الملاك الهارب👼الجزء التاسع و الاخير

#الملاك_الهارب
#الجزء_التاسع والأخير
أنا أتنفسك ، أتنفس وجودك ،رائحتك ،كلما إبتعدت يختنق قلبي وتضيق أنفاسي ،اقترب هنا لأستنشقك ،لتنتظم أنفاسي "
ملك : أمشي بقي
عز : حاضر ،هنتقابل امتي
ملك : بعد الشغل نتقابل
عز : تمام همشي واكلمك
ملك : تمام
أغلقت الباب ووقفت  ، سمعت طرقات علي الباب ،فتحت الباب
أيه يا عز نسيت ايه
عز مين يا حلوة ،اه الواد اللي انتي ماشية معاه اليومين دول
رجعت ملك عدة خطوات للوراء : أنت عايز ايه وعرفت مكاني إزاي
عادل : قولتلك هجيبك ومش هتهربي مني
ملك : أنت عايز ايه ؟! هصوت وألم عليك الناس
عادل : ودي تفوتني برده
أخرج عادل بخاخ وقام بالرش علي وجه ملك التي سقطت مغشيا عليها ، استيقظت ملك لتجد نفسها في غرفتها القديمة ويداها مقيدة في السرير وقدماها
ملك : أنت جبتني هنا ازاي ؟! وعايز ايه ؟!
عادل : رجعتك لمكانك جنبي ،مالكيش مكان غير هنا ومش هتخرجي من هنا غير وانتي ميتة
خرج وتركها وحيدة تبكي مرارة قدرها ،سمعت صوت شجار بينه وبين أمها بالخارج فزاد بكاء ملك المسكينة ،شعرت بطعنة أخري في قلبها ،كيف لأم أن تترك طفلتها هكذا حزينة ووحيدة وتشاهدها وهي تتعرض للأذي وينكسر قلبها ، وتعاني روحها
مرت عليها عدة أيام لا تذكر عددها ، امتنعت عن الطعام ،حتي ذبلت  وبهت لونها ،وأمها تدخل لها بالطعام كل يوم وهي تترجاها لتأكل بعض اللقيمات وملك المسكينة تمتنع
ملك :انتي عايزة أيه سبيني اموت بقي
بعد الشر عنك ،متقوليش كده
ملك : أنا ولما هترتاحي مني ،وأنا هرتاح انتي عمرك ما كنتي ام ،كان نفسي تحميني منه ،اي ام في الدنيا حتي لو حيوانة بتدافع عن والدها حتي لو هتموت ،انتي رمتيني ليه ،ايه المقابل قصاد انك بعتيني
انا مبعتش أنا خوفت اتكلم خوفت اوي ميكونش معايا حد ،أنا بخاف من الوحدة مش عايزة ابقي لوحدي
ملك : وانتي في امان دلوقتي ؟!
لا انا خايفة أكتر من الاول
ملك : اعملي آخر حاجة واحدة حلوة افتكرك بيها ممكن ؟! ساعديني أهرب ومش عايزة حاجه تاني
مقدرش ممكن يقتلني ....
ملك : كنت عارفة أنك أنانية وجبانة وعمرك ما هتبقي ام
طيب بصي أنا هديلك تليفون ،تكلمي حد يجي ينقذك ولو مسكك أنا مقولتش حاجه
ملك : والله ما هقول انك ساعدتيني بس أرجوكي ساعديني ومش هقول
التليفون اهو ،أنا خارجه أنا مشوفتش حاجه
اخذت ملك الهاتف واتصلت علي رقم عز ،لم يجب أولا ولكنه اجاب أخيرا
عز: مين معايا
ملك : أنا ملك يا عز
عز : ملك إنتي فين يا حبيبتي ،أنا لفيت كل حتة بدور عليكي
ملك : الحقني يا عز جوز امي رجعني تاني أنا خايفة أوي
عز : قوليلي مكانك وهجيلك فورا
ملك : المكان ..........
عز : متخافش يا حبيبتي مش هتأخر أنا جاي
في دخول عادل : انتي بتعملي ايه ومين ادالك التليفون ده
ملك : محدش أنا سرقته
عادل : فاكره حبيب القلب هينقذك انتي ليا بس
ملك : مستحيل أنا لعز وبس وهياخدني من هنا وهتشوف
الجملة الأخيرة أثارت غضب عادل الذي بدأ في ضرب ملك وتمزيق ثيابها وهي تصرخ مستنجدة ، دخلت أمها وفي يدها سكين
سيبها يا عادل وإلا هقتلك ،سيبها تمشي ونرجع نعيش حياة طبيعية من غيرها
عادل : مستحيل اسيبها دي ربيتها علي ايدي ودي ليا أنا وبس محدش هياخدها مني
يبقي أنت اللي جنيت علي نفسك لاما تبقي ليا لاما نموت سوا
ترك ملك واتجه نحو والدتها وبدأ الشجار معها ليسقط السكين من يدها و تركض نحوه ملك وتحاول الدفاع عن والدتها في دخول عز
الذي بدأ شجاره مع عادل وأخرج عادل مسدس من جيبه وأطلق النار ،لتسقط ملك مغشيا عليها 
في المشفي ترقد ملك علي السرير وبجانبها عز الممسك بيدها
ملك : أنا فين ؟!
عز: في المستشفي
ملك بلهفة : أنت كويس حصلك ايه
عز : متخافيش جرح خفيف
ملك : ايه اللي حصل ؟! وماما ؟!
عز : اول ما انا دخلت صوب مسدسه ناحيتي بس مامتك ضربته بالسكينة
ملك :وهي فين ؟!
عز : اتقبض عليها للأسف
ملك : ربنا معاها
محمد : حمدالله علي سلامتك يا بنتي
ليلي : حمد الله علي سلامتك يا ملك ؟ انتي كويسة
ملك : كويسة يا لولي الحمد لله ، عز أنا عايزة أخرج أنت عارف بكره المستشفيات وبعدين أنا بقيت كويسة
عز : خليكي لما نتطمن عليكي وبعدين نخرج
ملك  : صدقني بقيت كويسة حتي شوف
قامت ملك من علي سريرها فجأة فشعرت بالدوار يكتسح كيانها ،فأمسك عز بها قبل أن تسقط .
عز : قولتلك يا ملك خلينا شوية
ملك : يوووه نخرج من هنا وهأبقي كويسة
عز : خلاص نروح اشوف الدكتور
خرجت ملك من المشفي واتجهوا لبيت عز ،ساعدها عز بالدخول إلي غرفتها
عز: ارتاحي بقي وانا هعمل أكل عشان تاكلي
ملك : مش عايزة أكل عايزاك جنبي
عز : ما انا جنبك يا حبيبتي اهو
ملك : خليك معايا لحد ما انام طيب
عز : ماشي يا ستي انا معاكي اهو
ملك : كنت خايفة أوي اموت قبل ما اشوفك
عز : متقوليش كده يا ملك ،ربنا يخليكي ليا
ملك : عارف يا عز ، أنا حبيتك من أول ما عرفتك ، حبيت السعادة اللي بتخلقها بوجودك ، حبيت قلبي اللي مبيفرحش غير معاك كنت خايفة أحبك اكتر مكنتش عارفة نهاية المشاعر دي ايه خصوصا وأنا عارفة ان علاقتي بيك مؤقته واني مرحلة في حياتك وهتخلص ، اكدلي الشعور ده لما رحمة ظهرت في حياتنا ،حسيت اني كنت غلط من الاول لما حبيتك بس مكنتش ندمانة ،ساعتها افتكرت حاجه غريبة أوي كنت دايما أقرأ رواية The fault in our stars
كنت بقف عند جملة كده وهي بتقوله مينفعش أكمل في العلاقة دي هكسر قلبك ،رد عليها وقالها شرف ليا قلبي يتكسر بواسطتك ، كنت كل مرة بحس ان الجملة دي أغبي جملة ممكن حد يقولها ،ازاي ابقي عارفة ان قلبي هيتكسر وأكمل ،بس معاك فهمتها وحسيتها كنت علي استعداد قلبي ينكسر بس مبعدش عنك ،أفضل قريبة منك أفرح قلبي بأقل حاجه منك ،كنت دايما أقول لنفسي " قليلك يكفيني "
انا بحبك ومش عايزة من الدنيا غيرك 
عز : وانا بحبك جدا وكنت مستعد اضحي بعمري بس ابقي معاكي
ملك : خلاص بقي هترغي معايا ،اعمل الأكل
عز ضاحكا : انتي مش طبيعية يا بنتي والله بتقلبي في ثانية
ملك : عايزة انام جدا
عز : خلاص يا حبيبتي أحلام سعيدة
ملك ضاحكة : ليه هحلم بيك
عز : لا انا مش فاضي للأحلام هابقي في المطبخ
بعد عدة أشهر
ملك : خلاص يا حبيبي 10 دقايق بالظبط وهكون جاهزة والله
عز : المعازيم كلها وصلت القاعه يا ملك
ملك : خلاص يا بني جاهزة والله
في الفرح
عز : انتي عارفة أنك احلي عروسة عيني شافتها
ملك : طبعا يا بني أنت متجوز ملكة جمال
عز ضاحكا : أيوه ملكة جمال العشوائيات
ملك : تقصد ايه يا عز
عز : لالا خالص قمر يا حبيبتي
في الجانب الآخر كانت رحمة تقف مكسورة القلب حزينة ،تنظر إليهم في حسرة وتردد في نفسها " الحلم لي والواقع لها "
خرجت من القاعه حزينة لتصطدم بأحدهم
رحمة : أنا آسفة
لا خالص محصلش حاجه ،انتي كويسة
رحمة : أيوه كويسة
مش باين عليكي
بدأت رحمة بالبكاء وركضت خارجة ، خرج خلفها
أهدي بس هو حصل حاجه
رحمة : أنت مالك خليك في نفسك
انا غلطان كنت عايز اساعدك
رحمة : أنا آسفة بس انا مضايقة ومش عايزة اضايق حد
أخرج منديل ورقي من جيبه ،اتفضلي بس امسحي دموعك بوظتي المكياج المصروف عليه
ضحكت رحمة وهي تمسح دموعها ، تقدم بجانبها ومد يده : أنا عبد الرحمن وانتي
رحمة : أنا رحمة بنت عمة العريس
عبد الرحمن : أهلا بيكي يا ست رحمة ،انتي طلعتي حلوة  اوي
رحمة : نعم أنت تعرفني
عبد الرحمن : لالا مفيش

الواقع ملئ بالخذلان ،بالألم ،صوت تحطم القلوب يغمر كل الأرجاء ، من منا لم يتألم قلبه ولو مرة ، من منا لم يبكي ويحزن ويعتصر قلبه ، الحياة ظالمة وقاسية ،والخيال ربما مهربنا  الوحيد ، كل قصة حب عظيمة تركت خلفها قلب مكسور لكنه خلف الستار ،في الظلام لا يشعر به أحد او يراه
رسالتي الأخيرة ،تعلموا الحب ،تعلموا كيف تحافظوا علي القلوب ،كيف تصبحون كنسمة هواء دون أذي دون ألم ،فكسر القلوب لا يُجبر
Hadeer_saeed