حبك اقتحم حياتي🌸الحلقه 88🌸
الحلقة 88
انس فى المستشفى وبيفتح عنية و عادل واقف جمبو
انس / انا فين
عادل / اية النوم دة كلو
و انس بيقاعد بتعب
عادل / طول عمرك عنيد اوى
انس / ليلي فين
عادل / يا عم انت صحصح علشان طلبة تشوفك
انس / هى بخير
عادل / اة متقلقش حالتها مستقرة
انس / طلقت ضحي ولاا لا
و عادل بيسكت
انس/ عادل
عادل / اووف خلاص وشى مبقاش فية شبر تضرب فية اة طلقتها خلاص ارتحت
انس / مش هرتاح غير و ضحي فى حضنى
عادل / احم احيييم متنساش انك بتتكلم عن مراتى
و انس بيبصلو بغضب
عادل / بهزر معااك انت اية مفيش حد يعرف يهزر معاك
انس / خلينى اروح اطمن على ليلي
و انس بيقف وبيروح اوضة ليلي وبيدخل وبيشفهاا بتبتسم لة اوى و انس بيحضنها اوى
عادل / انت اية مبترحمش ضحي وقلنا ماشى حتى ليلي
و ليلي بتضحك و انس بيمسحلها دموعهاا
ضحي / انتى بخيير
ليلي / انا مش خايفة علشان انت معاايا طول عمرك كنت بتحمينى وخصوصا من دة
و انس بيبص لعادل وبيدخل امير الاوضة
امير / اية النوور الى منور دة ما انتى زى الفل اهو هموت يا انس همووت خلاص
انس / امير
امير / خلاص انتى عملة اية يا منكوشة
و ليلي بتبتسم لامير
ليلي / طول ما انت وهو بعيد عنى انا اكيد بخيير
و ليلي بتبص ل امير و عادل
انس / انتى تؤمرى لو عوزانى ارميهم من الشباك دة
و ليلي بتمسك ايد انس
ليلي / انت مش زعلان منى
انس / مفيش كلام دلوقتى انتى هتتحسنى وتكونى بخيير
الاول وبعد كدة اى كلام تانى
و ليلي دمعها بتنزل و موبيل عادل بيرن وبيتكلم
عادل / انس السفر لالمانياا جاهز بكرة او بعدو يكون كل حاجة جاهزة
انس / عادل جهز السفر ليلي وانت هتسافر معاهاا
عادل / نعم
انس / زى ما قولتلك كدة
عادل / بس انا شغلى
انس / هتسافر معاهاا وانا كمان كام يوم هحصلكو انا و ضحي
امير / بيعجبنى فيك انك واثق فى نفسك
انس / امير خليك هنا معاهاا
و انس بيخرج من المستشفى
ضحي فى الجنينة ورودى بترسم جمبهاا و علي بيروح عليها
علي / ضحي
ضحي / علي مش عوزة اتكلم
علي / انا بس كنت عاوز اقولك حاجة وحدة بس
و ضحي بتبص لعلي بحزن
علي / انا يهمنى انك تكونى سعيدة وبس ولو هو هيسعدك مع انى شاكك فى كدة خلاص انتى حرة
رودى بتروح على ضحي وبتوريهاا رسمتها
رودى / شوفى يا ماما هو دة البيت الى بابا هيعملو علشانى
ضحي / بيت اية دة
رودى / بيتنا احناا بيت باباا
و ضحي بتبص على الرسمة الا رودى رسماها باتقان جدا
ضحي / مين علمك ترسمى كدة
رودى / بابا حلوة
ضحي باستغراب / اة يا حببتى
رودى / باابا بااباا
ورودى بتجرى بسرعة و ضحي بتبص ورها بتشوف انس
وهو بيشيل رودى فى حضنو
ضحي / انت اية الى جابك هناا
انس / جاى اخدك انتى وبنتى
ضحي / وانا طبعا هروح معاك بكل بساطة
و انس بيقرب من ضحي و ضحي بتبعد خطوة وبيقرب منها اكتر
ضحي / انا قررت اسافر
و انس مبيردش عليها وبيقرب منها اكتر و ضحي بترجع بخوف
ضحي / انا مش عوزة اشوفك تانى
و انس بيقرب و ضحي بترجع بضهرهاا لوره بخوف
ضحي / انا بكرهك
و ضحي بتتكعبل و انس بيلحقهاا وبيمسكها من خصرهاا وبيدفعها فى حضنو
انس / لسة لحد دلوقتى بترجفى من لمسة ايدى
ضحي / بكرهك
انس / بحبك
ضحي / مش عوزة اشوفك
انس / حياتى من غيرك مش حياة
ضحي / ابعد عنى
انس / مش قادر ابعد عنك
و انس بيشوف دموع ضحي بتنزل
انس / كنت معاكى خطوة بخطوة انا متاكد انك كنتى بتحسى بيا و انا قريب منك
ضحي / لاا
انس / متاكد انك كنتى حسى بلمستي ليكى
و ضحي بتفتكر لما كانت فى المستشفى وكانت فى البنج وبتفتح عنيها وبتشوف انس قدمها وافتكرت انها بتتخيل او هلوسة وبتفتكر اوقات كتير كانت بتتخيلو قريب منها
ضحي / لاا كدب
انس / تتجوزينى
ضحي / لاا
انس / فرحنا كمان شهرين جهزى نفسك
و انس بيبسها من جبنها وبيسبها وبيمشى و ضحي وقفة مصدومة وبتبصلو اوى وهو ماشى وبترجع تبص لعلي
علي / اية على اساس ان قلبك مش هيطير من الفرحة
و علي بيدخل الفيلاا وبيسبهاا و ليا كانت وقفة و علي بيبصلهاا وبيروح عليها وبيبسها من خدهاا
ليا / ربنا يخليك ليناا
علي / بيتهيقلى مش هيفرق ان كان يخلينى ولا يخدنى
ليا / علي صدقنى انت كدة عملت الصح حتى شوف كدة هناك
و علي بيبص لضحي وبيشوف ابتسامة جميلة وفى دمعة بتنزل من عيونها بتثبت اشتيقهاا لة
علي / لو زعلهاا او
ليا / ياما بيحصل بين اى اتنين على اساس ان حضرتك مش بتنكد علياا
علي / لا انتو الى بتحبو النكد
ليا / اوكى مدام احنا بنحب النكد يباة حضرتك الى هتسهر مع احمد النهاردة
علي / لااا انا
وليا بتمشى وبتسيبو وبتروح تاخد احمد من اية وبتحطو فى
حضن علي و علي بيبصلها بصدمة
انس بيرجع الفيلاا
منة / انس انت كويس
انس / منة عوزك تروحى لضحي فى حاجات اكيد هتحتلجك معاها
منة / حاجات اية مش فاهمة
انس / كتب كتابى انا و ضحي كمان شهرين من دلوقتى
و منة بتفرح اوى
منة / سلوى سلوى خلى بالك من الولاد انا عندى مشواار
و انس بيدخل المكتب وبيخرج بيشوف منة اخدت شنطتهاا
وخرجة
انس / منة خدى دول معاكى خلى ضحي تختار الاوضة
ومنة بتاخد منو المجلات
بعد يومين ليلي على سرير متحرك وبيتحركو بيها على الطيارة
انس / ليلي هتكونى بخيير
و ليلي بتعيط و انس بيبسها من جبنهاا
عادل / انس خطر عليهاا الجو دة لازم نتحرك
انس / عادل ليلي
عادل / متقلقش انا معاهاا
انس/ للاسف انا خايف علشان انت معاهاا
عادل / خليك واثق فيا
انس / مستحيل اثق فيك ابدا
و عادل بيضحك وبيطبطب على كتف انس وبيخدو ليلي وبيدخلو الطيارة و انس بيبص عليهم بحزن و امير بيروح على انس
امير / خلاص راحو
انس / اتاخرت لية
امير / عمى رفض انو يجى يشفهاا
انس / مش مستغرب ابدا
امير / هتكون بخير مش كدة
انس / انا يومين وهحصلهم
انس و امير بيتحركو ومنة بتتصل بامير
امير / اية يا منة خديهم على الدكتور يعنى انا اعمل اية
ياسيتى اتصرفى
و امير بيقفل التلفون و انس بيبصلو اوى بغضب
انس / مفيش فايدة فيك ابدا
امير / انت كمان علياا
و انس مبيتكلمش معاة وبيكملو طرقهم
امير / انا هسافر كام يوم
انس / هتسافر فين
امير / مفيش بس اصحابى عملين سفاري وبقلهم فترة بيتصلو بيا بس المشاكل الى كنا فيهاا
انس / يعنى انت واحد متجوز وعندك ولاد يعنى لعب العيال دة
امير / انس انا حاسس انى مخنوق متحاصر من كل الاتجاهات عاوز اشم هوى شوية حاسس انى كبرت خمسين سنة فى ال٧ سنين دول
انس / ماشى يا امير اعمل الى انت عوزو انت حر
محمد فى اوضته و ضحي بتدخل عليه وبتشوفو قاعد سرحان
ضحي/ ممكن ادخل
و محمد بيهز راسو بنعم و ضحي بتقرب وبتقاعد جمبو
ضحي / لسة زعلان منى
محمد/ زعلان علشانك بس مش اكتر بس كنزة قالتلى ان انتى وانس اتفقتو مع بعض
ضحي / انا متفقتش بس
محمد / بس ايه
ضحي / اكيد مش هتغصبنى انى ارجعلو
محمد/ انا مش هضغط عليكى ضحي انتى حرة
وحنان بتدخل ومعاها العروسة بتعتهاا وبتعيط
محمد / حنان فى اية بتعيطي لية يا حببتى
حنان / رودى كسرتلى اللعبة بتعتى
ضحي / رودى
محمد / ماشى يا حببتى روحى لماما خليها تخدك وتجبلك الى انتى عوزاة
ضحي / رودى بتتصرف تصرفات غريبة مش عرفة اتعامل معاها
محمد / بنتك طلعة زيك هى عوزة تديكو اشارة ان هى غضبانة
و ضحي بتروح لرودى الاوضة وبتشوف رودى بترسم
ضحي / رودى انتى لية كسرتى لعبة حنان يا حببتى
رودى / كدة انا بكرهاا هى بنت مملة
ضحي / رودى انا مش عوزة اقساا عليكى
رودى / اووف انا مليت عوزة اروح بيت باباا باة
ضحي/ دة بيتناا
رودى / لا بابا قالى انو هيجى يخدناا على بيت لوحدناا
ضحي / رودى انتى من امتى تعرفى بابا انس
و رودى بتبص لضحي
ضحي / رودى متكدبيش علياا
رودى / بس دة سر
ضحي / فى سر على ماماا
رودى / بس دة وعد
ضحي / رودى حبيبتى انتى كمان وعدتينى قبل كدة انك مش هتخبى عنى حاجة
رودى / صح يا مامى
و رودى بتبص لضحي
رودى / بابا انس كان بيجيلى المدرسة وكان بيرسم معايا
و ضحي بتتصدم مش مصدقة
التعليقات على الموضوع