وصال الجزء الرابع

وصال4

"عندها غمازتين واحده شمال وواحده يمين ،افتحي البالكون وامشي لقدام خطوتين.. "

رفعت فرحه حاجبيها تعجبا واعادت قراءة الرساله مرارا وتكرارا حتي اعتقدت انها ارسلت إليها بالخطأ لكن فضولها حال دون تفكيرها هذا ووقفت لتفتح شرفتها ببطء وحذر  ثم عدت في سرها الخطوات وعند الخطوة الثانيه ..
شهقت!!!!
ارتطمت قدمها بشيء صلب ما أن أضاءت كشاف هاتفها حتى اعتلت الدهشة ملامح وجهها ..
قاعدة عريضه عليها منحوتة لوجة فتاة تبتسم في حين يغزو الحزن عينيها ،منحوتة بدقة عجيبه اقتربت منها ببطء تتبين ملامحها ،ديقت عينيها قليلا ليساعدها على التذكر حتى جحظت فجأه.. إنها..  هي!!!
أخذت المنحوته وأغلقت شرفتها وضعتها في دولابها ،جلست على فراشها وحاولت النوم عبثا حتى جائتها الرسالة التالية..
" كان هذا الكون مقفرّا وقاسي حتي ابتسمتِ فازدهرت حقول الياسمين "

ابتسمت رغم كل الغموض الذي يعتري المشهد ،
اخذت وسادتها بين ذراعيها وغطت في نوم عميق!

-اتأخرتي يعني مش عوايدك ؟!
=معلش يا باشمهندس والله اصل..
-امير
=نعم
-اسمي امير مش باشمهندس
=ميصحش يعني
-لا يصح يا..  فرحه!
رفعت حاجبيها.. هم بالحديث مقتربا.. =انا مش قولتلك مترفعييش قدامي حو..
=مسسسس فرررحه!!
-وصال ، معلش يا روحي اتاخرت عليكي خليكي عندك انا طالعالك
=انا مخلصتش كلامي
- بعتذر بس ورايا شغل
=الشغل اهم مني!!
-ايه
=ايه

-ياااا مس
=طالعالك حاضر.. عن اذنك
صعدت فرحه واصطحبت الصغيره معها وعينا امير الرفيق الثالث لهما حتي غابا في الممر..
استدار امير للخلف مناديا علي ام علي حتي وجدها بالفعل خلفه
=ام عل
-ايوه
=بسسسسسم الله الحفيظ يااا شيخه بقي يا شيخه ايه جو ساحوة الجنوب ده
-اؤمر يا امير
=القهووه يا اام علي والميه وربنا يهديكي عليا
نظرت له ام علي مديقة عينيها ليتوتر امير امامها..
=ايه يا ام علي هتتحولي ولا ايه ؟!
- تؤمر بحاجه تانيه!
=لا يا ام علي متشكر بس الميه ها بسرعه
-...
=اام علي
- نعم
=ساقعه ومشبره ها
...
-وصال انتي ريحتك سجاير ولا انا متهيألي !؟
=انا مبشربهاش والله يا مس
-اومال ليه ريحتك كده ؟!
=يمكن عشان كنت مع بابا الصبح لكن انا مليش دعوه  الله والله
-مصدقاكي والله لكن ايه كنتي مع بابا ،تقصدي كان بيشرب سجاير الصبح وانتي كنتي معاه تحت!
=اه كنت جمبه وهو بيشرب
-بقي كده!  طب اسمعي انتي مش بتحبي بابا
=قد السما
-حلو اسمعي اللي هقولك عليه بالحرف
..
"يقول نجم : لا شيء يحي في النفس أملها إلا دعوة مجابه ورفيق مخلص..  واهتمام حبيب ، اما ما يزهرها فتبادل النبض بين الحبيب والمحبوب فيصير كالخيط بين قلبيهما وترا تعزف عليه النبضات ألحانها وتشدو فيثمل العاشق والمعشوق "
..
وقف امير أمام الباب يعدل من ملابسه حاملا معه زجاجة المياة ، طرق اثنتين والثالثة دخل ليتلقى ما ينتظره..

-صباح الفل واليااا...ياااا نهااار ابوكي اسود ،انتي إيه اللي ماسكاااه في ايدك ده وفين فرحه اقصد مس فرحة اقصد فرحه انتي قوليلها مس انا لا.. فينهاا ؟؟
=إيه في ايه إيه ؟!
- لا أبدا بنتي الأموره بتحاول تشرب سجاير مش اكتر معلش خضيتك ع الفاضي
=اه بحسب
-نععععم
= احم وصال يا حبيبتي في بنت صغنوته رقيقه تشرب سجاير برضو ،انتي مش عارفه يا روحي أنها مضره بالصحه وعيب وحرام كمان
-بس متقوليش حرام بس
=ايه يعني تسيبها تشرب حضرتك ولا اكمل كلامي
-اتفضلللي
=هاه يا حبيبتي
-م بابا بيشربها عادي كل يوم وقدامي فمفهاش حاجه لما اعمل زيه وبابا مش هيعمل حاجه غلط تضرني

نظرت فرحه لأمير رافعة كلا حاجبيها ممتعضة فيما كان هو في تلك الأثناء يتحاشى النظر ويلوح لوصال بالتهديد والوعيد..
=نفهم من كده ايييه يا باشمهندس!!
-ايييه
=حضرتك هتهزر ،البنت واخداك قدوه وبتقلدك لأنك ولي أمرها والمفروض انك نموذج مثالي بالنسبالها مش مجرد اب وخلاص فمتستغربش لما تلاقيك بتعمل حاجه وثاني يوم هي تعمل زيها وأولهم السجائر واوعي في يوم تلومها
-يعني اسيبها تشرب سجاير عادي عشان كلامك ده المواضيع مبتتاخدش كده
=لا بتتاخد كده بدل م تديها اوامر وتملي عليها الصح والغلط خليها تشوف ده في تصرفاتك الأول
-تقصدي إيه ؟؟
=بطل تشرب سجائر عشان هي كمان تبطل
-عشااان هي كمان ت اييييييه ؟لييه هي بتشرب من فتررره كمان
=الله اعلم حضرتك ،ثم الأطفال زي للصفحه البيضه واللي بتعمل قدامهم بيتحفر في طباعهم وسلوكياتهم وهيبقي صعب أننا نغيره ع المدى البعيد
-نلمها بقى من مستشفيات معالجة الادمان مش كده
= والله  ال..
وقفت فرحه لثواني حينما شعرت بوخذة صغيره تجتاح مؤخرة رأسها ،الرؤيه أصبحت ضبابيه والصوت كأنه قادم من بعيد..
-فرحه!  انتي كويسه ؟ سامعاني طي...فرررررحه!!!!!!!

سقطت دون أية مقدمات ،صاح امير مرارا وتكرارا ولكنها كانت كالجثة الهامده ،حمل رأسها على يده محاولا افاقتها لكنها لا تستجيب ،هم يحملها ووضعها على الفراش في حين أمر وصال بأن تأتي ب ام علي بسرعه..
-مش راضيه تفوق وشها مصفر ومتلجه يا ام علي ايه العمل
=اتصل بدكتور علاء جيرانا وخمس دقايق يكون هنا
-ويجي يكشف عليها ويشوفها براحته طبعااا لاء
=يابني البنت مش ناطقه اللي بتقوله ده لا وقته ولا اوانه كده البنت هتروح مننا

استسلم امير للأمر وبالفعل استدعى علاء الطبيب المجاور لهم في البناية دقائق معدودة وكان في الغرفة معهم ..
-انت هتعمل ايه ؟!
=لازم اقيس الضغط طيب
-لا حطلها البتاعه دي ع الهدوم
=ياا امير لازم احطها علي دراعها عشان النبض يكون واضح ليا
-هيبقي واضح ان شاء الله طقطق ودانك وانت هتجيبه
=مفيش فايده

انتهي علاء اخيرا بعد عدة محاولات مع امير لتوفير بدائل لطرق كشفه مثل قياس الضغط وسماع النبض بسماعة الكشف علي ملابسها دون تحريكها او حتي المساس بها وهي ممتدة علي الفراش..
-بسيطه مفيش داعي للقلق ،شكلها مأكلتش حاجه الصبح ضغطها وطي فجأه هتفوق بعد م اديها حقنة تراسيفـ..
-لاااء حقن لااااء
=يااااا صبر ايووورب ،حقنة وريد مش عضل خلاااص
-ام علي مش بتعرفي تدي حقن مش كده انا فاكر كنتي بتديها لجوزك قبل م يموت في اواخر ايامه
=ااادي الروشته اتصرف انت وتبقي طمني عليها
-بمناسبة ايه! ؟
=الباب منين يا ام علي ؟!
..
"يقول نجم : إن نيران حمم البراكين تحت المحيط الاطلنطي ما هي الا جزء من سبع وسبعين جزء من نيران غيرة العشاق علي ذوي قلوبهم "
...
كان يجوب الغرفة ذهابا وايابا في توتر واضطراب ،يقترب منها بين الحين والاخر يراقب انتظام انفاسها فيعود مجددا يعدو الغرفة ذهابا وايابا حتي خرج إلى الشرفة يدخن سيجارته هم بوضعها في فمه حتي توقف فجأة ممسكا أياها ممعنا النظر إليها ،عاد برأسه الي الوراء لخطف نظرة سريعه الي فرحه ثم احكم قبضة يده علي سيجاره لتتكور بيده ويلقيها مبتسما ومودعا في نفس الوقت..
-وصال
=انتي فوقتي؟
-ايه حصل؟!
=انتي كويسه دلوقت!
-متجاوبش علي سؤالي بسؤال
=انتي غلباويه حتي وانتي تعبانه
-انا تعبانه!
=لا ابدا نعنستي فقولنا نغطيكي تناميلك ساعتين
ابتسمت فرحه علي أثر لهجته في الحديث ليتنفس هو الصعداء ويرحل في عاللم اخر علي امتداد ابتسامتها بين الوجنتين..
=يا الله يا معين
-ايه
=شوفي يا بنت الناس انتي لا ترفعي حواجبك قدامي ولا تبتسمي وده وعهد الله لمصلحتك
-هي.. و وصال.. وصال فين ؟!
=وصال ميين!!
-بنت حضرتك
=حضرتي مين !!
-هو في ايه ؟

مسسسسسس اخيررررا فوقتي
- وصااال لسه كنت بسال عليكي
=الف سلامه عليكي اتخضيت عليكي لما وقعتي فجأه كده وكمان بابا اتخض جامد وقعد يزعق ويزعق ولما جه الدكتور برضو قع.. ممممم مممممم مممممممممم

انقض امير علي وصال حاملا اياها ومكممها كيلا تكمل الحديث راسما علي وجهه ابتسامة تغزوها التوتر..
=الاطفال بقي هاهااها بيتكلموا كتير اهاها لذيذه وصال دي خيالها واسع ،طيب هنسبقك احنا علي تحت وحصلينا عشان الغدا
-بس انا مش جعانه
=هتحصلينا ولا اعملك زي وصال كده
نظرت فرحه الي وصال وهو يحملها ورفعت حاجبيها من فرط الحرج..
اقترب منها وهو في طريقه لانزال وصال موحيا لها كأنه علي وشك حملها..
-شوووف برضو بترفع..
=حاضرر
-انتي مطيعه ليه كده!!
..
=م تاكلي يا بنتي
-مش قادره اتنفس خلاص من كتر الاكل تسلم ايدك يا ام علي
=وانا ساعدتها يا مس والله
-عنجدددد
=اهاا مليتلها الميه
-يا روحي مجهود جبار تسلم ايدك انتي كمان يا احلي وصال
=ايه يعني امير ابن البطه السودا منا قعدت اكل اهو مساعده ولا مش مساعده يا متعلمين يا بتوع المدارس

ضحكت فرحه مجددا فهمس امير.. =يا منجي من المهالك ياااا رب
-متشكره والله تعبتكم معايا انهارده بس مضطره استأذن دلوقت وباذن الله هاجي بكره بدري
=م تباتي طيب يعني وصال بتبات لوحدها و..
نظر الجميع الي امير من وصال لام علي وحتي فرحه وخلفها عم مدبولي الذي حضر للتو..
=ايه مالكم ؟انا بس شايفها تعبانه فـ.. لو مصره خلاص يعني
-العربيه جاهزه يا امير بيه
نظر امير خلفه ليجد عم مدبولي ثم عاد مجدد ببصره الي فرحه ..
=والدكتور قالك ايه علي كده يا عم مدبولي الف الللف سلامه عليك يا راجل امبارح قلقتنا عليك
-بس انا مش تعبـ..
=انت في مقام ابويا متحاولش تخبي تعبك والله ابدا م تسوق انت تعبان
-بس..
=المفاتيح!!
..
"يقول نجم :جميع الأحرف العربية والاعجميه لا يكون لها معنى في عين الشاعر إلا إذا أحب صارت الهمزة وحتي النبره قصيدة تراوده عن نفسها فيكتبها نُظما معتق وتكبر حتى تصير المعلقة تخطف الألباب والعقول من ذويها.. كما تودي ابتسامة عابرة على ثغر المعشوق بقلب عاشقه في غيابات الجبّ "
...
-علي يمينك هنا
=هتعرفي تفكي حزام الأمان ولا اساعدك
-فكيته متشكره
=انتي نبيهه ليه كده!
-اتفضل
=يا ريت
-ايه
=اقصد مره تانيه
-الدوا صح اتفضلي الروشته معاه
=ابقي اخصمهم من المرتب
-لا طبعا
=خلاص مش عايزاه
-ايه اللي مش عايزاه خدي هنا ب..
-امسكها من يدها محاولا منعها من الخروج من للسياره دون الدواء لكن اختل توازنها وكادت ان تسقط لولا تمسكت بيده فأصبح وجهها مقابلا وجهه والتقت العينان قسرا ..
-انتي حلــوه ليه كده!
انتفضت =هاه
-..اا..
-في حاجه ؟
=ابقي طمنيني عليكي.. من فضلك
-انا بخير من دلوقت متشكره ع السؤال.. عن اذنك
..
تتوسط الفراش عينيها إلى السقف ،يضج رأسها بالأفكار ،تسترجع الأحداث رويدا رويدا تبتسم تارة وتارة تعقد حاجبيها حتى وقفت عند اخر مشهد التقطتها عيناها قبل ان تغيب تماما عن الوعي.. ملامح الفزع علي وجهه.. ينادي كالمجنون اسمها.. ثم مشهد للسياره و.. -انتي حلوه ليه كده!
شعرت يتسارع في نبضات قلبها وضعت كلتا يداها على خافقها في فزع.. -ايه في يا فرحه مالك احنا هنخيب ولا ايه ؟!

"حسنه فوق الحاجب اليمين ضافت فوق الحسن ضعفين هتسرحي شعري هتعرفي انا مين!  "

-يا مساء الألغاز مش هنام انا في ليلتي دي
اخرجت فرحه المنحوته وأخذت تتفحصها فلم تجد اي خصلات ملتصقه بها عدا جزء معدنية خلف المنحوته وكأنه مستقر لمفتاح ما..
تعجبت وأخذت تجوب الغرفة بحثا عن شيء ما تجهله.. دمية مثلا او شعر مستعار ،القت نظره في شرفتها وعادت تجر اذيال خيبتها وأثناء وقوفها في منتصف الغرفة حتى نظرت في المرآه المقابلة لها..
ده لو اللي في بالي طلع صح يبقى محدش يزعل مني!!
أمسكت بالمشط وأخذت تمشط وتمشط حتى قابلت جسما صلبا.. في حجم دبوس بالغ الصغر
مفتاح!
نظرت له ونظرت للمنحوته وسرعان ما ادخلته وسمعت تلك صوت انفتاح قفل ما.. فتحت ما يشبه بسرداب صغير داخل تجويف المنحوته وادخلت يدها لتخرج زجاجة عطر
اقتربت لتستنشق رائحتها حتى غابت عن الوعي..

=أزيك يا فرحه يا بنتي ؟!

"يقول نجم : تتخطي الحياة احيانا توقعاتنا لتقحمنا باقدار اخري قد نراها متاهات وهي في حقيقة الامر نهاية الطريق لبداية آخر "
يتبع