حبك اقتحم حياتي🌸 الحلقه 38🌸
الحلقة 38
والباب بيخبط وبيدخل محمد وعيونو على كنزة
كنزة / بعد ازنكو عندى شغل
محمد / لو عطلتكو فى حاجة اناا
كنزة / بعد ازنكو
وكنزة بتخرج و محمد بيبص عليهاا وهى خرجة اوى بحزن
ضحى / محمد
و محمد بيبص لضحى وبيقاعد
ضحى / فى حاجة حصلت
محمد / لا بس انا يعنى مشفتكيش من يومين وقلت اجى اطمن عليكى
ضحى / تتطمن علياا بردو
محمد / ضحى انا همشى لو هتتكلمى فى نفس الموضوع
ضحى / مش حرام عليك الى بتعملو فى البنت وبتعملو فى نفسك لية يا محمد وانت عارف ومتاكد انهاا بتحبك وانت كمان بتحبهاا وهتموت عليها كمان
محمد / عوزانى اعمل اية يا ضحى وانا عارف ان اخر الطريق مسدود قدمى
ضحى / حبكو ممكن يفتح اى طريق
محمد / كنتى قدرتى تفتحى طريقك انتى كمان
ضحى / لا بس اناا
محمد / ضحى انا مجرد سواق على تاكسى وكنزة شوفى هى ايه وبنت ميين اروح اقول لابوها الدبلوماسى المشهور اية اقولو انا هتجوز بنتك وهخليها تعيش معايا فى شقتى الى هى فى مكان شعبى الى عمرها ما اتخيلت فى حيتها انهاا
و محمد بيسكت و ضحى بتمسك ايدو
ضحى / محمد
محمد / انا لازم امشى عندى شغل وانتى خلى بالك من نفسك لو احتجتى حاجة كلمينى ماشى
ضحى / حاضر
و محمد بيخرج و ضحى بتبصلو بحزن
اية مديقة اوى وبتدخل ليوسف الاوضة وهو نايم وبتصحية
اية / لا مستحيل يعنى عاوز تفهمنى ان اخوك موجود وبينا وبينو كام درجة سلم واحناا هناا
يوسف / اية انا مش قلت مش عاوز نقاش فى الموضوع دة
اية / طب فهمنى بس شوف انا عملت اية عملت حلويات وكيكة وكمان عصير فرولة وعصيير
و يوسف بيتعصب اوى
يوسف / انتى لية مصرة انى اقلب على وشى التاانى وتشوفى وش محبش تشوفية
و يوسف متعصب اوى و اية بتخاف منو شوية
يوسف / كام مرة قولتلك ملكيش اى دعوة بالموضوع دة انتى مش بتفهمى لية
و اية بتسيبو وبتبعد عنو بسرعة وبتروح على الحمام وبتقفل الباب ورها بالمفتاح و يوسف بيروح ورها بسرعة
يوسف / اية اية لو سمحتى افتحى الباب
و اية مش بترد علية و يوسف بيتعصب
يوسف / اية قولتلك افتحى الباب حااالاا
و يوسف بيخبط على الباب بقوة وبغضب و اية بتخاف اوى منو وبتعيط و يوسف بيسمع صوتها عياطها وبيحاول يسيطر على نفسو وبيهدى
يوسف / اية خلينا نتكلم شوية لو سمحتى انا اسف
و اية مش بترد علية
يوسف / اية انا اسف
و يوسف بيغير هدومه وبيخرج من الشقة و اية بتسمع باب الشقة وبتخرج من الحمام وبتعيط
ضحى قاعدة فى مكتبها بترسم وفجاة بتحس بلمسة على اديها وبتتخض
مصطفى /مش بتسالى قلت اجى اسال انا
ضحى / عامل اية
مصطفى / يعنى هعمل اية اهو عايش بقلب مكسور
و ضحى بتبصلو بحزن و مصطفى بيضحك
مصطفى / مش للدرجة دى عادى يعنى اتعوت مع الايام هاا انتى اخبارك اية
ضحى / انا بخيير الحمد لله
مصطفى / يعنى خلاص مبقاش فى اى ضغوطات عليكى
ضحى/ فعلاا انا دلوقتى حرة
انس/مش حرة اوى يا انسة ضحى اتفضلى معاياا عندنا اجتمااع
و انس بيخرج من المكتب وباين علية العصبية و مصطفى بيبتسم لضحى و ضحى بتاخد اوراق من المكتب وبتخرج وره انس وبتروح على قاعة الاجتماعات ومفيش حد موجود وبتتفاجا ان انس ورها
ضحى / انت قلت ان فى اجتماع
انس / و حشتينى اعمل اية
ضحى / بس مهندس انس لو مفيش اجتماع يباة من الافضل اروح اشوف شغلى
انس / شغلك دلوقتى هى البش مهندس مصطفى
ضحى / بعيد عن تلميحاتك دى حاجة تخصنى اناا
و انس بيروح عليها وبيمسكها من خصرهاا
ضحى / انت اتجننت ابعد عنى
انس / وحشتنى عيونك اوى و انس بيبسها من جبنهاا
و ضحى بتبعد عنو
ضحى / انت وعدتنى ان علاقتناا هتكون بين موظفة والمدير وبس
انس / مقدرتش اعمل اية بحبك وبموت فيكى
ضحى / يباة انا مليش مكان هناا
و انس بيمسك اديهاا وبيوقفها
انس / والله مش بمزاجك انك تروحى من هناا حضرتك لما اتعينتى هنا مضيتى على شرط جزائى مليون جنية شرط جزاائى
ضحى / مكنتش اعرف انك
انس / ضحى اسمعينى كويس انا بحبك وبعشقك ومش هسيبك ابدا انتى فاهمة واى حد هيقرب منك انا هنسفو انتى فاهمة انتى ضحى بتاعت انس وبس 😍
و ضحى بتبصلو بزهوول
انس / اة وكماان البلوزة الى انتى لبساة دى شفافة اوى ياريت ميتتلبسش تانى انتى فاهمة
و ضحى بتبصلو برفع حاجب
انس / هتعملى ايه حبيبك واحد غيور
وبيحدفهاا بوسة فى الهوى وبيخرج و ضحى وقفة مكنهاا فى زهول ومش عرفة تتكلم تقول اية وبتبتسم اوى
ضحى / دة مجنون دة
على واقف قدم كلية ميادة وبتخرج ميادة مع زمايلهاا وبتشوف على واقف وبيبصلهاا وبتستاذن من زمايلها وبتروح عليه
ميادة / على انت مستنى حد من اصحابك
على / لا كنت مستنيكى يعنى انتى عرفة كليتى قريبة وقلت اعدى اخدك معايا فى طريقى
ميادة / كليتك قريب الى بينى وبينك ساعتين
و على بيضحك
على / طب متعديهاا باة مش لازم تركزى
و ميادة بتضحك بخجل
ميادة / اوكى
على / خلينا نروح
وبيمشو مع بعض و على بيحاول يفتح اى موضوع يتكلمو فية
ضحى بتخلص شغلها ووقفة قدم الشركة مستنية تاكسى
و انس بيقف بعربيتو قدمهاا
انس / اركبى
ضحى / شكرا مستنية تاكسى
و انس بينزل وبيروح يفتحلهاا الباب
انس / اركبى يلاا هوصلك
ضحى / وانا قولتلك مستنية تاكسى
و انس بيركبهاا العربية غصب عنهاا وبيركب
ضحى / انت اتجننت افتح البااب
انس / معندناش بنات بتركب تاكسى لوحدهاا وخصوصا لما بيكونو حلويين وصغننين كدة
ضحى / لو موقفتش ونزلتنى هصوت وهقول انك خطفتنى
انس / قديمة عملتيها قبل كدة شوفى حاجة تانية يعنى حاجة جديدة
ضحى / انت فى حد ضربك على دماغك انت مش معقول
انس / انا بحب ولاول مرة اعرف يعنى اية حب
ضحى / انس متصعبش الموضوع بينا اكتر من كدة
انس / عادى انا مش بحب السهل ابدا
و ضحى متعصبة اوى وعنيها على الطريق وبتبعد عنيها من عيونو و انس مبسوط وبيبصلها فى المراياا
انس / انا عزمك على الغداء
ضحى / مش موفقة
انس / تحبى تاكلى اية انتى اختارى المكان
ضحى / يعنى بالعفياا
انس / اة بالعفياا يا ضحى ولو حكمت انى هربطك واخدك غصب عنك
ضحى / انت مستحيل تعمل كدة
انس / جربى انتى بس
ضحى / ماشى انا عوزة اكل هناا
و ضحى بتشاور لانس من العربية على محل كشرى
انس / كشرى
ضحى / اة
انس بيخدها وبيدخلو المحل و انس بيبص حولية باستغراب
ضحى / اية مش عجبك
انس / اى حاجة تعجبك يباة تعجبنى اناا
ضحى / لو سمحت اتنين كشرى بالشطة
انس / شطة
ضحى / انت ماكلتش كشرى قبل كدة
انس بيبصلهاا بقلق وبيهز راسو بنعم و ضحى بتكتم الضحكة والكشرى بيوصل و انس بيشوف ضحى بتعمل اية وبيعمل زيهاا و ضحى بتاكل و انس بياكل وفجاة مش قادر ياخد نفسو من الشطة و ضحى بتديلو مياة وبتضحك
انس / اااة ناار ناار فى حريقة
و ضحى بتضحك اوى ومش قدرة تمسك نفسهاا
انس / اية الاكلة دى
ضحى / دى اكلتى المفضلة لو مش عجبك خلاص ممكن تروح انت
انس/ لاا انا هاكل
و انس بياكل الكشرى وبيخرجو من المحل و ضحى بتبص لانس
ضحى / انت ودانك حمرة اوى لية
و انس بيبصلهاا وماسك نفسو وبيحط ايدو على بطنو بالم
ضحى / انت كويس
انس / انا اة كويس خلينى اوصلك
ضحى / باين عليك تعبان انا هاخد تاكسى
انس / لا انا هوصلك يلااا
يوسف بيرجع البيت وبيشوف اية نايمة على السرير وبيقرب منهاا وبيلمس شعرهاا بحنية و اية بتفتح عنيها وبتبصلو اوى بحزن و يوسف بتنزل دموعو
يوسف / اسف يا عمرى انا
و اية بتحضنو اوى وبتعيط و يوسف بيحضنها اوى
فى الليل
انس تعبان وماسك بطنو فى اوضته ورايح جاى على الحمام
وبتدخل كريمة
كريمة / خد يا حبيبى اشرب دى انت اكلت اية بس
انس / كشرى يا دادة
كريمة / كشرى وانت من امتى بتكلو
انس / اول مرة يا دادة واخر مرة
و انس بيجرى على الحماام بسرعة وكريمة بتسمعو بيتالم وبيدخل امير
امير/ ها عامل اية دلوقتى
كريمة / زى ما انت شايف
انس بيخرج من الحمام و امير بيشوفو بيضحك اوى
انس / امير انا مش مستحمل امشى من هناا
امير / انت لية بس اكلتو
انس / ضحى
امير / الحب بهدلة فعلاا
كريمة / يلاا روح على اوضتك انت هناا لحد دلوقتى لية يلاا
امير / تصبحو على خيير
كريمة / حبيبى تحب اعملك حاجة تانية
انس / لا يادادة تصبحى على خيير
وكريمة بتخرج
ضحى فى اوضتها وبتكلم كنزة وبتحكلها الى حصل
كنزة / لاا مش مصدقة البش مهندس اكل كشرى بجد
ضحى / ههههة وبالشطة
وكنزة بتضحك اوى
كنزة / انتى مش قليلة ابدا
ضحى / يلاا تصبحى على خيير نتقابل بكرة بااى
و ضحى بتقفل التلفون وبتفكر فى انس وبتبتسم اوى
وبتفتكر اول ما اكل الكشرى وهو بيبصلهاا بتاكل ازااى
وبياكل زيهاا ولما مقدرش يستحمل الشطة ووشو احمر اوى
و ضحى بتضحك اوى
ضحى / مجنون
و على بيدخل الاوضة
على / اخر مرة شفتك مبسوطة كدة من حوالى شهريين لما كنتى
ضحى / انا مبسوطة بيك يا حبيبى
و ضحى بتبص لعلى اوى
ضحى / وانت باة اية الى مغيرك كدة
على / انا لا مفيش حاجة هو انا
ضحى / على
على / انا قابلت ميادة النهاردة وانا راجع من الكلية
ضحى / قابلتهاا ولا رحتلهاا الكلية يعنى
على/ رحتلهاا الكلية
و ضحى بتمسك ايد على ومبسوطة اوى
ضحى / اتكلمتو
على / يعنى انا من زمان كنت معجب بيهاا يعنى ولما رجعت
ضحى. / معجب بس دة انت كنت فاضحناا فى الشارع كلو عاوز ميادة هتولى ميادة
و ضحى بتحضن على اوى
ضحى. /ربنا يسعدك ياروحى انا مبسوطة اوى علشانك
على / ان شاء الله لما اتخرج واشتغل هنروح نطلبهاا
ضحى / طبعاا مدام انت عاوز كدة
و على بيبوس ضحى من خدهاا
اية بتفتح عنيها بتشوف يوسف جمبهاا وبتبصلو اوى وهو نايم وبتفتكر عصبيتو معاهاا وبتمسك الموبيل لسة هتكلم ضحى وبتفكر وبتسيب الموبيل تانى من اديهاا
فى الصباح طارق بيخرج من الاوضة وبيشوف سالى قاعدة بتشرب خمر وسكرانة
طارق / انتى طول الليل كدة هتفضلى كدة يعنى كتيير
سالى / انت الى سربت الخبر للصحافة
طارق / خبر اية
سالى / خبر جوازى منك يا زوجى الحبيب
طارق / اة انا يعنى انتى عملة دة كلو علشان الخبر
سالى / انا بكرهك
وسالى بتمسك ازاازة الخمر لسة هتضرب طارق وطارق بيمسهاا وهى مش قدرة تقف واديها مش متوزنة
طارق /اية عوزة تقتلينى زى ما قتلتى سعد
سالى بتتخض ومش عرفة تتكلم
سالى / لااا انا مقتلتوش لاا مقتلتوش
طارق/ لا انتى الى قتلتى لما سعد قالك لازم تقولى لانس ان انتى السبب فى المشكلة دى وا انتى الى كنتى بتغرينى وفى نفس الوقت كنتى مع انس وسعتهاا زقتى سعد بقوة من على الجبل
سالى / لاا انا كنت ببعدو عنى
طارق / لاا كدابة انتى الى قتلتية
وسالى بتصرخ وبتنهاار
سالى / لاا لا مش انا الى قتلتو لااا لااا انا مقتلتوش لاا
انس فى الجنينة بيلعب رياضة وبيشوف والد خارج ورايح
فى اتجاة العربية
و انس بيروح علية
انس / بابااا انت رايح فيين
عبد الرحمن / عندى شغل مهم انت روح خد دوش احسن تبرد
انس / كنت عاوز اتكلم معاك فى موضوع مهم
عبد الرحمن / موضوع اية
انس / موضوع امير
و عبد الرحمن بيبص لانس اوى
انس. / من الاحسن اننا نتكلم بهدوء
عبد الرحمن / نباة نتكلم فى الشركة انا مشغول
انس / بابا انت رايح فيين انت من فترة وانت بتخرج وبترجع متاخر ومعنديش اى معلومات انت بتروح فين او بتعمل اية
عبد الرحمن / انت الى ابنى على فكرة مش انا
انس / اسف بس انا
عبد الرحمن / خلينى امشى وانت يلاا روح خد دوش دافى
و عبد الرحمن بيركب العربية وبيمشى و انس بيبص للعربية اوى
كريمة / انس القهوة يا حبيبى
و انس بيدخل الفيلااا
فى الشركة.
ضحى بتدخل لكنزة المكتب وبتشفها نايمة على المكتب
ضحى/ اية صح النوم حضرتك طبعا سهرانة طول الليل وجاية تنامى فى المكتب
كنزة /فعلاا طول الليل سهرانة فى القسم
ضحى / قسم
كنزة / اة ياسيتى بعد ما كلمتك روحت اعمل نسكافية لقيت باب المطبخ مكسور
ضحى / وانتى لية مكلمتنيش هاا انتى بخيير حصلك حاجة
كنزة / الشرطة قالت ان حرامى كسر الباب وكان هيدخل ولما حس بيا بدخل المطبخ هرب بسرعة
ضحى/ ووالدك ووالدتك هم
كنزة / باباا وماما مسفريين انتى عرفة علشان ظروف شغلهم
ضحى / وانتى هتعملى اية
كنزة /خليت البواب يصلح الباب وعملت علية جهاز انذاار متقلقيش
ضحى/ لا كدة مش هينفع ابدا انتى بعد الشغل هتيجى معاايا
ومفيش اى نقاش انتى فاهمة
كنزة / متقلقيش بس بابا اتصل بشركة تاميين وهيبعتولى حد حراسة يعنى
ضحى / لا طبعاا انتى هتيجى معايا يااة اتاخرت لازم اروح اسلم التصميم
و ضحى بتخرج بسرعة وبتخبط فى انس و انس بيمسكها من خصرها وبيضمهاا علية
انس / صباح الخير يا عمرى
و ضحى بتبص حوليها بخجل وبتحاول تبعدو عنهاا وبتقرصو من كتفو وبتبعد عنو بسرعة
انس / ااة انتى
ضحى / ولو قررتها تانى هتشوف حاجة اقوى من كدة
انس / حمستينى عاوز اشوف هتعملى اية تانى
وانس لسة بيقرب منها تانى و ضحى بتجرى على مكتبهاا بسرعة و انس بيضحك اوى و ضحى بتدخل مكتبها وبتقفل الباب وبتحط اديها على قلبها وبتضحك على نفسهاا ولسة
بتبص ورها على المكتب بتشوف المكتب كلو ورد ابيض
ضحى بتقرب منهم وبتلمسهم وبتشم ريحتهم وبتغمض عنيها بتحاول تستمتع بريحتهم وفجاة بيقرب منها و انس وبيحضنها من ضهرهاا
انس / النهاردة جاى انا واهلى علشان نطلب ايدك رسمى
و ضحى بتبعد عنو
ضحى / وانا مش موفقة
انس / حببتى انا مش بسالك موفقة ولا لاا انا بعرفك وبس
المجلة دى فيهاا تصميم فلل كتير هتعجبك اختارى الى ينسبك ياعمرى علشان يكون بيت العمر
ضحى / انت سامعنى انت اكيد مش طبيعى
انس / حببتى اكيد الى يحبك ميكنش طبيعى ابدا اة والنهاردة هتخدى نصف يوم علشان تجهزى نفسك ماشى
و انس بيخرج من المكتب و ضحى وقفة مصدومة
التعليقات على الموضوع