لعبة القدر الحلقة 21

"شرم الشيخ" 
دلفو للفندق
مالك لمدير الاستقبال:كلو جاهز طبعا يا فندم
صعدا حور و مالك للجناح و اخرج مالك فستان جميل و شال عليه من الشنطه و اعطاه لحور
حور :فى ايه يا مالك انا مش فاهمه حاجه
مالك:هاتفهمى كل حاجه كمان شويه
بعد نصف ساعه كانت حور فى غاية الجمال فى ذلك الفستان كانتو حقا حوريهه
عندما دخل مالك انبهر بهيئتها قامت بوضع طرحه على شعرها و احكمت غلق شالها
اخذ مالك يدها و نزلو سويا للاسفل لكن لم يكن نفس الطريق لمدخل الفندق بل دلفوا الى قاعه مزينه بطريقه جميله و بها الكثير من الورود
مالك:تقدرى تخلعى الشال و الطرحه
اشارت حور بنعم
و اشتغلت الموسيقى و بدأو بالرقص و حور كانت سعيده لكن كانت تشعر بالضيق ايضا فهى لا تريد التعلق بمالك اكثر
حور:فى اى يا مالك
مالك:مش عايزاك تسألى اى اسئله النهارده الصبر اجابة اسئلتك كلها انا ياما صبرت لليوم دا اصبرى انتى كمان
توقفت حور عن الرقص
حور بجمود:قول يا مالك فى اى
تجاهل مالك ما فعلته و قام بثنى ركبته و اخرج خاتم رقيق جدا
مالك:حور انا بعشقك تقبلى تكونى مراتى و نكمل بقيت حياتنا سوا
حور و تتألم مما ستقول:انتا اتجننت يا مالك انت فاكر عشان رضيت اتجوزك يبقى بحبك و هكمل معاك انا اتجوزت عشان تحمينى من عمى و لكن لم تتحمل حور و فضلت الركد حتى لا يرى دموعها
مالك بصدمه:معقول انا كنت فكراك حبتنى ادتينى امل و طلع وهم انا صبرت كل دا عشان تقوليلى كدا انا يستحيل اسيبك و ركد ورائها فوجدها تبكى بشده فى الجناح
مالك بصراخ:فهمنى يا حور ليه عملتى فيا كدا معقوله تطلعى وحشه كدا خدعتنى و بتستغلينى ليه يا حور انطقى
حور بصراخ:عملت كدا عشان بحبك انا مش وحشه و مش مستغله انا رضيت اتجوزك عشان بحب قربك حسيتك بيتى و امانى عشان احلل لنفسى حضنك
مالك:لو بتحبنى مش هاترفضينى انتى بتضحكى عليا
حور بصراخ:لا بحبك و عشان بحبك عايزلك الاحسن حرام عليك ياخى كفايه ظلم فيا حرام عليكو
مالك:و انا عايزاك انتى
حور:و انا مش بنت
مالك :و انا عارف
حور بصدمه:عرفت ازى😨😨😨
مالك:هقولك
فلاش بااااك (4 سنين)
عصام الالفى(والد مالك)كان يقود سيارته للعوده لمنزله لانه كان فى القاهره ينهى صفقه و اثناء عودته تصدم سيارته و يتم نقله للمستشفى
مالك:الو......ايه.....مستشفى اى.....
ذهب مالك للمستشفى لكن والده كان فارق الحياه منذ وصوله فذهب للدكتور لانهاء اجراءت الدفن و شهاده الوفاه فسمع الحوار التالى
الدكتور:دى مصيبه فين اللى جايبنها
الممرضه:مش موجدين يا دكتور
الدكتور:دى جريمه و كمان محتاجين دم فصيلتها مش موجوده احنا محتاجين دم لفصيلة -o و الا هانفقد المريضه
و اثناء كلام الدكتور مع الممرضه
شخص:لو سمحت يا دكتور
الدكتور:ثانيه واحده حاولو توقفوا النزيف على اما اجى و نادو دكتور ايمن
الدكتور للشخص:اتفضل
مالك:انا عايز اعرف ايه الاجراءت اللى هاعملها عشان وفاة والدى
بعد ان انهى مالك حديثه مع الدكتور
مالك:لو سمحت يا دكتور انا سمعت حضرتك بتقول انك محتاج دم لفصيلة -o
الدكتور:اه فعلا
مالك:انا نفس الفصيله اقدر تبرع
الدكتور:تمام اوى اتفضل معانا
دلف مالك للعمليات و رأى حور بعدما انهى التبرع و خرج ظل منتظرها حتى تخرج
خرجت حور و نقلوها للغرفه العاديه بعد استقرار حالتها
فدلف اليها مالك و رأها مثل الحوريهه امامه حتى و ان كانت مريضه و شاحبه و الكدمات تملئ وجهها قطع تأملها صوت الممرضه
الممرضه:يا استاذ اللى بتعمله دا مينفعش
اخرج مالك ورقه ب100 جنيه و اعطاها للمرضه
مالك:عندها اى
الممرضه:اغتصاب
مالك بصدمه:اغتصاب........
الممرضه:اه يا استاذ و عندها كسر فى الحوض و نزيف فى الرحم و باين على ايديها و رجليها انها كانت متكتفه مده طويله و ضعيفه اوى و اللى خطفوها كانو مانعين عنها الاكل و ضربينها لغاية ما فرفرت منهم و جابوها و هربو
مالك بألم:هربو
الممرضه :ايوه كانو اتنين
مالك:لما تفوق حاولى تشوفى من اللى عمل كدا ولما البوليس يجى يحقق معاها ادخلى و اعملى انك بتظبيطلها اى حاجه و تعرفى
الممرضه:حاضر بس كلو بتمنو
مالك:ماشى
باااااك
مالك:رجعت القاهره تانى و تالت ادور عليكى بس ملقتيش و الممرضه قالتلى انك قولتى انك متعرفهمش
حور بألم:ياااااااه عارف كل دا و لسه قادر تقولى بحبك
مالك:و هافضل اقولها طول عمرى بس قوليلى مين عمل كدا
حور:ملوش لازم
مالك:لا له عشان اخد حقك و اطفي نار قلبى
حور:ارجوك كفايه لحد هنا و طلقنى
مالك بصدمه :ايه اللى بتقوليه دا يستحيل
حور:لا هايحصل و كفايه كدا انا عايزه انام
لم يستطيع مالك التحمل فنزل الى الاسفل و جلس امام البحر
و كانت هذه لصالح حور لتنفس عن حزنها فظلت تبكى الى ان نامت و عاد مالك الى الفندق و عندما رأى حور بتلك الحاله
مالك:ليه بتحاربى نفسك يا حور متقلقيش يا حبيبتى انا يستحيل اسيبك
فى الصباح استيقظت حور و لم تجد مالك بجانبها فدلفت الى الحمام لتأخذ دش ليريح اعصابها و خرجت و ذهبت لتقف فى النافذه و تصدم ب........
*
*
*
*
نظرت من النافذه فوجدت فتاه واقفه بجانب مالك و تتحدث اليه بدلال و ترتدى"المايوه" ركدت حور و اخذت حجابها و نزلت تركد الى الشاطئ و عندما وصلت وجدت الفتاه وضعت يده على كتفه فركدت حور و نزعت يدها بغل
الفتاه:what (ماذا)
حور بغل:امشى يا صدمانه يا عدمانه سلاكة السنان يا معصعصه يا مقشفه يا ملزقه يا مبقعه يا إبره مصديه يا......
اتسع بؤبؤ عينى مالك و قام بتكميم فاهه
مالك:sorry(اسف)
و قام بسحبها داخل الفندق و مازال يكمم فاهها
و ما ان صعدا حتى تركها
مالك:ايه بلاعه و اتفتحت طرنش و ضرب ماكنتى تاكليها احسن
حور و سقفت بأيديها(مصريه اصيله):طبعا مانتا مبسوط بالمعفنه دى عماله تتلزق فيك مانتو صنف بعين زايغه يدب فيها رصاصه يا...
كمم فاهها مره اخرى
مالك:باااس ناويه تكملى الوصله اللى بدأتيها تحت و بعدين مش انتى قولتى امبارح طلقنى و انك مش هاتكملى معترضه ليه الوقتى و لا انتى رجعتى فى كلامك
و تركها و دلف للحمام جلست حور تغلى و قامت بجمع ملابسهم خرج مالك بعد فتره
مالك:ايه دا انتى رجعتى الهدوم فى الشنطه ليه
حور:عشان راجعين الوقتى
مالك:ليه
حور:زهقت و اتخنقت عايزه ارجع البيت
مالك ببرود:اوكى
*************
عند سمير كان يشعر بالتعب الشديد
و كان يتحدث مع حور
سمير :عشان خاطرى يا بنتى سامحنى على اى حاجه عملتها فيكى و تعالى نفسى اشوفك يا حور
حور:حاضر يا عمى ان شاء الله سلام
و اغلق مع حور و سمع رن الجرس ذهب سعد ليفتح
سعد:واحد عايزاك يا بيه
ذهب سمير:ايوه يابنى
المحضر:امضى هنا يا حج و اعطاه ظرف
سمير بتسأل :دا اى
المحضر:دا اعلان من المحكمه
سمير:ماشى
و اغلق الباب و فتح الظرف
سمير بتعب:حجر دى اخرتها يا حامد اااااااه و سقط ارضا
ينقل سمير للمستشفى و تذهب حور لزيارته
سمير:انا كنت عايز اديكى حقك يا بنتى بس منو لله حامد حجر عليا خد كل اللى حليتى عشان مديكيش حاجه انا اسف يا حور
حور:انا مش عايزه حاجه اهم حاجه تقوم بالسلامه
سمير:بأذن الله
حور:طيب هاستأذن انا عشان الحق اروح
سمير:مع السلامه
فى السياره رن هاتف مالك
مالك :ايوه يااحمد
احمد:بقولك يا مالك انا رايح النهارده عزا ابن عم جابر
مالك:البقاء لله مين دا انا معرفوش مات امتى و ازى
احمد:مات من يومين بيتهم اتهد عليه هابقا اوريهالك فى c.d بتاع فرح جنا
مالك:طيب استنانى عشان اجى معاك
احمد:تمام
****************
بعد العزا دلف احمد و مالك الى فيلا مالك
مالك:روح حط C.Dفى الجهاز على مااجى
احمد :تمام
مالك دلف الى حور
مالك:حور عايز كوبيتين عصير و على فكره احمد بره
حور:ماشى
ذهب له مالك :ها شغلتو
احمد:اااه بس اول مايجى هاوقفلك الصوره......اهو
مالك:بعيده اوى كبرها شويه
احمد:كدا
مالك:كمان شويه
احمد:هااااا
مالك:كدا تمام
حور جاءت بالعصير لكن فجأه تسمرت مكانها و ارتجفت اوصالها
شعر مالك بحور فانتفض عندما رأها
مالك بفزع و اخذ الصنيه من يدها:مالك يا حور فى ايه
قامت حور بدفن رأسها فى صدر مالك
حور ببكاء:هو يا مالك هو ابعدو عنى يا مالك
قام مالك بحمل حور و ادخلها غرفتها
مالك:هششش اهدى يا حبيبتى و قوليلى مين دا
حور بنبره باكيه :هوا انا مش قادره اهئ اهئ
مالك بقلق:حور فهمنى عشان خاطرى
حور بإنهيار:هو شهقه دبحنى شهقه زيو اهئ اهئ
جحظت عينى مالك
مالك:هوا دا واحد منهم
تشبثت حور بقميص مالك
مالك:خليك جمبى متسبهوش يجى
ربت مالك على ظهر حور و هدائها و هناك نار مشتعله فى قلبه لانه لم يستطيع ان يحاسب ذلك الكريهه على فعلته عندما شعر مالك بانتظام انفاس حور نهض و قبل جبينها و خرج و لم يجد احمد
فقام بالاتصال به
مالك:متزعلش ياحمد بس انتا شوفت اللى حصل
احمد:و لا يهمك يا مالك المهم هى بقت كويسه
مالك:الحمدلله تصبح على خير
احمد:تلاقى الخير
***********
بعد مرور ايام سمعت حور بموت عمها و حزنت عليه كثيراا
************
بعد مرور اسبوعين
فى فيلا ماااالك فى غرفة حور
ندى:بقى دى اخرتها يخطب و انا موجوده و كمان يعزمنى يا بجاحتو
حور:مش انتى اللى ضربتيه و صدتيه
ندى:يقوم بخطب
حور:حقه
ندى:لا مش حقه بدام انا موجوده مش من حقه يخطب واحده غيرى
حور بخبث:عايزه تغيظه
ندى:اااه
حور:هاتسمعى كلامى
ندى:كلى اذان صاغيه
حور:عروسته متجيش نقطه فى بحر جمالك
ندى: و بعدين
حور نهضت و اخرجت فستان من خزانتها
ندى بانبهار:انا هالبس دا
حور:ايوه
ندى:دى ولا فستان العروسه نفسها
حور بمكر:دا المطلوب
ندى باعتراض:بس..
حور:مبسش اسمعى الكلام
ندى:حاضر
و بعد دقائق دلفت المزينه
ندى:يا حور اى كل دا صدقنى مش انا العروسه
حور :لازم تبقى احلى منها
ندى:يختااااى
فى المساء انتظر مالك حور و ندى كان واقف بملل مستند الى سيارته و فجأه نزلت حور بمنظرها الذى اذهل مالك و جعلته لا يستطيع حتى ان يشيح بنظره بعيد عنها
حور بأحراج:ايه يا مالك فى ايه بطل تبصلى ندى موجوده
مالك:مش قادر مبصلكيش هو انتى لازم تبقى حلوه كدا
ندى:مالك يا مالك متنح كدا ليه يا بابا
نظر لها مالك بغيظ
مالك :عايزه ايه يا ندى فى يومك دا
ندى بغرور:افتحلى باب العربيه
مالك:ليه مشلوله و لا مشلوله
ندى:اتغيرت اوى يا مالك بقيت بيئه و الفاظك سوقيه
مالك:اتصرفى معاها يا حور
حور:يلا يا ندى نركب العربيه
و فتحت حور الباب الخلفى و دلفت ندى و كانت حور ستدلف ورائها لكن امسكها مالك من ذراعها
مالك:لا انتى تركبى معايا قدام
قامت ندى بمسك ذراعها الاخر
ندى:لا حور هاتركب معايا ورايا
مالك:لا هاتركب معايا قدام
ندى:لا هاتركب معايا ورا
مالك:ندى
ندى:مااااالك
حور:بااااااااااس معلش يا ديدى هركب مع مالك الوقتى و احنا راجعين هاركب معاكى
ندى:ماشى
وصل مالك و حور و ندى الى القاعه و دلفوا اليها لم يجدو احمد و لا حتى العروس
ندا:هيا الخطوبه اتفركشت.....
قاطعها صوت احمد
احمد و يتحدث فى الميك:مسااااء الخير طبعا كلكم منتظرين وصول اميرتى و عايزين تعرفه هيا مين انا هاعرفكم بيها الوقتى و ذهب الى ندى و امسك بيدها ووصل بها الى منتصف القاعه
احمد:احب اعرفكم بأميرتى اللى خطفت قلبى من اول نظره اللى محبتش و لا هاحب زيها و اللى مهما قولت كلام عشان اوصفها ميجيش ذره فى حبى ليها ثم وجه حديثه لندى اميرتى تقبلى تتجوزينى
امتلئت عيون ندى بدموع الفرحه فأخيرا عوضها الله عن كل ما عانته برجل لن تجد بحبه و اخلاصه و حنانه اشارت ندى بنعم و الابتسامه تزين وجهها الجميل اخرج احمد دبله و قام بإلبساها اياه و اكملت الخطوبه بعد بعد انتهاء الخطوبه اصر مالك على اكمال الاحتفال بمنزله و اخبر فريال بتجهيز غرفتين
وصل مالك و احمد و ندى و حور و محمود امام منزل مالك و سط مزاح احمد و ضحكات مالك فجأه نظر مالك بذعر امامه ثم الى حور و اخترقت الرصاصه جسد مالك
توقعاتكم.......؟
#براءه