حبك اقتحم حياتي🌸الحلقه22🌸
الحلقة 22
و ضحى بتبصلو بغضب وبتاخد شنطتهاا وبتخرج من المطعم و انس بيروح ورها بسرعة وبيوقفهاا
انس / ضحى استنى
ضحى / سيب ايدى لو سمحت
و انس بيشوف ناس حوليهم وبيبصلهم اوى
انس / ضحى الناس عرفوناا احنا ميين اهدى شوية اركبى اوصلك
و ضحى بتبص حوليها وبتشوف الناس بتبصلهم فعلاا وبيتكلمو عليهم وبيروح عليهم بنتين حوالى ١٧ سنة
البنتين / انتى ضحى صح
و انس بيقرب من ضحى وبيلف دراعو حولين ضحى
انس / بعد ازنكو لازم نروح
البنتين / بلييز عوزين نتصور معااكو بلييز صورة وحدة
انس / اسف احنا مستعجلين
ضحى / لاا ممكن نتصور معااكو طبعاا
و انس بيبص لضحى و ضحى بتبصلو اوى والبنتين بيتصورو معاهم انس و ضحى مكنوش وخدين بلهم انهم هيصورو خلاص والبنتين مبسوطيين او ى
البنتين / انا متاكدة ان الصورة دى هتاخد كمية ليكاات محصلتش انا بتمنى ان فى حد يحبنى كدة ان الحب الى فى عنيكو واااو روعة
والبنتين بيروحو بسرعة
انس / يعنى فاضل انهم يعملولنا كتااب بعد كدة
ضحى / خلينا نروح
انس و ضحى بيركبو العربية وبيمشو ولسة ضحى هتتعصب علية وتتكلم وموبيل انس بيرن وبيرد على الموبيل
انس / حببتى قلقتينى عليكى اخيرا فتحتى الموبيل
سالى / انس اسفة بس انا تعبانة شوية
و انس بيوقف العربية بسرعة
انس / تعبانة فيكى اية انتى فى البيت اتكلمى ساالى
سالى / انا كويسة انا فى البيت بس باين انى اخت برد
انس / انتى اكيد مش مخبية عنى حاجة صح يا حببتى متقلقنيش عليكى
و ضحى بتنزل من العربية بعصبية وبتوقف تاكسى
انس / ضحى استنى
سالى / انت معااها
انس / الو ساالى حببتى انا هكلمك تانى
سالى / لا متكلمنيش خالص احسن
وسالى بتقفل وبترمى الموبيل بعصبية وبتصرخ وانس بيبص لضحى وبيشفهاا مشية بالتاكسى وبيبص للموبيل وبيتعصب اوى
امير بيروح لادهم و بيروح علية
امير / بقالى اسبوع بحاول اكلمك
ادهم / انت لازم تصلح غلطتك
امير / انا عارف انى غلطت بس مكنتش اتمنى اننا نوصل للموقف دة
و ادهم بيهجم على امير وبيمسكو من هدومه
ادهم / موقف اية يا حيواان دى اخر حاجة ممكن اتخيلها انك تعمل كدة تهتك عرضى وشرفى
و امير بيبص لادهم اوى وبيبعد ايدو عنو
امير / انا مش فاهم انت مكبر الموضوع لية اة انا غلطت بس مش لدرجة شرف وعرض والكلام الكبير دة
ادهم / اخر حاجة ممكن اتخيلهاا ان انت تعمل كدة انت هتروح معاايا وهتكتب كتابك على زينب وبعد كدة مش عاوز اشوف وشك ولا وشهاا تاانى
امير / كتب كتاب اية انت اتجننت
ادهم / دى الحاجة الوحيدة الى لازم تحصل حالا قبل ما حد يعرف لو اهلهاا عرفو هيقتلوهاا قبل ما يقتلوك
امير / ادهم انت فاهم غلط خالص اهدى شوية انا
ادهم / فاهم غلط والى فى بطنهاا دة اية هاا هو كمان فاهم غلط
امير / انا كل الى بينى وبين زينب مجرد كام مكالمة ومقابلتين فى مكان عاام وبس
ضحى بتروح البيت ومتعصبة اوى وبتلف فى الاوضة
وجرز الباب بيرن و ضحى بتفتح وبتكون اية
سكينة / ضحى انتى رجعتى بدرى لية حصل حاجة انتى كويسة
و ضحى بتدخل ومبتردش عليهاا و اية بتروح ورها
اية / ضحى فى اية مالك
ضحى / انا بحبو يا اية
اية / هو مين
و ضحى بتحط اديهاا على عيونها وبتعيط و اية بتحضنهاا اوى
اية / هشش خلاص اهدى
انس بيفتح شقة سالى بالمفتاح وبيدخل
انس/ سالى ساالى
وبيدخل اوضة النوم وبيشوف سالى على السرير وبتعيط
وبيجرى عليهاا وبيملس على خدهاا
انس / سالى حياتى انتى بخيير
و سالى بتبص انس اوى وبتحضنو
سالى / انس انا بحبك اوى
و انس بيمسحلهاا دمعهاا
انس / وانا كمان ياروحى بحبك اوى
سالى / متسبنيش انا مقدرش اعيش من غيرك انا اموت من غيرك
انس / هششش انا جمبك اهدى يا روحى اهدى
وسالى بتعيط فى حضن انس
ضحى بتعيط فى حضن اية
اية / ضحى ممكن تهدى وتقوليلى اية الى حصل بالضبط
و ضحى بتحكى اية الى حصل و اية مبتسمة اوى
اية / يعنى الى عمل فيكى كدة الغيرة صح مش كدة
ضحى / اووف اه
اية / واكيد انتى مش متسبيهاا تخدو منك
ضحى / تخدو منى اناا ميين اصلاا انا ولا حااجة بالنسبة لية
اية / متقوليش كدة صدقينى نظرت عيونو ليكى مختلفة
ضحى / اية هو بيحبهاا هى بلاش اضحك على نفسى واعيش احلام مش بتعتى
اية / ايوة استسلمى من اول الطريق خلاص خليكى هتفضلى طول عمرك كدة بتتنزلى عن كل حااجة بسهولة انتى لازم تحربى يا ضحى
ضحى / احارب اية بس
اية / خلاص انا هسكت خالص وانتى خليكى كدة زى ما انتى
نفس الى عملتو ليلي معاكى زمان
ضحى / ليلي اية بس يا اية
اية/ فكرة اخدت منك عز ازااى كانت كل يوم تجبلو سندوتشات مربة بالفرولة علشان تزغلل عنية الكلبة
ضحى / هو الى كان غبى انا كنت بجبلو جبنة من احسن انوااع
و اية و ضحى بيبصو لبعض وبيضحكو اوى
ضحى / انتى فظيعة اوى
اية / يباة لازم متستسلميش ابداا
ضحى / يعنى هعمل اية
اية / تعملى اية دة محتااج ماج كبتشينو من ايدك الحلوة
ضحى / مستغلة
اية / هى بتجيلى الفرصة مرة وحدة يلاا اتحركى
فيين الماج بتااعى
و اية بتدفع ضحى على المطبخ و بتبص لضحى اوى بحب وهى مشية وبتتنهد اوى
امير بيروح لزينب البيت
زينب / امير
امير / عاوز اتكلم معااكى
زينب / انا انا كنت بدور عليك مكنتش عرفة اوصلك انت انت
امير / خلينا نتكلم شوية
زينب / ادخل تعالة بابا وماما مش هنااا
و امير بيدخل
زينب / انت وحشتينى اوى ازااى تسبنى ولا خبر واحد عنك
امير/ انا رحت لادهم واتكلمت معااة وقلتلو اننا بنحب بعض وانى عاوز نرتبط رسمى
و زينب بتحضن امير اوى
زينب / عرفة انك مش هتتخلا عنى انا عرفة انك بتحبنى ومش هتسبنى علشان ادهم عرفة انك هتدافع عن حبنا وان غيابك عنى علشان ترجع وبقوة انا كنت متاكدة
امير / بس هو قالى خبر غريب قلت لازم اجى واتاكد
زينب / عرفة انى حامل صح
امير / حاامل
زينب / لاا انا بس قلتلو كدة علشان يبعد عنى ويسبنى فى حالى
امير / يعنى انتى مش حامل منى
زينب / لا ازااى يعنى مسكت الايد دى اكيد مش هتخلينى حامل
و امير بيفتح الباب تانى وبيكون ادهم قدم الباب وماسك الموبيل فى ايدو وسمع كل حاجة
زينب / ادهم
ادهم / امير خلينا نروح من هنااا
و امير بيبص لزينب اوى بغضب وبيخرج مع امير بينزل وره ادهم بسرعة
امير/ ادهم استنى رايح فيين لازم نتكلم
ادهم / لا مفيش كلام تاانى
امير / حتى بعد الى سمعتو بنفسك
ادهم / انا معنديش ثقة فيك ابدا دى كانت هتكون مرااتى وام عيالى وانت
وادهم مبيقدرش يقولهاا و بيمشى و امير بيبصلو بحزن
امير / اسف
فى الصباح انس فى اوضته وبتدخل كريمة وبتروح على انس
كريمة / انس يا ابنى
وانس بيتخض
انس / دادة كريمة فى اية بابا كويس
كريمة / اة يا ابنى متخفش بس الساعة ٩ انت اول مرة تتاخر كدة فى النوم
و انس بياخد موبيلو وبيشوف السااعة و كريمة بتحط اديها على جبينو
كريمة / اوعة تكون تعبان
انس / دادة جهزيلى القهوة لحد ما اخد دوش لو سمحتى
وكريمة بتخرج و انس بيتنهد وبيروح على الحماام
ضحى فى الشركة مع كنزة بترتب معاهاا الورق
كنزة / اعمل اية اروح اقولو انا بحبك
ضحى / ولية لاا
كنزة / لية لاا علشان هو الراجل ياا ضحى هو الى لازم يخطى الخطوة دى مش انا
ضحى / ولو استنيتى ان محمد يقولك بحبك يباة هتستنى كتير
كنزة / انتى جاية هناا علشان تسعدينى ولا علشاان تعقدينى اكتر
ضحى / كنت سعدت نفسى اسعدك انتى ازاى
كنزة / انتى هو فى حد زيك يا سيتى خطيبك من اكبر رجال الاعمال وشاب ووسيم صوركو كل يوم فى المجلات عوزة اية تانى
ضحى / عوزة اهم حااجة يا كنزة
كنزة / بتقصدى اية
ضحى / ولا حاجة انا ريحة مكتبى
كنزة /استنى ريحة فيين مش هتفطرى معايا
ضحى / لا انا فطرت قبل ما انزل
و ضحى بتروح على المكتب وبتدخل مكتب انس وبتبص على مكتبو وبتقرب من المكتب وبتلمس القلم بتاعو ولاب توب بتاعو باديهاا وكنزة بتدخل المكتب و ضحى بتتخض
ضحى / خضتينى كنت بحسبك البش مهندس انس
كنزة / الامن اتصل بيقول فى تحت فى الاستقبال اتنين من جريدة طلبين يقبلو البش مهندس
ضحى / لية
كنزة / مش عرفة و ياريت متخرجيش من المكتب احسن
ضحى / خلينى اهرب فى الزنزانة بتعتى
و ضحى بتدخل مكتبهاا من الباب الزجاجى الى بين مكتبها ومكتب انس
مصطفى فى مكتبو مع كرم
كرم / مصطفى معاك حاجة للصداع
مصطفى / لاا
كرم / انت من. اليوم الى رجعت فية من الاجازة وانت مش على بعضك ابدا فى اية مالك
مصطفى / مفيش حاجة سبنى لوحدى
كرم / خلاص برحتك بس بلااش توجع راسك على الفاضى فكر فى شغلك احسن ليك
و مصطفى بيتعصب وبيدفع كرم وبيخرج من المكتب
وبيدخل عيسى المكتب
عيسى / كرم فى اية
كرم / مصطفى باين علية اتجنن
و مصطفى بيروح مكتب ضحى وبيدخل بسرعة بغضب
و ضحى بتتخض
ضحى / مصطفى
مصطفى / تعالى معاياا
ضحى / اجى معااك فيين مالك فى اية
و مصطفى بيروح على ضحى وبيمسك اديهاا
مصطفى / ضحى خلينا نروح من هناا انا مش قادر استحمل ابداا
ضحى / مصطفى انت بتوجعنى سيب ايدى
و مصطفى بيبص على ايدو وبيشوف انو ضاغط على ايد ضحى بقوة
طاهر / انا اسف انا بس اعصابى تعبانة شوية ضحى انا مصدقت انى لقيتك مستحيل اخليكى تخرجى من حياتى
ضحى / مصطفى ارجووك
انس بيدخل مكتبو وبيبص على مكتب ضحى وبيشوف مصطفى ماسك ايد ضحى وبيقف بيبصلهم بغضب وباب مكتب انس بيخبط وبتدخل كنزة ومعاها الصحفية
و انس بيتوتر اوى وخايف الصحفية تشوف ضحى و مصطفى و انس بيحاول يلفت نظر الصحفية بعييد باى طريقة عن ضحى بس الصحفية اخدت بلهاا ان انس متوتر دة غير العادة وبتشوف ضحى من الباب الزجاجى من اوضة
انس ومعااها مصطفى فى الاوضة التانية الصحفية فجاة
بتصور ضحى و مصطفى
و ضحى بتشوف الفلاش بتاع الكاميرة وبتشوف الصحفية وبتتخض و انس بياخد من الصحفية الكاميرة بتاعتهاا وبيحدفهاا بقوة
الصحفية / انت ازااى تعمل كدة
انس / وانتى ازااى تصورى من غير استازاان
الصحفية / انا هشتكى عليكو وهعلن للناس قد اية اشهر اتنين فى البلد حيتهم مش مثالية زى ما هم مفكريين ونتقابل يا بش مهندس
والصحفية بتخرج متعصبة و ضحى بتروح على مكتب انس
ضحى / انس
انس / اخرصى
وكنزة بتتخض وبتخرج من الاوضة و مصطفى بيشوف انس متعصب بيدخل مع ضحى المكتب
انس / انا بحااول اخبى المصايب بتعتك بس انتى للاسف
مش قد الثقة ابداا
مصطفى / انا مسمحلكش انك تكلمهاا بالاسلوب دة
و ضحى دمو عهاا بتنزل
ضحى / مصطفى لو سمحت خلاص هو عندو حق
مصطفى / عندو حق انتى لية تسكتى بعد الى ضحيتى علشانهم بسمعتك وبحياتك بعد دة كلو
انس / وحبيب القلب كمان عارف كل حااجة
و ضحى بتبص لانس
انس / برافو عليكى براافو ميين تانى قولتيلو ومش بعيد انى اخرج القى الموظفيين كلهم عرفيين انتى بتلعبى بمستقبلى انا مش مصدق انى اديت الثقة دى لوحدة زيك
التعليقات على الموضوع