حبك اقتحم حياتي🌸الحلقه 46🌸
الحلقة 46
انس لسة هيخرج من اوضة ضحى وبيحس بيهاا فى الاوضة وبيروح على الدولاب وبيفتحو وبيتفاجا بضحى بتهجم علية من الدولاب وفى اديهاا شماعة هدوم و بيلحقهاا بسرعة قبل ما تقع وبيمسكهاا و ضحى بتصرخ
انس / ضحى ضحى انا انس
و ضحى بتفتح عنيهاا بتشوف انس قدمها وبتحضنو اوى
انس / هششش انا جمبك انا هنااا خلاص
ضحى / انس انس فى فى حد كان برة وحاول يفتح الباب انا شفت رجلو من قدم الباب وكمان مقبض الباب هو هو كان بيتحرك انس هو هو
و انس بيحط ادية على خدهاا بحنية
انس / ضحى اهدى خلاص انا هناا جمبك ماشى
و ضحى بتهز رسهاا بنعم و انس بيضمها لصدرو وبيبص لاديهاا وبيشوف شماعة الهدوم الى فى اديهاا
انس / انتى كنتى هتضربى الحرامى بالشماعة
و ضحى بتبصلها اوى
ضحى / متنفعش صح
و انس بيضحك وبيضمهاا اوى والامن بيدخل
الامن / مفيش حد فى الفيلاا وكل المداخل متامنة كويس
مفيش حد يقدر يدخل ولا يخرج من غير ما نشوفو
ضحى / انا متاكدة كان فى حد هنااا وكمان الاوضة الى جمبى انا سمعت صوت خربشة منها
و انس بيروح الاوضة التانية و ضحى بتروح وره بسرعة
و انس بيشوف الاوضة كويس وكل حاجة فى مكنهاا
و بيبص لضحى
ضحى / انا مش مجنونة انا عرفة انا بقول اية بالظبط
انس / خلاص اهدى تعالى يلاا
ولسة انس هيخرج وبيشوف اثار اقدام على الارض لاتجاة الشباك
انس / ضحى روحى انتى جهزى نفسك هنروح من هنا
و ضحى بترجع على اوضتها
انس/ فى اثار اقدام بتوصل للشباك شوف الاثار دى
والامن بيشوف الاثار وبيفتح الشباك وبيبص لفوق و الامن بيطلع سلاحو وبيخرج بسرعة من الاوضة وبيشاور للرجالة
يروحو وره وبيطلعو على سطح الفيلااا
و انس بيروح لضحى بسرعة
انس / ضحى خلينا نروح من هناا هتيجى معايا
ضحى / خلينى ارجع بيتى احسن الفيلاا هناا بتخوفنى انا مش مطمنة هناا
انس/ عندك حق بس مش هقدر اسيبك لوحدك انتى امانة عندى هتيجى معايا الفيلاا هناك هكون مطمن عليكى وانتى قدم عينى
ضحى / لا طبعاا مينفعش
انس / هو اية الى مينفعش لازم تيجى معاياا
ضحى/ انس ازااى يعنى اجى معاك الفيلاا وعمو الحاج و امير والناس هيقولو اية يعنى لا طبعاا
انس / انا ميهمنيش حد ماشى انتى بس الى بتهمينى
و انس بيخد شنطة وبيحط فيهاا هدوم ليهاا وبياخد الشنطة
وبيمسك ضحى من درعهاا وبيخدها على العربية من غير اى كلمة والامن بيروح لانس
الامن / اثار الاقدام بتبين انو طلع على الشجر لحد ما وصل فوق السطح
انس / الانسة ضحى هتكون معاياا وانتو كمان تعالو ورنا
و انس بيركب العربية ورجال الامن بيروحو ورهم بالعربية
انس و ضحى بيوصلو فيلاا انس
انس / ضحى انزلى
ضحى / انس لو سمحت خلينى اروح بيتى وكمان محمد هيكون معايا
انس / لا مش هكون مطمن غير وانتى قدم عينى
ضحى / انس معنى كدة ان كان فى حد فعلا فى الفيلاا
انس / اة وكنتى هتحربيه بالشماعة
ضحى / انس
انس / يا عيون انس
ضحى /انس الناس هتقول اية ولا اية السبب انى افضل هناا معاكو
انس / مش يمكن علشان نستفرض بيكى ونشربك حاجة صفرة
وانس بيضحك وبينزلها من العربية وبيدخلو الفيلاا
انس / انتى هتنامى فى اوضتى النهاردة
ضحى / وانت
انس / معاكى طبعاا
و ضحى بتبصلو بعصبية
انس / امرى للة هناام مع امير
ولسة هيطلعو على السلم
ضحى / طب خلينا ندى عمى خبر يعنى يصحى يلقينى قدمه
انس / هنديلو خبر بكرة الصبح يلااا
و انس بياخد ضحى على اوضته وبيدخلو الاوضة و ضحى بتبص للاوضة
ضحى / دى اوضتك
انس / يعنى لو مش عجباكى اغيرهالك
ضحى / شبهك اوى
و انس بيقرب منها وبيمسكها من خصرهاا
انس / وكلها وقت بس وتكون اوضتك وتغيرى فيهاا الى يعجبك
ضحى / اول حاجة هغيرهاا الستاير السودة دى
انس / لادى احلا حاجة هناا علشان يكون اليوم بالنسبة لينا ليل وبس وفى الليل باة
و انس بيقرب منهاا و ضحى بتدفعو فى اتجاة الباب
ضحى / تصبح على خيير
انس / طب كدة من غير حاجة
ضحى / يلاا عوزة اناام
انس / تصبحى على خير اوضة امير الى فى اخر على اليمين
ضحى / اوكى
و انس بيبتسملهاا اوى وبيخرج وبيقفل الباب و بينزل للامن علشان يشرحلهم مداخل ومخارج الفيلاا
ضحى بتلمس سرير انس وبتمسك المخدة بتعتو وبتشم ريحتهاا ومبسوطة اوى وبتشوف صورتهاا جمب السرير بتاع انس
وبتروح تغير هدومها والباب بيخبط و ضحى بتروح تفتح الباب وبيكون انس
انس / اكيد ماكلتيش حاجة
و ضحى بتبصلو اوى بحب
انس / للاسف كل الشغلين راحو خلاص من المطبخ
فعملتلك سندوتش خفيف
ضحى / ودة سندوتش اية باة
انس / دة يا سيتى سندوتش جبنة بالطماطم متقلقيش انا جربتو كتير قبل كدة
ضحى / يعنى تمام
انس / جدا جربى ومش هتخسرى
و ضحى بتخدو من انس
ضحى / شكرا
انس / شكرا بس كدة
ضحى / نعم
انس / طب قوليلى اتفضل معاياا انا تاعب نفسى ونزلت المطبخ الى طلع عينى وافتكرت مكانو فيين اصلاا وقطعت الطماطم والطماطم فضلت تعيط تعيط وانا كنت حزين عليهاا بس قلت علشان خاطر ضحى حببتى اعمل اى حاجة
ضحى / لا يا شيخ الطماطم فضلت تعيط
انس / اة مش مصدقانى
ضحى / لا مصدقاك مصدقاك
انس / ممكن ادخل باة
ضحى / لاا
و انس بيضم شفيفو وبيعمل نفسو زعلان
ضحى / روح نام يا انس يلااا
و ضحى بتقفل الباب وبتقف وره وبتضحك و انس بيخبط الباب و ضحى بتفتح و انس بيبسها من خدها
انس / تصبحى على خير
و انس بيروح و ضحى وقفة مكنها مبسوطة
اية و يوسف بيرجعو البيت
اية / حبيبى ادخل انت ارتاح وانا هجهزلك فطار
يوسف / لاا متعمليش حاجة خالص تعالى
و يوسف بيخدها على الاوضة وبيخليها تقاعد وبينام على رجليهاا
يوسف / اوعدينى انك مش هتسبينى تانى
و اية بتبصلو بقلق
اية / اوعدك
ويوسف بيبوس اديهاا
على فى العربية وصالح بيقرب منو
صالح / الحراسة حولية ٢٤ ساعة مش بيتحركو
على / لازم نتكلم معاة باى طريقة خلينى انا احاول
صالح / على انت متعرفش حاجة المكان هناا خطر جدا عليك
ومن الاحسن انك تروح على الفندق ولو فى اى جديد هديك خبر
و على مدايق اوى
صالح / اصبر هانت هاانت
على بيبص على بيت جبلى كبير وحولية سور من الاسلاك الشائكة وفى حراسة على البيت ومسلحيين
فى فيلاا انس
انس بيصحى بيشوف امير نايم علية وبيبعدو عنو
انس / لسة عندك العادة دى ابعد عنى كسرت عضمى
انس بيدخل على الحمام و امير بيفتح عنية بسرعة
امير / المسابقة
و امير بيجرى بسرعة على اوضة انس وبيدخل وبيروح على السرير
امير / انس انس انت مالك صغرت كدة ازااى
ولسة امير بيلمس ضحى و ضحى بتتفزع وبتصرخ و امير بيصرخ
ضحى / انت انت ميين
و امير بيبص لضحى اوى وبيبص للاوضة بيتاكد انهاا اوضة انس
امير / لاا ضحى و انس كدة وعلنى وفى عز النهار وقدمنا
ضحى/ امير انت بتقول اية
امير / هشش باباا لو سمعك هيقتلناا يلاا لازم تستخبى بسرعة قبل ماباباا يشوفك
و انس بيدخل الاوضة بسرعة
امير / انس انت طلعت جرى اوى
و انس بيضرب امير على راسو
انس / تفكيرك قذر
ضحى / هو بيقصد ايه
انس / لا يا حياتى ولا حاجة انتى نمتى كويس
و انس بيبص على بيجامة ضحى وبتكون ستان دهبى شورت وتوب و انس بيخبى عيون امير بسرعة
انس / اية الى انتى لبسااة دة
و ضحى بتسحب الغطااء بسرعة وبتغطى نفسهاا وانس بيخرج امير برة بسرعة
امير / انا مش فاهم حااجة
انس / ومن امتى وانت بتفهم
امير / المهم المسابقة كلمت بابا
انس / روح صبح علية وبوس ايدو واوعة تقولو على ضحى انا هتكلم معاة الاول
امير / يعنى وافق
انس / روح بوس ادية يلااا
و امير بيجرى بسرعة و انس بيرجع لضحى و ضحى بتكون لبست الروب
انس / فى حد يلبس كدة بردو
ضحى / انا مبعرفش انام غير كدة عندك مانع
انس / لا طبعا دة هيكون مفيد اكتر بعد الجواز
و ضحى بتبصلو بصدمة و انس بيغمزلهاا بعنية
ضحى / انس
انس / يا عيون انس يا قلب انس
و ضحى بتبتسم اوى وبتقرب منو
ضحى / صباح الخيير
و انس بيمسك اديهاا الاتنين وبيوبوس كف اديها
انس/ صباح الياسمين صباح الفل صباح القرنفل
و بيلمس خدها بحنية
انس / صباح ضحى
ضحى / الكلام دة كلو علشانى
انس / لو وقفتى قدمى اكتر من كدة هيكون فعل مش كلام بس
و انس بيبصلها على فتحة الروب و ضحى بتبعد عنو خطوة وبتجرى على الحمام
انس / هستنكى تحت
و انس بيضحك وبيخرج وبيروح اوضة والدو
مصطفى بيدخل اوضة فى المستشفى وسالى بتكون فى انتظارو و مصطفى بيقف قدمها وبيبصو لبعض اوى
مصطفى / مدام سالى انتى طلبتينى
مصطفى واقف وره ممرضة وسالى بتروح على الممرضة بتديها فلوس والممرضة بتخرج
سالى / خلينا نتكلم فى حاجات مشتركة بينى انا وانت
مصطفى / مشتركة بينا مظنش
سالى / يعنى انا وانت من مصلحتناا ان علاقة انس و ضحى متكملش
و مصطفى بيبص لسالى
سالى / انس بيكون ابو ابنى هو رمانى بعد ما اخد منى الى هو عوزو ودلوقتى الدور على ضحى هى كمان هياخد منها الى هو عوزو وبعد كدة هيرميهاا فى مصحة زى ما رمانى هناا
و مصطفى بينصدم
سالى / ساعدنى ننقذ ضحى وسعتهاا هتكون ضحى ليك وانا كمان اقدر انقذ ابنى انو يترباا مع ابوة
مصطفى / انا لازم افضحو بعد كل الى ضحى عملتو معه بيعمل فيها كدة
سالى / بس دة هيكون اخر سلاح فى ادينا بس انت قولى
انت معاياا ولا لاا
و مصطفى بيبص لسالى اوى
مصطفى / انا معاكى بس من غير ما ضحى تتاذى
سالى / اة طبعا انا بعمل دة علشان ضحى متعش الى انا عشتو
قدم بيت كنزة محمد مستنى وكنزة بتنزل وبتركب جمبو
كنزة / صباح الخير
محمد بيبصلها بابتساامة وسعة / صباح النور
محمد بيشغل العربية وبيمشى
كنزة / خدنى عند ضحى اطمن علياا وبعد كدة نروح الشركة
محمد / كلمتى والدك
كنزة / اة يا محمد كلمتو
محمد/ وقالك اية
كنزة / يعنى متوقع يقولى اية عادى مبرووك يا حببتى انا وماما مبسطين علشانك لو احتجتى حاجة كلمينى
و محمد بيشوف دموع كنزة بتنزل وبيقف بالعربية وبيمسك اديها
كنزة / كنت متوقعة والله عادى انا مش زعلانة صدقنى
وكنزة بتعيط اوى محمد بيمسحلهاا دموعهاا
ضحى بتنزل من الاوضة وبيكون عبد الرحمن و انس و امير وكريمة على السفرة
ضحى / صباح الخير
و انس بيروح عليهاا وبياخد ضحى عند والدو
عبد الرحمن / اهلا بيكى يا بنتى البيت بيتك
ضحى / اسفة انى جيت كدة
كريمة / اسفة على اية يا حببتى انتى بنت البيت دة ولا اية يا انس
انس / بنت البيت طبعاا
و ضحى بتبصلو وبتبتسم اوى
امير /ضحى اسف مكنتش اعرف انك نايمة فى اوضة انس
و كريمة و عبد الرحمن بيبصو لانس
انس / احم احم امير كسر جسمى انا ندمت انى نمت جمبو امبارح
امير / اية دة هو انت الى كنت نايم جمبى كنت بحسبك شاكيرة
ضحى/ شاكيرة
انس / لاا متخديش فى بالك هعرفك عليها بعديين يلاا تعالى
عبد الرحمن / اقاعدى هناا يا حببتى يلاا افطرى
كريمة / اكل خطبتك يا انس خليهاا تتغذى كويس دة عضم اكتفهاا شوف عامل ازااى
و ضحى بتبص لكتفهاا و انس بيكتم الضحكة و بيحط قدم ضحى زتونة
انس / لازم تتغذى فعلااا
و ضحى بتضرب انس برجليهاا من تحت التربيظة
على فى الفندق ومدايق اوى وصالح بيدخل علية
صالح / انت لازم ترجع مصر
على/ لية
صالح / عرفو اننا بنراقبهم واتعرضو للرجالة بتعناا هناك
على / يعنى اية
صالح / انت متقلقش انا حجزتلك تذكرة النهاردة على مصر انت مكنش لازم تيجى هناا مكنش لازم اعرضك للخطر
على / وتيم
صالح / متقلقش هنوصلو باى طريقة بس مايكل جايسون يرفع الحصار عنو دقيقة وحدة بس دقيقة وحدة انت متقلقش انا موجود هناا
و على مدايق اوى
ضحى فى الجنية سرحانة وكريمة بتروح عليهاا
كريمة / قلت انك محتاجة كوبية عصير
ضحى / شكرا يا طنط
كريمة / انتى زى انس و امير لو محتاجة حاجة كلمينى
وكريمة بتمشى و انس بيروح على ضحى وبيقاعد جمبها
انس / حببتى انتى لوحدك لية هناا
ضحى / انس انا مخنوقة مش مرتاحة خلينى اروح بيتى لو سمحت
انس / كنت فاكر انك هتكونى مبسوطة هناا اسف
و ضحى بتمسك ايدو
ضحى / مقصدش والله بس انا
انس / متكمليش يا روحى انا فهمك بس استحملى يومين كمان
ضحى / انت مخبى عنى اية
انس / انا لازم اروح الشركة
ضحى / استنى هاجى معاك
انس / تيجى معايا فيين
ضحى / الشغل
انس / حببتى خليكى كام يوم ارتاحى
ضحى / لا انا كويسة خلينى اروح ما انا مش هفضل هناا لوحدى يعنى
و انس بيقرب منها
انس / يعنى بتقصدى انك مش قدرة تبعدى عنى
ضحى / يعنى حاجة زى كدة
و انس بيقرب اكتر
كريمة / انس
و انس بيبعد عن ضحى بسرهة بخضة و ضحى بتبص للارض بخجل
كريمة / القهوة
انس / شكرا يا دادة على طول بتيجى فى وقتك
وكريمة بتبصلو اوى
انس / احم ضحى جهزى نفسك بلاش نتاخر
كريمة / ضحى يا بنتى موبيلك كان بيرن
و ضحى بتاخد من كريمة الموبيل
ضحى / شكرا
ضحى / دة الاستاذ صالح
و ضحى بتتصل بية تانى
ضحى / الو استاذ صالح انا حاولت اتصل بيك انت على اكتر من مرة انتو كويسيين
وصالح بيسكت
ضحى / استاذ صالح انت سامعنى
صالح / هو على موصلش عندك
ضحى / على هو رجع على فيين على الووو الووو رد علياا فين على
و انس بياخد منهاا الموبيل
انس / الو فهمنى
صالح / على سافر امبارح على مصر بس الشباب الى كانو
مستنينو فى المطار قالو انو موصلش على الطيارة ...
التعليقات على الموضوع