حبك اقتحم حياتي🌸الحلقه 53🌸
الحلقة 53
انس / ضحى انتى مش هتعرفى تنامى غير لما تتكلمى قوليلى فى اية
ضحى / قولتلك مفيش حاجة تصبح على خيير
و ضحى بتقفل التلفون وبتعيط
انس/ الووو ضحى الووو
و انس بيكرر المكالمة تانى ومش بترد وبيتعصب اوى
وبتسمع خبط على الباب وبتمسح دموعهاا وبتفتح الباب
ضحى / تيم
تيم / اسف على الازعاج بس يعنى انا جعان وكنت يعنى
ضحى / تعال معاياا
و ضحى بتخرج قدم تيم وتيم بيروح ورها و ضحى بتنزل المطبخ
تيم/ انا بقصد لو تعرفى رقم مطعم اتصل اطلب اى حاجة
ضحى / مطعم اية ماما كانت اكتر حاجة بتكرهاا الاكل من برة البيت
وتيم بيبصلهاا
ضحى / اسفة انا معرفش ان كنت بتحب اكلة معينة مش عرفة ان كنت اصلا بتحب اكل البيت ولا لا بس لو حابب انا ممكن ابعت الامن برة يجبلك الى انت عوزو
تيم / لا انا مقصدش بس يعنى انتى اكيد تعبانة وعوزة تنامى مش حابب ازعجك
و ضحى بتبتسم اوى
ضحى / لا ابدا ولا ازعاج ولا حااجة تحب تاكل اية
تيم / اى حااجة
و ضحى بتفتح التلاجة
ضحى / فى هناا صدور فراخ وكمان فى دبابيس انت بتحب دى ولا دى
تيم / صدور افضل
ضحى/ زى على
على / انا سامع اسمى
ضحى / انا هعمل معكرونة بصدور الفراخ تاكل معاناا
على / اكييد طبعاا
وبيقاعدو هم التلاتة بيتكلمو مع بعض وبيضحكو اوى على على لما قرر يصفى المعكرونة
انس / حضرتك قاعدة هناا وبتضحكى ومبسوطة واناا عقلى
هيطير منى
ضحى / انس
انس / لا بجد لسة فكرانى اة انا انس الى مفروض اكون خطيبك
على / انس
و انس بيشاور لعلى انو يسكت
ضحى / انا مش فاهمة فى اية
انس / يعنى حضرتك مبتكلفيش نفسك انك تكلمينى من تلات ايام وقلت مش مهم اكيد مشغولة وعوزة تكون مع اخوهاا ولما تكلمينى فى الوقت دة وتقفلى الموبيل ومش بتردى دة بتسمية اية انتى مش متخيلة كام حادثة كان هيحصلى وانا جااى زى المجنون من خوفى عليكى ان يكون حصلك حااجة
و ضحى بتقرب من انس وبتحضنو اوى و انس بيتنفس بسرعة ونبضات قلبو بتزيد
ضحى / اسفة
و انس بيبصلهاا اوى وبيملس على شعرهاا بحنية
على / احم احم
ضحى / تاكل معكرونة
انس / معكرونة
و ضحى بتبصلو بابتساامة جميلة
انس / دة انا مش اكل معكرونة بس دة انا اكل ٠٠٠٠
على / احم احم
و ضحى و انس بيبصو لعلى وتيم وبيضحكو
فى الصباح ضحى بتتفزع من النوم على صوت ضرب ناار
و بتصرخ وبتجرى على برة بسرعة وبتشوف على وتيم بيروحو عليهاا بسرعة
على / ضحى انتى كويسة
تيم / دة اكيد باباا
ضحى / رايح فيين لااا
تيم / لو مرحتلوش ممكن يازيكو
ضحى / لا مش هسيبك ابدا
تيم / مبقاش ينفع ابعد خلينى اشوفو ونتكلم
وصالح بيروح عليهم
صالح / مايكل ورجلتو هجمو على الفيلاا مفيش حد فيكو يخرج انتو فهميين
و ضحى بتمسك ايد تيم
ضحى / مش هتسبناا
على / خلوناا ندخل هنااا بسرعة
ضحى وعلى بيدخلو وتيم بيقفل الباب عليهم
ضحى / تيم تيم افتح الباب تيم ارجووك لااا
وتيم بينزل تحت فى الجنينة بسرعة وبيحاول يخرج بس
بتيجى طلقات رصاص قريبة منو وهو بيستخب بسرعة
ومايكل بيشوف تيم بيخرج من الفيلاا
مايكل / واقفو مفيش حد يضرب رصاص تانى
وتيم بيسمعو وبيقف وبيبصلو اوى
مايكل / تيم ابنى
تيم / انت عاوز اية منى مش كفاية انك اخت حياتى منى
ضحى و على بيسمعو صوت تيم وبيخرجو البلكونة
ضحى / تيم لااااا
تيم / هناا حياتى وهناا عيلتى واخواتى
مايكل / حياتك لو مكنتش معايا مش هتكون مع حد غيرى انت فااهم والاحسن انك تيجى معايا من سكات دة لو خايف عليهم
و تيم بيبص لضحى
ضحى / لاا
صالح / تيم متفكرش فى حاجة غبية ارجووك ارجع
تيم/ انا عاوز وقت بس
و مايكل بيبصلو اوى بغضب
تيم / باباا ارجووك
مايكل /مش هستنى كتيير وانت عارف هتوصلى ازااى
ومايكل بيشاور للامن بتاعو يركبو وبيتحركو وبيمشو
سالى فى البيت عند طارق وطارق بيدخل اوضتها ومعاة كوبية عصير
طارق / حببتى يلاا لازم تشربى العصير دة
وسالى بتبتسم لطارق وبتاخد منو العصير
سالى / طارق انا مش عرفة اشكرك ازااى انا مش عرفة لو كنت فضلت فى المستشفى دى اكتر من كدة
طارق / حببتى انا اسف دة كلو كان غصب عنى نفسى ترجعى زى الاول وكمان ابننا لازم يكون فى رعاية
و سالى بتحط اديها على بطنها وبتملس عليها بحنية
طارق / حببتى انا هروح المستشفى ومش هتاخر همضى على اوراق مهمة وهرجع بسرعة انتى مش لازم تتحركى
سالى / حاضر
وطارق بيخرج وسالى بتبتسم اوى وبتروح على الدولاب
وبتفتحو وبتطلع هدوم وبتغير هدومها وبتلبس شيك جدا
انس فى الشركة فى مكتبو ومعاة رجال اعمال
كنزة / يا فندم دى الاوراق الى طلبتهاا
و انس بيشوف الاوراق وبيكمل اجتماعو معاهم
محمد بيتصل بكنزة وكنزة بتكون خرجة من مكتب انس
كنزة / لسة حالا مسلمة اخر ورقة معايا قدمى نص ساعة بس
محمد / لاا متتعبيش نفسك خلاص اية طلبة انها تخرج
من المستشفى مش قدرة تفضل هناا اكتر من كدة
كنزة / هى كويسة
محمد / هى بتقولى انها بخير بس انا مش مطمن ابدا حاسس انها بتتالم وانا مش عارف اعمل اية
كنزة / محمد الى حصل لاية مش سهل ابدا اديهاا وقت
خليهاا تعيد حسابتهاا من جديد وانا متاكدة انها هتلملم الى باقى منها وهتسترجع قوتهاا من جديد
محمد بيسكت مبيتكلمش
كنزة / محمد انت معاياا
محمد / حاسس ان انا السبب انا المسؤال عن الى حصلهاا
كنزة/ محمد وانت كنت تعرف ازااى ان دة هيحصل دة نصيب قول الحمدلله انها بخير
انس بيخلص اجتماعو وبيخرج من مكتبو ولسة هيتحرك
وبيشوف سالى وقفة قدمه
انس / سالى
سالى / وحشتنى
انس / انتى اية الى جابك هناا تانى
سالى / طب ممكن نتكلم فى مكتبك احسن بلاش حد من الموظفيين يسمعناا واحنا بنتكلم لان فى حاجات مهمة
انس / اسف عندى شغل ومش فاضى بعد ازنك
ولسة انس هيمشى
سالى / انا حامل
و انس بيبصلها بغضب
سالى / انا حامل بابنك انت يا انس
و انس بيروح عليهاا بغضب وبيمسك اديهاا وبيدخل المكتب
انس / الكلام دة تقولية لواحد غيرى انتى فاهمة واخرجى من هناا مش عاوز اشوفك تانى
سالى / وانا مستعدة لاى تحليل لو مش مصدق
انس / اخرجى برة ارمى بلاكى على حد تانى غيرى ولا روحى لجوزك يشيل بلوتك
سالى /انت فاكر كنت بتقولى انك عاوز تخلف منى ١٠ ولاد ويكونو شبهى اية الى غيرك
انس / الى غيرنى عرفت الحقيقى من المزيف
سالى / ماشى خلينى اروح للبيئة الى بيقولو عليها خطبتك وهى تحكم بيناا ان كان دة ابنك
انس/ انتى عرفة لو قربتى من ضحى انا هنسفك انتى فاهمة
سالى / يباة خلينا نتقابل فى المحاكم سلام يا بش مهندس
وسالى بتخرج ونادر بيدخل
نادر / مش دى سالى فى اية مالهاا دى ادتنى كتف وانا داخل اووف
انس / سالى حامل
نادر / واية يعنى هى مش متجوزة يعنى
انس / بتقول انو ابنى دى اتجننت
نادر / وهو فعلا ابنك
و انس بيبص نادر
نادر / فى اية مجرد سؤال
انس / لا متسالش ماشى
نادر / وبتتعصب عليا لية دلوقتى يعنى
انس / يوووة انا هسبلك المكتب كلو وهخرج احسن
و انس بيتعصب وبيخرج من المكتب
ضحى و على وتيم وصالح فى الفيلاا ومفيش حد بيتكلم والكل قاعد بيفكر
ضحى / انا مش مصدقة ابدا
والكل بيبصلهاا
ضحى/ بعد الى حصل دة كلو وانت بتقول انك هترجعلو
تيم / متنسيش ان هو الى ربانى وكبرنى
ضحى / ومتنساش ان هو السبب فى موت ماما
تيم / كلنا عرفيين مين السبب بالضبط السبب فى كل دة
هو الى احنا فى بيتو دلوقتى
ضحى / تيم باباا دلوقتى بين ادين ربناا مش عوزااك تتكلم ابدا علية بالطريقة دى
تيم / اسف بس انا
على / خلاص كفااية ممكن نهدى ونفكر
ضحى/ احنا كنا هنموت علشانك وانت بالسهولة دى
تيم / لو مكنتش قلتلو انى هروح معاة كنتو دلوقتى ميتيين
و ضحى بتتخنق اوى وبتخرج من الفيلاا والامن بيروح ورها
ضحى / مش عوزة حد معاياا
الامن / بس يا انسة
ضحى / قولتلكو مش عوزة حد انتو مبتفهموش
و ضحى بتمشى خطوتين وبترجعلهم تانى وبخجل وعيونها على الارض
ضحى / اسفة مكنش قصدى
الامن / احنا بس بنحاول نحمى حضرتك صدقينى مش تطفل عليكى
ضحى / عرفة اسفة
ضحى / ممكن توصلنى للبيت القديم لو سمحت
الامن / اتفضلى يا انسة
و ضحى بتروح لاية البيت
محمد/ ضحى تعالى كنت حاسس انك هتيجى
ضحى / اية كويسة
محمد / عملة نفسهاا كويسة وانا مبينلهاا انى مقتنع طبعا
و ضحى بتبتسم اوى لمحمد وبتدخل اوضة اية و اية كانت بتعيط وبتمسح دموعهاا بسرعة
اية / ضحى تعالى لسة كنت هكلمك
و ضحى بتروح عليهاا
اية / عملتو اية فى موضوع تيم خلاص المشكلة اتحلت
ضحى / انتى نسيتى فى دمعة هناا هربانة منك
و ضحى بتمسح لاية دمعة من على خدهاا و اية بتبكى وبتحضن ضحى اوى
اية / والله مش قدرة انساا يا ضحى حتى خايفة اغمض عينى اعمل اية
و ضحى بتحضنهاا اوى
ضحى / انا عرفة ان دة صعب عليكى بس لازم تنسى وتبداى حياتك من جديد ومتنسيش ان كلهاا كام شهر وهنحضن حبيب خالتو
اية/ خايفة اكرهو يا ضحى خايفة اشوف فى عيونو نظرات ابوة
ضحى / اية اوعى تقولى كدة ابدا لا يا اية اوعى دة ابنك انتى
اية / انا بشوفو فى كل حااجة فى الاوضة دى هنا كنت بكلمو وكان بيوهمنى باخلاصو وحبو لياا وتفانية فى الحب
ضحى / اية متعمليش كدة ارجووكى
اية / انا التفكيير هيقتلنى يا ضحى يوسف جوزى طلع مغتصب وقاتل وكان هيعمل فياا زى الى عملو فيهاا
و اية بتنهار من العياط و محمد واقف قدم الباب وسامع كل حاجة وعيونو بتدمع من الحزن
ضحى / اية رايك تيجى معايا الفيلاا تغيرى جو
اية/ انتو مش نقصيين كفاية المشاكل الى عندكو مش هكمل المشاكل انا
ضحى / على الاقل هنساند بعص انا كمان محتجالك اوى جمبى
و محمد بيدخل
محمد / دى فكرة كويسة
و اية بتبصلو اوى
محمد / اوعى تفكرى انى كنت بتصنط عليكو لاا اوعو
وبيضحكو اوى
بعد يومين
ضحى بتنزل من اوضتها بتشوف انس مع على وتيم و محمد
ضحى / انس جيت امتى ومقلتليش انك جاى يعنى
انس / مش لما تردى على الموبيل
ضحى / الموبيل بس انا كنت
انس / انا جاى احد ميعاد الفرح مع اخواتك
و ضحى بتبص لمحمد و على وتيم
ضحى / ميعاد الفرح اية بالسرعة دى وكمان احنا
على / انا عن نفسى موافق جدا خلينا نفرح شوية انا قربت انسا بنضحك ازاى
محمد / ضحى تعالى اقاعدى
ضحى / كان المفروض نتكلم احنا فى الموضوع دة قبل ما تكلمهم
انس / انا عرض عليكو راى اتشورو مع بعض وياريت اعرف القرار
ضحى / انت رايح فيين
انس / رايح بيتى
ضحى / انس انت لية بتكلمنى بالاسلوب دة
انس / الموصيبة ان انتى متعرفيش لية
ضحى / اة انا قصرت معاك شوية
انس / شوية
ضحى / اة كتيير عندى مشاكل وكمان
انس / كنت فاكر ان انا من اول اهتماماتك يا ضحى
ضحى / انس
انس / بعد ازنكو
و انس بيمشى و ضحى بتطلع على اوضتها ومديقة اوى
اية / ضحى فى اية مالك
ضحى / مش عاوز يفهمنى لية لازم يكون جمبى مش ضدى
اية / زى ما انتى عوزاة يفهمك انتى كمان لازم تفهمية كل الى عوزو انس انك تكونى معاة وجمبو على طول حتى لو فى اى حاجة تقدرو تحلوها بسهولة مع بعض يا ضحى
ضحى / انتى كمان يا اية
اية / ضحى انا هروح اخد دوش احسن دماغى هتنفجر
و اية بتسبها وبتروح على الحمام و ضحى بتبص لصورة انس بغضب
تيم قاعد سرحان
على / تيم انت كويس بتفكر فى اية
تيم / انت قولتلى انس اسمو اية بالكامل
على / انس عبد الرحمن لية فى اية
التعليقات على الموضوع