كان وهم كبير
هادي ينظر له ويربت علي كتفه ثم يقول،،،
- هو ده عين العقل، اطوي الصفحه دي من حياتك، وافتح صفحه جديده، وانسي فيها الماضي، بس حطه في اعتبارك واتعلم منه، عشان بعد كده تختار صح، ويارب يعوضك خير
معتز بالم يرد،،
- يارب ياحبيبي، انا بجد اسف اني طبيت كده فجأة ومن غير معاد في وقت متأخر كدة، بس ملقتش حد غيرك اروحله، والجأ له غيرك
هادي ينظر له نظره زعل ثم يرد،،،
- عيب تقول كده، احنا اخوات، قوم يالا ادخل معايا، انت هتبات معايا النهاردة، هروح اجبلك تيرنج، وتنام وترتاح، مينفعش تروح بيتك دلوقتي، والصبح هخدلك اجازة من المستشفى، واخلص جلستي مع نور وارجعلك بدري
معتز ينظر له باحراج ثم يقول،،
- مش عايز اقلبك نظامك
هادي ببتسامه يقول،،،
- ولا هتقلب ولا حاجه، انا اساسا كنت عايزك النهاردة تكون معايا، عشان المعرض هيجي ياخد غرفه النوم القديمه، ويجيب الجديده، ولازم حد يكون موجود، يعني هستغلك يامعلم،، "قالها بضحك ليخرجه من موده الحزين"
معتز بنظره حب يقول،،،
- بس كده، انا عيني ليك ياحبيبي، الف مبروك وربنا يتملك علي خير
هادي؛ الله يبارك فيك. وعقبالك
معتز بألم : معتقدش ياهادي، اني هعرف افتح قلبي تاني، هخاف انجرح تاني
هادي بحب يقول،،،
- متقولش كده، صوابع ايدك مش زي بعضها، زي ما في نانسي، في نسمه بطيبتها، ورقتها، وحنانها، وحبها، خليك متفائل
معتز ببتسامه،،،
- خلاص ياعم الحبيب، راعي اني سنجل دلوقتي، وحالتي صعبه ههه
هادي يضحك بشده، ثم يقول،،
- ايوة بقي، هو ده معتز حبيبي، اللي ضاربها صرمه قديمه، روق ياميزو مش دي اللي يتبكي عليها ياراجل
معتز بسخرية؛ ولا علي غيرها، وبلاش وحياتك ميزو دي انا اتعقدت منها، انا عايز اغير اسمي كله، كرهتني في اسمي، منك لله يا ياناسي، عقدتيني في اسمي، وفي صنف الحريم كله
هادي بجديه يقرل،،،
- معلش مرحله وتعدي، وكويس انك عارف علاج نفسك، وانا واثق انك هداويه في اسرع وقت ممكن
معتز؛ ادعيلي يا اخوي
هادي بحب،،،
- ان شاء الله ربنا هيعوضك خير، وبكره تقول هادي قال، اتفضل بقي ادخل غير هدومك، وانا هحضرلك لقمه خفيفة تاكلها قبل ما تنام
معتز ينظر له نظرة شكر وامتنان، ثم يقرل،،،
- شكرا صدقني مش هقدر احط حاجه في معدتي خالص، انا محتاج فعلا انام، وانسي كل حاجه، يمكن اصحى انسان جديد، اتولد من اول وجديد، تصبح علي خير
هادي؛ وانت من اهل الخير
ويتركه ليدلف الي غرفته ليحاول ان ينام بضع ساعات، ففشلت كل محاولاته، فقد جفاه النوم، فظل يفكر في مشكله صديقه، حتي وجد نفسه انتبه عند سماع منبه، فنهض ودخل ياخذ حمامه لينعش جسده ويفوق، فيومه طويل، وعليه ان يستعد، وبعد فترة انتهي، وصلي فرضه ثم توجه الي مريضته، وطرق باب غرفتها فاذنت له بالدخول،،
# عذبني حبگ بقلم إيمووو كمال
- اتفضل يادكتور هادي
هادي ببتسامه يقول،،،
- وايه عرفك اني انا اللي بخبط
نور ببتسامه تقول،،
- مين غيرك اللي هيجي الصبح كده، ويصبح عليا، الممرضه لسه مدياني العلاج ومشيت
هادي يضيق حاجبه ثم يقول،،،
- اه صح تصدقي، انا مش مركز النهادرة سامحيني، منتمتش كويس، ومكنتش هاجي اصلا، بس متشوق اني اعرف المفاجأة بصراحه، حتي هخلص معاكي وهستأذن وامشي
نور؛ طيب نخليها بكره نكمل، عشان حضرتك تستريح
هادي باعتراض يقول،،،
- ملكيش دعوة بحضرتي، انا راحتي في سماعك ياستي، قولي بقي ايه هي، انا جاهز اهو
نور تنظر له وتقول،،،
- بعد ما خلصنا الغداء، قالي تعالي علي المكتب، وانا وفارس، واستغربت جدا، وامر سالي تعمل لينا الشاي، ولاقيته بيديني ورق وبيقولي....
" فلاش باك "
ايهاب يجلس علي مقعده وامامه بعض الاوراق ثم يقول،،،
- اتفضلي ياستي، اقراي الاغنيه دي، وامضي علي العقد
نور ويبدو عليها علامات التعجب والدهشه، فتسالت
- اغنية ايه؟ وورق ايه اللي امضيه
ايهاب ينظر لها ويقول،،،
- اقراي بس الاغنيه وانتي هتفهمي بس بصوت عالي، عشان تحسي الكلمات
نور تقرا كلمات الاغنيه وترددها بصوتها العذب،،
ولا عارف
ولا عارف قلبي مين حبيبه .. ولا عارف قلبي فين نصيبه
وبياخده شوق وشوق يجيبه .. وعيوني وراه
بتقول مش عارف وانا جنمبك الناس عارفين اني بحبك
منك للشوق ااااه م قلبك .. قلبك .. قلبك
مش عارف انا خايف اقرب اتجرح او اتوه واتغرب انا قلبي م قبلك جرب ورجعلي بأأأأه
انا حاسه بجرحك كان فيا وماحدش كان حاسس بيا صدقني وسيب قلبك ليا .. ليا .. ليا
ومعايا دوااااااه
مالك ومالنا ياهوي .. ماكفايه وسيبنا ياهوي ف الي جرالنا
مالك ومالنا ياهوي .. ماكفايه وسيبنا ياهوي ف الي جرالنا
هات حبيبي عيونك هات .. جوا قلبي عذاب واهاااااات
حب تاني .. حلم تاني
حزن تاني .. فرح تاني
هو مين مرتاح .. كفيانا جراح
ولا عارف قلبي مين حبيبه .. ولا عارف قلبي فين نصيبه
وبياخده شوق وشوق يجيبه .. وعيوني وراه
بتقول مش عارف وانا جنمبك الناس عارفين اني بحبك
منك للشوق ااااه م قلبك .. قلبك .. قلبك
لسه ف حب واخلاص .. كان زمان دلوقتي خلاص
سهل ننسي .. والي فاكرك ؟؟
بكرا ينسي .. بكرا ينسي
كل دول عشااااااااق .. بيقولو فراق
مالك ومالنا ياهوي .. ماكفايه وسيبنا ياهوي ف الي جرالنا
مالك ومالنا ياهوي .. ماكفايه وسيبنا ياهوي ف الي جرالنا
تنتهى نور من قراتها، ثم تنظر له وعلي وجهها علامات الاعجاب والفرحه ثم تردد قائله،،،،
- رووعه ياهوبا جميله اوووي، بس دي دويتو مش كده
ايهاب ببتسامة، وحب يقول،،،
- اه ياقلبي، وهتغنيها مع بعض، احنا الاثنين كمان
نور تقف مره واحده وتقول بندفاع،،،،
- انت بتقول ايه مستحيل طبعا، لا يمكن الكلام ده، انا اغني، ومع مين،، معاك انت، لا لا لا
إيهاب ينهض من مجلسه ويقترب منها ويمسك يديها، وناظرا في اعينها، حتي يبعث لها الطمأنينه،، ويهمس،،،
- ممكن بس تيجي وتقعدي جنبي كده،علي الكنبه وانا هفهمك بهدوء
نور تجلس بجواره وتنظر له بقلق،،
- تفهمني ايه بس، انا مقدرش اغني، لو عايزة ادخل المجال ده، كنت دخلته من زمان، بس انا هدفي حققته خلاص ياحبيبي بقربك، ده يكفيني، مش عايزة حاجه تاني من الدنيا
إيهاب يرد عليها في حنو مرددا،،،
- ياقلبي متحرمش منك، بس انتي بجد صوتك حلو اوي، وكلمات الاغنيه تحسيها علينا، زي ما تكون مكتوبه عشانا بالظبط، واحد قلبه حزين، جرب الحب وفشل فيه، وجت حبيبته بتقدمله كل الحب، وبتتمني انه يفتح قلبه ليها، لكن هو كان متعقد، من الحب وعذابه، وكمان انتي برغم انك لسه مسمعتيش اللحن، لكنك لحنتيها وغنتيها بطريقه جميله جدا
نور بتردد تقول،،، بس بس انا خايفه
ايهاب بحب يقول،،،
- ما دام خايفه، يبقي هتنجحي، والدويتو ده هيكسر الدنيا، وحطته في الالبوم، انا وصيت فارس حبيبي انه يبحث عن كلمات اغنيه دويتو، عشان نغنيها مع بعض، واول ما جهزت كلمني لما كنا في لبنان وسمعني كلمتها ، عجبتني جدا، وطلبت منه انه يحضر العقود عشان يبقي في عقد رسمي، يثبت حقك، من فضلك بقي امضي العقود
نور تنظر له نظره حب وثقه ثم تردد هاتفه،،،
- امضي علي ايه بس ياحبيبي، انا سلمتك اغلي حاجه عندي، قلبي بين ايديك، هبص بقي علي حق في اغنيه، ولا اي حقوق وكلام فارغ
ايهاب بنبره جديه يقول،،،،
- الشغل شغل يانور، امضي الحق ميزعلش
نور تمسك القلم مردده ،،،
- حاضر ياسيدي، وادي امضتي نور زين الدين زيدان، ارتحت كده
ايهاب بفرحه : طب مش كنتي تقراي العقد يمكن يكون في بند ميعجبكيش، وتحبي تغيريه
نور تقترب منه وتهمس له مردده،،
- انا امضي على عمري كله فداك، وانا مغمضه العينين، انا بثق فيك ياحبيبي
ايهاب بجديه، يقول،،،
- بس ده في بند احتكار يانور، يعني مش هينفع تغني مع حد غيري
نور بتعجب تقول،،،
-وهو انا ينفع اغني مع غيرك ياعمري ولا عيني تشوف غيرك انت
ايهاب بحب يقول،،،
ولا انا ياحببتي، بكره بأذن الله هنروح عشان نسجلها عشان تلحق تنزل في الالبوم، قبل ما ينزل في الاسواق، وبعدين نتفق مع مخرج ونصورها
نور بقلق وخوف تقول،،،
- ان شاء الله، وربنا يسترها
ايهاب بثقه يقول،،،
- متقلقيش انا حاسس انها هتكسر الدنيا، وهي اللي هتنجح الالبوم كمان، ايه رايك
نور ببتسامه تقول،،،
- والله انت شكلك هتغرقنا ياهوبا ههههه
فارس ينظر لهم باعجاب ثم يقول،،،
- ايهاب عنده حق يانور، انا من وقت ما خلصتي وانا ساكت خالص وبسمعكوا، لكن يانور انتي فعلا صوتك حلو اوي، انا ذهلت لما سمعتك بترددي الاغنيه ببراعه، والاغرب ليه مغنتيش قبل كده، بصراحه ولكنك تزعل مني يا ايهاب لما قولتلي انك هتغني مع نور، وبتشكر في جمال صوتها قولت انك بتبالغ، عشان بتحبها وكده، لكن لما سمعتها بجد عندك حق، انتي فعلا موهوبه جدا، وصوتك فيه نبره حساسه ومرهفه، بتقدري ببساطه توصلي احساسك للمستمع بكل سهوله
ايهاب ينظر لها باعجاب ثم يقول،،،
- شوفتي بقي، عشان تصدقي، وتقتنعي اني مش بجاملك، وانك فعلا صوتك جميل
نور تنظر لهم ثم تقول،،،
- خلاص ياسيدي اقتنعت ويارب تحقق النجاح اللي متوقعه
فارس بنبره حماس وثقه مرددا،،،
- باذن الله، ممكن بقي تطلعوا تجهزوا عشان، نروح سهرتنا
# عذبني حبگ بقلم إيمووو كمال
ويصعدوا، ويجهزوا ويتوجهون الي احدي المحلات المشهورة ليسهروا، واذا يجدوا من يجلس علي طاوله بعيد" مطرب عادل فهمي" وبصحبته فتاة تدعي" هايدي فهي موديل، تتمتع بجسد ممشوق، ذات عيون خضراء، بشرتها بيضاء، تجذب الجميع، فيتهافتون عليها لتصور معهم اغانيهم، لكنها تحب ان تعمل مع ايهاب، فقد صورت معه من قبل اغنيه وكانت سبب في شهرتها، وتمنت وحاولت اكثر من مره ان تكررها معه، لكنها فشلت، فحلم حياتها ان توصل اليه، فهو بالنسبه لها اشارة مرور لعبورها الوسط الفني، خصوصا لو اقترن اسمها باسمه، ولو عن طريق الاشاعات،، فظلت شارده تفكر كيف تقترب منه، وتجعله يوافق علي مشاركتها له فيديو الاغنيه الجديده، فهي علمت انه مازال يبحث عن موديل ولم يستقر من قبل،،، ففاقت علي صوت عادل يحدثها...
- ايه يابنتي مالك سرحانه فيه من ساعه ما شوفتي ايهاب داخل علينا
هايدي شارده وتنظر اليه، ثم تقول،،،
- ابدا ياعادل، نفسي اوصله عشان اصور معاه اغنيته الجديده، بس مش عارفه، ازاي اوصل ونور دي لازقه له في كل حته، اه لو اعرف ازحها من طريقه
عادل وقد لمعت امامه فكره شيطانيه، تجعله ينتقم من ايهاب، ويفوز بنور، التي رفضت العمل معه، كما رفضت حبه سابقا،، فردد لها،،،
- واللي يساعدك في انك تزحيها من طريقه، هتعملي له ايه؟
هايدي بفرحه كانها وجدت طوق نجاة،،،
- اللي تامر بيه هنفذه، بس ازاي،
عادل بلمعه شر يقول،،،
- انا هقولك، بس تنفذي كل اللي هقولك عليه، وانتي وشطارتك بقي
هايدي بفرحه تقول،،،
- انا من ايدك دي، لايدك دي.... وتشاور بايديها اليمني واليسري
ونتركهم يخططوا ويرسموا المؤامرة بكل دقه بطريقة شيطانيه، ليفرقوا قلبين كل ذنبهم في الحياة انهم يعشقوا بعض، في زمن يملئ بالحقد، والحسد، والغل
# عذبني حبگ بقلم إيمووو كمال
" باك"
نور تنظر له ثم تردد قائله،،،
- دكتور انت معايا ولا سرحت مني
هادي ممسكا راسه من شده الصداع، بسبب قلة نومه؛ لا ابدا معاكي بس الصداع جامد اوي، معلش هتقف لحد هنا ونعرف بكره ايه اللي حصل في السهرة، وايه حكايه هايدي دي، وايه اللي لمها علي عادل
نور بحزن لما جري لها، ثم تنظر له مردده،،،
- هي من ناحيه عملت، فعملت كتير اووي، بكره اقولك واحكيلك
والي هنا تنتهي احداثنا عند هذا الحد، انتظروني غدا في احداث مليئة بالاثارة والتشويق في
"عذبني حبگ"
إيمووو كمال ✍️
التعليقات على الموضوع