وصال الجزء الثالث

وصال3
-اناااا ليه كده ؟!
=والله يا فرحه ده لو تعرفي لمصلحته أصلا يعني انتي حد بجد مرعوبه وخساره تستهلكي نفسك عندنا اشتغلي قدراتـ..
-حضرتك بتكلمي في ايه يا حضرة المديره وقدرات ايه اللي هستغلها ،أي مكان هيعرف أنكم استغنيتوا عن خدماتي عشان قدرات لو رئيسه ابن عشر سنين مش هيصدق
=اعتبريها أجازه دون مرتب طيب واخداها ليه على قلبك كده يا بنتي
-انا ليا سنين في المدرسة دي احتياطي اخد حصث زياده اخد انشطه زياده وساعات غير رسميه برررضو اخد وراضيه وبعد ده كله تقوليلي واخدانا على قلبك ليه
=يا بنتي صدقيني انا...
-في الف مدرسه ثانيه يا حضرة المديره بس مكنش العشم عن اذنك

استدارت فرحه ورحلت عن المكتب تكتم غصتها بالحمد والاستغفار حتى قابلتها حنان وافاقتها من شرودها..
=فرحه ، مالك ماشيه واخده في وشك مش شايفانا قدامك كده
-....
=مالك يا بنتي القطه أكلت لسانك
-حنان هاخد أجازه من غير مرتب شكلك مش هتضطري تركبي تاكسيات تاني هيصي بقي
=نعم!  انتي بتهزري من امتي
-من انهارده أصلا استحاله كنت اوفق ما بين..
-فررررحه مش عليا انا الكلام ده في ايه ؟!؟
....
-والله يا أمير صعبت عليا بس لولا انا واثقه فيك مكنتش هعمل معاها كده فمن فضلك دي تعز عليا جدا خليك عند كلمتك معايا
=متقلقيش يا حضرة المديره صدقيني كده لمصلحة الجميع وأولهم هي
-طيب يا ابني ربنا ييسر الحال هقفل انا دلوقت ورايا شغل كتير هنا
=اتفضلي مع الف سلامه سلام سلام سلااا سلا..
...
=اييييييه!!!  لااا ده كده زادت عن حدها خالص قال رضينا بالهم والهم مش راضي بينا
-متقوليش كده يا حنان ربّ ضارة نافعه محدش عارف الخير فين
= يعني من طريق ونص كده هو إيه الجنان ده يعنـ..
يا مس فررررررحه يا ميييييس
استدارت الفتاتان باتجاه الصوت حتى تفاجئت فرحه..
=عم مدبووولي!!  أيه جابك هنا دلوقت ؟!
-البيه الصغير
=البيه الصغير؟!
-اقصد الباشمهندس
=اه ماله
-باعتني ليكي عشان مش معاه رقمك وبيستعجلك عشان الدروس
=يستعجلني ،دروس إيه ووصال هنا اصلا
-لا م هي الست الصغيرة معايا في العربيه هي الأخرى مش باقي غيرك
=إيه الجنان ده يا ربي!  امشي يا عم مدبولي امشي خلينا نشوف الحكايه دي ايه
...
-كله ده عشان تيجي يا مس
=ده مش معادنا اصلا يا باشمهندس
-ده حقيقي وعشان كده كنت عايز أتكلم معاكي بخصوص كده
=مش فاهمه
-يعني ببساطه حاسس أن وصال مش مستفاده بحبة الوقت القليلين دول اللي بتجيهم هنا ومحتاج تيجي أوقات اكتر عشان البنت تسترفي حقها في الاستيعاب
=بس..
-ومتقلقيش كله بحسابه
=من فضلللك متتكلمش معايا بالطريقة دي ،انا آخر حاجه تهمني الماديات انا بس بشوف المعاد مناسبني أو لا ومتنساش أن في مدر...
توقفت فرحه عن الحديث حتى استوعبت أنها ما عادت تعمل بالمدرسة بعد الآن ، اطرقت قليلا ثم استأنفت حديثها مجددا..
=متنساش يعني أن في عندي مسؤوليات ثانيه وكده
-طبعا طبعا خدي وقتك في التفكير وسواء موافقه او موافقه مش هنختلف واما المواعيد الجديدة ..

رفعت فرحه حاجبيها مندهشة من ثقته وطريقة حديثه حتى لاحظت توقفه عن الحديث فجأه..
=حضرتك معايا
-هاه ايوه ايوه المواعيد كل يوم من تسعه صباحا لتسعه مساء مترفعيش حواجبك ثاني ومفيش أجازه
=تمام ماش.. نعم!!!!!!!
-اتفقنا
=حضرتك قولت حاجه في النص
-اه مفيش أجازه
=لا لا مش دي
-اومال ايه ؟!
=مترفعيش حواجبك تاني
-لا انا أرفعها براحتي انتي مالك انتي
=لا اقصد أن حضرتك وجهتلي انا الجمله دي
-ده حقيقي.. ولمصلحتك
=مش ف..
-بتسالي اكتر م بتشتغلي.. وصااااال خدي المس واطلعي على اوضتك ،ام علي القهوه من فضلك
....
=هو باباكي كده دائما
-كده ازاي ؟!
=مش مفهوم كده كلامه وأفعاله
-لا خالص بابا يبلن انه جد بس هو مش جد
=اومال هو إيه ؟!
-هو طيووب
=اها
-بس مش قوي
=ايه
-مش هتسمعيلي ؟!
=ايوه صح ، أعوذ بالله السميع العليم من الشيطان الرجيم
-بسم الله الرحمن الرحيم
...
-يعني هي عايشه مع كلمتها بس ،آه طيب ووالدها فين! ، يعني ايه معمدكش معلومات عنه اومال انا مكلفك بيه
=أمير بيه
-طيب اقفل انت دلوقت ، تعالي يا ام علي
=القهوه بتاعتك
-والميه فين فين ؟!
=معاها اهي اديني رايحه اطلعها للمس فـ..
-لا متروحيش انتي ، انا طالع بنفسي..
...
=يبقي كده مين النجم الوحيد في المجموعه ؟!
-الشمس
=برافووو ،وكوكبنا احنا رقم كام
-التاالت ،صحيح ليه ميكونش الاول
=بصي يا وصال الشمس حرارتها عاااليه قوووي فلو قرب منها زياده عن اللزوم احنا كده هنتحرق ولو بعد زياده عن اللزوم هنتجمد من البرد عشان كده ربنا سبحانه وتعالي من صفاته الحكيم ليه حكمه في كل حاجه بيعملها في الكون فخلاه في الوسط عشان يكون جوه مناسب لينا احنا
- اهاااا صحيح ،هو ربنا ليه صفات ؟!
=كتيير تسعه وتسعين اسم منها الحكيم
-يعني علي كده كل حاجه بتحصلنا بتبقي حكمة ربنا فيها
=صحيح
-طيب انا عرفت الحكمه من ان كوكبنا يكون في النص عشان منتحرقش ومنتجمدش
، لكن ايه الحكمه ان ربنا ياخد ماما عنده ويسيبني وحدي من غير ماما زي صحابي ؟!؟

كان امير يقف خلف البتب ممسكا بمقبضه علي وشك الدخول حتي سمع سؤال وصال الاخير فتوقف للحظه..
،تجمد عقل فرحه لثواني وانقبض قلبها من سؤال الصغيره لكنها سرعان ما عادت لثباتها الانفعالي واقتربت من وصال ورسمت علي وجهها ابتسامة هادئه..
=بتحبي بابا مش كده ؟!
-ايوه
=واكيد لو قالك تعالي اركبي معايا نروح بالعربيه للمدرسه هتروحي معاه
- اكيد
=ليه بقي مفكرتيش انه ممكن يخطفك او يأذيكي ؟!
-بابا استحاله يعمل كده هو بيحبني ودايما بيعملي حاجات تفرحني واكيد انا بثق فيه وهركب معاه عشان عارف مصلحتي هو دايما بيقولي كده
=بالظبط ، يا وصال احنا كبشر عقلنا محدود مش هنستوعب الحكمه من اللي بيحصلنا دلوقت ممكن بس حبة ثقه في ربنا وصبر وهنعرف كويس مع الوقت الحكمه من كل حاجه حصلت وبتحصل ،ربنا بيحبنا واستحاله يعمل حاجه تضيعنا او تأذينا بالعكس هو احن علينا من بابا وماما نفسهم وخليكي واثقه دايما انه دايما بيعمل اللي في صالحنا
=يعني ربنا بيحبني زي بابا كده
-واكتر كمان
=وانا كمان بحبه قووي انه اداني مس زيك
ابتسم أمير ودفع الباب ببطيء ليدخل الغرفة دون أن يشعرا..
-بتحبيه عشان اداكي مس فرحه وبالنسبة لبابا إيه قلقاسه انا ؟!
= بسم الله حضرتك هنا من امتي؟!
-من بدري.. اقصد دلوقتي يعني يدوب.. الميه
= بس انا مطلبتش ميه
-هتعطشي كمان شويه وهتطلبيها وهيتكرر اللي حصل إمبارح و..
=خلاص حضرتك مفهوم والله ،متشكره جدا
-العفو ،ارجوكي كملي كأني مش موجود
=أفندم ،ازاي يعني حضرتك هتقعد معانا!
-طبعااا واجبي كولي أمر إني اطمن على مستوى بنتي
رفعت فرحه حاجبيها بحركة تلقائيه مندهشة من الموقف الذي وضعها فيه أمير حتى اقترب منها أمير هامسا..
-قولتلك قبل كده مترفعيش حواجبك تاني قدامي
=حضرتك انا.. مش.. مش هينفع أو مش هعرف اشتغل وحضرتك موجود
-خليكي بروفيشينال يا انسه فرحه واعتبرني مش موجود قولتلك
=خلاص بقى يا مس قولتلك بابا طيوب مش هيعمل حاجه خليه يقعد معانا
-قولتيلها بابا طيوب!!  ليه هي سألتك ؟
=ااااا كده غلط..  اقصد حضرتك بتعطبني عن الشغل أتمنى متتكلمش تاني تسكت خالص كده لحد م اخلص الدرس والبنت تاخد بريك و.. مين بيدور حوالين مين يا وصال ؟!
-هاه ؟
=اقصد الشمس بتدور ولا الكواكب! ؟
-القمررر  ، القمر بيلف ويدور بس مسير الشمس تقفشه ويحصل خسوف بقى تعرفي الخوف اكيد لما الشمس والقمر يكونوا واحد و..
= على فكره كده انا مش هعرف اشتغل من فضلك
-علي فكره انا كلامي علمي بحت القمر فعلا بيدور حوالين الكوكب بس لما الشمس تطلع بيختفي والشمس مش عايزه كده
=اومال عايزه ايه ؟!
-عايزاه يفضل جنبها على طول
=احنا لسه بنتكلم في العلوم مش كده ؟!
-طبعاا يلا يا وصال سمعي أسماء الكواكب الداخليه وليكي هديه
=من نجم ؟!
-مين نجم ده ؟!
=ازاي يا بابا متعرفش نجم قوليله يا مس فرحه
-هاه

"يقول نجم : أن فجر الروح يأتي من دجي الألم فتشرق في النفس شموس جديده فحتى الصبار ..يزهر "

....
-الشاي يا عم مدبولي
=تشكري يا ام علي من يد م نعدمها
-الله يكرمك يا راجل يا اصيل ، الا اخبار الواد عبده ايه اتخرج ولا لسه
=لسه اهو اخر سنه بيحضر لحفلة التخرج اللي بيعملوها دي وواخد مني قد كده قال عشان يتخرج قال
-ربنا يخلهولك يا عم مدبولي وتفرح بيه ياا رب
=امين يا ست ام علي الله يجبر بخاطرك ,اخبار الست وصاله ايه مع المس الجديده ؟
-شربات يا عم مدبولي بنت حلال وطيبه تنحط ع الجرح يطيب
=الست فرحه والله ينشهدلها بالخير مشوفتش منها حاجه وحشه ودايما الضحكه علي وشها كل م تقابلني وللامانه تنحب
-هي مش تنحب يا عم مدبولي هي انحبت واللي كان كان خلاص!

"يقول نجم : كما ان للافلاك مدارات خاصة بها في حشا الفضاء للارواح في البرزخ ارواح اخري تألفها فتدور حولها كما الطير مبتهلا من شدة العجب ،فتدور  حتي تهيم علي وجهها عشقا ،ولا يعلم المسكين سر انجذاب المخلوق للمخلوق حين انقطاع الاسباب ،
للارواح حديث آخر من وراء حجاب"
...
=اوعي تكوني نسيتي دواكي ؟!
-هاه
=يا امي حرام عليكي والله
-اخدته والله بحب اناغشك يا فرحتي
=قلباااي انت تناغش براحتك يا جميل
-ااه لا داحنا رايقين وفايقين اهو
=اهو الحمدلله علي كل حال
-اااابت
=قلب البت يا نااس
- هاااه
= سبت المدرسه
-اه افتكر... اييييبه!!
= اي والله
-لييه كده ؟!
=اصل حسيت انها مش جايبه همها فاستقلت يعني لككككن في نفس الوقت ربنا كريم جالي عرض كويس جدا هشتغل من تسعه لتسعه بمبلغ محتررم مدرسه لوصال
-مش دي البنوته اللي بتديها من الاول
=اه هي
-ربنا يقويكي يا بنتي ويفتحلك ابواب رزقه يااا رب
=محدش ساندني غير دعواتك يا امي والله ،هه هقوم انا بقي انام شويه لاحسن همووت ع النوم
-استنننني عندددك ،كوبايه اللبن ملاقيش فيها نقطه قبل م تنامي
=يا ماماااا
-قضي الامر يا شعلاان

انتهت من قراءة اذكارها وهمت بالنوم حتي ايقظها رنين هاتفها ليعلن عن وصول رسالة ما من رقم مجهول..

"عندها غمازتين واحده شمال وواحده يمين ،افتحي البالكون وامشي لقدام خطوتين.. "

رفعت فرحه حاجبيها تعجبا واعادت قراءة الرساله مرارا وتكرارا حتي اعتقدت انها ارسلت إليها بالخطأ لكن فضولها حال دون تفكيرها هذا ووقفت لتفتح شرفتها ببطء وحذر  ثم عدت في سرها الخطوات وعند الخطوة الثانيه ..
شهقت!!!!
يتبع