البيت المسكون👻الجزء الثاني

#البيت_المسكون
#الجزء_الثانى
دخلت مامت سيف ورا محمود بابا سيف والى شافته كانت اول مرة تشوفوا بحياتها.
محمود قاعد ومديها ضهرة  وماسك ف ايدة عروسة قماش وماسك ابرة وعمال يشكشكها ويردد طلاسم غريبة
وقفت مامت سيف خايفة تقرب منة وخايفة ترجع يحس بيها
بس حس بيها ولف لصلها بصة مرعبة ومن غير مياخد باله شك نفسة بالابرة
لما شك نفسه بالابرة فضل يلطم ويقول لا ... استحاله.. مكونتش اقصد
انتى  السبب ورما العروسة ع السرير وجرى جاب مامت سيف من شعرها .تاليف هويام شعيب.. وفضل يضربها ويقولها اذيتينى اذيتينى .. كم مرة اقولك بلاش فضووووولك دة ... متدوريش ورايا وفضل يضربها جامد وبعدين خد العروسة وطلع برة الاوضة
لقى سيف وعلى وتقفين وسامعين كل حاجة وشكلهم خايف جداااا....
بصلهم وهو موطى راسو ومشى.  
عدى على الموقف  دة فترة .. من يومها مامت سيف مبتدخلش الاوضة من غير متخبط  . .. كانت ست سلبيه جدااا وبتقبل الاهانة ...
لما على بقى عندة 5سنين وجة معاد دخولة المدرسة .. قرر بابا سيف ياجر الشقتين الى بالدور السادس والسابع عشان يقدر من تمن ايجارهم يدفع مصاريف مدرسة سيف وعلى ...
ناس كتيرة جم شافوا الشقة .تاليف عويام شعيب. بس كلامهم كان غريب ...
قال ايمن .احد المستأجرين:- لما سكن بالدور السادس .. هو فى حد ساكن فوق انا طول الليل مش عارف انام من صوت زق العفش وجرة بالارض هى الناس دى مبتنضفش ومبتنقلش العفش غير بالليل لوسمحت يا استاذ محمود بلغهم انى متضايق ...
استغرب بابا سيف :- وقالة لا محدش ساكن فوق اصلا....
قال ايمن :- ازاى امال اى اصوات الحركة الى فوق دى؟
صحينا الصبح ملقناش ايمن ولا عيلته وعزللوا وسابوا البيت

قالت مدام ماجدة (حد من الى اجروا الشقة اسبوعين ) :- ياريت تقفلوا البوابة صوت القطط فظيع انا طول اليوم خايفة افتح باب الشقة عشان القطة السودة الى قاعدة قدام الشقة
وسابت البيت برضو قبل متكمل شهر

استاذ اشرف قال لمحمود وهو بيدفع ايجار الشهر :- هو مين البنتين الصغيرين الى بيقابلوا بنتى ع السلم كل يوم ويلعبوا معاها البنت بتحكيلى بس انا مبحبش بنتى تلعب مع حد معرفهوش همة قالولها انهم ساكنين معانا بالعمارة ممكن اعرف بالدور الكام عشان اتعرف ع اهلهم ...
بابا سيف توه الموضوع بس اشرف مسكتش ورجع ساله تانى ...
رد بابا سيف :- مافيش اطفال بالعمارة غير سيف وعلى عيالى ....
اشرف استغرب جدا وفضل مركز مع الموضوع فترة ....وساب برضو العمارة
ام محمد ( حد من الى اجروا الشقة )
قالت لمامت سيف :- فى حد من سكان العمارة كل يوم بالليل ينزل يرمى الزباله قدام العمارة ويطلع عيب كدة القطط هتتلم المفروض نجمع ونشترى صندوق
ردت مامت سيف :- محدش ساكن بالعمارة غيرنا احنا وانتى ... وانا الى برمى الزباله الصبح كل يوم وانا بودى الولاد المدرسة
مكلملتش شهرين  ومشت
فضل بابا سيف ينزل بسعر الشقة لحد موصل تقريبا الربع عشان حد يرضى ياجر
اكتر ناس طولوا ومكنش بيطلعلهم صوت كان شيخ  امام مسجد تقريبا قعدوا 4 شهور ومكنش فى مشاكل لحد ما فيوم بالليل مكانوش موجودين والشقة ولعت نار ومكناش عارفين نطفيها اتصلنا بالشيخ عشان يجى يلحق عفشة ...اول ما جة بص لمحمود وقالوا حسبى الله ونعم الوكيل فيك انت لعنة انا كنت ساكت و متحمل عشان مضطر معايش تمن شقة عدلة بس انت هتروح من ربنا فين ....
وخد عيالوا ومشوا ...تاليف هويام شعيب..
رفض السماسرة بعدها يجيبوا سكان للشقق .. وبدأ الناس تطلع سمعه على البيت بتاع بابا سيف انة بيت مسكون محدش بيقدر يعيش فية والى يقول اهل سيف ناس بتوع اعمال واسحار والى يقول ناس ملبوسة وبدأ الجيران تتجب عيله محمود كلها .. بس الايام بتنسى 
بتنسى الى برا الموقف لكن الى عايش جواه ... مستحيل
ديما كان سيف يشتكى انة بيشوف حد بالحمام لو قام دخل الحمام باليل
ودييما كان يقول فى حد بيمشى بالصاله باليل
وديما على كان وهو صغير  يشاور فى حتت فاضية بالبيت ويقعد يضحك
وكذا مرة مامتة سمعته بيضحك وبيلعب وبيكلم نفسة او بيكلم حد مش موجود
دة غير اصوات الرجلين بتفضل تطلع ع السلم كل يوم قبل الفجر ..
واصوات القطط الى مبتبطلش حتى لو مافيش قطط...
والقطط السودة الى بتظهر جوة شقتهم  وبيطردوها بصعوبة ....
ديما بسمعوا حد بينده باساميهم ولكن بالحقيقة محدش ندة
ديما يسمعوا ناس بتتكلم ورا الابواب المقفولة والاوض الضالمة
لكن بالحقيقة دول الاشباح .....
غير احساسهم كلهم ان فى حد حواليهم معظم الوقت فى البيت حد بيراقبهم حد عايش معاهم ..
هما حوالينا بكل مكان بس احنا مش بنحس بيهم ...
لكن فى لعنة بالبيت مخلياهم يحسوا بيهم
الحقيقة الى الكل مخليها جواه ومش قادر يقول للتانى  عشان خايفين من رد فعل محمود ...
فى اشباح بالبيت ... عايشة معاهم ....
كبر سيف وبقى بالاعدادية وعلى باواخر الابتدائية
كان سيف فى درس الانجليزى والمستر لغى الدرسى فرجع سيف ع البيت
لقى محمود بباه بالبيت بس
محمود :- اى ال رجعك بدرى يا سيف ؟
كان شكلة مش مظبوط شكلة كان مخوف سيف
رد سيف وهو مرتبك وخايف :- الدرس اتلغى ...
محمود :- طيب تعالى ورايا هوريك حاجة
حس سيف ان مافيش حاجة وان خوفة كان على الفاضى .تاليف هويام شعيب..بس الى كان مستنية كان افظع من الى كان متخيلة ..
دخل ورا  محمود الاوضة
طلع محمود صندوق اسود وفتحة .. ريحتة كانت بشعة جداااا
كان جواه زى خصل شعر  طويلة لستات ومجموعة شعر قصيرة لرجال.. وحتت عظم صغيرة وضروس مخلوعة من بوق حد ضروس كتير ....
وضوافر باشكال مختلفه ...
محمود كام بيفرج سيف على الحاجات دى وسيف مستوعب الى حد ما ان دى حاجات حقيقية بس اى لزمتها واتاخدت من الناس  لية وازاى خصوصا الضوافر الكاملة والعظم ... حاجة صعبة
ولا دى حاجات لناس ميتة .. حاجة مرعبة
سيف ساكت ومش قادر يسال ولا سؤال لمحمود ....
محمود :- سيفوووو حبيب بابا جة دورك .. انا بس هاخد منك المرادى شوية شعر صغيربن من الجانب ...
سيف استغرب بس برضو مبقدرش يقول لمحمود لا..
قرب محمود من سيف وقص جزء كبير من شعر سيف ولفهم وحطهم بالصندوق ..
سيف واقف ثابت ولا حركة ولا كلمة ..
محمود وطى جسمة وحط ودنة على صدر سيف مكان القلب .. وقعد يقول :- تك تك تك تك تك
صوت قلبك مميز يا سيف ..تاليف هويام شعيب. الحق اتهنى بيه ...
سيف:- نعم ؟
قام محمود قفل الصندوق وقال لسيف يلا على اوضتك ...
طلع سيف من الاوضة واتهبد الباب وراه ...
بعد ثواااانى بالظبط رن جرس الباب ...
فتح سيف الباب ..
سيف:-  بابا ؟ ازااااى ؟ امال مين الى.......

فتح سيف الباب لقى بباه قدامة .. اتصدم اتفجع ...اترعب
امال مين ... مين الى جوة
فضل واقف متنح مكانة وباصص لمحمود .. خايف يحكيلة لايزعقله ولا يضربة ولا ميصدقهوش ..
محمود بصله كدة وقالة :- وسع من وشى الله يهديك
وزقة ودخل وقفل باب الشقة
وسيف واقف مكانة .. متسمر .. مش مستوعب
اييية الى حصل ..اى الى بيحصل .. مين الى جوة معقول كل دة بيتخيل ؟
دخل محمود اوضتة وقفل الباب وراه ..
راح سيف خبط على محمود الباب .تاليف هويام شعيب. وفتح الباب ودخل .. لقى محمود لابس لبس البيت الى كان لبسة من شوية وهو بيورية الصندوق ومدد ع السرير ...
بص محمود لسيف وقال:- اى الى جابك تانى ؟ اتفضل على اوضتك كمل مذاكرة
فضل واقف سيف بمكانة مش مستوعب ومش سامع بباه سرحان بالى بيحصل . ...
راح شخط محمود فى سيف وقاله اطلع  برررررة ....
طلع سيف ... وقفل الباب وفضل واقف قدام باب الاوضة وباصص ع باب الشقة . 
بيحاول يجمع الموقف ...
طيب مين الحقيقة ومين الخيال   ..تاليف هويام شعيب. بابا لابس نفس اللبس الى كان لابسة وهو بيورينى الصندوق الغريب..
امال مين الى خبط ودخل ؟
ولا بابا الى خبط ودخل وغير هدومة بسرعة ؟
دخل سيف اوضتة وهو مفجوع وخايف من محمود ...
بعد شوية باب الشقة خبط تانى جرى سيف يفتح لقى  مامتة وعلى رجعوا ..
قال لمامتة وهى على الباب ولسة مدخلتش حتى
سيف:- ماما عاوز احكيلك على حاجة غريييييبة حصلت
مامت سيف :- خير ؟ واى الى رجعك بدرى ؟
فتح وقتها محمود باب الاوضة وبص لسيف بصة مرعبة وقاله مش قلتلك تدخل اوضتك وتزاكر كلامى مبيتسمعش لية وراح شادة من دراعة مدخلة اوضتة وقفل علية بالمفتاح..
استغربت مامت سيف من رد فعل محمود ..تاليف هويام شعيب. وسالتة :- فى اى يا محمود الولد عمل اى عشان تعمل معاه كدة وكمان هو كان عاوز يحكيلى حاجة فى اى ؟
محمود :- خلصى الغدا وصحينى  واياكى تفتحيلة الباب
ودخل محمود اوضتة وساب الباب مفتوح ...
خد وقتة الموقف  واتظاهر سيف انة مش واخد بالة من الى حصل او انة نسى ...
لما لقى الوضع مريب وبباه مش مدية فرصة اصلا يفهم ولا يحكى .....
بعد شهور
صحوا على صريخ على بالحمام ...
على :- الحقوووونى عفرييييت عفرييييييت ...
يا ماما يا باابا  يا ماما عفريييييت....
جريوا عليه وفتحوا الباب ..تاليف هويام شعيب. ملقوش حاجة بالحمام .. ولقوا على مغمى علية بالارض ..
لما فاق ....
على :- عفريت يا ماما عفريت رجليه شبة رجلين الكلب وجسمة اسود وشعرة كتير مخبى وشة
عفرييييييت
هديتة مامتة وقالتلة اكيد بيتهيألك عشان انت بتخاف تدخل الحمام باليل بعد كدة صحينى اجى اقفلك برة عشان ماتخفش
فضل على كل يوم يصحى بالليل يصرخ ويقول عفريت
كل يوم يصحى وهو نايم يقول عفريت ...
الموضوع موقفش هنا .تاليف هويام شعيب.. على بقى بالنهار يقعد يعيط ويقول عفريت .. انا شوفتة وجاتله حاله نفسية وحشة ورفض ياكل ورفض ينام عشان ميشفهوش بالحلم ...
قررت مامت على من ورا محمود تجيب شيخ يشوف على مالة
وفعلا سالت ودورت على شيخ وحكيتلة وطلب منها يشوف على
خدت على وراحت للشيخ ...
الشيخ :- عندك كم سنة يا على ؟
على :- 9 يا عمو
الشيخ :- ماشاء الله ... مالك بقى يا على اى الى بيحصل معاك .؟
بص على لمامتة ..تاليف هويام شعيب.وخايف يحكى عشان محمود محرج عليهم مايحكوش حاجة عن البيت لاى حد
مامت على :- احكى يا على لعمو الشيخ عشان يساعدك ماتقلقش  مش هيقول لبابا ..
على :-  انا من حبة كتار شوفت عفريت بالحمام
الشيخ :- واى الى مخليك متاكد انة عفريت مش يمكن سيف بيلعب معاك وبيهزر هزار غلس شوية ؟
على :- يا عمو سيف رجلية زى رجلى لكن العفريت رجلية كانت شبة رجل الكلب وكمان كان لونة اسود وشعرة طخين مخبة وشة وشكلة مرعب.بس لما ندهت على بابا وماما خاف ومشى
الشيخ:- كمل شوفت اى تانى ؟
على :- انا مش بكون بحلم والله يا عمو ماما بتقول حلم بس ان والله بصحى كل يوم الاقى الاوضة مليانة ناس رجليهم مش واصله للارض وشعرهم منكوش ومغطى وشهم بيفضلوا يقربوا نحية السرير لحدما يوصلوا عندى تكون ماما سمعتنى وجت تلحقنى مش عارف لو ماما اتاخرت يوم ولا مسمعتنيش ووصلولى هيعملوا فيا اى
عشان كدة انا قررت منمش تانى ابدااااااا وهفضل صاحى طول عمرى ..تاليف هويام شعيل. انا خايف ..
حتى لعبى بتختفى بيخدوها معاهم يوهمة ماشين ...
زمان كنت بشوفهم بالليل بيلعبوا باللعب بتاعه سيف ... ايام مكان سيف بيخلينى انام فى اوضتة
دلوقتى بقيت انام ف اوضة لوحدى بس همة مش سايبين الاوضة كل ييوم احس بيهم تحت السرير  
دة غير ان اوضة بابا وماما بيطلع منها دخان كل يوم بالليل ...
ماما وبابا مش مصدقين .تاليف هويام شعيب.. فى عفاريت بالبيت
الشيخ :- مافيش حاجة اسمها عفاريت يا على اكيد انت مش بتبقى نايم كويس فبيتهيئلك انت بس كل يوم قبل متنام اقرى قران وماتخفش ..
على :- انا  يا عمو كل ماجى اقرا قران .. الاقى نفسى نسيت كل القران .تاليف هو يام شعيب.. ومش عارفه اقول كلة بعد بسم الله ....
بفضل افتكر كتير ومش بفتكر خالص ....مع انى والله حافظ كتير واسال ماما
هنا الشيخ قاطع على وبص لماماتة وشاورلها ع يفهمها ان الكلام مش هينفع قدامة ويستحسن تعدى عليه بكرا الصبح ...
بالفعل روحت مامت على  البيت ...
والصبح بعد ما على وسيف راحوا المدرسة نزلت راحت للشيخ وسالته اى الوضع والمفروض نعمل اى ؟
الشيخ:- الوضع مش كويس نهائى البيت مسكون وعلى الاغلب فى لعنة بالمكان عشان همة متعمدين يظهروا مش مجرد  ظهور عشوائى
اتخضت مامت سيف وفضلت تترعش وتتلجلج بالكلام ومش عارفه تقول اى ولا بتقول اى
قعد الشيخ يهديها  ويقرا قران وهى برضو مصدومة ...
بدأت تفوق شوية وتستوعب الكلام وبعدين افتكرت تصرفات محمود الغريبة ..تاليف هويام شعيب . كانت عاوزة تحكى الشيخوبس خافت من رد فعل محمود لو عرف ..
بس بالاخر قررت تحكيلة عشان تحمى عيالها ...
مامت سيف:- انا عاوزة احكيلك على حاجات  كنت بلاحظها ممكن تساعدنا
انا كنت سعات بدخل على محمود الاقيه ماسك عروسة قماش قديمة وعمال يشكشها بابرة ويقول كلام غريب مش فكراه
وفى صندوق بالاوضة رحتة وحشة جدا قافله بمفتاح وحالف عليا يمين طلاق بال3 مقربش منة ولا المسة
وبرضو ديما كان يخرج بالليل بلبس البيت ويطلع ينام بالشقق الفاضيه فوق الشقق دى على البلاط كان يطلع بعز السقعه . ..
دة غير ان سيف ابنى الكبير من اول ما بدئ يتكلم كان بيقول بيشوف اللعب بتتحرك بالليل وتشتغل وكمان كان يلاقى كراسة الرسم والالوان برة شنطتة ومتسخدمين ومرسوم رسومات مرعبة
الشيخ :- رسومات عاملة ازاى ؟
مامت سيف:- رسومات لناس شكلها وحش ناس مش واصله للارض .. بنتين لابسين فساتين وهدومهم متشخبط عليها .. ناس مكان قلبهم شخبطة والصفحة مخرومة مكان قلبهم
مامت سيف باللحظة دى حست بخوف افتكرت محمود لو عرف ممكن يعمل فيها اى هى والعيال دة مبيرحمش العيال هيرحمها ...
وسكتت .. وكانت عاوزة تمشى
الشيخ :- هو انتى خايفة من جوزك .تاليف هويام شعيب.. بيهددكوا ماتتكلموش صح ؟
كلام الشيخ رعب مامت سيف .. جة فى بالها انه يعرف محمود وفضلت تعيط وتتوسل له ميقولوش
الشيخ:- انا معرفهوش ... بس انا عارف هو عمل اى ؟
مامت سيف:- اية .تاليف هويام شعيب. عمال اية ؟
الشيخ :- محتاج اروح البيت دلوقتى حالا .. مين هنا ؟
مامت سيف:- مافيش حد محمود بالشغل والولاد بالمدرسة ...
الشيخ :- طيب ممكن تجيبى حد امين تثقى فيه من اهلك يجى معانا؟
مامت سيف:- ماشى هكلم احمد اخويا ...
وصل الشيخ ومامت  سيف واحمد اخوها على العمارة ..فتحت باب المعمارة
راحت ظهرت قطة سودة كبيرة ونطه بوش الشيخ فضل الشيخ يستعيذ بالله
ومامت سيف تصوت المهم الشيخ هدى وقالها عادى عادى اهددددى بيحاولوا يخوفونى ...
احمد :- هو فى اييييييية انتى جيبانى لية واى الى بيحصل ؟
مامت سيف:- اهدى يا احمد هفهمك كل حاجة
حاولوا يدخلوا من مدخل البيت .تاليف هويام شعيب. لكن عتبة البيت اتملت صراصير كبيرة مش مخلياهم يعرفوا يدخلوا
فضل الشيخ يقرر ايات قرائنية كتييير كتيرررر احد م اختفوا
بالوقت دة كانت مامت سيف منهارة من العياط
اختفت الصراصير ودخلوا المدخل...
اتخض الشيخ الى كان عادى وبيتعامل ومش هامة وعارف بيعمل اى ...
الشيخ :- انتى قيلالى عمارة و7 ادوار ... فين السلم او الاسانسير ؟ هنطلع ازاى ؟
بصت مامت سيف لاحمد اخوها وبرقوا لبعض و.....
يتبع

بقلم : Houyam Shoaib