شيطان نيو جيرسي

هتعمل ايه ، لو الشيطان بنفسه ، كان ساكن معاك في قريتك ؟
*الكلام ده بيرويه ، أحد سُكان قرية نيو جيرسي*

أنا هحكيلكم ايه اللي حصل ، الجحيم اللي عيشنا فيه ، قطعة من جهتم إترمت في قريتنا ، علشان تحولها لعذاب أبدي

شيطان نيو جيرسي , من أغرب الكائنات على مر التاريخ ,  ومش أسطورة زي أغلب الكائنات الأخرى ..

أبدئلك كلامي ، بوصف شكل شيطان جيرسي , والإسم ده اللي أطلقوا عليه كان الريفيين في قريتنا , راسه كانت أشبه برأس ماعز , ذيل متشعب , أرجل منحنيه , وأجنحه جلديه تشبه الخفاش نوعا ما , وضهره بأقل تقدير بطول أربع أقدام , وأقدامه من الأسفل تكاد تطابق في شكلها اقدام الكنغر

شيطان جيرسي كان بيتغذي عالأغنام والماشية , وكان بيبث الرعب في قلوب الناس بصرخاته المرعبه اللي بيتردد صداها في السماء

معظم اللي شافوا قطعة الجحيم دي كانوا في ريف جنوب نيو جيرسي ، للأسف انا كنت من سُكان المنطقه دي

ف كمثال بسيط شهد ريفي اسمه روس مويتس , بإنه شاف شيطان جيرسي , وأكد صفات شكله , وأضاف كمان إن الدجاج والماعز إختفوا بعد ما شافه !

وزي ما شهد روس مويتس على إنه شافه , شهد كما جورج سنايدر ب إنه شافه ووصفه ليه كان إنه يشبه الزرافه , وقال كمان إنه عنده ملامح وجه بشعه , وجناحان طوال , وشكلهم شبه الخفاش !!

لكن مقتصرش الأمر على الريفيين وسُكان منقطتنا بس علشان يشوفوا , شقيق نابليون بونابرت , أكد إنه شاف كائن بنفس المواصفات سنه 1820 ’ أثناء إحدى رحلاته للصيد

الكائن مكتفاش لحد هنا , كمان أكدت الشرطه إنها شافت مخلوق طائر في الأجواء وأطلقت النار عليه , ومأصابش بأذى

وبعض التقارير قالت إن الكائن ده هاجم باص . أو عربه مليانه ركاب , وزي ما الهجوم بدأ بدون مقدمات وقف كمان بدون مقدمات !!

فيه جزء مخفي من الحكاية , الجزء ده مش كتير يعرفه ، سنة 1735 كانت فيه أم أسمها الأم ليدز , الأم ليدز كانت حامل بطفلها الرابع عشر ، وكانت بتراودها أحلام وكوابيس ، إن طفلها القادم ، هيكون الشيطان بنفسه ! , وعانت المخاض ف ليلة عاصفه , اجتمع حواليها أصدقائها , وإتولد الطفل طبيعيا , لكن بعد كده بدأت تطلعله حوافر , ورأسه بدأت تشبه رأس ماعز , ووأصبحت عنده جناح زي أجنحة الوطواط , هرب الكائن ده لأرض تسمى أرض الصنوبر

بدأت بعدها أقاويل تشاع , إن الأم ليدز ساحرة , وإن الأب كان الشيطان نفسه !
وفي سنة 1740 ، رجل دين قام بطرد الشيطان لمدة مئة سنة ، ومتشافش الكائن بعدها غير في سنة 1890

شيطان جيرسي موجود حتى الآن في التراث الشعبي لأهالي نيو جيرسي , أهالي نيو جيرسي بيفتخروا بوحشهم , لدرجة إنهم سموا فريقهم للهوكي *شياطين جيرسي*

كده تكون القصه الكامله , لشيطان نيو جيرسي

أحمد_هاني