الملاك الهارب👼الجزء الثامن

#الملاك_الهارب
#الجزء_الثامن
" فلتأخذ قلبي إن ردت ، ولك روحي إن رغبت ، لك قلبي إن بقيت ولك قلبي إن هجرت "
عبد الرحمن : تليفونك بيرن
ملك : عارفه
عبد الرحمن : ده عز برده
ملك : أيوه
عبد الرحمن : طيب ما تردي يا بنتي
ملك : هو بقاله أسبوع بيرن من آخر مرة اتكلمنا ، وأنا معنديش طاقة ارد
عبد الرحمن : بطلتي تحبيه
ملك : بالعكس خايفة أضعف
عبد الرحمن: إزاي
ملك:  عارف أنا شايفة عز إزاي ، عز الدعوة اللي انا دعيتها وأنا في قمة ضيقي وحزني ، ربنا عوضني بيه عن كل حاجه وحشة شوفتها اول ما عرفته قلبي دق ، كنت سامعة دقات مختلفة إحساس اول مرة أحس بيه ، عارف وهو بيتكلم كلامه كان بيدخل قلبي علي طول بيبقي نفسي اوقفه وسط الكلام واقوله أنت عارف اني بحبك اوي ، بس مكنتش بقدر ، كنت بحس بحاجز بينا يمكن الحاجز ده وجودها ويمكن إحساسي انه عمره ما هيكون ليا ، أول مرة أحس اني عندي مشاعر بجد كانت معاه ،أول مرة أحب نفسي وأحس أني اتحب كان معاه ، أنا عارفة ان احتمال كبير اوي ميكونش ليا ويكمل معاها ،مش زعلانة ايوه أنا قلبي واجعني إنه مش معايا بس مبقاش فارق معايا أنا اتعودت علي الخسارة ، كل اللي عايزاه يكون مبسوط وسعيد حتي لو معاها هي ، عارف انا بطلت أدعي يكون من نصيبي ، حاسة اني لو دعيت حتي الدعوة دي هكون بخونها وبظلمها ، أنا مرضاش قلبها ينكسر بسببي
عبدالرحمن: بس انتي قلبك انكسر بسببها
ملك : هي بتدافع عن حبها هي حبته قبلي وعرفته قبلي ،طبيعي تخاف عليه مني
عبد الرحمن: بس هو بيحبك انتي
ملك : المشاعر بتتغير ، بكره يحبها هي
عبد الرحمن: وانتي مشاعرك هتتغير
ملك : أنا معرفتش يعني ايه حب ومشاعر غير معاه ،مشاعري كلها ملكه مش ملكي أنا
عبد الرحمن : بس هو هيرجعلك يا ملك وهفكرك
ملك :  القدر مش لصالحي
عبد الرحمن : المهم عامله ايه في الشغل
ملك : تمام عادي الشغل ماشي ، عايزة أشكرك علي مساعدتك ليا
عبد الرحمن : انتي اختي يا بنتي ربنا يسعدك
ملك : طيب الحق أمشي أنا بقي ،عشان هعدي علي ليلي في المدرسة اقعد معاها شوية
عبد الرحمن : تمام خدي بالك من نفسك
ملك : لولي عامله ايه وحشتيني
ليلي : انتي كمان وحشتيني اوي ،بس أنا زعلانة منك
ملك : ليه بس يا ليلي ؟!
ليلي : انتي مزعلة أبيه عز ليه ، علي طول قاعد في أوضته وزعلان  ومبيكلمش حد حتي رحمة بتيجي نقعد عندنا ومش بيرضي يقابلها
ملك : أنا مزعلتوش يا ليلي هو مزعلني
ليلي : طب انا قولتله يجي يصالحك
ملك : انتي قولتيله اني جاية ،كده يا ليلي مش ده سرنا الصغير
ليلي : أنا عايزة ترجعي عندنا تاني وده مش هيحصل غير لما تتصالحوا
ملك : طيب انا ماشية دلوقتي ،وهابقي اجيلك تاني
خرجت ملك مسرعة هاربة من قدوم عز ،لتصطدم به أمام باب المدرسة
عز : وحشتيني
ملك :.........
عز : أنا موحشتكيش يا ملك
ملك : مفيش داعي للكلام ده عن إذنك
عز : ملك أرجوك استني ،نتكلم شوية وبعدها اعملي اللي انتي عايزاه
ملك : تمام ،تحب نتكلم فين
عز : في كافيه قريب ممكن نقعد فيه لحد معاد  انصراف ليلي
ملك : تمام
عز : أنا بحبك يا ملك ،أنا عمري ما قولتها بس انا حاسسها من أول ما خبطتك بالعربية وشيلتك في حضني وروحت بيكي المستشفي وكنت بدعي ربنا يشفيكي ولما فضلتي طول الليل نايمة وعيني عليكي وقلبي بيدق بسرعة كنت خايف عليكي كأنك جزء مني ،حتة من روحي ، أول مرة دخلتك بيتنا وكان نفسي تفضلي فيه للأبد ، أول مرة قعدت معاكي علي عتبة بيتنا ،أول مرة حكيتي عنك ، أول مرة حضنتك ،أنا قلبي واخدني ليكي ومش عايز حاجه غيرك ، أنا غلطت والله عارف بس جه من شدة حبي ليكي
ملك ببكاء : أنا كمان بحبك ، بحبك جدا أكتر من نفسي وعمري ما حبيت ولا هحب غيرك ،بس مبقاش ينفع ،هو مكنش ينفع من البداية ،أنا مش مناسبة ليك هي مناسبة شبهك ونفس حياتك ، بتحبك وانت اكيد هتحبها ،هتنساني صدقني
عز : أنت بتحكمي عليا كده ليه وكأنك عايشة في قلبي مش واثقة في حبي ليه
ملك : هتنساني عشان انا اتنسي ،وأنا هفضل فكراك عشان اللي زيك ميتنسيش ، ارجعلها يا عز هي بتحبك وانت مسيرك تحبها
عز : انتي شايفة كده يا ملك
ملك : أيوه يا عز
عز : تمام ،سلام يا ملك أشوفك علي خير
خرج عز راحلا وبدأت ملك في البكاء ،
تحبه ولا تري سواه ،لا أحد في الدنيا يملأ قلبها وعقلها غيره ، ياليتها قابلته منذ زمن ،ليتها قضت طفولتها معه وبجواره ،ليتها أحبته اولا ووقعت في غرامه اولا ،ليته كان لها وحدها ،كانت حينها ستحارب به العالم
مرت أشهر وملك تسأل عن أخبار عز دون رؤيته ،اشتاقت له لرؤيته تعلم أنه ليس بخير وهي أيضا ليست بخير.
استيقظت  في منتصف الليل علي صوت طرقات علي الباب ،نهضت فزعه نحو الباب ، لتجد عز في منظر مزري
ملك : عز في ايه مالك ؟!
احتضنها عز بقوة واغمض عينيه ، قاومت ملك رغبتها في احتضانه فلم تستطع ،احتضنته بقوة واستنشقت رائحته ،بكت من شدة شوقها له
عز : أنا مش كويس من غيرك يا ملك
ملك : ولا أنا ، حاسه بقلبي مش في مكانه عايشة عشان معنديش حل تاني من غير إحساس ولا مشاعر
عز : ارجعيلي يا ملك ، أنا كل يوم باجي عند بيتك بحس اني مخنوق ومبعرفش اتنفس غير وأنا قريب منك  ارجعيلي يا ملك
ملك : ورحمة ؟!
عز : رحمة سابتني قالت إنها عمرها ما نجحت تخليني احبها ،كانت فاكرة لما تاخدني منك كده انتصرت الموضوع بالنسبة لها كان حرب مش اكتر ، هترجعيلي يا ملك مش كده ؟!
" احتضني حتي تنكسر ضلوعي ،فإنكسار ضلوعي يرمم جرح قلبي ، أعد لي روحي التي سلبتها بغيابك ،أعدني إليّ أو عد أنت لي "
Hadeer_saeed