رواية لعبة القدر الحلقة 19

بارت 19
محمد بقلق :لو سمحت يا دكتورقولى فى ايه
الطبيب بمرح:اهدى هيا كويسه كنت بشوف غلاوتها عندك
محمد بارتياح:ربنا يسامحك سيبت ركبى
الطبيب بجديه:هيا حاليا لسه تحت تأثير البنج و العمليه مبدأيا ناجحه لسه لما تفوق و اكشف عليها نتأكد اكتر
والدتها:الحمدلله يارب
والدها:يارب تم شفاها على خير
محمد :يارب
**************
اما عن احمد فذهب الى وفاء
احمد:لو سمحتى
وفاء:اتفضل
احمد:انا كنت عايز انسه ندى
وفاء باستغراب:تقصد ندى مين
احمد:اللى انتو بتقوللها جيدا
وفاء :الله و انت تعرف كل دا ازى مين اللى قالك ان جيدا مطلعه على نفسها اسم ندى
احمد بارتياح و تأكدت ظنونه فقال لها بلهفه:طيب هيا فين
وفاء:هوا انت من اهلها غريبه مقلتليش
احمد بضيق:يا ستى خليكى معايا
وفاء:فى اى يا دلعدى محموق على اى حد قالوكو تسيبوها كل من هب و دب ينهش فيها
احمد :قصدك اى باللى بتقوليه
وفاء:قصدى بسبب رميتكو ليها عمرو الكلب بيدايقها و النهارده ياحبة عينى شوفتها بتجرى و ال*** بيجرى وراها و ياعالم مسكها و لا فلتت منو
احمد:فهمنى فى اى وضحى
وفاء :عايز يعتدى عليها محتاجه توضيح اكتر من كدا
فجحظت عينه ثم قال:ادينى عنوانها
وفاء:(.......)لو لقتها ابقى طمنى عليها
ركد احمد الى سيارته و استقلها الى بيت ندى
وصل الى العنوان فوجد الباب مغلق
طرق على الباب
احمد:ندى افتحى يا ندى
و عندما لم تجيب قام بدفع الباب عدة مرات حتى كسر و دلف للداخل فوجد الشقه فارغه جلس فى غرفتها بيأس
احمد:تعبت يا ندى تعبت و قلبى واجعنى اوى انتى فين يا ندى و فجأه........
***********
فى فيلا مالك
كانت شروق تشاهد الT.v
حور:شوشو
شروق:ادخلى فى الموضوع من غير مقدمات
حور:اعمل فيكى اى يا شوشو دايما فاهمنى صح
شروق:تربيتى يا بت قولى عايزه ايه
حور: عايزه اخرج اجيب صحبتى هنا و اجى
شروق و تشد اذنها:تخرجى فين يابت الساعه دى
حور:اى اى يا ماما صحبتى جايه هنا و تاهت و عيبه فى حقى ابعتلها مالك تتحرج
شروق :انتى عارفه لو مالك شم خبر ان هايسود عيشتنا و هيخلى يومك هباب و انا هبيعك انا ناقصه بهدله
حور:موافقه بس دارى عليا
شروق:غورى يلا بسرعه
حور:صاروخ
و خرجت حور فى سرعة البرق
وصلت حور لندى و عانقتها
حور باشتياق:وحشتينى يا ندى
ندى و تبادلها العناق:و انتى كمان يا حور
و ابتعدو عن بعضهم و قامو بالسير لمنزل حور
و لكن حدث ما لم يكن فى الحسبان و رأها مالك و قام بالسير خلفهم حتى وصلت حور و ندى و دلفو للمنزل و قامت حور بإرشاد ندى الى غرفتها
حور لشروق :الحمدلله فلت ياشوشو
شروق:.............
حور بقلق:مالك يا شوشو ساكته ليه اوعى يكون فصل فيا
شروق:............
حور و جف حلقها:يبقى مش فصل و مالك ورايا و كانت سوف تركد لكن لفرق الطول بينهم فلم تركد حور خطوتين و شعرت انها بالهواء
قام مالك بامساك حور من (قفاها)و رفعها اليها
حور:يختاااااى الحقنى ياماما نزلنى يا مالك
مالك و يحاول كبح ضحكته من منظرها:ايه اللى خرجك الوقتى ياحور
حور بإستغاثه :نزلنى و هافهمك
مالك:انطقى
حور:اه يانى كنت بجيب صحبتى هاتقعد معانا
مالك :بردو مجاوبتيش على سؤالى ايه اللى خرجك
حور:الطم اغنيهالك
مالك و انزلها :بدام هاتلطم و تغنى يبقى فوق و انحنى قليلا و حملها على كتفه
مالك لشروق:هنتحاسب الصبح يا شوشو
شروق:مليش دعوه بيها انا لاحول ليا و لا قوه
مالك:عليا بردو دا انا مالك تصبح على خير
شروق :تلاقى الخير يابنى
بينما حور كل هذا الوقت تندب حظها و هيا على كتف مالك
حور:يا ميلة بختك يا حور يا حظك الاسود يا حور ياللى مشوفتيش يوم عدل فى حياتك يا حور يا.....
قاطعه مالك :باااااس ايه مصوره و اتفتحت اسكت بقا
حور:حرام اتكلم مش كفايه شايلنى زى شكارة الرز فى واحد يشيل مراتو كده دى مش معامله دى
انزلها مالك بعد ان دلف الى غرفته
مالك بأنبهار:لا اتطورتى و اعترفتى انك مراتى
حور :افتح الباب بقى و عدينى كفايه تهزيق بقا
مالك:هو انا لسه هزقت
حور و ذهبت حلست على السرير (و ربعت رجليها و حطت ايديها على خدها زى عبله كامل):لا دا احنا ليلتنا طويله و انت معبى
مالك بهيام و يقترب:اوى
حور:احترم نفسك بدل ماعضك
مالك:فصيله
حور:اخلص عشان عايزه اروح للبت
مالك بتلكيك:طيب عشان لسانك الطويل دا هتنامى هنا النهارده
حور بصدمه :نعم
مالك :زى ما سمعتى
و خلع المفتاح ووضعه فوق الدولاب
حور بنبره باكيه:الهى تقصر يا بعيد
لم يستطيع مالك التحمل و ظل يضحك كثيرا حتى ادمعت عيناه
حور و تنظر للدولاب:اضحك اضحك مانتا مش حاسس بأحساسى
مالك:يابت بطلى بقى انا داخل الحمام اخد دش و اغير و انتى كمان فكى كدا عشان تعرفى تنامى
قامت حور بخلع طرحتها و عبائتها و ظلت ببنطال جينس و تى شيرت اسود بحمالات و قامت بتبريد الغرفه و قامت بأحضار ملاءه و نامت على السرير و وضعتها فوقها خرج مالك بعد دقائق ليجد حور غطت فى النوم امسك ريموت التكيف و رفع درجة الحراره لتصبح معتدله و يجلس ينهى عمله على اللاب ينظر على حور بعدما انهى عمله بعد دقائق ليصدم ب.........
ايه اللى حصل فى شقة ندى...؟
ايه اللى صدم مالك........؟

نظر لها فصدم بهيئتها وضع رأسه بين يديه
مالك:عايزه تعملى فيا اى يا حور حتى و انتى قريبه منى لسه بعيده امتا هاتحبنى زى منا بحبك امتا هاتحسى بيا يا حورية قلبى نهض مالك و نام على الفراش و سحب حور لاحضانه و غطا فى النوم
****************
فى شقة ندى
سمع عمرو صوت فى الخارج فنهض ليخرج و لكن اوقفه صوت ذلك البغيض
عمرو:فكره انك ممكن تهربى منى انتى طلعتى اغبى من ماكنت اتخيل
فعرف احمد انه من يحاول الاعتداء عليها و غلى الدم فى عروقه فقام بالاختباء فى الغرفه حتى يوقع به
دلف عمرو للداخل و ما ان دخل حتى اغلق باب الغرفه فنظر للواقف بذعر
عمرو بتوتر:ااا...انت مين
انقض عليه احمد :عملك الاسود
ظل احمد يضربه حتى افرغ شحنة الغضب بداخله قام احمد بتحريكه بقدمه
عمرو بوجع:ااااه
احمد:قوم يلا يا***** مشفش وشك تانى و اياك اشم بس انك فكرت فى ندى
عمرو بوجع:ولله ماعرف حد بالاسم دا
احمد:اقصد جيدا فاهم قوم يلا فز اختفى من قدامى بدل ما اكمل عليك
نهض عمرو بوجع و قام بالركد خارجا
جلس احمد بتعب على السرير
احمد:خدتلك حقك يا حبيبتى بس ارجعى بقا
*************
فى المستشفى عند مى
فاقت مى و بدأت تأن بوجع
فاق محمد على صوتها الضعيف
جلس محمد امامها و امسك يدها:انتى كويسه يا مى
لم تجيب عليه فدخل الشك قلبه فخرج لينادى الطبيب
دلف الطبيب و بدأ بفحص مى
الطبيب:الحمدلله هيا كويسه
محمد:امال مش بتتكلم ليه
الطبيب:لسه تحت تأثير البنج
***********
فى الصباح شعرت حور بثقل كتفها
عندما نظرت عليه فشهقت بفزع
مالك بخضه:فى ايه يا حور انتى كويسه
حور بعصبيه:انت ازى تعمل كدا
مالك:عملت اى انا لسه صاحى من النوم
حور:انت ازى تنام جمبى يا محترم ازى سمحت لنفسك تعمل حاجه زى كدا
مالك بأندهاش:انتى عامله كل دا عشان نمت جمبك ياشيخه يارب تقصرى اكتر مانتى قصيره انتى وقعتى قلبى فى رجليا حرام عليكى
حور:انت مش حاسس انت عملت ايه انت نمت جمبى
مالك:يادى النيله يا حور انا جوزك
حور:يعنى اى يعنى دا يديك الحق تنام جمبى
جذبها مالك من شعرها
مالك:يابت انتى مجنونه و لا شكلك كدا يا ماما جوزك دى تدى حقوق اكتر من انى انام جمبك بس انا اللى طيب
حور:دا لما يكون حقيقى مش على الورق انت نسيت
مالك :لا منستش بس شكلك انتى اللى نسيتى لما تنامى كدا فى اوضتى و على سريرى
حور:و اعمل اى قولتلك احبسنى
مالك بقلة حيله:شكلو نهار مش معدى انا اسف يا حور اول و اخر مره اعذرنى ملقتش مكان تانى انام فيه و اكيد مش هنام على الارض
حور و هى تخرج من الغرفه:مش قد حبستى متحبسنيش
مالك بنفاذ صبر :الصبر من عندك يارب
*********
دلفت حور الى غرفتها
وجدت ندى مستيقظه و شارده فى ذكريتها و مازالت بثيابها
حور:صباح الخير على الندله اللى سابتنى اتعلق امبارح
ندى:هههههههه صباح النور يا حور انتى عارفانى مبحبش ادخل بين الواحد و مراتو
حور :ماشى يا سوسه بس انتى منزلتيش تحت ليه
ندى:اتحرج من جوزك يا حور لما يمشى هنزل و كمان لازم تحكيلى كل حاجه عنك و ازى اتجوزتى
حور:اوكى و انتى كمان تحكيلى موضوع حبيبك دا بس هنزل الاول اشوف الاوضاع تحت و غيرى هدومك عشان تبقى قاعده مرتاحه
ندى: اشطا فى رجاله فى البيت و لا انطلق
حور :لا انطلقى يا قلبى افتحى الدولاب و عيشى على ما اجى
وجدت حور مالك و شروق يتناولو فطورهم
حور:خيانه يا شوشو بتاكلى من غيرى طيب بزمتك نفسك مفتوحه ازى
مالك:عشان ابنها حبيبها قاعد معاها طبعا
ضحكت حور بسخريه:بتجاملك يا اخويا شوفها بقى الوقتى لما انا اقعد
مسكت شروق رأسها:اه يا دماغى لازم عن الصداع بتاع كل يوم ارحمونى بقا
حور:سلامتك يا ماما شوفت تعبتها ازى
مالك بأستنكار:انا ما كانت كويسه لحد ما سيتك شرفتى
كانت حور تتهيئ لافتعال مشكله
شروق:بااااااااس اقعدى يا حور و فهمى مالك موضوع صحبتك
حور و كأن شئ لم يحدث:اه يا مالك صحبتى واقعه فى مشكله و ملهاش غيرى فانا قولتلها تقعد عندى يعنى
مالك و لاحظ توتر حور:طيب انا شبعت يامى و ماشى عايزه حاجه
نظرت له حور بحزن و اشارت شروق لها بأن تذهب وراءه للمكتب فهى تفهم ابنها
نهضت حور و دلفت للمكتب فوجدت مالك يعطيها ظهره
حور بحزن:مالك
مالك:.......
حور بنبره باكيه:طيب ايه اللى زعلك
ما ان شعر مالك بدموعها استدار لها و اخذ يقترب منها الى ان وقف امامها و رفع رأسها بيده
مالك بحنو:طيب بتعيطى ليه مينفعش استفرد بيكى شويه
نظرت له حور بأستغراب :يعنى ايه
مالك:يعنى دا بيتك يا حور و حره تعملى فيه اللى انت عايزه بس بشرط
حور:ايه هو
مالك و يمسح دموعها:مشوفش الدموع دى تانى
و قبل جبينها بحنو و اردف:انا رايح الشركه عايزه حاجه
اشارت له حور بلا و هى فى قمة خجلها
*************
ذهب مالك لعمله و نادت شروق على حور
حور:نعم يا ماما
شروق:دخلينى انام يابنتى انام شويه هافضل صاحيه اعمل اى
حور:تقعدى معانا
شروق:لا خدى و ادى مع صاحبتك الاول و بعدين ابقى اقعد معاكو يلا يابت دخلينى
حور:حاضر
***********
صعدت حور للاعلى لتجد ندى مازالت شارده
حور :لا كدا كتير انتى حكايتك حكايه تعالى ننزل تحت عشان تحكيلى
ندى :تمام
حور انزلى انتى و انا هاغير و جيالك
و بعد دقائق
نزلت حور و كانت تعابير وجهها غاضبه
ندى:مالك با حور
حور بغضب:انتى مين
ندى:فى اى يا حور انا ندى
حور:كدااااابه
فلمعت الدموع فعيون ندى
توقعاتكم........؟
حور عرفت اى و ازى........؟؟

#براءه