حبك اقتحم حياتي🌸الحلقه 41🌸
الحلقة 41
امير فى المسرح ومدايق اوى وادهم بيقاعد جمبو
ادهم / فى اية مالك يعنى انت رجلك كانت مكسورة من الطبيعى يعنى انك متاديش حلو
امير / مفيش وقت المسابقة الشهر الجاى
ادهم / خلينا نروح نشرب حاجة مع بعض يلاا انا هموت من البرد يلا اتحرك
وادهم بياخد امير وبيخرجو
امير / خلينا نروح الفيلاا اغير هدومى ونخرج
وبيروحو الفيلاا وبيشوف عربيتين خرجين من الفيلاا ومعاهم امن كتير
ادهم / دة الوزير كان عندكو ولا اية
امير وادهم بيدخلو الفيلاا
ادهم /عاملة اية يا دادة كريمة
كريمة / يعنى كدة هان عليك الاكلات الى كنت بعملهالك مع امير
ادهم / والله انتى عرفة الجامعة والامتحانات
كريمة / ربنا معاكو يا حبيبى
امير / مين الى كان هناا يا دادة
كريمة / دول ناس مهميين كانو مع والدك باين عليهم مش مصريين
ادهم / انتو خلصتو على الشرق الاوسط ودخلتو على اوروباا
امير / دادة هتيلو حاجة يشربهاا لحد ما اغير هدومى وانزل يمكن يبطل حسد فيناا
ادهم / هو انتو بيحوق معاكو حسد
امير / ياساتر عليك
امير بيطلع على اوضته
انس بيوصل الموقع وبيشوف تجمع العمال حولين ضحى وعيسى
ضحى / صدقونى اكيد البش مهندس معندوش خبر بالى حصل دة
العماال /انتو بتيجو على الغلابة وبس دة حراام
ضحى / انا بنفسى هتكلم مع البش مهندس انا متاكدة انو هيتراجع عن القرار دة
العمال / مش هنلمس طوبة وحدة هناا غير لما حقنا يرجع
عيسى / ممكن تهدو شوية
العمال / لا للظلم لااا لااا انتو هممكو اية انت وهى انتو مبسوطيين وبتعملو اية غير انكو بتقاعدو على المكاتب وبتستعبدو الى زيناا
ضحى / لاا احنا كمان منكو احنا كلنا ايد وحدة يعنى التوقف عن العمل مش حل ابدا انتو كدة مش بتازو الشركة وبس
و ضحى بتشوف انس واقف قدم عربيتو وباين علية مدايق
و انس بيشاورلهاا انها تروح على العربية وعيسى بيبص لضحى بياس و ضحى بتروح لانس
ضحى / انس العمال
انس / اركبى العربية
ضحى / بس العمال متوقفين عن العمل ودة فى خساير للشركة كبيرة
انس / تتحرق الشركة اركبى العربية حاالاا
و ضحى بتدايق اوى من تصرفو معاهاا وبتركب العربية وانس بيروح على العمال وبيتكلم معاهم و ضحى بتستنى فى العربية و بتشوف العمال مبسوطين وبيسلمو على انس
وبعد شوية انس بيروح على العربية وبيبص لضحى وبيشغل العربية وبيمشى
ضحى ولا حتى بتبصلو وبيخدهاا على الشركة
انس / انزلى
و ضحى مش بترد علية ومش بتنزل و انس بيفتحلهاا باب العربية
انس / انزلى يا ضحى
ضحى / لا مش هنزل
انس / متبقيش غلطانة وكمان بتعندى
ضحى بعصبية / انا غلطانة وغلطت فى اية علشان تكلمنى بالاسلوب دة
انس / هنفضل وقفين كدة
و انس بيشاورلهاا على الشركة و ضحى بتدخل الشركة بعصبية وبيدخلو مكتب انس
ضحى/ ممكن باة تقولى انا عملت اية غلط علشان تعاملنى بالاسلوب دة
انس / لما حضرتك تخرجى من الشركة من غير ما يكون عندى علم وخصوصا فى مكان زى دة ويكون كمان فى مشكلة انتى مش متخيلة ان كان ممكن انهم ينفعلو وممكن تتازى باى طريقة
ضحى / والله انا كبيرة كفاية انى احمى نفسى
انس / ضحى ممنوع انك تتدخلى فى اى مشكلة زى دى مفهوم
ضحى / دة امر يعنى
انس / افهمية زى ما تفهمية المهم ان ممنوع انك تدخلى فى اى مشكلة مع العمال
و ضحى بتتعصب اوى
ضحى / بس دة شغلى واحنا متفقين انك مش هتتدخل فى شغلى
انس / انا هناا المدير
ضحى / يباة استقلتى هتكون على مكتبك حالاا
و ضحى لسة هتخرج و انس بيمسكها من اديها وبيبصو لبعض اوى وبيحضنو بعض
انس / ضحى ارجوكى انا بحبك ودة من خوفى عليكى
و ضحى بتحط اديهاا على خدو بحنية
ضحى / انا اسفة كان لازم اديك خبر على الاقل انا اتصرفت بعفوية ومن خوفى على الشركة انا اسفة
و انس بيضمها اوى
انس / اول مرة احس بمتعة الخناق جميل اوى
و انس بيضمها اكتر على صدرو و ضحى بتضربو على صدرو
ضحى / حقيير
و انس بيضحك هو ضحى
انس / انا جعان اية رايك نروح نتغدا فى اى مكان
ضحى / احنا عندنا شغل كتيير ممكن نشوف شغلنا ونبعت نجيب من كفترية الشركة او اية رايك ننزل نتغدا تحت
انس / فى كفترية الشركة انا
ضحى / وفيهاا اية يعنى اة حضرتك البش مهندس انس عبد الرحمن مدير الشركة مش من مستواك صح
انس / ضحى انتى عرفة ان انا مش كدة بس يعنى
ضحى / مفيش بس يلاا انا الى هعزمك
و ضحى بتاخد انس من ايدو وبيخرجو وبينزلو الكفترية والموظفين بيشوفو انس داخل بيسيبو الاكل وبيقفو كلهم
و مصطفى موجود وهو الوحيد الى مش واقف و انس بيتحرج من الموظفيين اوى
انس /اتفضلو اقاعدو كل واحد مكانو
وبيقاعد هو و ضحى على التربيظة وبيبص حولية اوى
و ضحى بتمسك ايدو و انس بيبصلها وبيبتسم وبيدخل موظف على الكفترية
الموظف / ياشبااب يلااا بركووووووولى يلاااا انا ابو وليد
الكل بيبصلو اوى وبيبركولو اوى
ضحى / شفت كنت هتحرم عينك من انك تشوف الفرحة دى
عامل الكفترية بيجيب الاكل لضحى و انس
انس / اية دة انا مش باكل دة
العامل / اسف بس هو دة الاكل النهاردة
ضحى / كل يوم بيكون فى اكلة معينة لكل الموظفيين شكرا تسلم ايدك
والعامل بيمشى بسرعة و انس بيبص للاكل
ضحى / كل حلو على فكرة
انس / مليش نفس
و ضحى بتضحك
ضحى / انت خايف ولا اية متخفش مفهوش شطة يعنى مش هتفضل طول اليوم فى الحمام
و انس بيبص لضحى اوى و ضحى بتضحك
انس / امير مش كدة الندل الجزمة
ضحى/ حبيبى اسفة علشان انا كنت عرفة انك مش بتحب الشطة
انس / يعنى كنتى قصدة كدة صح
و ضحى بتضم شفايفهاا زى الاطفاال وبتبص لانس بجمب عنيهاا
انس / ياالله على البراة انا اعمل اية فى الشفايف دوول يعنى اكلهم
ضحى / انس
انس / فى اية هو انا بستهم يعنى سبينى اتخيل
ضحى / لاا متتخيلش
انس / اة طبعا مش لازم اتخيل كلهاا كام يوم ويكون حقيقة
ضحى / انس الموظفين بيبصو عليناا
و انس بيظبط هدومه وشعرو و ضحى بتغمزلو
انس / شوفى انتى الى بتحرضينى على الانحراف اهو
وبيضحكو اوى وكنزة بتجرى عليهم بسرعة
كنزة / بش مهندس بشمهندس
انس و ضحى بيتخضو اوى
انس / فى اية اهدى
كنزة / موصيبة يا بش مهندس موصيبة
انس / والله انا مستغرب ان عدت ساعة من غير موصيبة على دماغى
ضحى / كنزة خدى نفسك وقولى فى اية
كنزة / اتصلو من قسم الشرطة امير هو فى القسم
انس / امير فى قسم لية حصل اية
كنزة / وانا مالى والله معملتش حاجة يابش مهندس
و انس بيبص لكنزة بعصبية وبيرفع ايدو كانو هيضربها بالبكس وكنزة بتخااف و انس بيخرج بسرعة و ضحى بتخرج وره
كنزة / اووف هو انا الى قلتلهم يخدو القسم
و عيسى بيروح على كنزة
عيسى / كنزة فى اية
كنزة / مفيش حاجة مشكلة بسيطة
عيسى / طب استنى كنت عاوز اتكلم معاكى فى موضوع
كنزة / اوعة تقول انك عاوز تاخد اجازة وانا الى هدخل الازن لااا
هيسى / لاا لا مش اجازة خالص انا
كنزة / اوعة تكون عاوز سلفة من الشركة وانا الى اقدم السلفة للبش مهندس
عيسى / اهدى يا بنتى فى اية
كنزة / اوووف انا باين كدة اعصابى تعبانة فعلا اسفة يا بش مهندس
عيسى / فى موضوع شخصى يعنى خلينا نقااعد فى مكان
هادى ونتكلم شوية
كنزة / اوكى بعد الشغل مفيش مشكلة سلام لازم اروح
وكنزة بتمشى وعيسى بيبتسم اوى
انس بيركب عربيتو وبيشوف ضحى بتركب العربية
انس / ضحى انزلى انتى ريحة فيين
ضحى / هروح معاك
انس / لا طبعاا مستحيل اخليكى تدخلى اماكن زى دى
ضحى / امير بيكون اخويا زى ما هو اخوك
و انس بيشغل العربية وبيتحرك وبيبص لضحى بعصبية و ضحى بتبتسم اوى ابتسامة انتصار 😁
انس و ضحى بيوصلو قدم القسم و ضحى بتبص للقسم اوى وبينزلو من العربية و انس لسة هيتحرك بيشوف ضحى بتبص للقسم بخوف ووقفة مكنها و انس بيبص للقسم وبيفتكر حادثة والدتهاا و انس بيروح عليها
انس / ضحى
و ضحى بتتخض
انس / من الاحسن انك تفضلى فى العربية ماشى
و ضحى بتمسك ايدو
ضحى /مدام انا معاك انا مش خايفة دى اول مرة بعد حادثة ماما ادخل القسم
و انس بيلف دراعو حولين كتفهاا وبيدخلو القسم وبيشوفو امير وادهم بيتكلمو مع امين الشرطة
امير / صدقنى هى الى خبطتنى هى الى كانت ماشية عكس
انس / امير
و امير بيشوف انس و بيبص لادهم بحزن
انس / اية الى حصل
وبتظهر بنت ولبسة هدوم زى الاولاد من وره امير
البنت / انا اقولك يا حضرت الاستاذ خبطنى بالعربية بتعتو وكمان مش عجبو ومش عاوز يعتزر
امير / اعتز على حاجة معملتهاش انتى الى فجاة ظهرتى قدمى بالغلط انتى مكنتيش ماشية فى الطريق مظبوط
ضحى / منة
و منة بتبص لضحى اوى
منة / ضحى
وبيحضنو بعض اوى هم الاتنين
ضحى / انتى زى ما انتى مفيش حاجة ابدا غيرتك وحشتينى اوى وكريم عامل اية
منة / كلنا كويسين
انس / انتو تعرفو بعض
ضحى / اة منة بتكون بنت ناظر المدرسة يعنى البنت المدلله
ومنة و ضحى بيضحكو اوى
منة / لسة كنت انا وكريم فى سيرتك من يومين والله
و انس بيبص لضحى برفع حاجب و ضحى بتحاول تتجاهل نظرات انس
ضحى / وانتى عاملة اية دلوقتى بتدرسى اية
منة / يا سيتى انا بدرس فى المعهد العالى للفنون اة لازم اخد نمرتك كريم لما شاف صورتك فى المجلة هيتجنن ويكلمك زى زمان باة ههههة
التعليقات على الموضوع