التحدي الاخير (الجزء الثاني)

(2)
ورجعنا الفندق ع الساعة عشرة ونص بالليل علشان نلاقي مفاجئة مستنيانا
صندوق كبير ع الباب ولما احمد مسكه علشان يفتحه
سمعنا صرخة جايه من حمام الجناح بتاعنا سيبنا احمد قدام الباب وجرينا ناحية مصدر الصوت ولما دخلنا نشوف ايه اللي بيحصل لاقينا إللى مكانش يخطر على بالنا
لاقينا...
ستارة البانيو بتتحرك وفى خيال ف الحيطة قدامنا وكلام ورسومات غريبة بتظهر وتختفى كل مانقرب منها مشيت انا وكمال ورامى ناحيه الستاره اتشجعت وفتحتها لاقيت الراجل اللى كان وصلنا للجناح بتاعنا ف الفندق متكور ونايم ف البانيو وعينية مبرقة لنا وبقة مفتوح ع الاخر كانه شايف منظر مرعب وحنفية البانيو بتتنزل ميه عليه لغاية ماتملى ع الاخر وبعدين الميه اتحولت لدم وهو غرق براسه جوه
طيب الراجل مات ازاى ده كان لسه معانا ؟ كنا مبلمين كلنا م الصدمة بصراحة ومعرفناش نتصرف وفضلنا باصين لمنظر الرجل المرعب والمية اللى ف ثوانى اتحولت للونها الطبيعى والخيال اختفى
رامى صرخ : يادى المصيبة الراجل مات ولو جه حد واكتشف هنروح ف داهيه ومش بعيد يرحلونا وتعبنا يروح ع الفاضى
رد كمال : احنا نشيل الجثة من البانيو وناخدها ف شوال ونرميها ف اى حته
قلت لهم وانا متعصب تشيلوا جثة ايه يااغبياء احنا مالناش دعوة احنا نطلع ندور على احمد مالهوش ده مالوش حس من ساعة م سيبناه بره انا خايف يكون حد عمله حاجة
قفلت الستارة وخرجنا كلنا م الحمام ندور على احمد صاحبنا اللى كنا سايبينه برة ف الاوضة واحنا خارجين الكهربا قطعت
.ثوانى والنور رجع علشان نكتشف ان احمد اختفى م الاوضة هو كمان قعدنا ننادى عليه محدش رد دورنا ف البلكونه وبصينا ع الشارع مالاقيناش حد ولما رجعنا لاقينا الصندوق جمب الباب زى ماهو
كمال : انا هفتح الصندوق يمكن فيه حاجة تخلينا نوصل لمكان احمد
وقام فتح الصندوق وجالنا زهول لما لاقينا كف ايد بنى ادم متحنطة ....
رامى : يانهار اسود ... وقعد يصرخ بهستيريا احمد مات لاأأ وبعدين بتسم زى المجنون وقال : احححمد مماتش صح اكيد دى اشتغاله مش كده؟
وقرب عليا ومسكنى م ياقه القميص وصرخ فيا انطق ياندل ياجبان انت تعرف حاجة ومخبيها علينا انطق بدل ماموتك فى ايدى احمد فين؟!!! ورمانى ع الارض وركب فوقى وفضل يخنق فيا وانا اقاوم
فصرخ كمال فيه : انت اكيد مجنون انت كده هتودينا ف داهيه رسمى وبدل الجثة هيبقوا اتنين وشدنى من تحت ايده
قومت وحطييت ايدى على رقبتى ومسكنى كمال وراح قايل : اهدوا ي جماعة اكيد قصدهم يخوفونا بالتصرفات دى ويلعبوا باعصابنا علشان ننفعل ومنكملش التحدى
قولت بصوت مجهد : كنت هموت ف ايدك حرام عليك ياخى
رامى : احنا لازم نسيب المكان ده ونمشى حالا بلاها التحدى الزفت ده العمر واحد والرب واحد
كمال: خلاص ي جماعة احنا هنفكر مع بعض مش وقت تحدى خالص لازم نلاقى احمد وكمان لازم نشوف حل ف المصيبة اللى ف الحمام دى
وفجاه كمال راح ناحية الصندوق وقال : اكيد اللى خطف احمد مش هياذيه واكيد الصندوق ده فى حاجة تانيه غير الكف الغريبة دى ملاحظتوش اننا متراقبين اكيد ده من شروط المسابقة ومد ايده ورفع الكف وطلع ورقه ف جمب وقال بفرح : لاقيتها لا قيتها
رامى : هى ايه دى احنا مفاصلنا سايبه مش ناقصين فى ايه ف الورقه دى ؟
وبدأ كمال يقرا
لقد تم تحذيرك انت ورفاقك من الفضول فقط عليكم تنفيذ التحديات ولا تهتموا بما ترونه او تسمعونه فى هذا المكان .
التحدى الاول : دفن الجثة القابعة فى حمام الفندق والا فلن تجد الضائع للابد وتذكر جيدا ان الانسحاب معناه الهلاك المحقق
فقلت : احنا مستنيين ايه ياللا ندفن الراجل علشان نلاقى احمد ياللا ي جماعة ندخل نشيل الجثه.
كمال : باستغراب نعم ؟؟ وده من امتى ان شاء الله مش انت قلبت قطه من شويه ومكنتش موافق ياعمرو ايه اللى جد؟
وقبل مااكمل وارد عليه باب الجناح بتاعتنا خبط
رامى راح يفتح لاقى الراجل .......؟!
وقالنا بلهجة عربى مكسرة : عاوزين حاجة ياشباب؟
ازاى الراجل عايش امال مين اللى غرقان جوا وفين احمد اصلا؟
رامى قاله بتوتر لأأأ شكرا مش عايزين وقفل ف وشه الباب
فضلنا ساكتين وبصينا لبعض اكيد ده كابوس
ملحقناش نستوعب اللى حصل و فجأة ...!!
سمعنا صوت ميه تانى جايه م الحمام رحنا نشوف ومجرد مادخلنا وفتحنا الستارة لاقينا احمد هو اللى جوه البانيو .....!!! احمد مات غرقان وبنفس منظر الراجل كانت عينيه مبرقة وبقه مفتوح ع الاخر ووشه شاحب والميه مغرقاه
رحنا نشيل احمد انا ورامى وكمال وخرجنا بيه م الحمام ونيمناه ع السرير سلبناه وحاولت بمساعدتهم اننا نقفل بقة ونفك تخشيبة جسمه واحنا منهارين ومش مصدقين اللى حصل معقول احمد مات ف لحظة ومن غير مقدمات
حاولنا ندى لنفسنا أمل أنه لسه عايش قعدنا نهز فيه لكن مفيش فايده حاولنا نعمله انعاش قلب وقبلة الحياه مفيش فايده برضة فكده خلاص كل شىء انتهى غطينا الجثة وقررنا نبيتها معانا لغايه بكرة مانشوف هنعمل ايه لازم ننفذ التحدى لكن لا مش على حساب جثة صاحبنا ابدا
الساعة12 بالليل وكنا كلنا نايمين ف الاوضة باب الاوضة خبط قلقنا كلنا وقام رامى يفتح مالاقاش حد لاقى نفس الظرف ع الباب وفيه موبايل صغير ومع الموبايل ورقة مكتوب فيها خريطة لمكان غريب فتحت الموبايل لاقيت رساله اننا لازم ننزل ومعانا الجثة ف اقل من ساعة من دلوقتى ولازم تتدفن قبل الفجر كشفنا جثة احمد وغيرنا له هدومه المبلولة وسندناه وخرجنا بيه م الفندق كان باين للناس كلها ان معانا واحد تعبان مغمى عليه مثلا فمحدش شك لما خرجنا لاقينا عربيه فخمة مستنيانا رحنا ع المكان
...واول ماوصلنا لاقينا نفس الراجل اللى شوفناه ف الفندق بيمشنا وراه ناحيه طرقة غريبة ومكان اشبة بالسرداب واحنا ماشيين ومش عارفين هيحصل ايه وصلنا الاوضة كانت واسعة جدا وفيها سرير حديد قديم شاورلى انا بس اللى افضل مع الجثة ورامى وكمال خرجوا وقفل وراهم الباب او الاوضة دى
قالى انيم الجثة ع السرير بعد ماقلعتها هدومها وسترت نص جسمها اللى تحت وجاب جردل فيه ميه وبدا يأمرنى اصب على جسم (جثة احمد) بس وانا بصب لاقيت جسمة معلم بقع زرقة وكدمات حوالين الرقبة وكل ماساله يشاورلى فيما معناه انى مسالش انفذ وخلاص
ولما قربت اخلص ايد احمد اتحركت ومسكتنى شهقت م الخوف ودورت وشى عن احمد علشان الاقى الراجل نظراته كلها غضب ولما لفيت ناحيه الجثه تانى لاقيت فى انقباضات او اتهيألى انها بتتحرك
ولفت وشها ناحيتى وابتسمت صرخت و حاولت اهرب ومشيت لغايه الباب لكن نظرات الراجل كانت بتطاردنى وف لحظه لاقيت حاجة بتغرز ف رقبتى شهقت ورجعت لورا مع خطوه الراجل اللى سحبنى وهو بيزعق من ورايا (اذا لم تنفذ التحدى فالموت فى انتظارك وشدنى ناحيه الجثة لاقيتنى بصرخ خلاص هنفذ ارحمنى
قربت من جثة احمد كانت مغمضه عينيها وكل الاثار اللى كانت على الجثة اختفت
ولما خلصنا وطلعت م الاوضة معاه واحنا شايلين الكفن مالاقيتش كمال ورامى برة الاوضة ولاقيت صرخات وخبط جاى من مكان تانى
حطينا الجثة ع الارض واتحركت ناحيه الباب التانى اللى جى منه مصدر الصرخات وفضلت اخبط وبعد محاولات باب الاوضة التانيه اتفتح ولاقيت كمال ورامى متكتفين ف بعض يحبل ناشف جدا بيقطع ف جسمهم وعمالين يصرخوا انقذنا ....
والراجل واقف عند الباب بيبصلى وبيضحك
قربت منهم وقطعت الحبل بعنف وايدى اتعورت بس انقذتهم ولما خرجنا ناحية المكان اللى كان فيه الجثة لا لاقينا الراجل ولا جثه احمد
فضلنا ماشيين وانا بتحامل على نفسى وتعبان انا وصحابى لغاية ماوصلنا لمكان فاضى شبيه بالصحرا ولاقينا الراجل بيشاور ناحيتنا علشان نقرب وفجاه قرب منا كلب اسود وبدا يشد ف ايدى ويلحس بلسانه الدم اللى بتنزل وانا بصرخ م الالم وف لحظة الكلب سابنا وجرى وانا اغمى عليا م الخضة
ولما فوقت بعد فترة قصيره لاقيت صحابى بيقومونى كانت الدنيا قبل الفجر بشوية لاقينا نور جاى من بعيد قربنا منه لاقينا الراجل بيسحب جثة احمد لحفرة كبيرة ف الارض وطلب مننا ننزل ندفنه
دفننا الجثة تحت الارض وطلعنا والراجل كان مستنينا وخرجنا م مكان الترب ده للاوضة وللسرداب
سمعنا صوت غريب جاى من بعيد بيقول : تم تنفيذ التحدى الاول بنجاح
ولما رجعنا الفندق من غير احمد تانى يوم الصبح وطلعنا الجناح تانى سمعنا صوت المية اللى جي م الحمام تانى ولما دخلنا اكتشفنا ان.......
ع الارضيه وعلى الحيطان مليان حشرات غريبة ولاقينا خيال بيحرك ستاره الحمام ومكتوب بالدم ع المرايه.... الموت .....قادم
و بعد شويه الكلام اللى كان مكتوب اختفى والحمام رجع نضيف زى ماسيبناه وصوت الميه سكت
ولما رجعنا الاوضة وكمال فتح اللاب توب وشغل الكامير لاقينا شىء غير متوقع ...وهو اللى وصلنا ل ... التحدى التانى
يتبع..........
التحدى_الاخير