رواية النمر🤔الحلقه 24
الحلقة ال ٢٤
بسمة / انا جاهزة خلينا نمشى
سعاد / استنو خد دة معاك
معاذ / اية دة
سعاد / دة شوية اكل انا عرفة ان اكل الطيارة اى حاجة
معاذ بيبتسم اوى
معاذ / حاضر
وبينزل هو و بسمة وبيركبو العربية وسعاد بتبص عليهم من البلكونة
بسمة / معاذ فكر كويس يا معاذ انت كدة
معاذ مبيردش على بسمة وبيسوق العربية من غير ما يتكلم
***********************.
لؤلؤة قاعدة فى اوضتها مع ماهر و ايات ومحمود
ماهر / لؤلؤة لو حاسة انك مش نرتاحة للعملية دى خلينا ناجلها
لؤلؤة/ لا انا تعبت من الضلمة باة عوزة ارجع للنور من تانى
والباب بيخبط وبيتفتح وبتكون شهد و لؤلؤة بتحاول تسمع صوت اى حد تانى حوليها
شهد / ها جاهزة يا لؤلؤة
لؤلؤة سرحانة
لؤلؤة / ايات هو
ايات / زمان معاذ دلوقتى فى الطيارة
لؤلؤة / وميين قالك انى هسالك علية
ايات / انا عرفة يا لؤلؤة ان قلبك وجعك اوى بس انا متاكدة ان كل حاجة هترجع لطبيعتها
بسمة بتدخل
بسمة / لؤلؤة ميعاد العملية دلوقتى خلينا نروح
ماهر وكلهم بيحضنو لؤلؤة و لؤلؤة عوزة تسمع صوت معاذ
كان عندها امل انو يكون موجوود معها
بسمة / معلش كلكو خليكو هنا انا هاخد لؤلؤة وبس ولما العملية تخلص انا هاجى ابلغكو
بسمة بتاخد لؤلؤة معها و لؤلؤة ماسكة فى بسمة ومشيين مع بعض وبيركبو الاسنسير
لؤلؤة / هو فى حد معانا فى الاسنسير
بسمة / لا انتى كنتى عوزة حد معانا
لؤلؤة/ لااا
بسمة / انا حبة اشكرك يا لؤلؤة
لؤلؤة / على اية
بسمة / معاذ كان عندنا انمبارح وبات فى حضن ماما كمان
لؤلؤة مبسوطة اوى
لؤلؤة / انا كنت متاكدة انو هيعمل كدة
وبيوصلو للدور بتعهم وبيخلو لؤلؤة تقاعد على كرسى متحرك وبيدخلوها على العمليات
بسمة / لؤلؤة احنا دلوقتى هنديكى البنج
لؤلؤة / والمتبرع معايا هنا فى نفس الاوضة
بسمة / لسة ثوانى وهيجبوة اة خلاص جبوة هنا
وبيحطو المتبرع على سرير جمب سرير لؤلؤة
و لؤلؤة بتبص فى اتجاها
لؤلؤة / هو ميت
بسمة / اة تقريبا يعنى القلب شغال بالاجهزة
لؤلؤة / بس مش عرفة لية حاسة بنفسو جمبى
بسمة / لؤلؤة يلا هنبدا حالا الدكتور وصل وانا هكون جمبك
لؤلؤة بتاخد نفس عميق
بسمة / لؤلؤة فكرى فى حاجة تسعدك
لؤلؤة والدكتور بيدىها البنج كانت بتحاول تدور على اسعد حاجة فى حياتها ملقتش غير معاذ تفكر فية
***************.
سعاد فى المطبخ بتجهز فطار لوائل وبتخرج
سعاد / حبيبى يلا انا جهزتلك الفطار الى انت طلبتو
وائل بيفطر
سعاد / انت تعرف باة انت خالك كان كل يوم يفطر الفطار دة بس هو كان بيدوخنى علشان يشرب اللبن بتاعو اما انت حبيبى هتشرب اللبن دة كلو لوحدك يلا
ولسة سعاد بتجيب كوبية اللبن لوائل الكوبية بتقع من اديها على الارض و سعاد بتقلق اوى وبتبص على صورة معاذ
********************.
فى المشفى
العملية خلصت وبينقلو لؤلؤة على العناية و بسمة بتروح تطمنهم ان لؤلؤة خرجت
بسمة / الحمد لله لؤلؤة خرجت من العمليات والعملية نجحت
ماهر / انا لزم اشفها
بسمة / ممنوع دلوقتى دى عملية مش صغيرة ابدا ولزم ترتاح ولما تفوق اكيد هننقلها على اوضتها وكلكو هتشفوها
ايات / هى هتفوق امتى
بسمة / قدمها حوالى ٣ ساعات كمان
شهد / المهم انها بخير
ماهر / شهد خلينى اوصلك انتى اتاخرتى
ماهر / ايات لو فى اى حاجة حصلت بلغينى بسرعة
ماهر راح علشان يوصل شهد و بعد ثلاث ساعات بينقلو لؤلؤة على اوضتها ومحمود و ايات و ماهر جمبها و لؤلؤة بتبدا تفوق وربطيين عيونها
لؤلؤة / اااة
ماهر / لؤلؤة حمدالله على سلمتك يا حببتى
لؤلؤة / انا فيين
ايات / خلاص انتى عملتى العملية والعملية نجحت يا لؤلؤة
لؤلؤة / امتى هشيل دة
ماهر / الدكتور قال بكرة هيشيل الشاش من على عيونك
بسمة فى اوضة وقفة قدم مريض ومستنية جمبو
المريض / اااة اااة
بسمة / معاذ
معاذ ماسك دماغو اوى
معاذ / دماغى ااة دماغى هتنفجر
بسمة / انا هديك مسكن حالا
معاذ / لاا لؤلؤة لؤلؤة عاملة اية
بسمة / العملية نجحت لؤلؤة بخير ونقلناها على اوضتها ممكن باة تفكر فى نفسك شوية كفاية كدة
معاذ ساكت ومبيتكلمش
بسمة / انا مش قدرة لحد دلوقتى اصدق انك عملت كدة انت ضحيت بحياتك علشنها وهى حتى مش عوزة تسمع اسمك خلينى اقولها على الى انت عملتو علشانها
معاذ / لاااا بسمة لااا لو لؤلؤة عرفت هتحس بالندم وهتزعل انتى متعرفيش لؤلؤة انا مقدرش اشفها حزينة ابدا كدة احسن كدة مع الوقت هتنسانى وتقدر تعيش حيتها
بسمة / التضحية الى انت ضحتها للؤلؤة كلفتك كتيير اوى
معاذ / مش مهم المهم انها بخير الحب الى فى قلبى للؤلؤة
يخلينى مش بس اديها عيونى لا اديها قلبى
بسمة / ازاى فى حب كدة
معاذ / صداع دماغى
بسمة بتروح علية وبتديلو ابرة مسكن للالام
معاذ / روحى للؤلؤة خليكى جمبها
بسمة / معاذ انت بتقول اية لؤلؤة كلهم حوليها ممكن تسكت باة وخلينى اهتم بيك انت
معاذ / بسمة انا كويس انتى بس
بسمة بتتعصب اوى
بسمة / معاذ كفاية باة انت مش حاسس بيا ابدا انت اخويا كفاية باة
و بسمة بتعيط وبتنام على صدر معاذ و معاذ بيضمها بايدو
معاذ / هكون بخير متخفيش عليا
بسمة / ممكن باة تخلينى اهتم بيك
معاذ / يلا يا ست الدكتورة شوفى شغلك
*******************،.
بعد ٢٤ ساعة بيدخل الدكتور فى اوضة لؤلؤة
الدكتور / جهزة اننا نشيل الشاش من على عيونك
لؤلؤة بتبتسم
لؤلؤة / مستعدة طبعا
ماهر بيروح على لؤلؤة وبيمسك اديها اوى والدكتور بيروح على لؤلؤة وبيبدا يفك من على عيونها
**********************.
بسمة عند معاذ بتشيل من على عيونو الشاش و بسمة دموعها بتنزل
معاذ / اهلا بالحياة الجديدة
بسمة بتحضنو اوى وبتعيط
معاذ / لؤلؤة لو سمحتى بسمة روحى للؤلؤة
بسمة / حاضر
بسمة بتمسح دموعها وبتروح للؤلؤة الاوضة و لؤلؤة كانت لسة هتفتح عنيها و بتبص حوليها وكانها كانت بتدور على حد تانى
ماهر / لؤلؤة انتى
لؤلؤة / انا شيفاك
ماهر بيحضن لؤلؤة اوى والكل فرحان و بسمة بتروح على لؤلؤة
بسمة / حمدالله على سلامتك يا لؤلؤة عيونك دول غاليين اوى خلى بالك منهم
لؤلؤة بتبص لبسمة اوى
الدكتور / مبرووك يا انسة وحمدالله على سلمتك انتى لزم
كل اسبوع تكونى عندى ونتابع حالتك
ماهر / حاضر يا دكتور انا هجبها بنفسى
بسمة بتخرج و لؤلؤة بتبص عليها و مستغربة اوى من حزن بسمة
ايات / احنا ممكن نخرجها امتى يا دكتور
الدكتور / النهاردة لو هى حبى بس هتستعملى نضارة شمس شوية لحد ما جسمك يتعود على الجسم الجديد
لؤلؤة / حاضر يا دكتور
الدكتور بيخرج وبيسبهم و لؤلؤة فرحانة اوى ومعاها ماهر و ايات ومحمود
محمود / خلونا نرجع البيت باة
ماهر / فعلا الواحد تعب من جو المستشفى دة
لؤلؤة قاعدة سرحانة والكل حوليها مبسوط وبيتكلمو وبيضحكو
***********************.
بعد اسبوع
لؤلؤة فى اوضتها فى البكونة و ايات بتدخل عليها
ايات / انتى هتفضلى كدة
لؤلؤة/ كدة اية فى اية مالك
ايات / انتى من يوم ما خرجتى من المستشفى وانتى فى الاوضة يلا خلينا نخرج علاء مستنين تحت تعالى غيرى جو معانا
لؤلؤة / لا مش حبة اخرج روحى انتى و علاء
ايات / انتى اية الى بتعملية فى نفسك دة مش معقول يا لؤلؤة
لؤلؤة / ايات خلاص باة انا حبة اكون لوحدى شوية
ايات / مدام بتحبية اوى كدة لية مقدرتيش تسمعيه
لؤلؤة / انتى مفيش فايدة فيكى انا هخرج واسبلك الاوضة خالص
ولسة لؤلؤة هتخرج وبتحس بدوخة وبتشوف خيالات قدم عنيها و ايات بتجرى عليها
ايات / لؤلؤة لؤلؤة انتى كويسة
لؤلؤة / مفيش بس دخت شوية
ايات / تعالى اقاعدي هنا انا اسفة خلاص مش هكلمك فى الموضوع دة تانى
لؤلؤة دموعها بتنزل
لؤلؤة / ايات انا مش قدرة انساة عوزة انساة باة انا تعبت
ايات بتحضنها اوى وبتهديها و لؤلؤة بتمسح دموعها
لؤلؤة / خلاص يلا روحى علشان متتاخريش على علاء اكتر من كدة
ايات / متاكدة انك بخير
لؤلؤة / يلا روحى باة صدعتينى باة
ايات بتمشى وبتسبها لوحدها
**********************.
معاذ قاعد فى جنينة الفيلا بتعتو وماكس جمبو على الارض
و بسمة بتروح علية وماكس بيجرى عليها
معاذ / ماااكس
معاذ بيسمع خطوات بسمة
معاذ / اهلا يا بسمة
بسمة / عامل اية النهاردة
معاذ بيسكت وبيحاول يسمع حولية
معاذ/ ميين معاكى
سعاد بتقرب علية وبتحط اديها على خدو بحنية وبتعيط
معاذ / امى
سعاد / لية تحرق قلبى عليك يا ابنى بعد ما قلت خلاص ربنا رجعك ليا تانى
معاذ / امى وحشتينى
معاذ بيمسك اديها وبيبسها و معاذ بيبص فى اتجاة بسمة وبيكلمها بلووم
معاذ / لية كدة انتى وعدتينى
سعاد بتحضن معاذ وبتعيط و معاذ بيحضنها اوى
معاذ / امى انا بخيير متقلقيش عليا
سعاد / انا مش هسيبك انت هتيجى معايا
معاذ / امى انا مرتاح كدة خلينى برحتى
سعاد / ازاى يعنى اسيبك لوحدك وانت فى الحالة دى
معاذ / انا مرتاح كدة ولو سمحتى مش حابب حد يضغط عليا انا حابب اتاقلم بحياتى الجديدة
سعاد / لو انت مش حابب تيجى معايا انا هفضل هنا معاك مش هسيبك
معاذ / يا امى انتي
سعاد/ مش عوزة اسمع كلام تانى انت فاهم يلا تعالة جوة يالا
وسعاد بتمسك ايد معاذ وبيدخلو على الفيلا
***********************.
سعاد قاعدة فى الرسبشن و معاذ نايم على رجليها وبتلمس على شعرو بحنية
معاذ / اقولك حاجة يا امى
سعاد / قول يا حبيبى
معاذ / بحمد ربنا انك معايا بتهونى عليا الايام
وسعاد بتعيط وبتحضنو اوى
سعاد / يعنى هى تستاهل انك تديها ضى عيونك يا ابنى
معاذ بياخد نفس عميق
معاذ / تستاهل تستاهل يا امى وتستاهل انى اديها روحى كمان
التعليقات على الموضوع