اشواك الحب❤الحلقة 50
الحلقة 50
و حور بتروح علية وبتحضنو اوى وبتعيط و بيرفع عيونهاا فى عيونو
ادم / بتعيطى ليه
حور/ انا بحبك اوى
ادم / علشان كدة بتعيطى يعنى
و حور بتحضنو وبتعيط اوى و ادم بيضمها اوى وبيضحك
***********************.
شيماء وريم كل وحدة فى اوضتها بتجهز نفسهاا ودينا بتدخل على شيماء
دينا / جاهزة
شيماء / انا مش فاهمة لية جوز اختك مصر اننا نلبس اللبس دة دلوقى
دينا / متاكدة انو بيجهز حاجة حلوة مش عارفة هى اية
شيماء / وانتى لسة ملبستيش لية
دينا / بلاش انا مليش مزاج
شيماء / دينا انا مش عوزة اضغط عليكى بس انا متاكدة ان فى حاجة مخبياهاا عننا
دينا / ايوة اعملى باة زى المفتش كرومبو وحققى معايا وكمان اتشطرى على الاستاذ شريف الى مش معبرك من الصبح دة
شرين / مدام غيرتى الموضوع يباة فى حاجة فعلا مديقاكى مش انك عوزة تغيرى جو زى ما بتقولى
دينا / شيماء انا مش نقصة انا تعبانة
شيماء / هعدى عليكى وانا نزلة ننزل مع بعض
دينا / تمام يا فندم
ودينا بتخرج وشيماء بتضحك
ريم / ماشى يا حساام ماشى زى ما انت عاوز
و رودى بتضحك اوى عليها
رودى / والله واضح ان حسام مفعولو قوى هههة
ريم / ايوة علشان اخوكى طبعاا
رودى / انا معرفتش ان عندى اخوات غير من اسبوعين بس
ريم / لسة قدمك الايام كتيير هتعرفو بعض اكتر
رودى / انا ممكن اتفاهم مع حسام بس ادم دة لااا ابدا
ريم / ادم يمكن عصبى شوية بس طيب اوى حد تقدرى ترمى حملك علية وانتى مغمضة
***********************.
ادم بيسرح شعرو وبيبص لحور
ادم / اية الى انتى لبساة دة
حور / اية مش حلو
ادم / لاا غيريه
حور/ اووف لية مهو طويل اهو
ادم / لاا بس طلعة حلوة فية اوى خلاص غيريه بسرعة
حور / لاياشيخ اوكى وانت القميص دة كمان حلو عليك اوى
يباة لازم تغير القميص دة
و ادم بيروح عليهاا وبيمسكها ومن خصرهاا
حور / ادم انت مستنى ضيوف ماشى
ادم / هو انا عملت حااجة
حور / لا بس بحب افكرك يا حبيبى بس
ادم / هيحصل اية لو لغبطت الروج شوية
حور / تق تق ممنوع
و ادم بيرقص حوجبو لحور
حور / لاابلييييز خليناا ننزل باة اتاخرناا
ادم / بيقرب منهاا و حور بتحاول تبعد
حور / لو قربت منى هصوت
ادم / ورينى كدة هتصوتى ازااى
و حور لسة هتصرخ ادم بيبسها من شفايفهااا و حور بتلف درعهاا حولين رقبتو بحنية
***********************.
الكل بيتجمع تحت و ادم بيبص لرودى
حور / ادم علشان خاطرى كفاية باة البنت خايفة منك
ادم / شيفة لبسة اية
حور / حبيبى مفيش حد غريب هناا سبها باة بلييز
و ادم بيتنهد
مروان / مساء الخير
و دينا بتقف اول ما بتشوف مروان وبتبصلو اوى
مروان / ياريت مكنش اتاخرت
ادم / لا جاى فى معادك مظبوط اتفضل
ومروان بيسلم على الى موجودين زاهر و سلمى
شيماء / احنا هنفضل كدة كتيير
عادل / يا اهل الداار مفيش حد يقولى حمدالله على السلاامة
حور / عادل
والبنات بتجرى علية بسرعة
دينا / ٤ شهور يا عادل ولا مكالمة وحدة
عادل / والله غصب عنى ممنوع وفقو على الاجازة دى بالعفياا طبعا بفضل حضرة العميد ادم
و ادم بيبتسم اوى لعادل و عادل بيروح علية وبيحضنو
ادم / سمعت عنك كل خيرر رفعت راسى
وعادل مبسوط اوى
سعاد / اية مش هتسلم على ماما سعاد
و عادل بيروح عليها وبيبوس اديهاا وسعاد بتحضنو اوى
سعاد / اية يا ابنى مش بياكلوك هنااك ولا اية انت ضعيف اوى
مرواان / مهو زى الاسد اهو متقلقيش علية
و عادل بيسلم على مروان و زاهر و سلمى وبيشوف رودى
و عادل بيبص لحور وبيغمزها على رودى
حور / اة رودى دة عادل اخويا ودى رودى اخت ادم
و ادم بيبص لحور وعادل بيسلم على رودى
رودى / اهلاا
عادل / اهلا بيكى منورة المزرعة كلهاا
حور / عادل يا حبيبى بقولك اخت ادم
و عادل بيظبط لياقة القميص بتاعو وبيضحكو اوى
حور / هى دى المفاجاة الى انت عملهاا
و ادم بيبص فى الساعة وبيبص على الباب وبيدخل شريف ووالدتو وحسام وسعاد بتروح على حسام
ادم / الضيوف وصلو
الكل مبسوط اوى وريم و شيماء باين عليهم الكسوف
شريف / انا جى النهاردة علشان اطلب ايد شيماء
و ادم بيبص لعادل اوى و عادل مش فاهم
ادم / انت مش ولى امرهاا دلوقتى اية رايك اتكلم
عادل / اناا
والكل بيضحك اوى ومروان بيخبط على كتف عادل بحنية
عادل / يعنى انا ممكن اوافق او ارفض صح بس طبعا لو رفضت ممكن شيماء تقتلنى
و شيماء بتضرب عادل على كتفو والكل بيضحك اوى
عادل / يا عم خدهاا معنديش مانع بس انت الجانى على روحك باة
شيماء / عادل
و الكل مبسوط اوى
حسام / احم احم انا هنااا انتو نستونى ولا اية دة انا مكلف نفسى وجايب ورد وشوكولاتة بالبندق كمان مش باين عليا عريس
حور / خلاص اسكتو باة
حسام / انا اخويا الكبير هو الى يتفضل طبعاا
وحسام بيبص لادم وسعاد عنيها بتدمع من السعادة
ادم / عادل انا بطلب منك ايد ريم اختك لاخويا حسام على سنة الله ورسولة
وعادل بيبص لريم
عادل / انا موفق طبعاا
وفاطمة بتزغرت وام شريف وسعاد والكل مبسوط وحسام وشريف بيطلعو الدبل وبيلبسو الدبل لريم شيماء و حور عيونهاا على ادم و ادم بيتكلم مع حسام وشريف وبيضحكو
سعاد / يلاا يا جماعة الاكل جاهز
والكل بيروح على السفرة و ادم بيبص على حور حولية وبيشفهاا وقفة وبتبصلو ومبتسمة اوى وادم بيمدلهاا ايدو و حور بتروح علية وبتمسك ايدو اوى وبتقاعد جمبو على السفرة والكل مبسوط اوى
شريف / اية رايكو نحدد معاد الفرح
ادم / مستعجل اوى يعنى
و شريف بيبص لشيماء و شيماء بتتكسف اوى
شريف / يعنى ملوش لازمة اننا نطول اكتر احنا بنعرف بعض كفاية يعنى
حسام / وانا راى من راى شريف
كمان نخليها الاسبوع الجاى كتب كتاب ودخلة اية رائيكو
عادل / لااا
وبيبصو عادل
عادل / خلوها يوم الجميس الجاى افضل علشان احضر الفرح
شيماء / بس احنا لسة مجهزناش نفسنا وفى حاجات كتيير نقصانا
ادم / اطلبى الى انتى عوزاة وبكرة ولا بعدو يكونو عندك مفيش مشكلة انا كنت طلبت من شريف وحسام حاجة وهم وافقو بس فاضل ريم و شيماء
وريم و شيماء بيبصو لادم
ادم / الدور الى فوق هو تقريبا جاهز فى شوية توضبات اخيرة هتاخد يومين بكتيرو اوى اية رايكو
شريف / شيماء ادم اقترح اننا نفضل هناا مع بعض
حسام / اية رايك بس لو مش حبة اختارى بس المكان الى تحبية
ريم / دة بجد يعنى هنفضل هناا
شيماء / هنكون كلناا مع بعض
ادم / لو انتو موفقين يعنى على كدة
ريم / موفقة طبعاا
شيماء / وانا كمان
والكل مبسووط اوى
دينا / مبرووك يا حبيبابى الف مبروووك
و مروان مدايق من تجاهل دينا لة
دينا / بالهنا والشفا انا شبعت
حور / دينا انتى ماكلتيش حاجة من طبقك
دينا / مش قدرة معدتى تعبانة هخرج اشم هوى برة شوية
ودينا بتخرج
مروان / بعد ازنكو
ومروان بيخرج وره دينا على الجنينة
***********************.
مروان / وجودى مديقك اوى كدة
دينا / لاا وهيدايقنى لية بالعكس انا مبسوطة انك معانا فى يوم زى دة
مروان / دينا انا عارف انك زعلانة منى بس اصبرى علياا شوية كل الامور هتتحل صدقينى
دينا / بقلنا ٣ شهور يا مروان بتقولى الكلام دة انا تعبت صدقنى تعبت اوى انت مش حاسس بحاجة خالص انا تعبانة
ومروان بيروح عليها وبيمسك اديهاا
دينا / مروان طلقنى
ومروان بيتصدم
مروان / بتقولى اية
دينا / طلقنى يا مروان سعتهاا انت هترتاح وانا كمان
انت هتروح تتجوز بنت خالتك ليلي وولدتك هترتاح زى ما هى عوزة وانت كمان بالك هيرتااح ومش هتشوفنى مش هتشوف الست النكدية الى مسودة حياتك معاهاا
و مروان لسة هيلمسها ودينا بتبعد عنو
دينا / طلقنى يا مروان بطلقناا كل حاجة هتتحل وانا كمان يمكن ارتاح ارتااح من الاهانات الى بسمعها كل دقيقة
مروان / اهانات
دينا / اة علشان انا بسمع ومبتكلمش بقول استحملى يا دينا
لاا يا دينا مش لازم مروان يعرف حاجة هو بيتعب لازم يرجع يرتاح مش لازم يسمع حاجة تديقو
مروان / دينا انا
دينا / انت كنت عارف او حاسس مستحيل متكنش حسيت
بس فضلت تسكت مدام انا مش بتكلم مش مهم صح
مروان / اهدى يا ديناا خلينا نتفاهم بهدوء
دينا / لااا خلاص انا تعبت ومش قدرة دة لو لبست اسود تقولى انتى شبة البومة ونحس بالبسى دة ولو لبست الوان اكون قليلة الاصل ومش متربية ومعرفش الاصول كمان ازااى البس الوان وصاحب البيت الى انا عيشة فية اتوفى
ودينا منهارة من العياط والكل بيخرج على صوت دينا ووقفين بيسمعو كلمها
دينا / علشان بحبك كنت بسكت علشان بحبك وعلشان متاكدة انك بتحبنى زى ما انا بحبك ويمكن اكتر كمان
مروان / علشان كدة عوزة تسبينى
دينا / علشان مش عارفة اخليك سعيد ولا انا سعيدة كمان
يمكن حبنا مش كفااية هنتعب شوية ومع الايام هننسا شوية شوية
مروان / مقدرش يا ديناا مستعد لاى حل انتى تقولية تانى غير دة
دينا / اى حل انا اقولو لازم انا الى احل لازم انا الى استنى لازم انا الى اصبر مرواان كفااية
ودينا بتمسك بطنهاا وبتتالم وبتصرخ
مروان / ديناا
ديناا / ااااة اااااة
والكل بيجرى عليهاا بسرعة
التعليقات على الموضوع